رواية تخطيط شيطاني الفصل الثاني بقلم محمود الأمين
الجث. ة اللي قدامي كانت جث. ة سواق تاكس.. والتاكس بتاعه كان راكن في نفس المكان اللي موجودة فيه الجث. ة.. والراجل ده إحنا شفناه في كاميرات المراقبة بتاعة المطار، ولما سألنا عليه مدام إيمان قالت إن ده الشخص الملازم لبنتها من يوم ما نزلت مصر، وإنها أخدت رقم تليفونه عشان بتعوزه في المشاوير.. قربت من جث. ة الراجل اللي على الأرض، كان في الستينات من عمره، واضح إنه تعرض لخنق بحبل، وإن اللي عمل فيه كده كان راكب معاه في التاكس في الكنبة اللي ورا.. آثار الخنق كانت واضحة جدًا على الرقبة، ومن الواضح إنها كانت بحبل شديد أو سلك متين.
وبعد أقل من نص ساعة، كانت رجالة المعمل الجنائي والطب الشرعي وصلت المكان، وبدأ فحص الجث. ة والتاكس اللي أكيد تمت فيه الجري. مة، واترفعت البصمات منه.
ودكتور الطب الشرعي أكد على نفس الكلام اللي أنا استنتجته لما شوفت الجث. ة، وإن القاتل كان راكب في الكنبة اللي ورا وخنق الجث. ة بحبل أو سلك.
في آثار مقاومة واضحة على إيدين المجني عليه، بتبين إنه كان بيحاول يقاوم القاتل، ولكن واضح إنه كان أقوى منه وقدر يخلص عليه.
ومن البطاقة الشخصية عرفنا إن الراجل ده اسمه سليمان عبد التواب، وعرفنا عنوانه، ولما عملنا عنه تحريات سريعة، عرفنا إنه عنده ولد وبنت لسه متخرجين من الجامعة، وإن مراته متوفية من سنتين.. اتنقلت الجث. ة للطب الشرعي، وتم التحفظ على التاكس الخاص بيه.
وكانت أصعب لحظة عدت عليا لما بلغت ولاده بالخبر عشان يجوا ويشوفوا جث. ته في المشرحة.
ودلوقتي إحنا بقى عندنا أول خيط هيوصلنا لسلمى عادل.. جري. مة ق. تل حصلت للسواق اللي كان معاها يوم الاختفاء، وده على حسب كلام والدتها اللي لما عرفت إن الراجل ده اتق. تل، قالت إنه اتحرك بيها من قدام البيت لما خرجت الصبح.. والمكان اللي لقينا فيه الجث. ة والتاكس قريب من الشقة اللي الراجل اللي اسمه فادي كان مأجرها لشخص مجهول، ولقينا فيها لبس سلمى والسائل الذكوري وبقع الدم اللي على الأرض.
وباستنتاج بسيط نقدر نقول إن الشخص ده خلص على سلمى في الأول، وبعدها خلص على سواق التاكس عشان هو الشاهد الوحيد عليه.
ومع كل التفاصيل اللي عندنا دي، كان المشتبه فيه الأول هو طه السيوفي، اللي قبضنا عليه فعلًا عشان نحقق معاه ونشوف إذا كان هو اللي عمل كده ولا لأ؟.. ومن خلال السائل الذكوري تم أخذ عينة DNA، واتاخدت كمان عينة من طه عشان يتم عمل تحليل ونعرف من خلاله إذا كان هو اللي كان معاها ولا لأ؟.. وبعدها بدأ التحقيق.
_ طه السيوفي.. أنت كانت بتجمعك علاقة صداقة ببنت اسمها سلمى عادل، مش كده؟
= أيوه.. بس آخر مرة حصل ما بينا خلاف وما بقيناش نتكلم.
_ آه، لما حاولت تعتدي عليها يا طه، مش كده؟!
= ها.. لا يا باشا، كل الموضوع إني صارحتها إني بحبها، بس هي رفضت واتنمرت على شكلي عشان الحرق اللي موجود في وشي، يا باشا، فالموضوع ضايقني وسبتها ومشيت، ومن ساعتها مش بنتكلم.
_ طيب، ومحضر عدم التعرض اللي هي عملتهولك ده، واللي بتقول فيه إنك حاولت تعتدي عليها لما رفضتك، وبعدين هي اتنازلت عن المحضر عشان متتحبسش وقررت بس تنهي علاقتها بيك، ده تسميه إيه؟
= أنا غلطت يا باشا، بس بعد كده والله بعدت عنها خالص.
_ كدبك وترددك في الكلام ده هيلبسك في الحيط زيادة.. باختصار، سلمى عادل اختفت من كام يوم، وكل الأدلة والتحريات اللي قدامنا بتقول إن سلمى اتق. تلت، بس قبل ما تتق. تل اتعرضت لاعتداء.. وأنا عندي واقعة ليك إنك حاولت تعمل فيها كده.. يبقى بنسبة كبيرة أنت اللي عملت كده في سلمى وقتلتها وخفيت الجث. ة، وبعدها ق. تلت سواق التاكس اللي كان سايق بيكم عشان هو شاف شكلك وأكيد هيتعرف عليك.
= والله العظيم يا باشا، أنا ما عملت حاجة، أنا من يوم حوار المحضر ده وأنا بعدت عنها خالص.
_ هنعرف.. كل حاجة هتتعرف يا طه.
....
وعلى ما التحليل يطلع ونعرف مين الشخص اللي عمل كده، تم استدعاء والد سلمى، الأستاذ عادل، عشان نتكلم معاه.
_ أستاذ عادل، إحنا عرفنا من صديقك الأستاذ مجدي الصاوي، اللي بيشتغل في مطار القاهرة، إنك عرفت إن مدام إيمان وجوزها الأستاذ شريف موجودين في مصر.. ممكن أعرف إيه رد فعلك على سماع الخبر ده؟!
= ولا أي حاجة.. كل واحد لحياته، وبعدين مر سنين كتير أوي على اللي حصل زمان، وأنا اتجوزت وعندي ولد وبنت دلوقتي.
_ طيب، وبالنسبة لبنتك سلمى؟!
= سلمى مش بنتي.. إيمان كانت ست خاينة، والدليل على كده إنها خلعتني واتجوزت الشخص اللي كانت بتخوني معاه على طول، وده معناه إنها كانت تعرفه وهي متجوزاني، وأنا متأكد إن البنت اللي اسمها سلمى دي مش بنتي، وسبب الخلع والهروب ده خوف مني عشان كان ممكن أكتشف الحقيقة.
_ ليه.. هو حضرتك كنت بتشك في مدام إيمان؟!
= بصراحة آه، عشان تصرفاتها الفترة الأخيرة قبل ما تهرب كانت مش طبيعية، واكتشفت إنها كانت بتخرج وبتكذب عليَّ إنها رايحة عند والدتها، وهي كانت بتروح أماكن تانية، الله أعلم فين؟!.. بس بعد ما عرفت الحقيقة، أكيد هي كانت بتقابله، والله أعلم كان بيحصل ما بينهم إيه؟
_ طيب، أنت عارف إن سلمى مختفية من كام يوم، وكل حاجة بتقول إنها اتق. تلت، وإنها قبل ما تتق. تل اتعرضت لاعتداء؟
= كل ده ما يشغلنيش، ولو حضرتك جايبني هنا عشان تتهمني إن أنا اللي عملت كده، فأنا ليا أسبوع مسحول في الدروس الخصوصية وبخلص على 11 بالليل، وبعدها بدخل أنام من التعب عشان أعرف أوفر فلوس للبيت.
_ تمام يا أستاذ عادل، تقدر تروح، ولو عوزناك تاني أكيد هنستدعيك.
...
بعد مرور 48 ساعة، بتظهر نتيجة التحليل، والصدمـة إن النتيجة سلبية، يعني معنى كده إن مش طه السيوفي هو اللي عمل كده، ولكن نفس العينة اللي إحنا لقيناها في الشقة دي تطابقت مع قضية تانية حصلت من سنتين مع بنت اسمها ولاء.. والقضية دي أنا كنت بحقق فيها واتقيدت ضد مجهول.
من سنتين، في بنت اسمها ولاء لقيوها مقتولة في سكن جامعة، والبنت دي كانت قاعدة لوحدها في الشقة، وساعتها لما حققنا في الموضوع عرفنا إن البنت اتعرضت لاعتداء، ولقينا برضه السائل الذكوري ده موجود، واتعملت نفس الإجراءات وأخدنا منه العينة عشان نطابقها مع المشتبه فيهم.
والنهارده بتتطابق مع نفس العينة دي.
هل ده معناه إن كل المشتبه فيهم في القضية دي براءة من التهمة، وإن الشخص اللي عمل كده بيعمل كده لإرضاء نفسه المريضة وغريزته، ولا الموضوع فيه حاجة تانية؟!
....
موضوع العينة ده فكرني بالقضية القديمة، وبصراحة كنت خايف إن القضية دي كمان تتقيد ضد مجهول.. ولكن اتأكدنا إن الشخص اللي عمل كده في سلمى، اللي لحد دلوقتي مش لاقيين جث. تها، هو نفس الشخص اللي ق. تل سليمان سواق التاكس، عشان البصمات اللي كانت في الشقة هي هي البصمات اللي كانت موجودة في التاكس.
مر أسبوع وإحنا لسه في تحريات وتحقيقات مش بتخلص، لحد ما بيوصلنا بلاغ غريب عن شقة بيتم فيها أعمال منافية للآداب، ولما بنتحرك على الشقة وبندخلها بنتصدم، عشان بنلاقي جث. ة لواحد جوه، ومن الواضح إنه ميت بسبب جرعة زائدة، وساعتها بيوصل فريق من الطب الشرعي والمعمل الجنائي للشقة عشان نتأكد إن الموضوع ما فيهوش شبهة جنائية.
وساعتها رجالة المعمل الجنائي بتلاقي كذا سائل ذكوري موجود في الشقة، فبيتاخد منهم عينة DNA، والصدمـة إن العينة دي بتتطابق مع نفس العينة اللي كانت في شقة المعادي ومع القضية اللي حصلت من سنتين.
والمفاجأة غير المتوقعة إننا لما بنعمل تحريات عن الشخص ده، بنتصدم صدمة كبيرة، عشان الشخص ده يبقى...
شكرا لزيارتكم عالم روايات سكيرهوم
