رواية غزل بين الحب والخيانة الفصل الثاني 2 والاخير بقلم هويدا زغلول


 رواية غزل بين الحب والخيانة الفصل الثاني والاخير 

بعد يومين غزل رجعت البيت ومروان اول ما شافها بصلها بسخريه وقال 

مروان 
نورت بيتك يا مدام ومدام 

وبعدها بص ليها وعلي شكلها اللي اتغير وبعدين قال 

ايه بقى ده انا اللي بقيت مدام انا مش فاهم ايه البرود اللي انتي فيه ده دا انتي عمرك ما خطيتي بره عتبه البيت من غيري تقومي رايحه الساحل لوحدك 
وتغيري شكلك بالمنظر اللي انت بقيتي فيه ده

غزل 
عادي يا مرمر التغيير مطلوب انت غيرتني وجبتلي ضره مره واحده ومع ذلك انا متكلمتش عامل الفيلم ده كله عشان طلعت الساحل وبعدين رامي اخويا كان معايا مكنتش لوحدي 

هنا وسما اول ما سمعوا صوت غزل جريو عليها وحضنوها 

هنا 
وحشتيني اوي يا مامي انتي كنتي فين ده كله احنا جعانين اوي وبابي اكله مش حلو 

سما 
ايوه يا مامي كل مره يا اما محروق يا اما ملح زياده مفيش غيرك اللي بيدلعنا 

مروان 
شوف ازاي وانا اللي كنت شغال زي الفلبينيه معاكوا من غسيل هدوم لمواعين  لاكل واودي الدروس ونعمل الواجب لحد ما دماغي فارت 

غزل 
كل ده من اسبوع قعدته مع البنات مع اني عمري ما اشتكيت ما انا كنت بعمل ده كله لوحدي كنت بتسمعلى صوت 

مروان 
خلاص فهمت اللي انت عايزه توصليه شيلي شيلتك 

وبتوتر قال

 محتاج سيوله لاخر الشهر انا مرتبي خلص والبنات عايزين مصاريف للمدرسه في حاجات كتير لسه مش اتدفعت 

غزل 
طب وانا أعمل ايه ما انا مرتبي خلص نصه فى العزومه اللى عملتها لمامتك واختك انت عارف الديك الرومي اللى كان على الغدا دا كام كيلو  وبكام وشوية الحمام إلى انت نسفتهم دول ولا الحلو اللى بعد الغدا 

مروان 
انت بتعدي عليا يا غزل الاكل اللي انا باكله ناقص تحسبيلي ان كل نفس بتنفسه نفسي افهم انت ايه اللي جرالك ده انا على طول كنت بقول عنك غزالي 

غزل 
انا مش فاهمه ايه الدراما اللي انت عاملها دي هو انا مش من حقي ارفه عن نفسي شويه واشحن طاقتي المهدوره عشان اقدر اقوم بواجبي عن اذنك بقى المشوار كان طويل محتاج ارتاح شويه ابقى هات لنا دليفري بقى ناكل عشان بصراحه مش قادره احرك ايدي وسابته ودخلت تغير هدومها 

مروان 
هو انا هلاحق على مين ولا مين هي مالها ضلمت على راسي كده ليه مش ده اللي انا كنت مخططله انا لازم اشوف سمر الدهب بتاعها هو الحل عماد مش هيستنى عليا 

في الوقت ده جرس الباب رن مروان راح يفتح واتصدم لما شاف عماد قدامه 

عماد 
مالك مبرق كده ليه شايف عفريت ولا فاكر ان انا مش هاجيلك البيت لما تقفل موبايلك ومش ترد على مكالماتي

 ومسكه من ياقه قميصه وبغيظ قال

 فين فلوسي اللي انت اخذتها مني عشان تمول مشروعك وتديني ارباح كل شهر 

مروان زقه على برا وقفل الباب وراه وبغيظ قال 

مروان
ما بالراحه يا عماد ايه الطريقه دى انت جاي تعلم عليا في بيتي قدام مراتي وعيالي طب ارفع وشي في وشهم ازاي 

عماد 
بقول لك ايه يا دكر البط انت كرشك بقى مدلدل من الفلوس الحرام  ياخى دا انا مش عرفتك هو انا كنت بزغط فى دكر بط وانا مش عارف

مروان 
قولتلك خلاص فلوسك هتيجيلك ملكش دعوه بكرشي ومش مسموحلك انك تهني هم يومين هدبرلك الفلوس وهتاخدهم كلهم على داير مليم اتكل على الله شوف مصالحك 

عماد 
هما يومين اللي هتاخدهم فرصه اخيره مني لكن والله لو الفلوس مجتش هطلع بالشيكات على الحكومه واخد حقي بالقانون وابقى سلملي على رجولتك قدام مراتك وبناتك وسابه ومشي 

غزل كانت واقفه ورا الباب وسامعه كل حاجه وبسخريه قالت 

غزل 
وانا اللي كنت عمال اكبر فيك طلعت انا اكبر مغفله على الكوكب واخد مني فلوس ومن الراجل دا فلوس يا بجاحتك يا اخي خليني اشوف اخره الفيلم اللي انت عامله ده ايه والمره دي انا هفلت ايدي منك خالص اما اشوف هتعمل ايه 

ثاني يوم مروان راح عند سمر اللي اتفاجئت بوجوده وقالت 

سمر 
هي الشمس هتطلع من الغرب ولا ايه امبارح كنت بتهددنى بالقتل وانهارده جاى تقضي معايا وقت مش منطقي الصراحه 

مروان 
الله يعني لا  كده عاجب ولا كده عاجب اعمل ايه بس الشوق اللي شدنى  عليك يا جميل  ايه يا سمر نسيتي حبي ليكي عشان لحظه شيطان ما تقومي تعمليلنا لقمه كده دا انا حتى واقع من الجوع 

سمر 
ما تيجي معايا دوغري كده يا مروان وتقول جاي عايز ايه علشان بصراحه مش مصدقه انك جاي تفطر معايا 

مروان 
يا بت وحشاني بقولك ده انا حتى عامل حسابي ان احنا نفطر مع بعض وانزل اغديكي وافسحك فسحه حلوه ونشتري لبس للبيبي اللي في بطنك وانتي قاعده عماله تضيعي وقت 

سمر 
طب ما تقول كده من الاول فوريره الفطار يكون عندك  وثبته دقات المطبخ تجهز الفطار 

مروان اول ما هي دخلت المطبخ اما بسرعه دخل على اوضه النوم وفتح الدولاب وبغيظ قال 

مروان 
طلبتها منك بالمعروف وانتى رفضتي مش تلوميني بقا على اللى هعمله ما انا مش هتحبس وانتي على قلبك دهب قد كده وفضل يدور على العلبه اللي مخبيه فيها الذهب 

سمر حضرت  الفطار  وحطيته على السفره واتفاجئت ان مروان مش موجود بدأت تدور عليه واتفاجئت انه في اوضتها وفاتح دولابها وهو واخد عيله الذهب بتاعتها لطمت على وشها وقالت 

سمر 
نهارك مش معدي بقى جاي مخصوص تسرقني يا عره الرجاله والله ما ابقي على ذمتك دقيقه واحده ولا اكون مجرجراك في المحاكم لحد ما تقول حقى برقبتى ومسكيت علبه الذهب اللي في ايده وبصريخ قالت هات يا حرامى الدهب بتاعى 

مروان زقها بغيظ وقال 
ابعدي بقى انتي عامله زي اللزقه كده ليه هفك زنقتي واجيبهوملك تاني متبته فيهم كده ليه مش انا اللي جايبهم 

سمر 
مهر ي يا عين امك ومش هفرط فيه والله ما تاخد منى ج طلع معاها حق لما قالت انك واخد منها ورث ابوها يا حرامي يا زباله وكمان ماضي عليك وصلات انا مش زيها ده انا شلق 

مروان طلع يجري على بره وهي وراه عماله تزعق فيه فتح باب الشقه ولسه هينزل سمر مسكته من هدومه وعماله تضرب فيه وبصوت عالي قالت

سمر 
الحقوني الحرامي عايز ياخد مهري ويطلع يجري حد يلحقني يا ناس 

مروان شد علبه الدهب بعنف من ايدها وزقها من على السلم وقعها وبغيظ قال 

مروان
بطلي فضايح بقى الله يخرب بيتك انت ايه يا شيخه انا غلطان ان انا ارتبطت بواحده زيك وبعدها خد باله ان هي وقعت من على السلم نزل بسرعه يشوفها لقاها غرقانه في دمها  الناس اتلمت على الصوت ومروان حاول يهرب بس الجيران مسكوه وسلموه للشرطه

عند غزل  كانت بتقفل الشفت علشان تروح دخل عليها رامي وبتوتر قال 

رامي 
هو انت هنا ازاي انا فاكرك معاه ولا انتي لسه ما تعرفيش حاجه 

غزل 
هو ايه اللي هنا ازاي ده مكتبي يا  رامي وبخلص شغلي وبعدين قصدك ايه فاكرني معاه مع مين تقصد 

رامي 
فاكرك مع مروان وحكى لها اللي حصل المستشفى كلها بتتكلم عنك لانه جوزك 

غزل 
كان يا رامي كان جوزي وبعدين يستاهل اللي يجراله  انا مليش دعوه ما حدش يحلم ان انا ممكن اساعده في حاجه ده واحد قاتل 

رامي 
طب والبنات ذنبهم ايه دي هتفضل وصمة عار في حياتهم طول عمرهم  

غزل 
بناتي وانا هتعامل معاهم مش تشيل هم انت انا لازم اروح البيت قفل انت الشفت مكانى وسابته ومشيت 

فى السجن مروان كان واقف ورا القضبان وقدامه مي اخته وامه إلى بولوله قالت 

الام 
مكنش يومك يبني يا صغير على الاعدام يا ابني مين هيدفع اشتراك النت كل شهر عشان اتابع فريحه وأمير 

مروان 
ياما هو ده وقته ياما ارحميني والله اروح اشنق نفسي واخلص لولا ان الناس اتجمعت كنت زماني هربت من بدري وبعدين هي اما ماتتش يعني بس انا عايز اللي بطنها نزل

مى
وهنطلعك منها ازاي دي بس كنت عشت مع غزل وخلاص على الاقل البنت كانت بتحبك 

مروان 
لا والله وانت دلوقتي بتقولي الكلام ده ما انت طول عمرك شايفاها انها وحشه وان انا لازم اتجوز عليها 

الام
خلاص يا حبيبي مش وقت الكلام اللي انت عملته قول عليه ده خلينا بس في المصيبه دي ما نروح للبنت سمر ونحاول نتحايل عليها ان هي تتنزل عن القضيه

مروان 
عمرها ما هتوافق على الكلام اللي انت بتقولي عليه ده انا عارف سمر
روحي الغزل هي عندها معارف كثير هتعرف تخرجني منها ان شاء الله

الام 
معقول يا ابني هي هتوافق على الكلام ده على العموم  عشان خاطرك اعمل اي حاجه

عند غزل كانت قاعده في الصالون بتشرب قهوه بعد ما جهزت شنطها هي والبنات اتفاجئت بجرس الباب بيرن بعنف فتحت الباب وكانت حماتها ومي اخت جوزها 

غزل 
هو انتوا جيت اتعلموا الذوق افترضي  كنت نايمه  ولا حد من البنات نايم تفزعوا بالطريقه دي 

مى 
ذوق ايه يا ام ذوق هو انتى متعرفيش ان جوزك محبوس ولا عارفه وقاعده وعلى قلبك مراوح 

الحما 
شوفى يختى الشنط دى كلها دى ما صدقت وكنست البيت مفكره نفسها هتطلع بيهم من هنا روحي يا اختي وكلي محامي واقفي جنب جوزك نسوان اخر زمن عايزين الحرق 

غزل 
انا فعلا  هوكل محامي بس مش ليه ليا انا لاني هرفع عليه طلاق للضرر وهكنسل البيت كله زي ما انت قولتي ووريني هتعملي ايه 

مى
ايوه كده اظهري وباني يا تربيه زباله احنا اللى نضفناكى 

غزل 
انا برضو اللى زباله  روحي شوفي اخوكي اللي ضرب مراته وسقطها وهي مش هتسيب حقها وانا كمان مش هسيب حقي  وهيتحاسب عن كل اللي عمله انا داخله البيت ده دكتوره وهطلع منه زي ما دخلت 

الحما 
اطلعى من بيتي يا زباله انا اللي هقفلك والله ما انت قاعده فيها 

غزل 
بيتك منين يا طنط هو انت ما تعرفيش ان المحروس ابنك كان واخد مني ورث ابويا وماضي على وصلات امانه عشان يسدهم وما سدش حاجه وكان البيت ده من ضمن وصلات الامانه ماضي عليه ليا في حاله ان هو لو مش دفع الفلوس يبقى البيت ملكيته تتنقل ليا بره بيتي يا ناس متطفله وزقتهم وقفلت الباب 

هنا من وراها قالت 

مامي هي تيتا بتزعق كدا ليه هى وعمتو هما مش بيحبوكى ولا ايه 

سما 
هم اصلا طول عمرهم بيزعقوا لماما حتى بابا لما بيشوفهم بيزعقوا مش بيتكلم وكانه هو عايزهم  يعملو في ماما كده 

غزل نزلت على ركبها وحضنتهم الاثنين وقالت 

هنسافر انا وانتم من هنا وهنروح مكان ارقي من  المكان البيئه ده اوعدكم اننا هنبدا بدايه جديده مع ناس  طبيعية غير الناس اللى عيشتو معاهم دول بس لازم اروح مشوار الاول قبل ما نسافر يلا يا كتاكيتي 

وخدتهم ونزلت الشنط في العربيه وركبوا العربيه وغزل راحت على القسم الاول 

بعد شويه غزل وصلت وبصيت على البنات وقالت 

ما حدش ينزل من العربيه انا خمس دقائق وراجعه ونزلت وسابتهم مع رامي اللي قال 

رامي 
انا مش معاكي في الخطوه دي هتروحي عنده   تعملي ايه 

غزل 
هشفي غليلي منه هوريه لما بعد عني ايه اللي جرا له خلي بالك من البنات

فى السجن مروان كان قاعد ومكسور جداوحاطط ايده على راسه وعمال يندب في حظه سمع صوت كعب رفع راسه واتفاجئ بغزل قدامه 

مروان 
كنت عارف ان انا مش ههون عليك تشوفي ابو بناتك باللبس ده ها وكلتي محامي ولا لسه 

غزل 
بتحلم يا مروان ان انا اساعدك انا جايه اشمت فيك بصراحه اللبس اللي انت لابسه ده لايق علي واحد مجرم زيك 

مروان 
ايه الكلام اللي انت بتقوليه ده انت غزل انت ملاك الرحمه شمتانه في ابو بناتك يا دكتوره 

غزل 
انت اكتر اختيار خاطئ اخترته في حياتي هفضل ندمانه عليه عمري كله ولو حد اترافع في القضيه دي وطلعت منها انا هرفع عليك الوصلات اللي انت ماضيها وهاخد حقي وحق عيالي

مروان 
وبناتك هتعرفي تربيهم لوحدك يا دكتوره هتقدري تصرفي وتقومى بدور الاب والام مع بعض 

غزل 
دي حاجه مش تخصك وبعدين انا قايمه بالدورين مع بعض من بدري قوي انا اللي بصرف وانا اللي برعاهم انت كنت بتيجي تاكل وتنام فاكرها فندق مبسوطه بنهايتك يا مروان كل واحد بيحصد اللي زرعه وانت محصوله بكله من البدايه كان مسموم وما حدش شرب السم ده غيرك وسابته ومشيت 

غزل رجعت للبنات فى العربيه وبصتلهم وقالت 

من النهارده انا بابا وماما مع بعض ومش هسمح لحاجه تاذيكم وكل حاجه في حياتكم انا مسؤوله عنها قفلت الصفحه اللي فاتت وحرقتها والنهارده هنبدا صفحه جديده مع بعض 

رامي 

انتى متاكده من قرار السفر دا يا غزل هتوحشيني قوي 

غزل حضنته ومسحت دموعها وقالت 

غزل
صدقني قرار صعب ان انا ابعد عنك وابدا بدايه جديده في بلد تانيه بس ده الصح للبنات مش هسمح لحد ان يبص لهم بصه وحشه ويقول لهم ابوكم مسجون خلاص انا هبدا حياه جديده وهطلعه بره حياتي خالص 

وبعدها فعلا عملت كده وخدت حقها كله وبدات تعيش مع بناتها اسعد ايام حياتها

تمت بحمد الله 

تعليقات