رواية جثة نرمين الفصل الثاني بقلم محمود الأمين
البصمات كانت بتخص الأستاذ عمر، زوج الأم مدام إيمان.. الشخص اللي وصلتنا عنه معلومة من فريق البحث الجنائي إنه كان شخص مش مظبوط، وإنه كان بيحاول يتقرب من بنت صغيرة.
واللي كان عارف ومتأكد إن البنت هتعدي على المول ده الأول قبل ما تروح لوالدها.. بس لو افترضنا إن الأستاذ عمر هو اللي عمل كده في نرمين، بصماته كانت بتعمل إيه في بيت الأستاذ شوقي؟ والأهم، الجث. ة اللي لقيناها في بيت الأستاذ شوقي مشوهة تبقى جث. ة مين؟
وطبعًا اللي كان المفروض هيجاوب على الأسئلة دي هو الأستاذ عمر، اللي اتعمل ليه استدعاء للتحقيق معاه، ولكن قبل ما يوصل المكتب عندي، بيوصل تقرير الطب الشرعي الخاص بجث. ة نرمين، وساعتها بنكتشف الصدمة.. نرمين كانت حامل، ومش كده وبس، ده تم إثبات الاعتداء عليها قبل ارتكاب الجري.مة.
وبعد شوية، بيوصل فعلًا الأستاذ عمر المكتب عندي عشان نبدأ معاه تحقيق.. ولكنه بيكون فاكر إن دي مجرد قعدة ودية، بس اتفاجئ بكلامي لما قلت له:
_ ده استدعاء رسمي يا أستاذ عمر، وحضرتك متهم بالاعتداء على بنت زوجتك نرمين والتخلص منها، وكمان متهم بجري.مة قتل تانية لشخص مجهول وموجودة جث.ته في بيت الأستاذ شوقي.
= حضرتك بتتكلم جد.. أنا عملت كل ده؟!
_ على فكرة، ده مش وقت هزار خالص يا أستاذ عمر، وواضح إن حضرتك مش مدرك خطورة الموقف اللي أنت فيه.. حضرتك متهم بجريمتين قتل، ده غير هتك العرض، يعني لازم تتكلم وتقول اللي عندك، وإلا حبل المشنقة هيتلف حوالين رقبتك.
طيب تفسر بإيه وجود بصماتك، سواء في العربية أو في بيت الأستاذ شوقي؟
= في العربية ممكن عشان باختصار العربية دي تبقى ملكي، وأنا سبت نرمين تروح بيها عند والدها عشان عارف إن المنطقة بتاعتنا ما فيهاش مواصلات كفاية، يعني كنت عاوز أساعدها.
_ وأنت لما بتحب تروح المصالح بتاعتك، بتروحها بإيه؟!
= كنت هاخد عربية مراتي إيمان.. لحد ما ترجع.
_ إحنا لما عملنا عليك تحريات يا أستاذ عمر، اكتشفنا إن عليك سابقة مع بنت صغيرة، وإنك كنت بتحاول تتقرب منها، وأنت فاهم قصدي.. وفي نفس الوقت، أنا مش فاهم إيه اللي خلى نرمين تكتب جواب زي ده لوالدها؟!
= الموضوع اللي حضرتك بتتكلم فيه ده قديم أوي، وقتها كنت شاب صغير وطايش، ولكن دلوقتي أنا عقلت، ده غير إني كنت بعتبر نرمين هي بنتي اللي أنا ما خلفتهاش، وتقدروا تسألوا والدتها على المعاملة اللي كنت بعملهالها.
_ كل الكلام اللي أنت بتقوله ده ملوش علاقة بالقضية، أنت بصماتك موجودة في مسرح الجري.مة، سواء الأول أو التاني.. وسؤالي دلوقتي موجه ليك: ليه قتلت نرمين شوقي؟ والجث. ة اللي كانت في بيت الأستاذ شوقي ترجع لمين؟
....
عمر كان مصمم على الإنكار، وقال إنه ما يعرفش حاجة.. وعشان البصمات دليل قوي لا شك فيه، تم التحفظ على الأستاذ عمر لحين عرضه على النيابة.
بس إحنا لسه عندنا أسئلة وإجابتها مجهولة.
الجث. ة اللي في بيت الأستاذ شوقي تبقى جث. ة مين؟.. والأستاذ شوقي نفسه فين؟!
وساعتها الظابط اللي كان بيفحص بلاغات التغيب للشباب في الفترة الأخيرة، قال إن ما فيش أي بلاغ تغيب في المنطقة بتاعة الأستاذ شوقي تطابق نفس أوصاف وسن الجث. ة الموجودة في مصلحة الطب الشرعي، ودي حاجة كانت غريبة.. لحد ما بيمر 48 ساعة، وساعتها بيظهر أخيرًا الأستاذ شوقي، والد نرمين، وبيقول إنه كان في البلد بيزور ناس قرايبه، وإن بنته فعلًا كلمته من حوالي 10 أيام تقريبًا وبلغته إنها جاية عنده، ولكن كان رد عليها إنه موجود في البلد وهيطول شوية، وإنه لما يرجع هيكلمها عشان يتقابلوا.
ولما بنفحص تليفون المجني عليها، بنتأكد من كلام الأستاذ شوقي فعلًا.. كان في مكالمة جامعة ما بينهم في اليوم اللي اختفت فيه، وكان مدتها حوالي خمس دقايق.
ولما عرف موضوع الجث. ة اللي كانت في بيته، كان مستغرب، وقال إن ما فيش أي عداوة ما بينه وما بين حد، وإنه من ساعة الطلاق اللي تم ما بينه وما بين مدام إيمان، وهو قاعد في حاله ومش بيتعامل مع الناس كتير.
ولكن في معلومة كده، ومش عارف إزاي ما حدش بلغني بيها من البداية.. وهي إن الأستاذ شوقي كان شغال من فترة في المعمل الجنائي، وكان واحد من الناس اللي الكل بيشهدلهم بالكفاءة.
والمعلومة دي لفتت نظري جدًا، وده اللي كان واضح في طريقة شرحه وهو بيدافع عن نفسه.. واحد فاهم وعارف هو بيقول إيه؟!
بس الأستاذ شوقي قال كلام مهم برضو على علاقة بنته نرمين بزوج أمها الأستاذ عمر.. قال إن بنته كانت دايمًا بتشتكي إن الراجل ده مش طبيعي، وبصاته مريبة، وإنها كذا مرة لمحته واقف قدام باب أوضتها وهي نايمة.
...
وعشان نوسع دايرة البحث ونوصل لهوية صاحب الجث. ة المجهولة، بدأنا في فحص الكاميرات الخارجية من وقت ما خرجت نرمين بعربية جوز أمها الأستاذ عمر، لحد ما وصلت المول، عشان أنا كنت شاكك في حاجة كده معينة.
وأثناء الفحص، اتضح إن في شاب ركب معاها العربية، ونزل عند الباب الرئيسي للمول، وسابها هي تدخل بالعربية الجراج عشان تركنها.
ولما عرضنا صورة الشاب ده على والد نرمين، قال إن الشخص ده اسمه حسام، وإنه يبقى زميل نرمين في الجامعة.
وكل اللي جه في بالي وقتها إن حسام ده هيطلع هو صاحب الجث. ة المجهولة، وأكيد هو كمان اللي اعتدى على نرمين في العربية، وجايز يكون هو اللي قـ.تلها، خصوصًا إن جري.مة نرمين حصلت قبل الجري.مة اللي بتخص الجث. ة المشوهة.
بس هتفضل برضه في مشكلة في المعادلة دي.. إيه اللي جاب الجث. ة في بيت الأستاذ شوقي، وبصمات الأستاذ عمر هناك ليه؟
هل الأستاذ عمر مثلًا قـ.تل الشاب ده، وبعدين نقل الجث. ة لبيت الأستاذ شوقي عشان يلبسه الجري.مة، ولا الحكاية إيه بالظبط؟
بس لما اتحركنا عشان نشوف الشخص اللي اسمه حسام ده مختفي ولا لأ، اكتشفنا إنه عايش عادي مع أهله، بس لما مسكناه، اعترف فعلًا إنه هو اللي اعتدى على نرمين، ولكن الموضوع كان برضاها الكامل.
بس وهو معاها، واحد لابس قناع على وشه فتح الباب وحاول يقـ.تله، وساعتها حسام قدر يزقه ويهرب من الجراج، وعرف بعد كده إن نرمين اتقـ.تلت، بس خاف ييجي يتكلم ويلبس نفسه الحكاية.
....
وفي عز ما أنا قاعد في المكتب وبفكر في الجري.مة المعقدة دي، رجالة البحث الجنائي بتبلغني إنهم تقريبًا عرفوا مين صاحب الجث. ة، وإني لما أعرف الموضوع، القضية دي هتتشقلب.
وقبل ما أعرف هو مين، اتفاجئت بزيارة عندي في المكتب.. والزيارة دي كانت من مدام إيمان، اللي كانت منهارة من العياط، وجاية عشان تعمل محضر وبتتهم جوزها عمر بشكل صريح إنه هو اللي قـ.تل بنتها.
طبعًا الكلام كان في غاية الخطورة، وده اللي خلاني أقعدها على الكرسي، وطلبت منها تحكي هي ليه جاية تتهم جوزها الاتهام ده.
وساعتها اتكلمت وقالت:
_ من فترة كنا طالبين حد ييجي يرش البيت عشان كان في حشرات، وفعلاً الشركة بعتت حد وجه عشان يرش، وبعد ما خلص، أخد حساب ومشي.
ولكن بعدها، انتشرت رواية على السوشيال ميديا للراجل بتاع الرش، اللي كان بيرش الإسبراي الأسود على الكاميرات في الجراج، والمفاجأة إن الزي اللي كان لابسه الشخص ده هو هو اللي كان لابسه عامل الرش لما جه رش البيت عندنا.
= تمام، وإيه علاقة جوزك عمر بكل ده؟
_ علاقته إن لقيت بدلة الرش دي في حاجته، ولقيت كمان السكينة دي وعليها آثار دم.
...
الكلام كان صدمة بالنسبة ليا، وبسرعة بعتنا السكينة على المعمل الجنائي عشان نعرف الدم اللي عليها ده يخص مين.. والنتيجة كانت زي ما توقعت، الدم بيخص الجث. ة اللي كانت عند الأستاذ شوقي في البيت.
ولكن وقتها بتحصل مفاجأة غير متوقعة، وهي...
شكرا لزيارتكم عالم روايات سكيرهوم
