رواية وعد في الصعيد الفصل الثاني
نظرات التحدي والصرامة ساد الصمت الارجاء لثواني معدودة لم تسمع فيها سوي صهيل الفرس الأسود ووقع الرياح الخفيفة بين حقول الزرع
كان فارس الهواري يقف كالجبل الراسي ينظر بجمود وذهول لهذه الفتاة التي تقف أمامه بثبات غير مألوف نظر إلي ملامحها البيضاء الصافية وشعرها الكستنائي الذي تتلاعب به الرياح لكن م لفت انتباهه كان عيناها العسليتان اللتان تلمعان بالتحدي والشجاعة بدون خوف من هيبته
أبتسم فارس ابتسامه باردة تحمل غموضاً وكبرياء وقال بصوت ووقار وثقة أنتي بقي مريم المنشاوي الأستاذة المحامية قرب منها خطوة واحدة فظهر طوله وأناقته متابعا بنبرة هادئة لكنها أشد صرامة من أي غضب
كلامك كتير وي بخت من قال وقصر ي بنت الحاج شريف أنتي جاية صعيد مصر بلاد الأصول والقواعد وفاكرة إن كلمتين من كتب القانون إللي قريتيها في القاهرة هيهزوا حرف واحد من حق عائلة الهواري
رفعت مريم رأسها بثبات ولم تخاف من هيبته أو اقترابه بل ردت بنبرة وثقة حادة كالسيف
الأصول ي فارس بيه بتقول إن الحق والقانون مش كلمتين في كتب القانون القانون هو إللي بيحمي الصغير قبل الكبير من استقواء النفوذ وأنا مش جايه اهز حد أنا جايه أخد حق عيلتي وامنع أي افتراء عليهم
خرج حمزة الهواري من دهشته واقترب بابتسامة خفيفه تحمل إعجابا بشجاعتها لكن مع محاولة لتهدئة الموقف
ي مرحب بيكي ي أستاذة مريم في بلدك بس أظن الطريق مش مكان أصول ولا كلام في حقوق فارس بيه الهواري م بياكلش حق حد والأرض دي أوراقها ومستنداتها معروفة من سنين
نظرت مريم إلي حمزة بثبات ثم أعادت بصرها نحو فارس
الكلام والأوراق هيكون مكانهم المحكمة والقضاء لو م اتنسقش الحق بالهدوء وأنا ليا دار أبوي اروحها الأول واسمع منه
نظر لها فارس بنظرة عميقة تقرأ م خلف شجاعتها ثم هز رأسه بهدوء وقال
دار ابوكي مفتوحة ليكي والحاج شريف راجل محترم ونعزه وراكي أهلك وناسك تنزلي عندهم وتعقلي اخوكي المتهور اللي بتهوره كان هيجيب لنفسه ولعيلتك مصيبة وأنا فارس الهواري لو ليكي حق عندي خديه بالقانون أو بالأصول بس اياكي تجربي تتحدى عائلة الهواري في أرضهم
أشار فارس بيده لحراس المكان ليفسحوا الطريق أمام سيارتها وركب فرسه الأسود بمهارة وهيبة دون أن يرفع عينيه عنها ركبت مريم السيارة بجوار صديقتها ملك التي كانت تتنفس بصعوبة من شدة التوتر وقالت بصوت يرتجف مريم أنتي اتجننتي ده فارس الهواري ي مريم نظره واحده منه تخلي أي حد يفكر ألف مرة قبل ما ينطق كلمة
تنهدت مريم وهيا تنظر ابتعاد فارس على فرسه من مرآة السيارة
الهيبة والأصول على عيني وعلى رأسي ي ملك لكن طالما المسألة فيها عيلتي وحقنا محدش يخوفني في الدنيا دي كلها
في دار الحاج شريف المنشاوي
وصلت السيارة أمام الدار وخرجت الحجه هدي وهي تبكي من الفرحة والخوف في وقت وأحد واستقبلت ابنتها بالاحضان
ي حبيبتي ي مريم حمد لله على سلامتك ي بنتي البلد غرقانه في القلق وأنا قلبي كان هيقف عليكي
دخلت مريم وبجوارها ملك لتجد والدها الحاج شريف المنشاوي يجلس في الصالة وجهه شاحب وعليه علامات التعجب والهم
ذهبت مريم إلي والدها تقبل يده بابا سلامتك ي حبيبي ألف سلامة عليك تنهدت الحاج شريف باسي واحتضن رأسها ليه جيتي ي مريم الصعيد مش زي القاهره ي بنتي الصعيد لها أحكام وقواعد صعبة وخالد اخوكي طيشه ودمه حامي جاب لنا الكلام مع عيلة الهواري في تلك اللحظة دخل خالد المنشاوي الصاله بغضب متفاجئا بوجود أخته مريم إيه إللي جابك من القاهره أنتي فاكرة الشغلانة لعبة محاماة ولابسة روب في المحكمة دي أرض ورجالة وسلاح
قامت مريم وقفت أمامه بثبات وصوتها يملؤه العتاب
إللي جابني هو طيشك ي خالد تروح وتعمل مشاكل على الحدود وتشد مع كبير عائلة الهواري وتتسبب في إن بابا يتعب ويوصل للحالة دي لو ليك حق تاخده بالقانون والأوراق مش بالسلاح والتهور إللي بيضيع الحقوق
صرخ خالد أوراق إيه وقانون إيه عائلة الهواري واكلين البلد بنفوذهم وفارس الهواري فاكر نفسه حاكم قنا
ردت مريم بقوة
وفارس الهواري مش فوق القانون أنا قابلته على مدخل البلد وأنا بنفسي هراجع أوراق الأرض دي ورقة ورقة ولو لينا حق هاخده من عين فارس الهواري بالقانون ولو الأوراق بتثبت أنها أرضهم مش هسمحلك تودينا في داهية عشان طيشك
ساد الصمت ونظر الحاج شريف لابنته بفخر وأمل بينما جلس خالد وهو يشتعل غيظاً من جراءتها وقوة شخصيتها
في سرايا الهواري
كانت المضيفة الكبري هادئة يجلس فارس وأمامه حمزة وبعض كبار رجال العائلة
قال حمزة وهو يبتسم ويتكلم بصوت خافض لفارس بس أمانة عليك ي فارس بنت الحاج شريف مش عادية خالص محامية واثقة من نفسها وواقفة قدامك ولا هامها فرسك ولا رجالتك ولا اسم عائلة الهواري
نظر فارس بجمود لكن كان يفكر تفكير عميق
الشجاعة حلوه ي حمزة بس لما تكون في موضعها وبحق البنت قارية ومتعلمة وشايفة إن القانون هو الكل في الكل لكنها متعرفش إن الصعيد أصولها أقوي من أي قانون لو الأصول دي مبنية على الحق
تدخلت الحجه فاطمه وهي تدخل المضيفة وبيدها المسبحة
سمعت أن بنت المنشاوي نزلت من مصر ي فارس وشفتها في الطريق
قام فارس وقبل يد أمه باحترام
أيوا ي أمي شفتها وجاية فاكرة أننا ظالمين أخوها
قالت الحجة فاطمه بهدوء وحكمة
الحاج شريف راجل شريف ومتربي ومرته طيبة والبت متعلمة وعايزه تحمي دار أبوها راعي أنها حرمة ي فارس والخصومة مع الرجالة مش مع المحاميات
أبتسم فارس ابتسامه هادئة
اطمني ي أمي فارس الهواري يعامل كل واحد بأصله ومقامه والأوراق هي اللي هتتكلم بيننا
في تلك اللحظة كانت سارة تنظر من بعيد بملامح يملؤها الفضول والغيرة تتساءل في نفسها عن هذه الفتاة التي تجرأت على التحدث مع أخيها فارس بهذه الطريقة وبدأ القلق يتسلل إلى قلبها من دخلة هذه الغريبة إلي دنيا فارس الهواري
