رواية مهران ابو الليل الفصل الثاني
فيروز: ربنا يخليكي ليا يا اما
عقيله: ويخليكي ليا يا ضي عيوني ويبعد عنك ولاد الحرام
فيروز: الا جوليلي صح يا اما ليه بتخليني البس نجاب واداري وشي انا عفشه لا سمح الله
عقيله: انتي عفشه مين جال كده ده انتي اجمل بنيه ف الدنيا كلها مواعياش لجمالك اياك ولا المرايا اللي حدانا خرفت أن بس يا بتي خايفه عليكي من ولاد الحرام وخصوصي عزب ابو الليل واد فاشل وطول النهار والليل داير ورا بنات العزبه ممخليش بت ف حالها الا وعشمها بالجواز ولو شافك يا بتي ولا عرفك مش هيرحمك
فيروز: ولا يجدر يعمل حاجه
عقيله: عشان خاطري يا بتي خلينا ماشيين جار الحيط لغيت مياجي ولد الحلال اللي يريح جلبك
فيروز: انا هكمل علامي ولما انجح إنشاءالله عشان الظروف مش سامحه اخش طب هخش تمريض وابجي ممرضه جد الدنيا
عقيله: حجك عليا يا بتي
فيروز: حج مين علي مين طاب ده انا كان نفسي استتك كده ياجمر واشتغل انا
عقيله: ربنا يخليكي ليا
فيروز: طاب سؤال تاني هو احنا ملناش أهل
عقيله: وهو في حد ف الدنيا ملهوش أهل بس تجدري تجوللي أنهم راحو ف الوبا
فيروز: كيف يعني
عقيله: هجولك حاجه تحطيها حلجه ف ودنك الفجير يا بتي ريحته عفشه محدش يرضى يجرب منيه عشان كده حدش بيساءل فينا لكن عارفه لو معانا والله كانو يبجو جاعدين معانا ليل نهار
فيروز: للدرجه ديه
عجيله: عارفه يوم موت ابوكي الله يرحمه جم العزا وبعد ما جطعنا العزا عمك اداني 200 جنيه وجاللي متاخديش علي كده شوفيلك شغلانه وربي بتك منيها حتي خواتي جطعو كلهم معاي بعد العزا الكلام ديتي من سنين كتي انتي صغيره لسه متعرفيش حاجه بس عارفه ربنا حنين رزجني بالخاله امونه جالتلي ولا يهمك ولا تزعلي وتعالي أعلمك تعملي جرص وفطير وتبيعيهم واشترت هيا الدجيج واللوازم وعلمتني كل حاجه وبعدين ربنا افتكرها تجوليش ربنا سبحانه وتعالى طول ف عمرها لجل كده الله يرحمها
فيروز: كلميني علي ابوي يا اما كده
عقيله: شفيج اسم الله عليه ف جبره ابوكي يا بتي كان معجباني طويل وجامد الله اكبر تعرفي لما كان يطلع يشتغل كت اخاف عليه من الحسد ومين ف زي شفيج كان عليه ضربه فاس تجيب مصارين الأرض هو كان فجير علي كده لكن كان حنين جوي كان كل يوم المغرب ياجي من شغله ومعاه حلاوه شعر البنات ويجوللي خدي يا ام فيروز كان يخاف عليا من الهوا الطاير ياله ميعظمش علي اللي خلجه
فيروز: طاب هو كان عيان
عقيله: ابدا يا بتي ولا عمر المرض عرف طريج جسمه بس ف يوم كان طالع يشتغل ف ارض واحد اسميه فاضل وراح وهو ف الطريج جابلته واحده ووجفته وجالتله انته ايه مبتتهدش يخربيتك وبيت حلاوتك اللي زيك يسكن ف جصر ويؤمر وينهي ف الناس وجتها ابوكي الله يرحمه هملها ومشي لكن فجأة وجع علي الارض وعرجه بجي مرجه وجتها شيعولي جريت عليه ولما سألته مالك حكالي اللي حصل واتشاهد وروحه راحت
فيروز: لا حول ولا قوه الا بالله العلي العظيم معجوله العين تعمل كده
عقيله: اه يا بتي العين تجيب الأرض وتدخل الراجل الجبر
فيروز: الله يرحمك يا أبا
عقيله: ويخليكي ليا يا جلب امك
فيروز: ايه مش هناكلو فروجه أم علاء
عقيله: حالا يا رزه عيوني خشي ريحي شويه ولما اخلص هنادم عليكي
فيروز: ما جولنا هنشتغلو مع بعضينا
عقيله: ماشي يا بت شفيج
اما في قصر ابو الليل كان مهران جالسا بجوار زوجته في جناحهم يتحدثون
الهام: عايز واد وله بت
مهران: كل اللي يجيبه ربنا كويس جومي انتي بس بالسلامه وديه اهم حاجه عندي
الهام: صح بتحبني
مهران: يابت ده انا عاشج ولهان مش باين عليا وله ايه
الهام: باين يا حبيبي باين اصل الصراحه نفسي ف حاجه ومكسوفه منك
مهران: نفسك ف ايه يا وتين حياتي
الهام: كيف ده يعني
مهران: يعني شريان الحياة بالنسبه ليا
الهام: يا جلبي طاب عايزه طجم دهب شوفته علي النت
مهران: يحضر حالا
الهام: بس ده غالي
مهران: الدنيا بحالها متغلاش عليكي
الهام: يخليك يعني اتصل اطلبه
مهران: اه اطلبيه دلوك
الهام: بس في مشكله
مهران: مشكله ايه
الهام: امك هتنكد عليا
مهران: متخافيش هيا فرحانه بيكي عشان انتي حبله وهيا عايزه نصار الصغير
الهام: ماشي
مهران: هندلي انا بجا عشان ورايا كام شغلانه وخدي مفتاح الخزنه اهو خدي اللي عايزاه
الهام: تروح وترجع بالف سلامه
مهران: بس انا هعمل ايه
مهران: ارتاحي وانا هشيعلك عصير مع رضا
الهام: طاب جول لامك اني الحبل تاعبني عشان كده مش هجدر انزل
مهران: حاضر ياله سلام
الهام: مع الف سلامه
وهنا ينزل مهران ليجد والدته جالسه مع أخيها وزوجته
كاملة: ايه يا مهران لميته يعني
مهران: فيه ايه يا اما
كاملة: خليك جاعد جارها ومهمل مصالحنا
مهران: اديني نزلت اروح اشوف مصالحي
كاملة: عوض عليا عوض الصابرين يارب الولدين واحد فاشل ومنافعش والتاني حبيب وولهان حتي اخوي يارب طالع مهبل جبر يلمكم كلكم ده انتو تجيبو الضغط
مهران: كتر خيرك يا اما
كاملة: له انته بالذات بعد الشر عليك يا حبه جلبي
كامل: والله انتي مجنونه يا كامله
فايزه: علي جولك
كاملة: نعم يا اختي على جول مين يا صفرا يا غبره يا ام ضب انتي
وهنا يدخل شديد
شديد: ست الكل في واحده برا معاها بنيه وعايزه تجابل حضرتك ضروري
كاملة: من البلد من هنيه
شديد: له شكلها غريبه عن العزبه
كاملة: خليها تخش تلاجيها عايزه مساعده اكيد حد دلها علي عشان عارفين أن جلبي طيب
كامل: طيب اه
كاملة: جصدك ايه طيب وله مش طيب
فايزه: طاب وهو فيه زي جلبك
كاملة: اخرسي انتي هو كان حد ساءلك
فايزه: ياله بينا يا كامل خيتك كل شويه تشتمني وتهزجني ايه يعني معنديش كرامه وله ايه
كاملة: ولا تعرفي حاجه عنيها اخرسي بجي واجعدي
كاملة: متروح يا شديد دخل الناس
مهران: اروح اشوف حالي احسن ليخرج مهران مع دخول نجمه وهيفاء
نجمه: ازيك يا سي مهران
مهران: اهلا وسهلا اتفضلو امي ف انتظاركم
نجمه: طاب تعالي خش معانا عشان الموضوع اللي هتكلم فيه يخصك انته كمان
مهران: في سره اكيد الملعون عزب عمل نصيبه استر يارب خير ياست نجمه هتعرف جوه
مهران: طاب عرفيني فيه ايه ولو عزب عمل حاجه نحلوها مع بعض
نجمه: ياولدي تعالي بس هنتكلمو جوه
مهران: هيا دي بتك
نجمه: اه بتي وخيتك
هيفاء و مهران: اهلا بيكم اتفضلو
ليدخل مهران ومعه نجمه وهيفاء لتنظر كامله الي نجمه
كاملة: جاتك وجع جلبك انتي لسه عايشه يا نجمه يا فجريه وانته يا مهران ايه اللي رجعك
مهران: الخاله يا اما جالت في موضوع مهم جدا ويخصني كمان
كاملة: بغرور خاله مين ديه
نجمه: الخدامه كانت بتشتغل عندي وانا زعطتها عشان بت مسهوكه
كاملة: ايه يا نجمه راجعه تشتغلي تاني عندي بس اصبري ثواني سمر بت يا سمر هاتي الطشت والمايه السخنه عشان نجمه تغسلي رجلي الصراحه يعني من وجت ما زعطتك محدش بيعرف يدوسلي رجلي غيرك
نجمه: ده كان زمان لكن من النهارده انا ست الجصر زيي زيك انا كت متجوزه المرحوم نصار وديه بته هيفاء
كاملة: بتجوللي ايه انتي يا بواجي الحريم يا خدامه من غير جردل ولا خيشه يا مساحه الرجول يا كتي بتاكلي بواجي الاكل
هيفاء: جري ايه يا ست يا عجوزه انتي متلمي لسانك
كاملة: جومي يا فايزه هاتيها من شعرها البت المصنعه ديه
مهران: اهدو بجي عايزه ايه يا خاله
كاملة: شوف الواد بيجولها يا خاله
نجمه: المحامي جاي مع رزج اخوي وجايب كل الاوراج
كاملة: الله ورزج حرامي الوكل ونطاط الحيط ده انتو عصابه بجا
مهران: ارتاحي يا خاله
كاملة: ازعطها بدل ما اجوم اجطع المركوب علي وشها هيا والبت اللي معاها ديه
وهنا ينزل عزب
عزب: في ايه يا جماعه صوتكم عالي ليه
ثم ينزل جري ليقترب من هيفاء
عزب: اوعا ايه الجمر ديه ده انا جتيلك النهارده هو في حلاوه كده يا ناس جوزيهالي يا اما
كاملة: اجوزك مين جاتك جنازه حاره
هيفاء: بعد الشر عليه انتي خشمك مر كده ليه
عزب: يا ابوي علي الخشم اللي عينجط عسل اموت انا فدا عيون الغزلان
مهران: مخلاص يا عزب اعملك جفله
وهنا يدخل عليهم شديد مره اخري
شديد: ست في واحد اسميه رزج برا ومعاه محامي
نجمه: رزج اخوي خليه يخش ده صاحب بيت ياله غور
كاملة: وليه انتي اجعدي وحطي مركوب جديم ف خشمك
وهنا يدخل عليهم رزق ومعه الاستاذ عبدالرحيم الاسيوطي المحامي
رزق: والله ورجعنا الجصر منصورين وصحاب حج
كاملة: جري ايه يا بغل السرجه انته داخل زريبه يا كلاف البهايم
المحامي عبدالرحيم: انا جاي عشان اقدم الاوراق اللي تثبت أن الحج نصار ابو الليل كان متجوز موكلتي نجمه علي سنه الله ورسوله
كاملة: انته بتجول ايه يا بجره انته
مهران: الله كت خايف من عزب طلع ابوي استرها علينا يارب
عبدالرحيم: حضرتك ديه صوره من قسيمه الجواز وشهاده ميلاد الانسه هيفاء نصار ابو الليل
كاملة: الكلام ديتي كدب
عبدالرحيم: خلاص نتقابل ف المحكمه
