رواية حين تتغير الاقدار الفصل الرابع والثلاثون بقلم سناء الهموندي
قد يكون اللقاء قدرا والصداقة إختيار
أما البقاء فى القلوب فهو لمن هم أكثرهم صدقا ..
فالقلوب الصادقة تثمر حبا وتبقى نابضة لا تعرف
سوى الوفاء هذه القلوب من الصعب أن نتخلى عنها
بعدني أشعل عشگ روحي لبرد عينك
بعدني وي الموسيقى ألگاك تعزفني وأغنيلك
نور : اباوع لغلام شون صار اعصاب ويعض بشفته من حجي تمار وأمي وخالتي والبقيه يضحكون على كلامه .
تمار : ياله خويه غلام خلصت الخطبه راوينه عرض جتافك ولاشوفنه وجهك لحد يوم الزفه وها لا كلساع تجي بحجه تشوفني لا حبيبي انا اجيك لبيتكم واجيب اختك وياي لزمت ايده بشقه ومشيت للباب وكتله ياله عزلنه شو هذا الزمني وطلعني وسد الباب خرب يومي عود جيت ارد السوا بيوم خطوبتي شو صار العكس وجماله يصيح عليه ويكول .
غلام : اراويك عرض جتافي مو دروح هيج احسلك شمرتك بره غرفتك .
نوره : واكفين كلنه ونضحك أتقدم غلام وكف بصفي وخالتي جوري كالت خل نعوفهم شويه وصدك همه طلعوا وتمار مد رأسه وصاح .
تمار : غلام غلاممم ياله تعال الولد يردوك شنو جلبت .
نوره : غلام يضحك ويرفعله بحاجبه باستهزاء وذاك يشيل روحه ويدكهه بالكاع ويكول مثل ما خرب عليه الحضه بخطوبتي اني هم اخرب عليه وغلام ميت من الضحك عليه من شمس لزمت ايده شاورته وراح وراهه .
غلام : بعد ما طلعوا كلهم تقدمت على حلمي المستحيل ممصدك صار واقع لتقدم وهيه ترجع ليوره لحد ما طخت بحافه الميز تقربت عليهه كلش وانا اتمعن بكل تفاصيلهه تفاصيلهه الي من جنت اباوع عليهه اروح استغفر الله واصلي حتى لا ينحسب ذنب عليه وعليهه تفاصيلهه ورقتهه الي تعذبت بسببهه سنين وسنين اليوم الي الحق اصفن واتمعن بيهه للصبح تقربت عليهه حضنتهه قوي وشميت عطرهه رحت بعالم ثاني ما حسيت اله رجفتهه جوه ايدي ابتعدت عنه واشوفهه صك سن بسن وهيه تكول .
نوره : بارتباك وخجل ااا اشبيك غلام فدوه ليجي أحد .
غلام : ضحكت وكتلهه أنا أريد يجيون حتى يشوفوني شون ملهوف عليج ويزوجونه باسرع وقت ورجعت تقدمت عليهه توني احاول اتقربلهه وندك الباب قوي .
نوره : فزيت من دكه الباب وكتله بخوف غلام عفيه افتح افتح اكيد شافونه هسه أبويه يموتني هسه اخوتي يذبحوني حجيتهن كلهن سوه وعلى السريع ماحس اله صاح بيه .
غلام : بصوت شبه عصبيه بسسس كافي شبيج شنو بايكين ناهبين التفتت للباب وهزيت راسي على فطراتهه اول مفتحت الباب صار بوجهي عمهه وتمار وأبو علي يصيحون عمهه اول مشافني التفت عليه وصاح .
حكمت : انت باي حق تجي تكطع عليهه مهر وانا مقابل شوف اكللللك هسسسسه تفصخ كلشي .
غلام : احترام الابو علي وانا بيتهم نعلت الشيطان وحجيت بهدوء وكتله حجي استهدي بالرحمن وتعال كعد خل نتفاهم .
حكمت : ماكو اي تفاهم بيناتنه وهسه تنهي كلشي وتروح الله وياك احسن ما يصير شي مو زين .
غلام : شوف ابو دمام التريده مستحيل يصير وخصوصا بعد ما كطعنه مهر وهاي كدام ابو علي اكولهه الخميس الجاي نور بيتي .
ابو علي : حقك ابني المره مرتك شوكت ماتحب تعال اخذهه .
غلام : تقدمت بست راس ابو علي وطلعت وطلع ورايه تمار يركض واسمع عمهم يهوس .
تمار : غلام غلاممم اوكف خويه .
غلام : التفتت وكتله روح ارجع تمار انت مالك شغل بشي .
تمار : امسحهه بيه خويه والله العضيم حاولت اهدي لعمي وحجينه بس هوه بسلامته قافل لا تأخذ بخاطرك يبعد اخوك .
غلام : طبطبت على جتفه وكتله كل هذا ميهم المهم أنا سبوع الاخ أخذ نور .
تمار : كبع وأخذ مريتك هيه خويه .
غلام : ابتسمت الكلامه اليطمن الكلب ورجعت للبيت وراهه اجتي امي وخواتي حاولو ميحجون شي كدامي ثاني يوم العصر رجعت من السوك عبن أنا بأيام اجازتي انزل ابيع المحصول بالسوك ويه سلطان الحاير بدراسته حلمه يكمل قانون وهوه هم شاطر كلش رجعت للبيت لكيت امي محضره ملابسي طبيت سبحت واكلت لكمه وأشوف امي تريد تحجي شي كتلهه ها حجيه خيرج بالج كلام جنج احجي لا ضمين .
جوريه : غلام يمه اجل العرس شويه عبن اليوم جتي ام علي تكول بعد مامحضرين والبت تريد تكمل نيشانهه .
غلام : يمه احجي الصدك بدون لف ودوران اكو شي .
جوريه : والله انت صعب ينضم عليك شي ابني عمهم قافل على البت وام علي تكول كلب الامه علينه وأبو علي معانده هوه وتمار .
غلام : مستحيل أتراجع بقراري أنا راح ااجلهه نهايه الشهر بس علمود نور تكمل نواقصهه .
جوري : ولك يمه هوه الشهر شباقيله شو كضه .
غلام : كمت وكتلهه لا حبيبه باقي بي خير من الله 20يوم كلش كافي وزياده وراهه بيومين التحقت للدوم وانا جان بنفسي اشوف نوره بس ياله الايام جايه هوايه انشالله .
نوره : بعد الي سمعته من امي انو غلام محدد العرس بعد 20يوم فرحت كلش عبن خفت لا عمي يسويهه صدك ويخربهه مرت الايام وانا امي وخالتي جوري ودني للخياطه خيطت احلى الثياب خالتي جوري جايبه القماش كله من بغداد خلت نسوان عمامي وكلهم يتعجبون بالنيشان تمار وشمس عايشين احلى ثنين وابنهم الي مخبلي بسوالفم وتمار يخاف عليه من الهوه وامي وأبوي الي ما ينزل من ايدهم .
غلام : بعد ما نزلت من التحاقي تفاجاة بوفاة عم أبو علي رجال جبير بالعمر رحت اخذت من خاطرهم وهناك لكيت عمهم يباوعل نضرات معرفت افسرهه رجعت للبيت وبالغتني امي لازم ناجل العرس عبن عيب من ابو علي عمه ميت ويزف بنته وفعلا هذا الي صار مرت الايام والأشهر وانا انتضر .
شمس : دخلنه بسنه ال 1976 جو ربيع حلو تمار مستمر بشغله ومرتاحه ويا كلش يحبني ويحترمني وانا صرت أعشقه وما اكدر بليا سلطانه الحمدلله مرتاحه بزواجهه وهناء هم انور كلش يحبهه ويحترمهه بس باقيه بكلبهه غصه الطفل امي بين يوم ويوم أنا يمهه حياتنه مشت وابني كبر ونش نش وخدوده نهار كله تعضعض بيهن نوره تحلفت بيهه بس تخلف اشبع ابنهم عض .
غلام : مرت الايام والأشهر وهسه بسنه ال 1976 واجه اليوم الانتضره بفارغ الصبر بعد يومين عرسي حضرنه كلشي وعزمت الأقارب والأصدقاء وطبعا على وعدي النور كلبي جبتلهه السياره الطلبتهه بالسانهه حتى تنزف بيهه .
نوره : ممصدكه اليوم عرسي وانا لابسه الفستان الابيض الطويل ويغطي صدره جزء بسيط من اليلو بنت عمي نرجس اجتي حطتلي مكياج بسيط وجرت عيني من فوك بكحله لونهه برز أكثر وصارت أحله شعري شالته بطريقه بسيطه وحطتي الطرحه اباوع على نفسي بالمرايه وفرحانه كلش كعدت بالهول وبدن النسوان يغنن ويصفكن وره تقريبا ساعه سمعنه صوت الزفه احس رجلي تشنجت من الخوف طبو بيت خالتي جوري وراهه طب غلام بقاطه الاسود المتربع عليه خفت عليه من العين لينحسن بكلبي قريت المعوذتين اجه كعد بصفي ولزم ايدي حسيت بدفو أيده غلام من النوع خجول كدام العالم وكح من نبقى سوه لزمني وكام وكف وكفت ويا ومشينه وصلنه للباب تفاجات بعمي باسني براسي وعيونه كلهه دموع صراحه نقهرت عليه كلش باسني والتفتت على غلام وكال .
حكمت : تعرف شنو معنى الروح يا غلام هيه هاي الروح نور روحي من الدنيه وتمنيت اخذهه لولدي وما اخسرهه بس كلشي قسمه فا كل الي اريده منك تحافض عليهه وما تخيب ضنهه بيك بيوم لان اذا يوم سمعت مزعلهه فمراح أتردد دقيقه وحده واجي اخذهه .
غلام : بست راسه وكتله روحك صارت روحي لا دير بال .
نور : الي اعرفه بيوم زفت البنيه الاب والاخ يوصون العريس على بنتهم بس انا ابوي واخواني سووو العكس كعدو يوصوني على غلام وابويه يكول .
ابو علي : بنيتي اخذتي سيد الشباب اخذتي جوهره بيت حجي محمد وجوهره كل سلفنه اريدج ديرين بال عليه وتحافضين عليه وتصوني .
تمار : نواره حبيبتي تعرفين ميعتاز اوصي غلام بيج بس حاب اوصيج بصديقي ورفيجي وصيريله ام واخت وكلشي .
نور : همه يحجون وانا دموعي تكت من كلامهم الي يطمن ويرفع الرأس ودعوني ولزمني غلام صعدني بالسياره وهوه يكلي .
غلام : سمعتي يا حلوه ديري بالج عليه وبذات اليوم .
نوره : دنجت بخجل فترينه المحافضه بالسياره والزفه احلى ما يكون اخذنه صور للذكره ورجعنه للبيت مسوين عزيمه وهوسه وللساعه بال 9كلهه طشت فوتوني بغرفتي وطبعا شمس مخليتهه تروح طلبت تبات يمي بحكم ميانتنه سوه شويه وسمعنه صوت الهوسات اجه غلام شمس طلعت حتى قبل ليوصل شويه وطب للغرفه غلام و انا جمدت بمكاني باوعلي ابتسم بهدوء نزع حذائه وراح غسل وتوضه وجه صله أنا صليت قبله وغسلت ولبست ثوب ابيض خفيف وفوكا الروب لفيته عليه لف وارجف كل هذا وهوه مندمج بلصلاة خلص وكعد يسبح ويباوع عليه ويبتسم ويهز برأسه اندك الباب كام هوه فتح الباب جاب العشه من شمس واجه كعد وصاحني .
غلام : تعالي تعشي .
نوره : بارتباك ممااا ماريد .
غلام : تعالي تعشي لتضوجيني نوررر .
نوره : خفت ليصير عصبي واجيت كعدت مسافه على الصينيه هوه ياكل ويباوعلي من جوه الجوه شافني صافنه عليه كام يسويلي لفات صغار وينطيني وانا هم من جوعي اكلت لحد ما شبعنه شال الصينيه وراح أنا بس طلع ركض طبيت جوه الغطه وغطيت حتى راسي سمعت صوته يتحم حم وسدت الباب سويت روحي نايمه متحركت اجه بصفي نجطل جر الغطه على كيف يريد يتغطه وانا مجلبه بي ما اقبل اعوف الغطه عبالك هل غطه راح ينقذني من المضموم هوه يجر بالغطه وانا اتمسك بي أكثر لحد ما كال .
غلام : نووووررر شني السالفة شجاج .
نوره : حجيت من جوه الغطه اكو غير غطه عفيه عوف هذا إليه .
غلام : لج نوررر.
نور : جر الغطه مني وكال بهدوء .
غلام : شبيج أبويه انتي ليش تشلعين كلبي .
نور: ضل يحجي بهدوء ويايه ويمسد على شعري شويه شويه على أيدي حسيته تجرء أكثر وشفته كام نزع فانيلته لو اني تخبلت فتحت عيني كل قوتهه وطكيتهه بجيه المسكين حار بيه يسكتني وانا قافله اريد اي وسيله تخلصني من هل ليله .
غلام : بسج نور عيني انتي شبيج يوجعج شي تردين شي احجي لا تقلقيني .
نور: بجي وانا امسح دموعي كتله اريد امي .
غلام : شنيييي ولج اليسمع بجيج يكول شوف شسوالهه وانتي تكولين اريد امي .
نور : باوعتله بخوف وكتله انت موش تكول تحبني وما تاذيني .
غلام : ليش عندج شك بحبي الج والج انتي النفس .
نوره : بفطره جا عوفني .
غلام : بضحك كلت هاي مبين راح تعبني خل اسايسهه ماكو شي اسمه قوه خصوص نور كعدت اسولف الهه مواقفنه واسولفلهه حبي الهه بسكوت وطلعت البالطو مالتهه الي أخذته بيوم النسته يمنه وشون أنا ادور بي عطرهه شفتهه هدت بديت وياهه شويه شويه لحد ما خليتهه تسلملي نفسهه بكل هدوء صارت مرتي وام بيتي بستهه براسهه وكتلهه خو ما متاذايه أشرت براسهه بلاء كومتهه قبلي فوتتهه للحمام غسلت وطلعت وانا فتت وراهه ورجعت صليت ركعتين شكر لربي الي جبر بخاطري وخلاني املك الي اتمناهه كلبي ودعيت يرزقني بالذريه الصالحه ثاني يوم بدت العالم تبارك النه وضليت اجازه سبوعين أنا مكابل بي نور اريد اشبع منهه عبن ماعرف ليش اكو غصه بصدري احس .
نور : مرت الايام والاشهر وعرفت بنفسي حامل بلغت غلام بحملي طار من الفرح وحار شيسويلي وشيجيب بحيث باليل يكعد يلزم بطني ويحجي ويه الطفل مرات يقره على بطني قران وآيات يكول حتى يطلع طفل طاهر ومحب للدين .
شمس : تمار لتعلم الولد عليك .
تمار : ليش حبيبتي معقوله تغارين من ابنج .
شمس : تماررررر شنو هل حجي بس قصدي من تروح للدوام يشلع كلبي والله .
تمار : كمت بستهه وكتلهه شنو رايج نسويله اخ .
شمس : لا عفيه تمار مو هسه خل يكبر شويه .
تمار : يكبرون سوه عمري انتي .
شمس : باوعتله بنضرات التوسل هوه هم يضعف كدام هاي النضرات واكيد أنا افوز ههههه مرت الايام وحياتي هادئه .
نور : حامل ثمن أشهر وبديت احس بتعب خطيه خالتي جوريه متخليني اسوي شي كوه اساعدهم ومرت فالح على كد الشغله الي تسويهه وطب بغرفتهه خالتي راحت لبيت خاله فضه تسير عليهه عبن تعبانه وانا هم أخذني الوهس اعزل البيت وطبيت الغرفتي هم كلت ويه ايدي خل اعدل الفراش الفوك الكنتور عندي زايدات كلت اشيلهن واغطيهن حطيت ميز صغير عندي وصعدت عليه اعدل بالفراش حسيت الميز مو ثابت توني اريد انزل منه وما حسيت اله وانا واكعه بالكاع ومباشر على بطني صارت على حافه الجربايه شاغت روحي وعطت كل حسي متحملت حسيت بطني كاعد تتملخ من الوجع كمت اصيح من الوجع اجتي تهاني تركض مرعوبه شافتني تخبلت كومتني على الجربايه واسمع صوت الباب يندك قوي وصوت فالح وسلطان يردون يطمانون اجت احلام تركض جانت بالحمام تخبلت وكامت دك على صدرهه اثاري أنا نازفه ومادري بنفسي طلعت احلام وكلت لاخوتهه ركض سلطان وره أقل الربع ساعة جان تجي امي وشمس وخالتي جوري وانخبصوا بيه وامي صيح عليه ادري متوازيه ولج يمعزايه وضعج مايطمن وخالتي جوري تصيح بصفحه .
جوريه : ولج يمه باجر ينزل رجلج شكله وهوه يمشي ويوصيني بيج يمشي ويصيح يمه امانتي هاي يمه ديربالج عليهه متكعد اثاري صدك ما تكعدين يابنتي ليش هيج .
نور : همه يحجون وانا متت من الألم تالي عطت عيطه امي كالت .
ام علي :ادز على الجده تجي .
جوريه : اي هسه ادز واحد من الولد .
شمس : بجي يمه حالتهه ما طمن فدوه اخذوهه للمستشفى .
احلام : اي يمه عفيه عوفي الجده .
نوره : أنا سمعتهن بعز وجعي كتلهم ما اروح عبن ما كايله الغلام وبس يعرف طالعه بدون إذنه يزعل .
جوري : ولج يمه غلام لو هنا جان تخبل عليج امشي سلطان شوفلنه سياره بساع .
نوره : راح سلطان وره شويه جاب سياره وانا ابجي وماقبل اروح لحد ما امي عاطت بيه واجه ابوي واخذوني كوه للمستشفى حولوني لقسم الولاده كالو ولاده مبكره ضربوني ابره ومغذي وانا صياح من الوجع واربع ساعات لحد ما جبت بالكوه بس شو ماكو صوت طفل باوعت الدكتوره تضرب بي كل قوتهه وانا اصيح عفيه على كيفج ويا خطيه ضلت الدكتوره تضرب الطفل وتسحب الماي منه وسويله اوكسجين وهوه ولا نفس لحد مااااااااا.
الى هنا ونختم بارت اليوم انتضروني بلاحداث المقبله حبايبي اتفاعلوووووا رجاء والله مياثر عليكم دوسه نجمه وتفاعل بسيط ..
