رواية حين تتغير الاقدار الفصل الثامن والثلاثون بقلم سناء الهموندي
ليل اليمركم هنى وأنه بهضم ليلي٠
مامره شفت الفرح لومرعلي ليلي٠
وكلما أريد أسألة وشبيك يا ليلي٠
يجاوبني مثل الحزين الينعت الحسرة٠
فاگدغوالي الگلب وبیهم آجر حسرة٠
أنچان الناس تنام وبگلوبهم الحسرة٠
تراني عليكم أجر حسرات كل ليلي
غلام : لا ليلنه ليل ولا نهارنه نهار صوت الصواريخ والقذائف تردم على يا ساعه تجي وحده بنصنه وطشرنه قراني صغير بجيبي نوبات أقره بي شويه بالي يم امي وخواتي ونوره وسباوي الي روحه بيه هسه شنو حالهه معتز وصيت عليه سلطان بس كون ميطلع ويسويلنه مشكله صارلي 3اسابيع بالجبهه وكلساع واحد مستشهد واكول هسه يجي دوري اول ملتحقت تعرفت على واحد وراهه بسبوع ستشهد حلفت بعد ما اتقرب من أحد من حركه الولد الي تعرفت عليه عريس مصارله شهرين من متزواج واخذوا ملفوف بعلم الله يساعد اهله كمت احجي ويه الفوج مالتي على كد سوال جواب .
هناء: مرت سنتين حياتنه يعني هسه احنه اواخر ال1981 عايشيهه برعب كل يومين ومداهمينه الأمن معتز صار سنتين عايش هناك بالسرداب وخالتي كل فتره تروحله هيه وعمي صادق الولد مرادو يرحون حتى ليفكون العيون على اهلي نهله تزوجت شخص محترم يشتغل بالمطار اخو زميله وياهه بالكليه بعد ما تخرجت تزوجت وصار عدهه ولد واني بعد ليش ربي اكرمني بولد ثاني سميته غيث عمره اشهر من اروح الأهلي معتز يفرح بيهم ويلعب وشويه يلتهي وياهم إخوانه وأبو مانعي من بغداد بس هوه يجي بدون علمهم يشوف خطيبته الي من فتره كال الخالتي انو كاطعين مهر وتفق ويه زوج نهله يهربهم خارج العراق يروح يم عمو فرقد الي دز رساله مستقر بالسويد هوه وعائلته وهل فتره قرر معتز يطلع خارج العراق هوه وزوجته الي بعدهه يم خالتهه .
نور : بدموع وتوسل غلام مو كافي بعد هاي سنتين اني مشايفه منك شي بيهه غير ايام كضيتهه كلهه بالحرب .
غلام : بابتسامه يا حبيبتي انتي قابل بيدي لو بيدج هل شي تعرفين أنا هناك فوك ضيم القصف والكتل شايل همج يا نوره والله ليلي كوه انامه افكر يا ساعه امو.....بعدني احجي حطت ايدهه على حلكي وقاطعت كلامي بانهيارهه كدامي كعدت بالكاع وتملخ بنفسهه وتبجي .
نور : لتكولهه غلام لتكولهه وتمرد كلبي والله روحي مفرفحه عليك ومن تروح اضل ايدي على كلبي وكل ما اسمع تشيعع مال شهيد اسد آذاني واكعد ابجي .
غلام : كعد حضنتهه نواره حياتي خليج قويه تعرفين اذا شفتج ضعيفه راح ازعل انتي مو تكولين كلشي ولا تزعل عليه اروحلج فدوه تقوي عاد الخاطر البطنج مباقي غير تلث اشهر ويزيد عددنه وتكبر عائلتنه نوره أبويه انتي اتعوذي من الشيطان وكومي لتاذين روحج وتاذيني .
نور : كمت مسحت دموعي وحضنته وكتله غلام أنا بيك اتقوه وانت تعرف هل شي .
غلام : اعرف حبيبت كلبي بس انا اريدج توعديني صيرين جبل وتتحملين كلشي .
تستمر القصة أدناه
نوره : دنجت وكتله الله كريم .
غلام : وشي ثاني هم اريد اكلوله الج بس خاف تنصبين مناحه .
نوره : تنهدت وكتله لا كول ماحجي .
غلام : نور والله مو انانيه ولا شي بس تعرفين شكد احبج وغار عليج من الهوه لو مر تعرفين ليل نهار افكر اخاف يصير بيه شي ويجبرج الوقت وترحين الغيري .
نوره : متحملت وبجيت بصوت وانا اهز براسي بلا .
غلام : نور ساعتهه راح اموت موتين موتت الدنيه وموتت الاخره عبن يكولون الميت كلشي يشوف بأهله ومن حيث أنا لو جيت وشفت غيري يشم عطرج يمكن ارتكب جريمه بعالم الاموات .
نور : بانهيار كافييييي كااااااافيييي غلام كافييي تحجي هيج والله ماتحمل تره .
غلام : بضحك جريتهه بحضني وبستهه شبيج اشاقه وياج كلبتيهه علينه دراما حزين بس عاد .
نوره : ضل غلام يسكت بيه ويقشمرني بكم سالفه بس انا كلبي عاصرني ومخنوكه بس مشيت حياتي وغلام راح للدوام مرتين لتحق ورجع طبيت بشهري وهوه نزل وفرحان جي نزل واني بشهري يكول بالكي جيبين قبل ما التحق بس شون أنا طبيت بشهري وختفه الوجع وكلشي حتى مرات انسه أنا حامل بطني كلش جبيره ومفشوكه بالنص امي تكلي جنج بيج توم لان مثل بطنهه بخواني التؤام وخالتي جواري هم تكول ميه بالميه تؤام عبن هيه جانت ويه امي وتعرف كلشي مرت الايام والتحق غلام للدوام وانا ماجايبه روحه فرفحت يكلي شون تتوجعين وانا مو يمج راح واخذ روحي ويا مثل كل مره قبل بيوم ليروح انصب مناحه وهوه ساعه يهديني ساعه يضحك عليه ساعه يوصيني خاف يصير له شي وانا اتخبل بالزايد .
شمس : سنتين واحنه كل يوم نسمع صوت التشييع كل يوم شهيد كل يوم مفقود واحنه انخاف على غلام الي راح جبر للجيش وميكدر يعوفه بعد يكول الخان وطنه خان عرضه تمار بعده بشغله بيت الوزير وهذا الشي الي مطمني شويه صار عندي الطفل الثالث ولد بعده صغير تمار كل حياته اني وجهاله نوع ما حياتي مستقره لو ما خوفي على غلام احلام كبرت وعمران كذالك صار رجال ويشتغل سلطان تخرج وتعين لهذا مراح بالعسكريه امي كبرت وتعبهه ضيم فالح الميحس بيهه وغياب غلام الي من يروح امي تسويهه عزا وطبعا لا أنا ولا خالتي ام علي عايفينهه .
ضويه : ولج يمه نهله منيلج هاي الرساله .
نهله : شبيج يمه نسيتي قاسم مدير بالمطار واحد مسافر جاي من طرف عمي فرقد بالاسم جاي وانطه هاي الرساله الزوجي قاسم وكايله هاي امانه من أستاذ فرقد .
انور : اخذت الرساله من امي قريتهه مكتوب( السلام عليكم ورحمه الله وبركاته الى اخي واولاد اخي صادق لقد استقريت بالسويد أنا وزوجتي وأطفالي ابني معتز عوف كلشي وتعال يمي اعرف الحاكم الاجاكم حاكم ضالم ومحد يوكف بوجهه وانت مدام طلعت ضده ميعوفك فا يا ابني تعال واستقر يمي اامن الك والاهلك
تستمر القصة أدناه
تحياتي للجميع اخوكم فرقد) . فرحت بس نفس الوقت خفت لا هاي لعبه من جماعه صدام بس كلت همه ميعرفون بعمي فرقد بالسويد فستبعدتهه .
هناء: بعد ما انور قره الرساله الكل فرح المعتز صدفه يمنه تهاني كالت أنا اخذهه اله من اروح حتى محد يشك عبن بيتنه مراقب وفعلا هذا الصار تهاني وره سبوع راحت البيت اهلي وأخذت الرساله المعتز وانور وازهر رتبو الموضوع ويه زوج نهله علمود السفر بس زوج نهله كايللهم بالسنه الجديده يرتبله سفره ويه ناس دكاتره ومعروفين بطياره خاصه يعني بعد شهرين او اقل .
معتز : من قريت الرساله الدنيه ما وسعتني من الفرح معقوله أرجع حر والله مليت من الحبسه صار سنتين رغم خالتي ولدهه ممقصرين ويايه بس انا احس اختنكت من السرداب الي مرات بوكت خالتي باليل اطلع افتر بستان جدي وأبوي وارجع نوبات يجي يمي حبيب عمي الي بعمري .
نوره : اجه موعد ولادتي ودوني للجده مارضت اجيبني رحت للمستشفى امي وخالتي جوري وأبوي واختي زمن وياي اطلك وابجي مقهوره غلام بذيج ولادتي ويايه هسه ماكو بعد عناء شرفت بنتي وحبيبت عمري الثانيه لفوهه وخلوهه بصفي شو الدكتوره انخبصت وكامت تصيح بعد واحد بعد واحد هذا رأسه دفعي بس انا شنو بعد ماعندي وجع والدكتوره تصيح عاد ضربنتي ابره وره أقل الخمس دقائق وبديت أصيح وأنه داحي باب خيبر صحت بقوه ياعليييييييييييييييي وجان ينتهي كلشي وكان شيء لم يكن اتبخر الوج وصوت ابني يعلن عن وجوده وحضوره بالدنيا فرحتي متنوصف ثنين اطفال يصيحون ويبجون والاحلى أنا ابجي وياهم ليش ماعرف من الفرح من الألم من غياب غلام ماعرف الدكتوره تضحك عليه تكلي المثلج يطيرن من الفرح بقينه ساعتين بالمستشفى لحكنه تمار توه جاي من الدوام بملابس الشغل شالهم فرحان بيهم ويكول .
تمار : يوووو هوه رجلج وحده وماكل كلبنه بيهه شحال هسه مكول بتؤم وصاروا 3بعد شيخلصنه لا عيني أنا بس ارجع للبيت اخلي شمس تحلف بعد واحد حتى نغلبكم .
نور : بضحك وتعب تره ماقبل تحجي على رجلي ابو جهالي .
ام علي : يا شوف المصكوعه بعتي اخوج علمود رجلج .
تمار : بمسكنه حتى شوفين بعينج يمه أنا شكد فقير .
نوره : يمه تمور انت الروح والريه بس لا تنسه يخوي زوجي النفس ضحكو كلهم وره ساعه طلعنه للبيت جبت نهايه ال 1982بشهر ال12 مرت الايام وغلام ماكو لا حس ولا خبر اجه موعد نزوله وعبر سبوع وهوه ماكو تخبلت فرحتي نكلبت حزن وبجي طلع أربعين التؤم وغلام ماله خبر رحوا سلطان وتمار سالوا كالو ناقليهم بالمقدمه وانا حزني عشش بكلبي .
شمس : صار يومين أنا عد اهلي عبن غلام صار أكثر من شهرين مفقود وماله اي خبر والولد كالهه راحت تسال وماله اي اثر حتى جماعته الي بالمقدمه نزلو وهوه مو وياهم نور لا اكل ولا شرب وهيه ترضع انسلت سل امي نهار كله سجادتهه فارشتهه وتبجي عليهه .
تستمر القصة أدناه
جورية : ابوع على جهاله الي حتى مالحك يشوفهم واموت من القهر لو مرته الي هيه والميت سوه توضيت وكعدت اصلي وادعي ياربي كبرتهم بالتعب وسهر اليالي وانت ادره بحالي يالله عشه ليل كوه ادبره بس ماوكلتهم حرام جسمهم تكصكص من البرد وماعدهم اهدوم ثخينه بس ما مشيتهم بالحرام ياربي بعت حياتي وشبابي الاجلهم اريدك تردلي وليدي مثل مارديت يوسف الحضن يعقوب صار تلث اشهر ماشايفته وين اراضيه وينه ماعرف رايدته منك يا اللهي .
سلطانه : يمه كافي دموعج نشفو من البواجي .
جوريه : جا شترديني اسوي ييمه انتي اسم الله عليج ابنج البارحه شويه نجرح برأسه كلبتي البيت علينه .
سلطانه : حكج يمه حكج بس انا غير علمودج لو صار عليج شي ياهو النه .
معتز : اجتي نهله بيت خالتي شافتني وكلش فرحت بشوفتهه وبابنهه ماشاء الله صاير عدهه ولد بالغتني الطياره المتفقين عليهه هل اسبوع تطلع وانا لام أحضر كلشي طبعا أنا بلغتهم ماطلع بدون ورده الي كطعت عليهه مهر وعفتهه واخر مره رحتلهه قبل تلث اسابيع بالغتهه انو لازم ننهزم ثنينه خارج العراق ونسوي عرس هناك بالخرج أمام اهلهه راحت نهله ومرت الايام واجه موعد السفر ومثل كل مر اتنكر واطلع واول مرحت بوجهي لبيت خاله ورده اخذتهه خالتهه وعمهه يعرفون بكلشي وهوه كللهه طلعي الاهلج لان يوميه الأمن يجون يستجوبوهه وهيه تكللهم ماعرف عنه شي صار سنتين اخذتهه وبوجهي بيت اهلي بالطريق طلبت منهه ادخل عليهه ويتمم زواجنه وهيه ضلت حايره كالت نوصل لبيت اهلك ونفكر رحنه لبيت اهلي باليل .
هناء : كاعدين كلنه بالهول على التلفزيون اندك الباب طلع ازهر فتح طب معتز وبيده بنيه احنه سامعين بخطيبته الكاطع عليهه مهر بس مشايفينهه وهاي اول لقاء بينه بس خالتي شايفتهه هيه وعمي صادق .
معتز : يمه هاي ورده أنا راح اخذهه واطلع بره العراق يمه هنا مو امان بعد .
صادق : ابني كلبي لاعب من هل سالفه كلهه .
معتز : اطمان يأبه لو يردون يسوون شي جان هسه جفتوا علينه واخذوني .
انور : اي والله يا بويه أنا اخاف لا هاي الهدوء القبل العاصفه ازهر امشي نطلع كل واحد بصفحه خاف تحس بشي عاد نجي نشرد معتز تعرف اذا نلكف نقره عليه الفاتحه .
ضويه : يمه اسم الله رواحوا راقبوا المنطقه الاخوكم يمه .
هناء : طلعوا عمي والولد يراقبون ومعتز جر ايد خطيبته وصعد فوك وخالتي تلوب كلساع تريد تصعد وانا اكلهه خاف عدهم شي وره ساعه وربع تقريبا نزلوا ومعتز بيده جنطه صغيره والبنيه جنطتهه وياهه باس أمه وتنهد ودعهه وطلع وهذا جان اخر لقاء المعتز راح معتز وره ربع ساعه رجعوا الولد كالوا طلعنا من المنطقة ورجعنه كال من يشوفوكم ننكشف راح معتز ومرت الايام واحنه منعرف عنه اي شي .
تستمر القصة أدناه
تمار : متحملت اكعد واسكت وضليت كل اجازه انزل بيهه أنا ادور على غلام من وحده لوحده اخر شي رحت على ولد جان ويا بنفس الوحده وكال
جندي : السريه مالتنه تقسمت وحدات ناس راحت بالمقدمه وناس صارت دروع بشرية وناس راحت بمهمه بالبصره .
تمار : جا اروح للبصره ادور عليه .
الجندي : عمي هيه البصره صغيره ودور عليه انتضر أنا هسه حطوني على البريد ادزلك مرسال واشوفنه وين .
تمار : خوش أنا باجر يمك .
الجندي : ضحك وكال بويه المرسال بيومين أو أكثر لما يوصل وعلى ميردولي جواب يراد سبوع أكثر انت بس كلي شكتبله وانشالله توصل الرساله .
تمار : كتبتله اهلك بالهم عليك طمنه ولو برساله بخبر الحمدلله نور ولدت و الله أكرمك بتؤم ولد وبنيه وكتبتله ارجع عاد مو حتى أنا طك جبدي عليك شيصبرني سبوع أنا صبرت والأهل شيصبرهم رجعت للبيت والطريق كله حسبه جيبني وحسبه توديني امشي بالبستان واعاين على مكانه النكعد بي ونسوالف اباوع على الشجره الربطنه بيهه المرجوحه الهسه معلكه ونروح نودي جهالنه يلعبون بيهه كل مينكطع خيط ابدلنه جريت حسره وافكر بنور الراحت عينهه من البواجي جا أنا شكول على عضيدي المعارف عنه شي والله لو ما العيبه اكابل خالتي جوري وانحب وياهه غلام موش اخو لاله غلام اغلى من كلمه اخو يارب قر عيني بشوفته ولا تفجعنه بي رحت لبيت خالتي طبيت تلكتني خالتي جوري وجهه مخطوف شايله بت غلام على جتفهه .
جوريه : ها يمه بشر .
تمار : أنشأ لله هل يومين ينزل مكدرت اكللهه غير هيج خطيه هيه فرحت اخذت شمس وحجيتلهه انو ناقلي ودزيتله رساله أنشأ لله اسبوع ياله يردولنه خبر .
غلام كاعد بجوله بس صوت المدافع وهدوء الموت يدوي ع ساعه يلفونك بعلم متعرف مصيرك مايس من الحياه وارسم عيون نوره ع تراب الوطن وشيلة امي الي مشفته يوم مفرعه وصوت صلاته الصبح وجهاده وهمه بين عيوني اجاني صوت صديقي عزيز فززني من صفنتي
عزيز : غلام عندي ابشارع الك مقابيله تلزم واجب فوك راسي أناملي ساعه بس اذا اجه الاامر سوي روحك تكعدني متخربط بعد اخوك اهم شي شك فانيلتك وصيح يبووووو .
غلام : عزيز روح منا انت سوالفك كلهه تعبانه ما وراك فايده .
عزيز : جا خوش هاي الورقه اروح انكعهه واوزع مايهه للضباط .
غلام صدك واشوف ورقه بيده خطفته خطف من بين ادينه روحي ردتلي مكتوب فوك غلام اجوك تؤم قبل ميكول سلام عليكم اعرف سوالف تمار الخبر المهم يقدمه على كلشي فرحتي متنوصف اقرا الرساله ودموعي تنزل يارب عليك بحق الحسين لو مره وحده انزل اشمهم وودعهم وبعد الموت حق وأشوف فرحت امي بيهم ذكرت بليل ابو البريد يجمع الي يكتب رساله يوصله لهله يجي مره بشهر واليوم جاب رسائل الاهالي يرجع يأخذ رسائل الجنود جبت ورقه وقلم و كتبت بعد السلام اخي وحبيبي تمار احلى بشاره سمعته منك واني بهذا المكان ادعو من الله يرزقك تؤم حتى تشوف الاحساس الي حسيته هسه والله نزاح همي امي الحبيبه الصابره أن شاء الله انزل عن قريب اذا سميتهم فا انتي أحق مني بتسميتهم واذا بعدهم مسميتيهم فا سميهم رضا ومعصومه واذا سميتهم خلاص ام سبأ حمد لله على سلامتج حبيبه وقوي نفسج مابيه شي وسلامي الى حبيباتي اخواتي وبناتي شمس روحي وهناء وسلطانه واحلام بالي يمجن بعد اخوجن سلامي لكل اخواني وخالي ديربالك على امي وحبيبتي ونور عيوني انتي راجعلج باذن الله
تمار اخوي وصديقي ترى جهالي انت ابوهم مو خالهم اريدك منا لمن اجي تأخذ دوري وانا متاكد انت كفو ومتقصر مع السلام والتحية.
شكرا لزيارتكم عالم روايات سكيرهوم
