رواية اخترت نفسي الفصل الثالث
معقوله وصلت لهنا معقول ده احمد جوزى وهو نازل مع مرات اخوه وحاضنين بعض دخلت البلاكونه واستنيتهم شويه لعند ما نزلوا وبصيت عليهم وهو بيركبها العربيه اكيد مخرجها طب انا وبناته معقول معدش شايفنا معقوله احنا اتمحينا من عنده دموعى نزلت وانا حاسه بقهره ومش عارفه اطلعها وفى دماغى مليون حاجه
فصل تفكيرى تليفونى وماما بترن عليا
مسحت دموعى واخدت نفسي ورديت عليها
-الو...ايوه يا ماما ...ايوه جايه انا والبنات.....احمد
سكت وانا مش عارفه اقولها ايه
-احمد نزل ....لما اجى يا ماما يلا انا هلبس انا والبنات مسافة السكه
قفلت معاها وانا مش عارفه اعمل ايه ولا اتصرف مع الوضع ده ازاى
عند احمد
كان سايق العربيه وميار جمبه ومشغل اغانى وهم بيضحكوا
-بس انا متاكده انها كانت بتبص من ورا الباب ده انا حسيت بنار وصهد جايبن عليا هههههه
-سيبك منها هى خلاص معدتش طلاما مقدرتنيش يبقى متلزمتيش
-معاك حق يا روحى وانت تستاهل كل حاجه حلوه
-ده انتى الى تستاهلى كل الدنيا وما فيها
-هههه يا لهوى على كلامك ده بيدوخنى
-انتى لسهةسمعتى حاجه ده ا....قطع كلامه تليفونه
-يوووه انا لحقت نزلت اوووف على الزن
-ايه دى هى الى بترن
-ايوه يا ستى جت على السيره البومه ... حتى يوم الاجازه مش عارف اتهنى بيه
-ما ترد عليها قولها تنزل تقعد مع حماتى شويه بدل ما تقعد لوحدها دى معدتش بتنزلها خالص
-تنزل ولا متنزلش المهم تحل عنى النهارده...وخلينى معاك انت يا جميل ها عايزه تروحى فين
-ودينا ناكل الاول وبعدين نشوف هنعمل ايه بعدين
-اوامرك يا قلبى
-يسلملى قلبك
عند هاجر
رنيت على تليفونه ادانى مشغول انا عارفه انه مش مشغول وانه كنسل عليا عشان مشغول معاها دلوقتى
لبست البنات ونزلت تحت وعديت على حماتى الاول لانها ساكنه فى الدور الاول
-السلام عليكم
-وعليكم السلام يا هاجر ...اهلا اهلا حبايبى عاملين ايه وحشتونى
-وانتى كمان يا تيته وحشتينا
-حبيبتى يا نغم ...اسوله حبيبة تيته هاتى بوسه يا روحى
كنت بتابعها وهى بتبوس البنات وكانها مشافتهمش من سنه بس مقدرش انكر انها فعلا بتحبهم يمكن اكتر من جدهم بكتير بس لا بتقدم ولا بتأخر
-مالك يا هاجر وشك ماله
-مفيش يا طنط هيكون مالى قاعده انا وبناتى الاتنين لوحدنا ليل مع نهار ليهم اب مبيشوفهمش الا لو قعد اجازه حتى الاجازه مبيقعدهاش معاهم
-تانى يا هاجر
-تانى وعاشر يا طنط دى مش عيشه الا انا عايشاها دى ابنك امبارح مد ايده عليا ده لولا بناته كانوا نايمين كان يعملها قدامهم عادى وده كله ليه عشان بقوله يقعد شويه مع بناته
-لا حول ولا قوه الا بالله يا بنتى ما انا جيتلك وسالتك وانتى رضيتى وبينى وبينك كده احسن مش احسن ما كان يجيب واحده من بره ومكنتيش هتشوفيه خالص
-وليه يا طنط ليه واحده تانيه اصلا انا مش ماليه عينه
-مش على كده بس انتى عارفه
-ااه على الولد مش كده وانا فى ايدى ايه ومعملتوش هو انا الى بخلق ولا ربنا الى بيرزق
-يا بنتى ونعم بالله بس مقدرش اقف فى وش عمك ولا اتكلم انتى عارفه وان كان على ميار اهى مننا وعلينا احسن ما تكون واحده غريبه
-انا وافقت عليها عشان خاطر هى كانت غلبانه واهى تتستر وتحمى ابنها لكن متوقعتش ده ابدا
-اتوقعتى ايه مهى مراته يا بنتى وده شرع ربنا
-انا موقفتش فى شرع ربنا بس يا طنط مش كده ابنك بينام فى البيت بالعافيه سيبك منى طب والبنتين دول مش عايزين اب ده ربنا قال اتأمرون الناس بالبر وتنسون انفسكم
-اخس عليك يا هاجر بقى كده حرام عليكى الواد نايم جوه
-نعمممم ..شريف هنا
-ايوه وطى صوتك يا هاجر
-يعنى ابنك واخد ميار وخارجين وسايبين الواد هنا وهى سايبه ابنها ونازله وانا يا طنط لما اسيب البنات ساعه واحده عشان شغلى تقطمونى
-ها..
-السلام عليكم
دخل والد احمد من الباب فرجعت هاجر هى وحماتها لانه شخصيته صعبه وكل البيت بيعمله حساب ده فير انه لسه تفكيره قديم وبيحب خلفة الولاد عن البنات
-فى ايه بتتسايروا فيه ايه
-وعليكم السلام يا عمى
-ايه يا ست هاجر لابسه كده وراحه فين انتى وبناتك وجوزك مش فى البيت
-رايحه عند ماما يا عمى
-واحنا مش ورانا غير كده كل شويه ما تقعدى فى بيتك
مفيش يا حاج ده امها تعبانه بس شويه و...
-لحظه يا طنط ..وهو يا عمى الكلام ده مبتقلوش لاحمد ليه وهو سايب ولاده فى اليوم الاجازه الى بيقعده وسايبنا لوحدنا وخارج هو وميار
-ده راجل... يخرج يدخل ملكيش فيه طلاما بياكلم ةبيصرف عليكى اناى وعيالك وواخد مراته معاه مش خارجه لوحدها هى وكلمه كمان مش هتخرجى من البيت ده خطوه لما نرن على جوزك ويأمر الاول
اتعصبت ميار وكانت هترد بس حماتها مسكت ايديها
-خلاص يا حاج هى لبست هى والبنات وعايزين يشوفوا -ستهم برضه وتشوفهم حقك عليا انا
-خلاص تروح ومتتاخرش
-يلا يا هاجر يا حبيبتي عشان متتاهريش معاكى فلوس
بصتلها هاجر بغضب ورجعت بصت لحماها ومشيت
-يلا يا بنات
-معلش يا حج هى برضه من حقها تزور امها
-احنا الست مكنتش بتخرج من البيت الا فى دفنة جوزها
انا مش عارف بنات الايام دى عاملين كده ليه
وبكره تشوفى ابنك الى ملبساه العمه ونازله تشتغل وشوبه شويه هتبقى هى الراجل
-ليه بس كده دى بت طيبه ومحترمه ما الكل بيشتغل دلوقتى واهى تساعد عليه مهو بقى فاتح بيتين دلوقتى
-تساعد اه وبعد كده تركب وتدلدل رجليها كمان ...الواد شريف فين
نايم
-نايم ليه لدلوقتى ...لسه ماكلش
-لا مرضاش
-مرضاش ليه حطى اكل على اما اصحيه وناكل سوى
-حاضر يا حج
فى بيت هاجر
كان البيت عايشه فيه والدتها هي واخواتها الاتنين ووالدها متوفى
-يا بنتى استهدى بالله كده واخزى الشيطان وشوفى بناتك دول ذنبهم ايه بس
-معدتش قادره يا ماما معدتش قادره استحمل والله تعبت
لا اله الا الله والله ما عارفه انتى رضيتى بالوضع ده ازاى كنتى عايزانى اعمل ايه يا ماما انتى عارفه ان عمى صعب ومحدش بيقدر يكسرله كلمه لا هو ولا حماتى وانا -رضيت عشان خاطر الولد الصغير ده ميحسش باليتم وهو لسه صغير وهى كمان كانت صعبانه عليا عشان اترملت بدرى ورضيت
ـانتى الى عملتى فى نفسك كده ورضيتى من الاول
انا رضيت عشان يصرف عليهم وإن كان عايز يشقر عليهم ويشوف احتياجاتهم
-بس برضه الراجل الكبير ليه وجهة نظر فكرة انها ارمله وملهاش راجل ومعاها حفيده فاكيد خاف لتغلط وده يأثر على الواد فجابها بكده منها يحابى على حفيده ومنها ميبقاش ليها حجه لو عاوزه تتجوز تانى بدل ما تنحوز راجل غريب
-انا مش مصدقه ان انا الى عملت فى نفسي كده انا انا الى قولتله انى موافقه وهو مكنش راضى ومن يومها وهو متغير معرفش ايه السبب معرفش قالتله ايه
-هنعمل ايه بس يا بنتى مش ده احمد جوزك الى وقفتى عشان تتجوزيه انتم لحقتوا يا بنتى امال لو قعدتم عشرين سنه كنتى هتعملى ايه ..يا بنتى انتى عندك بنات سامعه والبنات فى السن ده محتاجين رعايه
-انتى برده هتقوليلى بنات يا ماما انا مش ذنبى انهم بنات وانه ربنا مآردش اعمل ايه هيفرق ايه الولد عن البنات
-يا بنتى ده راجل كبير ودماغه ناشفه وعايز عزوه بالولاد هو دماغه كده
-وليه اصلا نسمع كلامه ده رزق من ربنا وشكل احمد كمان اقتنع بكلامه بعد ما كانوا بناته كل دنيته مبقاش حتى يسال عليهم عاملين ايه ...انا تعبت يا ماما
قعدت تعيط ووالدتها تطبطب عليها وهى بتدعيلها
وبعد ما قعدت مع والدتها اخدت البنات ورحعت البيت وقابلت احمد وميار وهم راجعين على الباب
شافها احمد وهو نازل من العربيه وبيضحك بس ضحكته اختفت لما شافها وقرب منها بغضب
-انتى كنتى فين يا هانم انتى والعيال فى الوقت ده وقولتى لمين انك نازله
بصتله هاجر من فوق لتحت وبعدين بصت لميار وللبسها والحاجات والكياس الى فى إيديها
-مش لما نعرف انت كنت فين الاول
مسك احمد دراعها جامد بغضب
انتى هتحققى معايا يا بن.
الفصل الرابع من هنا
