رواية الذكر مشمش الفصل الثالث بقلم منة خلف
خالد .....هنتقدملها يوم الخميس الجاي
سماح ....طيب هكلم رشا واخد منها معاد
خالد ...لا لالالا..لا ....احنا هنطب عليهم
سماح ....دا ازاي يا ابني دا
خالد ....انا لازم أخد خطوة واحط خالد أمام الأمر الواقع
سماح ....طيب وعمر يا ابني ...ممكن يزعل منك ...وبعدين انت اعرفك انها هتوافق
خالد ...القلب بيحس بحبيبه ...وانا حاسس انها بتبادلني نفس المشاعر ...بس اخوها طابق على نفسها منه لله
سماح ...انا خايفة من ردة فعل عمر يا ابني
خالد ...هو مسبليش خيار تاني
سماح ....خيار ولا طماطم ...خيو خيو خيو
خالد ....بذمتك دا وقت هزار يا سماح
سماح ....سماح كدا حاف من غير ماما ...انا معرفتش اربي
خالد ...،لا سماح بالسمسم ...كر كر كر
سماح ....لا خفيف يا واد ...على العموم اللي فيه الخير يقدمه ربنا
*****عيلة دمها دم صراصير ...احم معلش قفلتكم ...نكمل*****
**********************************************************
****تاني يوم
**عند فجر
صحيت فجر ...اتوضت وصلت فرضها...وحصنت نفسها بالقرآن والأذكار.....وقالت تعمل فطار قبل ما تنزل...ولكنها اتفاجأت بأنواعها بيحضروا الفطار ..ودا على غير العادة
فجر ...ايه دا كله ..ايه دا كله ...يزن وفريد صاحيين بدري ...لا وكمان بيعملوا الفطار ..انا خايفة احسدكم يا ولاد
يزن ....اتريقي يا اختي اتريقي ...الحق علينا يعني
فريد ...دا احنا عاملين فطار هتاكلوا صوابعكم وراه
فجر ...اهو انا بخاف من كلمتك دي ...بيبقا بعديها تلبك معوي
عامر ....دا حلم ولا علم ...انتوا بتعملوا فطار
فجر ....شوفت يا بابا ...انا حاسة ان الموضوع في إن....اكيد عملوا مصيبة
عامر ...ايه خبطوا العربية تاني ولا ايه ...دا أنا لسة مصلحها قريب
يزن ....احم لا لا يا حج مش كدا ...ليه الظن الوحش دا
فريد...ديمًا ظالمنا كدا ...يا ويلتاه
عامر ...تصدق الدمعة هتفر من عيني ...لا اتأثرت ابقا فكرني اقدملك في مسرح مصر
فجر بضحك ...بس انا شامة ريحة حلوة .....ودا يخوف اكتر
يزن ....دا ريحة البسطرمة
****وحطوا الاكل
فجر ...ايه دا ...اول مرة تعملوا حاجة حلوة كدا
عامر .....اخيرًا فلحتوا في حاجة
فريد ...ايه يا حج بقالك يومين قارش ملحتنا
يزن .....بقا في صف الست فجر دلوقتي....اتركنا على الرف يا ابني
فريد ..احم بس بصراحة الفطار دا يعني ...احم
عامر ...ادخل عليا بالمصيبة...انا قلبي كان حاسس
يزن ...لا يا حج والله مفيش مصيبة.....احنا بس بنعتذر باسلوبنا الخاص يعني ...عن رخامتنا مع فجر وكدا
فريد ....هو احنا لينا غيرها كتكوتة البيت القمر دي
فجر .....بجد انتوا عملتوا كدا عشاني
عامر ....مش مرتحلكم برضو
يزن ...ليه بس يا حج ...دا احنا نيتنا خير
فريد ....احنا عايزين نصالحها....وكمان احم يعني نطلب طلب
عامر ...ايوا بقا ...مصلحة يعني
فجر ....كفايا انكم حسستوني انكم زعلانين لزعلي ...واني فارقة معاكم
يزن ...انتِ هبلة يا بت
فريد ...انتِ عبيطة يا طنط ...طبعًا فارقة ....يمكن الفترة اللي فاتت كنا بعاد عنك ...وبصراحة كنا بنضغط عليكِ
يزن ...وكنا مش شايفين ان دا غلط لأن بابا كان بيشجعنا.....لكن بابا امبارح فتح عنينا عن حاجات كتير ...كانت تايهة عنا
فريد ...انتِ روح البيت يا فجر ....بجد بعد فقدان ماما ...انتِ انعزلتي اكتر .....واحنا كمان بعدنا ...لكن لما اتجمعنا امبارح.....وكمان اتكلمنا ....حسينا ان ماما لسة عايشة
يزن ...خدي المفاجأة بقا .....احنا مش عايزينك تتجوزي
فجر دموعها نزلت بتأثر
عامر ....انا خلفت رجالة فعلًا ....ربنا يباركلكم في بعض
فريد ...بس دا مش معناه انك مش هتعمللنا مكرونة بالباشميل النهاردة
***الكل ضحك على فريد
**********************************************************
***عند شهد
رشا بت يا شهد ...قومي هتتأخري على فجر
شهد ...سيبيني انام شوية يا ماما ...المحاضرة الساعة عشرة ونص لسة
رشا ...الساعة تسعة ونص ....وانتِ بتاخدي سنة عبقال ما تلبسي
شهد بنوم ...حاضر حاضر
رشا ...لا انتِ مش هتصحي غير كدا
***وهووووب......كباية ماية ساقعة على. وشها
شهد بفطة من على السرير
شهد ...انتِ ام انتِ......حرام عليكِ يا ولية
رشا ...ما انا معرفتش اربي ....قومي يا زفتة...امال لولاش عارفة انها مش هتقدر تحود عليكِ تاني
شهد وهي بتخبط دمغها بايديها....اه صحيح دا انا نسيت
***وجريت دخلت الحمام
خرجت شهد وهي بتلف الطرحة
شهد ....ماما ...اعمليلي سندوتش بسرعة
عمر ...ديمًا دا متأخرة......اقعدي كلي زي الناس
شهد ...مش هينفع ..اتأخرت على فجر ...الساعة عشر. دلوقتي وزمانها مستنياني
عمر ...ليه ان شاء الله ...هي مش هتحود عليكِ زي كل مرة
شهد وهي بتبصله برفعت حاجب
شهد .....البركة فيك يا اخويا
رشا ....هو انت فاكرها معندهاش كرامة ولا ايه
عمر .....احم مقصدش .....بس يعني ما انا برخم عليها من زمان وهي مبتزعلش
رشا .....اسكت انت خالص .....مية مرة اقولك ...البنات كلها مش زي بعض
عمر .....كلهم زي بعض.....هي يمكن مختلفة شوية
شهد ...انا مش فاضية اسمع حاجة ...سلامات ...واه يا ماما بعد الكلية هنروح الشغل على طول مش هنلحق نيجي هنا
رشا ....عارفة انها مش راضية تخطي هنا تاني
شهد ...بصراحة اه ...قالت هنتغدى برة ...يلا سلام
عمر ...طيب استني اوصلك
شهد ...انت بتستهبل ولا ايه ...انت عايزني اخسرها خالص
عمر.....امال عايزاني اسيبك تروحيلها البيت وعندها اخوات ولاد ...لاوصلك...لا مفيش روح
رشا ...من امتى دا ...وهو انت متعرفش مثلًا تربية يزن وفريد ....دول بيخافوا عليها زي اختهم بالظبط
عمر ...دا اللي عندي ...عايزة تروحيلها هوصلك ...وبلمرة اوديكم الجامعة
رشا ...للدرجادي مش قادر على بعدها
عمر بتوتر .....انتِ اليومين دول بقيتي تكبري المواضيع اوي يا أمي.....انا نازل اطلع العربية ...انجزي بقا وتعالي ورايا
شهد ...شايفة ابنك ....ربنا يستر لما فجر تشوفه
*********************************************************
***عند فجر ...فونها بيرن
فجر ...الو يا شوشو
شهد ...يلا انزلي مستنياكي
فجر ...ومطلعتيش ليه كونتي سلمتي على بابا
شهد ...معلش المرة الجاية ...احنا اتأخرنا اوي
فجر ...اوك ...نزلالك
****ونزلت فجر...ولمحت عربية عمر وشهد فيها
***فجر بصت كدا للعربية ...وراحت مشيت على طول ...من غير اي كلام
شهد نزلت من العربية ....فجر ...يا فجر
فجر ....نعم عايزة ايه
شهد ...بقا انا مستنياكي وتسيبيني وتمشي
فجر ...انتِ عارفة انا عملت كدا ليه
شهد ...بس هو ...يعني
فجر ...مش عايزة اي أعذار...لو عايزانا نفضل صحاب ...متخلنيش المح اخوكي دا تاني
***شاورت شهد لعمر ...انها هتمش معاه
***ومشيوا
عمر في نفسه ...للدراجادي هي زعلانة ....هو أنا عملت ايه يعني ...ما هي اللي مستفزة
***ومش عمر بالعربية
شهد .....هتفضلي مكشرة كدا كتير ...والله هو اللي صمم يوصلنا
فجر ....حطي نفسك مكاني .
شهد ...خلاص بقا حقك عليا ...قوليلي عاملة ايه في البيت
***هنا فجر ضحكتها وسعت ...وحكتلها انها باباها بقا حنين اوي عليها ...وأخواتها قربوا منها ......لحد ما وصلوا الكلية ودخلوا محاضراتهم
شهد.... فرحتيني بجد ...ربنا يديم الود بينكم
***فجر زغدتها...عشان تسكت لأن الدكتور دخل
أحمد .....اعرفكم بنفسي انا دكتور أحمد....هشرحلكم مادة الكيمياء التحليلية...مكان دكتور ياسر....عرفوني بنفسكم ...بس حابب الأول اسأل فين فجر
فجر ..احم انا اهو يا دكتور
أحمد......اتشرفت بيكي ...من كتر كلام دكتور ياسر عنك ..اتشوقت لمعرفتك
****واتعرف على باقي الدفعة ...وهي كانت عبارة عن 35كالب ...صغيرة يعني
****وطول المحاضرة ...وهو مركز مع فجر.....ودا موترها
****وبعد ما المحاضرة خلصت ...خرجت فجر بسرعة هي وشهد من كتر التوتر
شهد بغمز .....باين عليه واقع
فجر ....بتتكلمي عن مين
شهد ...عن الدكتور أحمد...بصراحة الولا ميتعيبش
فجر ...لمي نفسك ويلا عشان نلحق الصيدلية
***************************************
***في الصيدلية
بيوصلوا البنات ...ويستلموا الشفت من نهى ..وميساء...ولاروز
نهى ..اتاخرتوا النهاردة يا بنات
ميساء ....تلاقيهم بيتلكعوا ...واحنا هنا مطحونين
....شهد بتبص على فجر ...وعارفة انها مش هتسكت
فجر ..ربنا يديكي لاكعتنا ...عشان تحسي
لاروز...استهدوا بالله يا جماعة ...حمدلله على سلامتكم ...يبلا بقا نمشي يا بنات
ميساء...على رأيك يلا بدال حرقة الدم دي
شهد بتشاور لفجر انها تسكت وتتجاهلها
فجر ...لا حول ولا قوة إلا بالله...صبرنا يا رب
نهى بتهمس ...معلش يا فجر ...يعني انتِ مش عارفة ميساء
*****البنات مشيوا
***ولسة شهد وفجر بيقولوا يا هادي ...دخل عليهم سعيد
سعيد ....السلام عليكم يا وحش الكون
شهد ....يا فتاح يا عليم يا رزاق يا كريم ...احنا لسة بنقول يا هادي
سعيد .....ليه بس كدا ....دا أنا حتى طالب الرضى يا جميل
فجر بضحك وبتهمس لشهد ......قابل يا عم ...المعجبين كتير
شهد ...اسكتي خالص
......ولسة هترد....هووووب
**** دخل خالد
*****ووووووو.....
شكرا لزيارتكم عالم روايات سكيرهوم
