رواية حبيبي طلع عدوي الفصل الثالث والاخير
رؤوف
طيب ايه رأيك يا أماني لو نعمل دلوقتي اللي احنا ما عملناهوش زمان ونتجوز انا وانتي ونبدأ حياتنا من جديد يمكن ربنا يعوضنا عن السنين اللي ضاعت مننا
أماني
نتجوز ازاي يا رؤوف هو انت ناسي انك متجوز دلوقتي ومش هينفع انك تتجوزني
رؤوف
وليه يعني مش هينفع وانتي دلوقتي أرملة ومفيش حد في حياتك ولا حد تستندي عليه وانا موجود اهو وقدامنا فرصة نعيش الحياة اللي كنا بنحلم بيها زمان
أماني
الموضوع مش سهل يا رؤوف عشان انا باخد معاش كويس من جوزي الله يرحمه ولو اتجوزت المعاش ده هيتقطع وانا مش مستعدة اخسر مصدر الدخل الوحيد اللي بعيش منه ده انا حتي مرضتش اخليهم يأمنوا عليا عشان المعاش مايروحش
رؤوف
يعني الفلوس لسه هتكون سبب في اننا نبعد عن بعض بعد كل السنين دي
أماني
ما هو انا لو خسرت الفلوس دي مش هعرف اعيش
رؤوف
طيب انا اقدر اعوضك عن كل حاجه انتي عارفه مراتي عندها ورث كبير أوي وانا مستعد اخده منها واحط كل حاجه تحت رجلك
أماني
ده الكلام ده بجد يا رؤوف
رؤوف
ايوه بجد يا أماني وانا بصراحه عايزك في حياتي ومش عايز اضيعك مني مرة تانية بعد ما رجعنا لبعض بالصدفة
أماني
خلاص احنا ممكن نتجوز عرفي في السر ونستنى لحد ما تخلص موضوعك مع مراتك ولو قدرت تاخد منها حقك في العمارة والحاجات اللي بتقول ان ليك فيها وبعدها نعلن جوازنا ونبدأ حياتنا قدام الناس
رؤوف
تصدقي فعلا ان الفكرة دي حل كويس اوي لاني بجد محتاجك في حياتي ومش مستعد اخسرك تاني بعد ما لقيتك
أماني
خلاص يا رؤوف يبقا جوازنا في السر
رؤوف
انا موافق يا أماني وهنعمل اللي اتفقنا عليه
وعند هاله كانت رايحة عيادة الدكتور أحمد قريب رؤوف عشان تتابع حملها ودخلت العيادة وهو كشف عليها
أحمد
مالك يا هاله انتي شكلك تعبانة ومكتئبة ومش زي كل مرة وكمان باين عليكي الزعل جدا وده مش كويس على الحمل
هاله
اعمل ايه بس يا دكتور أحمد انا مش مرتاحة الفترة دي وفي شوية مشاكل في البيت وخلاص ومش عايزة اكبر الموضوع
أحمد
مشاكل ايه يا هاله انا مش عايزك تحطي في دماغك اي حاجة ولا تفكري في أي موضوع يضايقك دلوقتي لأن نفسيتك بتأثر عليكي وعلى الحمل
هاله
حاضر يا دكتور والله انا هحاول ابعد عن أي ضغط او مشكلة وهسمع كلامك عشان خاطر البيبي
أحمد
ان شاء الله خير واطمني وخلي بالك من نفسك وتقومي بالسلامة ونشوفك المرة الجاية وانتي أحسن
هاله
حاضر يا دكتور ربنا يطمنك زي ما طمنتني
وبعدها خرجت هاله من العيادة ورجعت البيت ودخلت اوضتها وفضلت مستنيه رؤوف إللي رجع بالليل متأخر
هاله
انت اتأخرت كده ليه يا رؤوف وطول النهار لا كلمتني ولا حتى سألتني عملت ايه عند الدكتور ولا رحت ولا جيت وانا كنت مستنياك
رؤوف
هو في ايه يا هاله انتي فاتحه لي محضر ليه كده بقولك ايه انا راجع تعبان ودماغي وجعاني ومش ناقص كلام كتير دلوقتي
هاله
انا اللي بسألك في ايه يا رؤوف انت متغير معايا كده ليه وكمان قفلت التليفون في وشي وانت بتكلمني وانا مش فاهمة انا عملت لك ايه
رؤوف
مافيش حاجة بقولك انا تعبان وعايز ارتاح والصبح نبقى نتكلم في أي حاجة انتي عايزاها اتفضلي بقا اتخمدي
هاله
ايه اتخمد دي انت بتكلمني كده ليه يا رؤوف حرام عليك انا مراتك وحامل في ابنك والدكتور النهارده قال لي ان حالتي النفسية لازم تتحسن وانت بدل ما تطمن عليا بتعاملني بالطريقة دي
رؤوف
قلت لك أنا مش ناقص كلام دلوقتي زوسيبيني ارتاح
هاله
كفاية يا رؤوف انا تعبت من معاملتك ليا ومش عارفة انت بتعمل كده ليه ولا ليه بقيت قاسي معايا بعد ما كنت بتقول انك بتحبني
رؤوف
هو انا مش قولت لك اسكتي ومش عايز اسمع صوت
وضربها جامد بالقلم علي وشها وفضل يضرب فيها وهاله وقعت على الأرض وهي بتصرخ
هاله
الحقني يا رؤوف في دم انا خايفة على ابني الحقني بسرعة اااه مش قارة اتنفس
رؤوف
هاله في ايه قومي كده
وفي اللحظة دي دخلت منيرة على صوت صراخها ولما شافت هاله على الأرض اتصدمت وجريت عليها
منيرة
ايه يا رؤوف يا لهوي ايه اللي حصل وايه الدم ده هاله مالها
هاله
ابنك هو اللي عمل فيا كده انا مش قادرة اتحمل اكتر من كده انا هوديك في داهية يا رؤوف وانا مش هكمل معاك لحظة واحدة
منيرة
اهدى يا بنتي اهدي عشان الحمل متتعبيش نفسك
هاله
طلقني يا رؤوف انا مش عايزة اعيش معاك بعد النهارده وحرام عليك اللي انت عملته فيا وفي ابني
وفجأة هاله اغمي عليها
منيرة
هاله هاله افتحي عينك الحق يا رؤوف شيلها ووديها المستشفى حالا
رؤوف
انا مش عارف اعمل ايه يا امي انا ما كنتش قاصد ان يحصلها كده
منيرة
مش وقت الكلام ده اتحرك بسرعة والحقها قبل ما يحصل لها حاجة
ورؤوف شال هاله ونزل بيها بسرعة وركبوا العربية وراخوا المستشفى ودخلوا بيها قسم الطوارئ وسابوها ومشيوا والدكتور أحمد كان موجود ولما شاف هالة على السرير نازل منها اتصدم
أحمد
إيه اللي حصل يا هالة إنتي إيه اللي جرى لك ومين عمل فيكي كده وإزاي وصلتي للمستشفى بالحالة دي
هالة
رؤوف هو اللي عمل فيا كده يا دكتور أحمد أنا كنت بتكلم معاه وفجأة اتعصب عليا ومد إيده انا مش عايزة أكمل معاه يوم واحد وعايزة اطلق منه
أحمد
إزاي يعمل كده يا هالة وإزاي يمد إيده عليكي وإنتي حامل في ابنه ده تصرف خطير ومينفعش يحصل مهما كان الخلاف اللي بينكم
هالة
أنا خلاص تعبت يا دكتور ومبقتش قادرة أستحمل معاملته ليا وكل اللي أنا عايزاه دلوقتي إني اطلق منه
أحمد
طب اهدي بس يا مدام هالة عشان متتعبيش أكتر وبعدين إحنا الأول هنطمن على الحمل وبعدها نشوف هنعمل إيه وإن شاء الله ربنا يجيبلك حقك
وبعدها وصلت ندى أخت هالة للمستشفى وأول ما دخلت الأوضة وشافت أختها بالشكل ده اتخضت
ندى
إيه اللي حصل لك يا هالة وازاي رؤوف وصل بيه الحال إنه يضربك وإنتي حامل انا مصدقتش وانتي بتحكي لي ده لازم نعمل فيه محضر ومش هنسكت على اللي عمله فيكي دي جريمة ولازم يتحاسب عليها
هالة
خلاص يا ندى أنا مش عايزة منه حاجة غير إنه يطلقني بس أنا تعبت منه ومش عايزة أشوفه قدامي تاني ولو تقدري تخليه يطلقني من غير مشاكل يبقى كفاية عليا
ندى
ماشي يا هالة وانا مش هسيبه غير لما يطلقك بسبب اللي عمله فيكي ومش هيفلت باللي عمله وهجيب لك حقك
أحمد
استهدوا بالله بس وسيبوا الدنيا تهدى شوية وإحنا هنشوف حل لكل حاجة الأول نطمن على هالة بعد الحمل ما نزل وبعد كده نتصرف في موضوع الطلاق والمحضر وكل حاجة هتتعمل بالطريقة الصح
هالة
يعني ابني راح خلاص منك لله يا رؤوف ده حتى لما جابني المستشفى رماني هنا وسابني ومشي وكأن اللي حصل لي ده مش مهم وكأن أنا مش مراته ولا شايلة ابنه في بطني
ندى
أكيد خافوا إنك تعملي فيهم محضر أو تتكلمي لكن يا هالة إنتي لازم تاخدي حقك ومينفعش تسكتي
وبعدها احمد راح لرؤوف
أحمد
إنت ايه اللي عملته ده يا رؤوف وإزاي تمد إيدك على هالة وهي حامل وإزاي أصلا تسمح لنفسك تعمل فيها كده وهي مراتك وعلي فكرة الحمل نزل
رؤوف
بقول لك إيه يا أحمد أنا مش عايز كلام كتير واللي هي عايزة تعمله تعمله
أحمد
طب على الأقل طلقها يا رؤوف لأنها طالبة الطلاق ومش هتسكت والموضوع ممكن يوصل لمحضر ومش هينفع تفضلوا عايشين بالطريقة دي
رؤوف
وأنا مش هطلقها واللي عندها تعمله ومش هخاف من أي حاجة ولا هسمح لها إنها تعمل اللي هي عايزاه
وبعدها هالة خرجت من المستشفى راحت بيت أبوها القديم مع ندى وكانت بتحاول تهدى لكن فجأة رؤوف دخل عليها ووقف قدامها
رؤوف
بصي يا هالة لو عايزة الطلاق يبقى لازم تتنازلي عن العمارة دي لأن العمارة دي أبويا كان ليه نصيب فيها وأبوكي ضحك عليه وخد حقه زمان
هالة
إنت مجنون يا رؤوف إيه علاقة العمارة بطلاقي منك وإنت فاكر إني هتنازل عن حاجة من غير حق لمجرد إنك عايز تضغط عليا
رؤوف
خلاص يبقى أنا كده مش هقدر أطلقك يا حبيبتي لأن أنا مش هسيب حقي وفي نفس الوقت مش هطلقك من غير ما آخد اللي أنا عايزه
هالة
وأنا مش هتنازل عن حاجة مش من حقك ولو فضلت مانع الطلاق أنا هعرف آخد حقي بالقانون واللي عندك اعمله
رؤوف
تمام انا هعمل اللي انا عايزة واعملي اللي إنتي عايزاه وأنا قولت لك اللي عندي
وبعدها رؤوف خرج وساب هالة وهي منهارة وندى قعدت جنبها تحاول تهديها
وبعدها عدت الايام وفي يوم هشام دخل البيت وقال لندي
هشام
بقولك ايه يا ندى أنا شوفت رؤوف جوز أختك النهارده قاعد مع واحدة في كافيه والبنت اللي كانت قاعدة معاه دي مش غريبة عليا أنا شوفتها قبل كده في الشركة اللي كنت شغال فيها
ندى
إنت بتقول إيه يا هشام وإيه اللي كان بيعمله رؤوف مع واحدة في كافيه وهو أصلا لسه خارج من مشكلة كبيرة مع هالة
هشام
مش عارف بس أنا شوفته بعيني والبنت دي كانت شغالة معانا في الشركة واسمها أماني وكانت معروفة إنها سمعتها زي الزفت وأنا مش فاهم رؤوف إزاي يقعد مع واحده زي دي
ندى
إنت متأكد من الكلام ده يا هشام يعني البت اللي هو قاعد معاها دي سمعتها وحشه فعلا
هشام
بقولك هي بعينها بس أنا مش عارف طبيعة العلاقة بينهم وعشان كده الأفضل نعرف الأول هو بيقابلها ليه قبل ما نقول لهالة أي حاجه
ندى
بس لو الموضوع فيه حاجة غلط أنا لازم أقول لأختي لأن بعد اللي حصل لها مش هينفع نخبي عليها حاجة
هشام
ما تقوليش لها دلوقتي وخلينا نعرف الأول أماني دي إيه علاقتها برؤوف وبعد كده نشوف هنعمل إيه ومش عايزين نستعجل ونخلي الموضوع يكبر
ندى
خلاص اتفقنا هنراقب الموضوع ونعرف الأول وبعدها أنا هقرر أقول لهالة كل اللي عرفناه
في بيت رؤوف كانت منيرة قاعدة مستنياه ولما دخل قالت له
منيرة
ها يا حبيبي عملت ايه طمني واوعى تكون ناوي تطلق هالة يا رؤوف او تسمع كلامها انت لازم تطلبها في بيت الطاعة وترجعها هنا وتخليها تعرف انها لازم تتنازل الأول
رؤوف
ما أنا هعمل كده فعلا يا أمي وهطلبها في بيت الطاعة وهجيبها هنا ومش هناولها اللي في بالها غير لما تعمل اللي أنا عايزه وتتنازل عن كل حاجة
منيرة
أيوه كده يا ابني إحنا مش هنسيب لها حاجة وهي لازم تعرف إن اللي في إيدها ده حقنا وإحنا لازم ناخد منها كل حاجة قبل ما نفكر حتى في موضوع الطلاق
رؤوف
أنا عارف يا أمي ومش هسيب العمارة ولا أي حاجة من حقي وأنا هخليها ترجع البيت غصب عنها بالقانون وبعدها هعرف أتعامل معاها بالطريقة اللي تخليني أوصل لكل اللي أنا عايزه
منيرة
خلي بالك يا رؤوف لأن هالة لو خرجت من إيدك ممكن تبدأ تتصرف لوحدها وتطالب بحقوقها وساعتها ممكن نخسر كل حاجة
رؤوف
متقلقيش يا أمي أنا عامل حساب كل حاجة وهخليها ترجع البيت الأول وبعدها كل حاجة هتمشي زي ما أنا عايز
وفعلا بدأ رؤوف في الإجراءات وطلب هالة في بيت الطاعة وبعد فترة رجعت هالة للبيت وقالت له
هالة
أنا مش مصدقة إنك عملت كل ده يا رؤوف بعد اللي حصل منك انت بدل ما تطلقني رجعتني هنا وكأن أنا ملكك ومش من حقي أقرر حياتي
رؤوف
أنا قولت لك قبل كده إن الطلاق مش هيحصل غير لما نتفق على كل حاجة وأنا مش هسيب حقي مهما حصل
هالة
أنا مش هتنازل عن حاجة مش من حقي وانت عارف كويس إن اللي بتطلبه مني ملوش علاقة باللي حصل بينا
رؤوف
خلاص يبقى كل واحد يتمسك بموقفه ونشوف الأيام هتعمل فينا إيه
وبعد فترة رؤوف اتجوز أماني وجابها البيت وهالة مكانتش متوقعة أن هو يعمل كده
أماني
أنا عارفة إن وجودي هنا ممكن يضايقك يا هالة بس أنا بقيت مرات رؤوف زيك وده قرارة
هالة
وأنا مش راضية عن وجودك هنا ومش هقدر أتعامل مع الموضوع كأنه شيء طبيعي بعد كل اللي حصل بيني وبين رؤوف
رؤوف
أنا مش عايز مشاكل في البيت وكل واحدة فيكم تعيش وخلاص وأنا مش هقبل إن البيت يتحول لخناقات طول الوقت
هالة
أنا أصلًا عايشة هنا كأني واحدة غريبة ومش فاهمة إنت عايز توصل لإيه بعد كل اللي عملته فيا
ومرت الأيام وكانت هالة بتعيش في البيت وهي حاسة إنها محبوسة في حياة مش عايزاها وفي يوم راحت هالة عند ندى وهشام وقالت بحزن
هالة
أنا مش عارفة أعيش في البيت ده يا ندى أنا ممكن أستحمل أي حاجة بس اللي حصل ده فوق احتمالي إزاي رؤوف يعمل فيا كل ده ويبهدلني كده وفي الاخر يجيب واحدة تانية تعيش معايا في نفس البيت وكأن أنا مش إنسانة وليا مشاعر
ندى
إحنا لازم نشوف حل للموضوع ده يا هالة ومش هنسكت لأن اللي بيحصل مش طبيعي ومش عايزين نشوفك بتتعبي أكتر من كده
هشام
متقلقيش يا هالة أنا هحاول أشوف الموضوع وأعرف إيه اللي ممكن نعمله من غير ما نتصرف بعصبية ونخلي الأمور تسوء
هالة
أنا عايزة حل واحد بس وهو إني أطلق منه أنا مش عايزة أعيش معاه تاني ومش قادرة أتقبل الوضع اللي حطني فيه
ندى
على فكرة يا هالة البنت اللي رؤوف اتجوزها دي أنا عرفت عنها حاجات مش كويسة وهشام أصلًا كان يعرفها من زمان
هالة
بجد يا هشام إنت تعرف أماني دي من زمان وإنت عارف عنها إيه
هشام
إنت ليه بتتكلمي يا ندى إحنا مالناش دعوة بأماني هي اتجوزت رؤوف خلاص وكل واحد مسؤول عن حياته وإحنا الأفضل ما ندخلش في حياتهم
ندى
أنا بس كنت بقول لهالة اللي أعرفه عشان تبقى فاهمة كل اللي حواليها ومحدش يفاجئها بحاجة بعد كده
هشام
هي كانت شغالة معايا في الشركة وأنا أعرفها من زمان وسمعتها وقتها كانت مش كويسة وده كل اللي عندي ومش عايز أفتح الموضوع أكتر من كده
هالة
ماشي يا هشام على العموم أنا ماليش دعوة بيها ولا بحياتها وأنا أصلًا عايشة في البيت كأني واحدة غريبة وكل اللي عايزاه إني أخلص من الجوازة دي وأخرج منها
هشام
خلاص اطمني وأنا هشوف الموضوع ده وهحاول أعرف إيه الحل اللي يخرجك من الوضع ده من غير ما تخسري حقك
وبعدها عدت الايام وهالة كانت في البيت وكانت خارجة من أوضتها وسمعت صوت أماني وهي قاعدة في الأوضة اللي جنبها وبتتكلم في التليفون ووقفت
أماني
إنت إزاي تخليه ياخد منك الصفقة دي إنت لازم تتحرك قبل ما رؤوف يخلص كل حاجة وأنا هساعدك وهجيب لك الأوراق من عنده عشان الأوراق موجودة هنا في المكتب بتاعه وأنا هخليه يجيبها وأنا هاخدها وأوصلها لك من غير ما يحس بحاجة
ساعتها هالة قالت لنفسها
هاله
إيه الكلام اللي أنا سمعته ده وأماني بتتكلم مع مين عن رؤوف
وأماني كملت كلامها وهي مش عارفة إن هالة واقفة ورا الباب وبتسمع كل كلمة
أماني
خليك مطمن وأنا هتصرف وهجيب لك الأوراق مهما حصل ومش هخلي رؤوف يعرف أنا بعمل إيه
هالة رجعت أوضتها وهي مصدومة وبعدها قررت تروح فورًا عند ندى وهشام وتحكي لهم كل اللي سمعته
هالة
أنا سمعت أماني وهي بتتكلم في التليفون وبتقول إنها هتجيب أوراق من عند رؤوف وتديها لشخص تاني وإنها مش هتخليه يعرف أي حاجة وأنا مش فاهمة هي بتعمل إيه بالضبط
ندى
إحنا ممكن نستخدم اللي سمعتيه لصالحنا يا هالة بس لازم نتأكد الأول من كل حاجة قبل ما نواجه رؤوف
هشام
أنا شايف إننا ما نستعجلش ونقول لرؤوف دلوقتي بس لازم نعرف مين الشخص اللي كانت بتكلمه وإيه الصفقة اللي بيتكلموا عنها لأن الموضوع ممكن يكون أكبر مما إحنا متخيلين
هالة
يعني هي ممكن تكون أماني دي تكون بتخونه يا ندى وهي عايشة معاه في البيت
ندى
أيوه يا هالة لو الكلام اللي سمعتيه كان عن شخص تاني فعلًا وعن أوراق رؤوف من غير علمه يبقى الموضوع مش مجرد كلام عادي واحنا لازم نعرف
وبعدها أماني راحت تقابل جمال اللي كانت بتكلمه في التليفون
أماني
بص يا جمال أنا قربت أجيب لك كل المعلومات اللي انت محتاجها والصفقة دي لو عرفنا ناخدها من رؤوف هتبقى مكسب كبير لينا
جمال
أنا واثق فيكي يا أماني بس لازم تفضلي حذرة لأن رؤوف مش غبي ولو شك في حاجة ممكن كل اللي بنخطط له يضيع
أماني
متقلقش أنا عارفة أتعامل معاه كويس وهو فاكر إني واقفة جنبه ومش عارف إني من وراه بساعدك انت
وتاني يوم راحت هالة لرؤوف في شركته ولما شافها قالها
رؤوف
انتي ايه اللي جابك هنا
هالة
أنا جيت لك النهارده عشان أقول لك حاجة ولو انت عايز تسمع النصيحة اسمعها ولو مش عايز براحتك
رؤوف
انتي بتتكلمي عن إيه يا هالة ومين قال لك إني محتاج نصيحتك
هالة
أنا سمعت أماني وهي بتتكلم مع واحد وبتقوله إنها هتجيب له أوراق من مكتبك من غير ما تعرف وإنها هتساعده ياخد الصفقة منك وانت حر بقى تصدقني أو تكذبني
رؤوف
انتي بتقولي إيه انتي بتخرفي يا هالة ولا عايزة توقعي بيني وبين أماني وخلاص أنا عارف إنك غيرانة منها عشان أنا اتجوزتها
هالة
أنا مش غيرانة منها ولا حاجه أنا أصلا طايقة أشوفك ولا أشوفها وأنا كل اللي عايزاه إني أطلق منك وأخلص من حياتي معاك
وبعدها هالة مشيت من عنده رؤوف وفضل يفكر في كلامها
وفي الليل رجع رؤوف البيت وكانت أماني مستنياه ولما شافته لقت ملامحه متغيرة وسرحان
أماني
مالك يا رؤوف انت سرحان في إيه من ساعة ما دخلت وانت مش معايا ولا بتتكلم
رؤوف
مفيش حاجة يا أماني أنا بس بفكر في الشغل والصفقة الجديدة مش أكتر
أماني يعني دخلت الصفقة والدنيا ماشية كويس ولا حصلت حاجة جديدة
رؤوف
أيوه الدنيا ماشية كويس وأنا قربت أوي من إني أحسم الموضوع ونشوف النتيجة مين اللي هيكسب أنا ولا جمال
أماني
إن شاء الله انت اللي هتكسب يا حبيبي والصفقة دي هتبقى من نصيبك وانت لازم تفضل واثق في نفسك
رؤوف
إن شاء الله بس النتيجة لسه هتبان وكل واحد فينا مستني يشوف مين هيقدر ياخد المكسب
ورؤوف فضل طول الليل بيفكر في كلام هالة وبدأ يشك في تصرفات أماني وقرر إنه يتأكد بنفسه
وتاني يوم لبس رؤوف ونزل من البيت وقال لأماني إنه رايح الشركة وبعد ما خرج فضل واقف بعيد بيراقب البيت ولما شاف أماني خرجت مشي وراها لحد لما وصلت عند فيلا جمال فوقف واتصدم
وبعدها دخل رؤوف الفيلا ولما وصل للداخل لقى أماني قاعدة مع جمال
جمال
لازم نخلص الاتفاق بسرعة يا أماني قبل ما رؤوف يعرف اللي بيحصل عشان انا هوقع الشركه اللي هو شغال فيها دي والبسه هو في حيطه
أماني
متقلقش يا حبيبي وخليك واثق فيا وانا جبت لك كل الورق اهو
ودخل عليهم رؤوف
يعني الكلام اللي هالة قالته كان حقيقي وانتي فعلًا بتتفقي من ورايا مع الكلب ده عشان ياخد الصفقة مني
أماني
رؤوف اسمعني الموضوع مش زي ما انت فاهم
رؤوف
مفيش حاجة تتفهم غير اللي أنا شايفه بعيني انتي خنتي ثقتي فيكي وكنتِ بتلعبي من ورايا مع جمال
جمال
اهدى يا رؤوف واحنا ممكن نتكلم ونوضح لك كل حاجة
رؤوف
اخرس انت كمان ومحدش فيكم يحاول يبرر اللي حصل
وساعتها ورؤوف هجم علي اماني مسكها من رقبتها وفضل يخنق فيها لحد لما روحها طلعت في ايده وجمال اتصدم وهو بيبعده عنها واتصل بالشرطة
جمال
ايه اللي انت عملته ده انا هتصل بالبوليس يجي يقبض عليك
رؤوف
خلي البوليس تيجي وأنا هقول لهم كل اللي حصل
ووصلت الشرطة واتقبض علي رؤوف وبعد التحقيق في القضية
وبعدها راحت له هالة تزوره وقالت له
هاله
انا مش جاية شمت فيك انا عايزة اطلق طلقني يا رؤوف أنا مش عايزة أعيش معاك بعد كل اللي حصل ومش عايزة أفضل مرتبطة بيك أكتر من كده
رؤوف
سامحيني يا هالة أنا ظلمتك وجيت عليكي وكنت فاكر إن الفلوس والانتقام أهم من كل حاجة لكني خسرت حياتي بسبب اختياراتي
هالة
أنا مش هنسى اللي حصل بس هسيب كل حاجة ورايا ومش عايزة غير إني أعيش في أمان
رؤوف
أنا مش طالب منك غير إنك تسامحيني حتى لو مش دلوقتي يمكن في يوم تقدري تسامحيني
وبعدها طلقها ومشيت هاله وهي مرتاحه بعد الطلاق
وبعدها عدت الايام وفي يوم راح الدكتور أحمد قالها
أحمد
أنا عارف إنك عديتي بأيام صعبة بس تستحقي تعيشي حياة كويسه من غير ضغط وأنا لو تسمحي لي أكون موجود في حياتك وأبدأ معاكي صفحة جديدة
هالة
أنا كنت فاكرة إن حياتي انتهت بعد كل اللي حصل بس وجودك جنبي خلاني أصدق إن ربنا ممكن يعوض الإنسان عن كل وجع عدى بيه وأنا موافقة يا احمد
وبعدها فعلا هاله اتجوزت احمد وكان العوض بالنسبة لها وعاشت معاه اسعد ايام
ونصيحه
الإنسان لما يسمح للانتقام والفلوس يدخلوا بينه وبين الناس ممكن يخسر حاجات عمره كله مش هيقدر يرجعها ومهما كان الظلم اللي اتعرض له مينفعش يتحول لظالم لأن الغلط عمره ما بيتصلح بغلط أكبر منه وكمان لازم الإنسان ما يستعجلش في الحكم على غيره ويتأكد من الحقيقة قبل ما ياخد قرار ممكن يندم عليه طول عمره وأهم حاجة إن أي واحدة تتعرض للأذى ما تسكتش عن حقها ولا تفضل في مكان بيضرها لمجرد إنها خايفة من البداية من جديد لأن أوقات نهاية علاقة مؤذية بتكون بداية لحياة أهدى وأفضل وربنا قادر يعوض الإنسان عن كل وجع صبر عليه
تمت بحمد الله
