رواية انت البارود وانا النار الفصل الاربعون بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
مشيـت ويـاك وادري بروحـي مغلوبه...
وجانـن كـل خسـاراتـي برضـاتـي...
كسـرت خاطـري ودمـوعي واليـل...
وحـتى الوچـع جـان بمـشـتهاتـي...
ردت اوصـل لاخـر نقـطة ويـاك....
لاخـر حـل احس ترضـى بي ذاتي...
حتى من ارجع من العشره مخذول..
الـوم بروحـي مـو بـمعـثـراتـي..
الحرب ماخلصت وياك انا مليت..
لان جـان الـنصر مـو بـمـنياتـي...
ولاقـصه خـساره وفـوز ويـاك...
الخسـاره نطيتها وجنت برهاتي..
୨୧ ───────── ୨୧
يمـامه
ابتعدنا عن الديره وسيـاره تمشي ما أعرف وين راح أوصل ما أعرف وين راح أنزل
ما أعرف منو راح يستقبلني ولا حتى إذا أكو مكان أگدر أبات بي ويلمني منا للصبحة
حطيت إيدي على بطني وحسيت الخوف يگبر بصدري
طفلين مو واحد شنو اوڪلهم شنو أشربهم وين أروح إذا صارت عندي ولاده وإذا وإذأ خلفتهم وصار بيهم شي منـو أله حق عليهم
صحيح كل هاي الافڪار جانت دور براسي وبعقلي حتى أبسط الأشياء ما أعرفها بس أطفالي يبقون وياي لأنهم الشي الوحيد اللي بقى إلي من كل هالدنيا وبعد مأشفت تغير ضـرغام ألي شي اڪيد راح يكسر ظهري بجهال وياخذهم مني
وصلنا لديـره وجان ألبيوت مو نصها ڪلها من طين فوكها شكلها وڪصب البيوت القديمه جداً ماكو هنا سوگ لا اكو هنا مستشفى ولا أي شي ڪاع جبيره وناس مقابيل ناس وكل واحد بيته ع كده وبيوت هـواي
لحد ماوصلنا ألشمس طلعـت وخلتني اشوف هذا المڪان الحيونات الجاموس والحلال كله مربوط يم البيوت اكو بيهم عدهم واكو بيهن يمشن ب الكيعان واكو ماعدهم. مساحه جبيره بس ألي واكفه انا بي يكفي اشوف واعرف طبك سيارته الرجال جان مسوك للحلال مالته وبعد هواي شغلات ماعرفهن مسح العرك من وجهه وحجه
العم: شسـمج بويه من ياعيال انتي وين عيالج؟
يمـامه: انـا يمـامه وانته شنو أسمك
العم : انـا مسلم اسمي يبعد عمچ كليلي ياهو بيت عيالچ انـا جبير هاي الديره وعندي غيره ع ناسي وانتي صرتي من ديرتنا
يمامه: ممشگور عمو عادي بعد اطلب منك طلب.
مسلم: طلبي بعد عمچ
يمامة: أريد بيت اڪو بيت فارغ هنا
ظل يباوع عليه
مسلم: بيت شسوين بالبيت
يمامة: إي بيت غرفة أي مكان أگدر أبقى بيه
أنطيك فلوس والله انطيك بمكان الفلوس القيمه ذهب بس ڪعدني أدفعلك إيجار هم اي شي تريد بس أريد مكان أعيش بيه
مسـلم: انتي مو كلتي انـا راجعه بيت عيالي
يمامة: ما أگدر أحچي كل ألحجي عمي
تغيرت ملامحه وبقى ساكت شوي.
مسلم:ليش أحجي الصدك شنهو غايتج انتي
يمامة:لأن إذا حجيتلك يمكن ما تساعدني وتجيبني وياك
عمي فدوةاروحلك لا تسألني أكثر بس دلّيني على بيت أنا أدفعلك ما أريد شي ببلاش والله انطيك فلوس
رد بسرعة عليه ماراضي على كلامي
مسلم: فلوسچ خليها بجيبچ بس راح اسئلج سؤال جاوبي
هزيت راسي
مسلم: الطفلين الي بطنچ حلال لو ولد
ماخليته يڪمل جاوبته.
يمامه: جهالي جهال زوجي بس انـا شردت حته ماياخذهم مني
مسلم: إنتي جاية لديرة غريبة وبطنج بطفلين وتريدين بيت وحدچ امشي وياي
يمامه: لاعمو فدوه لو تدليني ع بيت لو تخليني هنا بشارع
مسلم:تعالي بابعد عمچ ارتاحي أول وبعدين احچيلي شني سالفتچ من البداية محد وياي بس انـا والمره
ماعندي أي حل غير اروح ويـا ومبين الرجال من اهل الله وع نياته مشيت وصلنا للبيت فتح الباب جانت عدهم طارمه كلش صغيره ودخلت للبيت.
ولكيته الحجيه گاعده بهاي الحديقه وتسوي دوگ ويمها قوري الجاي وجاي تحضر الريوك من شافتني گامت
الحجيـه: هاي ياهي وياك حجي شنهي بت مرتك
ضحك الحجي وباسها من راسها.
مسلم: هوه انـا وين الكه مثلج ياعنبه هاي عتبريها ضيفتچ كم يوم
ألحجيه: هلابيها تعالي حبوبه ابوسچ
رحت بستها شافت بطني
الحجيه: حامل
يمامه: اي
الحجيه: الله يحفظچ ويحفظ اللي ببطنچ
حطيت إيدي على بطني وعيوني انترسن بالدموع.
هي انتبهت بس ما سألتني ليش أبچي حته مبينه تريد تعوفني براحتي ماتدخل بس گالت
الحجيه: جايعة يمه
هزيت راسي بالنفي بسرعة.
يمامة: لا حجيّة والله ما أريد شي.
ضحكت وهي نزلت شالت صينه ريوك تدخل جوه
ـ لا تريدين ولا ما تريدين هسه تتريڪين ويانا.
دخلت للبيت هم جان ڪلش صغير مطبخ كبالك يصير وغرفه بينها بنكه مبرده وبيها غرفه بـعد ومفروشه زوالي صح البيت من اهل القديم بس يالله ع الراحه حسيتها ع ريحه تراب موجوده
رجعت الحجيّة من المطبخ وهي شايلة صينية بيها چاي، خبز حار، جبن وبيض ودوك
حطتها ڪدامي وكعدو
الحجيه: يلا يمّه، كلي قبل لا يبرد
يمامة:والله ما أگدر ماشتهي
الحجيه: ليش
يمامة: ما إلي نفس.
مدت إيدها أخذت خبز وحطتها بيدي.
ألحجيه: مو على نفسچ. على اللي ببطنچ
نزلت عيوني على بطني
ألحجيه: حبله بتوم
هزيت راسي.
يمامة:إي.
ابتسمت بحنان
ـ الله يحفظهم إلچ شكد صارلچ حامل؟
يمامه: داخله بشهري
الحجيه: يمّه مهما جانت السالفة إنتي هسه ببيت آمن لا تفكرين بكلشي دفعة وحدة ارتاحي بعد امچ
رفعت عيني إلها وحجيت بصوت خايف
يمامة:أخاف أتعبكم والله اعتذر انـا
الحجيه: لا تفكرين هيج يمه ناس ماتكاطعت
ضليت اكل بالكوه وكالت الي
الحجيه: انـا اسمي عنب وانتي شسمج
يمامه: عنب؟
الحجيه: اي والله يمه عنب هاي اهالي گبل شني يجي بالهم يسمون زين ماسموني خشنيه
صدك ضحكتني بحجيها وكتلها اسمي يمـامه
عنب: يمه يمامه انتي الامـان انشألله
اڪلنا وصارت ساعه بـ8الصبح.
حسيت روحي نعست بس لازم أحجي وابرر الهم كعدو يمي والحجيه بصفي حجه الحجي
مسلم: بنيتي انـا ما راح أضغط عليچ. بس لازم أعرف إذا أكو خطر يوصل لباب بيتي
يمامه: زوچي عمي
عنـب: يمّه، زوجچ مأذيچ
ما جاوبت دموعي بس نزلت
وهذا الجواب كان كافي حتى الحجيّة تفهم إن السالفة مو بسيطة
يمامه: انـا ما أريد أحد يأذيني ما أريد أحد ياخذ أطفالي مني عمي انـا حامل بتوم ورجلي شيخ عشيره بس صارت بيني وبينه مشاڪل سنه كامله ماحجي ويا ولاهوه رجعني ورادني وخفت ياخذ جهالي واجيت لهنا
الحجيه: اخوان عندچ
يمامه: عندي أي مامقصرين بس والله خفت ياخذهم مني ضـرغام مايوكف بوجهه أحد يسوي گلشي حته يڪسر ظهري
1 تعليق
مسلم: ما دام دخلتي بيتي، محد يمد إيده عليچ بس أريد منچ الصدگ بويه إذا أكو أحد يدور عليچ، لازم أعرف حتى أحسب حسابه
يمامه: شي اڪيد زوجي وأخواني بس ماراح يعرفوني انـا اجيت هاي ديره ابـد.
مسلم: يعني هسه إذا زوجچ أو واحد من خوانچ عرف إنچ هنا، شراح تسوين؟
يمامه: لاتكلهم هيه يمي عمي فدوا
مسلم: كومي نامي بعد وكت بويه وبعدين لكل حادث حديث
يمامه:بس عمي انـا اريد بيت ماريد اضل هنا والله وع شوك ولاده اريد بيت وحدي اذا هيج لاتساعدني
مسلم: إنتي هسه ببيتنا لا تفكرين بالشارع ولا بالديرة ولا وين تروحين ڪلشي سهل
طلع العم مسلم من البيت وبقت الحجيّة يمّ
ظلت ساكتة شوي وبقت الحجيّة يمّي.
ظلت ساكتة شوي، وبعدين گالت
الحجيـه: تعالي يمّه، أريد أوريچ مكان ترتاحين بيه وتنامين
كومتني فتحت باب غرفة صغيرة، بيها فراش مرتب وبطانية نظيفة هاي غرفتهم هيه اصلا هاي غرفه وحيده بالبيت
ألحجيه: نامي يـله بيها وارتاحي.
يمامة:بس هـاي
قاطعتني ماخلتني أحجي واكمل كلامي
الحجيه: لا بس ولا شي. نامي.
دخلت للغرفة ونزلت دموعي الحمدلله طلع بوجهي رجال الخيرالحجيّة انتبهت لدموعي.
الحجيه:ـ يمّه، بعدچ تفكرين بيهم
هزيت راسي الها بمعنه أي
ألحجيه: بزوجچ
سكتُّ ونوب ڪتلها
يمامة: وبخواني هم أدري يمكن هسه يدورون عليّ
ألحجيه: يمكن
يمامة:انـا ما أعرف شراح يسون اذا مالڪوني
سكتت شوي ونوب ردت عليه ڪالتلي
الحجيه:إنتِ هسه لا تقررين شي ارتاحي أول.
حطيت إيدي على بطني.
يمامة: أخاف يصير بيهم شي جهالي حجيـه واجه ابوهم ضـرغام ياخذهم امانه يمج رجلج ع رجلهم لاتعوفينهم والله ماعندي احد
الحجيه: إن شاء الله ما يصير إلا الخير
يمامه: الجنط الي بالهول امانه يـمج يمه بيهن ذهبي وملابس لاطفال
الحجيه: هسه اضمههن الج
يمامه: شڪرا
الحجيه: لا تشكريني. نامي بس
طلعت وسدت الباب بهدوء بقيت وحدي.
تمدّدت على الفراش، بس النوم ما إجه
ضليت افڪر بيهم كلهم
يمكن واحد منهم يگول انـا نزلت راسهم
يمكن جاي يدورون عليـه
ضمّيت بطني، وهمست
يمامه: يمّه سامحوني."
نزلت دموعي ع قله صبري
"ما أعرف إذا اللي سويته صح بس ما گدرت أخليكم بذاك الخوف وتهديد وياخذكم ابوكم مني غفيت ع تعبي
فتحت عيوني على صوت الحجيّة وهي تحچي ويا العم مسلم برا الغرفة
بقيت ثواني أباوع وبعدين تذكرت كلشي.
مو بيتي مو أهلي أنا بديرة ما أعرف بيها أحد. ڪمت من الفراش وسمعت. صوت اذان الظهر شگد نايمه انـا طلعت
مسلم: صح نوم بويه
يمامه: اسفه نمت بمكانگ ومارتاحيت انته
مسلم: لا جنت طالع بالكيعان هسه رجعت وهم شفتلچ بيت
يمامه: صصددكك والله
مسلم: أي والله بيتچ فارغ هذا ألبيت وره بيتنا يصير حايط ع حايط يعني من اليوم هذا المكان إلچ. محد يگدر يگولچ اطلعي، ومحد يگدر يمد إيده على بابچ بعد طالبتني ب طلابه
يمامه: ششكد ألسعر
مسلم: ماطلبت منج فلوس
يمامه: عمي والله انا جايتني اطفال ثنين واريد اعيش
واشتغل حته اتكفل بجهالي
مسلم: هسه أول شي اهتمي بنفسچ وبطفلينچ. من توگفين على رجلچ، ذاك الوقت نحچي بالفلوس
مسلم: خلي نصلي حته نشوف البيت
صلينا وتغدينا الحجيه لكيتها مسويه مركه بربيل
ورحنه للبيت. جيران ونسـوان بره يباعون ويلسمون ع الحجي والحچيه وانـا امشي وراهم.
وصلت للبيت دخلت جان حديقته چبيره بي
وغرفه جبيره هم ومطبخ وحمام وبعد غرفه اڪو
غرفه جبيره مسوينها مثل ديوان وبي زوالي ومخاد
مسلم: عجبج بويه
يمامه: ماعرف شلون اشكرك
رحت ابوس ايده ماقبل باسني من راسي
يمامه: البيت جبير خلي نعيش كل أحنه بهذا البيت
مسلم: مو بعيده بويه انشألله انـا وامج مانعوفچ.
نضفنا البيت وغسلنا ب الماي وماخلوني أسوي شي
الحجيه: هاي الغرفة إلچ جبيره وهاي الثانية خليها لجهال
ابتسمت غصب عني، وحطيت إيدي على بطني.
يمامة: بعدني ما أعرف شلون أصدڪ إن راح يصير عندي اثنين بنيه ولد واعيش هنا
ألحجيه: راح يصير، وتفرحين بيهم إن شاء الله.
يمامه: خايفه
ألحجيه: منين يمه
يمامه: كل ما أغمض عيني أتخيلم كاعدين يدورون عليّ. أتخيل خواني يسألون عني. أتخيلهم يوصلون لهنا ضـرغام يمه ضـرغام يموتني
ألحجيه: يلا، هسه كافي خوف. عندچ بيت ترتبينه، واثنين تنتظرينهم وكلشي سهل
يمه اهلنا جانت تكول منا لباب لكوسر فرچ يبعد امج
راح عمي وضلينه انـا والحجيه كعدنا بالغرفه جبيره نمد ظهرنا اجه عمي مسلم وڪمت مسوك مسواك ڪامل
يمامه: عمي ليش هيج سويت منين سوكت رحت لهناك؟
مسلم: لابنيتي نوصي ابو الستوته يجيب مسواڪ ويجي هنا يبيعه النه والبيت فارغ وهاي هديتنا الج لحد ماتتعودين ع العيشه هنا
يمامه: مشكور عمو والله مشكور
مسـلم: هنا الديره امان لاتخافين
الحجيه: انـا ماعوفنها لحد ماتجيب بليل انامن يمها
مسلم:لا انـا أريد مرتي.
ضحكت الحجيّة وجانت ضحكه تخبل
عنب :مرتك ما ضاعت، باچر ترجعلك حجي
مسلم: لا، الليلة هم أريدها
عنب:حجي البنية وحدها
ضحكت عليهم شلون يتناكرون منا لليل سويت العشه وحته هوه تعشه بيتي راحت الحجيه وره ألعشه
جابت ذهبي وغراضي ودعت الحجي وراح للبيت
يمامة: حجيّة صدگ راح تخلين عمي مسلم وحده؟
ضحكت وهي ترتب بطانيتها جابولي فراش من عدهم
ـ خلي يتعلم شوية شلون يعيش من دوني يفگني
يمامه: باچر راح يعاتبچ.
الحجيه: خلي يعاتب انـا عند بنيتي جديدة أخاف عليها.
يمامه: انـا بتج
الحجيه: ومن گالچ البنيه أذا مو من بطني يعني مو بنتي لو ماخافن عليج
نمت وهيج عبـرت الأيام اله ان تعودت أسبوع گامل النسوان يكعدن بالباب وانـا هم صرت افتح باب امد راسي يشوفني ويحجن وياي وعبالهن انـا مطلقه ماحجيت انـا شارده غير بيت مسلم.
الحجيه ماخليتها تجي بعد يمي خطيه تتعب وڪتلها والله ماخاف ومبينه الديره امـان.
طلبت منها تشوفلي شغله وكالت اشوفن النسوان
اندك الباب العصر لكيته عنـب وياها حجيه ثانيه
كعدن بالغرفه قدمت الهن ماي وحجت الحجيه
الحجيه: يمه كالتلي مرت الحجي تردين شغل
يمامه: أي
طلعت هاي الحجيه مثل دلاله لديره وتعرف ناس محتاجه وتجيب شغل عدت الي هواي شغل
منهن الخبز اخبز ومنهن الكبه ومنهن المكانيس
يمامه: الخبز شكد يصير خاله
الحجيه: والله يمه احسلج ناس تجي تطلب منچ وانـا هسه اكلهن وكلها ديره تجي يمج إذا تحبين حته نتفق سوه
يمامة: شلون
ـ انـا أوفر الطحين والأغراض، وإنتِي تخبزين بالبيت، وأنا آخذ الخبز وأوصله للناس بس تعرفين هاي ألمن
يمامه:والفلوس شلون؟
الحجيه:: نتفق من البداية حتى ما يصير بيناتنا حچي
خلي نحسبها عدل حتى لا يضيع حقج ولا حقي.
يمامه: إي احسن انـا ما أحب أحد ينظلم بسببي
الحجيه: الربطة بيها عشرة خبزات، أحاسبج عليها ألفين وخمس ميّه
يمامه: يعني إذا سويت عشر ربطات شگد
- يصير خمسة وعشرين ألف.
يمامه: زين وإذا باليوم سويت عشرين ربطة
الحجيه: يصير خمسين ألف.
يمامه: خمسين ألف من تعبي انـا؟
المره: أي من تعب إيدج.
اتفقنـا والحمدالله المره جابتها الي الحجيه عنـب سهلت امري ڪلش ڪلش هواي ودائما تجيني وتشوفني اخبز المغرب حته احضر خبز العالم
الحجيه: ها يمه اساعدنجن
يمامه: لا حجيه ڪعدي صدك شلونه عمي مسلم
الحجيه: زين يسلم عليج بلكي بعد شوي يمر عليج ملتهي ب الحلال والكيعان والزرع
وانـا اخبـز بالحديقه سمعت صوت عمي وره الباب
مسلم: ريحة الخبز وصلت للشارع، بس انـا ما شفت إلي خبزة
يمامه: ياهلا عميي تفضل تفضـلللل هاي انـا
مسلم: الله يساعدچ بويه ريحه خبزج وين واصل
يمامه: عمي مسلم، بعدني ما بديت أبيع تريد تاكل قبل لا أبيع خبزه حاره
مسلم: انـا أول زبون بويه،
يمامه: إنتَ مو زبون، إنتَ أهل البيت عمي
وهيج مرّت الأيام وصارلي اسبوعين هنا انـا، وكل يوم الطلبات تزيد
بالبداية چانت الحجيه زهراء تاخذ عشر ربطات، وبعدها صارت تاخذ عشرين، وبعدين گالتلي
زهراء: يمامة، الناس جاي تسأل عن خبزچ بالاسم.
يمامه: باسمي
زهراء: إي، يكولون نريد خبز أم التوأم
يمامه: شنو أم التوأم؟ منين عرفوا
- الديرة صغيرة، الخبر بيها يمشي أسرع من الناس
يمامه: الله يستر، لا باچر يعرفون قصتي كلها
مرت الاسبوع ثاني الوجاع بدت تزيد عندي بس ألحمدالله عرفت من خاله زهراء اكو قابله هنا تجيب جان متتت صارن عندي الفلوس ومره الدلاله تجيب غراض وانـا اشتري منها للبيت وحته ملابس ألي هواي شتريت
بـليل گضتني الوجاع بس ڪملت خبز
منا لحد ماحسيت راح اموتن ونزل عليه مـاي.
حسيت ربي دزلي الحجيه عنب تشوفني
فتحت ألباب ولكتني بالحمام خايفه
عنب: جاسني كلبي والله ولججج شبيججج
يمامه: يمهه راح اجيببببب ماكدر ماكدررررر بطني
طلعتني حجيه بساع فرشت الي بالغرفه
يمامه: ااااخاف يصير بيهم شي أخاف ما أگدر والله
الحجيّة مسحت على شعري
- تگدرين، يمّه. إنتي أقوى مما تتصورين.
اجت القابله جابها مسـلم وأنا بالغرفه لحظات من الخوف وشكد تمنيت وحدة يمي من بنات رنـا او ايـه لو حته ضـرغام. ماعرف ماعرف اوصف واذكر شعوري بهذيچ لحظه خوف القابله تصرخ عليه وانـا ماعرف اطلك ماعرف
يمامه: ماااعرففف والله ماعرفففف شگيييي بطنيييي شكوهااا راح أموتنننن
ألمره: دفععععييي لايموتونننن ولج راح يختنڪون بس شدي حيلججججججج
1 تعليق
صرخت بعلو صوتي انـا ابجي والحجيه تبجي وياي وفوگ راسي بس ساعة ڪامله ع تعب وراجديات سمعت صريخ طفل وسمعت مره تكول
المره: بعددد البنيه لاتموت شديييي حيلج
الحجيه: ياعلي سهل هل يتيمه هاي ياعـلي
شفتها اخذت الولد ولفته بساع وانـا بيني وبين ألموت شعره.
وبعد تعب اجت البنيه وسمعت صريخـها. وبجيها
ماكدرت بس حجايه حجيتها
1 تعليق
يمامه: حجيه جهالي امانه برگبتج.
ماشفت أي شي بعدل وصدري ذبحني مافزيت اله للصبح انـا وين صاير بيه مادري لڪيت الحجيه تخلي فوك راسي الخاولي صغير وتخلي ع گصتي ويمها المضمده مال الديره واسمعها تكلها
: جابت ونزل ضغطها هسه ترجع وعيها
يمامه: چهههااليييي جهالللي وينن يماااااا
الحجيه: ياصلات محمد يمه كعدتي
يمامه: يمه جهاليي وين وينن
ألحجيه: زينين بس يردون حليب منچ تعبو وصيت مسلم ع الحليب بس ماشربو ونايمين هسه كوه نومتهم.
اخذتني كومتني سبحتني وغيرت ملابسـي وڪالت أسبح جهال العصر انـا والحجيه زهراء .
گعدت وانتضر جهالي يجون لحضني جابت الي اول شي الطفـل وجابت الي البنيه مخلتها بحضنها ماكدر اخليهم ثنينهم بحضني بس بچيت والله كطعت روحي من البچي مامصدكه هذول جهالي
يمامه: خاله خليها بحضني
الحجيه: يمه خافن ماتكدرين
اخذ طفل مني وخلت البنيه بحضني.
بستها شميتها فدوة اروحلج انـا نذر والله
الحجيه: وهذوله من اليوم مو بس أطفالچ
يمامه: شلون يعني
الحجيه: صاروا أهل الدار.
يمامه: وانتي بيبيتهم والله ماقصرتي بدونچ ماعرف شسوي
اجه عمي مسلم تبارك ألي هـم واخذت الحجيه الاطفال نومتهم بصفي ثنيهم
الحجيه: من البارحة وانـاأباوع عليهم وأگول هذوله أحفادي.
بجيت ماتحملت المنظر جهالي ثنينهم يمي
وعمي ڪاعد فرحان والحجيه الي شايلتني شيل انـا وجهالي ومامقصره بشي
الحجيه: ابچي يمّه هاي دموع راحة، مو دموع خوف.
يلا، نامي إنتي جدهم وجدّتهم موجودين
ماعرف من تعب صدك رجعت غفيـت
ڪعدت ع بجيهم وصريخهم احتار ارضع منو الحجيه تساعدني تشيل واحد حته ارضع ثاني واسڪته وابجي من يرضع أحسه اموتن من الوجع
سبحتهم هيه وخلتهم يمي ع الغرفه والشمس تدخل من الشباڪ العصر
الحجيه: ماراح تسمينهم يمه
يمامه: لكيت اسم للولد ماريد احرمه من اسم الي باله
الحجيه: شنهو يمه
يمامه: إيـهاب
الحجيه؛ والبنيه
يمامه: حيـاه لان هيه صارتلي كل حياتي.
