رواية حين تتغير الاقدار الفصل الثالث والاربعون بقلم سناء الهموندي
اتمنى أن يحدث شيئاً واحداً يسعدني معجزه تعوضني عن إنطفاء قلبي كل هذه المده❤️
فكُل الأشياء ذاهبة ولكن، يبقى الأثر 🥺
سيبقَى فِي القلِب بقِيّة مِن حِكايَتِنا...لَن يَعلم أحدٌ بِها💛🖇*
شمس : مرت الايام والأشهر ودخلنه بسنه ال 1993جهالي كبروا وعمامهم ممقصرين وياهم وبالذات كميل وخالتي ام علي جهالي كد ما تعلقو بكميل كاموا يكلوله بابا بده هل شي يزعجني نوع ما لان هل كلمه من حق تمار الي ما شبع منهه اوففففف يا تمار رحت وأخذت كل دنيتي وياك الله ينتقم من كل ضالم كاعده الف دولمه والجهال بالمدرسه اجت أمي هيه وخاله فضه كعدن يمي شويه وراحن كالن يسيرن على خالتي ام علي .
تكتم : رجعنه من المدرسه دائما نطلع اني وختام اول شي حتى قبل اختي ونرجع للبيت امشي واكمز وكصايبي تطاير ويايه ختام تمشي هيه وصديقتهه ورايه تجهت على المره العجوز التكعد كبال المدرسه تبيع نبك وليمون اخضر صغار وتمر هند و ابو جيس متعلمه كل ما اطلع من المدرسه اشتري منهه رحت شتريت تمر هند واكل بي ختام عاطت بيه .
ختام : تكتم ماما مو كلتلج بعد متشترين تمر هند .
تكتم : باوعتلهه وكتلهه واني هم اكللهه شتريتي ابو جيس سكتت وفرت بيدهه وكالت شعليه بيج رجعنه للبيت طبينه بفرع بيت جدي شفت جيرانه ام ميسون ونفس الوقت صديقه امي واكفه هيه ومره اول مره اشوفهه يسولفن شافتنه صاحت عليه غلست اعرف بيهه ساعه ضل تسال نوب صاحت ختام انجبرنه رحنه باستنه وكالت للمره هذني بنات شمس تذكريهه كالت ياااا عيني ماخذات من امهن وابوهن فدوه شون شكر وحلوات شنو ذني تؤام جاوبتهه اي تؤام شوفيهن شحلاتهن نوب سالتني ناصي اكلججج يمه عمج كميل عدكم يبات جاوبتهه لا بابا كميل بالدوام المره سمعتني وكالت اكلج شنو ذني بنات كميل جاوبتهه ام ميسون لا عيني بنات تمار شبيج ستشهد وعافهن يتامه ........
التفتت الختام وكتلهه شنو يعني يتامه لزمت ايدي ومشت سريع ومشيت وياهه واني كلساع اسالهه شنو يعني يتاما .
ختام : تكتم شبيج والله ماعرف شنو يعني عود سالي ماما .
تكتم : هل كلمه صار6سنوات هواي اسمعهه هنا عمري 9سنوات رجعنه للبيت طبينه من الباب شمينه ريحه الدولمه باوعنه وحده بوجه الثانيه وضحكنه عرفنه امي مسويه دولمه .
نور : سبأأأأأ ماما ياله بدلي وتعالي نتغده .
سبأ : اي يمه دقيقة وجايتج .
نور : صيحي خوانج وبيبيتج .
جوريه : ها يمه نور سوده عليه اليوم عفت الطبخ كله عليج .
نور : صدك جذب خاله قابل شمسويه ياله تعالي نتغده .
جوري : عمران ما اجه .
نور : اجه أخذ غده وراح .
نور حياتي هادئه وماشيه عايشه اني وخالتي وجهالي وعمران اخو الغلام بيت واحد عايشه على أمل برجعه غلام رغم الكل كطعو الامل حتى بعد الرساله السمعناهه بالراديوا اخواني ممقصرين ويايه وحتى سلطان حاسب جهالي بحسبه جهاله سلطان اشتره بيت قريب علينه علاقتي بزوجته علاقه طيبه رغم شكد حشن براسهه عليه بس هيه بت اوادم وتخاف ربهه .
هناء : وتالي وياك ليث وتالي يعني يوميه طلابه .
ليث : يمه يرحم موتاج صبيلي غده تره متسوه سويهه سالفه جبيره واني كاتلني الجوع .
هناء لطمت على صدري عززززااااااا ولك يا متسوه والولد رأسه مدمه واجتي أمه تصيح بالباب .
ليث : فتحت الجدر باوعت امي مسويه فاصوليه صبيت بماعون تمن والمركه فوكا كعدت اكل وأمي كلبت الامه عليه .
هناء : ولك شنو هل برود العندك خاطر الله عليمن طالع متكلي عليمن طالع .
غيث اخو ليث : يمه تره صوج الولد من يوم كعدنه هنا لليوم هوه يدور حرشه ويانه شتردين نسكتله .
هناء : عزا العزاج هناء كله صوجي أنا صوجي بيوم دكيت على بيعت البيت جنت كاعده ومرتاحه شجاني رجعت بذاكرتي بيوم تعاركت ويه انور على بيعت البيت ( بعد ما جنت كاعده ويه خالتي ضويه جهالي كبرو وماشاء الله كثروا وازهر هم جهاله كبرو البيت كام يادوب يكفينه لمينه روحنه وشترينه بيت بغير منطقه بغداد كعدت بي سنتين لحد سنه ال 91 لميت مبلغ جبيير وزين لحيت على انور نبيع البيت ونأخذ بمنطقه ارقه وبيت اكبر ونبني احنه دبل فاليوم على المديل وبعد الحاح ويه انور بعنه البيت وشترينه قطعه ارض بمنطقة زينه انطانه الرجال البعنه اله البيت مهله اربع اشهر وبليله ويوم نزل السوك وصعد المسواك والمواد والدينار نزل نزله خلتنه نخسر الاول وتالي وضاعت كل احلامي انور محجه شي بس انا اشوف بعينه ألوم والحزن أنا كل الي سويته حتى اثبتلهم انو بنت الفلاح الي جبت عمري اسمعهه منهم تكدر تكون ام وزوجه مثاليه كعدت الوم نفسي لان الفلوس الي عدنه منكدر نسوي بيهه شي ومرت الايام والأشهر وانا صرفت نص الفلوس على الاكل والشرب لان صرنه بحصار والخبزه العالم كوه دبرهه ابو البيت بلغنه بس هل شهر ونشيل دمرت نفسيتنه أنا وأنور وماعدنه غير حل واحد وهوه اشترينه مواد البناء ولزمنه خلفه يبني وانا وأنور ولدي العمال اشتغلنه ليل نهار أنا ولدي وأنور لحد ما بنينه البيت عباره عن هيكل خلصت المده ونطانه فوكاهه سبوعين كملنه البيت بس على الهيكل وسكفنا وضطرينه نكعد بي وهوه مكامل لان لا فلوس بقت عدنه ولا وقت مرت الايام واحنه كوه ندبر الخبزه انور صار شغله محافظات لان هوه يشتغل موضف بالتصنيع العسكري وكام اغلب وقته يبات بره البيت مرت سنتين واحنه كاعدين بالبيت الي هوه عباره عن هيكل بس ولدي بسلامتهم معاجبتهم المنطقة ويوميه سالفه مسويلي )رجعت من ذاكرتي على صوت غيث وهوه يكول يمه مو كلتي اخذك لبيت جدي حتى عمو ازهر يقريني تره عندي متحان وكلشي محافض . جاوبته لمو هدومكم خل نروح ونبات باجر نرجع وفعلا أخذنه غراضنه ورحنه لبيت عمي صادق هنا اني الله اكرمني ب 6ولد .
شمس : خواتي كلهن تزوجن وخلفن واستقرن الحمدلله بس عمران بعده وحاليا هوه شايل البيت علاقتي بنور كبرت وصارت شريكه أحزاني مرات تجي تبات يمي ونكعد نسولف لاجهال عن طفولتنه وسوالفنه .... كاعد اصلي وندكت الباب عرفت من صوت الدكه هذا كميل كلش متعلق بجهالي بحيث اول ميجي من الدوام يجي محمل ثياب وغراض للجهال راح اصيل فتح الباب وصاح اجه بابا أنا متعلمه عليهم بحسبه اخواني طب سلم وكعد يلعب بالجهال وهمه يدعبلون عليه عفتهم ورحت للغرفه الثانيه .
كميل : هاي شنو ولك اصيل أنا مو كتلك اريد 100 شون ماخذ 70بالرياضيات .
اصيل : بابا صعب والله مو زين اخذت 70.
ختام : اني شاطره وأخذت 10 .
كميل : عفيه بنات ابوهه باوعت على تكتم كل عاده كاعده على صفحه وتلعب بهدوء كتلهه وانتي بنيت ابوهه شكد اخذتي .
تكتم: اخذت مثل ختام .
كميل : فدوه اروحلكم ياله امشوا لبسو اخذكم اشتريلكم .
تكتم : طفرنه بسرعه لبسنه ورحنه شترينه ورجعنه لكينه بيبي يم ماما .
كميل : سلام عليكم .
ام علي وشمس : وعليكم السلام .
ام علي : شنو يمه كعدت من نومك وما شفتك بعد صدك جذب جا ما تكول امي مشتاقتلي .
كميل : ابتسمت وبستهه من راسهه يمه غير انتي جنتي مسيره لبيت عمي .
ام علي : اي صح موس مرت ابن عمك جايبه ورحت اشوفنهه .
شمس : كمت اسوي غده اليوم جمعه والجهال ماكو مدارس سمعت صوت كميل وخالتي يسولفون بصوت بس صراحه مركزت وياهم بس وره ما خالتي حجت ويا ب10 دقائق طلع كميل عصبي وسد الباب قوي كملت الغده وجيت الخالتي لكيتهه مخليه
شكرا لزيارتكم عالم روايات سكيرهوم
