رواية حين تتغير الاقدار الفصل الرابع والاربعون بقلم سناء الهموندي
ربما سننكسر ثم نُصبح فُتاة ثم تراب وبعدها نتلاشى مع الهواء ونحدث اشدِ العواصف⛈️☄️🖤
البوح بما في داخلك أمرٌ يُستصعب فعله، وفهمه، ولكن البكاء ووجود شخص يربتُ على كتفك، وهنا اجهش بالبكاء مثل طفلٍ صغير يحاول إيضاح ما يؤلمه لكنهُ يفشل 🥺💔
شمس : سمعت صوت رهام تبجي وتكللهم شمس تكولي أخذ كميل وغصب عنج وغصب عن اكبر واحد أنا تخبلت من جذبهه شون تلفق تهم معقوله هيج متخاف الله سكتت ورحت للغرفه الثانيه خليت الخبز ورحت طبيت بالحمام متحملت بعد بجيت بحركه وانا كاتمه انفاسي غسلت وجهي وطلعت لبست عباتي وكتلهه النور أنا رايحه للبيت نور لزمتني وكالت .
نور : شبيج شمس عيونج ممطمانه الهن ليش هيج حمر .
شمس : كتلهه بصوت مبحوح لا مابيه شي بس اجه عمران وكال امي تريدج اروح أشوفهه .
نور : حجيت بشك شمسسس خالتي من الصبح راحت للزياره شبسرعه اجتي .
شمس : متحملت وطفرت دمعه وكتلهه نور الله يخليج خلي اروح وطلعي اي عذر كولي تخربطت كولي امهه تريدهه اي شي حجيت بجي وحركه .
نور : مردت كلبي بدموعهه مبين شمس مغثوثه مو خوش غثه كتلهه روحي حبيبه روحي وانا بعدين اشوف شنو سالفتج .
شمس : مشيت لبيتي الي ميبعد غير بيت واحد عن عيالي طبيت جوه وسديت الباب ونهاريت بالبجي بصوت عالي كعدت انحب وانوح واصيح تمارررررررر ليش هيج عفتني وخليتني علج بحلك اليسوه والميسوه تعال شوف المدلله الجنت تخاف عليهه من الهوه صار الرايح والجاي يسحل بيهه صرت ارجععع تمار ارجع مو كلت أنا ابوج مو كلت أنا اخوج وما اعوفج شو عفتني ويتمتني ضليت ابجي لحد ما أذن الاذان استغفرت الله وكمت توضيت وصليت وصليت للموتى ودعيت ربي يلهمني الصبر ويجفيني شر عباده .
نور : ضل بالي يم شمس واول مكملنه العزيمه على السريع لميت ويه البنات امي سالتني على شمس كتلهه راحت لبيت اهلهه خالتي دزت عليهه وانا كتلهه روحي اخذت اكل ورحت لبيت تمار بابهم بي خيط سحبته وطبيت لكيت شمس تلم بفراش الصلاة وعيونهه حمر شافتني وبتسمت كالت .
شمس : راحوا الخطار .
نور : لا بعدهم .
شمس : ها جا شعجب جيتي .
نور : ضحكت من شفتهه دير بعيونهه مني بخجل أنا وشمس من الصغر متعلمين وحده مضم على الاخ كتلهه تعالي نتغده تره علمودج ما تغديت .
شمس : يا سوده عليه هسه احمي الغده واصب .
نور : تعالي هذا جبت وياي وانا الطبخت ها لا عبالج ضحكت وهزت براسهه وكعدنه تغدينه سوه كملنه شلنه المواعين غسلتهن شمس وصبت جاي كعدنه نشرب كتلهه منو وياج ام اصيل باوعت عليه وهزت براسهه بلا عود محد كتلهه بروح تمار احجي وهاي اول مره احلفهه بروحه دارت وجهه عليه وبجت وكالت .
تستمر القصة أدناه
شمس : نور احلفج بغواليج كلي الاخوتج خلي يبعدون علينه خلي يساعدون جهال اخوهم بس من بعيد وبلاخص كميل الله يخليج كليله خل يخفف علاقته بلجهال .
نور : تفاجأة بكلامهه وكتلهه شمس انتي تعرفين اخوتي مستحيل يعوفون اولاد تمار وبلاخص كميل وانمار بس كليلي انتي شنو المضوجج بالموضوع .
شمس : بجيت وكتلهه سمعتي نور صارت على كل السان وباءذني اسمع الاتهامات والطعن بشرفي .
نور : تخبلت وكتلهه تخسا منو الييجرء يحجي عليج والله هسه اروح اخزيهم الج. لج شمس الناس تعرف طهارتج وعفتج والتحجي وحده غيرانه منج .
شمس : بدموع والله ماريد شي من هل دنيه غير يعوفوني اربي جهالي بسلام لج نور تصدكين يتهموني ويه اخوتج .
نور : عادي ما استغرب لان هذا حال الارامل والمطلقات والي رياجيلهم مفقودين صرنه طعم للذئاب ياهو اليجي ينهش بلحمنه بس لتنسين اكو النه الله .
شمس : ونعم باله نور انمار خطب والحمدلله بقه كميل الله يخليج قنعي خل يزوج حتى الناس تفك ياخه مني .
نور : وانتي عبالج من راح يتزوج تخلصين من الحجي لا عيني هذا حلم هاي أنا كبالج اكبر دليل الج حتى البنيه الخيره الجانت بحسبت خواتي هم خربنهه عليه وعبن براسهه على ابو أنا حاطه عيني على رجلهه .
شمس : يمه عزززا منو ولج بس لا مرت سلطان .
نور : هزيت راسي باي وكتلهه اي خيه لعد شعبالج بس انا لزمتهه حجيت وياهه وحلفت الهه معليه البنيه بت اوادم وبت خير تعذرت مني وكالت دخلن بينه الشيطان الله لا يوفقهن .
شمس : خرب يومي على هل عمله .
نور : جا شكلج لا عبالج من يتزوجون راح العالم تكف عنج لا بالعكس راح زيد المشاكل والله يدري حتى نسوانهن تكوم تسببلج مشاكل .
شمس : بلعت ريك وسكتت وهيج مرت الايام ورهام مجازت مني هيه وبنات عمهه كامت تشيع بكل مكان وتكول شمس تريد تأخذ تمار ساعه تكول تريد علي وخلت مرت علي ثكل وجهه عليه ونوب انمار كل هذا وانا متحمله عبن خالتي ونور وحتى خوات تمار ميسكتن الهه ودائما يتعاركن وياهه بس هيه تحب كميل وتتخبل اذا شوفه يهتم بالجهال .
كميل : اهتمامي بجهال اخويه زاد وكلام العالم هم زاد بس انا كلشي ما يهمني اهم شي اطلع بوجه ابيض كدام الله بهل يتامه والله شاهد ماعندي اي نيه سوء بس العالم تكيف على الغيبه والنميمه امي كثرت ملحتهه بسالفه خطوبتي وانا معارض .
ام علي : ولك يمه شوف هاي رهام شحلاتهه هاي مريم جنهه جماره وحتى ميس بنت خالك دارسه وعالمه وام بيت خل اخطبلك وحده منهن انت بس شاور .
كميل : يمه تلوميني جي ما ابات يمج هاج شوفي من ابقه يمج شطلعين سوالف .
ام علي : يمه ختام أخذي اخوتج وروحي يم عمه زمن .
تستمر القصة أدناه
كميل : باوعت على تكتم تباوع لامي لان كلتلهم يطلعون ونفس الوقت تباوعلي جي صرت عصبي تكتم كلش حساسه صحتهه ابتسمت الههه وبستهه ونطيتهه الورق الجنت العب بيه وياهم كتلهه أخذي وروحي لعمه زمن كليلهه بابا هسه يجي ونلعب سوه هزت راسها وركضت وشعرهه جنه شلال يرفرف وراهه باوعت الأمي وكتلهه يمه الف رحمه ونور على موتاج سدي الموضوع .
ام علي : بعصبيه لا ما اسده شو هل مره وتسمع الاكوله زين تزوج يعني تزوج وإلا راح اغضب عليك اليوم الدين .
كميل : احاول أملك أعصابي وحجيت وانا صاك سنوني يمه هيه مو جبر وزواج ما ازوج تردين اتزوج وحده تجي تتنعوص براسي وتمنعني من جهال اخوي .
ام علي : لك يمه أنا المصلحتك والمصلحت مرت اخوك المسكينه الي العالم كاموا يحيرون شيحجون عليهه ولك يمه شمس مو ناقصه ضيم كافي ضيمهه .
كميل : يوم كتلج الناس هي ونعالي اني اجيب مره وتبعدني عن جهال تمار لا والله لاتفكرين ابد اني احلهه واليحجي على شمس اخلي راسه جوه رجلي وداعتج انتي فضيت سالفت امي وتقريبا شبه جازت من موضوع الزواج نوب طلعتلي رهام صفح الي سكنت بيتنه وين ما اروح الكيهه كبالي وتحاول تلبي طلباتي من اطب تركض جيبلي هدوم وتصب اكل وجهه الابتسامه من الطول الطول كل هذا وانا كلبي ميرفلهه ولا يرف الاي وحده لحد ما بيوم كاعد أرتب بغراضي بالجنطه باجر التحق طبت هيه للغرفه وتقربت يمي وكالت .
رهام : مو كافي تكابر هاي أنا كدامك واعترفلك أنا قابله بيك وبدون اي مهر .
كميل : باوعتلهه متفاجأ بيهه وكتلهه امشي طلعي بره لجي واحد ويفتهمنه غلط .
رهام : خل يجون خل الكل يشوف ويشهد على حبنه .
كميل : لج بابا يا حب يا بطيخ شبيج انتي تخبلتي امشي اكلج .
رهام: بعصبيه ما اطلع اله تحجي اعرف بيك تحبني وتريدني بس اكو من يقره براسك .
كميل : فكيت عيوني عليهه بعصبيه وجريتهه من ايدهه وطلعتهه يم الباب وكتلهه مو انا الي ينقري برأسه وهسه روحي لتخليني ارتكب جريمه بيج عطت بيهه خلت وراحت بكل عين صلفه دمعه منزلت منهه ثاني يوم التحقت وانا دماغي مشوش .
هناء : حياتي صارت اصعب من ما يكون حصار والله اعلم بحالنه انور صرت أشوفه كلش قليل بالاسبوع ميجي غير اله يومين وراتبه صار ميكفينه يا دوبك كراوي لانور وكوه مسواك يكفينه صرت اخبز وابيع للجوارين بغياب انور لحد ما كاموا اغلب الجوارين يجوني اخبز الهم كل هذا في سبيل ولدي يدرسون واعيشهم وما اخليهم محتاجين كعدت من ساعه خمسه كل عاده صليت وعجنت وكعدت احضر ريوك للولد حتى يطلعون للدوام صارت بال6 اله ربع كعد ليث غسل وبدل وكال في امان الله يوم صحت عليه تعال تعال وين رايح تره بالسته مصايره .
ليث : جاوبتهه اي ادري مو متواعد ويه عمي حبيب على شغله موصي عليهه .
هناء : ليث تره مالي خلك مشاكل .
تستمر القصة أدناه
ليث : شنو السالفه يوم ياله مع السلامه بستهه براسهه وطلعت وانا احجي بكلبي والله لو تدري بالي جاي اسوي جان ذبحتني بس شسوي أنا هذا قراري ولازم يتقبلوا .
هناء : مرت الايام وبيوم كاعده اخبز ندك الباب ومحد موجود بس اني وبطني حامل توني فتحته طلع الحارس مال مدرسه المتوسطه مال ولدي اعرفه كلش زين بس نرعبت من شفته وخليت ايدي على كلبي بس لا واحد منهم بي شي كتله تفضل خويه أمر خدمه .
الحارس : خويه ام غيث هاي ورقه بلاغ من المدرسه لحضرتج طالبين ولي أمر ليث صار أكثر من مره يتم استدعاء ولي الأمر وميجي .
هناء : خويه رحمه لامك خو ما صاير شي .
الحارس : لا والله مصاير شي بس تعالي حتى تفهمين اكثر .
هناء : لبست عباتي ورحت تفاجأة بليث مموجود سالت المعلمه ست وين ليث .
المدرسه: وين انتي عيني ام ليث هاي 10 مره ادز عليكم .
هناء : باوعت بصدمه خير ست اكو شي ابني بي شي .
المدرسه : تعرفين ليث مستواه بالدراسة صاير زفت مو هذا الي جنت متوقعته من ليث جان اشطر واحد .
هناء : تخبلت شنو مستواه نازل ليث العام طلع من العشره الاوائل وكل سنه هوه الاول كتلهه ست فدوه ايجوز انتي غلطانه بلاسماء .
المدرسه : طلعت السجل وقرت اسم ليث انور صادق هذا اسم ابنج لو لا .
هناء : جاوبتهه بانكسار نعم كالت ابنج حتى دوام ميداوم مكضيهه غيابات واذا داوم فكلشي ميحضر واجبات وهوه هل سنه بكلوريله جاوبتهه يعني شنو ست ماكو امل باوعتلي بجديه وكسرت كلبي بحجايتهه من كالتلي اغسلي ايدج بكارتونه صابون من ابنج ايسي منه
رجعت للبيت وانا مكسوره وضايعه والف فكره موزينه جتي بالي جا ليث يكعد من ال 6وين يروح ويرجع لي باليل ويكلي امتحانات وبكلوريه وانا الغمه مصدكته صرت نار كبري شيجيبه اليوم رجعت للبيت اغلي غلي لكيت إخوته الصغار جايين من المدرسه ابتدائي يطلعون من وكت رحت لعجيني كملت الخبز وسويت غده وليث ماكو وللغروب كل عاده يجي .
ليث : رجعت للبيت مترهي وامشي على كيفي وصدك اول ما اطب وأشوف امي صايره نار وشرار .
هناء : بعصبيه يا هلا وكل الهله لو بايت بره فرد نوب .
ليث : اعصابج يوم اروحلج فدوه قابل صار مو هذا اني كبالج .
هناء : بصياح ولك جذب عليه تكلي اروح من وكت حتى أقره وطلعت حتى مدرسه متروح واليوم المعلمه مالتك تكلي غسلي ايدج بكارتونه صابون ولك اني تالي عمري يعيروني بيك هاي مجازات تعبي وتضحياتي الكم ولك اخذ من عافيتي واخبز للعالم واتعب كله في سبيل اوصلكم ولكم حاربت الدنيه علمودكم تحملت الحجي والذل وكلمه بنت الفلاح كله في سبيل اكعدكم منطقه زينه وبيت جبير يلمكم هاي مجازاتي الكم احجي ليش ساكت احجي .
ليث : انصدمت برده فعل امي ومتوقعتهه راح تعرف بالمدرسه اني منبه على اخواني ميكلولهه شي كل الي كالته حقهه فعلا اني أخطأت ولازم احجيلهه كلشي بس امي منطتنه مجال ضلت دك ولطم وتصيح عليه وحتى على اخواني الي مالهم اي دخل بيه لحد ما أنا كتلهه انتي اهدئي وانا وغلاتج احجيلج كلشي وماضم عليج شي .
هناء : نهاريت ومعرفت شسويت بروحي لحد ما لزمني ليث وكعد يهديني كلت العصبيه مجيب نتيجه خلي اكعد واسمعله وفعلا هدئت وغسلت وجهي راح هوه جابلي ماي شربت وبده يحجيلي حجي وكف عقلي بي ومستحيل اتخيل كل هذا يطلع من ليث السكوتي الي طبعه مثل العاصفه هادء بس اذا هاج يدمر كلشي ضليت متصنمه من الي سمعته وعقلي مشال فكره الي مسوي ليث وهوه ................
