رواية حين تتغير الاقدار الفصل الثامن والاربعون بقلم قلم سناء الهموندي
مرات أگولن گضت
ماباقي حسبت وكت و أرتاح و تعدي ...
و مرات أكرهة العمر
و أسأل و أدور درب للمگبره يودي ...
~~~~~~~~~~~~~~~~~~~~~~~~~~~
نهاجر من أنفسنا بحثاً عن حياةٍ أخرى...
في لوحاتٍ لم نرسم تفاصيلها .. بل أملاهآ علينا القدر
تكتم :كبرت وفتحت عيني على حصار وجوع والناس تعبانه بسبب الأوضاع واني اشوف عمي الي فنه عمره لحسابنه يجي وكت الظهر العرك يصب من وجه يحير وين يشتغل حتى يعيشنه ويجيب بصعوبه طحين حتى تخبزه امي وناكل ونسد حجوعنه الحصار والجوع جانت تعاني منه كل اهل الجنوب أكثر محافظات العراق دمرت بسبب الحصار و عاشت هيج ازمه صعبه صح عمامي معافونه بس همه هم تاثروا بلحصار كبرنه وبسرعه برزت عدنه معالم الانوثه لان احنه طبيعه جسمنه طول وجسم مليان مرتب وبياض طالعين على عمامي دائما اني وختام من نمشي العالم تباوع علينه بضرات استغراب بسبب التشابه الجبير البيناتنه بدت العالم تتقدم النه واحنه بعمر صغير كاعده برحلتي ختام راحت تشتريلنه لفات لبلبي من الحانوت كاعدات طالبات بالرحله الكدامي اسمعهن يسولفن بيناتهن وحده تكل الصديقتهه ابن عمي خطبني وكال بس ترحين صف ثالث متوسط ابطلج وازوجج تحجي وفرحانه اني بس عيوني عليهن واذاني وياهن الثانيه جاوبتهه لا ولج ديربالج تزوجين تره الزواج مو لعب الزواج يخوف جتي وحده من صفنه بس تكعد بالرحله الاولى هل طالبه شويه خفيفه بمشيتهه بلبسهه كعدت بصفي وجاوبتهن خلتهن يلتفتن لرحلتي هوه وين اكو احلى من الزواج علوا اني ازوج واخلص من اهلي تحجي بمياعه اني فاكه حلكي عليهن عزااا هاي شيحجون كتلهه عفيه كومي مكان اختي تره هسه تجي متقبل احد ياخذ مكانهه كامت وجاوبتني وشصار عليج كاعده على كرسي الملكه تهي بهي تحجي وتفر ايدهه طلعت كتابي وكعدت اراجع بي وذني مستمرات التلث طالبات كدامي يحجن بالزواج ويقنعن بصديقتهن انو الزواج يخوف اني حلفت مازوج لان مبين صدك يخوف اجتي ختام جايبه الفات اخذتهه منهه اكل وافكر خلصت الفه وطبتلنه مدرسه العلوم شرحت وطلعت واني بالي بالحجو البنات توصلت لحل ماكو غيره الزواج يخوف لان بيوم العرس العروسه يدكون الطرحه الي براسهه بسامير وله شلون يثبتوهه براس العروسه رجعنه للبيت وسالت ااختي الجبيره اكلج هوه صدك الزواج يخوف .
: ولج شنو هل حجي منين جايبته .
تكتم : شبيج هوه سوال بنات الصف كلهن يسولفن ويكولن الزواج يخوف .
: خلي يولن معليج بيهن ولتكعدين يمهن سمعتي .
تكتم : اي اصلا اني معليه بيهن بس تدرين شنو يمكن العروسه بالعرس يدكون براسهه بسامير حتى يثبتون الطرحه .
: باوعتلهه وحجيت ايجوز والله المهم معلينه احنه كملي تبديل حتى تجين تغسيلن مواعين الغده اليوم عليج .
تكتم : البارحه جان دوري شنو نسيتي .
: لا حبيبتي منسيت بس البارحه امي غسلتهن مكانج فدورج اليوم سمعتي .
تكتم : اي اي اي فتهمت والله .
كميل : تعبانين ورجعنه من العماله العصريه والجو حارفتنه من بين البساتين و النهر يجري مي بارد وسريع شكله يغر اكبر بشر تعبان ولد تمار ويايه طلعنه سوه الله يخليهم واحدهم بطولي صاير لحو عليه يطبون يسبحون بالبدايه مقبلت بس شفتهم تعبانين وبحجيهم قنعوني ودخلو يسبحون انا غسلت ورجعت كعدت على حافه النهر همه ضلو يسبحون لنصر النهر خفت عليهم و كمت اصيح تعالووو ليجاي يمعودين بس همه مستمتعين بالماي ويضحكون كلت خل اروح اخذ فلوس الشغل الرجال كال انتضرني على الجسر رحت صعدت اله ونطاني الفلوس وماحس اله اصيل يصيح غركك اخوييي غرك ياناس ياعالم لحكولي انا تخبلت ومادري شولن اوصل الهم بس عيوني تباوعه شلو يبحش بنهر بحش حتى يطلع اخو وجاي ارجع فلوس الشغل الباقي للرجال واسمع الناس تصيح غرك واصيل يصيح لحكولي تفرهدت وفقدت وانا اشوف شون نهر يسحب بغلام ابن تمار ويصرخ اني باد حيلي ورتبكت ومضلي حيل صعبه ومو هينه اي هذوله ولد تمار الي نكسر ظهري واني احافظ عليهم بعت روحي وشتريتهم يروح من بين اديه واحد وكدام عيني دخيلك ربي لا تفجعني كمت الطم على راسي والناس تباوع عليه اشوف ايده ترفع وتطب جوه اي هذا هذا ومااحس اله سباحين معروفين جيتوا من الجسر عليه واني مااعرف شبيه مثل الفلم كدامي أشاهده ومااعرف شصرف صدمه مااحس اله الناس تصيح اخو طلعه اسحل نفسي سحل حتى اوصل تجمهر الناس بسرعه وانا شون وصلت للنهر ماعرف اشوف اصيل حاضن غلان ويبجي ويسويله تنفس اصطناعي ويشهك بين اديه شوكت شلون وصلتهم شسويت مااعرف اسمع الناس تحجي ودكول لخاطر ابو وأخو المي شمره كتبله الله حياة جديده حمد لله على سلامة ابنك مشاعري الي عشته ذاك اليوم ماانساه ابد رجعنه صلينه كلنه شكر لله شمس من سمعت الحدث فقدت كتله لو شايفته وهو يغرك مثل ماشفته اني جا ما بقى نفس بيج والله احمدي ربج طلع منهه سلامات يامره .
هناء :مرت السنين بلمح البصر وطبينه بسنه ال ١٩٩٩
هل فتره خالتي ضويه تمرضت وتعبت كلش ومنعرف شنو مرضهه ومن دكتور الدكتور ومعرفنه شبيهه صحتهه بالنازل عمي صادق حار بيهه وفراهه كل بغداد ومحافظات تالي طبينه بسنه ال ١٩٩٩ وبدت العالم بلاشاعات راح نطب بسنه ال ٢٠٠٠وتنكلب الدنيه بينه ويصير يوم القيامه ودخلنه نذار ورعب انا عفتهه على الله ولتهيت ويه خالتي وشبه ستقريت بيتهم علمود اداريهه اخر شي وصفو دكتور زين لخالي صادق مطول يومين اخذهه وراح وطولوا لليل ياله اجوي سويت عشه ونضفت الولد اجوي من الشغل وانور دوامه ستقر ونطوه مكافأة على شغله حالتنه الماديه ستقرت الحمدلله ورجعنه مثل قبل بدينه نرمم بيتنه
وزيدوا راتبه واحواله تحسنت اجوي خالتي وعمو صادق من الدكتور وثنينهم شكلهم مكلوب كلاب طبو جوه خالتي بوجهه للحمام طبت وخالي كعد وخله ايده على راسه مجرد مساله انور خير يابه شكللكم الدكتور انهار عمي صادق بالبجي اول مره هيج ينهار ويبجي كبالنه وكاله امك طلع عدهه خبيث بالدماغ تخبل انور وكال الابو لا مستحيل باجر نعيد كلشي ونشوف واخذهه للاحسن دكاتره عمي كله يا ريت يطلع تشخيص خطاء بس هاي ثالث مره يشكون بس اليوم تاكدت من التحاليل وكلشي يحجي بتعب ونكسار بس مكعدوا ضلوا يراجعون على امل اكو خطاء او اي شي تتعالج بي عمي صادق كال الهه اخذج بره العراق واعالجج بس خابت اضنونهم من الدكتور كال الهم المرض ماشي بالجسم واصل مرحله عدم تقبل اي علاج وكايللهم احسن شي تأخذوهه وتخلوهه تشبع من بيتهه وعائلته عمي صادق متحمل وضل مكابلهه ويبجي ويكلللهه ما اعوفج بنت خالتي انا اموتن قبلج راح اسبقج عود انتي لحكيني وهيه تبجي وهوه يبجي وحالهم يكسر الكلب بيتنه نكلب كلاب من الخطاطير من كل المحافظات يجون يزورونه ومرت الايام وعمي صادق كلش تاذه عليهه لحد ما فد يوم كعدنه الصبح نكعد بي ميكعد خالتي تكعده ماكوو فاقد وحلكه معووج وأيده مالتفه تخبلنه عليه والولد اخذوا المستشفى حالته خطره ضاربته جلطه وضل سبوع بالمستشفى ضربته ٣جلطات وحده وره الثانيه
جسمه متحمل ولا صحه لحد ما الدكتور كال حده لليل اخذوا للبيت وفعلا مطول لليل وتوفى خالتي كلش تاذت عليه تكله متوقعتك تسويهه وتسبقني امي صار سبوع عندي بقت علمود خالتي داريهه وتواسيهه حياتنه نكلبت انور كلش تاذه على ابو وامه ولتهه بيهم ليث شال مسوليه خوانه والبيت وحتى مسواليه ابو شالهه ليث من صغره سبع وينشد بي الضهر كبر وصار اعتمادي كله عليه مرت الايام وحاله خالتي من سيء الى اسوء لا تاكل لا تشرب وليل ونهار تصيح جايتك صادق جايتك انا ما هدك وحيدك انتضرني مباقي شي وفعلا مرت شهرين على وفاة عمي صادق وخالتي متحملت فقدت ودخلناهه مستشفى امي مكابلتهه وتبجي مطولت خالتي سبوعين بالمستشفى وتوفت بدايه سنه ال ٢٠٠٠ كلش تاذيت وأمي تمرضت على اختهه وحيدتهه خالتي اخر شي باقي الامي من امهه وابوهه صح عدهه خوان من ابوهه بس علاقتهه مو قويه وياهم فلهذا هواي تاذت بوفاتهه مرت الايام والشهر وكلمن رجع الحياته الطبيعيه انور وضعه المادي تحسن على اثره كملنه بيتنه وحالتنه الحمدلله تحسنت ولدي يشتغلون والحمدلله حياتنه ميسوره وعايشين بخير .
شمس : دخلنه بسنه ال٢٠٠٠حياتنه ركضت وركضتنه وياهه صار عندي بعد ٤بنات اخر وحده عمرهه شهر تعبت من المسوليه ومن حياتي اعصابي تلفت بحيث صايره ماتحمل كلشي جهالي كبروا ومسوليتهم كبرت كميل صار الهم اب ونعم الاب والحمد لله صارلي سند حياتي بين اهلي وجهالي وعيالي كلما طلع بيت وحد بعد ما توفت خالتي ام علي الله يرحمهه بس كل احنه نفس المنطقة بيت قريب على بيت غلام بعد ماسمعنه اي خبر عنه ونور عايشه بامل منه رغم كل هل سنين تكول مدام ماكو جثه اكو امل جهالهه صاروا كبار شباب ويدرسون .
كميل : ها الله يساعدج ام اصيل .
شمس : بابتسامه كلهه تعب هلا بيك .
كميل : تعالي بابا ختوم اكلااص جاي من ايدج الحلوه اذا مصير زحمه .
ختام : صار بابا تدلل احلا كلاص جاي الك .
تكتم : وهاي كليجه ناكلهه ويه الجاي .
كميل : بابتسامه منين هاي الكليجه .
شمس : البارحه سويتهه اني ونوره .
كميل : عاشت الايادي .
تكتم : وياج كلاص جاي خيتي الحلوه .
ختام : امممم هسه صرت اختج الحلوه وكت المصالح دخلي اريد منج شي .
تكتم : هاي شبيج هوه كلاص جاي .
شمس : كافي تتناكرن تره دوختنه .
كميل : بصوت ناصي ام اصيل شنو رائيج تشوفين مره لاصيل بنت اوادم تره اصيل صار رجال وعمره ٢٥سنه الي بعمره خلفو .
شمس : عيني دمعت باوعت على كميل وكلت الحمدلله وشكر الله عوضنه بيك كميل صراحه ماعرف شون اجازيك انته صرتلهم اب وصرت النه خيمه وعامود الله لا يحرمنه منك .
كميل : شنو مناسبه هل حجي ام اصيل تره ذول جهالي لتنسين هسه على تفاقنه شوفي مره معدله مثلج لاصيل .
شمس : أنشأ الله أنشأ الله اشوفله ست البنات .
كميل : صدك خالتي شونهه .
شمس : امي سوده عليه دائما تكعد تذكر خالتي وتبجي .
كميل : الله يساعدهه ويرحم الموتى .
شمس : امين
تكتم : مرت الايام وأمي وبيبي وعماتي جاري البحث على عروسه الاخويه واني من يمي مقهوره على العروسه الراح يزوجوهه الاخويه شون راح يدكون بسامير براسهه هههه خطيه نمشي اني وختام بطريقنه للمدرسه رايحين طبعا اغلب الناس تعرفنه احنه منو وبنات منو لان بنات منطقه بس م اكو ولد جبير عمره جان من نفوت كل يوم يضل صافن علينه ويروح ويرجع ونضراته كلهه علينه مال واحد مستغرب واحنه كله نلبس نفس البس ونفس الشكل توئم متماثل اخذله فتره على هل حاله لحد ما فد يوم رجعنه من المدرسه للبيت و اجه عمي ميت ضحك
كميل : شبيك انمار شكبرك صير وانته فطير .
انمار : بضحك مستمر لك هذا حيدر صار يومين يكلي تعال اراويك بنات ثنين من تشوفهن تتعجب .
كميل : وانت شنو صغير تروح تباوع على عرض العالم .
انمار : يابه دنطي مجال خل افهمك هوه مجرد موصفهن اليه عرفته يقصد على ختلم وتكتم .
كميل : كره عينك مكيف يباوعون على بنات اخوك .
انمار : لا والله الولد ابن ناس ويخاف الله بس هوه مستغرب شون ثنينهن نفس الشي هههه .
كميل : هزيت بايدي الله يهديك .
انمار : والله اله اسوي بي دكه اخلي بحياته ميباوع على احد اخلي يمشي وهوه مدنج ههههه .
تكتم : ثاني يوم الصبح طالعين لدوام وقرب الفرع المقابل المدرسه مااشوف اله عمي حاضنه ويمشي بنصنه ويضحك يباوع الصديقه الي يوكف كل يوم نفس المكان كله اقدملك ذني بنات اخويه التوئم والبنات صديقاتنه ميتات ضحك على موقف عمو وثقته العاليه مااكللكم الزحف عله عمو لان هو حلو واشكر شبيه مصطفى فهمي كلش بحيث اغلب البنات يتقربن منه علمود عمو انمار هههه
شمس : دنيه عصر تونه كملنه تنضيف انا والبنات وكعدت افلس تمر حتى اسوي حلاوه واوزعه اليوم خميس ندك الباب طلعت تكتم من الحمام شعرهه طويل واسود نازل وراهه اباوعلهه فدوه لطولهن كبرن كبل عمرهن فتحت الباب ورجعت كالت نسوان بالباب يكولن صيحي امج طلعتلهن نسوان اربعه شكلهن غريب مو من المنطقة رحبت بيهن ودخلتهن البيت ضيفتهن وكعدن يسولفن شويه لحد ما حجت وحده وياهن سمره وطويله كملت كلامهه وانا فاتحه حلكي عليهن معقوله التريده هل مره ..........
