رواية مهران ابو الليل الفصل الرابع
عزب: متخليني جاعد وسطيهم الجعده حلوه
كاملة: جوم جامت جيامتك جاعدلي وسط الحريم عيل ملزج
عزب: حريم مين يا اما ديه مرت اخوي وخيتي الجمر
كاملة: والله لو ما طلعت ما هضربك غير بالمركوب
عزب: مركوب وعلي ايه مركوب خليني بكرامتي احسن عن اذنكم يا جمرات
ليتركهم عزب ويخرج مسرعا
كاملة: اسمعي يا بت يا اللي اسمك هايفه انتي البيت هنا ليه نظام وانا ست البيت كله وامري نافذ علي الكل
هيفاء: طبعا يا ضره امي
لتضحك الهام
كاملة: ايه ضره امك ديه امك هيا اللي ضرتي الخدامه مساحه الرجول ديه كانت تجعد تحت رجلي تدعكهم وتنضفهم
هيفاء: معلش بجي اصلك عجوزه واكيد رجلك مجشفه وامي كتر خيرها كانت بتنضفك
كاملة: اه يا بت الخدامه انا عجوزه والله ما حد هيحلك من يدي
لتختبيء هيفاء خلف الهام
الهام: لتهم كامله أن تمسك بها وه يا حماتي بطني انتي ناسيه اني حبله وبطني مليانه
كاملة: اطلعي يا بت من وراها
لتخرج لها هيفاء لسانها
هيفاء: لاء ديه هومه الحمايه بتاعتي حبيبتي يا مرت اخوي
كاملة: مسيري اجطلعك لسانك الله يحرجك ف نار جهنم يا نصار مش مسمحاك
اما مهران فها هو في طريقه للقصر وقبل أن يصل القصر يجد أخاه عزب يجلس علي صغره ومعه بنت من أهل العزبه ليقترب منهم مهران ليستمع لما يقوله عزب
عزب: يا بت بحبك وهتجوزك طاب ده انا عمري ما حبيت واحده غيرك
فرح: واسمها فرح ياسلام ده انته سمعتك زي الزفت وليل ونهار تشاغل ف بنات البلد
عزب: كدب فرح بس هيا اللي ف الجلب عارفه انا كلمت مهران اخوي عشان نخطبك بس رفض عشان انتو فجرا جوي وجاللي دول ملاجيينش العيش الحاف ازاي يعني تتجوز بت الشحاتين دول
فرح: بحزن يعني عمرنا مهنتجوز ابدا
عزب: يا بت ده انا انتحرت عشانك وشربت السم
فرح: بعد الشر عليك يا جلبي
عزب: طاب هاتي واحده بجي
فرح: بعينك عيب وحرام
وهنا يخرج عليهم مهران
مهران: يا حلاوه هيا ديه بجا فرح اللي عايز تتجوزها خلاص انا موافج كلمي ناسك هناجو نخطبوكي بكره بعد صلاه المغرب ما هو مش هينفع اوجف ف وش اتنين بيحبو بعض
فرح: بجد يا بيه
مهران: امال ايه وبعدين ايه بيه ديتي انا هبجا اخو جوزك ايه يا عزب الفرحه عجدت لسانك الف مبروك ياله يا عروسه روحي فرحي ناسك تعالي معايا يا عزب نفرحو امك
وبعد أن تركتهم فرح
عزب: بغضب ممكن اعرف ايه اللي جولته ديتي
ليضحك عليه مهران
مهران: احسن عشان تتربي وتبطل تضحك علي بنات الناس والله ما هسيبك غير لما تحترم حالك فوت جدامي يا عريس
عزب: عريس مين والله ما انا رايح ف حته
مهران: بغضب جسما بالله اكون حاشش رجبتك حش عايز تكسر كلمه اخوك الكبير مش معني اني طيب معاكم تفسرو طيبتي غلط سامعني يا مجلع ولا له
عزب: بخوف حاضر انته اتحولت كده ليه
مهران: فوت فاتت عليك فوته تجيب اجلك عيل مجلع بتاع بنات إنشاءالله لما تخلف بناتك هيتعمل فيهم كده ما هو كما تدين تدان يا ابو عنج
وبعد نصف ساعة يصلو الي القصر ليجدو كامله تجلس في بهو القصر
مهران: ايه يا اما جاعده لحالك ليه
كاملة: ومين ف الجصر كله يستاهل اني اجعد معاه كلهم بواجي
مهران: مين بجي اللي مزعلك
كاملة: الكل مزعليني
مهران: انتي الكبيره يا اما واللي يزعلك اجطعلك رجبته
كاملة: اتصلي على خالك خليه ياجي هو ومرته عشان افش غلي فيهم احسن ما اطج واموت
ليضحك مهران
مهران: حاضر يا اما اه صح مش تباركي لعزب بكره هنخطبوله فرح بت شعبان ابوجرن
كاملة: شعبان ابوجرن ده شحات يا ولدي ومحليتهوش حاجه ده شغال عتال ياولدي
مهران: خدوهم فجرا يغنيكم ربنا وبعدين عشان تبجي تحت رجلك وتخدمك بصحيح والناس كمان يجولو الست كامله الغندور كبيره البلد كلها ناسبت الراجل الغلبان
كاملة: بغرور ايوه صح انا موافجه
عزب: خلاص اتفجتو علي انتو الاتنين امري لله
مهران: ابجي اشوفك بجي بتعاكس بنات وله حتي اسمع مجرد سمع
كاملة: طاب علي الله يعملها عشان اجطع خبره طالع حبيب زي المجحوم مهران اما ابوي متجوزش عليه غير الرحمه
كاملة: جصدي المرحوم كلم خالك احسن هطج
ليدخل عليهم كامل خاله جاه وحديه اهو
فايزه: متجمعين عند النبي عليه الصلاة والسلام
الجميع: عليه الصلاة والسلام
كاملة: فينك يا فايزه
فايزه: وحشتك صح
كاملة: امال ايه وحشتيني جوي يا بوذ الفجر يا بومه
فايزه: انا غلطانه اني جيت
وهنا يدخل عليهم نفس المحامي عبدالرحيم
كاملة: مين اللي جاب ديتي وكيف يخش علينا كده من غير احم ولا دستور
عبدالرحيم: ما انا بجيت من العيله خلاص
مهران: خير يا استاذ عبدالرحيم ثواني هخرج وارجعلكم تاني
وهنا تنزل نجمه ومعها هيفاء
نجمه: لتضحك حضروا علاج الضغط لضرتي عشان اللي جاي تجيل جوي
مهران: جصدك ايه
نجمه: بص وانته تعرف
وهنا يدخل عليهم عبدالرحيم ومعه شاب نسخه طبق من والدهم نصار
كاملة: مين ديتي كمان
عبدالرحيم: ده ساجد نصار ابو الليل
كاملة: نعم يا اخوي ساجد مين
مهران: جري ايه يا استاذ انته كل يوم هتاجينا بحد وتجول واد وله بت نصار ابو الليل
عبدالرحيم: طاب شوفو الشبه
ساجد: هما دول اهلي الله دول حلوين اوي فين مهران اخويا الكبير امي الله يرحمها قالتلي أنه طيب اوي ومحترم
مهران: انا مهران
كاملة: انته مين يا واد وواد مين انته
نجمه: ديتي يبجي ساجد واد عزه الخدامه اللى كتي مطلعه عينها المرحوم اتحوزها جبلي ولما ماتت بعد جوازهم بعشر سنين اتجوزني وجابلي ساجد اربيه
عبدالرحيم: وتقدرو تعملو التحاليل وتتاءكدو من صحه كلامنا
عزب: تحاليل ايه ده شكل ابويا اكتر منه والله واحلوت جوي ياتري ابوي كان متجوز مين كمان
عبدالرحيم: علي حد علمي خلاص مافيش تاني
لتحتضن هيفاء أخيها
هيفاء: ساجد تعالو انتو كمان يا اخواتي وانتي يا مرت ابوي زعلانه ليه انا مش عايز حاجه انا عايز الأهل واللمه بس
كاملة: الله ينتجم منك يا نصار الكلب
مهران: اما كاملة جري ايه يعني اموت بغيظي
ساجد: بعد الشر عليكي يا ست البلد كلها احنا من غيرك ولا حاجه
كاملة: بغرور عندك حج يا واد الخدامه شكلي ها احبك
ساجد: بعد اذن حضرتك هما دلوك ف دار الحج ندعيلهم بالرحمه احسن
كاملة: طيب
فايزه: نمشو احنا بجي
كاملة: اه يا وش البومه انتي كل ما تاجي عندينا تحصل نصيبه غوري ومتاجيش هنا تاني
فايزه: كده بردك
كامل: ياله بينا بس اياك علي الله تشيعي لنا تاني
كاملة: انا مشيعتش لحد انتو جيتو وحديكم
كاملة: ده انا سامعك بودني بتجولي لولدك اتصل علي خالك
كاملة: خلاص يا اخوي لما نتصلو عليك متبجاش تاجي تاني جاتكم الهم وانته يا مهران عايزاك بكره تروح الاحوال المدنيه وتساءل علي اسم ابوك تشوف عنديه عيال تاني ولا له الله يوديه مجابر جهنم انا عارفه كان بيلاجي وجت منين عشان يتجوز كل الجوازات ديتي
مهران: حاضر يا اما
ساجد: ببلاهه هو انا هنام فين
كاملة: اترزع مع نجمه وبتها لغيت منشوفولك مكان تترزع فيه
هيفاء: متاجي يا عزب نلعبو زي عشيه
ساجد: هتلعبو ايه
عزب: بلاي ستيشن
ساجد: جشطه ديه لعبتي ده انا هبهدلكم
كاملة: مافيش لعب هتجيبولنا الفجر واحنا مناجصينش
مهران: خليهم يلعبو وانا طالع اطمن علي مرتي
نجمه: وانا وانتي نجعدو مع بعضينا ونشربو الجهوه
كاملة: امشي غوري مناجصش غير الخدامين يجعدو يسايرو مع سيادهم
نجمه: جري ايه ياضرتي ده حتى كلنا واحد
ويتركهم مهران ويصعد الي زوجته وهو يضحك
الهام: خير انشاء الله بتضحك جوي كده ليه
مهران: مش انا طلعلي اخ جديد
الهام: اه عارفه هيفاء
ليضحك مهران
مهران: انتي جديمه جوي الجديد واد واسميه ساجد
الهام: بتجول ايه
مهران: والله هو كده
الهام: كيف ده يعني
مهران: انا عارف اهو المحامي جابه وجالنا ده اخوكم بس تصدجي ده نسخه من ابوي الله يرحمه
الهام: ده عمي ديتي طلع شجي جوي يا خوفي احسن تكون زيه
مهران: يا شيخه روحي انا فاضي حتي احك ف جسمي المهم الجميل أخباره ايه
الهام: جميل مين انا وله ولدك
مهران: انتو الاتنين
الهام: بخير بس جوللي صح انته مش متجوز عليا تاني بجد
مهران: وحياتك ابدا
ونتركهم ونذهب الي القاهره لنجد أن العريس يحيي ووالدته بعد أن تناولو عداؤهم مع اسره نجوي
رابحه: الف هنا وشفا مكلتوش حاجه يعني
سناء: والده يحيي تسلم ايدك الاكل زي العسل بس يا اختي لو ينفع يعني تديني شويت اكل أخدهم معايا وانا مروحه اصلي مطبختش
رابحه: اه يا حبيبتي وماله من عيوني
يحيي: بعد اذنكم ممكن اخد عروستي نشرب عصير هنا علي الناصيه عشان نتعرف علي بعض اكتر
عيد: وماله بس خدو اماني معاكو
يحيي: مش مشكله
رابحه: روحي يا نوجه مع عريسك
نجوي: بغيظ حاضر
لينزلو بالفعل ليجلسو في محل العصير
يحيي: كوبايه عصير يا معلم
اماني: كوبايه واحده
يحيي: بغلاسه اه هنخمس فيها
وبعد أن وضع باءع العصير الكوب أمامهم صورت اماني كوب العصير لياءخذ يحيي كوب العصير ويرتشفه مره واحده لكنه يترك منه القليل
يحيي: ياله كل واحده تاخد بوء
اماني: لاء خليه ليك احنا هنطلب لنفسنا
يحيي: مش هينفع اصلي نسيت المحفظه مع امي
اماني: انا هحاسب
يحيي: هتحاسبي طاب هاتيلي كوكتيل من الكبير اصلي مشبعتش كويس
اماني: بغيظ اه طيب حاضر
يحيي: ايه يا نوجتي ساكته ليه
نجوي: ابدا مافيش
يحيي: ايه رءيكو بليل أخدكم ونتمشي علي النيل
اماني: اه تكون خدت المحفظه من امك
وبعد أن شرب يحيي الكوكتيل
يحيي: ممكن واحد تاني ولا انتي بخيله ولا ايه
نجوي: اشرب كوبايتي اصلي شبعانه
يحيي: شايفه بتضحي بمشروبها عشاني حب يا بنتي من اول نظره
نجوي: ياله نطلع
يحيى: اه طيب ياله بينا ابقي حاسبي علي المشاريب انتي يا اماني
اماني: اه حاضر طيب وبالنسبة للعصير بتاعك اللي قولت هتحاسب عليه
يحيي: حاسبي وهبقي اديكي حقه ده انتي طلعتي بخيله اوي
اماني: اه ما انا عارفه
ويتركو اماني ويصعدو الي المنزل
رابحه: ده انتو معوقتوش
يحيي: اصلي نوجه مصدعه شويه
عيد: طاب تعالي نشرب القهوه سوا
يحيي: حاضر
ليجلس يحيي ليرتشف القهوه مع عيد وهنا تدخل اماني
عيد: مطلعتيش مع اختك ليه
اماني: اصلي كنت بحا
يحيي: أصلها قالت اطلعوا انتو عشان كانت هتجيب حاجه حلوه امال فين الحاجه الحلوه
اماني: بغيظ ملقيتش انا داخله انام عن اذنكم
ام يحيي: ياله بينا يا ابني بقي الوقت اتاءخر
يحيي: ما لسه بدري
لتهمس والدته في أذنه
سناء: الاكل اللي معايا هيخصر كده وده اكل كتير يكفينا كام يوم
يحيي: كده طيب ياله بينا يا اما هو ينفع يعني يا حمايا اجي اخد البنات افسحهم
عيد: لما تبقي خطوبه رسمي عن اذنكم انا داخل اريح
يحيي: احسن أنه دخل بقولك ياحماتي كنت عاوز منك 200 جنيه سلف اصل بتاع العصير خد كل الفلوس اللي معايا
رابحه: وماله يا اخويا خد
يحيي: كتر خيرك يا اجمل حما ف الدنيا ولا حما ايه ماما طبعا
رابحه: بس متقولش لحد هاه
يحيي: طبعا يا احلي واصغر حما ف الدنيا
