رواية فراشة في جحر الافاعي الفصل الرابع بقلم تراتيل
اضمهن بلكلب بس عيني تحجيهن يلجمني العصر بليل اغنيهن كلهه تكلي عيونك بيهن شي بس محد سألني جروحك شبيهن.
____
________
محمود: ليش شوكت تردوها انتوا؟
ام سالم: مستعجلين والله
محمود: خير ان شاءالله يعني شوكت تعقدون سيد
ام سالم: هو بعد نفضها اليوم
جيهان: شنووو؟؟؟؟!!!
انصدمت من گالت كلامها الكل توجهت نظراته
ألي عيوني صارت تتجول بينهم حجت امي
تركية: ام سالم بس احنه وين راح نلحگ شلون
نگدر انجهزها يعني وقت كلش ما يسمح
حتى العقد شلون اليوم تعقدونهم والبنية
ما متجهزة محد من خوالها عمومها عماتها
يدري لو يكدر يتجهز ويحضر وبنتي مو فصلية
هيه بس هلوحيدة هم اريد افرح بيها
محمود: خلصتي؟ يلا اسكتي، مالج غرض
عمة هذهو الي تردي ايصيرلج اطلعن
اليوم اشترن حلقة وملابس شعدكم بعد
تركية: بس ابو جيهان السوك صاعد وانت تدري
باوضاع العراق كلشي صاير بلغلا اقل
شي ايكفيها سياك اربع ملاين
ام سالم: خية تركية لون عندي بعيوني
بس والله هاي توه تخرج بعده حتى مامتعين
وهيه مثل بنيتنه هم ما انقصر وياها احنه
انجيب سياگها وننطيج بأيدج 400 الف هاي
لان انتِ امها ومربيتها وحگج هذا
محمود: اي هذهو انتوا بعد يمكم
تركية: بس..
محمود: اششش كافي اني شنو تحتاج اكملها
سكتت امي ماحجت بس خانكتها العبرة
حالي مو افضل منها عيوني مغرغرة دموع
حتى خطوبتي مو مثل البنات ماراح اكدر اسوي
كلشي براحتي وعلى كيفي
راحت امي وام سالم للسوك يشترن غراض العقد
اني حتى مارحت وياهن جابت نيشانها واجت جان عبارة عن حلقة وتراچي ومحبس امي مشترية
من عدها سوار هم يعني حتى مدالية مجايبين
وقلم حمرة قلم كحلة اساس حمرة سحرية
هاي الخضرة الي تصير وردية من تخليها
تنورة وتيشيرت دشاديش ثنين شالات ثنين وعطر
جابوهن واجو فرحانين بيهن
بلغتنة هيه ماطبة الابنها الثاني هم قبل كم يوم
فا سوات بيناتنه شنو جابت للبنية جابتلي علساس
بقو يمنه لليل جابو الشيخ عقدلنة
ام سالم: بلمبارك عليكم يمة باجر احنه
انسوي حفلة بيناتنة حتى تعزمون حبايبكم
واني هم ابلغ خوات سالم لان الله سهلها
وماحجيت الاحد
شاذية: اي حبيبة زين تسوين والله
يعينج ويساعدج على ما بلاج هههههه
تركية: شاذية كومي الجهالج وصلي
على محمد خيتي
شاذية: اللهم صلي على النبي حجايتي
تنغزج بعينج
ام سالم: يلا اني اترخص منكم مشكورة
منك يمة محمود ما قصرت
نمت بيومها والف فكرة براسي شلون راح
اكمل حياتي شلون ممكن اتقبلة
ممكن اكمل لان امة زينة وراح تحسسني
بلحنان وتخليني اتأقلم واتعود عليهم
صار الصبح كعدت على هوسة بلبيت
طلعت لكيت ام ابن عم ابوي كاعدة تحجي
وتعاتب ويا ابوي ومقهورة حيل
ام مهيمن: لعد يا عمة انت مو منطي وليدي
حجاية شلون تشيلها وتنطيها الـ ابن عمتك
سالم صح مو استصغر بي بس شايف من سمع
شصار بي وهو متأمل ببنيتك وهاويها
محمود:خالة هو وين شافها وهواها
اني انطيته حجاية بس گبلة منطي العمتي
وعمتي سعت بيها واجت ابنج غير سكت
_هاي وحدة وياك محمود والله ماانساها الك
طلعت وهية زعلانة من عنده شوي واجت عمته
حتى تاخذني نشتري بدلة للحفلة
ام سالم: شوفي نشتري بدلة ونرد ما
ترحين صالون انتِ هنا سوي بلبيت
لان اني خطيبة ابني الثانية مااخذتها
وگلتلج اني شنو سويت الذيج اسوي وياج
حالج حالها
عود صرت ذكية وردت اعاند بلكي تبطل مني
وتخربها هية عاندت ماقبلت
جيهان: ما ماعليه اني اريد صالون شنو
اخلي النسوان تملغط بية ويخربني
شاذية: عشتوو گامت تتشرط عليمن
اصلا ما يحتاجلج مو عود حلوة وخابصة الدنيا
بجمالج مسوية روحج نانسي عجرم
ام سالم: بنتي الجبيرة هية تعرف وسوت
فاطمة طلعتها تخبل انتِ هم تسويج واناجرلج
بدلة ومشيها هية كم ساعة
جيهان: بس اني اريد صالون
ام سالم: هسه امشي خلي اروح للبدلات
ويصير خير
خذتني ومشت المحل بدلات ادور وين القديمة
الي ملبوسة هواي حتى اجارها رخيص
اختارت وحدة تخزي ما ينطلع بيها
لا شكل ولا لون مشككة ووصخة ولونها بيجي
من الوصخ صايرة جوزي على احمر زنجاري
جيهان: عمة هاي مو حلوة
ام سالم: اكلج شو هواي تحجين شنو
سالفتج شبيها عيني هو منو راح ينتبه
جيهان: هو يوم بعمري ليش اشتري ملبوس
اريد بظلة حديدة بلچيس مااخذ اذا مو جديدة
اني تلعب روحي البس ملبوس
ام سالم: اذا هيج الحجي جيهان خانم اني
ما أأجر جديد ومااشتري
جيهان: اي هذهو اهلي يدفعون اذا ماعندج
ام سالم: شقصدج؟؟؟
جيهان: ما قصدي شي بس غير ماعندج؟
_غير ال٢٥ ماانطي يعجبج يعجبج
ما يعجبج بعد هاي انتِ حيري بروحج
رجعنة حجت الابوي وگعدت تزود من
يمها
ام سالم: يايمة صفنتني تنتر عليَّ بلمحل
خلتني لا اخذ ولا انطي
جيهان: عمة شوكت نترت عليج بس
كتلج مااخذ هاي البدلة لان ملبوسة ومشككة
كلتي انطيج بس ٢٥ كتلج اهلي ينطوني
ام سالم: يا يا تچذبيني ولج هههه والصالون
هاي گدام شاذية هم شاهدة شسويتي
شاذية: اي والله شسوت وشلعبت
تگللها اله تاخذيني صالون
بقن وحده ترفع وحدة تكبس
محمود: ماصار شي اني اچملچ للبدلة
والصالون هم لا يضل ببالج عمة جيهان
صغيرة ما تعرف تتصرف
ام سالم: لا يعمة ما اشيل بخاطري منها
چا هية هم مثل بنيتي وهم اني لان ماعندي
لو عندي چان ادللها شتريد وشتطلب
صدك اخذنه فلوس من ابوي وحجزت
بدلة جديدة صارت ب٧٥ الف والصالون ٥٠ الف
بس هية منفوخة علية نفخ
قبل لا اروح للصالون اسمع شاذية فاتحة
باب الحوش وتحچي ويا وحدة جيرانة
دوم هاي نگالة العلوم تعرف كلشي وتجي تحط
حلگها بحلگ شاذية ويحشن بلعالم اني واكفة
بلا ما تدري شاذية واسمع
_ولج دية شسوت بتها وردة من سمعت
بسالم خاطبيلة جيهان يگلك گلولها ابوج مات
گامت تلطم على وجها گامت تصرخ صباح الاگشر
عليكم شلون تخطبولة هاي شلون تمشون
عليها واني ماادري هسه ترحون وطلگوها
امها تسكت بيها تريدها تبطل ماكو المرة تخبلت
وعيونج اني من صريخها جسمي كزبر تكللها
هاي عرمة هاي صلفة شلون ترحين وتخطبيها اله
شاذية: يا يا يا عمة بعينهن هاي شنوو
صدگ تحجين؟
_اي وداعتج ما مجذبة وياج بس برأيج
هاي ليش هيج سوت شمسوية جيهان الها؟
شاذية: ولج هاي لان مرة صارت عزيمة
وحجت وردة على جيهان وهاي ما سكتت الها
صدگ نزلت بيها هية جيهان عرمة
_الله يعينج يخية شلون جارعتهن هية وامها
صارلج سنين وياهن
شاذية: ليش واني ساكتتلهن هم شاگة حلكهن
روحي فارت من الحچي بس تغاضيت
عن كلشي حتى لا تثبت عليه التهمة
واطلع صدك صلفة لان ما قصرت اليوم بحش
الحجي براس ابوي ايروح ايشد وياي
بقو يلزگون بسالفة تجهيزات الحفلة
راح اخو سالم محمد جاب الدي جي بسيارة ولد
مشة علية قبل فترة وطالبني من ابوي وهم
ابوي منطي كلمة وعلسة الولد من سامع متخبل
وضالة بگلبة وحاجي لمحمد جان رايدني
وابوي منطي حجاية وتالي هيج داگ بي
الولد يسولف ويبچي ميت قهر گايلة هم هاويني
ورايدني كلش ونفسه بية وحس نفسه متفشل
محمد مستغرب الوضع حاجي السالم
صارت الحفلة اجن خواته گالبات وجوهن
ما يتحاچن وكلها منفسه شاذية تعاركت ويا امي
لان شجن ماخذة من العاب ولدها وصايحة بيها
وامي ما قابلة ومتفارسات لا صفگة مثل البشر لا هلهولة عبالك حفلة فصلية كلشي تلتم بس امه شوي مسوية اجواء هية وحبايبها وجيرانة هم يگفلن
من طب سالم
ام سالم: تهنى يمة تهنى والمال هواية
كلهن صارن يهوسن ويهلهلن ضحكت اني
حجيت بكلبي يا مال هذا هوة غير تلزگ صارت
جان صاحت وحدة من بينهن
_عيون الغزال عيون چنتنة صلو على النبي الصيدة
صيدتنة
خواته كلهن گلبن وجوهن والنسوان يهوسن
ويضحكن ابتسم مجاملة
بس الغصة الي بگلبي بس الله اليعلم بيها
لمن خلصت الحفلة كلمن طش البيته رحت نمت
واتمنى اكعد حتى يطلع كل هذا حلم بس كعدت
على صوت العياط اسمع الصوت مو غريب
بس ما اميز منو هذا لمن استوعبت هذا صوت
خالي وابنة الي رادني وابوي ما قبل
ابن خالي ايصيح هسه اطلگوها اني اريدها
ابو يقنع بي يگلة البنية تزوجت كافي اسكت
وهذا يهد ويفلت على ابوي وابوي ما متحمل
محمود: منيلك مرة يمي ما منطيك اني حجاية
_اني بنت عمتي رايدها واني متأملها
من هيه وصغيرة وعمتي راحت انطتها بدون متگول طلگوها اريدها
تركية: ولك يمة هو بيدي والله اني ماادري
شلون صارت بعد البنية انخطبت
حاطة ايدي على حلگي واسمع مصدومة
بقو يقنعون بي واخذه ابو وطلع شوي ودخلت امي
يمي حيلها مهدود ووجها تعبان بقيت كاعدة
شوية وكامت
للعصر اندگ الباب طلع سالم دخلته امي
للمضيف وگالتلي ما قبلت اروح
بقت تتوسل بية تبچي
تركية: ولج يمة والله بعد مابيه گلبي خلص
والله بعد مااگدر اشحرج لا تصيرين وياهم
عليَّ كافي ذوله وضيم الدنيا مو انتِ نوب
وكفت بسرعة مشطت ولبست دشداشة چويتي وخليت شال بلونها
وخليت شوي حمرة سحرية وطلعت سلمت عليه
گعدت مقابيلة حچة وياي شوية بعدين سألني
سالم: اگلج تعرفين صفاء الي بمنطقتنة؟
جيهان: لا شبي؟
_گايل لمحمد اخوي چان يحبچ ورايدچ
شلون ما تدرين
جيهان: شنووو هاي منين هذا الفلم
سالم: شقصدج شنو اجذب عليج اني؟
جيهان: لا بس يعني ماكو هيج شي
امه جاية خاطبتني وابوي منطي حجاية
الهم علساس موافق بس ماصار شي اني ماشايفتة
حتى
سالم: زين زين اني اصدگ بيج
_اممم مبين
_شنو؟
_لا هيج سلامتك
بقينه هيج شهر يجي نص ساعة كلشي ماافتهم
منه واصلا هو چبير علية واني طفلة ملتهية بدراستي اكعد ويا مجاملة بس علمود امي
والا اني ما متقبلة كلشي مااعرف شنو الزواج
ولا اعرف شنو لازم اسوي ماعندي ادراك
انو هذا خطيبي ولازم اكعد واحجي ويا
واعرف طبعة واسلوبة وتصرفاتة وحتى تليفون
ما بيناتنة باقين على هاي تسياراته ام النص ساعة
الى ان بيوم من الايام گاعدة اني ملتهية
بهوسة الامتحانات والكتب وركضة الدوام
جان يجي سالم بيومها مالي خلگ كلشي
كوة جارعة روحي بس رحت طبيتله
جان ايكلي
سالم: جيهان صيحيلي الابوج
جيهان: شكو خير ليش
_صيحيليا اني اريد احاجي
رحت صحته واجيت ويا جان طلع تليفونة
خلا بوجه ابوي
سالم: عمي انت تقبل بهذا الحچي؟؟!
ها مسقولاتي شلونكم حاولت مااتأخر عليكم
شكرا لزيارتكم عالم روايات سكيرهوم
