رواية حين تتغير الاقدار الفصل الواحد والخمسون بقلم قلم سناء الهموندي
ماذا لو كان يرفض كُل شيءٍ بِشدة، وكنتِ قبولة الوحيد؟♥️
عندما تشرقين علىٰ عيناي بتلك الضحكات المأخوذة من الجنة أشعرُ بأن يصبح لي جناحان أتطايرُ بهما حيثُ يسكن الآمان والأمان لايسكنُ إلا في وجهُكِ ..!💔❣️
تكتم : رحنه كلنه سيارات لاربعين منذر الله يرحمه اهلنه
واهل بغداد وصلنه هناك لتقينه بالكراج نزلنه من
السيارات حتى نروح اول شي نزور الامام وبعدين نرجع
للمكبره شلت اختي الصغيره ونزلت ويه خالتي احلام
صار بوجهي ليث صفن بوجهي وعيونه لمعت باوعتله
نزل عينه ودار وجهه يحجي ويه خالي عمران مشينه
كلنه نطلع من الكراج اني ويه خالتي امي وبيبي وبقيه
خلاتي طلعن ليكدام بجت عبير على امي صحت على
اخويه مجتبى كتله وديهه الامي اخذهه واني امشي ويه
خالتي وبنات خالتي نسوالف ونضحك بنات خالتي
سلطانه ويايه هم كلساع اشوف ليث يلتفت يباوعلي
نضرات غريبه مليانه حيره ومرات يباوعلي بنضره
اعجاب واحسه اكو شي يريد يحجي وياي بس ميكدر
هلكد ميياوع حتى بنت خالتي سلطانه معصومه انتبهت
وكالت تره ليث شاريج انتي ليش رافضته تفاجات
بكلامهه وكتلهه معصومة اني رافضه فكره الزواج كلهه
بدون تحديد شخص خالتي سمعتنه كالت والله يا خاله
انا احبه اليث بس راح يتعبج انا صفنت عليه وهوه
يمشي كبالي مسافه مو كلش بعيده علينه اباوع طوله
من وره مميز ويه الشباب الي ويا جاوبتهه معصومه
ليش هيج تكولين خاله وانتي تعرفين خالتي هناء شكد
تحب بنات خاله شمس وحتى ليث مبين هاويهه .
احلام : خاله تكتم انتي بكيفج بعد خالتج الخيار يلاخير
الج يرجع بس كتلج رغم ما انا احبن ليث اله انه اطباعه
تختلف علينه ولتنسين هوه يمشي ويه ولد فالح وانتي
قيسي وفوك كل هذا يشرب جكاير.
تكتم : انا صفنت وذكرت كلام عمامي من يكولون خو
ننطيهه لواحد من ولد عمهه احسن وخصوص بيبي ام
علي رافضه رفض قاطع ((( معلومه صغيره بالبارت السابق ذكرت ام علي متوفيه وهل شي خطا اني فهمت غلط من صاحبه القصه مرت عمهم الجبير متوفيه هم يصيحولهه بيبي فاني شبجت ام علي الهه بعد دور بالقصه )))
وكالت انا مانطي بنات تمار البغداد رجعت من ذاكرتي
وجاوبت خالتي لا خاله اساس اني مراح اوافق ....كملنه
الزياره ورجعنه للكبور كلما راح على مكبرته اخذنه عمي
كميل لكبر بابا غسلنا وعلكنه بخور وكعدنه نقراله دعاء
وإمي ويانه طبعا كملنه ورجعنه للبيت خالتي هناء وليث
وزوجهه جانو جايين من رجعت سيارات بغداد همه
اجوي ويانه بسياره صعدو ليث كعد بالصدر بصف عمي
كميل رجعنه كلما لبيته بيت خالتي هناء راحو لبيت بيبي
جوري واحنه رحنه البيتنه رجعنه من التعب نمنه
محسينه ثاني يوم امي كالت اروح لبيت بيبي راحت
واني واسراء ورسل رحنه لبيت بيبي ام علي الي ساكنه
حاليا عمي انمار وزوجته حامل وبيبي زوجته كلش
حبابه بقينه يمهم للعصر امي كالت ابات علمود خلاتي
ملتمات العصر مر على بيت بيبي ام علي رضا جلبت بي
اجي وياك يم امي كال امشي اوديج حتى اروح عندي
شغله بس ستعجلي شويه انا هم على السريع بدلت
وطلعت ويا فاني من باب الميانه عادي اضحك واسولف
وهم امي تكول مرضته مره مرتين ويه اخويه احنه
معتبري اخ النه طبينه بفرع بيت بيبي لمحت من بعيد
ليث واكف بابهم بس يياوعلنه بغضب كتله الرضا شبي
ابن عمتك جنه بركان نهاره كله جاوبني .... والله يا
اختي ماعرف هسه جنت يمه نسولف ونضحك ابتسمت
وكتله يمكن جنت تحلم كال لا بس هذا جي شافنه سوه
اني سكتت مجاوبته بس سويتهه بالعناد وبقيت اضحك
ويه رضا شنو يجي واحد مال حاضر يريد يخربنه
مستحيل وصلنه لباب البيت فتت سلمت وطبيت حتى
منتضرت يجاوب كتله شونك ليث وطبيت جوه بقه رضا
يمه لكيت خلاتي ملتمات والبيت مسمعين غير بس
الهوسه سلمت عليهم تعبت من البوس والسلام كعدت يم
بيبي وهيه سوالفهه مينشبع منهه سوي خلاتي تصنيف
وحجاياتهه تخبل خالتي هناء كعدت وكالت هلا بجنتي
انا ضجت بس سكتت جانت خالتي هنا تحضر جاي تروح
لبيتهه شويه وطب ليث ويه خالي كعدو بالحديقه واحنه
كاعدين بالهول مقابيل الحديقه كعدتي صارت مقابل ليث
عيني لا ايرادي كلساع صير عليه هوه مندمج يسولف
وياشر بايده لتفت صارت عيني بعينه صفن عليه بخزره
نوب رجع دار وجهه رضا اجه وشاف الموقف باوعله
ورجع باوعلي وضحك اجه كعد بصفي بالعناد ويضحك
ويسولف ويايه ليث ضاج شويه وكام طلع راح رضا ورا
شويه ورجع يبتسم ويكلي كافي ولج الولد راح يتخبل
باوعتله ورفعت حاجبي وكتله منو عقج وجهه بشكل
معاجبه كلامي وممقتنع وكال منو غيره يمعوده طلع
يدخن بالشارع كتله واني شعليه كمت طلعت للحوش
أجتي هبه ورايه كالت تكتم انتي اكو واحد بالج ولهذا
السبب جاي ترفضين ليث حجيت بعصبيه انتو ليش
محد جاي يفهمني والله ماكو احد بالي بس اني محاطه
سالفه زواج براسي وخصوص بغداد هبه تعرفين شنو
راح اصير بعيده على اهلي واني اهلي كل حياتي ماتخيل
نفسي بيوم ماشوفهم جاوبتني هبه كلتلي تعرفين شنو
حجي بيناتنه خوالي وامي يردوج لرضا باوعتلهه
متفاجاة كتلهه مستحيل رضا اخويه وخصوص امي
مرضعته ليش هيج يسوون عفتهه وطبيت جوه مغثوثه
خالتي هناء راحت هيه وزوجهه وليث واحنه رجعنه
للبيت مرت كم يوم واجتي ختام كعدت بصفي واني
مجطوله اباوع تلفزيون كالت تعرفين شصار باوعتلهه
متحمسه شكوو شصار راح تزوجين ونخلص منج
ضحكت وضربتني على جتفي بخفه وكالت لتخافين
تخلصين بس مو هسه ولج خبر قنبله ........شكو احجي عاد .....
ختام.... لج جنت كاعده يم امي وعمو كميل وامي فتحت موضوعج .
تكتم ...يا موضوع ولج ...
ختام .....شبيج موضوع خاله هناء ...
تكتم .... اي وشكال عمو ...
ختام .....جنج متحمسه ولج ...
تكتم ....لا ولج والله بس فضول .
ختام.....كال ليث ونعم منه وكلش احبه بس يا ام اصيل الأصول تكول انطي خبر الاهلي ..
تكتم : باوعت بقلق وكتلهه وامي شكالت .
ختام .....مكالت شي كلتله بكيفك بعد .
تكتم ...ثاني يوم عمي كايل العمامي وبيبي كالبه الامه
ومقابله كايله انا مانطي لبعيد شنعرف عليه نوب سامعه
بي يدخن حتى عمامي معارضين لان احنه عدنه بعائلتنه
الي يدخن كلش عيب كانما مسوي فد مصيبه اني سكتت
ومدرت بال للموضوع لان اني اساسا اريد اكمل دراستي
بس الي فاجانه ثاني يوم اجتي بيبي ام علي تعاركت ويه
امي وتكللهه انتي على اي اساس تنطيهه البغداد تره هيه
بتنه واحنه بكيفنه المن مننطيهه واصلا اجتي نور وكالت
اريدهه لرضا اني سمعتهه لو تخبلت شنو رضا اني ورضا
اخوان هاي بيبي شجاي تحجي ضليت الوب بالحوش
وبيبي تحجي ويه امي عاد امي جاوبتهه كلتلهه ليش
هوه شبي ليث شو زينه الشباب جاوبتهه بيبي هل حجي
يفيدج شمس هذا جي ابن اختج هيج تحجين خلي بالج
اذا اجه خطب اخلي انمار يحش رجله حش لان مره اله
ماكو وعلى هل اساس صارت مشاده كلاميه بين امي
وبيبي وره ساعه راحت بيبي ومرت الايام وعمامي
معاندين سالفه ليث وامي نوع ما ضاجت ومتقبل احد
يحجي عليه وتكلهم كلولي شنو النقص البي حتى اجاوب اختي ........
مرت الايام والشهر وجه موعد زواج ختام وتحضيرات
العرس اجت ختام من الصالون واني عيوني غوركت
شون راح تعوفني اني صح علاقتي زينه ويه اسراء بس
مو مثل ختام تؤمي واسرارنه سوه وحجينه وسوالفنه
لتمو بيت خوالي وعماتي وبنات عمي ونسوانهم وهوهسه
وهلاهل عرس ينحجي بي عمامي سوولهه كلاده ذهب
جبيره ولبسوهه الهه امي بس تمسح عيونهه بشيلتهه
حتى لتبين تبجي كدام ختام اجوي عمامي اخذو وياهه
صور والكل يبجي وهيه خطيه كلساع مبرطمه
ويسكتوهه علمود ليخرب مكياجهه اجت الزفه هدوء
سويناهه لان قبل السنه مال منذر زوجت اجت الزفه
وصعدنه بالسيارات ياخذوهه للفندق عمامي هم اجو
بحكم العريس ابن عمهم بس همه علمود ختام اول وحده
من بنات تمار تزوج فحارو شيسوولهه وصلنه للفندق
وكافين هيه وزوجهه واكف عمي انمار بصفهه بقاطه
وكشخته طالع عريس جاي يصعدون للغرفه اجه ابو
الفندق كال لزوجهه بلا زحمه خويه انت ابقه هنا ميصير
تصعد زوجهه تفاجا كمل الرجال وكال وهوه ياشر على
عمي وختام ويكول بس العروس والعريس احنه ضحكنه
جان عمي يكله يمعود تره اني عمهه ابو الفندق غط بنص
هدومه وهوه يباوع لزوج ختام هم اكبر منهه واضح فرق
العمر وهم شكله اسمراني وعمي اشكر ولابس قاط صدك
عريس طالع زفيناهم ورجعنه للبيت وانا الطريق كله
ابجي عليهه مرت الايام وطلعت دورت السنه مالت منذر
وتحدد عرس اصيل شهر. الجاي وطبعا خالتي هناء
مملت كل سبوع هيه تجي تقنع اهلي وتحجي ويايه
واني اكلهه خاله شيليني من راسج تره اني موضوع
الزواج ممخليته براسي وهيه تكلي ليش خاله متكيفين
تجين يمي والله ادللج واني ماعندي بنيه انتي صيرين
بنتي خليني بين عيونج خاله كتلهه والله خاله اني احبج بس ماريد ....
هناء.....ليش يمه اكو شخص بكلبج ..
تكتم ....شنو هل حجي خاله والله ماكو بس اني
ماريد ....وعلى هل منوال خالتي مملت وضلت مصره
عليه واجه يوم عرس اصيل قبل بسبوع احنه عازمين
ولتمن الحبايب واحنه نخبصنه بتجهيز وتحضير وعزلنه
البيت وقبل الحنه بيوم يمنه خلاتي وعماتي صبينه غده
وراهه نضفنه كملنه تعبت طبيت للحمام اسبح سمعت
صوت ضحك خالتي هناء عرفتهه اجتي كملت طلعت من
الحمام صارت بوجهي تضحك وتكول هلا بالعروس
حضنتهه وبتسمتلهه سلمت وهيه مكيفه بيه وتكول انتي
بالحمام واني رحت لختام ذبيت عليهه شكر واكلهه هلا
بجنتي وهيه مكيفه وتكلي اي خاله داريني اني جنتج
وراحت جابتلي ماي وتسولف وتضحك وكلساع وتكلي
شوكت تخطبيني وانا طايره تالي تطلع ختام ليش هيج
سوون بيه. والله جاي جرحون مشاعري بس اني جي
غاليات عليه اتحمل يا خاله قبلي مو شلعتي كلبي اليه
مو بس اله سكتت ودنجت راسي شو هاي تكلي جبته
جبته وتغمز بعيونهه اني وجهي صار احمر مدري من
الخجل مدري من الضحكه الكاتمتهه كتلهه منو جبتي
كالت شبيج ليث روحي شوفي جنه كيكه البنات كلهن
نسطرن بي اني طكيتهه ضحكه وبستهه وكتلهه تعالي
خلي اصبلج غده خاله اكيد بعدج ممتغديه وطريق بعيد
جايه لتهينه سوالف وضحك والكل ملتم كعدنه باليل
كلنه فرشنه بالحديقه اني وخالاتي وخواني وعماتي
وبيبي جوري وبيبي ام علي ثنينهن كاعدات هذا الي نكت
وهذا الي يسولف موافق نوب كاموو يدندنون يغنون
خالتي سكتتهم وباوعت عليه وغنتلي ...مرينه ييكم
حمد واحنه بقطار اليل .....اني لا ارادي ندمجت وياهه
وضلينه اني وياهه نغنيهه وصلنه نص الغنيه وكالت
ونشااالله سنت التجي ماخذه اني جنتي سوتهه على
طريقه نغمه عمتي كلتلهه ومنو هيه جنتج جاوبتهه
وهيه جرني من خدي هاي الحلوه حبيبتتت كلببببي
تحجي وجر بالحجايه بيبي ام علي تخبلت اني ضحكت
وكتلهه عززززااااااا والله انتي قويه تحجين بحيل صدر
والحكومه كاعده هيه ضحكت وكالت خايبه المهم اخذج
لو مو الحكومه ضحكت نوب رضا كال تكتم جاي بروح
الموتى كتله اي هسه وكمت فتت من الممر بين الهوال
والمطبخ ودنيه ضلمه طافيه الكهرباء يا دوبك لاله
شاعليهه مطيه ضوه خفيف فتت للمطبخ اني وهبه
جانت اسراء تشرب مال واخذت بالصراحيه وطلعت
بقينه اني وهبه اجه رضا بيده لاله وكال انتي سوي
الجاي واني اصبه كتله خوش لعد نوب حضرت هبه
صينيه وستكانات واني حطيت ماي بالقوري وجاي
ورضا. ينكت بصوت عالي ويضحك نوب كال عود وديله
جاي تره كاعد وحده بالهول كتله منوو كال ممممم منو
يعني الي امه خبصت الدنيه وكلبتهه عرس عبالك صدك
عرس ابنهه يحجي ويضحك كتله اني شعليه انت وديله
كال لا عليج الله انتي وديله خل نشوف شيسوي تدرين
هوه جان يسمعلكم من تغنين انتي وامه وماخذه دور
فيروز ضحكت وكتله والله انته عليك سوالف واذا مسمع
شعليه بي صار الجاي صب رضا وخله صينيه بيهه
ستكانين اله هوه ويا وخله بستكانه خاشوكتين ويضحك
كتله ليش هيج سوي جان يكول معليج اني اريد اليه
بهل اثناء طب سعد كال بصوته الخشن هااا بت عمتي
جاي تخططين على ليث هزيت بايدي هوه باوع على هبه
هبه تتخبل منه خلت وطلعت هوه راح يم ليث وصاح
وياج ستكان جاي صبيتله واخذت الهم وهبه ودت للي
كاعدين بره ليث مهلكد يختلط لان يستحي طبيت للهول
كتله هلو ليث جاوبني بكلمتين وسكت كال هلا بيج
واخذ ستكان الي بي خاشوكتين خاط الجاي وضحك
سعد طفر من مكانه وكال والله هاي متقصدتك رضا كاله
شبيك فززتنه رجع سعد كال ليث هاي متقصدتك بالقصد
حاطتلك خاشوكتين جاوبه ليث لك بابا انت شبيك شنو
هل حجي متقصدتني شنو وسعد من مكانه يكمز اي
متقصدتك انت متعرفهه اني تخبلت شلت الصينيه
وكفت وكتله اما انت فصدك متستحي شنو متقصدته
ليش اني شعدني ويا مره لاخ من تحجي اعرف شتحجي
ولجفص رجاا احجي بعصاب وااشر درت وجهي جاي
اطلع شفت بس جتاف ليث ينهز من الضحك عفتهم
وطلعت نوب اسمعه يكله انت ليش متعرف شتحجي
يابا شعليك تحطلي خاشوكه تحطلي درزن عيب انت هيج تحجي ......
ليث ... كاعد بالهول وحدي جان كاعد يمي غلام كال
تعال نطلع بره حاره كتله لا روح اطلع اني راح انام
خطيه طلع وره شويه طب رضا كعد يمي وكال الله
يساعدهم ابو الشباب جاوبته بابتسامه كعد شويه جر
نفس نوب كال ممكن اسالك سوال بس اريد جوابك
بصراحه كتله تامر حبيبي كال تدري ليث اني كلش
حبيت اصرار امك على تكتم بس اريد اعرف شغله وحده
انت تريد تكتم لو امك ابداعت امك احجيلي الصدك واذا
انت متريدهه وامك هيه الي تريد فياريت لو تحررهه
وتكلهه الامك تبتعد تنهدت وطلعت جكارتي خليتهه
بحلكي وكتله برايك اكو رجال ينجبر على شي وبالذات
الزواج .
رضا....مو صراحه الي عرفته انت تريدلك وحده من بغداد وحتى الي عرفته اكو بينكم علاقه حب .....ضحك وجاوبني والله ضالميني جريت نفس من الجكاره وكتله ماكو هيج شي .....
رضا : افهم من كلامك انت الي هاوي تكتم .
ليث ..... وانت برايك اذا اني مرايدهه شون اتحملت كل هل اهانه الي قدموهه بيت جدك الي والامي اي اي رضا اني رايدهه اليه مره وداعت امي اني اريدهه اكثر من مره حجيتهه بحركه وطفيت الجكاره ... ..
رضا ... ما اكلك غير بس كلمتين مو اكثر ....
شكرا لزيارتكم عالم روايات سكيرهوم
