رواية فصلية بديلة ( شموخ ) الجزء الثاني الفصل الواحد والخمسون 51 بقلم ام ملكوت

:-كملت تبديل لريانه وطلعنه انه وياهه ركبتهه بسيارتي وره ربطت حزام الامان الهه وصعدت انه بالصدر فتحلي بابا الباب وهو مبتسم لوحتله بيدي وطلعنه مسافه الطريق نزلت ريانه للحضانه امنتهه عند المعلمات وطلعت لدوامي ..

وصلت على اثر هوسه الضباط كلمن ماخذله صفحه يسولف تجاوزتهم ودخلت لمكتبي لكيت ملف قضيه عل ميز اخذته فتحته واجه بوجهي اسم راهب يلي وكف كلبي ثواني معدوده 

بس سرعان مازفرت براحه لمن شفت اسم الضحيه راهب عدنان وان مو هوه راهب يلي يعرفه كلبي .. حسيت حيلي انهد بهاي الثواني الضنيت بيهه ان صاير بي شي .. رجعت راسي عل كرسي وغمضت عيوني ماخذتني ذكرياتي لقبل ٣ شهور ..

:- بعدما شكينه ببابا عنده كورونا اخذه محمد للمستشفى سووله مسحه وكالوا خلال ايام تطلع النتيجه وبابا خلال هل ايام ماسمح يختلط باي واحد بينه حتى اذا بي ماينعدي منه بس الحمدلله 

مرت يومين وطلعت نتيجه المسحه مالت بابا ومابي كورونا فقط فلاونزه قويه اشتاحته من تغيير الجو ورطوبه المزرعه عاد حبسناه بالبيت لا

premium

ضحكت على كلامه والكل باركلي وهناني بيهه حتى مرتضى يلي بينت اخيرا سنونه وابتسم من كلام محمد هناني عليهه ومحمد دك صدره وكال ان

هوه يعلمني السواقه كل يوم اولما نرجع من دوامنه ولحد المغرب وفعلا هيج صار كل يوم

بعدما ارجع وقبلما ابدل حتى ياخذني بسيارته يدربني حتى لا تتكسر لو تخرب سيارتي .. 

وخلال هل يومين اخيرا كملت حل كل قضيه السطو وقتل المراة الحامل وعرفت العلاقه بينهه وبين القاتل بقالي بس الاعترافات وهل شي مو اختصاصي وانما انه اطلع الادله والأسباب واسلم الملف

للمحقق ساهر بالبحث الجنائي هوه يطلع اعترافه ويحول القضيه للمحكمه .. وفعلا هيج صار ثالث يوم سلمت حل القضيه للمحقق ساهر وهوه ابتسم 

_عفيه عليج ملازم شموخ ابدعتي ورغم انطيتج الملف فارغ الا انج رجعتي مليان بهواي اشياء مهمه ومفيده وخلال ٤ ايام وبمده اقصر من الحددتهه الج 

_واجبي هذا سيدي اهم شي تتحقق العداله للمغدوره وجنينهه

_انشاءالله مثلما صرتي كد الثقه راح اكون كد توقعج وتاكدي ان زوجهه واولاد عمامهه يلي سببوا

بالسطو وقتلهه راح اسحلهم واحولهم للقضاء يسويلهم اعاده تعيين المصنع

_ماتقصر انته سيدي شكرا الك 

_واجبي هذا واكيد ماقصر بي ..

ابتسمت بود واشرلي عل باب منطيني رخصه دكيته تحيه وطلعت راجعه لمكتبي كعدت عل كرسي براحه حسيت هم وانزاح عن كلبي ..

كلهه نص ساعه ودخل احسان بيده ملف قضيه سرقه مول وتهديد بالسلاح تحمحمت وعدلت كعدتي واستلمت القضيه اكس مربع وماتركتهه

ويلي جان يحتوي على قضيه انتحار رجل مسن بشقته ومدام خلوا لهل قضيه ملف معناهه مو مجرد انتحار عادي فاستلمتهه بكل مابيه من قوه وتركيز..

كعدت عل قنفه وبيدي الملف اخذ استراحه صفنت وصرت اقره بالمعلومات وطبيعه الحادثه يلي صارت هزيت راسي بايجابيه لان كل المعلومات

يلي اريدهه موجوده ماحاجه اروح لمكان شكله خلص اختبار السيد ساهر .. المهم اتصلت على احسان وكعدنه سويه نتناقش بالقضيه ونحاول

نحلهه بس شي واحد ماعرفت شلون اوصله وهوه ان القضيه مبينه مو انتحار بس ماكو شي يثبت هل كلام يعني محوكيهه من مجرمين خبره ويعرفون

بسوالف التحقيق عاد هل مره طولت بيهه تقريب ال٥ ايام واحنه نحاول نطيح باللغز لحدما باليوم الخامس كاعده بمكتبي اكلب بالاستنتاجات وافكر بالقضيه

وعقلي مشتغل اكس مربع .. كلبت بصوره المكان يلي مبين بي بقعه دم ماعرف دهن لان ممسوحه ماجنت مخليه بالي وياهه لان اصلا صايره ويه

الصور العاديه يلي تخص مسرح الجريمه ..  طبكت ملف القضيه وخليت اصابع ايدي على جبيني ادلكه

غمضت عيوني وبقيت افكر وتسلسلت الاحداث المكتوبه بملف الحادثه على شكل فيلم بمخيلتي..

صارت كل تفصيله قاريتهه كمشهد كبالي تصورلي الحادث بالكامل رجعت فتحت الملف ورحت على الصور وماكدرت اجزم شنو هل بقعه طلعت الصوره

من الفايل وفكرت ان اروح بنفسي واكتشف هل شي الغريب رفعت سماعه التلفون الارضي دكيت رقمه ورد علي..

_نعم ست شموخ

_اوك حاضر ست

طبكت السماعه واخذت الصوره خليتهه بجيب الستره عدلت حجابي واخذت سلاحي و جنطتي و قلمي وسويج السياره وطلعت من المكتب لاكاني احسان شمرت عليه السويج

وهو استلم سياقه السياره عني وصلنه للمكان وبهل اثناء انه اراجع بعقلي كلشي قريته عن القضيه واضرب اسداس باخماس وكف السياره باب البيت ونزلنه ..

دخلنه للبيت "مسرح الجريمه" من جوه الاشرطه المحاوطته رحت لمكان الحادث بالضبط بالطابق الثاني تلفتت بعيوني على مكان الحادثه هزيت

راسي بمعنى ماكو شي مريب ..نزلت للطابق الارضي وتحديدا المكان يلي بالصوره كرفصت و مديت ايدي بجيب الستره 

طلعت الصوره والقلم شغلت اللايت وضويت عل مكان طلعت ماده اللومينول من جيبي شمرته

بنفس المكان وتكونلي بقعه توهج باللون الازرك عل مكان ابتسمت بمعنى وضوح المشكله صحت لاحسان اجه يركض وكال..

_ها شلكيتي 

_شي يعجبك 

_شلون 

_بعدين تعرف روح بالاول جيبلي ورق خاص من السياره بالجكمجه وتعال 

راح يركض جابلي الورق ورجع خليت الورقه عل مكان وانطبع بيهه المحلول كصيت صوره لنفس الناحيه بنقالي وكمت ردت اطلع وصلت يم الباب

وحسيت بحركه بالبيت التفتت بارجاء البيت وكلت لاحسان يله نطلع بصوت عالي ..

وصلنه يم الباب وكرصت احسان بكف ايده فهم علي بسرعه لان هل شي متخذينه اشاره بيناتنه هز راسه بايجابيه وراح صعد بالسياره وانه صرت وره الباب اراقب بالمكان

شغل احسان السياره مزيف رحيلنه من المكان وطلع شخص من بين الضلمه وتقدم ناحيه المكان الجنت احقق بي مسحه برجله واستغربت تصرفه هذا اخذت نقالي 

واتصلت عل شرطه رفعت راسي والشخص هذا اختفه من كدامي التفتت بالمكان ماله اثر ردت اطلع وانفتح الباب ودخل ملثم هو وموجه مسدس

_ومنين تعرفني حضرتك

_لااا ماتوقعتهه منج مو احنه حبايب وبيناتنه عشره عمر

_افا من يمته اعاشر عارات انه 

_راح تعاشريني عن قريب بس انتظريني

_ههه انتظر حتي يصير العكس واشمرك بالسجن تتروض مثل الجوجو

_ماتكدرين لان رح نرجع نروضك يا حلو

_اوو علينا من الاخر شعندك ومنو انت ياولد

_ولد بعينج سلميني شارتج

_واذا ماسلمتهه ..

وجه المسدس علي يهددني باوعت لاحسان ودنك راسه بسرعه وضربت ايده قبلما

يحس حتى والمسدس طار منهه طلعت سلاحي وجهته عليه هو صفن لحظه وطلع

من البيت يركض رجعت السلاح بحزامي وطلعت بسرعه صعدت بالسياره واحسان مالحك علي طفر من الجامه وكعد يمي

بقيت الحكه بالسياره لحدما دخل بمنطقه مضلمه وبيهه ضوه خفيف وصار يدخل من بين الدرابين لزمت بريك فتحت باب السياره ونزلت اركض وراه

وين مايدخل ادخل وراه لحدما انحصر بالزاويه مثل الجرو الوصخ باوعلي وبقه يتقدم علي وانه تراجعت بخطوات سريعه وطلعت سلاحي وجهته

لوجهه وهوه استمر يتقدم علي مستهزأ بيه عيونه الخبيثه ذكرني بثائر واشتاطت روحي غضب .. حذرته اكثر من مره يسلم نفسه بس ما سمع مني

عاد هنا انه من واجبي اسحله .. نزلت المسدس باتجاه رجله واطلقت النار صرخ ونزل على رجله وصار يتقدم بشكل جنوني علي وهوه يعرج ..

تراجعت بخطواتي وركضت باتجاهه وبحركه سريعه خليت اديه بالارض ورجلي علكتهن برقبته لزمته و كلبته على ضهره لفيت معصم ايدي على رقبته وخنكته بقه يرافس لحدما

اغمى عليه من سوء التنفس ..غالبا ماستخدم سلاحي بهيج حالات اتجنب دائما الخوض بالدم بس لمن يكون المجرم راسه يابس ومستهزأ 

من فكره ان المره ماتكدر تشيل سلاح فهنا يكون بينه وبين كسره الرجل لحظات لا اكثر .. نترته عني وكمت سحبته من رجله وانه وجهي منقب وبس عيوني طالعه اجه احسان يلهث شمرته عليه وهوه

ضل يشد بجرحه وكلبشه وجابه وراي سحل وانه امشي للسياره صعدت وهوه ذبه احسان بالصندوك واجه صعد يمي باوعلي وكال وهوه مزيف الزعل..

_لانك مو من مستواي

_افاا ليش تجرحين مشاعري

_تدري شلون مو من مستواي

_شلون

_لانك بطيئ وتوصل دائما بنهايه الحدث 

_تدرين هل كلام ذكرني بشي

_وهوه

_لمن ماجيت للدنيا وياج وانتظرت اكثر من سنه ياله لحكتج

_ههه شوف مو كتلك بطيء 

_هاا يعني لو جاي قبلج جان قبلتي بيه 

_حسانييي كافي شقه  لا اخابر لزهره وافتن على سوالفك

_توازيت وحجيتلهه عن حبي الج وصارلهه شهر تلوب علي من عرفت بيه اداوم وياج بنفس المكان لهسه 

_ ليش حجيتلهه عن شي فات ومات

_ماريد شي ينضم بيني وبينهه وخليهه تعرف مني ولا تعرف من غيري واطلع انه الغلطان وانه الضام هل شي عنهه وتكول عندي نيه سيئه وياج

_اي صح وياك حق بس انته حاول تحجيلهه وتفهمهه ان هل شي الخايفه منه ماله وجود ولا راح يصير 

_يمعوده عبالج ماحجيت هاي كل ليله نتناقش ونعيد ونسقل بنفس الموضوع وبس تشوفني اصفن تكلي بيمن تفكر 

_هههه اي حقهه غير رجلهه وتحبك على كيفك وياهه تفهمهه 

_ليش شعدي انه غيرهه كاعدلهه ومتربع افهمهه واتفهمهه 

_احبهه بس بعده حبج بكلبي بنفس الوقت

_لا تحجي هيج احسان الكلب واحد ومايكدر ينبض لاجل شخصين بنفس الوقت ومدام كلبك نبض الهه واسرت روحك معناهه صرت تحبهه وكون متيقن

بهل شي اذا استمر هل حب يلي بكلبك اتجاهه رح تنسى كل المشاعر المتعبه والزايده بكلبك 

_هيج رايج

_اي صدكني

_تمام اجرب واشوف

_هههه شتجرب فيزياء هيه لو كيمياء 

_لا قانون الانجذاب ههه

_ههههه

_خرب جدي ضحكه محققه جنائيه لو راقصه ملهى

_حرك السياره لا ارقصهه على راسك هسه حساني

_حاضر ست 

_هههه

حركنه السياره ورجعنه للدائره دخلت مكتبي ووراي احسان الفضولي يريد يعرف شصار وشنو لكيت بمسرح الجريمه وكفت فجاتا ولطش بضهري وكال..

_العفو ست

_ليش لاحكني

_مو فضولي قاتل اريد اشوف شنو لكيتي هناك

_والمجرم طلعته من السياره

_تمام روح جيبلي ماي وتعال

_خل اشوف شلكيتي وتالي اجيب ماي

_احسان

_نعم

_روح

_حاضر بس العباس عليج لا تسوين شي الا لمن اجي

_لك حسانييي

_تمام رايح والله

ضحكت عليه وطلع من الغرفه طلعت سلاحي خليته عل ميز ونزلت نقابي اخذت الماده رجعتهه للكومدي ربطت نقالي بالحاسبه وطبعت الصوره

_هاي شنو الصوره والضوه البيهه

_هاي بقع دم 

_شنو صارت البقع مالت الدم ازرك مو احمر

_سوالف محققين ماتعرفهه بس هاذ دم مثلما كتلك

_اي ودم منو 

_مسرح الجريمه مالكينه بي دم والجثه بالطابق الثاني لكيناهه مو

_اي 

_وكلشي بالملف يثبت ان الشخص انتحر وحده مو

_اي 

_زين هذا الدم شجابه بالطابق الاول ومثلما تشوف البقع جبيره مو مال جرح صغير وهسه تاخذلي الورقه هاذي وتروحلي لدكتور عمر بالطب العدلي ويفحصلي الزمره تمام

_يعني تتوقعين ان هل دم مو لصاحب الجثه وانما دم المجرم

_على ما اظن اي

_يعني هاي جريمه قتل مثلما كال المحقق ساهر مو مجرد انتحار و مجرد مانعرف الدم المن تابع نعرف هويه المجرم

_اوف كورس

_تمام رايح انه طياري صار عندي حماس اشوف منو المجرم 

_لا تخلي حماسك يكون سبب طردك مفهموممم

_حاضر راح الزم حماسي ولساني همين ماحجي شي لاحد وراح اكلهم مجرد بقعه دم لواحد بايك جنطه المحققه شموخ وابوك الله يرحمه

_شاطر 

_يله اودعناكم

_الله وياك

طلع من المكتب خليت الصوره بالملف وكبستهه رخيت ضهري عل كرسي واخذت نفس احس براحه مو طبيعيه لمن اوشك على حل قضيه او احلهه

تماما .. اخذت نقالي وطلعتلي صوره ريان واخوي سلام بالخلفيه وهوه حاضنهه وبايسهه بخدهه ابتسمت ورحت اتصلت على امي رن شويه وردت علي ...

_الو هلا بنيتي شموخ 

_هلا بيج امي شلونج ريانه شلونهه

_زينين كاعدين نلعب دومنه وهي تعلمني عليهه

_انطيهه النقال احجي وياهه

_تمام هاج هاي وياج هيه

_الووو مامااا 

_هلا يروح ماما انتي ليش ماقبلتي ترحين للروضه حبيبتي

_ماماا يتكوني 

_افا منو اليطك بنيتي اليوم الا اجتله 

_هههه

_ههه اروح فدوا للضحكه بس ماماتي ريانه مايصير ماترحين اذا واحد يطكج كليلي عليه واروح انه احاجي ماخلي يطكج بعد 

_كلت للمعلمه ما توتله شي

_لا كليلي انه واروح احاجيهه بس لا تكعدين مثل الجبانه بالبيت

_انه موو تبانه 

_ههه يله مو جبانه انتي سباعيه 

_اي

_هسه شنو قرر الحلو يروح للروضه 

_اي 

_تمام باجر انشاءلله نروح انه وياج نحجي ويه المعلمه والوي اذانه لليطكج 

_لااا قطيه 

_خطيه اليطكج

_اي

_اويلي شكلنه راح ناكل هوى من نكبر اذا تكولين عل يطكج خطيه بس يله ماتنلامين طالعه على بيبيتج

_بيبي

_اي يمه بيبي طالعه عليهه انتي 

_بيبي حلوه

_وانتي همين حلوه يبعد روحي 

_الوو ها يمه شموخ 

_ها امي شنو منو طاكهه ريانه ليش محد حجالي 

_لا يمه مو طاكهه جانت تلعب وياهم وهيه تلعب طكو راس براس والاثنين ضلوا يبجون عبالهه طكاهه

_هههه يله بله ضلمنه الوليد

_اي والله يايمه نوب كلساع واشرت على كصتهه وتكول شلب تكاني

_هههه يبوو اشتاقيتلهه يمته يخلص الدوام 

_ويكوي حيلج يروحي ..

سديت الاتصال واخذت نفس براحه عبالي ان فعلا كاعد يضربوهه وهيه تضل ساكته وتتشكى وتضم راسهه بالبيت مثل الجبانه .. 

ماتحمل بنتي تصير ضعيفه وتتشكى اريد هيه تاخذ حقهه بيدهه لو تجي اخذ حقهه انه رخيت ضهري

عل كرسي كلهه نص ساعه واندك الباب دخل احسان دك تحيه وانطاني الفايل وهوه وجهه مستبشر وكتله..

_شكلهه النتيجه حلوه

_شوفي بعينج..

ابتسمت وفتحت الفايل قريته وطلع فعلا مثلما توقعت الدم يخص شخص ثاني والفايل الثاني يلي بي تقرير الحمض النووي للدم المختلف والدم المشتبه

مهمتي لهنا اخذت ورقه التقرير كبستهه بالملف واخذته بيدي وطلعنه رحت لمكتب المحقق ساهر دكيت الباب وصاح تفضل دخلت دكيت تحيه

وانطيته الملف والاستنتاجات يلي صار اعتمادهن الاول حتى يتحولن دلائل ماديه هوه اعتراف المشتبه بي استلم القضيه عني وطلعت راجعه

لمكتبي وهيج مرت ايامي كل يوم استلم قضيه وعلى كوله احسان مالحك احل الاول يجيبولي وحده ثانيه .. واليوم كالعاده كاعده احل بملف

قضيه ودخل احسان دك تحيه وكتله يتفضل .. كعد عل كرسي وانه ملتهيه اقره بالملف ودايخه بي

تحمحم وتذكرت ان هوه كاعد كبالي طبكت الملف ورفعت انظاري اله وهوه احس بلسانه حجي عكدت حواجبي وكتله بتساؤل..

_شموخ اعرف اني وعدتج بس ماكدر ابقى وياج كمساعد

_ليش شصاير 

_احس مو كد المسؤؤليه هاي انه 

_اها

_اي 

_يعني شنو هسه تريد تبطل

_لا اريد انتقل لغير محققه وتكون كاعده وساكته مو تهوج من مكان لمكان 

_همم بكيفك تكدر تروح للعميد وتنهي العقد وياي وتروح لغير محققه بس عفكره انه كتلك من بدايه

راح تتعب هل شكل وتنسحل وياي وانته قبلت وانته يلي اقترحت علي اخليك مساعدي 

_اي اعرف بس ماحس اني كدهه بعد عذريني

_لا عادي ماصار شي 

_هيج بسهوله

_شنو

_عندج سهله لو بطلت اشتغل وياج

_جا المايريد يشتغل وياي ويشوف نفسه يتعب وياي ومايتحمل مسؤؤليه شغله شكو ملزمه بي انه يا احسان هذا واجبك واليتثاقل من واجبه انه يلي ماريده يشتغل وياي بعد

_تدريني ماتثاقل عن شغلي وواجبي انه

_لعد ليش كلت مو كد حمل الشغل هذا

_اريد اشوفج تتمسكين بمساعدج لو تتخلين عنه بسهوله

_تدريني ماتخلى عنك بس كل القرابه والمعزه تنتهي عند الشغل 

_اييه ياروحي اييه محد يتمسك بيهه

_ههه عابتلك عوف هل سفاهه وكوم يله لشغلك كافي سوالف وخليني اشتغل بهل ملف الدوخني 

_حاضر ست شموخه

_سيده شموخ محققه انه مو معلمه وتكلي ست ابو حلك

_هاا العفو منج ست ماقصدي

_حسانيي

_ هههه تمام تمام خليني فقط بيناتنه اصيحلج ست لان احسهه اخف بلساني من كلمه سيده وانتي اصلا مامتزوجه منين اجتلج سيده

_جا شتريد تصيحلي انسه 

_هم ماترهم هسه خليني اصيحلج ست والله كريم عود

_هههه يله تمام بس فقط بيناتنه لا تحجي كبال العالم وتضحكهم علينه 

_حاضر ست ..

وكف دكلي تحيه وطلع وانه حابسه ضحكتي عليه مامتعوده على هيج تصرفات رسميه منه بس شنسويله كلما حجه وكال لازم احترم رتبتج.. 

هزيت راسي وتنهدت بحيره ورجعت انظاري على الملف وانه افصل بي المشتبه بيهم بجهه واسباب الاشتباه بجهه وتفاصيل الادله الجنائيه بجهه

وتفاصيل اعترافهم وافاده الضحيه بجهه واشتغل عقلي اكس مربع وانه احل بذاك واخط اكس على هذا وارسم دائره على الاحله لحدما مرت ساعات

على كسره هل ضهر ياله كملت ووديت المعلومات يلي طلعتهم ويلي سحبتهن من المحققين ووديتهن للمحقق يحولهن للمحققين ومناك يراجعونهه

ويحولونهه للمحكمه وهيج تمشي الامور عدنه .. المهم رجعت لمكتبي شفت بعد نص ساعه على ما يخلص الدوام عاد قفلت باب المكتب وتمددت عل

قنفه اريح ضهري وغفيت بدون ماحس فتره قصيره وفزيت مخروعه شفت مار ساعه على انتهاء الدوام كمت بسرعه فتحت باب المكتب

وشفت فريق الشفت الثاني جاي زفرت براحه ورحت اخذت جنطتي وسترتي والملفات قفلت المكتب وطلعت وهمه وكفوا دكولي تحيه واشرت

بيدي يرتاحون ..طلعت للكراج فتحت سيارتي وصعدت شغلتلي موسيقى هادئه وحركت السياره راجعه بيهه للبيت وبطريقي اخذت حلويات لريانه

ورغم تعلمت السواقه بسرعه بس ماكدرت احفظ الطرقات لهذا السبب اعتمادي الكامل بهل فتره على ربي ونظام المواقع هذا وصرت روحاتي وجياتي

اتبع الطريق اليرسمه الي وهل شي كلش فادني يعني اكدر خلاله اروح وين ماريد بدون ماحتار واضيع .. المهم كلهه نص ساعه ووصلت للبيت

دكيت هورن وفتحلي سلام الباب دخلت صفيتهه بالكراج ونزلت مسيت عليه واخذت ريانتي منه بوستهه ودخلنه جوه سلمت على اهلي ورحت

بوجهي للغرفه سبحت وبدلت ملابسي وطلعت للمطبخ تغديت وكملت وكعدت يم ابوي شويه وانه اسولفله عن الشغل وطبيعته هناك وهيج مرت

ايامي والاشهر بروتيني اليومي المعتاد من الشغل للبيت ومن بنتي لاهلي ..وانه بكل مره تصحلي فرصه اصفن بيهه او ادخل مكان هادئ من صوت

يخليني انساه او افقد وجوده يمي وحتى صرت بكل قضيه استلمهه اتخيله يمي ونحلهه سويه ومرات اندمج تماما واصير احجي وانه اساله 

عن اسباب القتل والخطف واتخيله يجاوبني ورغم اعرف هل شي مو عقلاني بس فادني خلاني اباوع للقضيه بعين راهب وخله عيني تلاحظ هواي امور غامضه بالقضيه وبالنهايه احلهه بمساعدته وهوه بعيد عني ومايدري بيه ...

.

.

_في مكان اخر _

:- بعدما خلصت مده تدريبي ووجودي بقرب شموخ وخلصت مهمتي بالبصره بلمح البصر رجعت لولايتي و جانت هاي السنه العشتهه قريب على شموخي قصيره ومرت

رجعت وبقيت وحدي عايش بين ساعات ايامي المشؤمه جانت ال١٠ سنين يلي مرت علي بدونهه هينه وجنت بس ملتهي احبهه وافكر بيهه وانه

اعرف الحب من طرف واحد وبس بينما هسه ومن بعد مرور عام ويه شخصيتهه الحقيقيه وعرفت البكلبهه اتجاهي ماكدر ارجع اعيش طبيعي لو

اكتفي بالتفكير بيهه وبس هسه صار كل همي شلون بمصيرنه سويه اذا هيه تحبني واحبهه شنو اليمنع نصيبنه سويه وشلون راح نكدر نصبر ..

صرت افكر معقوله هيه هم تفكر بيه هسه وتشتاقلي معقوله تتلمس بشغلاتي يلي بقيتهن بالمكتب وتتذكرني معقوله هيج هيه كلبهه قاسي

وماحن وكلفت نفسهه تدزلي رساله لو حتى تسال علي .. جانت كل هل افكار تاكل بعقلي بكفه وفكره بقاءهه هناك والمستقبل المجهول وذكرياتي وياهه

بكفه ثانيه..  تلفتت حوالي وانه كاعد بين اربع حيطان ومكتبي الشبه مضلم جكارتي بيدي والدخان مالي المكان وريتي سويه نزلت عيني عل ملفات

يلي كبالي وانه كلما استلم واحد جديد اتخيلهه يمي وتحل الغازه وياي واتذكرهه شلون تصفن وتفكر لو مر عليهه لغز بالقضيه ..ضعت بتفكيري

وانه اتسائل شلونهه هسه وشنو صار وياهه وشلون ماشيه امورهه وهذا ابن عمهه خو ما تعرضلهه لو حاول يتقرب منهه واستلمت هسه القضايا كاعد

تواجه صعوبه لو لا واذا واجهت امور صعبه وين تروح ومنين تطلب المساعده وانه مو يمهه وهذا ابن عمهه بس لا صار مساعدهه وكل

اليوم مكابلهه ادري بهيج مواقف الشخص يميل لليعرفه ويثق بي واكيد من خلال معرفتي بشموخ راح تختار وتفضل ابن عمهه عن الغريب من ان

يكون مساعدهه .. تذكرت لمن انتقل لدائرتهه شلون فرحت بي ونست روحهه وهيه تحجي وياه ولمن كتلهه ماريد توكف تحجي وياه

بنص الدائره شلون دكت تحيه وكالت حاضر وانه علومي تتخربط على هاي حركتهه ولا اراديا ابتسم بفخر واعجاب لشموخهه .. و شلون راحت تتبختر

بمشيتهه وانه عيوني تتبعهه ولمن درت عيني على ابن عمهه وشفتهه باوعتله وهوه بادلهه النظره وابتسملهه وانه واكف محترك كلبي واشوفهه تبتسم

وتحجي على طبيعتهه ويه شخص غيري ومن بدايه كلبي كارصني منه لهل احسان بس ااخ ااخ ما اكدر اعرف البكلبهه اتجاهه والمشكله هم ماكدر اساله هوه .. 

جريت حسره وطلعت من مكتبي للساحه اخذت باكيت جكايري ونقالي شعلتلي جكاره وخليتهه بحلكي اخذت نفس طويل منهه مليت ريتي

ورفعت راسي زفرته بقهر رجعت انظاري عل نقال فتحته ورحت كبل عل صور طلعت الصوره الجماعيه يلي التقطهه النه سالم بوقت سلمتهم

النتيجه قربت الصوره عليهه بس ماواضحه عاد بقيت اكلب بباقي الصور منا لصادفت دازلي صوره الي ولشموخ لمن سلمتهه النتيجه وهيه مبتسمه قربت الصوره على وجهه

وااخ يا جمره كلبي شلون راح اكدر اعيش بعيد وانحرم من شوفه عيونج بعد شلون .. يرادلي كلب ثاني يحمل فركاج باقي السنين لان كلبي خلص بانتظارج .. 

اووف ياربي شلون بكلبي شلون بهل حب يلي مالي كياني ربي خفف علي حمل فراكهه وصبرني لو جانت نصيبي واذا مالي نصيب بيهه

بهل دنيا ربي اتوسلك لا تجعلهه نصيب غيري لان ماتحمل بعد شخص يتقربلهه غيري و يحضى باحضانهه ويشتم عطرهه ...

كملت باكيت الجكاير على صورتهه وكمت مطفي الجكاره برجلي خليت النقال بجيبي ودخلت لمكتبي راجع لشغلي غصت بالملفات والقضايا شارد

من الدنيا ومن التفكير بيهه منا لمرت الساعات وخلص الدوام لميت شغلاتي وطلعت للبيت كلهه ساعه ووصلت بعدما مريت عل مطعم اخذتلنه غده انه وامي .. 

صفيت السياره بالكراج ونزلت فتحت الباب ودخلت بوجهي للمطبخ صحت لامي واجالي صوتهه من الصاله خليت الاكل بصينيه ونزعت من

رجلي غسلت وجهي واديه ورجلي وعقمتهن .. اخذت الصينيه ودخلت للصاله خليتهه واجيت بست راسهه وكعدتهه بعدما جانت متمدده عل

مخده كعدت يمهه وسالتهه عن احوالهه وحسيت عليهه مو على بعضهه وبيهه صخونه عاد وكلتهه من ايدي وكمت جبتلهه خافض حراره شربتهه

ورجعت نامت وانه اسويلهه كمادات .. شفت حرارتهه صارت طبيعيه وابتعدت اخذت الصينيه للمطبخ خليت الزاد بالثلاجه والبقيه شمرته رحت

لغرفتي ذبيت ملابسي ودخلت للحمام سبحت ونشفت وطلعت بالداخليات ذبيت روحي تعبان عل جربايه وغمضت عيوني ونمت بدون مادري من

كدما اذب روحي عل شغل بهل اشهر المرت حتى انساهه صارت كل طاقتي تخلص بمجرد ما ارجع للبيت بحيث اذب روحي تعبان منا لثاني يوم وبس وجبه

وحده الي اكل لا ريوك اتريك ولا عشه فقط الغده اكل ويه امي لمن ارجع واكضيهه نوم وشغل متشرد من وجع كلبي .. وهيج مرت الايام لحدما بيوم

من يجي يخبصني يضل يصيح من وره السياج رهبانو وابو الرهبان .. عكدت حواجبي باستغراب وكلت ياساتر فتحت الباب وشفتهم كدامي هوه

وبان وجوهتهم مو طبيعيه سلمت علي بان ودخلت بسرعه للبيت واوس عيونه تتبعهه وكال بعدما تنهد ورفع انظاره الي..

_خويه راهب بيهه مجال نطلع نحجي شويه بمكان وحدنه 

_اي اكيد بس شصاير قلقتوني 

_بسيطه انشاءلله خويه خلي نكعد بمكان واحجيلك وانه جيتك طالب النصيحه والحل 

_عد عيناك انه اخوك بس اصبرلي خل اجيب مفتاح سيارتي

_لا جاي بسيارتي انه امشي نروح بيهه 

_تمام يله ..

طلعت وياه قافل الباب صعدنه بالسياره مالته وتحرك وهوه يصفن ويجر حسرات كل شوي لحدما وكفنه كبال كوفي بسيط نزلنه بعدما صف السياره

بالكراج ودخلنه اخذنه طاوله بعيده عن مسامع الناس وكعد بتعب عل كرسي .. ضربته خفيف على ضهره وكعدت وانه احجي بتساؤل..

_خير خويه احجي البكلبك وشاغل بالك 

_ليش اكو غيرهه اختك الشاغله بالي وشاعلته شعل 

_افاا وشبلاهه اختي وياك

_خويه غيره النسوان تشيب راسه للطفل 

_ههههاي جا شعبالك ياخويه احنه الزلم غيرتنه نطفه كبال غيره النسوان

_اي ورب الكعبه 

_كلي ياخوي سولف البكلبك بس الحق والبخت مانريد جذب وتبلي

_والله اجذب عليك لوما اكلك المشاكل من وراي

_هنا الحجي الزين احجيلي شسويت من سالفه ونكلبت ضدك

_اححح شوف ياخويه هيه المشكله بدت باول شهر من زواجنه لمن جنت ادرب بدوائر بغداد وتعرف انته ويانه بنات متدربات ومحققات وتواصل وغيرهه

_ اي وهذن حجتلي عنهن بان

_ لمن اجت بعرس عبير كالت اغار عليه وخايفه وحده تاخذه مني المهم كمل انته بعد اخوك احجيلي بالتفصيل

_اي بالبدايه جانت تسالني خو ماباوعت لوحده خو ماسولفت ويه وحده لو تبادلتوا النظرات وجان مجرد سؤال نابع عن حب و عادي كلش بس بعدها

صار السؤال يندمج وياه حلفان وبعدها تطور لشك ومنها وصار الشك هوس وانته تعرف شيصير من توصل لهل مرحله المره تضل تدور وراك وتفتش

وتسال فلان وفلتان وتوصل بيهه حتى تتصل بارقام جماعتك حتى تشوفه ولد لو بنيه 

_بس لا سوتهه واتصلت بجماعتك ..

رفع راسه باوعلي بحيره وجر حسره عرفتهه مسويتهه ضربت الطاوله بعصبيه ورجعت حجيت من بين سنوني..

_خويه مايهم هل شي لانهه ماحجت وياهم وانه ماحجيتلك حتى تعصب وتحط اللوم عليهه بالعكس انه اجيتلك هسه بعد مشكله طويله عريضه بيني

وبينهه علمود البرنامج حتى تلكالي حل وانته تعرف ياخويه البرامج اهم شي بشغلنه وكلشي مرتبط بالفيس والتلجرام رغم مسحت الانستا من

اشهر بس بقت تحوم على هذن وانه لوما شغلي بيهن جان مسحتهن وطز بالبرامج وبالدنيا لو حاولت تخرب بيني وبين مريتي 

_وشنو السبب الخلاهه تسوي هيج

_اي السبب انه وراه لمن بيوم تجمعنه انه واصدقائي بالدوام وحجولي عن سبب اتصالي بيهم باخر الليل وارجع ارفضهم لمن يحجون وقتهه

انصدمت وتفاجات ومانكر ان الشيطان لعب بعقلي وشكيت تكون بان بس حجيت وياهم وسالتهم اذا حجيت شي لمن اتصلت وكلهم اكدولي ان فقط

اتصل ولمن يجاوبوني ويحجون ارجع اقفله بوجههم وقتهه بقيت حيران وربك طلعت بدرب وكتلهم انه اكعد الصبح عبالي احلم اتصل بيكم

طلعت صدك متصل وهيج كدرت اصرف نظرهم وشكهم بالسالفه بس لمن رجعت للبيت سالتهه

حتى لا اظلم حظي وبختي وكتلهه اذا هيه يلي كاعد تتصل بيهم او لا وبكل ثقه جاوبتني وكالت اي 

_زين سالتهه ليش وشنو الدفعهه تسوي هيج 

_طبعا سالتهه وكتلهه ليش وشلون تسوين هيج وشيكولون علي جماعتي واكيد هسه يكولون مرته

مو زينه وتتصل علينه بتالي الليل وجان جوابهه ياخوي يطلع الواحد عن دينه 

_شكالتلك 

_كالت من وراك ليش ماتمسح البرامج ليش تخليني اشك بيك والله اعلم هذولي التحاجيهم همه لو بنات اثاري شني الست مخليهه تسوي هيج 

_شنو 

_لان مره من المرات دخلت للتلي مالتي وشافت رقم ولد صديقي دازلي رساله وكاتب ها حب وينك وانه كاتبه سعد وهوه فعلا رقم صاحبي واحاجي

منه عل واتساب بس العينتين طلعت مرته فاتحه تلي برقمه بدون مايدري وضاله تراسل بجماعته من وره ضهره وتعال جيب الحيره شلون 

_وشمدريك بيهه مرته مو احد غيرهه

_جا غير صدمت عيشتي من طلعت المحادثه بنقالي وانه ماشايفهه اصلا لان تدريني ادخل بس علمود الشغل واطلع ماشوف منو اليراسلني فبقيت

حيران يا اما هوه سعد وكاعد يضحك علي يا اما بنيه من بناتهم فاتحه التلي برقمه وكاعد تراسل وكوه يابو الحسن كدرت اهديهه وكعدنه نحجي

ويه البنيه واسالهه منو انتي وشجاب رقمي الج لحدما كالتلي انه مرت سعد وحابه اتعرف عليك وانه سعد معذبني وشالع كلبي وادريك انته ابن

حلال ودائما يسولف بيك وهل حجي هذا المهم انه هم ماصدكت لان مامعقوله تجي تكلي مرته

وتعترف فخليت وسايرتهه كلنه خل نشوف وين توصل لحدما مرت يومين احنه نراسلهه وطبعا بوجود بان يمي فقط ياله اراسلهه 

_اي وتالي

_تالي مرت يومين وكتلهه اريد اشوفج عاد دزتلي صور ومسحتهن كبل وكتلهه اريد اشوفج طبيعي واتصل عليج صوره وصوت والصدمه ياخويه لمن

فتحت كامره وياي وهيه بروب النوم والشعر مفتوح وانت تعرف اخيتك بعد من شافت هيج تخبلت دلزمي النقال وركعي بالحايط 

_تحجي صدك

_اي وعلي لا بيهه ولا عليهه ركعت النقال وكسرته وسوتلهه مشكله الهه اول مالهه تالي وطلعتني انه  مصاحبهه ومسميهه سعد ولوما هيج جان مافتحت

كامره بهل سرعه وياي وبقت تحجي وطلع صوتنه للعالم وتجيب وتكسر يعني تخبلت رسمي ف

تعاركنه ومادري شلون بالاخير وحتى اسكتهه طلعت مني وحلفتلهه والله الا اصاحب عليهه مدام تشك بيه وسوتلهه مشكله شكبرهه 

_يله بله جا هيه مخبله انته شمالك تخبلت وياهه 

_خبلتني ياخوي ماجني انه هذاك العاقل 

_ثبتت التهمه عليك هاي انته محقق عشتو وهيج 

_اكلك اخذت عقلي ماضل براسي عقل ومنا بالي يم العالم الطلعلهه صوتنه بنص الليل ورغم ياخويه بعدهه تراضينه وحلفتلهه ماصاحب ولا احجي ويه

بنيه بعد ورغم رجعت طبيعيه وياي بس شكهه زاد وصارت تصفن وتدور وراي بالبوكات وحتى شفتهه ماخذه حساباتي فاتحتهن عدهه وماحجيت وياهه كلت خليهن يمهه مدام ماعندي شي

_ماتفيد بعد مادام دخل الشك لكلبهه 

_اي وانه اجيتلك هسه من مشكله ثانيه صارت قبل ساعتين

_وهيه

_تريدني انتقل لدائره مابيهه نسوان 

_خرب عيشتي 

_ههه والله العظيم ياخويه وصل صبري لخشمي اخر شي بقيت مجتف اديه واباوعلهه بهدوء وهيه تحجي وتجيب وتسفط وتحلل بكيفهه اشياء

ماصايره وماراح تصير وانته تدريني شكد احبهه وتعذبت علما اخذتهه وبعد امي هيه الونيس الوحيد الي ومايملي عيني غيرهه 

_هاذهو خويه وصلت وانشاءالله انه اكعد وياهه وافهمهه واوضحلهه هواي امور انه لمن حجتلي بعرس عبير جنت اظنهه مجرد وهاوس عاديه تصير

عند كل مره تحب رجلهه ورغم هل شي نصحتهه وكتلهه هل وهاوس تؤدي للدمار بس ولا يهمك

خليهه يمي فد اسبوع ورجع لبيتك ولشغلك حتى هيه تجدد مشاعرهه وتشتاقلك وانته تحن عليهه وهم اكعدلهه مربع وامخمخهه براحتي شتكول 

_والله ماظن راح يصبر كلبي على فراكهه بس ميخالف خليني اتعذب اسبوع ياخويه ولا يدمر حبنه وحياتنه طول العمر 

_انشاءالله مايصير الا خاطرك طيب الا صدك شنو ماكو شي منا منا 

_مثليش

_صارلكم اكثر من سنه متزوجين شني ماناوين تجيبولكم فريخ صغيرون تلعبون عليه وتلتهون عن المشاكل بلكي تعقلون شويه 

_وين ياخويه كاضينهه ركضه لا هيه راحت راجعت ولا انه رحت اشوف وضعي وتسوي فضل علي لو

تاخذهه هيه والحجيه للدكتوره تشوفهه مدام راح تضل يمكم هل اسبوع لان بس ترجع تلتهي بدوامهه وماتتفرغ لروحه الدكتور 

_تمام انشاءالله من عيني اخذهه وافتر بيهه الدكاتره كلهه لو تطلب وتطمن انشاءالله بان بعد اسبوع ترجعلك مثل قبل وتجيبلك ام لسان صغيرونه

_ههه انشاءلله من حلكك لبواب السما يبو معاذ 

_اي ياخوي اشرب جايك اشرب الدنيا مخلصه 

_الا صدك صارلي فتره بعيد عنك وسمعت انك التقيت بالحب الاولي وصارت سوالف احجيلي بله غرد على كولتك شصار ماصار وياكم 

_شحجي ياخويه وشكول هنه عجايزنه شيكولن "تيتي تيتي مثلما رحتي جيتي " وانه رحت عطشان ورجعوني ماكل هوى 

_حشاك يبعد اخوك بس ليش معقوله كل هل اشهر الكضيتهه وياهه ماحاولت تتقرب منهه لو تحببهه بيك 

_سامع بالبطران اليكلك الحب مو كلشي 

_شبي

_طلع خوش زلمه ويحجي درر

_ههه شلون 

_تحبني ام عيون سمره بس اختارت بتهه وفضلتهه على حياتنه وسعادتنه رغم تدري بتهه سعادتهه تكتمل بوجود الاب اليحبهه ويسندهه طول العمر

بس بعد مثل المايريد العنب ويتحجج بطول الشجره وحتى لمن حطو عنب بيده يكللهم حامض 

_هوه هذا مو مثل اشو مدري شلون حجيته

_ههه غلس يمعود 

_هوه انه ردت اغلس بس ماكدرت المهم اي كمل 

_شكمل هيه هاي القصه ومابيهه حبتني وانطتني امل وعلكتني بيهه اكثر تالي ماتالي بت اللذين عافتني متحججه ببتهه وتعليمهه

_وتالي شراح يصير

_ماكو تالي بعد ياخوي بقت يم الله صفحتنه وهوه اليكتب بيهه مايشاء

_الله يهدي كلبهه ويجمعكم بالحلال سويه تعذبت انته ياخوي ومحد تعذب بكدك وادعي من الله يفرجهه عليك ويعيشك بسلام وياهه لباقي عمرك 

_تسلم ياخوي تسلم 

_يله خويه مدام حجينه وفضفضنه خليني اتوكل هم ياله ارجع للبيت واحضر ملابسي باجر وراي دوام ومادري شلون راح اكضي ليلي اليوم بلايه اختك

_نجبب لكك شنو اختك 

_جا شني مو اختك هيه

_كول مرتي مو اختك تحسسني عبالك اختي صاحبتك مو مرتك 

_هاا العفو لو جرحت مشاعرك بس شسوي كل ليله انام بحضن اختك ونتسامر هسه شلون بليلي وشلون يمر بدون حضنهه

_ماتصيرلك جاره لا والله امشي ولي من خلقتي واريد اشوف ياهو اليرجعلك اخته بله

_لاا انته الكفو ابو معاذ لا تاخذ كلامي صدك انه من باب الحب لاختك احجي هيج 

_لكك اوسسس...