رواية فصلية بديلة ( شموخ ) الجزء الثاني الفصل السابع والخمسون بقلم ام ملكوت
:- ضحكت ورحت حضنته شويه و ابتعدت طبطب على كتفي وكال..
_تتهنين يبعد طولي ديري بالج عليه زلمه معدل رهبان
_بعد مادري حاليا داخلين بحرب
_هاي شنو ليش
_سوالف الكليات الماصخه
_شلون يعني
_ورتني استايل معين وكالت هيج اريد البس بالكليه شفته ماعجبني وما مستور بنطرون
وقميص والافخاذ مبينه والخصر منحوت كتلهه يابه صدك جذب يولي هذا مال تخصر هيه
_بس هيه من قبل هيج تلبس
_جانت تطلع ويه اهلهه ومن بيت لبيت ماتطلع تتمشى كبال الزلم بيهن وانه كتلهه عادي تلبسين بنطرون بس خلي القميص اطول ومستور
premium
_ ولا يهمك حبيبي عوفهه ولا تحجي بالموضوع بعد وخليهه علينه بعدين اكعد انه وجنان وياهه ونفهمهه
_والله تسوين فضل لان حتى حجي مثل الاوادم صارت ماتحجي وياي لمن افتح الموضوع وياهه
_انته غلس عل موضوع وانه اشوفلي يوم اروحلهم وبحجه خلي اشوف الستايل وافهمهه ان هل لبس حرام يبرز مفاتنهه كدام الغريب وبلكي اقنعهه تغيره اذا شفت فعلا مامستور
_تمام يعني اعتمد عليج
_اي خويه خليهه على الله وعلي وانه اكعد افهمهه
_اروحلج فدوا ياخويه هنيالي عليج اختي والله
_هههه والله انه الهنيالي عليكم ..
ابتسم وحضني شفت راهب نزل من الدرج وهوه يباوعلنه استحيت منه وابتعدت عن حضن سلام تحمحمت وهوه فهم علي استحيت من شاف راهب
هز راسه بايجابيه مبتسم خله وراح وانه رحت للمطبخ عابره من يمه وهوه مركز عيونه ويه كل حركه تطلع مني .. ساعدت البنات بالغده وصبينه
بالصاله كعدنه كلنه سويه بس راهب سوده علي اكله معزول بالغرفه وحده وطوال كعدتي بالي يمه اكلتلي لكمتين وبقيت اوكل بريانه لحدما شبعت
كمت غسلت الهه ووديتهه للغرفه بدلت ملابسهه وحضرتلي ملابس لدوامي باجر وطلعت من الغرفه انطيت ريان لسلام وشلت السفره ويه عبير ووكفت
اغسل ماعين وهيه راحت تمسح الارضيه .. كملت تنظيف ورجعت للصاله كعدنه نسولف لحدما صارت ب١٠ والكل نعس لان كاعدين من الصبح عاد شفتهم
كلمن راح لغرفته نام بقيت منومه ريانه بحضني واهز بيهه لحدما غفت ..كمت طليت من الشباج
شفت راهب واكف يدخن عكدت حواجبي بغضب وشلت ريانه خليتهه بفراشهه وطلعت يمه تنهدت وحجيت بدون مقدمات..
_مو كتلك عوف الدخان رهبانوو..
التفت علي باوعلي مبتسم ومقلص عيونه اخذ اخر نفس منهه وذباهه بالكاع سحك عليهه وشمرهه عل
زرع .. اجيت تقدمت عليه وهوه يتقدم نايحيتي وعيونه تلمع فتحت عيوني بتفاجئ ولمعت بحب لمن كال..
_شو وحدج ريانه بنيتي نايمه شنو
_بنيتك
_ورويحتي هيه مو بس بنيتي
_اي نايمه بس
_بس شنو
_ هل كلمه الكلتهه من كلبك يعني تحبهه لريانه فعلا لو بس لانهه بنتي
_لا والله حبيتهه قبلما اعرف بيهه بنتج ولمن عرفت شايله دمج زاد حبي وحنيني الهه
_الله لا يحرمنه من حنيتك
_ولا يحرمني منكم يارب
_حسيتك ضايج قبل شوي وانته تدخن صاير شي
_اححح العميد مايقبل امدد اجازتي اكثر ومحتاجيني هناك لازم ارجع اكضي شغلي
_يعني شنو راح ترجع وتعوفني هنا
_مو بيدي شموخي راح اضطر ابقى هناك فد شهر على ما اكمل اموري واخذ اجازه وارجعلكم
_شكد راح تبقى هنا قبل لا تروح
_فد يومين خلي اشبع شوف منج الم شغلاتنه ونرجع انه والوالده
_يعني ماراح اتهنى بشوفتك بالايام الجايه مو وضع هذا تره
_لعد شلون تحملتي فراكي هل سنه ونص
_ جان الوضع يختلف قبل جنت جاهله لحضنك وللراحه وياك بس هسه شلون وانت بعد ما مر يوم على عقدنه وعودتني على حضنك ..
ابتسم وجر حسره تقرب علي لف ايده على كتفي وباسني براسي وكال وهوه يبتعد..
_صبري يبعد حيلي تحملي بس هل شهر وانشاءالله لمن ارجع لهنا اخذج وياي واروح وماسمح نفترق بعد اذا الله راد
_ههه تمام انشاءالله
_شلونهه المعنويات هسه
_عال العال
_ اووف ياشموخ شجان صار لو من زمان ومفرحه كلبنه ورافعه الهلاهل بالبيت
_عسى لساني انكص ولا ردعتك ماتصور شكد جنت خايفه بوكتهه وشلون هسه اختفى كل الخوف حتى من اتذكر نفسي شلون جنت ارفضك بالايام الفاتت احس بروحي غبيه وجاهله وخوفي ماله داعي
_لا حشاج ام ريانه انتي علم ودوله ورتبه همين
_وشاره نسيتهه
_هههه احبج ولج
_وانه احبك يبعد عيوني عيونك..
جان مستند عل عمود ولازم اديني لمن سمع اخر كلامي سحبني عليه من خصري دافن وجهه برقبتي وهوه يتنفس بشوغه ابتعد وره لحظات وطبع بوسه عذبه على خدي وجبيني وكام مبتعد مسافه عني وهوه يكول ..
_اووف منج لا تنعدين انه شبلاني وعقدت هسه
_ههه ليش
_لا نكدر نبوس لا نكدر نحضن براحتنه وفوكاهه منا راح ابتعد عنج شهر ليش الدنيا تمشي ضدي مادري
_لاا لا تحجي هيج كول الحمدلله واذا عل مرض لا تصدك ان اكو محب يعدي المرض لحبيبه
_الحمدلله بس واذا سواهه البخت وانعديتي مني شسوي بحالي انه هنا الا ابطل واكعد يمج
_هههه لا إنشاءالله مانعدي
_ميخالف الاحتياط واجب
_وهسه راح تبقى هيج بعيد عني وتحجي
_ عندج حل
_ اي
_وهوه
_انته ابقى بمكانك ولا تجي يمي تعديني خليني انه اجيلك..
عكد حواجبه بتساؤل وتقربت خطواتي ناحيته وغصت بحضنه دافنه وجهي بصدره سمعته جر حسره وشد على حضني أقوى ونبضات كلبه تردم
باذني غمضت عيوني وبقينه فتره على هل حضن اتامل بنبضات كلبه عبالك اريد احتفظ بنسخه منهن
بذاكرتي اسمعهه لمن يبتعد عني بالايام الجايه .. مرت دقايق وابتعدت عن حضنه باسني بجبيني وهوه يرتب بشعري وكال..
_باجر ترحين للدوام
_اي انشاءالله
_هاا لعد فوتي نامي والصبح خليني اشوفج قبل لا ترحين تمام
_ليش تريد تجيك لبسي
_اي عندج مانع
_لاا
_ههه افدي لهل لسان انه ساعه يسمع سجاجين ساعه ورد
_هههه..
رفع ايديني باسهن بعذوبيه ورحنه دخلنه جوه عفته صعد للغرفه فوك وانه رجعت للصاله تمددت يم بنيتي واني الابتسامه تارسه وجهي والفرحه غامره روحي ..
غمضت عيوني وانه امسد بشعر بنيتنه وغفيت للصبح كعدت على صوت المنبه كمت طفيته شفتهه الساعه ب٥ الصبح رحت توضيت ودخلت للغرفه صليت
وبدلت ملابسي ودخلت ريانتي وهيه مغمضه عين وفاتحه عين اجيت شلتهه من الكاع بوستهه واخذتهه للحمام غسلت وجهه وطلعتهه وياي
للمطبخ كعدتهه عل كرسي ورحت سويت بتيته كلي التحبهه وبيض وجاي وحميت الخبز صبيتلنه
وصبيت لراهب بصينيه واخذته وصعدت لغرفته دكيت الباب وفتحه بسرعه وهوه صدره عاري تحمحمت وكتله وانه اتشرد بنظراتي عنه..
_صباح الخير
_صباحك نور يا نسيم البر والبحر انتي
_احم سويتلك ريوك اكل حتى تاخذ علاجك وترجع تنام
_لا ريانه بالمطبخ عايفتهه لازم انزل اوكلهه واروح للدوام
_بله التفتي بمكانج ..
ابتسمت والتفتت حوالين نفسي ورجعت وكفت مقابيله باوعتله وهوه عاكد حواجبه باستنكار وكال وهوه ياخذ الصينيه مني..
_مو كأن الخلفيه كبرانه
_يااا شهل حجي راهبب
_هيه تصرخ وتكول شوفني كبرانه ماجبت شي مني
_عيب ولك استقر وبعدين يجوز من الملابس لان مخصره
_دعبلي غيرهه هاي انتي مطيتهه مجال تكبر موو
_ياالله احسن شي اروح انزل يم بنيتي شكلك بعدك نايم
_لا تعالي بله تعالي التفتي مره ثانيه خلي اتاكد..
تنهدت ورجعت التفتت حوالين نفسي صفن بيه بترقب ورجع كال..
_لا وربي كبرانه
_راهببب..
ضربته بوكس على صدره ولزمه متوجع وصار يكح اجيت عليه وهوه ضحك وبحركه سريعه منه شالني
من خصري معلك رجلي حوالين بطنه ولزكني بالكنتور باوعلي بهيام وعكدت حواجبي متصنعه العصبيه وكتله..
_نزلني راهب ماحجي وياك بعد
_هاي ليش
_ليش تحجي هيج وياي تكلي الشسمه كبرانه
_جا مجذب عليج
_اي تكدر تكول الملابس ضيكه شمعنى كلت الخلفيه كبرانه
_هههااي
_يضحك بعد ابو حلك
_يريد ياكلج هل حلك هاي كل يوم هيج تطلعين للدوام
_اي شكو بيهه
_بويييه جا اكول كثرانين الموظفين بالدائره اثاريج انتي لامتهم
_عادي جميله والله يحب الجمال
_انهجم بيت الجمال جا مالي نصيب صباحي منه
_لااع
_بس بوسه وحده ممكن
_نووو
_يله بس عضه
_لااا
_ولج انتي ماتجين بالعيني والاغاتي دتعايي..
لفني بحضنه وشمرني عل جربايه قيد حركتي وصفن بعيوني عكدت حواجبي وكتله..
_راهب عوفني اروح لريانه هسه تبجي ومحد يمهه
_انطيني بوسه وروحي
_لاا تخرب الحمره
_لا نخففهه الج ماخربهه
_راهببب
_شموووخ..
عاط بيه متصنع العصبيه وسكتت تقرب علي ودرت وجهي عنه سمعته ضحك باستهزاء ونزل عضني بخدي خله عيوني تدمع دفعته عني وكتله..
_لاا راهب هسه شلون اطلع ليش عضيتني
_بعد ماتعب لساني ويه عنادج كبل اعضج لو ماطاوعتيني
_هفف منك وخر مني خلي اروح انزل يم ريانه
_زعلتي
_تاذيت
_افاا شموخ تتاذه
_مو رجل آلي شموخ
_هههه دخيل الله شكد احب لسانج السليط
_هوه مايحبك
_شموخ
_هاا
_الملابس ضيكه حبيبي ..
باوعلي بجديه وابتعد كمت عدلت ملابسي والتفتت عليه كتله بتساؤل..
_اصلا ضعفانه عن قبل
_بس مفاتنج بارزه
_يعني هسه شلون انه كله هيج ملابسي
_روحي شوفيلج ستره طويله نازله عن الورك ولمن ترجعين نروح للسوك سويه نشتريلج ملابس مناسبه
_همم تمام رايحه اوكل ريانه و اشوفلي شي طويل
_بقناعتج مو غصب عنج
_لا طبعا بقناعتي اصلا ماجنت منتبهه ولا مهتمه بلبسي وانته نبهتني
_عفيه الشطوره
_ههه تره شموخ انه مو ريانه
_والله مشتاق اشيلهه والعب وياهه خرب حظ المرض
_ههه يله رايحه انه وانته البس تشيرت لا صدرك ياخذ رطوبه وانته مريض
_تامرين ملازم شموخ ..
ابتسمت وكمت وكفت بالباب التفتت عليه وكتله ..
_احبك راهب
_جا ماحجيتيهه وانتي يمي
_هههه كيفي
_اووف منج يام راس يابس ميت عليج انه..
شمرتله بوسه بالهوى ولزم كلبه منجوي ضحكت عليه ونزلت من الدرج دخلت للمطبخ لكيت امي كاعده توكل بريانه وانه اكول ليش مابجت لو
صيحت علي .. صبحت عليهه واجيت كعدت اكلتلي لكمتين وكمت رحت لغرفتي كلبت بالملابس طلعتلي كوت طويل يتقفل نزعت الستره ولبسته
عدلت حجابي وحمرتي اخذت شغلاتي وطلعت خليت امي تغسل لريانه وصيتهه عليهه وطلعت رفعت راسي باوعت لغرفه راهب ولكيته يباوعلي
من الشباج ابتسمت واشرتله على ملابسي اذا تمام وهوه سوه حركه التمام بيده لوحتله ورحت امشي فتحت الباب وطلع سلام صبحت عليه ورحت
صعدت سيارتي ربطت النقال وشغلتلي دعاء الصباح وحركت السياره طالعه من البيت ..
كلهه نص ساعه ووصلت للدائره صفيتهه بالكراج ونزلت دخلت ولاكاني احسان دك تحيه واجه وراي دخلنه للمكتب خليت اللابتوب والملفات وسالته..
_احسان ماكو شي جديد عن ثائر النذل
_لا حاليا مفقود وماله اثر
_الله اعلم بيا جحر ضام راسه هسه وشيخطط يسوي فلازم نلكاه باسرع وقت ممكن قبل لا يسوي شي منا منا واجرم بي
_اي اكيد هسه انه جبت كل الاماكن يلي راحلهه باخر اسبوع وكل الاشخاص يلي يلتقون بي اخذت افادتهم وسالتهم عنه والكل جان جوابهم نفسه
_معناهه بي فبركه الموضوع
_اي لهذا السبب امرنه المحقق ساهر ان نسحل كل اصدقاءه بالشغل وجيرانه يلي تشابهت اقوالهم وندخلهم تحقيق
_وتالي
_بعد اليوم راح يحقق وياهم ونشوف شيطلع وياه
_تمام اي شي جديد خلي يكون عندي علم بي
_حاضر
_اكو اليوم ملفات غير
_اي ملفين طبك
_اي انطيني خلي ابدي اشتغل عليهم وانته اخذ هاي الملفات وديهم للمحقق ساهر كله كملتهه والاستنتاج والنتايج مكتوبه بكل ملف
_حاضر ست شموخ..
اخذهن ودك تحيه طلع من المكتب شويه ورجع انطاني الملفين الجدد وطلع كمت نزعت الكوت لان ماعرف اشتغل اذا لابسه ستره لو كوت يعيقني ومنا
المكتب حار .. علكته بالكومدي ورجعت راحت عيني على الكارتونه يلي بيهه شغلات راهب وابتسمت وجبت الطابوريه صعدت عليهه نزلت الكارتون فتحته واخذت الجاكيت والساعه
الرمليه خليتهه عل ميز ورحت علكت الجاكيت بالكومدي بصف الكوت مالتي شميته وشفت ان صار لازم نجدد العطر وقررت ارجعه وياي اليوم
اخلي يعبي بعطر جسمه واخذه تصبيره.. المهم رجعت كعدت عل كرسي وفتحت الملفات شفتهن الاثنين عن قضيه خطف واغتصاب عكدت حواجبي
باستغراب وبديت اقره باول ملف واشتغل عليه خليت ملاحظات بالاشياء يلي لازم احقق بيهن
ورحت عل ملف الثاني كذلك بديت اشتغل عليه لحدما مرت تقريب ال٤ ساعات دخل احسان دك تحيه وكال وهوه مخطوف لونه..
_شموخ طلعلي اخر موقع لثائر وشفته قريب عن بيتكم تماما ..
فتحت عيوني بصدمه وكمت بسرعه اخذت الكوت لبسته واخذت السلاح سحبت اقسام وخليته بخصري وطلعت وهوه وراي يمشي ركبت السياره
وطرت بيهه لبيتنه خلال دقايق وكفت باب بيتنه نزلت فتحت القفل ودخلت للبيت ملهوفه وبوجهي
للصاله شفتهم الكل كاعدين وجوهتهم مو طبيعيه وريانه نايمه بحضن امي وتناشغ اجيت ركضت عليهه وانه كلبي يرجف وكتلهه..
_كلولي شصار ثائر اجه هنا مو حاول يسويلهه شي احجوو..
باوعتلهم واحد واحد وابوي حجه بعدما تنهد..
_لا بويه ماسوالهه شي بس اجه هوه وجماعه دكو البيت وشردوا لمن طلعنه الهم وريان من صوت الرمي صارت تبجي
_لاا يا نذذل لكك انه اعرف دواه لهل مريض اليوم اشعل الخلفه ..
انطيت ريانه لامي وكمت وابوي كال..
_بويه شموخ لا تتهورين هذا النذل سوه سوايته وانظم بجحره وين رايحه انتي
_رايحه اطلعه من جوه الكاع عسى مافتر الدنيا كلهه
_ولج بويه كعدي يم بنيتج وين رايحه تفترين تدورين اذا همه البحث الجنائي ماحضوا بمكانه وين تلكينه انتي
_ولو يا بابا ولو انه يجي لبيتنه ويسوي سوايته واعوفه لا والله اطلع غمه اذا عفته عندي مواقعه اليروحلهن دائما رايحه ادور بكل مكان هوه بي..
كملت كلامي وعفتهم كلمن يحجي وياي بصفحه متجاهله عياطهم علي طلعت من الصاله وهمه وراي طلعت للساحه وعاط بيه راهب موكفني بمكاني ..
_شمووخ ضمي سلاحج وفوتي جوه
_ مو جبانه انه واضم راسي بالبيت ومدام وصلت بي المواصيل يحوم حوالين بنتي وضناي فماراح اخلي يسلم مني ويعيش متهني
_شمووخ كتلج فوتي جوه
_وانه كتلك ماافوت راهب مو مره عاديه وانضم جوه واليوم لو انه لو هوه بالدنيا ..
عفته ومشيت للسياره لزمت بابهه وحجه بصوت عالي فزز كلبي بصدمه وهوه يكول ..
_الله شاهد علي ياشموخ اذا طلعتي من البيت كلشي ينتهي بيناتنه وتحرمين علي ليوم الدين..
عكدت حواجبي بعصبيه والتفتت عليه كتله ..
_ تهددني بس ليش لا هدد وبس لانك هددتني وحجيت هيج راح اروح وغصب عن خشم الكل لان مو شموخ يلي تتهدد يابو معااذ..
غمض عيونه بنفاذ صبر ودرت وجهي عنه فتحت باب السياره ردت اصعد وماحس الا لف ايده على
خصري وسحبني عليه شايلني عن الكاع ويمشي دخلني للبيت كدام انظار الكل وانه ارافس وهوه ماخذله صفحه يحجي و يكول..
_عبالج رح ينضحك علي بعنادج وابتعد عنج بمجرد ماتكولين روح لا بعد مايمشي علي حجي لسانج
_عوفني راهب كتلك نزلني لا تخليني اتخبل عليك عوفني
_ماعوفج لو ادري احبسج بالغرفه التصير بذمه الراهب تصير غصب عنهه تطيعه
_مو مثل باقي النسوان انه تريدني اضم راسي بالغرفه وابجي لو واحد خسيس حاول يضرهه لو
تريد اكعد واسكت لمن تهددني لاا يراهب واليوم وباجر والبعده اطلع يعني اطلع واعلمك ان شموخ ماتتهدد
_ادري بيهه ماتتهدد بس كافي اهدي وخلينه نتصرف بعقل
_ليش هوه بقه بيه عقل بقه بيه احساس هل نذل..
دخلني لغرفتي وقفل الباب علينه نزلني وبقى لازم ايدي ورفع ايده الثانيه لزم وجهي وكال..
_كافي اهدي وخلينه نحجي
_ماكو بيهه حجي راهب ماكو اليوم رمه على بيتنه باجر يدخل وياخذهه كدام عينكم ومحد يحجي
_لجج نفصم ضهره غير ماشفتي انتي شلون طلعنه باسلحتنه وراهم بلا حمايه لجج شلون شردوا همه شلون انسحبوا وهمه الف واحد غير لان طلعنه
نريد نسحلهم غير لمن شافونه مانهاب الموت وطلعنه بدفع صدرنه وشردوا بروحهم العزيزه
_بس محد كدر يلزمه لكك منتظره هل فرصه من يومين وهوه اجه كبال البيت ومحد طلع سحله من خوانيكه عوفني خليني اطلع عوفني اروح اشرب بدمه
_وين تردين ترحين وشتردين تسويله وين عايفه بنتج ورايحه
_اريد اقتله واشرب من دمه اريد اخلص روحي وبنتي من هل عار
_وتدخلين سجن وتدمرين شغلج وتعبج هل سنين وتعوفين بنتج بلا ام موو
_جا تريدني اسكتله تريد اضم راسي واكعد واسكت بالبيت
_محد ضام راسه وحسابه رح ياخذه من كل واحد بينه بس انتي لزمي بنتج وكعدي والج الصافي
_شنو الزم بنتي واكعد راهب انه مو مره عاديه واضم روحي بالبيت لكك انه مو ضعيفه لدرجه اني ماكدر على هيج واحد خسيس
_ تمام روحي اذا تردين
_اي اروح ليش لا
_اي تمام بس تذكري راح تخسريني وتخسرين شغلج وبنتج وكل حياتج لو عتبت رجلج الباب
_لللكك يااالله
ركعت االسلاح عل ميز بعصبيه وبقيت افتر بالغرفه الوب بحيره من كلامه ومتخصره باوعتله وهوه يباوعلي بجديه وثقه فركت وجهي بغضب ودرت عنه وانه احجي بتعب..
_ اذا ماروح شتريد اسوي مثلا شلون اكدر احمي بنتي منه راهب لو عندك حل غير طلعتي كوله بس لا تكلي كعدي وسكتي بدون مانسوي شي يمنع هل نذل من ان يحوم حوالين ريانه
_ شموخ عندج ثقه بيه لو لا ..
التفتت عليه باوعتله بحيره وتساؤل واجه علي لزمني من اكتافي ورجع سالني نفس السؤال بثبات وجديه وكتله..
_اثق بيك بس هذا الشي خارج تصرفك ماتكدر تسوي شي
_واذا كتلج اني كادر اطلعه من جوه الكاع واسلمه بيدي للقضاء
_شلون
_ هاج سلاحج وبدلي ملابسج ولزمي بنتج وانتظريني عهد علي مادخل للبيت الا وانه لازمه لهل نذل ومسلمه للشرطه ولو عندج ذره ثقه بيه
وبالاكدر اسوي تلزمين هل سلاح وتضمينه وماتفكرين تتهورين وتستخدمي لشي ممكن يدمرج
_راهب
_شموخه
_تمام راح اخلي ثقتي بيك واسلمك حياتي وبنتي بيدك بعد رب العالمين فحاول شما عندك من قوه تستخدمهه حتى تسحل هل خسيس لا ترجعلي خايب
_وانه احلفلج ان ثائر محد يدخله للسجن غيري وانتي وبنيتي برقبتي ذمه
_راهب
_امري
_تهديدك مساع شنو قصدك بي تره اخذت فكره عنك مو زينه
_القصد منه اني اوكفج وهم اعتبري اختبار صغيروني اشوفج تستعزين بيه لو لا
_بس انه تجاهلت تهديدك وردت اطلع لو ما سحبتني للغرفه وجبرتني اوكف
_بس نظراتج جانت كفيله تعلمني معزتي بكلبج وبعدين مو انتي كلتي لا تسمع لحجي اللسان وشوف البروحي لو انه غلطت
_لا انه الكلت
_اي وانه هيج سويت مليت اسمع للسانج فتجاهلته وسمعت لروحج
_وانه صدكني لو طالعه من البيت جان بقيت واكفه بره ومارحت وكسرت كلمتك
_اشوفج صرتي تزاكطين من شلتج
_اي غير احافظ على هيبتي كدام اهلي
_اروح فدوا للهيبه يول انتي بس نظرتج تعادل هيبه زلم
_هههه
_تطمنت روحج هسه
_ماتطمأن الا لمن اشوفه للخسيس مذبوب بالسجن
_انشاءالله ومن عيني اذبه الج مؤبد بعد شتردين
_معناهه راح اعتمد عليك تمام حبيبي..
صفن بعيوني وبهتت ملامحه بتفاجئ ضحكت خفيف على شكله وتقرب علي حاضني لصدره حيل
غمضت عيوني اتامل دفو صدره جان احلى بهواي من حضن الجاكيت مالته ابتسمت وهمست يم اذنه..
_تدري جاكيتك لمن شفته بالمكتب شصار بيه
_شصار
_صارت روحي تلوب عليه وكلما اشوفه اخذ جرعه دفو منه بس ابد ماجان حلاه الدفو ذاك نفس حلاوه حضنك
_اححح
_ههه
_يبعد كل الحيل انتي
_يبعد كل الدفو انته
_شموخي يله هسه خلينه نهده وروحي بدلي ملابسج حتى تاخذين بنيتج لحضنج خطيه مساع خافت هواي وكوه ياله سكتناهه
_ تمام
_شموخ انه عندي ثقه بيج وادريج مو طايشه ومتهوره لهذا السبب سلاحج راح ابقي عندج وماراح اسحبه منج فكوني كد الثقه هاي وكعدي يم بنيتج مثل الحبابه تمام
_اوكي انشاءالله
_يله رايح انه ازرع الغام لهل نذل وانشاءالله كم يوم تسمعين خبره بالسجن
_انشاءالله راهب انشاءالله ديربالك على روحك يبعد روحي لا تتهور وتنزل لمكان بدون سلاح ما اامن لهل نذل انه
_من عيني انتي بس ادعيلي وانشاءالله اكمل هل مهمه على اتم وجه ونلتقي
_راهب
_امري يشرايين كلبي انتي
_احبك
_اححح انه بعد احبج يجمره افادي..
تقدم علي حضني حيل وابتعد مسد على خدي مبتسم وطلع من الغرفه فركت وجهي بحيره ورحت طلعتلي ملابس بدلت لان خلص الدوام وبعد
ماتسوه ارجع عاد اخذت سلاحي طلعت للصاله خليته وره شاشه التلفزيون تحسبا ورحت للحديقه لكيت ابوي وراهب والولد واكفين على
جهه يحجون ويخططون واحسان ينطيهم اماكن تواجد ثائر الدائميه .. اجيت اخذت ريانه من امي ودخلت وهنه وراي كعدت عل قنفه وهيه بحضني
نعسانه رجعت نومتهه وانه صافنه افكر براهب وادعي ربي يحمي ويردلياه سالم .. فزيت من صفنتي لمن اجت عبير كعدت يمي مسدت على كتفي وكتلهه بتساؤل..
_شلون صارت السالفه عبير ريانه وين جانت لمن رموا عل بيت
_ همزين جانت بغرفه خالتي سماء باخر البيت بس هيه من الصوت والعيطه الصارت بالبيت خافت وبقت تبجي ومحد انتبه عليهه تبجي منا لطلعوا
عمي والولد يرمون عليهم بعدهه صار هدوء وسمعنه حسهه تبجي رحنالهه نركض ونريد نسكتهه ماكو من ايد لايد لحدما صعد راهب لبس كمام وجفوف ونزل اخذهه لحضنه بقه يفتر بيهه بالبيت
ويلعب وياهه ياله كدر يهديهه شويه تالي شغل بالهه بالاكل ونامت خطيه وانطاهه لخالتي سماء وراهه بدقايق دخلتي انتي
_شلون ياربي يمته اخلص من شلعه الكلب يعني حرام لو تهنيتلي يوم وعشت بسلام ويه الاحبهم
_كولي يا الله حبيبتي وصلي على محمد وادعي ربج يكدر راهب يحلهه لهل قضيه ويفكج من هل قذر
_ انشاءالله يارب
_كومي نوميهه بجربايتهه خطيه لا يتاذه ضهرهه
_لا ماروح للغرفه هنا راح ابقيهه
_تردين اجيبلج دوشكهه
_لا ثكيل عليج خلي سلام يجيبه
_لا شسالفه يمعوده هوه دوشك
_خاف ماتكدرين
_لا اكدر اكدر
_تمام يروحي شكرا
_يولو عليمن الشكر ماتكليلي..
ابتسمت بتعب وراحت جابت الدوشك فرشته بصف الحايط وخلتله مخده ولحاف كمت خليتهه عليه وتمددت بصفهه فتره وغمضت عيوني ونمت بدون
ماحس للمغرب كعدت على صوت امي وعبير وهنه يسولفن كمت وانه راسي يريد ينفجر وكوه طلع صوتي وكلت لامي..
_امي لحكيلي راسي
_ياا يمه شبيج
_اريد مسكن راسي رح ينفجر فدواا..
كامت عبير ركضت لغرفتي وانه رجعت تمددت وراسي احسه انقسم نصين جابتلي حبايه مسكن وماي شربت وبقيت الوب الوجع مستمر راحت امي
جابت قياس الضغط وكعدت عبير قاستلي ضغطي وطلع مرتفع درجتين جابتلي حبايه ضغط من حبوب ابوي شربت وكعدت على حيلي بقيت سانده
راسي عل حايط ومغمضه عيوني وامي تدلك براسي لحدما هدأ الوجع وكدرت افتح عيوني اخيرا رن نقالي وكالت عبير ..
_شموخ هذا راهب يتصل عليج
_وينه انطيني النقال عبير بسرعه
_تمام هاج..
فتحت خط وانطتنياه خليته على اذني وحجيت وياه بصوت تعبان واجالي صوته ملهوف وهوه يكول..
_هاا حبيبتي شبيج ليش صوتج هيج تعبان
_لا مابيه شي لا يضل بالك علي
_شنو مابيج شي وانتي تحجين كوه
_بس راسي اذاني شويه اخذت مسكن وحبايه ضغط وصرت احسن لا تخاف علي
_جني ادري والله حسيت بيج شي ليش ماتنتبهين على نفسج حبيبي مو كتلج خليهه على الله وعلي
ليش تفكرين وتقهرين بروحج تره بعدج انتي مامتحسنه واقل ارتفاع للضغط تصير عندج مضاعفات
_شموخي تطمني وانشاءالله كله هذا راح يصير باذن الله لا يضل بالج يمي وانه راح اتصل بيج كل فتره اطمنج بس لا تهملين صحتج تمام
_تمام انشاءالله
_عبير يمج
_اي ليش
_انطينياهه بله
_تمام هاي وياك ..
اخذت النقال انطيته لعبير وهيه فتحت سبيكر وحجت وياه..
_الوو ها راهب
_هاا عبير خويه ديري بالج عليهه يمعوده ام ريانتي لا تخليهه تفكر اخذيهه يمج ونسيهه سولفي وياهه لهيهه عن السالفه يابعد اخوج لا تروح بيهه نوب
_ههه انشاءالله حبيبي راح ابقى يمهه وماعوفهه عزيزتنه وشموخنه هاي وبعد شتامر
_مايامر عليج ظالم بعد اخوج بس سويلهه لكمه تسند طولهه وانشاءالله هيه بعد تردهه الج بعدين
_لااا ولو شسالفه اختي هاي قبل لا تصير مرتك انطيهه عيوني لو طلبت
_بعد روحي والله
_يله مامحتاج شي بعد
_لا سلامتج
_هاك هاي شموخك وياك
_الوو ها رهباني
_ااخ ربي
_ههه اشتاقيتلك
_لاا بربج
_اي والله
_يمكن راح اموت
_لان مامعقوله شموخ تنطق وتعبر عن مشاعرهه بهل طلاقه لا ونوب تشتاقلي
_دومني اشتاقلك وروحي تلوب عليك بس انته ماحاس بيه
_اويلي شيصير لو ربي خالقنه نقره الارواح والمضمور بيهه
_ايييه
_اويلي عل حسره انه
_شسويتوا هسه ووين انته
_بره مكتب المحقق ساهر جنه نتناقش انه وفريقه بالمواقع ونرسم الخطه
_ويمته يبدي التنفيذ
_بحيل الله وبقوته باجر نطلع
_تمام بالسلامه انشاءالله وربي يحميكم ويحرسكم
_دزلي صوره
_افاا لهل درجه مشتاقتلي ولج
_لااا بس ريانه تريد تشوفك
_تامر امر بعد حيل ابوهه هيه
_ههه يله روح كمل شغلك وديربالك تمام
_انشاءالله وانتي همين ديري بالج على نفسج وعلى بنيتنه
_من عيني
_تسلم عينج يبعد عيني..
ابتسمت وختمنه المكالمه بباي سديت الاتصال وكلهه ثواني دزلي صوره اله قربتهه على وجهه
وسرحت بملامحه وعيونه العسليه وانه روحي تتلهف اكثر على شوفته ابتسمت باطمئنان ودزتله رساله ..
💬ريانه تكول بابي طالع جمر وانه رويحتي تهوى الدفو
💬ابوسه لهل حلك اليتغزل بيه
💬ريانه مو انه تره
💬اي ريانه ليش منو جايب سيرتج انتي
💬هههه يله روح كمل شغلك احبك
💬اموت بيج ام عيون سمره..
ابتسمت على رسالته وطلعت من المحادثه بقيت اباوع لصورته واحس كل جسمي وروحي هدأت
بسماع صوته كلهه نص ساعه واجتلي عبير بيدهه صينيه الاكل خلتهه كبالي وكتلهه..
_تعالي اكلي وياي حبي
_لا مساع اكلت انه انتي اكلي عوافي
_ميخالف تعالي عل واهس وياي ماكدر اكل بحدي وهم ابن اخوي يتغذه زايد حتى يطلع مدنفش
_ههه تمام
_صدك عاشت ايدج وانشاءالله اردلج وكفتج لمن تولدين بسلامه
_انشاءالله حبيبتي ..
كعدت اكلتلي لكمتين وتكترت على جهه كعدت ريانه على ريحه الاكل ابتسمت واخذتهه لحضني بقيت اوكلهه لحدما شبعت كمت غسلتلهه ورجعت
للصاله وهيج مرت ٤ ايام لا رحت للدوام ولا راهب رجع للبيت فقط اتصل عليه لو يتصل علي كلما صحتله فرصه لحد خامس يوم بليل نايمه كالعاده
انه وريانه بالصاله وحسيت على ايده الحنونه تمسد على خدي عبالي حلم بس ريحه الجكاير وهوه يتقرب علي يبوس بخدي خلتني اكعد ملهوفه شفته راهب كبالي لو ردت بيه الروح .. ابتسمت وكمت حضنته وشد على حضني حيل وهوه يوزع بوساته على كتفي ويمسد بشعري ويكول بفحيح حار برقبتي..
_طكت روحي عليج جمرتي صرت افتر مثل المخبل حتى الكه هذاك العار واسلمه بس لخاطر ارجعلج من وكت واشبع شوف من عيونج السمره
_اشتاقيتلك موت والله ..
بعدني عنه وحضن وجهي بكفوف اديه ولاحظت على وجهه شاحب واديه حاره جمر تلمست جبينه وكتله بقلق..
_راهب حرارتك مرتفعه صاير جمر
_لا مابيه شي لان تعبان
_شنو لان تعبان بهاي الايام الفاتت جنت تاخذ علاج لو لا
_راهب جاوبني بالاول
_خلينه نصعد ونسولف..
تافافت ولزم ايدي كمنه سويه طلعنه من الصاله بعدما غطه ريان وصعدنه للغرفه مالته وانه اشوفهه الساعه ب٣ بليل .. فتح باب الغرفه دخلنه
واخذني لحضنه شايلني بين اديه كعدني عل جربايه وكعد ركبه ونص عل كاع كبالي لزم ايدي باسهه بعذوبيه ورفع راسه يباوعلي بهيام وكتله ..
_راهب جنت تاخذ علاج لو لا
_مره اخذه ومره انساه او مالحك
_ليش هل شي ينسي ياراهب هذا مرض هذا مو لعبه لكك بعده مالاكين اله لقاح وياما ناس كاعد
تموت ويحركون جثثهه بسبب هل مرض ليش مستخف بحياتك راهب ليش هملت روحك هل شكل بسببي وبسبب العار ثائر
_اشش لا تجمعين اسمج ويه اسمه لهل نذل واصلا هوه العلاج خلص ومالحكت اشتري وجنه باماكن بعيده عن الصيدليات
_لكك شوف حرارتك شلون مرتفعه استغفر الله يالله انه كلت هسه يهمل صحته ويطلع يجذب علي ماياخذ علاجه
_خلاص اهدي ماصار شي هسه اخذ خافض حراره وللصبح انه اصير زين انشاءالله
_شتصير زين يمعود عبالك فلاونزه هيه لو لعبه ياراهب
_هاي مبارك ويكولهه نوب
_ههه شموخي
_هاا
_ باجر لازم ارجع لكربلا..
رخت عكده حواجبي وبهتت ملامح وجهي باوعتله بصدمه و دمعت عيوني وانه احجي بصوت مخنوك..
_يعني خلاص هل مره صدك راح تروح لكربلا
_اي والله بس راجع انشاءالله
_وضروري باجر تروح وانته مريض وحالتك زايده سوء شلون راح تكدر تشتغل
_شسوي بعد هوه قبل جم يوم لو ما طلعت بمهمه ويه المحقق ساهر جان انطردت لان مارجعت بالموعد المحدد فما اكدر اتاخر اكثر
_هفف شلون يعني انه كوه صبرت هل ٤ ايام شلون راح اصبر ٤ اسابيع هسه بدونك لا وانته مريض شلون بيه
_تحملي حبيبي وانشاءالله احاول قبل لا يخلص الشهر احاجي العميد اكله اريد اتزوج واخذ اجازه
منه كم يوم وارجع اخذج يمي واذا عل مرض وعد اخذ علاجي كل وقت بوقته حتى يطمن بالج والله الشافي بعد
_وشلون بيه بدونك بله انطيني حل يصبرني على فراكك بالايام الجايه
_عندج الجاكيت
_اووف مايفيدني الجاكيت بعد كلبي تعود على حضنك
_اووف كلبي شلون بيج شموخ بكلامج هذا راح تخليني ابطل واكعد يمج
_اي شكو بيهه اكعد وخليني اصرف عليك اني
_هههه
_تعالي لحضني روحي مشتاقه لعطرج ولج..
ابتسمت وكام كعد يمي واخذني لحضنه ثواني وبعدني عن حضنه رفعت راسي باوعتله وكلت..
_متعشي
_لا والله من المركز اجيتلج لا نوم ولا اكل
_تمام رايحه اسويلك عشه تره اني هم مامتعشيه
_ ليش ولج مامتعشيه
_ماشتهي وهليام كضيتهه هيج لا اكل زين ولا انام مثل الاوادم بالي يمك وخايفه عليك
_وشلون بله بالايام الجايه شلون اروح وبالي يطمن وانتي هامله روحج هل شكل
_لا وعد منا ورايح مدام خلصنه من كل المشاكل ورجعتلي سالم راح اهتم بنفسي واكل وانام زين بعد شتريد
_هيج اريدج حلالي سباعيه
_ههه يله خلي اكوم اسويلك لكمه حتى تاخذ علاجك وترتاح
_ربي لا يحرمني منج ولج انه ماسوه شي من دونج..
كمل كلامه وطبع بوسه خفيفه على جبيني ابتسمت ومسدت على صدره بحنان وكمت نزلت للمطبخ لكيت امي مبقيه عشه الي شفته هواي عاد بس
حميته وصبيت بالصحون نزل هوه وراي اجيت حضنته شويه وبعدني عنه كلي لا تنعدين عكدت حواجبي باستنكار وخليت بيده صلاحيه ماي والخبز باوعلي
مقلص عيونه واخذهن وصعد للغرفه وانه اخذت الصينيه وصعدت وراه خليتهه عل جربايه وكتله..
_راهب انته اكل وانه هسه اجي
_وين رايحه
_بس اشوف ريانه خاف كعدت
_تمام..
نزلت ورحت للصاله لكيتهه نايمه اجيت شلتهه وديتهه لجربايتهه بغرفتي غطيتهه زين وطلعت
صعدت لغرفه راهب دكيت الباب على كيف وانه كلبي يرجف بتوتر اجه فتحلياه تحمحمت وكتله وانه ادخل..
_خليت ريانه بغرفتي نايمه خلينه نتعشه وننام احنه همين باجر وراك طلعه وطريق طويل
_تنامين يمي
_اي ابقى اراقبك لان حرارتك مرتفعه ما اامن ابقيك وحدك وهم اشبع منك شوف للصبح
_لا جا خوش نمت
_لا تنام وغصب عنك كافي اهمال
صرت اتنفس سريع وغمضت عيوني بتوتر وكوه طلع صوتي وحجيت بصوره متقطعه..
_خلينه ناكل.. راهب .. راهب وخر تره اطلع
_يله طلعي اذا تكدرين
_راهببب
_مو كتلج لا توصلين يمي يعني هم مريض وهم روحي محتركه على قربج وتردين تباتين يمي واكعد اتعشه وياج مثل الحباب انتي يا اما فطيره يا اما تردين تحركين دمي
_اي اريد احرك دمك عندك مانع
_لجج خرب لو ما خايف عليج تنعدين مني جان لعبت بيج طنب الليله
_ههه جا ابتعد وخلينه ناكللنه لكمه حتى تاخذ علاجك الوقت كاعد يمشي وماضل شي عل صبح
_اححح..
جر حسره وابتعد رجعنه كعدنه عل جربايه وصار يوكلني وياكل لحدما كملنه اخذت الصينيه نزلت خليتهه عل سنك وغسلت ورجعت صعدت بعدما
تطمنت على ريانه نايمه دخلت للغرفه ورفعت حواجبي وتخصرت بتفاجئ وانه اشوفه يلبس كفوف وكمامه ويعقم بالجربايه لخاطر انام
ومانعدي وكام نزل بطانيه جديده من فوك الكنتور خلهه عل جربايه وهوه فرشله بالكاع .. سندت
ضهري عل حايط متكتفه واراقب بحركاته اريد اشوف وين يريد يوصل كمل تجهيز ورفع راسه باوعلي وكال وهوه ياشر عل جربايه..
_نامي عل جربايه عقمتهه الج وانه راح انزل بالكاع
_ليش نزلت بالكاع
_لا اعديج يمعوده والله تتمرمر روحي لو تمرضتي
_خلصت
_شنو
_كملت ترتيب المكان مو
_شموخ..
راد يحجي ورحت اخذت مخدته رجعتهه عل جربايه واخذته من ايده متجاهله محاولاته وياي حتى اعوفه ينام بالكاع كعدته عل جربايه ورفعت راسه بثنين ادي وكتله..
_اشش راح تنام عل جربايه الليله واذا ماتحب اكون بقربك راح انزل انام بالكاع انه تمام
_لا شلون ماحب قربج ولج وانه متمرمر عليج بس خايف عليج شموخي لا تنعدين حبيبي
_لا مانعدي يله تمدد وسويلي مجال
_شموخ
_تسويلي مجال لو انزل انام بغرفتي
_ اووف من عنادج ..
هز راسه بحيره ورفع رجليه تمدد بوسط الجربايه واجيت غطيته وكعدت بصفه بقيت صافنه بي
وبس ضوه تيبلام معلوك ابتسمت وهوه باقي صافن بعيوني خليت ايدي على عيونه وكتله..
_نام يله باقي بس كم ساعه عل صبح وراك طريق طويل ..
اخذ ايدي باسهه وخلاهه جوه راسه وكال..
_اريد اشبع منج شوف قبل لا اروح ملحك عل نوم
_مايصير لو تروح عبريه بيهه مجال بس انته يلي راح تسوق و٦ ساعات او اكثر فشلون راح تكدر
وانته مريض ومانايم وتعب صارلك ايام ومناك شغل وكرف يوميه مداهمه مداهمتين
_اي كملي ..
سكتت واشوفه مخلي اديه جوه راسه ويباوعلي مستمع وعيونه تلمع بهل ظلمه هزيت راسي باستنكار ورجعت كتله وانه اغطي وجهه بالبطانيه..
_ناام لكك رهباني تره انزل
_اي سولفي حتى ادوخ وانام
_خوب اقرالك قصه فرد مره
_ههه احجيلي عن شغلج وشلون تكضين يومج بالدوام
_تمام بس تنام
_اي والله انام
_تمام لعد شوف بالاول اكعد الصبح كالعاده من بعد سهر وطبعا مو دائما اسهر بس اذا واجهت قضيه صعبه اسهر بيهه لل٢ او ب٣ بليل وانام و.....
على شفته وغطيته زين تلمست جبينه ورقبته وشفت حرارتهه بعدهه مانازله عاد كمت جبت ماي وقطعه قماش بللتهه و خليتهه على جبينه وهوه
فتح عيوني بقيت امسد على صدره لحدما رجع نام وصرت ابدل بالقطع لحدما مرت ساعه تقريبا خليته شوي تالي رجعت تلمس جبينه وشفتهه
نزلت حرارته الحمدلله زفرت براحه وكمت رجعت الماي والقماشه بالحمام غسلتهه وعلكتهه بالتعلاكه وطلعت توجهت يمه كعدت يم راسه عل جربايه
وسندت ضهري على تاجهه ماحس الا كام عن المخده وتقرب مخلي راسه على فخذي طبع بوسه خفيفه عليه وغمض عيونه نايم تنهدت براحه وانه
اتامل بكميه الامان اتجاهه حسيته مثل الطفل الصغيرون وانه امسد على شعره حتى ينام ووقتهه ماكدرت اغمض عيني عنه بقيت اباوعله واتامل
شكله وهوه نايم مثل الطفل لحدما طلعت الشمس وصاح الله اكبر .. لزمت راسه رجعته عل مخده وكمت دخلت للحمام توضيت وطلعت لبست شالي
ووكفت اصلي الفجر كملت ودعيتله بالشفاء والسلامه لفيت المصلايه واجيت يمه تمددت وخليت ايدي جوه راسي وايدي الثانيه تتجول
بملامح وجهه وماعرف شكد مر وقت على هذا حالي وسمعت محمد وعبير نزلوا من الدرج عرفته راح للدوام غمضت عيوني وحسيت بايده تتلمس خدي رجعت فتحتهن وابتسم هوه وكال..
_ياترى انه بحلم لو بعلم ومصبح بوجه جمره افادي
_مو حلم هذا الصباح راح يكون جزء مايتجزء من حياتنه وعينك رح تشبع شوف مني يبعد عيني ..
جر حسره وسحب راسي لصدره وايده التفت على خصري شادني اله بقوه بقيت استنشق عطره وازفره براحه دقايق وكمت عن حضنه وانه اكول..
_رايحه اسويلك ريوك على ماتدخل تسبح وتحضر نفسك
_لبسي كمامه وتعالي لحضني بعدني ماشبعان منج
_هه كمامه ليش هوه وين اكو احلى من عطر انفاسك يبعد انفاسي ..
رفع حاجبه بتفاجئ وتقربت عليه بسته خفيف بشفته وغصت بحضنه سمعته جر حسره وضحكت
عليه رفعت راسي وابتعدت عن حضنه كعدت على حيلي باوعتله باستغراب وانه اشوفه صفن وتوتر وعيونه حمره تلمست جبينه اشوف حرارته ارتفعت وكتله..
_رجعت الصخونه عليك شو
_لا مارجعت هسه اسبح وتروح مني
_بله اشو ..
خليت ايدي على رقبته اشوفهه بارده عكس وجهه يلي جمر نار ضحكت خفيف ورجعت عكدت حواجبي وكتله متصنعه الفهاوه..
_هاي شو بس وجهك المجمر معقوله خجلت من مجرد بوسه
_ليش هيه بوسه لو خربطت كياني
_ههه ليش محد بايسك من قبل
_مادري ماتذكر بله رجعي بوسي وخل اشوف اتذكر احد بايسني لو لا
_لا بعدين تذكر عندك طريق طويل خلي اكوم اسويلك ريوك تصحصح بي حتى تاخذ علاجك
_عوفج من الريوك هسه خلينه نتذكر بعد عندي منا للضهر
_هاي شنو مو البارحه كلت الصبح اروح
_انه كلت
_اي والله
_اتذكر كتلج باجر اروح بس ما حددت يمته وبيش الساعه اروح
_اهاا استاذ راهب يعني خليتني مفتهمه غلط حتى تبقيني نايمه للصبح يمك مو
_ماطلبت هل شي انه وانما انتي من ذاتج كلتي راح ابقى يمك الليله
_رهبانوو
_شموخخه
_لي....
✋️🔥
ردت احجي وكام سحب راسي عليه ولزم رقبتي بيده باوعلي مبتسم بخبث ثواني وتقرب علي يوزع بوساته ببطئ على ملامح وجهي وهوه يتقرب علي علي اكثر ..
رفعت ايدي علكتهه برقبته ونومني عل جربايه معتليني ومستمر رغم انقطاع انفاسنه بس ماقطع البوسه دقايق ياله ابتعد واحنه نتنفس سريع
شكرا لزيارتكم عالم روايات سكيرهوم
