رواية العاشق اللعين الفصل الخامس بقلم مجهول
ﺇﻥّ ﺍﻟﻌُـﻴﻮﻥ ﺗﺮَﻯ ﻛﻞَّ ﻳﻮﻡٍ ﻭﺟﻮﻫﺎً ﺟﻤﻴﻠَﺔ، ﻭﻟﻜﻦّ ﺍﻟﻘﻠْـﺐ ﻻ ﻳﻔﺘﺢُ ﺃﺑﻮﺍﺑﻪُ ﺇﻻ ﻟﻮﺟﻪٍ ﻭﺍﺣِـﺪ
ﻋﻤﺎﺭ : ﻳﻤﻪ ﺑﺲ ﺍﻧﻲ ﻣﺎ ﻣﻮﺍﻓﻖ ﻉ ﻫﺬﺍ ﺍﻟﺰﻭﺍﺝ
- ﺷﻨﻮ ﺷﻨﻮﻭﻭﻭﻭ ﻟﻴﺶ ﻣﺎ ﻣﻮﺍﻓﻖ ﻳﻤﻪ ﻫﺎﺍﺍ ﺑﻌﺪﻳﻦ ﺍﻧﻲ ﺍﻣﻬﺎ ﻭﺍﻋﺮﻑ ﺑﻤﺼﻠﺤﺘﻬﺎ ﺍﻧﺖ ﻫﺴﻪ ﺟﺎﻱ ﺫﺍﻛﻠﻴﻮﻡ ﻃﺎﻟﻊ ﻣﻦ ﺑﻄﻨﻲ ﻭﺍﺗﺤﻂ ﻗﺮﺍﺭﻙ ﻓﻮﻙ ﻗﺮﺍﺭﻱ ﻭﻳﻦ ﺻﺎﻳﺮﻩ ﻫﺎﻳﻴﻲ
- ﻳﻤﻤﻤﻪ ﺷﺒﻴﺞ ﺍﻧﻲ ﺍﺑﻨﺞ ﺍﻟﺠﺒﻴﺮ ﻭ ﺍﺧﻮﻫﺎ ﺍﻟﺠﺒﻴﺮ ﻭﻣﻦ ﺣﻘﻲ ﻫﺬﺍ ﺍﻟﺸﻲ ﻭﺍﻧﻲ ﺍﺷﻮﻑ ﺍﻟﺰﻭﺍﺝ ﻫﺬﺍ ﻛﻠﻪ ﻏﻠﻂ ﻭﺑﻲ ﺍﻟﻒ ﺳﺎﻟﻔﻪ ﻭﺳﺎﻟﻔﻪ ﺑﺲ ﻓﻬﻤﻮﻧﻲ ﻧﺼﺮ ﺷﻠﻮﻥ ﻗﺒﻞ ﺷﻠﻮﻭﻭﻥ ﻳﻤﻪ ﻻ ﺗﺨﺒﻠﻮﻧﻲ ﺍﻧﺘﻲ ﺍﻡ ﻟﻮ ﺷﻨﻮﻭ
- ﻭﻟﻚ ﻫﺎﻱ ﺗﺎﻟﻴﺘﻬﺎ ﺗﻮﻛﻒ ﺑﻮﺟﻬﻴﻲ ﻭﺗﺼﻴﺢ ﻋﻠﻴﻪ ﻫﻴﺞ ﻋﻠﻤﺘﻚ ﻭﺭﺑﻴﺘﻚ ﺍﻧﻲ
- ﻳﻤﻤﻪ ﺍﻧﺘﻲ ﻉ ﻋﻴﻨﻲ ﻭﺭﺍﺳﻲ ﺑﺲ ﺍﻧﺼﺎﻑ ﻣﺎﺗﺰﻭﺝ ﻧﺼﺮ ﻟﻮ ﻉ ﺟﺜﺘﻲ ﻭﺑﺲ ﻫﺬﻫﻮﻭ ﺍﺣﺠﻴﻠﻚ ﻛﻠﻤﻪ ﻳﺎﺑﻪ ﺷﻨﻮ ﻫﺎﻱ
ﺭﻛﻊ ﺍﻟﺒﺎﺏ ﻭﻃﻠﻊ ﻋﻤﺎﺭ ﻣﻌﺼﺐ ﺍﺑﻮﻱ ﻳﺴﺘﻐﻔﺮ ﻭﻳﻬﺰ ﺑﺮﺍﺳﻪ ﻣﺎﺭﺍﺿﻲ ﻭﺍﻣﻲ ﺗﻔﺘﺮ ﻭﺗﻔﻮﺭ ﻧﺎﺭ ﻭﻣﺒﻴﻦ ﺍﻟﺨﻮﻑ ﻭﺍﻟﻘﻠﻖ ﻋﻠﻴﻬﺎ ﻭﺭﺍﺣﺖ ﻓﺮﺣﺘﻬﺎﺍ ﺑﺎﻭﻋﺖ ﻉ ﺍﺑﻮﻱ ﻛﺎﻋﺪ ﻛﺒﺎﻝ ﺍﻟﺘﻠﻔﺰﻭﻥ ﻉ ﺍﻻﺧﺒﺎﺭ ﻭﻛﻠﺴﺎﻉ ﻭﺍﺳﺘﻐﻔﺮ ﻭﻳﻜﺢ ﺍﺧﺬﺗﻠﻪ ﻣﻲ ﺑﺎﻭﻋﻠﻲ ﻣﺒﺘﺴﻢ
ﻭﺍﺑﺘﺴﺎﻣﺘﻪ ﻣﻠﻴﺎﻧﻪ ﺣﺰﻥ ﺍﻣﻲ ﺑﻠﻐﺮﻓﻪ ﻭﻋﻤﺎﺭ ﻣﺎﻛﻮ ﻃﻠﻊ ﻭﺍﻟﻄﻠﻌﻪ ﻃﻠﻌﻪ ﺑﻘﻴﺖ ﻛﺎﻋﺪﻩ ﻭﺍﺣﺲ ﺑﻀﻮﺟﻪ ﻭﻣﻤﻠﻞ ﻣﻮ ﻃﺒﻴﻌﻲ ﺍﺑﺪ ﻟﻮﻳﻦ ﻳﺎﻟﻪ ﺩﺧﻞ ﻋﻤﺎﺭ ﻣﻌﺼﺐ ﻭﻣﺎﻳﺘﺤﺎﺟﻪ
ﺧﻔﺖ ﺍﺣﺎﺟﻲ ﻭﻳﻌﺼﺐ ﺍﻛﺜﺮ ﻋﻔﺘﻪ ﺑﺮﺍﺣﺘﻪ ﻭﺭﺣﺖ ﻧﻤﺖ ﺛﺎﻧﻲ ﻳﻮﻡ ﻛﻌﺪﺕ ﺍﻟﺒﻴﺖ ﻭﺿﻌﻪ ﻣﻜﻬﺮﺏ ﻻ ﺍﺑﻮﻱ ﻭﻻ ﻋﻤﺎﺭ ﻣﻮﺟﻮﺩﻳﻦ ﻭﺍﻣﻲ
ﺿﺎﻳﺠﻪ ﻭﺑﺲ ﺗﺎﻓﺌﻒ ﺍﺧﺬﺕ ﺗﻠﻔﻮﻧﻬﺎ ﻭﺭﺣﺖ ﺩﻛﻴﺖ ﻉ ﺟﻮﺭﻱ ﻣﺤﺘﺎﺟﻪ ﺍﺣﺠﻲ ﻭﻳﻪ ﺍﺣﺪ ﻭﺍﺳﻮﻟﻔﻠﻪ ﻫﻤﻮﻣﻲ ﺍﺣﺲ ﺍﻛﻮ ﻛﻮﻡ ﻣﺎﻝ ﺻﺨﻮﺭ ﻉ ﺻﺪﺭﻱ ﻻ ﺍﻛﺪﺭ ﺍﺷﻴﻠﻬﻦ ﻭﻻ ﺍﻛﺪﺭ ﺍﺗﻨﻔﺲ ﻭﺍﺧﻠﻴﻬﻦ ﺍﻭﻝ ﻣﺎ ﺩﻛﻴﺖ ﻃﻠﻌﺘﻠﻲ ﺍﻣﻬﺎ
- ﺍﻟﻮ ﺧﺎﻟﻪ ﺷﻠﻮﻧﺞ
- ﻫﻼ ﺣﺒﻴﺒﺘﻲ ﻧﺼﻮﻓﻪ ﺍﻟﺤﻤﺪﺍﻟﻠﻪ ﺧﻴﺮ ﻣﺤﺘﺎﺟﻪ ﺷﻲ
- ﺋﺊ ﺍﻱ ﺧﺎﻟﻪ ﻣﻤﻜﻦ ﺍﺣﺎﺟﻲ ﺟﻮﺭﻱ
- ﺍﻱ ﻋﻤﺮﻱ ﻫﺴﻪ ﺍﺻﻴﺤﻬﺎ
ﺍﺟﺘﻲ ﺟﻮﺭﻱ ﺍﻭﻝ ﻣﻜﺎﻟﺖ ﺍﻟﻮﻭ ﺣﺴﻴﺖ ﺍﺩﻣﻮﻋﻲ ﻧﺰﻟﺖ ﻣﺤﺘﺎﺟﻪ ﺣﻈﻦ ﺍﻓﺮﻍ ﺑﻲ ﻛﻞ ﻫﻤﻮﻣﻲ ﻭﺍﺳﻮﻟﻒ ﺍﻟﻲ ﺑﻜﻠﺒﻲ ﺍﺣﺲ ﻛﻞ ﻫﺬﺍ ﻏﻠﻂ ﻭﺧﺎﻳﻔﻪ ﻫﻮﺍﻱ
- ﺷﺒﻴﺞ ﻧﺼﻮﻑ ﺍﻟﻮﻭﻭ ﻧﺼﻮﻓﻪ ﻭﻳﻨﺞ
- ﺟﻮﺭﻱ ﺍﺗﻜﺪﺭﻳﻦ ﺗﺠﻴﻦ ﺍﻟﻨﺎﺍ ﺣﺠﻴﺘﻬﺎ ﻛﻮﻩ ﻭﺍﻧﻲ ﺍﻣﺴﺢ ﺩﻣﻮﻋﻲ ﻫﻲ ﻓﺰﺕ ﻭﻛﺎﻟﺖ
- ﺷﻜﻮ ﺷﺒﻴﺞ ﻭﻟﺞ ﺧﻮﻓﺘﻴﻨﻲ ﻳﻼ ﻫﺴﻪ ﺍﺟﻲ ﺍﺷﻮﻑ ﺍﻣﻲ ﻭﺍﺟﻴﺞ
- ﺍﻱ ﺣﺒﺎﺑﻪ ﺗﻌﺎﻱ .. ﺳﺪﻳﺘﻪ ﻭﺍﻧﻲ ﺍﺑﺠﻲ ﻣﺎﻋﺮﻑ ﺷﺒﻴﻪ ﺿﺎﻳﺠﻪ ﻉ ﻋﻤﺎﺭ ﺍﻟﻲ ﻣﺎﺷﺎﻳﻔﺘﻪ ﻫﻴﺞ ﺍﺑﺪ ﻭﺧﺎﻳﻔﻪ ﻻ ﻣﻦ ﻭﺭﻩ ﻫﺬﺍ ﺭﺿﻮﺍﻥ ﺍﻟﻠﻪ ﺑﻼﻧﻲ ﺑﻲ ﻭﻣﺪﺭﻱ ﻣﻨﻴﻦ ﺟﺎﺑﻪ ﻛﺪﺍﻣﻲ
ﻭﺧﺎﻳﻔﻪ ﻣﻦ ﺍﻣﻲ ﻭﺭﺍﻧﻴﺎ ﻭﺣﺘﻪ ﻣﻦ ﻫﺬﺍ ﻧﺼﺮ ﺍﺣﺲ ﻭﺭﻩ ﺳﺎﻟﻔﻪ ﻟﻴﺶ ﻳﺰﻭﺟﻨﻲ ﺍﻧﻲ ﻣﻨﺪﻭﻥ ﻛﻞ ﺍﻟﺒﻨﺎﺕ ﺍﻛﻴﺪ ﻋﺪﻩ ﺷﻲ
ﺷﻮﻳﻪ ﻭﺍﺟﺖ ﺟﻮﺭﻱ ﻭﺍﻣﻬﺎ ﻛﻴﻔﺖ ﺭﺣﺖ ﺍﻟﻬﺎ ﺭﻛﺾ ﺍﻣﻲ ﺍﺳﺘﻘﺒﻠﺖ ﺍﻡ ﺟﻮﺭﻱ ﻭﻫﻲ ﺗﺒﺠﻲ ﻭﺗﻨﻌﻰ ﻋﺒﺎﻟﻚ ﻣﻴﺘﻠﻬﺎ ﻭﺍﺣﺪ
ﺷﻜﺪ ﺿﻮﺟﺘﻨﻲ ﻣﻦ ﺳﻮﺕ ﻫﻴﺞ ﺍﺧﺬﺕ ﺟﻮﺭﻱ ﻭﻃﻠﻌﺖ ﻣﻦ ﻟﻠﺤﺪﻳﻘﻪ ﻣﺎﺭﻳﺪ ﺍﺑﻘﻪ ﻳﻤﻬﺎ
- ﺷﺒﻴﺞ ﻧﺼﻮﻑ ﺍﻛﻮ ﺷﻲ ﺻﺎﻳﺮ ﺷﻲ
- ﺑﺎﻭﻋﺘﻠﻬﺎ ﻭﺳﻮﻟﻔﺘﻠﻬﺎ ﻛﻠﺸﻲ ﺍﺳﻮﻟﻒ ﻭﺍﺑﺠﻲ ﻫﻲ ﺑﺎﻭﻋﺘﻠﻲ ﺻﻔﺢ ﻭﻛﺎﻟﺖ
- ﺯﻳﻦ ﻫﺴﻪ ﺍﻧﺘﻲ ﻋﻠﻴﻤﻦ ﺗﺒﺠﻴﻦ ﻣﺎﺗﺮﺩﻳﻦ ﺗﺰﻭﺟﻴﻦ ﻟﻮ ﻻﻥ ﺍﻣﺞ ﻭﺍﺧﻮﺝ ﺗﻌﺎﺭﻛﻮ ﻟﻮ ﺷﻨﻮ
- ﻣﺎﻋﺮﻑ ﻛﻠﻬﻦ ﻛﻠﻬﻦ ﺣﺠﻴﺘﻬﺎ ﻭﺑﺠﻴﺖ
- ﺷﻨﻮ ﻫﻦ ﺍﻟﻜﻠﻬﻦ ﻭﻟﺞ ﻻ ﺗﺨﺒﻠﻴﻨﻲ ﺯﻳﻦ ﺍﻧﺘﻲ ﺷﺎﻳﻔﺘﻪ ﺍﻟﻨﺼﺮ ﻣﻮ ﺍﺳﻤﻪ
- ﻫﺰﻳﺖ ﺭﺍﺳﻲ ﻭﺑﺎﻭﻋﺘﻠﻬﺎ ﻭﺍﻧﻲ ﺍﻣﺴﺢ ﺍﺩﻣﻮﻋﻲ
- ﺍﺳﻜﺘﻴﻴﻲ ﻳﺎ ﻛﺎﻓﻲ ﺟﻨﺞ ﺍﻡ ﺣﻤﻮﺩ 24 ﺳﺎﻋﻪ ﺗﺒﺠﻲ ﻭﺗﻨﻌﻪ ﺷﺒﻴﺞ ﺷﻮﻓﻲ ﺍﻧﺘﻲ ﺷﺎﻳﻔﺘﻪ ﻳﻌﻨﻲ ﻓﻜﺮﻳﻦ ﺍﺗﻜﺪﺭﻳﻦ ﺍﺗﺤﺒﻲ ﻭﺍﺗﻌﻴﺸﻴﻦ ﻭﻳﺎﻩ ﻟﻮ ﻻﺍ
ﺑﺎﻭﻋﺘﻠﻪ ﻣﺼﺪﻭﻣﻪ ﺷﻨﻮ ﺍﺣﺒﻪ ﻻﺍﺍﺍﺍ ﻳﻤﻪ ﻳﺨﻮﻑ ﺷﺤﺐ ﻣﻨﻪ ﻭﻟﺞ ﻫﻮ ﺑﺲ ﺻﻠﻌﺘﻪ ﻛﺎﻓﻴﻪ ﺣﺘﻪ ﺍﺗﺨﻠﻴﻨﻲ ﺍﺭﻓﺾ ﻭﺍﺧﺎﻑ
- ﻟﻌﺪ ﻟﻴﺶ ﻭﺍﻓﻘﺘﻲ ﻫﺎﺍﺍ
- ﺭﺍﻧﻴﺎﺍ ﺣﺠﺖ ﻭﻳﺎﻱ ﻭﻗﻨﻌﺘﻨﻲ ﺑﺲ ﻫﺴﻪ ﻣﺎﺭﻳﺪﻩ ﻭﻣﺎﺭﻳﺪ ﻋﻤﺎﺭ ﻳﺘﻌﺎﺭﻙ ﻭﻳﻪ ﺍﻣﻲ ﺷﻠﻮﻥ ﺑﻴﻪ ﺣﻠﻴﻬﺎ ﺍﻟﻲ ﺣﺒﺎﺑﻪ
- ﺯﻳﻦ ﻋﻮﻓﻲ ﺻﻠﻌﺘﻪ ﺗﺪﺑﺮ ﻭﻳﺰﺭﻉ ﺷﻌﺮ ﻭﺗﻨﺘﻬﻲ ﺍﻟﻘﻀﻴﻪ ﺷﻨﻮ ﺍﻟﺸﻲ ﻣﺎﻳﺨﻠﻴﺞ ﺍﺗﻮﺍﻓﻘﻴﻦ ﻋﻠﻴﻪ ﻭﻫﻮ ﻭﺍﻓﻖ ﺧﻠﺺ
- ﻫﻮ ﻫﺬﺍ ﻫﻢ ﻗﺎﻟﻘﻨﻲ ﻟﻴﺶ ﻭﺍﻓﻖ ﻋﻠﻴﻪ ﻣﻨﺪﻭﻥ ﺍﻟﺒﻨﺎﺕ ﻛﻠﻬﻦ ﺍﻟﻪ ﺍﻧﻲ ﺷﻨﻮ ﺍﻟﺴﺒﺐ
- ﻫﻮﺍﻱ ﺍﻛﻮ ﻳﺠﻮﺯ ﺍﻧﻌﺠﺐ ﺑﻴﺞ ﺍﻭ ﻳﺠﻮﺯ ﺍﻣﻪ ﻗﻨﻌﺘﻪ ﺑﺎﻧﺞ ﺧﻮﺵ ﺑﻨﻴﻪ ﺗﺮﺍ ﺍﻓﻜﺎﺭﺝ ﻫﺎﻱ ﺭﺍﺡ ﺍﺗﻌﻢ ﻋﻠﻴﺞ ﺷﻮﻓﻲ ﻧﺼﻮﻑ ﻳﺎ ﺍﻱ ﻳﺎ ﻻ ﺗﺘﺼﻮﺭﻳﻦ ﺍﺫﺍ ﻛﻠﺘﻲ ﻻ ﻭﺻﻔﻴﺘﻲ ﻭﻳﻪ ﻋﻤﺎﺭ ﺍﻣﺞ ﺗﻬﺪﻩ ﻭﺗﻨﺴﻪ ﺍﻭ ﺍﺫﺍ ﻛﻠﺘﻲ ﺍﻱ ﻭﺻﻔﻴﺘﻲ ﻭﻳﻪ ﺍﻣﺞ
ﻋﻤﺎﺭ ﻳﻬﺪﻩ ﻭﻳﻀﻄﺮ ﻳﻮﺍﻓﻖ ﻟﻮ ﻻ ﻓﻜﺮﻱ ﺯﻳﻦ ﻭﺷﻮﻓﻲ ﺷﻨﻮ ﺍﻟﺴﻬﻞ ﺍﻟﺞ ﻭﻣﻨﻮ ﺍﻟﻲ ﻳﻬﻤﻪ ﻗﺮﺍﺭﺝ ﺍﻧﺘﻲ
ﺍﻣﺎ ﻋﻨﻪ ﺻﺪﻛﻲ ﺍﺫﺍ ﻫﻮ ﺧﻮﺵ ﻭﻟﺪ ﻋﻮﻓﻲ ﺻﻠﻌﺘﻪ ﺭﺣﻤﻪ ﺍﻻﻫﻠﺞ ﻭﻋﻮﻓﻲ ﺍﻟﻌﻤﺮ ﻓﻜﺮﻱ ﺑﻐﻴﺮ ﺷﻲ ﻳﻜﻮﻥ ﺷﻲ ﺍﺳﺎﺳﻲ ﺑﺮﻓﻀﺞ ﺍﺫﺍ ﻣﺘﺮﺩﻱ ﺳﺒﺐ ﻗﻮﻱ ﻏﻴﺮ ﻫﺬﻧﻲ ﺍﻟﺨﺎﺑﺼﺘﻨﻲ ﺑﻴﻬﻦ
ﻭﺍﺫﺍ ﻣﺎﻛﻮﻭ ﺍﺯﻭﺟﻲ ﻭﻋﻴﺸﻲ ﻳﻤﻌﻮﺩﻩ ﻛﻠﻨﺎ ﻉ ﻫﻠﻄﺮﻳﻖ ﻭﻛﻠﻨﺎ ﻧﺰﻭﺝ ﺍﺫﺍ ﺯﻳﻦ ﻟﻴﺶ ﺍﺿﻴﻌﻲ ﻣﻦ ﺍﻳﺪﺝ ﻭﺑﻌﺪ ﺍﻟﻘﺮﺍﺭ ﺑﻜﻴﻔﺞ
- ﺻﻔﻨﺖ ﻉ ﻛﻼﻡ ﺟﻮﺭﻱ ﻣﺎﻋﺮﻑ ﺩﻭﺧﺘﻨﻲ ﺍﻛﺜﺮ ﻭﻣﺎﻋﺮﻑ ﺷﺴﻮﻱ ﺑﺲ ﺍﻟﻘﺎﻟﻘﻨﻲ ﻋﻤﺎﺭ ﻫﻮ ﺻﺢ ﻣﺎﻳﺠﺒﺮﻧﻲ ﻉ ﺷﻲ ﻣﺜﻞ ﺍﻣﻲ ﺑﺲ ﺍﺧﺎﻑ ﻫﺬﺍ ﺭﺿﻮﺍﻥ ﻛﺎﻳﻠﻪ ﺷﻲ
ﺑﻘﻴﺖ ﺻﺎﻓﻨﻪ ﻭﺣﺎﻳﺮﻩ ﻣﺎﻋﺮﻑ ﺷﺴﻮﻱ ﺭﺍﺣﺖ ﺟﻮﺭﻱ ﻫﻲ ﻭﺍﻣﻬﺎ ﻭﺍﻧﻲ ﺑﻘﻴﺖ ﺍﻟﻒ ﻓﻜﺮﻩ ﺑﺒﺎﻟﻲ ﻣﺎﻋﺮﻑ ﺷﺴﻮﻱ ﺍﺟﻪ ﻋﻤﺎﺭ ﺑﻠﻴﻞ ﺍﻣﻲ ﺟﺎﻧﺖ ﺑﻠﻐﺮﻓﻪ ﻭﻣﻦ ﺍﻟﺒﺎﺭﺣﻪ ﻣﺤﺪ ﻳﺤﺠﻲ ﻭﻳﻪ ﺍﻻﺥ
- ﻋﻤﺎﺭ ﺍﺣﺠﻲ ﻭﻳﺎﻙ
ﺑﺎﻭﻋﻠﻲ ﺑﻨﺺ ﻋﻴﻦ ﻭﺑﻌﺪﻳﻦ ﺍﺷﺮ ﺍﻟﻲ ﻭﺳﻮﺍﻟﻲ ﻣﻜﺎﻥ ﺑﺼﻔﻪ ﻛﻤﺖ ﺭﺣﺖ ﺍﻟﻪ ﻭﺍﻧﻲ ﺍﺣﻈﻨﻪ
- ﺗﺪﺭﻱ ﺷﻜﺪ ﺍﺣﺒﻚ ﺍﻧﺖ ﻣﻮ ﺑﺲ ﺍﺧﻮﻳﻪ ﻻ ﺍﻧﺖ ﺻﺪﻳﻘﻲ ﻭﺍﺑﻮﻱ ﻣﺎﺍﻧﺴﻪ ﺍﻟﻲ ﺳﻮﻳﺘﻪ ﺍﻟﻲ ﺍﻧﻲ ﻭﺻﻐﻴﺮﻩ ﻳﺎﻣﺎ ﺣﻤﻴﺘﻨﻲ ﻣﻦ ﺍﻣﻲ ﻭﺿﺮﺑﺎﺗﻬﺎ ﻭﻋﻘﻮﺑﺎﺗﻬﺎ ﻭﻳﺎﻣﺎ ﻭﻳﺎﻣﺎ ﻭﺣﺘﻪ ﻫﺴﻪ ﺍﻧﺖ ﻭﻛﻔﺖ ﺑﻮﺟﻬﻪ ﺍﻣﻲ ﻋﻠﻤﻮﺩﻱ
ﻋﻤﺎﺭ ﺷﻨﻮ ﺳﺒﺐ ﺭﻓﻀﻚ ﺍﻟﻨﺼﺮ ﻛﻮﻟﻲ ﺣﺘﻪ ﺍﻧﻲ ﻫﻢ ﺍﺭﻓﻀﻪ ﻭﻳﺎﻙ ﻭﺍﻭﻛﻒ ﺑﻮﺟﻪ ﺍﻣﻲ ﺑﺲ ﺍﺫﺍ ﻣﺎﻛﻮ ﺳﺒﺐ ﻟﻴﺶ ﻫﻴﺞ ﺍﺳﻮﻱ
ﺑﺎﻭﻋﻠﻲ ﻭﻋﻴﻮﻧﻪ ﻫﻮﺍﻱ ﺣﺠﻲ
- ﻧﺼﻮﻓﻪ ﺍﻣﻲ ﺍﻋﺮﻓﻬﺎ ﻛﻠﺶ ﺯﻳﻦ ﻫﻲ ﻛﻞ ﻫﻤﻬﺎ ﺍﻟﻔﻠﻮﺱ ﻭﺍﻟﻜﺸﺨﻪ ﻭﻣﺎﻳﻬﻤﺎ ﺍﺫﺍ ﺍﻧﺘﻲ ﺳﻌﻴﺪﻩ ﺍﻭ ﻻ ﺍﻧﻲ ﻧﺼﺮ ﻣﺎﺷﺎﻳﻒ ﻋﻨﻪ ﺷﻲ ﻣﻮ ﺯﻳﻦ ﺍﻟﻠﻪ ﺷﺎﻫﺪ ﻭﻫﻮ ﻭﻟﺪ ﺫﺭﻩ ﻣﺎﻝ ﺍﻟ
ﻠﻪ ﻭﻛﻠﻬﺎ ﺗﺤﻠﻒ ﺑﻲ
ﻭﺷﻜﺪ ﺷﺎﻳﻒ ﺍﻧﻲ ﺿﺒﺎﻁ ﺑﺲ ﻳﻜﻮﻧﻮﻥ ﻧﺴﻮﻧﺠﻴﻪ ﺍﻟﻪ ﻫﻮ ﻣﺎﻓﺪ ﻳﻮﻡ ﺑﺎﻭﻉ ﻉ ﺑﻨﻴﻪ ﺍﻭ ﺳﻮ ﻣﻦ ﺍﻟﻲ ﻳﺴﻮﻭ ﺍﺻﺪﻗﺎﺋﻪ ﺍﻟﻀﺒﺎﻁ ﻣﻮ ﻋﺒﺎﻟﺞ ﻣﺎﻋﺮﻓﻪ ﺍﻟﻨﺼﺮ ﺍﻋﺮﻓﻪ ﻛﻠﺶ ﺯﻳﻦ ﻭﻫﻮ ﻣﻮ ﺑﺲ ﺣﻤﺎﻫﺎ ﺍﻻﺧﺘﻲ ﻻ ﻫﻮ ﺻﺪﻳﻘﻲ ﻭﺍﻋﺮﻓﻪ ﻛﻠﺶ ﺯﻳﻦ
ﺭﺍﺡ ﻳﺴﻌﺪﺝ ﻭﺷﻨﻮ ﺍﻃﻠﺒﻲ ﻳﺼﻴﺮ ﻛﺪﺍﻣﺞ ﻣﺤﺪ ﻳﺤﺮﻣﺞ ﻣﻦ ﺷﻲ ﻭﺭﺍﺡ ﻳﺼﻴﻠﺞ ﺍﺏ ﻭﺍﺥ ﻗﺒﻞ ﻻ ﻳﻜﻮﻥ ﺯﻭﺝ ﻭﻳﺼﻴﻠﺞ ﺻﺪﻳﻖ ﻗﺒﻞ ﺍﻟﺤﺒﻴﺐ ﺑﺲ ﻳﺎ ﺍﻧﺼﺎﻑ
ﻣﺎﺭﻳﺪﺝ ﺍﺗﻜﻮﻧﻴﻦ ﻟﻌﺒﻪ ﺑﻴﺪ ﺍﻣﻲ ﻭﺭﺍﻧﻴﺎ ﺍﺩﺭﻱ ﺑﻴﻬﻦ ﻫﻦ ﻣﻦ ﺧﻄﻄﻦ ﻫﻴﺞ ﻭﺍﻟﻠﻪ ﺍﻋﻠﻢ ﺭﺍﻧﻴﺎ ﺷﻠﻮﻥ ﻗﻨﻌﺘﻪ ﺍﻟﻨﺼﺮ ﻭﻭﺍﻓﻖ ﻻﻥ ﺍﻋﺮﻓﻪ ﻛﻠﺶ ﺯﻳﻦ ﻣﺎﻳﻘﺒﻞ ﺑﻀﻠﻢ ﻭﺯﻭﺍﺟﺞ ﻣﻨﻪ ﻇﻠﻢ ﺍﻟﺞ ﻻﻥ ﺟﺒﻴﺮ
ﺑﺲ ﺍﺍﺍﺍﺥ ﻣﻦ ﺭﺍﻧﻴﺎ ﺷﻠﻮﻥ ﻗﻨﻌﺘﻪ ﻣﺎﻋﺮﻑ ﻟﻮ ﻣﺎﻋﺮﻑ ﺑﻴﻬﺎ ﻭﺍﺧﺘﻲ ﺟﺎﻥ ﻛﻠﺖ ﺳﺤﺮﺗﻪ ﺑﺲ ﻣﺴﻮﻳﻬﻪ ﺍﻛﻴﺪ ﺫﺑﺘﻠﻪ ﻛﻢ ﻛﻠﻤﻪ ﻛﺪﺍﻡ ﺍﻣﻪ ﻭﺍﻣﻪ ﻫﻲ ﺍﻟﻘﻨﻌﺘﻪ ﺷﻮﻓﻲ ﺣﺒﻴﺒﺘﻲ ﻧﺼﻮﻑ
ﺍﻧﻲ ﻣﻮ ﺿﺪ ﺯﻭﺍﺟﺞ ﻣﻦ ﻧﺼﺮ ﺍﻧﻲ ﺿﺪ ﻣﺼﻠﺤﺖ ﺍﻣﻲ ﻭﺭﺍﻧﻴﺎ ﺑﻬﺬﺍ ﺍﻟﺰﻭﺍﺝ ﻻﻥ ﻣﺘﺎﻛﺪ ﺍﺫﺍ ﺍﺯﻭﺟﺘﻲ ﻉ ﻣﺼﻠﺤﺘﻬﻦ ﻣﺎﺭﺍﺡ ﺗﺮﺗﺎﺣﻴﻦ ﻭﻟﻮ ﺍﺗﻤﻨﺎﻟﺞ ﺍﻟﺨﻴﺮ ﺍﻧﻲ ﻭﺍﺗﻤﻨﺎﻟﺞ ﻭﺍﺣﺪ ﻣﺜﻞ ﻧﺼﺮ ﻳﺤﻤﻴﺞ ﻭﻳﺴﻨﺪﺝ
- ﻳﻌﻨﻲ ﺍﻧﺖ ﻋﺒﺎﻟﻚ ﺭﺍﻧﻴﺎ ﺭﺍﺡ ﺍﺿﺮﻧﻲ ﻭﺍﺗﻤﺴﻨﻲ ﺑﺴﻮﺀ ﺍﺫﺍ ﺍﺯﻭﺟﺖ ﺯﻳﻦ ﺍﺫﺍ ﻫﻮ ﺯﻳﻦ ﺍﻧﻲ ﺷﻌﻠﻴﻪ ﺑﺮﺍﻧﻴﺎ ﻭﺍﻣﻲ ﺍﻧﻲ ﺭﺍﺡ ﺍﻋﻴﺶ ﻭﻳﺎﻩ ﻣﻮ ﻭﻳﺎﻫﻦ ﻭﺷﻮﻥ ﺭﺍﺡ ﻳﻜﻮﻥ ﺯﻭﺍﺟﻲ ﻣﺼﻠﺤﻪ ﺍﻟﻬﻦ ﻣﺎﺩﺍﻓﻬﻤﻚ ﻋﻤﺎﺭ
- ﺍﺥ ﻳﺎﺑﻪ ﻭﻳﺮﺩﻭﻥ ﻳﺰﻭﺟﻮﺝ ﻭﺍﻧﺘﻲ ﻛﻠﻤﺘﻴﻦ ﻣﺎﺍﺗﻔﻬﻤﻴﻬﻦ ﺷﻠﻮﻥ ﺭﺍﺡ ﺍﺗﻔﻬﻤﻴﻦ ﺍﻟﺰﻭﺝ ﺑﻼ
- ﺷﻨﻮ ﻗﺼﺪﻙ ﺍﻧﻲ ﺻﻐﻴﺮﻩ ﻣﻮﻭﻭ ﻟﻴﺶ ﻫﻴﺞ ﺍﺳﻮﻱ ﺭﻭﺡ ﻣﺎﺍﺣﺠﻲ ﻭﻳﺎﻙ
- ﻟﺞ ﺗﻌﺎﺍﻱ ﺧﻞ ﺍﻧﻜﻤﻞ ﻭﺍﻧﻔﻆ ﺍﻟﺴﺎﻟﻔﻪ ﺍﻟﻨﺎﺱ ﺑﺎﺟﺮ ﺗﺠﻲ ﺷﻮﻓﻲ ﺍﻧﺘﻲ ﺗﺮﺩﻱ ﻟﻮ ﻻﺍ ﻛﻮﻟﻲ ﺍﻟﺼﺮﺍﺣﻪ
- ﻫﺎﺍﺍﺍﺍ ﺷﻨﻮﻭ
- ﺗﺮﺩﻱ ﻟﻮ ﻻﺍﺍ
- ﺷﻨﻮ ﻫﻮ ﻋﻠﻴﻤﻦ ﺗﺤﺠﻲ
- ﻭﻟﺠﺞ ﻏﺒﻴﻴﻴﻴﻪ ﻋﻠﻴﻤﻦ ﺍﺣﺠﻲ ﻃﻠﻌﺖ ﺣﺠﺎﻳﻪ ﻫﺴﻪ ﻟﻮ ﻧﺼﺮ ﻫﻨﺎ ﺟﺎﻥ ﻋﻠﻜﻨﻲ ﺑﻠﻤﺮﻭﺣﻪ ﻟﺞ ﺍﺣﺠﻲ ﻉ ﻧﺼﺮ ﻳﺎ ﺛﻮﻟﻪ ﺗﺮﺩﻱ ﻟﻮ ﻻﺍ
- ﻣﺎﺩﺭﻱ ﺑﻜﻴﻔﻚ ﺍﺫﺍ ﻫﻮ ﺯﻳﻦ
- ﻟﺞ ﻻ ﺗﻜﻮﻟﻴﻦ ﺍﺫﺍ ﻫﻮ ﺯﻳﻦ ﺗﺮﺍ ﻫﻮ ﺫﺭﻩ ﻣﺎﻝ ﺍﻟﻠﻪ ﺑﺲ ﺍﻧﻲ ﺧﺎﻳﻒ ﻣﻦ ﺭﺍﻧﻴﺎ ﻭﺍﻣﻲ ﻭﺍﺧﺎﻑ ﻻ ﺭﺍﻧﻴﺎ ﺍﺗﺮﻭﺡ ﺍﺟﺮﺝ ﻭﺻﻴﺮﻳﻦ ﻣﺜﻠﻬﺎ ﻭﻫﻨﺎﺍ ﻧﺼﺮ ﺗﺮﺭﺍ ﻳﺮﺟﻌﺞ ﺍﻟﻨﺎ ﻭﻟﻠﻪ ﻳﺘﺨﺒﻞ ﻣﻦ ﻫﻴﺞ ﺗﺼﺮﻓﺎﺕ ﻭﻣﻦ ﺍﻟﺘﺒﺬﺭ
- ﺑﺲ ﺍﻧﺖ ﺗﺪﺭﻱ ﺑﻴﻪ ﻣﺴﺘﺤﻴﻞ ﺍﺻﻴﺮ ﻣﺜﻞ ﺭﺍﻧﻴﺎ ﻭﺩﺍﺋﻤﺎ ﺍﻧﺼﺤﻬﺎ ﻭﺍﺣﺠﻲ ﻭﻳﺎﻫﺎ ﺑﺲ ﻫﻲ ﻣﺎﺗﺴﻤﻊ ﻣﻨﻲ ﻭﻋﺒﺎﻟﻬﺎ ﺍﻧﻲ ﺩﺍﻧﻘﺺ ﻣﻨﻬﺎ ﻭﺍﺗﻜﻮﻡ ﺍﺻﻴﺢ ﻫﻲ ﻭﺍﻣﻲ
ﺑﺲ ﻣﺴﺘﺤﻴﻞ ﻳﺎﻋﻤﺎﺭ ﺍﺻﻴﺮ ﻣﺜﻠﻬﻦ ﺍﺑﺪﺩﺩ ﻭﻭﻋﺪ ﻣﻨﻲ ﻟﻮ ﺍﻣﻮﺕ ﻣﺎﺍﺻﻴﺮ ﻣﺜﻠﻬﻨﻦ
ﺍﺑﺘﺴﻢ ﻭﻫﻮ ﻳﻤﺴﺢ ﻉ ﺷﻌﺮﻱ
- ﻛﻴﻔﺞ ﻟﻌﺪ ﺍﺫﺍ ﺗﺮﺩﻱ ﻭﺍﻓﻘﻲ ﻭﺍﻧﻲ ﺑﻀﻬﺮﺝ ﻭﺍﺫﺍ ﻣﺘﺮﺩﻱ ﺍﺑﺪﺩ ﻻ ﺗﺨﺎﻓﻴﻦ ﻭﺍﻧﻲ ﻫﻢ ﺑﻀﻬﺮﺝ ﻭﺍﻭﻛﻒ ﺑﻮﺟﻪ ﺍﻣﻲ ﻭ ﺑﻮﺟﻪ ﺍﻟﻜﻞ ﺍﻫﻢ ﺷﻲ ﺍﻧﺖ ﻗﺎﻧﻌﻪ
ﻋﺎﻓﻨﻲ ﻭﻫﻮ ﻳﻤﺴﺢ ﻉ ﺷﻌﺮﻱ ﻭﻧﺎﻡ ﻛﻤﺖ ﻧﻤﺖ ﺑﻔﺮﺍﺷﻲ ﻭﺍﻧﻲ ﺻﺎﻓﻨﻪ ﻉ ﻛﻼﻡ ﻋﻤﺎﺭ ﻳﻌﻨﻲ ﻫﺴﻪ ﺍﻟﻘﺮﺍﺭ ﺑﻴﺪﻱ ﺍﻭﺍﻓﻖ ﻟﻮ ﻻ ﺑﺲ ﺻﻞ ﺍﻭﻭﻭ ﺍﻧﺼﺎﻑ ﻧﺴﻴﺘﻲ ﻛﻼﻡ ﺟﻮﺭﻱ ﻣﻮ ﻣﻬﻢ ﻋﺎﺩﻱ ﺍﻛﻮ ﺍﻟﻒ ﻃﺮﻳﻘﻪ ﻭﻧﺨﻠﺺ ﻣﻦ ﺍﻟﺼﻠﻌﻪ ﻭﺑﻌﺪﻳﻦ ﺷﺒﻴﻬﺎ ﺷﻮ ﻣﻄﻴﺘﻪ ﺭﻭﻧﻖ ﻭﺟﻤﺎﻝ ﻭﺣﺘﻪ ﻫﻴﺒﻪ
ﻫﺎﺍ ﺍﻧﺼﺎﻑ ﺑﺪﻳﻨﻪ ﺷﻮ ﻣﻦ ﻫﺴﻪ ﺍﺯﺣﻔﻴﻦ ﻋﻠﻴﻪ ﻫﺴﻪ ﺍﻧﻲ ﺷﺤﺠﻴﺖ ﻭﺯﺣﻔﺖ ﺻﺮﺕ ﺍﺣﺠﻲ ﻭﻳﻪ ﺭﻭﺣﻲ ﻣﺜﻞ ﺍﻟﻤﺨﺒﻠﻪ ﻟﺤﺪ ﻣﺎﻏﻔﻴﺖ ﻛﻌﺪﺕ ﺍﻟﺼﺒﺢ ﺍﻣﻲ ﻣﻄﻨﻜﺮﻩ ﻭﺗﻔﺘﺮ ﻭﺗﻨﻀﻒ
ﻭﺍﻧﻲ ﺻﺎﻓﻨﻪ ﺍﻭﺍﻓﻖ ﻟﻮ ﻻ ﺍﺫﺍ ﻫﻮ ﺣﺒﺎﺏ ﻭﺯﻳﻦ ﻟﻴﺶ ﻻ ﻭﻛﻼﻡ ﻋﻤﺎﺭ ﺍﻟﺒﺎﺭﺣﻪ ﺧﻼﻧﻲ ﺍﺣﺐ ﺍﻋﻴﺶ ﻭﻳﺎﻩ ﻭﺍﻛﺘﺸﻒ ﺷﺨﺼﻴﺘﻪ ﻟﻬﺬﺍ ﺍﻻﺻﻠﻊ ﺍﺍﺍﺍ ﻧﺼﺮ ﻧﺼﺮ ﻟﺞ ﺍﻧﺼﺎﻑ ﻧﺼﺮ ﻧﺼﺮ ﺍﺳﻤﻪ ﻋﻮﺩ ﻓﻀﺤﻲ ﺭﻭﺣﺞ
ﻭﻛﻮﻟﻲ ﻛﺪﺍﻣﻪ ﺍﺻﻠﻊ ﺣﺘﻪ ﻳﻌﻠﻜﺞ ﺑﻠﻤﺮﻭﺣﻪ ﻉ ﻛﻮﻟﺖ ﻋﻤﺎﺭ ﻳﻤﻪ ﻳﻌﻨﻲ ﺍﻟﺸﻲ ﺍﻟﻤﺎﻳﻌﺠﺒﻪ ﻳﻌﻠﻜﻨﻲ ﺑﻠﻤﺮﻭﺣﻪ ﻻﻻ ﺑﻄﻠﺖ ﻣﺎﺭﻳﺪﻩ ﺍﻱ ﺷﻨﻮ ﺑﺎﻳﻌﻪ ﺭﻭﺣﻲ
ﺍﺫﻛﺮﺕ ﻛﻼﻡ ﺭﺍﻧﻴﺎ ﻭﺷﻠﻮﻥ ﺍﺫﺍ ﺑﻘﻴﺖ ﻫﺬﺍ ﻣﺎﺣﺒﻪ ﻭﻫﺬﺍ ﻫﻴﺞ ﻭﺫﺍﻙ ﻫﻴﺞ ﺍﻋﻨﺲ ﻭﺍﺑﻘﻪ ﻭﻣﻦ ﺟﻬﻪ ﻛﻼﻡ ﺍﻣﻲ ﺍﻟﻲ ﻣﺎﻳﺨﻠﺺ ﻭﻛﻼﻡ ﺍﻟﻨﺎﺱ
ﺍﻭﺍﻓﻖ ﺍﺣﺴﻦ ﺍﻱ ﻭﺍﺧﻠﺺ ﻣﻦ ﺍﻣﻲ ﻭﻧﻜﻬﺎ ﺍﻟﻲ ﺷﻨﻮ ﻳﻌﻨﻲ ﻫﻴﺞ ﺿﺎﻟﻢ ﻻ ﻋﻤﺎﺭ ﻛﺎﻝ ﻫﻮ ﻣﻮ ﻇﺎﻟﻢ ﺍﻱ ﻫﺬﻫﻮ ﻛﻤﺖ ﺍﻻﻣﻲ ﻭﺍﻧﻲ ﺍﻣﺸﻲ ﺧﻄﻮﻩ ﻭﺍﺭﺟﻊ ﻋﺸﺮﻩ ﺧﻄﻮﺍﺕ
ﻭﻛﻔﺖ ﻛﺪﺍﻣﻬﺎ ﻭﻫﻲ ﺗﻨﻀﻒ ﻭﺗﺤﻮﺱ ﻛﺎﻋﺪﻩ ﺍﺳﻮﻱ ﻣﻌﺠﻨﺎﺕ ﺑﺎﻭﻋﺘﻠﻬﺎ ﻭﻫﻤﺴﺘﻠﻬﺎ ﻳﻤﻪ
ﺑﺎﻭﻋﺘﻠﻲ ﻭﺭﺟﻌﺖ ﺩﻧﻜﺖ ﻉ ﺍﻟﻤﻌﺠﻨﺎﺕ
- ﺷﺘﺮﺩﻳﻦ ﺧﻴﺮﺝ
- ﻳﻤﻪ ﺍﻧﻲ ﺍﻥ ﻱ ﺍﻧﻲ
- ﺷﺒﻴﺞ ﺍﺗﺌﻨﺌﻨﻴﻦ ﻟﻮ ﺗﺤﺠﻴﻦ ﻟﻮ ﺗﻮﻟﻴﻦ ﻋﺪﻱ ﺷﻐﻞ ﻭﺍﺻﻞ ﻟﺮﺍﺳﻲ
- ﺋﺌﺊ ﺍﻧﻲ ﺍﺭﻳﺪ ﺍﻛﻠﺞ ﻳﻌﻨﻲ ﺍﻧﻲ ﻣﻢ ﻣﻮﺍﻓﻘﻪ
ﺑﺎﻭﻋﺘﻠﻲ ﺑﺼﺪﻣﻪ ﻭﻛﺎﻟﺖ ﻋﻠﻴﻤﻦ ﻣﻮﺍﻓﻘﻪ
- ﺍﺋﺌﺊ ﻉ ﻧﺼﺮ ﺣﻤﺎﻫﺎ ﺍﻟﺮﺍﻧﻴﺎ ﻋﻤﺎﺭ ﺍﻟﺒﺎﺭﺣﻪ ﻛﺎﻝ ﺍﻟﻘﺮﺍﺭ ﺑﻴﺪﺝ ﻭﺍﻧﻲ ﻣﻮﺍﻓﻘﻪ
- ﺻﺪﻙ ﺗﺤﺠﻴﻨﻨﻦ ﻭﻟﺞ ﻳﻤﻪ ﻳﻮﻡ ﺍﻟﻤﻨﻰ ﻭﺍﻟﻠﻪ ﻛﻜﻠﻠﻮﻭﻭﻭﻭﻭﺷﺸﺸﺶ
ﺗﻌﺎﻱ ﺗﻌﺎﻱ ﺍﺑﻮﺳﻨﺞ ﻭﺍﻟﻠﻪ ﺍﻟﻴﻮﻡ ﺍﻧﻲ ﺍﻓﺮﺡ ﻭﺣﺪﻩ ﺑﻠﻌﺎﻟﻢ ﻇﻠﺖ ﺍﺗﺒﻮﺱ ﺑﻴﻪ ﻭﻣﻤﺼﺪﻛﻪ ﻓﺮﺣﺎﻧﻪ ﻛﺎﻣﺖ ﺗﺸﺘﻐﻞ ﻭﺗﻀﺤﻚ
ﻭﺍﻧﻲ ﺻﺎﻓﻨﻪ ﻣﺎﻋﺮﻑ ﺍﻟﻲ ﺳﻮﻳﺘﻪ ﺻﺢ ﻟﻮ ﻏﻠﻂ ﺑﺲ ﺍﻻﻋﺮﻓﻪ ﺍﻧﻲ ﻓﺮﺣﺖ ﺍﻫﻠﻲ ﻭﻫﺬﺍ ﺍﻛﻴﺪ ﻳﺮﺿﻰ ﺭﺏ ﺍﻟﻌﺎﻟﻤﻴﻦ
ﻭﺭﻩ ﺍﻟﻐﺪﻩ ﻃﺒﺒﺘﻨﻲ ﺍﻣﻲ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ ﻟﻜﻴﺘﻬﺎ ﻣﺤﻈﺮﺗﻠﻲ ﺛﻮﺏ ﻛﻠﻮﺷﻪ ﻳﻮﺻﻞ ﻟﺤﺪ ﺭﻛﺒﻲ ﺍﺑﻴﺾ ﻭﻭﺭﺩﻱ ﺑﺲ ﺣﺰﺍﻡ ﻭﺭﺩﻱ ﻭﻫﻮ ﺍﺑﻴﺾ ﻭﺍﻛﻮ ﺩﺍﻧﺘﻴﻞ ﻭﺭﺩﻱ ﺑﻨﻬﺎﻳﺔ ﺍﻟﺮﺩﺍﻥ ﻭﺑﻨﻬﺎﻳﺔ ﺍﻟﺜﻮﺏ ﻣﻦ ﺟﻮﻩ ﻭﺍﻛﻮ ﻭﺭﺩ ﻭﺭﺩﻱ ﺑﻨﺺ
ﺷﺴﻮﺭﺕ ﺷﻌﺮﻱ ﻭﺧﻠﻴﺘﻪ ﻣﻔﺘﻮﺡ ﻭﺷﻠﺖ ﻣﻨﻬﺎ ﺷﻮﻱ ﻣﻦ ﻛﺪﺍﻡ ﻣﻦ ﺍﻟﺠﻮﺍﻧﺐ ﻭﺷﺪﻳﺘﻪ ﻭﺧﻠﻴﺘﻪ ﻣﻦ ﻭﺭﻩ ﻣﻔﺘﻮﺡ ﻭﺷﻮﻳﻪ ﻭﺍﻧﺪﻙ ﺍﻟﺒﺎﺏ ﻃﻠﻌﺖ ﺍﻣﻲ ﺗﻔﺘﺤﻬﺎ ﻭﺍﻧﻲ ﺑﻠﻐﺮﻓﻪ ﺧﺎﻳﻔﻪ ﻭﻉ ﺳﺎﻋﻪ ﺍﻏﻴﺮ ﻗﺮﺍﺭﻱ ﻭﺍﺑﻄﻞ
ﺳﻤﻌﺖ ﺻﻮﺕ ﺭﺍﻧﻴﺎ ﻭﺑﺠﻲ ﺑﺘﻬﺎ ﺭﺯﺍﻥ ﻭﺍﺩﺭﺩﻡ ﻏﺰﻝ
ﺷﻮﻱ ﻭﺻﺎﺣﺘﻠﻲ ﺍﻣﻲ ﻃﻠﻌﺖ ﺳﻠﻤﺖ ﻋﻠﻴﻬﻦ ﺟﺎﻧﺖ ﻋﻤﺘﻬﺎ ﺍﻟﺮﺍﻧﻴﺎ ﻭ ﺭﺍﻧﻴﺎ ﻭﺣﻤﺎﺗﻬﺎ ﺍﺧﺘﻪ ﺍﻟﻨﺼﺮ ﺍﻟﺠﺒﻴﺮﻩ ﺍﻭﻝ ﻣﺮﻩ ﺍﺷﻮﻓﻬﺎ
ﻭﻭﻳﺎﻫﺎ ﺑﻨﻴﻪ ﺗﻄﻠﻊ ﺑﻜﺒﺮﻱ ﺍﻭ ﺍﺻﻐﺮ ﺑﺸﻮﻳﻪ
ﺳﻠﻤﺖ ﻭﻗﺪﻣﺖ ﺍﻟﻌﺼﻴﺮ ﻭﺍﻧﻲ ﺍﺭﺟﻒ ﻭﺍﺣﺲ ﻛﻠﺒﻲ ﺭﺍﺡ ﻳﻄﻠﻊ ﻣﻦ ﻣﻜﺎﻧﻪ ﻋﻤﺖ ﺭﺍﻧﻴﺎ ﻃﻮﻝ ﻣﺎ ﻫﻲ ﻛﺎﻋﺪﻩ ﺑﺲ ﺗﺒﺎﻭﻋﻠﻲ ﻭﺗﻀﺤﻚ ﻭﺍﺻﻠﻲ ﻉ ﻣﺤﻤﺪ ﻭﺍﻝ ﻣﺤﻤﺪ ﻭﻭﻣﺼﺪﻛﻪ
ﺍﺳﻤﻌﻬﺎ ﺍﺗﻜﻮﻝ ﺍﻻﻣﻲ
- ﺍﻡ ﻋﻤﺎﺭ ﻣﺎﺻﺪﻛﻴﻦ ﺍﻟﻔﺮﺣﻪ ﺍﻻﻧﻲ ﺑﻴﻬﺎ ﻭﺍﻟﻠﻪ ﻣﻦ ﺍﺟﻪ ﻭﻛﺎﻝ ﺍﻱ ﻣﻮﺍﻓﻖ ﺧﻄﺒﻴﻬﺎ ﺭﺩﺕ ﺍﺭﻛﺺ ﻭﺍﻫﻠﻬﻞ ﻟﻠﺼﺒﺢ ﻫﺬﺍ ﺑﺠﺮﻱ ﻭﻓﺮﺣﺘﻲ
ﻭﺍﺧﻴﺮﺍ ﺭﺍﺡ ﺍﺷﻮﻓﻪ ﻣﺰﻭﺝ ﻭﻣﺴﺘﻘﺮ ﻋﻴﻨﻲ ﺑﺎﺭﺩﻩ ﻉ ﻧﺼﻮﻓﻪ ﺍﺗﺨﺒﻞ ﻭﺍﻟﻠﻪ ﻣﺎﺻ
ﺪﻙ ﺭﺍﺡ ﺍﺻﻴﺮ ﺟﻨﺘﻲ
ﻭﺻﺎﺭﻥ ﻳﺤﺠﻲ ﻭﺍﻧﻲ ﻋﻔﺘﻬﻦ ﻭﻛﻤﺖ ﺧﺠﻼﻧﻪ ﺿﻠﻦ ﻫﻦ ﻟﻠﻤﻐﺮﺏ ﻭﻛﺎﻟﻦ ﺍﺣﻨﻪ ﺍﻧﺮﻭﺡ ﻭﺭﺩﻳﻠﻨﺎ ﺍﻟﺨﺒﺮ ﺍﻻﻛﻴﺪ ﻋﻠﻤﻮﺩ ﺍﺫﺍ ﺍﻟﻠﻪ ﺭﺍﺩ ﻭﺍﻛﻮ ﻗﺴﻤﻪ ﺍﻟﺠﻤﻌﻪ ﺍﻟﺠﺎﻳﻪ ﺍﻟﻤﺸﻴﻪ ﻭﺍﻟﻌﻘﺪ
- ﺍﻧﺸﺎﺀﺍﻟﻠﻪ ﺍﻡ ﻧﺼﺮ ﺍﻧﺸﺎﺀﺍﻟﻠﻪ ﺧﻴﺮ ﺗﺘﺪﻟﻠﻮﻥ ﻣﻴﺔ ﻫﻼ ﺑﻴﻜﻢ ﻭﺍﻟﻠﻪ ﻟﻮ ﺍﺿﻠﻮﻥ ﻳﻤﻨﺎ ﻭﺑﺎﺟﺮ ﺗﺮﺟﻌﻮﻥ
ﺣﺠﺖ ﺣﻤﺎﺗﻬﺎ ﺍﻟﺮﺍﻧﻴﺎ ﺯﻫﺮﺍﺀ : ﻻﺍ ﺧﺎﻟﻪ ﺭﺟﻠﻲ ﻳﻨﺘﻀﺮﻧﺎ ﺣﺘﻪ ﻧﺮﺟﻊ ﻻﻥ ﻣﺎﻧﻜﺪﺭ ﻏﻴﺮ ﻳﻮﻡ ﺍﻧﺸﺎﺀﺍﻟﻠﻪ
ﺣﺎﻭﻟﺖ ﺍﻣﻲ ﺭﺍﺩﺕ ﺑﺲ ﻫﻦ ﻣﺎﻗﺒﻠﻦ ﺭﺍﺣﻦ ﻭﺭﺍﻧﻴﺎ ﻓﺮﺣﺎﻧﻪ ﻭﺗﻐﻤﺰ ﺍﻟﻲ ﺭﺍﺣﻦ ﻭﺍﻧﻲ ﺭﻛﺾ ﺑﺪﻟﺖ ﻭﻋﺪﻟﺖ ﺭﻭﺣﻲ ﺍﺣﺲ ﻣﺴﻮﻱ ﺷﻲ ﻏﻠﻂ
ﺍﺣﺲ ﻛﻞ ﻫﺬﺍ ﻏﻠﻂ ﻭﻣﺎ ﻻﺯﻡ ﻳﺼﻴﺮ ﺑﺲ ﻣﻮ ﺑﻴﺪﻱ ﺍﺑﺪ ﻟﻠﻴﻞ ﺍﺟﻪ ﻋﻤﺎﺭ ﻭﺍﺑﻮﻳﻪ ﻭﺳﻮﻟﻔﺘﻠﻬﻢ ﺍﻣﻲ ﻛﻠﺸﻲ ﺷﻔﺖ ﻋﻤﺎﺭ ﺑﺎﻭﻋﻠﻲ ﻭﻫﺰ ﺭﺍﺳﻪ ﺭﺍﺿﻲ ﻉ ﻗﺮﺍﺭﻱ ﺑﺲ ﺍﻛﻮ ﺑﻌﻴﻮﻧﻪ ﻗﻠﻖ ﻋﻤﺎﺭ ﺍﻋﺮﻓﻪ ﻛﻠﺶ ﺯﻳﻦ
ﺍﻛﺜﺮ ﻣﻦ ﺭﻭﺣﻲ ﻻﻥ ﻫﻮ ﺍﻟﻲ ﺭﺑﺎﻧﻲ ﻭﺩﺍﺋﻤﺎ ﻭﻳﺎﻩ ﻟﻬﺬﺍ ﺍﻋﺮﻑ ﻛﻠﺸﻲ ﻋﻨﻪ ﻣﺎﺣﺠﻪ ﺷﻲ ﻭﻛﺎﻝ ﺍﻟﻘﺮﺍﺭ ﺑﻴﺪ ﺍﻧﺼﺎﻑ ﻭﺍﺑﻮﻳﻪ ﻫﻢ ﻛﺎﻝ ﻣﺎﺩﺍﻡ ﺍﻟﺒﻨﻴﻪ ﻭﺍﻓﻘﺖ ﻫﺬﻫﻮ ﻣﺎﻧﻤﻨﻌﻬﺎ
ﻣﺎﻋﺮﻑ ﺍﻓﺮﺡ ﻟﻮ ﻻ ﺍﻛﻮ ﻓﺮﺡ ﺑﺲ ﺍﺣﺴﻪ ﻣﻮ ﻛﺎﻣﻞ ﺍﺣﺲ ﺍﻛﻮ ﺷﻲ ﻧﺎﻗﺼﻨﻲ ﺑﺲ ﺷﻨﻮ ﻣﺎﺩﺭﻱ ﺛﺎﻧﻲ ﻳﻮﻡ ﺧﺎﺑﺮﺕ ﺍﻣﻲ ﻋﻤﺖ ﺭﺍﻧﻴﺎ ﻭﺍﻃﺘﻬﻢ ﺍﻟﻤﻮﺍﻓﻘﻪ ﻭﺍﻻﻛﻴﺪﻩ
ﻭﺍﺗﻔﻘﻮ ﺍﻟﺠﻤﻌﻪ ﺍﻟﺠﺎﻳﻪ ﺍﻟﻤﺸﻴﻪ ﻭﺍﻟﻌﻘﺪ ﺍﺣﺲ ﻛﻞ ﺟﺴﻤﻲ ﻳﺮﺟﻒ ﺑﻄﻠﺖ ﻣﺎﺭﻳﺪ ﻣﺎﺭﻳﺪ ﻻ ﻳﺎﻟﻠﻪ ﻣﺎﺭﻳﺪﺩ
ﺑﻘﻴﺖ ﺣﺎﻳﺮﻩ ﺷﺴﻮﻱ ﺑﻌﺪﻳﻦ ﺻﻔﻨﺖ ﻉ ﺭﻭﺣﻲ ﺷﺒﻴﻪ ﺍﻧﻲ ﻛﻠﺴﺎﻉ ﻗﺮﺍﺭ ﻭﻛﻠﺴﺎﻉ ﺷﻜﻞ ﺍﻧﺼﺎﻑ ﺛﺒﺘﻲ ﻉ ﻗﺮﺍﺭ ﻭﺧﻠﻴﺞ ﻣﺜﺒﺘﻪ ﻉ ﻗﺮﺍﺭﺝ ﻭﺍﻟﻲ ﻳﻐﻴﺮ ﻗﺮﺍﺭﻩ ﻳﻨﺪﻡ ﺑﻌﺪﻳﻦ ﺻﺪﻛﻴﻨﻲ ﺍﻟﺨﻴﺮﻩ ﻓﻲ ﻣﺎ ﺍﺧﺘﺎﺭﻫﺎ ﺍﻟﻠﻪ ﻭﺍﻟﻠﻪ ﺍﺧﺘﺎﻟﻲ ﻧﺼﺮ ﺧﻠﺺ
ﻛﺎﻓﻲ ﻛﻠﺴﺎﻉ ﺍﺑﻄﻞ ﺳﻜﺘﺖ ﻭﺿﻠﻴﺖ ﻭﻳﻪ ﺍﻣﻲ ﺍﻟﻲ ﺷﺪﺕ ﺍﺗﻨﻀﻒ ﺑﻠﺒﻴﺖ ﻭﺍﺗﺤﻈﺮ ﺭﻭﺣﻬﺎ ﻟﻠﺠﻤﻌﻪ ﺍﻟﺠﺎﻳﻪ ﺭﺍﻧﻴﺎ ﺗﺨﺎﺑﺮ ﻭﺗﻜﻠﻲ ﻟﻮ ﺷﻮﻓﻴﻦ ﺍﻻﺟﻮﺍﺀ ﻫﻨﺎ ﻳﻤﻨﺎ ﺍﺗﺨﺒﺒﺒﺒﻞ ﻛﻠﻬﺎ ﻣﻤﺼﺪﻛﻪ ﻧﺼﺮ ﺭﺍﺡ ﻳﺰﻭﺝ ﻭﺣﺎﻟﻔﻴﻦ ﺍﺻﺪﻗﺎﺋﻪ ﻛﻠﻬﻢ ﺍﻟﻪ ﻳﻌﻠﻜﻮﻫﺎ ﺑﻴﻮﻡ ﻋﻘﺪﻩ
ﻭﺍﻧﻲ ﺍﺧﺎﻑ ﺷﺮﺍﺡ ﻳﺴﻮﻭﻥ ﻫﺬﻭﻟﻪ ﺷﻠﻮﻥ ﻳﻌﻠﻜﻮﻫﺎ ﺍﺗﺨﻴﻠﺖ ﺍﺻﺪﻗﺎﺋﻪ ﻛﻠﻬﻢ ﺻﻠﻌﺎﻥ ﻭﺿﺨﻤﻴﻦ ﻭﻳﺨﻮﻓﻮﻥ ﻣﺜﻠﻪ ﺿﺤﻜﺖ ﻉ ﻋﻘﻠﻲ ﻭﺳﻜﺘﺖ
ﻃﻠﻌﺖ ﺍﻧﻲ ﻭﺍﻣﻲ ﻟﻠﺴﻮﻙ ﻭﺍﺷﺘﺮﺗﻠﻲ ﺑﺪﻟﻪ ﻣﺎﻋﺮﻑ ﻣﻨﻴﻦ ﺟﺎﺑﺖ ﺍﻟﻔﻠﻮﺱ ﻣﺎﺭﺿﻴﺖ ﺍﺧﺬﻫﺎ ﺑﺲ ﻫﻲ ﺍﻟﻪ ﺍﺷﺘﺮﻳﻬﺎ ﻭﺍﻟﻪ ﺍﺧﺬﻫﺎ ﺟﺎﻧﺖ ﺑﻴﻨﺼﻞ ﻭﺷﻮﻳﻪ ﺑﻴﻬﺎ ﻛﻠﻮﺷﻪ ﻣﻦ ﺟﻮﻩ ﺟﺎﻧﺖ ﻣﺒﻄﻨﻪ
ﻭﺍﻟﻜﻠﻮﺷﻪ ﺍﻟﺠﻮﻩ ﻛﺎﻧﺖ ﺑﺲ ﺗﻮﺭ ﺑﺪﻭﻥ ﺑﻄﺎﻧﻪ ﻭﺭﺟﻠﻴﻪ ﺍﺗﺒﻴﻦ ﻭﻣﻦ ﻓﻮﻙ ﺟﺎﻥ ﺍﻟﺒﻄﺎﻧﻪ ﻟﺤﺪ ﺍﻟﺼﺪﺭ ﻭﺑﻴﻬﺎ ﺗﻌﺎﻟﻴﻚ ﺭﻓﺎﻉ ﻭﻣﻦ ﻭﺭﻩ ﺑﻴﻬﺎ ﺳﺒﻌﻪ ﺿﻬﺮﻱ ﻳﻄﻠﻊ ﻛﻠﻪ ﻣﻦ ﻋﺪﻫﺎ ﻳﻌﻨﻲ ﺟﺎﻧﺖ ﺑﺴﻴﻄﻄﻄﻪ ﺑﺲ ﺣﻠﻮﻩ ﻭﺍﻗﺘﻨﻌﺖ ﺑﻴﻬﺎ ﺑﺲ ﻣﺎﺭﺩﺕ ﺍﺷﺘﺮﻳﻬﺎ ﺑﺲ ﺍﻣﻲ ﻣﺎﻗﺒﻠﺖ ﺍﺧﺬﺗﻬﺎ ﺟﺎﻥ ﻟﻮﻧﻬﺎ ﺑﻴﺠﻲ ﺍﺷﺘﺮﻳﺖ ﺣﺬﺍﺀ ﻋﺎﻟﻲ ﺿﺤﻜﺖ ﻻﻥ ﺍﻣﻲ ﺍﺷﻴﻞ ﻧﺎﺻﻲ ﻭﺍﻧﻲ ﻋﺎﻟﻲ ﺍﺭﻳﺪ ﺍﺻﻴﺮ ﺑﻄﻮﻟﻪ ﻫﻮ ﻃﻮﻳﻞ ﻭﺍﻧﻲ ﻛﺼﻴﺮﻩ ﻭﺍﻟﺒﺪﻟﻪ ﻃﻮﻳﻠﻪ ﻳﺮﺍﺩﻟﻬﺎ ﻛﻌﺐ ﻋﺎﻟﻲ
ﻭﺍﻣﻲ ﻣﺎﻗﺒﻠﺖ ﺗﺎﺧﺬ ﻋﺎﻟﻲ ﻛﺎﻟﺖ
- ﻳﻤﻪ ﺧﺎﻑ ﻳﻀﺮﺑﻮﻧﺞ ﻋﻴﻦ ﻭﺗﺮﺣﻴﻦ ﺗﻮﻛﻌﻴﻦ ﻣﻦ ﻭﺭﺍﻩ ﺷﻮ ﺫﺑﻴﻬﺎ ﻭﺍﺧﺬﻱ ﻫﺎﻱ ﺑﺎﻭﻋﺖ ﺟﺎﻧﺖ ﻓﻼﺕ ﻭﺭﻳﺎﺿﻴﻪ ﺩﻛﻴﺖ ﻉ ﻛﺼﺘﻲ
- ﻳﻤﺔ ﻣﻦ ﻛﻞ ﻋﻘﻠﺞ ﺍﻟﺒﺲ ﻫﺎﻱ ﺑﻴﻮﻡ ﻋﻘﺪﻱ ﺷﻴﻜﻮﻟﻮﻥ ﻋﻠﻴﻪ ﻣﺎﺭﻳﺪ ﺍﺧﺬ ﻣﻦ ﺭﺍﻧﻴﺎ ﺍﺑﻮ ﺍﻟﻤﺤﻞ ﺍﻧﺘﺒﻪ ﺍﻟﻨﺎ
ﻛﺎﻟﻠﻬﺎ ﺍﻻﻣﻲ
- ﺧﺎﻟﻪ ﺍﺫﺍ ﺍﻟﺒﻨﻴﻪ ﻋﺮﻭﺱ ﻣﻴﺼﻴﺮ ﺍﺯﻋﻠﻴﻬﺎ ﻭﻣﺎ ﺗﺎﺧﺬﻳﻦ ﺍﻟﻲ ﺗﺨﺘﺎﺭﻩ ﻫﻲ ﻓﺎﻝ ﻣﻮ ﺯﻳﻦ ﻭﺳﺎﻣﻊ ﻣﻦ ﺣﺒﻮﺑﺘﻲ ﺍﺗﺮﻭﺡ ﺍﻟﻌﺮﻭﺱ ﺣﻴﺎﺗﻬﺎ ﻛﻠﻬﺎ ﻣﺎﺗﻌﺠﺒﻬﺎ ﻻﻥ ﻧﻴﺸﺎﻧﻬﺎ ﻣﺎﺧﺘﺎﺭﺗﻪ ﻉ ﺫﻭﻗﻬﺎﺍﺍ
ﺍﻣﻲ ﺭﺩﺕ ﻉ ﺍﻟﻮﻟﺪ ﻭﻫﻲ ﻋﺼﺒﻴﻪ
- ﺑﺲ ﻫﺬﺍ ﻣﻮ ﻧﻴﺸﺎﻧﻬﺎ ﻭﺑﻌﺪﻳﻦ ﺍﻧﺖ ﺷﺪﺧﻠﻚ
- ﺧﺎﻟﻪ ﻏﻴﺮ ﺍﻧﻲ ﺍﺭﻳﺪﻟﺞ ﺍﻟﺰﻳﻨﻪ ﺣﺘﻪ ﻟﻮ ﺟﺎﻥ ﻣﻮ ﺍﻟﻨﻴﺸﺎﻥ ﻻﺯﻡ ﻫﻲ ﺗﺨﺘﺎﺭﻩ ﺣﺘﻪ ﻛﻠﺸﻲ ﻳﻜﻮﻥ ﺑﻘﺮﺍﺭﻫﺎ ﻫﻲ ﻣﻮ ﻗﺮﺍﺭ ﺍﻟﻌﺮﻳﺲ ﻳﺎ ﺧﺎﻟﻪ ﺣﺠﻪ ﻫﻴﺞ ﻭﺿﺤﻚ
ﺑﺎﻭﻋﺘﻠﻪ ﻋﺮﻓﺘﻪ ﺟﺬﺍﺏ ﻭﻛﻞ ﻫﺬﺍ ﺟﺬﺏ ﺑﺲ ﺣﺘﻪ ﻧﺸﺘﺮﻱ ﻣﻦ ﻋﺪﻩ ﺷﻜﺪ ﻟﻮﺗﻲ ﻭﻛﻼﻭﺟﻲ ﻟﻌﺪ
ﺍﻣﻲ ﺧﺎﻓﺖ ﻭﻓﺮﺣﺖ ﻣﻦ ﻛﺎﻟﻠﻬﺎ ﺣﺘﻪ ﻗﺮﺍﺭﻫﺎ ﻳﻤﺸﻲ ﻣﻮ ﻗﺮﺍﺭ ﺍﻟﻌﺮﻳﺲ ﺭﺍﺳﺎ ﻛﺎﻟﺖ ﺍﺧﺬﻱ ﺍﻟﻲ ﺗﺮﺩﻱ ﺍﻃﻴﺘﻬﺎ ﺍﻟﻠﻮﻟﺪ ﻭﺍﻧﻲ ﻋﺼﺒﻴﻪ ﻭﻫﻮ ﻳﻀﺤﻚ ﻭﻳﺒﺎﻭﻋﻠﻲ
ﺿﺠﺖ ﺣﻴﻞ ﻟﻮ ﺍﺩﺭﻱ ﻣﺎﺩﺧﻠﺖ ﻣﻨﻴﻦ ﺍﺟﺘﻨﻲ ﻫﺎﻱ ﺍﻃﺎﻧﻴﻬﺎ ﺟﺮﻳﺘﻬﺎ ﻣﻦ ﻋﺪﻩ ﻭﻃﻠﻌﺖ ﺍﺩﺭﺩﻡ ﺟﺬﺍﺏ ﻭ ﻛﻼﻭﺟﻲ ﻫﻢ ﺟﺬﺏ ﻉ ﺍﻣﻲ ﺑﺲ ﻫﻤﺰﻳﻦ ﺧﻼﻫﺎ ﺗﺸﺘﺮﻱ ﺍﻟﻜﻌﺐ ﻫﻬﻬﻪ
ﺍﺷﺘﺮﻳﺖ ﺑﺎﻗﻲ ﺍﻟﻐﺮﺍﺽ ﻭﺭﺟﻌﻨﺎ ﺑﻠﻴﻞ ﺟﻨﺎ ﻛﺎﻋﺪﻳﻦ ﻭﻋﻤﺎﺭ ﻛﺎﻋﺪ ﻛﺒﺎﻟﻲ ﺑﺎﻭﻋﻠﻲ ﻭﻛﺎﻝ
- ﻭﻟﺞ ﻛﺒﺮﺗﻲ ﻭﺭﺍﺡ ﺍﺗﻌﺮﺳﻴﻦ
- ﺷﻜﺎﻟﻮﻟﻚ ﻋﻠﻴﻪ ﻟﻌﺪ ﺍﺑﻘﻪ ﺻﻐﻴﺮﻩ
- ﻻﺍ ﻣﻮ ﻫﻮ ﺍﻧﺘﻲ ﺑﻄﻮﻝ ﺧﺸﻤﻲ ﺷﻠﻮﻥ ﺭﺍﺡ ﺍﺗﻌﺮﺳﻴﻦ ﻭﺍﻧﺘﻲ ﻫﻠﻄﻮﻟﺞ ﻳﻤﻜﻦ ﻧﺼﺮ ﻳﺪﻧﻚ ﻭﻳﺤﻨﻲ ﻛﻞ ﻇﻬﺮﻩ ﻳﺎﻟﻪ ﻳﻜﺪﺭ ﻳﻠﺒﺴﺞ ﺍﻟﺤﻠﻘﻪ ﻫﻬﻬﻬﻬﻬﻬﻪ
- ﻋﻤﺎﺍﺍﺍﺍﺍﺭ ﻣﻮ ﻟﻬﺪﺭﺟﻪ ﻛﺼﻴﺮﺭﺭﻩ ﺍﻧﻲ ﻋﺎﺑﺘﻠﻚ
ﺿﺠﺖ ﻭﺭﺩﺭﺕ ﻭﺟﻬﻲ ﺑﻀﻮﺟﻪ ﻭﻫﻮ ﺿﺤﻚ ﺑﺎﺑﺎ ﻛﺎﻝ
- ﻟﻚ ﻋﻤﺎﺭ ﻻ ﺍﺯﻋﻞ ﺑﻨﻴﺘﻲ ﻫﺎﻱ ﻋﺰﻳﺰﺗﻲ ﻋﻮﻓﻬﺎ
ﺿﺤﻜﺖ ﻭﺭﺣﺖ ﺣﻈﻨﺖ ﺑﺎﺑﺎ ﻭﺍﻋﻴﺐ ﻉ ﻋﻤﺎﺭ ﻭﻫﻮ ﻳﻬﺰ ﺑﻴﺪﻩ ﻭﻳﻜﻮﻝ ﻻﺍﺍﺍﺍ ﺭﺑﺤﻨﺎ ﻋﻤﻲ ﻫﺎﻱ ﺑﺎﺟﺮ ﺭﺍﺡ ﺗﺰﻭﺝ ﻳﻤﻜﻦ ﻧﺼﺮ ﺭﺍﺡ ﻳﺮﺑﻴﻬﺎ ﻣﻮ ﻳﺰﻭﺟﻬﺎ ﻫﻬﻬﻬﻬﻬﻪ
ﺑﻘﻪ ﻋﻤﺎﺭ ﻳﺸﺎﻗﻪ ﻭﻳﻀﻮﺝ ﺑﻴﻪ ﻭﻳﻀﺤﻚ ﻭﺍﻧﻲ ﻛﺎﻋﺪﻩ ﻳﻢ ﺑﺎﺑﺎ ﻭﻛﻞ ﻣﺎ ﻳﻀﻮﺟﻨﻲ ﺍﺣﻈﻦ ﺑﺎﺑﺎ ﻭﺍﻋﻴﺐ ﻋﻠﻴﻪ ﺍﺣﺲ ﻫﻴﺞ ﺍﻧﺘﺼﺮ ﻋﻠﻴﻪ ﻣﺎﻋﺮﻑ ﻟﻴﺶ
ﻣﻦ ﺍﻧﻲ ﻭﺻﻐﻴﺮﻩ ﻣﻦ ﻳﻀﻮﺟﻨﻲ ﻋﻤﺎﺭ ﺍﺳﻮﻱ ﻫﻴﺞ ﻭﻫﻮ ﻳﻀﺤﻚ ﻳﻜﻮﻝ ﻋﺒﺎﻟﺞ ﺍﺗﺨﻠﻴﻨﻲ ﺍﻏﺎﺭ ﺩﺭﻭﺣﻲ ﺍﺧﺬﻱ ﻛﻠﻪ ﺍﻟﺞ
ﻭﺍﻧﻲ ﺍﻓﺮﺡ ﻭﺍﻛﻠﻪ ﺍﻟﻪ ﻣﺎﺍﻃﻴﻜﻴﺎﻩ ﻧﻤﺖ ﺑﺤﻈﻦ ﺑﺎﺑﺎ ﺑﻠﻴﻠﺘﻬﺎ ﻭﻋﻤﺎﺭ ﻳﻀﺤﻚ ﻋﻠﻴﻪ
- ﻭﻟﺞ ﺗﺮﺍ ﻣﻮ ﺑﺎﺟﺮ ﺗﺰﻭﺟﻴﻦ ﺑﺎﺟﺮ ﺑﺲ ﺍﺗﻌﻘﺪﻳﻦ ﻭﻣﺸﻴﻪ ﻭﻫﺬﻫﻮ ﺷﺒﻴﺞ ﺣﺎﻇﻨﺘﻪ ﻋﺒﺎﻟﻚ ﺭﺍﺡ ﻳﻄﻴﺮ
ﻣﻦ ﻛﺎﻝ ﻫﻴﺞ ﺿﺠﺖ ﻳﻌﻨﻲ ﺍﺫﺍ ﺗﺰﻭﺟﺖ ﻣﺎﺍﺷﻮﻑ ﺑﺎﺑﺎ ﺑﻌﺪ ﻣﺜﻞ ﺭﺍﻧﻴﺎ ﺑﺸﻬﺮ ﻣﺮﻩ ﻭﻛﻢ ﻳﻮﻡ ﺑﺲ ﺣﻴﻞ ﺿﺠﺖ ﻭﻧﻤﺖ ﻭﺍﻟﺪﻣﻌﻪ ﺑﻌﻴﻨﻲ
ﺍﻟﺼﺒﺢ ﻛﻌﺪﺗﻨﻲ ﺍﻣﻲ ﺭﻛﺾ ﺭﻛﺾ ﻛﺎﻟﺖ ﺧﺎﺑﺮﺕ ﺍﻡ ﺣﻤﺰﻩ ﺍﻡ ﺍﻟﺼﺎﻟﻮﻥ ﻭﺣﺠﺰﺕ ﻋﺪﻫﺎ ﺍﻣﺸﻲ ﺍﺧﺬﺝ ﻭﺍﺭﺟﻊ ﻟﻠﺒﻴﺖ ﺍﻧﻀﻔﻪ ﻭﺍﻧﺘﻲ ﻣﻦ ﺗﺨﻠﺼﻴﻦ ﺩﻛﻲ ﻉ ﻋﻤﺎﺭ ﻳﺠﻴﺞ
ﺍﻃﺘﻨﻲ ﺗﻠﻔﻮﻧﻬﺎ ﻭﺍﻫﺬﺗﻨﻲ ﻻﻡ ﺍﻟﺼﺎﻟﻮﻥ ﺍﻭﻝ ﻣﺎﻃﺒﻴﺖ ﺍﺳﺘﻠﻤﺘﻨﻲ ﺍﻡ ﺍﻟﺼﺎﻟﻮ ﻟﻌﺒﺖ ﺑﻴﻪ ﻃﻮﺑﻪ ﻭﺍﻧﻲ ﺍﺻﻴﺢ ﻭﻫﻮ ﻭﻻ ﻳﻤﻬﻤﻬﺎ ﺍﺗﺤﻒ ﻭﺍﺗﻤﻜﻴﺞ ﺳﻠﺘﺖ ﺷﻌﺮﻱ ﺍﺳﻠﺖ ﺭﺍﺩﺕ ﺍﺻﺒﻐﻪ ﻣﺎﺧﻠﻴﺘﻬﺎ
ﺍﺣﺐ ﻟﻮﻥ ﺷﻌﺮﻱ ﻣﺎﺍﺭﻳﺪ ﺍﺻﺒﻐﻪ ﻫﻲ ﺣﻄﺘﻠﻲ ﺧﺼﻞ ﺍﺻﻄﻨﺎﻋﻴﺎﺕ ﺑﺸﻌﺮﻱ ﻋﻠﻤﻮﺩ ﺍ
ﻟﺘﺴﺮﻳﺤﻪ ﺍﺗﺒﻴﻦ ﺟﺎﻧﺖ ﺑﺴﻴﻄﻪ ﻭﻧﺼﻪ ﻣﻔﺘﻮﺡ ﺑﺲ ﺣﻠﻮﻩ ﻣﻜﻴﺠﺘﻨﻲ ﻣﻜﻴﺎﺝ ﺧﻔﻴﻒ
ﻭﻣﻦ ﺧﻠﺼﺖ ﺍﺗﺼﻠﺖ ﻉ ﻋﻤﺎﺭ ﻛﺎﻝ ﺷﻮﻳﻪ ﻭﺍﺟﻴﺞ ﻟﻔﻠﻔﻲ ﺭﻭﺣﺞ ﺯﻳﻦ
ﻟﻔﻴﺖ ﺭﻭﺣﻲ ﺯﻳﻦ ﻭﻃﻠﻌﺘﻨﻲ ﺍﻡ ﺍﻟﺼﺎﻟﻮﻥ ﻻﻥ ﻣﺤﺪ ﻭﻳﺎﻱ ﺭﻛﺒﺘﻨﻲ ﺑﺴﻴﺎﺭﻩ ﻭﺭﺍﺣﺖ
ﻣﺎﻋﺪﻱ ﻋﻤﺎﺕ ﺑﺲ ﻋﻢ ﻭﺍﺣﺪ ﻭﻋﺎﻳﺶ ﺑﻠﺒﺼﺮﻩ ﻭﺍﻟﻴﻮﻡ ﻳﺠﻲ ﻫﻮ ﻭﻋﺎﺋﻠﺘﻪ ﻭﺧﺎﻻﺕ ﻋﺪﻱ 2 ﻭﺧﺎﻝ ﻭﺍﺣﺪ ﻭﻫﻢ ﺍﻟﻴﻮﻡ ﻳﺠﻮﻥ ﻭﻛﺖ ﺍﻟﻐﺪﺍ ﻳﻀﺮﺑﻮﻥ ﺍﻻﻛﻞ ﻭﺷﻮﻳﻪ
ﻳﻬﺰﻥ ﻋﻠﻤﻮﺩ ﻳﺼﺮﻓﻦ ﺍﻟﺸﺤﻮﻧﺎﺕ ﻭﺍﻻﻛﻞ ﺍﻟﻲ ﺍﻛﻠﻨﺎ ﻭﻳﺮﺟﻌﻮﻥ ﻛﻞ ﻣﺮﻩ ﻫﻴﺞ ﺭﺟﻌﺖ ﻟﻠﺒﻴﺖ ﻟﻜﻴﺖ ﺑﻴﺖ ﻋﻤﻲ ﻭﺧﺎﻟﻲ ﻭﺧﺎﻻﺗﻲ ﻛﻠﻬﻢ ﻣﻮﺟﻮﺩﻳﻦ ﺍﻭﻝ ﻣﺎ ﻃﺒﻴﺖ
ﺻﻠﺖ ﺍﻣﻲ ﻉ ﺍﻟﻨﺒﻲ ﻭﻣﻤﺼﺪﻛﻪ ﻭﻛﺎﻋﺪﻩ ﻭﺗﻤﺪﺡ ﺑﺎﻫﻞ ﻧﺼﺮ ﻭﻛﻠﺴﺎﻉ ﻭﺗﺮﻳﺪ ﺗﺠﻔﺼﻬﺎ ﻭﺍﺗﻜﻮﻝ ﻳﺸﺘﻐﻞ ﺑﻠﺴﺘﺨﺒﺎﺭﺍﺕ ﻭﺗﺴﻜﺖ ﻭﺍﺗﻠﺤﻚ ﺑﺮﻭﺣﻬﺎ
ﻭﺍﻧﻲ ﺍﺿﺤﻚ ﻋﻠﻴﻬﺎ ﻟﻮ ﺑﻴﺪﻫﺎ ﺟﺎﻥ ﻛﺘﺒﺖ ﻉ ﻛﺼﺘﻲ ﺧﻄﻴﺐ ﺍﻧﺼﺎﻑ ﺍﺳﺘﺨﺒﺎﺭﺍﺗﻲ ﺑﺲ ﺭﺍﻧﻴﺎ ﺣﺬﺭﺗﻬﺎ ﺗﺤﺠﻲ ﺑﺸﻐﻠﻪ ﻭﻣﺎﺗﻜﺪﺭ ﺗﺤﺠﻲ
ﻟﻠﻌﺼﺮ ﻭﺻﻮﺕ ﺍﻟﺴﻴﺎﺭﺍﺕ ﻭﺍﻟﻨﺎﺱ ﺳﻤﻌﺖ ﺍﻟﺠﻬﺎﻝ ﺍﺗﻬﻮﺱ ﺍﺟﻮ ﺍﺟﻮ ﺍﺟﻮ ﻋﻤﺎﺭ ﺟﺎﻥ ﻧﺎﺻﺐ ﺟﺎﺩﺭ ﺑﻠﺒﺎﺏ ﻟﻠﺰﻟﻢ ﻻﻥ ﺍﻟﺒﻴﺖ ﻳﺎﻟﻪ ﻳﻜﻔﻲ ﺍﻟﻨﺴﻮﺍﻥ
ﻃﺒﺖ ﺭﺍﻧﻴﺎ ﺍﺗﻬﻠﻬﻞ ﻭﻋﻤﺘﻬﺎ ﻭﺍﺧﻮﺍﺕ ﻧﺼﺮ ﻭﻣﺮﺕ ﺣﻤﺎﻫﺎ ﺍﻟﺮﺍﻧﻴﺎ ﺍﻟﻲ ﺷﻔﺘﻬﺎ ﻫﻲ ﻭﺑﻨﺎﺗﻬﺎ
ﻭﻃﺒﻦ ﻳﺮﻛﺼﻦ ﻭﻳﻬﻮﺳﻦ ﻭﻛﺎﺷﺨﺎﺕ ﺫﻳﺞ ﺍﻟﻜﺸﺨﻪ ﺿﻠﻦ ﺧﺎﻻﺗﻲ ﻳﺒﺎﻭﻋﻦ ﻭﻳﺒﺴﺒﺴﻦ ﻣﺘﻌﺠﺒﺎﺕ ﻻﻥ ﺑﻌﺮﺱ ﺭﺍﻧﻴﺎ ﻣﺎﺣﻈﺮﻥ ﺟﺎﻧﺖ ﺍﻭﻝ ﺷﻲ ﻣﺸﻴﺔ ﺍﻟﺰﻟﻢ ﻭﺑﻌﺪﻳﻦ ﺍﻟﻌﻘﺪ
ﺭﺍﻧﻴﺎ ﻓﺮﺣﺎﻧﻪ ﻭﺍﻣﻲ ﻭﺍﻟﻜﻞ ﺑﺲ ﺍﻧﻲ ﺍﺣﺲ ﺍﻛﻮ ﺷﻲ ﻧﺎﺧﺰﻧﻲ ﻭﻣﺎﻣﺨﻠﻴﻨﻲ ﺍﻓﺮﺡ
ﺧﻠﺼﺖ ﻣﺸﻴﺘﻬﻢ ﻭﻛﺎﻟﻮ ﺣﻈﺮﻭ ﺍﻟﻌﺮﻭﺱ ﺣﺘﻪ ﺗﻌﻘﺪ ﺍﺧﺬﺗﻨﻲ ﺍﻣﻲ ﻭﻟﺒﺴﺘﻨﻲ ﺟﺎﺩﺭ ﻣﺎﻝ ﺻﻼﺓ ﺍﺑﻴﺾ ﻭﻛﻌﺪﺗﻨﻲ ﺑﻠﻐﺮﻓﻪ ﻭﻃﺐ ﺍﺑﻮﻳﻪ ﻭﻋﻤﺎﺭ ﻭﺍﻟﺴﻴﺪ ﻭﻫﻮ ﻣﺎﺷﻔﺘﻪ ﻻﻥ ﺟﺎﻧﻮ ﻣﻐﻄﻴﻦ ﺭﺍﺳﻲ ﺑﺸﺎﻝ ﺍﺑﻴﺾ ﺑﺲ ﺣﺴﻴﺘﻪ ﻛﻌﺪ ﺑﺼﻔﻲ
ﺑﺪﻩ ﺍﻟﺴﻴﺪ ﻳﺮﺩﺩ ﻭﺍﺑﻮﻱ ﻛﺎﻋﺪ ﺑﺼﻔﻲ ﻭﻫﻮ ﻭﻛﻴﻠﻲ ﺳﺌﻠﻨﻲ ﺣﺴﻴﺖ ﺍﻛﻮ ﺷﻲ ﻣﺎﻧﻌﻨﻲ ﺍﻛﻮ ﺷﻲ ﻣﺎﻧﻊ ﺍﻧﻄﻖ ﺍﻟﻜﻠﻤﻪ ﺑﺲ ﻣﺎﻋﺮﻑ ﺷﻨﻮ
ﻛﻮﻩ ﻃﻠﻌﺖ ﺍﻟﻜﻠﻤﻪ ﻭﺣﺠﻴﺘﻬﺎ ﻭﺳﺌﻠﻪ ﺍﻟﺴﻴﺪ ﺑﻘﻪ ﺳﺎﻛﺖ ﻣﺮﺕ ﺩﻗﺎﺋﻖ ﻭﻫﻮ ﺳﺎﻛﺖ ﺍﻟﻜﻞ ﺍﻧﺼﺪﻡ ﻣﻦ ﺳﻜﻮﺗﻪ ﻭﺍﻧﻲ ﺭﻓﻌﺖ ﺭﺍﺳﻲ ﺑﺲ ﻣﻜﺪﺭﺕ ﺍﺷﻮﻓﻪ ﺷﻔﺖ ﺣﺬﺍﺋﻪ ﻛﺎﻋﺪ ﺑﺼﻔﻲ ﺭﺟﻊ ﺍﻟﺴﻴﺪ ﺳﺌﻠﻪ ﺍﺣﺲ ﻋﻼﻣﺔ ﺍﻻﺳﺘﻐﺮﺍﺏ ﻉ ﻭﺟﻬﻪ ﻋﻤﺎﺭ ﻭﺍﺑﻮﻱ ﻣﻨﺪﻭﻥ ﻣﺎ ﺷﻔﺘﻬﻦ ﺑﺲ ﺣﺴﻴﺖ ﺑﻴﻬﻢ
ﻣﻦ ﺳﺌﻠﺔ ﻣﺮﺓ ﺍﻟﺜﺎﻧﻴﻪ ﺟﺎﻭﺏ ﻛﺎﻡ ﺍﻟﺴﻴﺪ ﻭﻫﻮ ﻳﺒﺎﺭﻙ ﺍﻟﻨﺎ ﺍﺧﺬﻩ ﺍﺑﻮﻳﻪ ﻭﻃﻠﻊ ﻋﻤﺎﺭ ﻣﺴﺢ ﻉ ﺭﺍﺳﻲ ﻭﻃﻠﻊ ﺑﻘﻴﺖ ﺻﺎﻓﻨﻪ ﻳﻌﻨﻲ ﻋﺎﻓﻮﻧﻪ ﻭﺣﺪﻧﺎ ﻳﻤﻪ ﻃﻔﺮﺕ ﻭﺍﻧﻲ،ﺧﺎﻳﻔﻪ
ﻭﻛﻊ ﺍﻟﺸﺎﻝ ﻣﻦ ﺭﺍﺳﻲ ﺷﻔﺘﻪ ﻛﺎﻋﺪ ﻭﻳﻤﺴﺢ ﻉ ﺭﺍﺳﻪ ﺭﻓﻊ ﺭﺍﺳﻪ ﺑﺎﻭﻋﻠﻲ ﺑﺎﺳﺘﻐﺮﺍﺏ ﻭﻋﻴﻮﻧﻪ ﺣﻤﺮ ﺩﻣﻤﻢ
ﺧﻔﺖ ﻣﻦ ﺷﻜﻠﻪ ﺑﺲ ﻣﻜﺪﺭﺕ ﺍﺣﺠﻲ ﺻﻔﻨﺖ ﻳﻌﻨﻲ ﻫﺴﻪ ﺍﻧﻲ ﺻﺮﺕ ﻣﺮﺗﻪ ﺧﻠﺺ ﺻﺮﺕ ﻣﺮﺗﻪ ﺷﺮﻋﺎ
ﺑﺎﻭﻋﺖ ﻋﻠﻴﻪ ﻭﻭﺍﻧﻲ ﻭﺍﻛﻔﻪ ﻭﺍﻋﺼﺮ ﺑﺪﻳﻪ ﻫﻤﺲ ﻫﻮ ﻭﻋﻴﻮﻧﻪ ﻉ ﺍﻟﻜﺎﻉ ﻭﻳﻬﺰ ﺑﺮﺟﻠﻪ
- ﺷﺒﻴﺞ ﺷﻔﺘﻲ ﺟﻨﻲ ﻭﻃﻔﺮﺗﻲ ﻭﺍﻟﻄﻔﺮﻩ ﻃﻔﺮﻩ ﻛﻌﺪﻱ
ﻛﻌﺪﺕ ﻛﻮﻩ ﻭﺍﻧﻲ ﺍﺭﺟﻒ ﺑﺎﻭﻋﺖ ﻋﻠﻴﻪ ﻛﻠﺴﺎﻉ ﻳﻤﺴﺢ ﻛﺼﺘﻪ ﻭﻋﻴﻮﻧﻪ ﺣﻤﺮﺭ ﻫﻤﺲ ﻭﻛﺎﻝ
- ﻟﻴﺶ ﻗﺒﻠﺘﻲ ﺑﻴﻪ
- ﻧﻌﻤﻤﻢ ﺑﺎﻭﻋﺘﻠﻪ ﻣﺼﺪﻭﻣﻪ ﻣﻦ ﺳﺆﺍﻟﻪ ﻭﻫﻮ ﺭﺟﻊ ﺑﺎﻭﻉ ﻋﻠﻴﻪ ﻣﺼﺪﻭﻡ ﻫﻤﺲ ﺍﺳﻤﺞ ﺍﻧﺼﺎﻑ
- ﺑﺎﻭﻋﺘﻠﻪ ﻣﺎﻋﺮﻑ ﺷﻨﻮ ﺍﺟﺎﻭﺑﻪ ﺻﺪﻣﺔ ﻉ ﺧﻮﻑ ﻉ ﺧﺠﻞ ﻉ ﻣﺎﻋﺮﻑ ﺷﻨﻮ ﻫﻬﻬﻪ ﻫﺴﺘﻮﻩ ﻋﺮﻑ ﺍﺳﻤﻲ
ﺭﺍﺩ ﻳﺤﺠﻲ ﺷﻲ ﺑﺲ ﺍﻟﺒﺎﺏ ﺍﻧﺪﻛﺖ ﺭﺍﺳﺎ ﻭﻛﻔﺖ ﺧﺎﻳﻔﻪ ﺍﻧﺘﺒﻬﺖ ﻋﻠﻴﻪ ﺍﺑﺘﺴﻢ ﺑﻄﺮﻑ ﺷﻔﺎﻳﻔﻪ ﺍﺑﺘﺴﺎﻣﻪ ﺧﻔﻴﻔﻪ ﺑﺪﻭﻥ ﻣﺎ ﻳﺒﺎﻭﻋﻠﻲ
ﻣﻦ ﻭﻛﻔﺘﻲ ﻣﺒﻴﻦ ﻋﻠﻴﻪ ﺍﻟﺨﻮﻑ ﻭﺍﻟﺘﻮﺗﺮ ﺩﺧﻠﺖ ﺭﺍﻧﻴﺎ ﺗﺒﺘﺴﻢ
ﻳﻼ ﻋﻴﻨﻲ ﺍﻟﻜﻞ ﻳﻨﺘﻀﺮ ﺣﺘﻪ ﺍﺗﻠﺒﺴﻬﺎ ﺍﻟﻨﻴﺸﺎﻥ ﻋﻤﺘﻲ ﺑﺲ ﺗﺤﺠﻲ ﻫﻬﻬﻬﻬﻬﻬﻪ
ﻫﺰ ﺭﺍﺳﻪ ﻭﻫﻮ ﻳﻮﻛﻒ ﻭﺍﻧﻲ ﺍﺑﺎﻭﻋﻠﻪ ﺍﺟﺖ ﺭﺍﻧﻴﺎ ﻋﻠﻴﻪ ﺿﺮﺑﺖ ﻉ ﺭﺍﺳﻲ ﻭﻟﺞ ﺛﻮﻟﻪ ﺳﺎﻟﺞ ﺳﺎﻋﻪ ﻛﺎﻋﺪﻩ ﺑﺼﻔﻪ ﻻﺑﺴﻪ ﺍﻟﺠﺎﺩﺭ ﺷﻜﻮﻭ ﻣﻮ ﻣﺮﺗﻪ ﺻﺮﺗﻲ
ﻋﺒﺎﻟﻚ ﻛﺎﻋﺪ ﻳﻢ ﺍﻣﻪ ﺍﻫﻤﺪﺍﺝ ﻧﺰﻋﺘﻨﻲ ﺍﻟﺠﺎﺩﺭ ﻭﻫﻲ ﺍﺩﺭﺩﻡ ﻭﺍﻧﻲ ﺍﺣﺲ ﺧﺪﻭﺩﻱ ﺣﻤﺮ ﻟﺴﻪ ﻣﺎ ﻣﺴﺘﻮﻋﺒﻪ ﺍﻟﻲ ﺩﺍﻳﺼﻴﺮ
ﻳﻌﻨﻲ ﻛﻠﺸﻲ ﺧﻠﺺ ﻭﺑﻌﺪ ﻣﺎﻛﺪﺭ ﺍﻏﻴﺮ ﻗﺮﺍﺭﻱ ﻃﻠﻌﺖ ﻭﺍﻧﻲ ﻛﻮﻩ ﺍﻣﺸﻲ ﺭﺍﻧﻴﺎ ﻛﺪﺍﻣﻲ ﻫﻮ ﻭﺍﻛﻒ ﻳﻢ ﺍﺧﺘﻪ ﻳﺤﺠﻲ ﺑﺲ ﻣﺒﻴﻦ ﻋﺼﺒﻲ ﻣﻦ ﻭﺻﻠﺖ ﻳﻤﻪ ﺳﻜﺖ ﻭﻳﻨﺎﻓﺦ
ﺭﺩﺕ ﺍﻛﻌﺪ ﺑﺲ ﻣﺎﺣﺲ ﻏﻴﺮ ﻭﻛﻌﺖ ﻋﺜﺮﺕ ﺑﻠﻜﻌﺐ ﺟﻠﺐ ﺑﻠﺒﺪﻟﻪ ﻭﺭﺩﺕ ﺍﻭﻛﻊ ﻛﻤﺸﺘﻨﻲ ﺭﺍﻧﻴﺎ ﺑﺼﻔﻲ ﺟﺎﻧﺖ ﻭﻫﻮ ﺻﺎﺡ ﺍﻟﻠﻪ ﺍﻟﻠﻪ ﻭﺍﺑﺘﺴﺎﻣﻪ ﻉ ﺷﻔﺎﻳﻔﻪ ﺧﻔﻴﻔﻪ
ﻛﻠﻬﺎ ﺗﻀﺤﻚ ﻭﺍﻧﻲ ﻭﺟﻬﻲ ﺻﺎﺭ ﺍﺣﻤﺮ ﻭﺭﺩﺕ ﺍﺑﺠﻲ ﻣﻦ ﺍﻟﻔﺸﻠﻪ ﻟﻮ ﺳﺎﻣﻌﻪ ﻛﻼﻡ ﺍﻣﻲ ﻣﻮ ﺍﺣﺴﻠﻲ
ﻛﻌﺪ ﻫﻮ ﺑﺲ ﻋﻴﻮﻧﻪ ﺭﺟﻌﻦ ﻋﺎﺩﻳﺎﺕ ﻟﻴﺶ ﻣﻦ ﺟﻨﻪ ﻭﺣﺪﻧﺎ ﺟﺎﻧﻦ ﺣﻤﺮ ﻭﻳﺨﻮﻑ ﻭﻳﻌﺮﻙ ﻣﺎﻋﺮﻑ ﺷﺒﻲ ﻟﺒﺴﻨﻲ ﺍﻟﺬﻫﺐ ﻭﺍﻟﻨﻴﺸﺎﻥ
ﻫﻤﺴﺖ ﻋﻤﺘﻲ ﺍﻡ ﻧﺼﺮ
ﺣﺒﻴﺒﻪ ﻫﺬﺍ ﺫﻭﻗﻲ ﺍﺫﺍ ﻣﺎﻋﺠﺒﺞ ﻋﻮﻓﻲ ﻣﺠﺮﺩ ﺭﺳﻤﻴﺎﺕ ﻛﺪﺍﻡ ﺍﻟﻨﺎﺱ ﺍﻧﺸﺎﺀﺍﻟﻠﻪ ﻉ ﺍﻟﻌﺮﺱ ﺍﺧﺘﺎﺭﻱ ﻭﺍﺣﺪ ﺍﻧﺘﻲ ﻉ ﺫﻭﻗﺞ ﻣﺎﺷﻲ ﻣﺎﻣﺎﺗﻲ
ﺍﺑﺘﺴﻢ ﺍﻟﻬﺎ ﻭﻫﻮ ﻛﻤﻞ ﻟﺒﺴﻨﻲ ﺍﻟﺤﻠﻘﻪ ﺑﺲ ﺍﻧﺘﺒﻬﺖ ﻋﻠﻴﻪ ﺭﺟﻠﻪ ﺑﺲ ﻳﻬﺰﻫﺎ ﻭﻣﺘﻮﺗﺮ ﻣﺒﻴﻦ ﻋﻠﻴﻪ ﻛﻠﺴﺎﻉ ﻳﻤﺴﺢ ﻉ ﻟﺤﻴﺘﻪ ﻭﻛﻤﻞ ﺍﻟﻜﻼﺩﻩ ﻭﺍﻟﺘﺮﺍﺟﻲ ﻭﻛﺎﻡ ﻭﻛﻒ ﺑﺎﻭﻉ ﻉ ﺍﺧﺘﻪ ﻣﺪﺭﻱ ﺷﺤﺠﻪ ﻭﻳﺎﻫﺎ ﻭﺭﺟﻊ ﺑﺎﺱ ﺍﻳﺪ ﺍﻣﻪ ﺣﺴﻴﺖ ﻋﻴﻮﻧﻪ ﺍﻟﺒﺆﺑﺆﻩ
ﺻﺎﺭﺕ ﻋﻠﻴﻪ ﺑﺲ ﻣﺎﺑﺎﻭﻉ ﻣﺠﺮﺩ ﺍﻟﺒﺆﺑﺆﻩ ﺍﺗﺤﺮﻛﺖ ﺍﺗﻨﻔﺰﺕ ﻣﻦ ﺗﺼﺮﻓﻪ ﻫﺬﺍ ﻭﺻﻞ ﻟﻠﺒﺎﺏ ﻭﺻﺎﺣﺖ ﺍﺧﺘﻪ ﻋﻠﻴﻪ ﺩﺍﺭ ﻭﺟﻬﻪ ﺻﺎﺭﺕ ﻋﻴﻮﻧﻲ ﺑﻌﻴﻮﻧﻪ ﺑﺎﻭﻋﻠﻲ ﻣﺒﺘﺴﻢ ﺗﻚ ﺧﺪ ﻭﺑﺎﻭﻉ ﻉ ﺍﺧﺘﻪ ﻫﺰ ﺭﺍﺳﻪ ﻭﻃﻠﻊ
ﺍﻭﻝ ﻣﺎﻃﻠﻊ ﺑﺮﻩ ﻣﺎﺣﺲ ﺑﺲ ﺻﻮﺕ ﺍﻟﻄﻠﻖ ﺗﺮﺱ ﺍﻟﻤﻨﻄﻘﻪ ﺗﺮﺱ
……
شكرا لزيارتكم عالم روايات سكيرهوم
