رواية الذكر مشمش الفصل الخامس بقلم منة خلف
فجر ....مالك يا مشمشي ...زعلان كدا ليه
نو نو ....سيبيني في حالي بقا
فجر ...انا ملاحظة انك زعلان بقالك يومين
نو نو ....ما تسيبيني بقا الله ...محدش يعرف يكتئب في البيت دا
فجر ...وريني كدا بتتفرج على ايه
***قام مشمش بسرعة ....قعد فوق الصورة...عشان فجر متشوفش
فجر ...ايه دا بقا ...هو احنا فيه بينا أسرار....وريني مخبي ايه
***ومشمش يتحرك ...ابدًا ..قاعد فوق الصورة ومش راضي يتحرك ....وفي حركة سريعة من فجر ...سحبت الصورة
فجر وهي فطسانة ضحك ....اه قولتلي ...شكلها لولي قفشت عليك عشان كدا انت زعلان
نو نو .....وانتِ مالك الله
فجر ...خلاص خلاص ...متبصليش كدا ...هخلي شهد تجيبها معاها بكرة وتشوفها
***وهنا كأن مشمش ما صدق ...قام يحضن فجر ...وكأنه هيطير من الفرحة
فجر ...عد الجمايل ..يا مشمشي...بس شكلك واقع
نو نو ...خليكِ في حالك
***نروح عند شهد
عمر ...ادخلي يا اس المصايب
رشا ..حضنت شهد...بجد اللي سمعته دا
عمر ...لحقت الاخبار توصلك
شهد بتمثيل ....اتبهدلت يا ماما...اتبهدلت
رشا ...بس والله الواد خالد دا طلع راجل بجد....ربنا يحفظه يا رب
عمر ....امممم...على العموم انا تعبان وداخل انام
رشا.... استنى مش هتحكيلي اللي حصل
عمر ...ما خلاص بقا البركة في سماح
رشا ....طيب يخويا ...هعرف من بنتي حبيبتي
شهد ....تدفعي كام
رشا ...كوباية كوكتيل
شهد ...موافقة ...يلا بينا
****تاني يوم
خالد ....سموحة اصحي يا سموحة
سماح ...سيبني يا ولا ...انا نمت متأخر
خالد ....لا مش قادر انام انا عريس
سماح ...عريس ايه يا ابن الهبلة ...النهاردة لسة الاتنين
خالد ...وهو بيستوعب ...ازاي انا حلمت انه الخميس
سماح ...ما انت سخنت وفضلت تخرف الليل كله ...وانا اخدتك على كد عقلك ....سيبني بقا انام ...دا كله بسبب السنيورة
خالد ...متغلطيش فيها لو سمحتي ...كله إلا شوشو
سماح ....لو ممشتش من قدامي دلوقتي ...هفتح دماغك انت وشوشو بتاعتك دي
خالد...طيب متزقيش الله
سماح ...روح ارتاح شوية يا ولا ....بلاش شغل النهارده
خالد ...عندك حق انا لسة تعبان
***عند فجر ....صحيت فجر ...واتوضت وصلت ...ورنت على شهد
شهد ....اه يا فجر ...ربع ساعة بالكتير وهبقى عندك
فجر ...ايه الدوشة دي ...انتِ بتحاربي ولا ايه
شهد ...لا يستي امي مصممة نروح نزور خالد.....وبتقولي الواد مدشمل بسببك وكمان مش عايزة تيجي ...وعمر رافض...راحت امي حكمت رأيها...وادينا في العربية رايحين نزوره
فجر ...والله طنط رشا دي كوين بجد
شهد ....لا وكمان لما عرفت انه منزلش شغله ....قامت قالت يا عيني يا ضنايا....وقلبتها دراما ...وعمر هيطق من جنابه
فجر ...انتوا في العربية دلوقتي
شهد ...اه مش سامعة ببتخانقوا ازاي
فجر ...ربنا معاكِ اوعي تتأخري...هستناكي يا غالية ...في حفظ الله
شهد ....في حفظ الله يا قلبي.....ادعيلي اوصل بالسلامة ...لأن عمر بيطلع دخان من دماغه
فجر ....ربنا معاكم ...خدي بالك ليتحول
شهد بضحك ...حاضر يا قلبي ...سلام
***عند سماح
سماح ....قوم ولا يا خالد شوف مين على الباب
خالد.....لاحظي اني تعبان ومش قادر اتحرك
سماح ...ولو قولتلك بينا نخطب ...تقوم زي العفاريت....قوم يا واد عشان بعملك شوربة
خالد ببرطمة .....أمهات قادرة .....حسبي الله
سماح ...سمعتك يا ابن الموكوسة ...بس اصبرلي
****وهووووب فتح الباب ...واتصدم بعمر وشهد ورشا
عمر ...ادي اللي عيان ومدشمل ...ومصحيانا من صباح ربنا عشان نزوره ...زي الحصان اهو
خالد باستعباط....دي رشاىدي حبيبتي
رشا....الف سلامة عليك يا حبيبي
خالد ....شوفتي اللي حصلي يا رشروشة
رشا.....سلامتك يا غالي
شهد ....الف سلامة عليك...عامل ايه دلوقتي
خالد ...بقيت كويس لما شوفتك ....اقصد لما شوفتكم يعني
عمر بيسلم عليه ...وكأنه بيعصر ايده ......الف سلامة
***عمر بهمس ....بطل محن ...عشان مجبش أجلك انا
خالد ....هو أنا اتكلمت الله
***طلعت سماح من المطبخ
سماح ...اهلًا اهلًا ...وانا اقول البيت نور ليه ...قوم يا ولا خليني اقعد
خالد ...ما المكان كبير ...حبكت تقعدي هنا
سماح ...اوعى يا واد ....رشوشة قلبي ....يعني انتِ متجيش غير لو في حاجة ...ينفع كدا
رشا ...البيت منور بيكم يا حبيبتي...وبعدين ما انتِ عارفة المشاغل ...هو احنا بنفضى
****وطول القاعدة ....وخالد مسبل لشهد ...وشهد لاحظت واتكسفت
***عمر زغد صاحبه ....غض البصر يلا
خالد ...دي رؤية شرعية
عمر ...نعم يخويا ...اتظبط لظبوطك ...هااا ...خلي اليوم يعدي على خير
خالد ...نفسي افهم ..انت اخوها ....ولا خطيبها ....الغيرة الأوفر دي مش حلوة
عمر ...ملكش فيه ...اختي ولا اختك
خالد ....لا اختك ...لكن بإذن الله مراتي
***فضربه عمر في جنبه
خالد ...اه
***كلهم ...ايه مالك ...الجرع تعبك ولا ايه
خالد ...يعني شوية
شهد ...طيب ممكن تسمحلي ابصلك عليه ...واغيرلك للجرح
خالد بفرحة... طبعًا
عمر ....لا لا انتِ اتاخرتي على كليتك .....روحي وانا هغيره
خالد بهمس ...دا انت رخم يا اخي
عمر بغمزة ...عيب عليك
خالد ....طيب استني هتروحي الكلية لوحدك
شهد ...لا انا هحود على صحبتي فجر
خالد ....كيب استني اوصلك
رشا ..ازاي بس يا ابني ...لا دا انت تعبان يا ضنايا
خالد ..انا بقيت فل
عمر ...اترزع انت هنا ...بيت فجر مش بعيد ...انا هنزل اوصلها
خالد ...روح يا اخي يا مخرب اللحظات السعيدة ...ربنا يكرمني واردهالك
عمر بغمز ...اي خدمة
***فون فجر رن
فجر ....اه يا شوشو ...اديني نزلالك
شهد ...يلا عشان اتأخرنا
فجر ...هو يعني أنا اللي اخرتك ...اصبري لما ان انزلك
***ونزلت فجر ....وقابلت عمر ...ولكنها مردتش تبصله
فجر ...يلا يا شهد
عمر ...طيب حتى قولي السلام عليكم...صباح الخير اي حاجة
***فجر بصتله من فوق لتحت
فجر ..يلا يا شوشو
***فوقف عمر قدامها
عمر ...هتفضلي مقموصة مني كدا كتير
فجر ..وانت مين عشان تزعلني ...ولا حتى أخد منك موقف واحطك في دماغي وازعل
عمر ....اه لو لسانك دا يقصر شوية ...هتبقي عسل
فجر ...خلي بالك ..صاحب العسل دا ...هو نحلة
عمر ...طيب متزعليش مني ...خلي بالك انا اول مرة اتكلم مع حد كدا
فجر ......محدش طلب منك ...واعتذارك مرفوض
***وشدت شهد ومشيوا
شهد ....حرام عليكي عمر طيب
فجر ...شهد اطلعي انتِ من الموضوع احسن
شهد ...اما مالي ...كنت عايزة احكيلك على حاجة
فجر بحماس ...اه قولي
***وشهد حكتلها على تصرفات خالد ...وعلى نظراته ...وإنه شكله معجب وكدا
فجر ...طيب دا الولا خالد دا ...بسم الله ما شاء الله...اخلاق ودين ورجولة ....وبصراحة يعني وسيم ...انا مش عارفة هو صاحب اخوكي ازاي ...نسمة مصاحب غوريلا
شهد بضحك ...لا يا شيخة مش للدرجاتي ....عمر قلبه حنين وعسول
فجر ...اه يختي واضح ..واضح
****وصلوا البنات ودخلوا المحاضرة
***ودخل دكتور أحمد.....وكان شرحه ممتاز ...وكالعادة فجر متميزة ...وأحمد كان مبسوط منها جدًا وبيشجعها
****وطلع دكتور أحمد...ولكنه قال
أحمد....ليكي عندي هدية يا فجر
***وخرج
شهد بغمزة .....من الواضح انه معجب يا جميل
فجر ....لمي نفسك وركزي في المحاضرات
****وبعد يوم دراسي طويل ...مليان بالمحاضرات والسكاشن
شهد ...انا فرهدت خلاص
فجر ...وانا هموت من الجوع
شهد ...طيب يلا عشان نلحق الصيدلية
****وهما ماشيين .....كان دكتور أحمد بينادي على فجر
أحمد....فجر .....يا آنسة فجر
****وهنا كان عمر جاي عشان يوصلهم ...ولما شاف الدكتور بيقرب من فجر عشان يكلمها ....هووووب دمه فار
*****اهو انت يا عمر رخم بصراحة ...ما ترسالك على بر يا ابني .....احم اسفة للمقاطعة *****
عمر بمقاطعة للدكتور ....وانت عايزاها في ايه ان شاء الله يخويا
******ووووووو......
شكرا لزيارتكم عالم روايات سكيرهوم
