رواية شجن القلوب الفصل الخامس
عند علي بعد ما شافها دخلت شقتهم دخل شقتهم دخل يدور على مامته مالقهاش في الصاله دخل المطبخ مالقهاش نادى عليها لقاها في اوضتها بتقرأ قرءان
=إيه يا ماما ما سمعتنيش و انا بناديكي فكرتك مش في البيت
مامته تجاهلته و ماردتش عليه
=إيه يا بطوط انتي زعلانه ولا ايه
مامته ماردتش عليه برضو
=طب ردي عليا طيب
اخيرا بصتله ببرود
_عاوز ايه
=مالك يا بطوط زعلانه ليه
_هو انت عملت حاجة تزعلني
علي فهم فقال
=اه انتي زعلانه على الصبح يا ستي انا أسف
_يعني انت عارف ان الي عملته غلط و عملته
=خلاص يا بطوط بقا انا أسف انا غلطان ماتزعليش نفسك عشان وشك هيكرمش و يطلعلك تجاعيد
امه ضربت على ضهره ضربه قوية و قالت
_اكرمش مين يا قليل الادب مش كفايه مش متربي لا و كمان بجح طب سيب خصله حلوة فيك
علي هو بيتأوه بقوة
.=يا بطوط الغشوميه دي و انا الي جاي اصالحك و بعدين انتي شفتي الصبح و الي هي قالته
_و الله و انم تجعر زي البقر و انا موجودة و تخليها تقوم من على الأكل ده عادي
علي ببلاهه
=شكل كلمه أجعر دي وراثه فيكم
_غور يا علي من وشي و ما تتكلمش معايا
=هو انا كل شوية واحده تخاصمني طب انا جعان جهزيلي الأكل حتى
_اعمل لنفسك
=خلاص انا هاكل
_الي ياكل على ضرسه ينفع نفسه
علي طلع من اوضه امه بعبوس و قال انه هيعمل مقموص لحد ما بعد ربع ساعه تجيبله الاكل كالعاده
دخل اوضته غير هدومه و فتح الموبايل لقى الرساله من الشركه الي اتعاقد معاها بتقول …
عند شجن خلصت اكل و دخلت المطبخ تدخل الأطباق مامتها كانت رايحه تشرب
_بطني ما بقيتش قادرة اتنفس انا ممكن ما اقدرش اكل لاسبوع
_ليه كده خدي كمان الاكل كتير و كلي
_بجد ما بقيتش قادرة و كمان كفايه مكرونه و نشويات انهارده
دخلت شجن أوضتها تتنهد بملل ففتحت موبايلها و كلمت دانه
دانه: بت يا شجن
شجنننن
رديييييي
يا بت
البت ماتت ولا ايه
طب قبل ما تموتي قوليلي ايه الي حصل انهارده
شجن بعد ماشافت رسايلها رنت عليها تكلمها و تحكيلها الي حصل
عند علي
علي فضل مستني مامته تدخل بالأكل كعادتها بس المرة دي اتمسكت بقرارها و علي كان جعان لانه مالحقش ياكل مع محمد في المطعم و برضو ما رضيش يدخل يجيب لنفسه ان هو مقموص يعني
فدخل البلكونة ينادي على شجن
=شلبي يا شلبي
شجن سمعت صوته فقفلت مع صاحبتها و لبست إسدال فوق البيجامه و خرجت
_اوف على الإزعاج عاوز ايه
=ايه المقابله دي يا شلبي
_خلاص متزعلش عاوز ايه
=عندكوا اكل؟!.
قالت بسخرية
_مستورة و الحمدلله.
=هو انا عاوز اعطف عليكم انا جعان
بصتله باستغراب
_انت لسه ما أكلتش انت جاي من زمان
بعثر شعره و قال
=اصل انا عامل مقموص و محدش عبرني و ميت من الجوع
_استنى هروح اجيبلك اي حاجه تاكلها
خىجت لقت مامتها قاعده في الصاله كعادتها فدخلت المطبخ جهزت ليه اكل طبق مكرونه كبير و قلت بانيه و بطاطس كتيره و كفته كانت مامتها مجهزاها و طلعتله عصير من التلاجه و طبق جيلي مامتها عاملاه و حطيتهم على صينيه و خرجت قابلت امها و هي داخله الاوضه
_يا ستار يارب ايه يا بت الاكل ده كله مش انتي لسه قايلالي ما عنتش قادرة اكل و بطني وجعاني
شجن ابتسمت ابتسامه بلهاء و قالت
_ما هو انا جعت تاني فقلت اكل تصبيرة لما تجهزي العشاء
امها بصت على الصينيه و الاكل الي عليها هي دي تصبيرة ياما اخاف و احنا نايمين تاكلينا
دخلت شجن بالصينيه للبلكونه و قربتها من علي و علي شالها منها و قال
=حبيبي يا شلبي والله
_لو قلت يا شلبي تاني هاخد الاكل
=ابو الذل ده بدل ما تقوليلي بالهنا و الشفا يا سي علي
_ليه يا حبيبي ده انت شحات و متسول مش كفايه بأكلك
=ابو ملافظك يا شيخه
علي كمل اكل و شجن بصتله بشفقه و هو مش شايفها
بعدين بصلها فجأه لقاها بتبص عليه
علي بمزاح
=اوعي تكوني حاطه سم في الاكل فبتبصيلي كده انك ندمانه مثلا و الله هزعل ان اخر اكله مكرونه و بانيه انا نفسي في محشي
بصتله بقرف و قالت
_انت مين اصلا عشان اسممك و ادخل السجن فيك يا عم ربي عيالك
=اومال بتبصيلي كده ليه
_شكلك و انت بتاكل بيقطع القلب بتبص للأكل كأنه اعز ما تملكه و الله عاوزة اعيط شكلك غلبان لو عاوز اكل كمان قولي و انا مش هجيبلك لانه خلص
علي و هو بيبصلها ببلاهه
=ليه ياختي شكلي ماله و بعدين ايه أعز ما تملك دي هو انا بتجوز الاكل
_ششششش متزعلش كل يا لولا كل براحتك الاكل كتير و ماتزعلش
كانت تتحدث و هي تنظر له بشفقه
علي كمل اكله و هو مش طايقها
=الحمدلله شبعت
_متأكد لسه ما أكلتش الأطباق
=انتي هتبصيلي في اللقمه يا شلبي
_معلش اصل مرة واحده اتفجعت كده
=معلش نفسي مفتوحة من الفرحه
_ايه الي مفرحك كده
علي و هو بيبتسم
=عارفه البنت الي كنت قاعد معاها في الكافي.....
قاطعته شجن تربع يديها
_اه هي الي مخلياك مبسوط كده طب حلو و الله و ايه كمان
=ما تسيبيني اكمل يا شلبي
شجن صمتت و هي تنظرله بضيق
=فاكرة الشركه الي كنت بعتلها فكرة المشروع و الي قالت هنرد عليك كمان فترة
أومأت برأسها
=بعتولي انهارده انهم موافقين عليه و اني لو فاضي ممكن اقابل المندوب في الكافيه ده فروحت و لقيت بنت بدل راجل
_امممم كمل
=أكمل ايه
_اتكلمت في ايه يا ترا مع عصفور الكناريا دي
=ولا حاجة اتفقنا اني اروحلهم الشركه عشان نشوف الشروط الي هتتكتب و نمضي العقود
_مبروك مقدما
=الله يبارك فيكي انا بجد مبسوط اوي حاسس اني قربت اوي احقق الي نفسي فيه
شجن ابتسمت و قالت
_ان شاءلله تحققه
=انتي بقا عملتي ايه في يومك
_مفيش حاجة مهمه صحيت صليت و بعدين نمت مفيش شوية لقيت ماما بتصحيني قمت لقيت زعبولة مش عاوز يروح المدرسه كان ليه بدري نمنا شوية و بعدين مشي و خالتو نادتني افطر و كان فيه تور قعد يزعق على الفطار و بعدين روقت البيت و زعبولة جه اتفرجنا على كرتون و خرجت مع دانه و هذا فقط يا عزيزي
علي بصلها بغيظ بسبب نعتها له بالتور
=ده انتي استبدلتيني بزعبولة
_زعبولة ده لولا انه طلع مرتبط كنت اتجوزته ده كله مميزات
=و ايه المميزات دي ياختي؟!
_اولا بيحب الكرتون بيقولي يا ثجن بيحبني بيجيلي كل اما ييجي من المدرسه يشوفني و مربياه على ايدي و عنده خدود جميله بس للأسف طلع مرتبط
علي بصلها بتشنج و قال بسخرية
=ماشاء الله ده طلع كله مميزات فعلا
ردت عليه بفخر حقيقي
_شفت و كمان بقا بيصحى و ينام بدري بقا راجل ملتزم
علي ابتسم و قال
=لا زعبولة بقا شاطر بصراحه لو ليا اخت كنت جوزتهاله
_لا انا مش بقبل باي حد لابني زعبولة
=انتي تطولي ياختي
بصتله باستحقار و قالت
_انا هقوم انام عشان ما نمتش كويس بسبب نكدك و كنت بطول اليل مفطورة من العياط قالت تكذب بمسكنه
=خلاص انا اسف
_يلا بقا طول عمرك بتيجي عليا و انا ساكته و متحمله يلا انا مش هقول غير يا رب خدلي حقي
=يا ستار يارب
قال علي و هو يناولها الصينيه
اخذتها منه و انحنت مثل الاميرات و قالت بتفاجأ مصطنع
_يا خبر
=مالك
_الساعه 12الوداااع
علي بصلها بقرف من تفاهتها و هي دخلت اوضتها تضحك بعد ما دخلت علي ابتسم عليها و بعثر شعره باهمال و دخل اوضته
عند شجن دخلت الاكل المطبخ. غسلت الاطباق و ودخلت اوضتها قلعت الاسدال و نامت على السرير و بعدين فكرت في انها محتاجه تشتغل بدل ما هي قاعدة في البيت كده و عزمت انها من بكرة هتاخد الموضوع بجدية اكبر و تدور على شغل و بعدين نامت
عند علي دخل اوضته يلعب في فونه لحد ما يجيله النوم قعد يقلب في الصور شاف صورته و هو صغير و شجن جمبه بيضحكوا و صورة ليهم في تخرجها ابتسم على الصور بعدين نام
في اليوم التاني
علي كعادته خبط على باب البلكونة وقت الفجر بهدوء على عكس امبارح و نزل صلى في الجامع بعدين ناموا تاني صحيت شجن الساعه تمانيه قعدت على السرير و قالت و هي بتتثائب
_جود مورنينج شاهندا
قامت غسلت وشها و دخلت المطبخ تعمل كوبايه قهوة و سندوتش أكلتهم و فضلت قاعده في الصاله زهقانه تلعب بفونها
عندعلي صحى على المنبه الساعه تسعه قام غسل وشه و غير هدومه عشان الشغل خرج لقى مامته على السفرة مستنياه و ما فطرتش مع باباه قبل ما ينزل الشغل
علي بإبتسامة
=يا صباح الفل
امه عملت انها زعلانه راح باس راسها
=خلاص يا ست الكل انا أسف بقا متزعليش مني و اعتذرت لشجن متزعلش بقا يا بطوط
_خلاص يا علي اقعد كل
=طب تعالي كلي معايا
بدؤوا ياكلوا سوا و بعدين علي نزل شغله و دخل الشركه الي بيشتغل فيها قابل سامي في الشركه سلموا على بعض و قال
_ازيك يا علي
=الحمدلله ازيك يا سامي
_الحمدلله في نعمه.. اه بخصوص البنت الي قلتلي عليها انا خلاص ظبطتلها مكان في فريقي و بلغها انها هتستلم شغلها السبت الجاي
=تمام كويس اوي ان شاءلله هبلغها شكرا ليك يا سامي انا قلت برضو محدش هيحللي الموضوع غير سامي
_ما تقولش كده دي حاجة بسيطه
علي ابتسمله و شكره تاني و راح على مكتبه
لما علي دخل المكتب
علي اتصل بمحمد و بعدين قفل معاه و بدأ يشتغل و يشوف وراه اي و جاتله واحده متدربه تسأله على حاجه و ساعدها و كمل شغله
عند شجن
شجن خلصت شغل البيت زي اي يوم و قعدت تلعب بفونها و نامت على السرير زهقانه
"علي بعد ما خلص الشغل كلم شجن عشان يتقابلوا و يقولها حاجة مهمه شجن لبست و استأذنت من مامتها و راحت تقابله عشان تشوف عاوزها في ايه "
شجن وصلت قبل علي و قعدت تدندن اعلان قديم جه في دماغها
_ڨاتيكا زيت زيتون للشعر لو الشعر مقصف ماشي
علي من وراها
=أنا
شجن اتخضت و بصتله
_انت ايه
=أنا شعر صحي أكتر
شجن ضحكت على تفاهته و بعدين قالت
_هاه كنت عاوزني في ايه
=استني اما نشرب حاجه و اقعد شوية ارتاح
علي طلب اتنين عصير مانجا
_قول بقا كنت عاوزني في ايه؟.
شجن سألت بفضول
=عندي ليكي خبر حلو اوي مش هقوله غير على شرط
_شرط ايه
=انك تهتمي و ترفعي راسي
_ارفع راسك ليه انت رقبتك مالها
=احيه ده انا شكلي هرجع في الحوار ده
_حوار ايه ما تقول يا علي
=خلاص يا يتي ما تتعصبيش كنت عاوز اقولك اني لقيتلك شغل في الشركه الي بشتغل فيها في قسم الديكور و ممكن تبدأي شغل من اول الاسبوع الجاي
شجن بفرحه
_بجد يا علي
علي ابتسم على فرحتها و قال
=اه و الله
_شكرا شكرا يا علي بجد انت أحسن راجل في الدنيا
=مش كنت تور بزعق امبارح
_مين المفتري القمر الي قالك كده ده انت نسمه البيت صوتك ده ما بنسمعوش
=يا شيخه
_ايوا طبعا و الله و طمر فيك الأكل يا لولا
علي كان هيرد عليها لقى فونه بيرن برقم محمد علي اتفاجأ لانه المفروض يكون بيتقدم لبنت خالته
=ألو
_ألو حضرتك تعرف صاحب الموبايل ده
علي اتفاجأ و رد بجدية ايوا حضرتك عو في ايه و فين محمد
شجن اعتدلت في مكانها وهي حاسه بحاجه غلط
_للأسف يا فندم صاحب الفون ده عمل حادثه و ده كان أخر رقم كلمه و هو موجود في مستشفى *******
=تمام انا جاي حالا
علي قام بسرعه
_في ايه يا علي
=محمد عمل حادثه
_طب استنى انا جايه معاك
شجن و علي راحوا بسرعه على المستشفى على راح يسأل في الاستقبال على الاوضه
=لو سمحتي في حد جاي في حادثه من شوية موجود في غرفه كام
_غرفه 34يا فندم
علي و شجن جروا على الاوضه لقوها اوضه عمليات و الدكاترة موجودين فيها
علي قعد على الكرسي مرعوب
_اهدى يا علي ان شاءلله هيبقى كويس
علي قبل ما يرد لقى الدكتور خارج من الاوضه جرى عليه
=طمني يا دكتور هو كويس
_شد حالك يا أستاذ البقاء لله
علي اتصدم و مسك الدكتور من هدومه و قال
=مات ازاي يعني انت اكيد ما عملتش الي عليك
_سيبه يا علي و اهدى اكيد في حاجة غلط
شجن شالت ايد علي من على الدكتور و الدكتور و مشى و على قاعد على الكرسي مصدوم
=انا هموت يا شجن مش قادر ده كان اخر مرة فرحان و انا بكلمه كان نفسي اشوفه عريس
علي اجهش بالبكاءو شجن قربت منه بتردد و طبطبت على ضهره
_اهدى يا علي هو في مكان احسن دلوقتي قالت و هي عنيها كلها دموع
فجأه جه صوت من وراهم
_انت تعرف الست التخينه الي دخلت جوه الاوضه دي يا علي
علي اتصدم و …
