رواية اخويا الكبير الفصل السادس
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعدها بكام ساعة ومن جوة اوضة في سكن خاص بالعمال في الساحل الشمالي يقعد أدهم علي سريره وفي ايده الموبيل بتاعه وكان بيتفرج علي صور اسامه وبيعيط وبيقول
هونت عليك تسيبني يا اسامه. بس انا مش زعلان منك
في نفس الوقت كان واقف جوة الاوضة وراء ادهم معتز المشرف بتاعه ومعاهم المهندس محمد وكان بيبصو ل ادهم اللي كان بيكلم صوره اسامه ومش واخد باله منهم وقال معتز
صدقتني يا هندسه لما قولت لك انه اعصابه تعبانه ومن ساعه ما جه من مصر وبيفضل طول الليل علي الحاله دي ويروح الشغل مش شايف قدامه لدرجه انه كان في يوم واقف علي الصنيه بيقطع خشب ايده كانت هاتنقطع
المهندس محمد
يعني انت شايف أيه يا معتز
معتز
أنا شايف انه يرجع مكان ما جه لغايه مايقدر يعدي الفتره الاولي من موت ابنه وساعتها يرجع الشغل تاني لكن لو فضل شغال كده وهو مش مركز هايبقي في خطر عليه
محمد
خلاص يا معتز. ادي له حساب الكام يوم اللي اشتغلهم ومشي
ويخرج المهندس محمد ومعتز من الاوضة وفي نفس الوقت وعلي الواتس تيجي صورة ل ادهم فتح الصورة وكانت ابنه اللي لسة مولود بعتها لي عم شفيق وتحت منها كاتب
★ريهام حصل لها حادثه وبقيت عاميه وابنك أسامه محتاجك لك ★
اتصدم ادهم واتصل بعم شفيق وعرف منه كل اللي حصل ،،،،،،،
ومن جوة شقه عوض وقبل أذان الفجر بساعه تقريبا يتفتح باب الشقه ويدخل تلت رجاله ملثمين ووراء منهم دخل المعلم جنش ووصلو للاوضة اللي نايم فيها عوض وجنش خرج مسدس من جيبه
ب كاتم للصوت ويحط المسدس في رقبه عوض النايم ويقول بصوت خافت مخيف
انت. أصحي
صحي عوض وفتح عيونه بصعوبه وبص ل جنش وقال
أنت مين
جنش
أنا اللي جاي اخلص عليك لو ماقولت ليش فين شنطه المخدرات اللي سرقها مني اخوك
عوض باستغراب
اخويا مين منصور ولا أدهم
جنش غرز المسدس اكتر في رقبه عوض وقال
انت هاتستهبل يا روح امك انا عايز الشنطه اللي سابها معاك رجب العسال
عوض باستغراب اكثر
رجب العسال ،، مين رجب العسال ده
جنش بغضب شديد
لا بقي باين عليك مش هاتجيبها لبر بس انا هنا مش هاعرف اخد راحتي معاك
وبص جنش ل رجالته وقال
هاتوا يارجاله بس من غير شوشره
ويهجموا علي عوض ويكتموا نفسه وعوض يقاومهم بكل قوته ويخرجوا به من الاوضة وعند خرجوهم من باب الشقه يخرج منصور من اوضة جده صدفة ويشوف عوض وهو بوقة متكمم ورجالة جنش خارجين بي فخاف من المنظر ودخل ل اوضة جده بسرعه وقفل الباب وراء منه وقال
ايه اللي انا شوفته ده. عوض اتخطف تاني وبعدين بقي في الشغلانه دي طيب والعمل مش معقوله أسيبهم يخطفوا وانا اقعد ساكت لازم أتصرف
وخرج منصور من الاوضة بسرعه وراح ل باب الشقه وخرج من الشقه ونزل علي السلم بسرعه ووقف عند باب البيت فلقي عربية جنش النص نقل اتنين كابينة جنش ورجالته وعوض متخدر متوزعين في الاثنين كابينه والعربية اتحركت فجري منصور وراء العربية ونط جوة الصندوق وماحدش حس بي ونام علي ظهره واستخبئ تحت غطاء السياره و قال لنفسه
وبعدين بقي أعمل انا ايه دلوقتي. انا لوحدي مش هاعرف اعمل حاجه لازم ادهم يكون معايا
وخرج الموبيل بتاعة وأتصل بأدهم ورد أدهم عليه وقال
ايوه يا منصور
منصور
أدهم انا عايزك ضروري عوض أخونا أتخطف تاني
أدهم كان في الموصلات وقتها فقال
انا جاي في الطريق يا منصور بس مش عشان عوض عشان أبني اللي لسه مولود ومحتاجني أكون جنبه
منصور
طيب وعوض
ادهم
لي رب يحمي
منصور
الظاهر اني غلط لما أتصلت بيك انا هاتصرف وانقذ عوض اخويا حتي لو فيها موتي
أدهم
أعقل أنت لوحدك مش هاتعرف تعمله حاجه وخصوصا أنهم باين عليهم ناس مفتريه
منصور
مش مهم. المهم اني الحق أخويا عوض
أدهم
اسمع الكلام وسيبك من اللي انت ناوي تعمله
منصور
كنت زمان بسمع كلامك عشان انت اخويا الكبير لكن دلوقتي مش هاسمع اللي صوتي انا وبس
ادهم
يعني مش ناوي ترجع عن اللي في دماغك
منصور
مش هارجع يا ادهم
ادهم
حرام عليك انا مش حمل أن اتحرم من حد تاني بلاش تموت زي ما مات اسامة
منصور
كل اللي انت هاتقوله مالهوش لزوم انا دلوقتي في صندوق العربيه اللي خطفت عوض ومش هارجع البيت الا وعوض معايا وانا هبقي اخو الكبير لأن اخويا الكبير مات مع ابنه
ادهم قال لنفسه
هو انا كنت ناقصك يا منصور كفايه الهم اللي انا في
وبعدها قال ادهم لمنصور
طيب انت فين دلوقتي انا جاي لك ،،،،،،
ومن جوة مخزن سلاح يقعد رجب العسال وهو حاطط رجل علي رجل واتفتح جنش باب المخزن ومعه رجالته وهم شايلين عوض مرسي اتصدم جنش لما لقي رجب العسال قصاد منه فقال
انت
رجب ببرود
واحشتك صح
جنش وهو بيقرب منه يقول له
واحشتني أوي
وخرج جنش مسدسه وصوبه ناحيه رجب وقال
وكويس انك هنا عشان نصفي حسابتنا وحاجتي اللي عندك جه وقتها ترجع ليا
رجب
طيب نزل المسدس ده عشان رجب مايزعلش منك
جنش باستغراب
رجب مين اللي يزعل منك
وفك عوض نفسه بسرعه رهيبه وضرب رجالة جنش اللي كانو حوالين منه بسرعة و بمنتهي العنف فبص له جنش وهو مرعوب وخلع عوض دقنه وراح ناحيه جنش. وجنش مصوب ناحيته مسدسه وقال
وعامل لي فيها شيخ
فقرب منه عوض وجنش قال والمسدس موجه ناحيه عوض
أوعي تقرب مني لقتلك
عوض
لو راجل أقتل وأنا هاخليك تحصل صدام
جنش اتصدم من اللي سمعو وقال
أنت تعرف صدام منين
عوض
انا أبنه هاشم اللي فلت من حادثه العربيه اللي انت وماجد الدسوقي دبرتوها لي ابويا بعد ماعرفته مكان الدهب اللي سرقه منكم
جنش
انت. ابن صدام. طيب ازاي ألمفروض تكون مت مع ابوك
هنا عوض اللي هو هاشم قال
من حظكم الاسود اني عيشت عشان اخلص عليكم بايديه لان دي كانت وصيه ابويه قبل مايموت ويسيب لي تسجيل بصوته في كل حاجه عنكم
جنش
أنت كان عندك سنتين ساعه ما حصلت الحادثه دي
ضحك هاشم وقال
اللي انت ماتعرفهوش وماعملتش حسابه انت وماجد أن مرات صدام. حميده كانت معانا في العربيه ساعه ما اتقلبت وطلعت انا وهي عايشين وهي اللي ربتني علي كرهكم وبقيت عايش بس علي حلم أني أخلص منكم وجه يومكم ونهايتك ومن بعديها نهايه ماجد الدسوقي
جنش
بتحلم يأ ابن صدام أنا مش هاموت
وتخرج رصاصه من مسدس جنش ناحيه هاشم ولكن هاشم يطير بعيد عن مسار الرصاصه ويهجم علي جنش ويمسك رأسه ويلفها بعنف فتنكسر رقبه جنش ويقع جثه هامده وبص هاشم ل رجب العسال وقال
المكياج مخليك حته مني يا عصفور
عصفور
تلميذك يا ابن ابليس. قولي بقي ناوي علي ايه الخطوه الجايه
فيركب هاشم الدقن مره تانية علشان يبقي شبه عوض بالظبط وقال
هانتصل بماجد وندي له العنوان اللي احنا حابسين في عوض الحقيقي واول ما يوصل هناك هاقتله واهرب ويلبسها عوض مرسي علي انه هو هاشم. وارجع تاني لبيت عوض واعيش علي أساس اني عوض واتمتع بالفلوس اللي خدها من ماجد وفلوس المخدرات اللي خدها من جنش
عصفور
طيب ما كده عوض هياخد فيها اعدام
هاشم
يتعدم هو ولا اتعدم انا. طبعا هو وبعدين انت نسيت اني طلبت منه يحط ايده في ايدي وننتقم من اللي قتل ابونا وهو رفض وقعد يقول لي القتل حرام وانه راجل بصلي وعارف ربنا وعمري ما اقتل خلاص خلي هو اللي يموت
عصفورر
عشان كده انت حبسته في شقتك القديمه ورجعت مكانه لبيته وعيشت معاهم علي أساس انك عوض
هاشم
طبعا. ما هو لازم حد يشيل قضيه قتل جنش وماجد لما اخلص عليه. واتمتع انا بالفلوس
عصفور
طيب وناوي تعمل أيه مع مليكه
هاشم
هاتجوزها طبعا. بعد ما تبقي الوريثه الوحيده لماجد
عصفور
أنت ايه دماغك دي سم
هاشم
اومال أيه يا ابني مش تربيه حميده أمك
وضحك الاثنين بمنتهي الشر وقال هاشم
جه الدور عليك يا ماجد الكلب، ،،،،،،
