رواية غيرة السلايف الفصل السادس والاخير
قمر تقوم بخوف وهي بتقول:
قمر:
رحمة، الله يسترك، ما تفتحي حنك. أنا لسه عروسة زيك، مش ناقصة فضايح، الله يسترك.
رحمة بغيظ:
وما فكرتيش ليه إني لسه عروسة لما كنتِ عاوزة تاخدي جوزي مني يا أختي؟ بس صدق اللي قال: انقلب السحر على الساحر.
أم معيز:
آها منك ومن خبثك يا بت يا رحمة. طيب ما إنتِ كمان عاملة له عمل جوزها يشوفها قردة.. محبوكة ومنفوخة قوي ليه كده؟ واللي يشوفك يقول ملاك نازل من السما.
قمر تبص لرحمة بغيظ وهي بتقول بغضب:
قمر:
الله الله، ده كان كمان خمس دقايق وهصدق إن نزل عليكي الوحي يا شيخة رحمة.
رحمة بغيظ:
بس ما حطتش عيني على جوزك يا فاجرة، ولا عملت له أعمال علشان آخده منك.
قمر بغضب:
ولما جوزي يشوفني قردة كده يعني هياخدني في حضنه؟ ما كان هيطلقني يا فالحة.
أم معيز بزهق:
بس بقى منك ليها. أمال لو ما كنتوش صحاب كنتوا عملتوا في بعض إيه أكتر من كده؟ اسمعي يا بت إنتِ وهي، الأعمال اللي عملتها اتقلبت على جوزكم، ومش عارفة إزاي، هادي هيفضل يشوف قمر قرد، وزكريا هيعشق رحمة.
رحمة وقمر بصدمة:
نعممممم!
قمر بغيظ:
زكريا مين ده اللي هيعشق رحمة معليش؟
أم معيز:
مش إنتِ اللي كنتِ عاوزة هادي يعشقك؟ والعمل اتقلب. كل واحدة طلبت حاجة اتقلبت على جوزها.
رحمة:
أنا مرتاحة إن هادي شايفها قردة علشان ما زغللش عينيه، بس مش عاوزة زكريا يعشقني والكلام الفاضي ده.
قمر بغضب:
اسمعي يا ولية يا خرفانة، إنتِ تعملي أي حاجة وتخلصيني من أم المصيبة دي. يعني أنا لا أطول زكريا ولا أطول هادي؟ إيه الحظ المهبب ده؟
رحمة بغيظ:
بت إنتِ، اتلمي وشّيلي عينك عن جوزي أحسن لك.
قمر بحنق:
إنتِ أكتر واحدة كنتِ عارفة إني بحب هادي قد إيه يا خسيسة، ورحتي لفّيتي عليه لحد ما تجوزك.
رحمة:
لا خالص، كان غرقان في دباديبك، وأنا خطفته. الراجل حبني أنا ودخل بيتي أنا، وما كانش جوزك ولا خطيبك وخدته منك.
قمر:
كنتِ على الأقل ارفضي وإنتِ عارفة إني بحبه.
رحمة بزعل:
لو هادي كان بيحبك إنتِ، ما كانش جه ليّ أنا يا قمر. ياريت تفهمي إن هادي مش بيحبك.
رحمة تسيبهم وتمشي، وقمر تفضل واقفة بتكلم نفسها بغيظ:
قمر:
أموت وأعرف إيه اللي فيكي مش فيّ علشان يحبك إنتِ ويسيبني أنا. (تبص لأم معيز بغيظ) وإنتِ يا زفتة اعملي أي حاجة وتخلصيني من المصيبة دي.
أم معيز ببرود:
والله دخول الحمام مش زي خروجه، وفكّ العمل مش زي عمله. إيدك على خمس آلاف وأنا أقولك تعملي إيه علشان يتفك.
قمر تبص لها بغيظ وغضب..
____________
شقة هاشم وزينب..
رحمه رجعة من بره ولسه بتدخل علشان تشوف زينب تلاقي زكريا مقابلها خارج من الشقه والاتنين فجأة يخبطوا في بعض. رحمه تحط ايدها على دماغه وهي بتقول.
رحمه
اه.. ما تشوف انت بدوس فين يا عم انت.
زكريا يقرب منها وهو بقول بقلق.
زكريا
انا اسف والله انا ما خدش بالي انتي كويسه.
زكريا يمسك ايد رحمه ويبص لها بطريقه مش كويسه.. رحمه تسحب ايدها منه بخوف وهي بتقول.
رحمه
ايوه كويسه.. امال فين ماما مش بيني.
زكريا
مش عارفه انا لسه راجع ما لاقتش حد.
رحمه بخوف
طيب.. انا هطلع اكنس شقتي علي ما تجي بسلامه.
ولسه هتمشي من قدام زكريا.. بس زكريا يفقد السيطرة على نفسه ويقرب منها يمسكها جامد من وسطها وهو بيقول من غير واعي.
زكريا
انا بحبكك اوى يا رحمه مش عارف ازاي ولا من امتي بس صدقني هموت عليكي اطلقي من هادي وانا هتجوزك انا اكتشفت اني بحبك اوى مش قادر اشيلك من دماغي صدقني.
رحمه تحاول تبعد عنه وهي بتقول بخوف.
رحمه
يالهههوي.. انت بتقول ايه بالله عليك ابعد ده مش حب د هوس انت مسحور مش عارف بتقول ايه سبني ابوس ايدك قبل ما حد يدخل هتكون مصيبة.
وفي اللحظة دي هادي يدخل يشوف اللي بيحصل عيونه تحمر من كتر الغضب وهو بيقول بصوت عالي.
هادي بغضب
الله الله اي الحلوه دي مش كنتم دخلتوا اوضة ولا حاجه علي الاقل ما حدش يزعجكم.
رحمه تبص لهادي بصدمة وتزق زكريا جامد وتقول بخوف وهي بترتعش.
رحمه برعب
ها… دي. انت… انت جيت امتي.
هادي بغيظ
اي يا هانم قطعت عليكي اللحظة ولا ايه كملي كملي ولا كأني هنا ما انتي متجوزه كيس كوافه.
زكريا
هادي انا بحب رحمه طلقها وانا هتجوزها.
هادي يبص له بغضب ورحمة تلطم وشها وهي بتقول.
رحمه
يالهوي اسكت الله يخربيتك انت مش في واعيك مش عارف بتقول…
وتسكت فجأة لما هادي يهجم علي زكريا ويفضل يضرب فيه وهو بيقول بغضب.
هادي
بتحبها يواطي بتحب مرات اخوك يا ندل ده انا هطلع روحك في ايدي
رحمه تصوت وتجري علشان تبعد هادي عن زكريا قبل ما يخلص عليه وهي بتقول.
رحمه بدموع
هادي سيبه سيب اخوك هو مش في واعي مش عارف بيقول اي سيبه ابوس ايدك اخوك مسحور.
هادي يبص لها بغضب وهو بيقول.
هادي
مسحور… مسحور ازاي؟
رحمه بدموع
سيبه وانا هحكيلك على كل حاجه.
هادي يبعد عن زكريا ورحمة تحكيله كل حاجه عملتها هي وقمر.. هادي يضربها بالقلم فجأة وهو بيقول بغضب.
هادي
بتعملي اعمال يا رحمه ولمين اخويا ومراته وانا وانا اللي كنت مخدوع فيكي وفكرتك طيبه وعلي نياتك.
رحمه بدموع
انا ندمانة والله العظيم مش عارفه عملت كده ازاي بس كونت خايفه علشان قمر اجمل مني كنت خايفه الكل يحبها ويتذلوني انا.
هادي بغضب
لدرجة دي انتي غبيه لدرجة دي مش واثقه فيا. للاسف يا رحمه لحد هنا واكل عشنا انقطع مع بعض انتي طالق انتي طالق انتي طالق.
رحمه تبص له بصدمة. وفي اللحظة دي تدخل زينب وقمر ويسمعوا كلام هادي زينب تصوت وهي بتقول
زينب
يالههههوي طلقت مراتك يا هادي ده انت لسه مش مكمل اسبوع متجوز انا قولت عين وصبتنا.
هادي يبص لقمر بغضب ويسبهم ويطلع ورحمة تفضل تعيط. وقمر تبص له بزعل. زكريا يقرب من رحمة وهو بيقول من غير واعي.
زكريا
رحمه ولا يهمك احسن انه طلقك انا هتجوزك انتي ما تعرفيش انا بحبكك قد ايه.
زينب بصدمة
يانهار مش فايت انت بتقول ايه يابني حرام عليك حرام عليكي. دي مرات اخوك.
رحمه تفضل تعيط وزينب تقرب من زكريا عاوزه تضربه قمر تجري وتقف قدام زكريا وهي بتقول بدموع وزعل.
قمر
هو مش عارف بيقول اي… زكريا مسحور مش داري بحاجه
زينب بصدمة
مسحور… مسحور ازاي.؟
قمر ورحمة يبصوا لبعض بحزن وقمر تبص لزينب وهي بتقول.
قمر
انا هحكي لك كل حاجه..
قمر تحكي لزينب علي كل حاجه… زينب تبص لها ولرحمة بصدمة وهي بتقول بدموع.
زينب
منكم لله والله منكم لله حسبي الله ونعم الوكيل عيالي عملولكم اي علشان تعملوا فيهم كده ليه كده يابنتي انتي هي خربتوا بيتكم بايدكم وكسرتوا سعادتكم وفرحتكم بشكل ده لا حول ولاقوة الابالله العلي العظيم استغفر الله العظيم واتوب اليه.
زكريا يبص لقمر بغضب وهو بيقول.
زكريا
انتي طالق انتي طالق انتي طالق.
زكريا يسبهم ويطلع.. وزينب تبص لهم بحسرة ودموع وتدخل اوضتها ورحمة وقمر يفضول يبصوا لبعض بحزن وحسرة علي اللي عملوا في نفسهم…
تمت بحمد الله
