رواية الطلقة التالتة الفصل السابع بقلم هند إيهاب الحبال
خدت بُق من فنجان القهوه بكُل برود وأنا بتفرج عليه.
سندت الفنجان على سور البلكونه وسقفت وأنا بضحك، كُنت بضحك من قلبي وفي نفس الوقت زعلانه على اللي هتتخم فيه.
وقف رقص لما شافني بسقف، وبضيق شاور للعربيات وركب هو وعروسته ومشوا.
دخلت البلكونه وفضلت أضحك، بابا وماما كانوا قاعدين بستغراب بصولي وحكيت لهُم على اللي حصل.
والحقيقه أننا فضلنا نضحك.
حمدت ربنا أنه مش هيتعرض لي تاني وخلصت منه للأبد.
نمت وكان أحلى خبر أختم بيه يومي حرفيّ.
- أخيراً يا يوسف
كانت ملامحه بارده، قفل باب الشقه بعد ما دخلوا، كانت فاكره أنهُم لواحدهُم لحد ما لقت أُمه طالعه من الأوضه.
فضلت عيونها على يوسف وقالت:
- أنتِ هنا يا ماما!!
ببرود قالت:
- أُمال هاروح فين يا عيون ماما
ابتسمت وقالت:
- ودي تيجي، مكانك موجود يا حبيبتي
مسكت أيديها وراحت بيها ناحية الباب، أُمه فضلت تبُص على يوسف وهي مستغربه.
فتحت الباب وبعدين راحت ناحية شقة أُمها.
سُعاد فتحت وقالت:
- معلش يا ماما، مامت يوسف هتقُعد معاكي كام يوم بس
ابتسمت وقالت:
- وماله، الأوضه جاهزه
بضيق قالت:
- بس أنا مبعرفش أنام برا شقتي
زينب سابتها ووقفت على باب الشقه وقبل ما تقفل الباب قالت:
- معلش بقى يا ماما أحنا لسه عرسان
قفلت الباب ومامته فضلت مزهوله، سُعاد قالت:
- تعالي يا فوزيه أدخُلي
دخلت وهي بتجز على سنانها وقالت:
- يعني هو ينفع كدا يا سُعاد، بنتك بتطرُدني من بيتي!!
- متكبريش الموضوع يا فوزيه وبعدين أنتِ مش في بيت حد غريب مهو ده بيتك برضو
سكتت ودخلت الأوضه، بضيق قال:
- هو أيه اللي أنتِ عملتيه ده!!
- عملت أيه بس يا حبيبي
بسخُريه قال:
- معملتيش، طردتي أُمي بس من بيتها
أبتسمت وقالت:
- أنا مطردتهاش، هي قالت أنها هتروح فين بس وبعدين أنا مقعدتهاش في حته غريبه، والباب في وش الباب
- طيب بُكرا أُمي تيجي بيتها
- كام يوم يا يوسف وهنجيبها
بضيق خد بعضه ودخل الأوضه.
دخلت الأوضه وغيرت هدومها، فضل ممدد على السرير مستنيها، ابتسمت وقعدت على السرير جمبه.
قرب منها وعدوا يومهُم على خير.
صحيت الصُبح على جرس الباب المُزعج، قامت تبُص من العين السحريه لقيتها فوزيه.
بضيق فتحت الباب وقالت:
- أيه يا حماتي في حد يجي في وقت زي ده!!
- فين يوسف، أنا عايزه أدخُل
ابتسمت وقالت:
- تدخُلي فين بس يا حماتي صلي على النبي في قلبك كدا، وخلي اليوم ده يعدي على خير
- نعم!!
- يلا يا حبيبتي بقى لما نعوز حاجه هنكلمكوا
فضلت واقفه مصدومه لحد ما الباب أتقفل في وشها، دخلت البيت وهي متضايقه.
سُعاد طلعت وقالت:
- يلا يا فوزيه عشان نحضر الفطار للعرسان
- جرا أيه يا سُعاد يا أختي هو الكلام ده على أُم العروسه
- مقولتلكيش هاتي أما أجيب بس بقول تعالي نساعد بعض
قامت وهي متضايقه وبدأوا يحضروا الفطار وقالت أن ده أنسب وقت أنها تدخُل البيت وتقعُد فيه.
خدوا الصينيه وراحوا الشقه، زينب فتحت الباب وضحكت وخدت الصينيه من على الباب وقالت:
- تسلم أيديكوا لو عوزنا حاجه هنقولكوا يلا مع السلامه
قفلت الباب من غير ولا كلمه، سُعاد دخلت الشقه وفوزيه ضربت كف على كف وهي متضايقه، فضلوا كدا لحد ما عدوا الأسبوع جواز وفوزيه رجعت البيت ويوسف رجع شُغله.
- قومي يا زينب حضري الفطار
- أنا تعبانه مش قادره
بخُبث قالت:
- يعني أقوم أحضر أنا يعني يا زينب!!
- وماله يا ماما ده حتى الفطار هيبقى له طعم، وياريت تعمليلي كوباية لبن مع الفطار
بضيق قالت:
- يعني هقوم أنا يا زينب، أنتِ أتجننتي!!
قامت بعصبيه وقالت:
- أنتِ بتزعقيلي طب والله ما أنا قعدالك فيها
خدت بعضها وراحت شقة أُمها وفوزيه مصدومه من طريقتها، شويه وتليفونها رن بأسم يوسف:
- جرا أيه يا ماما بتزعقي لزينب ليه، أنا مش هستحمل كُل شويه مشاكل، مش كفايه هند اللي طفشت كمان عايزه تطفشي زينب، روحي راضيها
- أراضيها!!
شكرا لزيارتكم عالم روايات سكيرهوم
