رواية خطايا العشق الفصل الثامن بقلم هاجر سلامة
خرجت مهرة من الحمام وجسمها لسه بيترعش من الكسوف والارتباك ولقت صقر ساب ليها الهدوم وخرج برة الأوضة زي ما وعدها لبست عبايتها الشيك بسرعة وسرحت شعرها الطويل وهي بتبص في المراية وتشوف وشها اللي بقى أحمر زي الورد من كتر دقات قلبها اللي مش راضية تهدى أخدت نفس طويل وخرجت برة الأوضة ولقت صقر قاعد على السفرة مستنيها وهو قالع الجلابية ولابس قميص أبيض وبنطلون هادي ومبتسم أول ما شافها طالعة عيونه لمعت بالفرحة وقام وقف وسحب ليها الكرسي وقاله بصوت حنين اتفضلي يا قلب صقر الأكل ريحته تجنن وتسلم يدك اللي تعبت وعملت كل ده
مهرة قعدت وراستها في الأرض وقالتله بصوت واطي بالهنا والشفا
وبدأوا ياكلوا سوا في جو هادي ومليان نظرات كسوف وإعجاب متبادلة وصقر كان حاسس إن الحواجز اللي بينهم خلاص دابت وإن مهرة بقت قريبة منه أكتر من أي وقت فات.
بعد ما خلصوا العشا صقر طلب منها تعمل شاي وتجيبه الأوضة ودخل هو واستناها ولما دخلت مهرة بالصينية وحطتها على الطاولة صقر قام وقف وقرب منها براحة ومسك إيدها اللي كانت بتترعش وبص في عيونها بنظرة كلها عشق وشوق وقالها بصوت دافي مهرة أنا صبرت كتير وقسيت عليكي وقسيتي عليا بس خلاص مبقاش فيه مكان للزعل عاد أنتي بقيتي مراتي قدام ربنا والناس وأنا عايزك ليلتنا النهاردة تكون بجد وتكوني مراتي في الحلال وبكل رضاكي
صقر ميل عليها براحة وحط إيده على وسطها وحاول يقربها منه ويطبع بوسة حنينة على شفايفها عشان يتمم جوازهم اللي اتأجل كتير
لكن في اللحظة دي بالظبط مهرة حست بخوف مفاجئ ورعب من الفكرة وجسمها تيبس وافتكرت القسوة القديمة والسرعة اللي حصلت وزقته من صدره بقوة ورجعت لورا وهي بتنهج وقالتله لأ يا صقر بالله عليك بلاش النهاردة أنا مش جاهزة ومش قادرة واصل سيبني براحتي.
صقر لما زقته ورفضته بالشكل ده الدم جمد في عروقه وملامح وشه الحنينة اتبدلت في ثانية لقسوة وبرود شديد وعقله الصعيدي رجع يترجم الرفض ده بطريقة تانية خالص وافتكر إنها لسه رافضاه وبتفكر في حازم ابن عمها اللي اتجوز وسابها الكبرياء والكرامة وجعوه قوي وبص ليها بنظرة كلها خيبة أمل ووجع وكسرة نفس داراها ورا جمود رهيب وقرب منها خطوة واحدة وقالها بنبرة صوت ناشفة وميتة زي الجليد هه واصل لساتك بتفكري فيه يا بت مهران لساتك رافضة صقر وعقلك وقلبك مع حازم اللي سابك وعاش حياته أنا افتكرتك نزلتي من عنادك وعرفتي قيمتي بس الظاهر إنك عمرك ما هتحبيني ولا هتتقبليني جوز ليكي
مهرة هزت راسها بالنفي ودموعها نزلت وقالتله لاه يا صقر الموضوع مش كد والله بس هو
صقر قاطعها برفع إيده وبصوت حاد وقوي قال اخرسي خالص ومسمعش حسك أنا صقر راضي ومستحيل أعيش مع حريم قلبها مع راجل تاني ومستحيل أجبرك على حاجة مش رايداها اسمعي يا بنت الناس أنا خلاص هطلقك وهسيبك تشوفي حياتك بس مش دلوقتي عشان كلام الناس وعشان جدي وأبويا متتعبش صحتهم هنقعد كام شهر هنه قدام الناس متجوزين وبعدها كل واحد يروح لحاله وسابها واقفة منهارة وبتعيط ورزع الباب وخرج برة الدوار كله وهو جواه نار قايدة
ومهرة رمت نفسها على الأرض تعيط بحرقة وتندم لأنها مكنتش تقصد حازم واصل بل كانت خايفة من التسرع وضيعت صقر من إيدها بغبائها.
عدت أيام وصقر اتغير تماماً وبقى يتعامل معاها برسمية قـــــاتلة وجفاء ومب بقاش يبص في وشها واصل ولا يتكلم معاها إلا في الضرورة قدام أهله ومهرة كانت بتمو..ت في اليوم ميت مرة من قسوته وإهماله ليها وعرفت قيمته وحبه اللي كان مالي عليها الدنيا
وفي وسط الجو المشحون ده حصلت المفاجأة اللي هزت الدار كله صقر جاله تليفون من البندر ونزل علطول وبعد كام ساعة رجع الدوار ومعاه واحدة ست أجنبية شقراء ولابسة لبس قصير وشيك جداً وكانت هي إميلي حبيبته القديمة اللي سابته في لندن لما عرفت إنه صعيدي إميلي كانت عرفت إن صقر اهله ناس اغنياء مش زي ماهي تفكرت عرفت ان اهله عندهم شركات كبير في مصر و معاهم ملايين فندمت وجت وراه مصر ودورت عليه لحد ما وصلتل البلد عشان ترجعه ليها
صقر دخل بيها الدوار واستقبلها في المندرة الكبيرة عشان يغيظ مهرة ويكسر قلبها زي ما كسرته برفضها.
مهرة كانت واقفة فوق في البلكونة ولمحت صقر وهو داخل وإيد إميلي في إيده وإميلي عمالة تضحك معاه وتتمنظر بلبسها وشكلها مهرة أول ما شافت المشهد ده حست بنار الغيرة بتاكل في ضلوعها وقلبها اتقهر قهرة عمرا ما حست بيها وعيونها احمرت من الغغل والغيظ ونزلت جري على تحت ودخلت المندرة ووقفت قدامهم وعيونها بتطق شرار وبصت ل إميلي بقرف وبصت ل صقر وقالتله بعلو صوتها ومين الست دي يا صقر وإيه اللي جايبها دارنا بالمنظر ده
صقر بص لمهرة وقعد بكل برود وثقة وحط رجله على رجل وقالها بصوت هادي وناشف دي إميلي يا مدام مهرة حبيببتي اللي كانت معايا في لندن وجت هنه عشان تقعد معايا وتشوف بلدي وأظن ملوكيش صالح بيها واصلي واطلعي فوق وماتدخليش في اللي مالكيش فيه
إميلي بصت لمهرة بسخرية وضحكت وقالت بكلمات عربي مكسرة أهلاً يا مهرة صقر حكالي عنك
مهرة حست إن الدنيا بتلف بيها والغيرة عمت عيونها وبقت واقفة مش قادرة تتحرك والنار أيدة في قلبها من صقر اللي جاب حبيبته القديمة لحد بيتها.
