رواية الطلقة التالتة الفصل الثامن 8 بقلم هند إيهاب الحبال

 

 

 

رواية الطلقة التالتة الفصل الثامن بقلم هند إيهاب الحبال


فضلت قاعده مصدومه من كلمته لحد ما سمعت صوت المُفتاح.

دخل وقال:
- فين زينب!!

- عند أُمها

بضيق قال:
- هو أنتِ لسه مصالحتيهاش!!

- أصالح مين يا يوسف، ده أنتَ معملتهاش أيام هند
- عشان هند كانت بتحبني، فى كانت بتستحمل، لكن زينب مبتحبنيش، بدليل أنها من أول مُشكله سابت البيت

سكتت وقال:
- روحي صالحيها أنا مش ناقص وجع دماغ

سابها ومشى، فضلت عيونها عليه لحد ما قفل باب الأوضه.

اتنهدت وقالت:
- خيبة أملك في أبنك الوحيد يا فوزيه

قامت وراحت شقة سُعاد، سُعاد فتحت وقالت:
- تعالي يا فوزيه أدخُلي

دخلت وكانت زينب قاعده، عدلت نفسها وملامح وشها بان عليه الضيق، فوزيه قعدت جمبها وطبطبت عليها وقالت:
- متزعليش يا زينب يا بنتي، حقك عليّ

اتنهدت بضيق وقالت:
-  عادي يا ماما 

- طب يلا تعالي نرجع البيت
- أن شاء الله

سُعاد قالت:
- يلا يا زينب أسمعي كلام أُمك فوزيه وروحي معاها

هزت راسها وقامت وقفت وراحت معاها البيت.

- يوسف فين!!
- في الأوضه
- طيب هدخُله ونطلع تكوني عملتي الغدا

فضلت تبُص لها وهي مصدومه لحد ما دخلت الأوضه.

دخلت لقت يوسف بيلبس ومستعجل قالت:
- على فين!!

- مشوار مُهم

خد بعضه ومشى بسُرعه، راح قعد مع صاحبه وقال:
- الراجل اللي جاي ده أنا مفهمه أن طلقتك سرقت منك فلوس كتير وأنتَ عشان راجل غلبان ومبتحبش الشوشره مش عايز تدخلها أقسام، هيتجوزها بمُقابل أنه ياخُد خمسين ألف، وبعدين هيطلقها كدا يبقى مُحلل من غير ما هي تعرف ولا حتى هو

هز راسه وقال:
- بس مش كان من الأفضل أنه يعرف!! وبعدين مش كتير خمسين ألف!!

هز راسه برفض وقال:
- صعب أنه يوافق على حاجه زي دي، وهو هياخُد خمسين ألف عشان يعالج أُخته

هز راسه وفضلوا قاعدين حوالي رُبع ساعه، جه وقعد وقال:
- أسف أني أتأخرت، عايز بس أعرف عنوانها، بتروح فين، لو بتشتغل

خد من يوسف كُل البيانات وبعدين خد بعضه ومشى.

يوسف روح وهو فرحان، أنه قدر يلاقي واحد يخليه يرجع له مراته.

- كُنت فين يا يوسف!!
- كُنت قاعد مع واحد صاحبي

هزت راسها بضيق ودخلت الأوضه، فضل واقف شويه وبعدين دخل لقاها بتنام على السرير.

لا سألته ياكُل ولا حتى أهتمت بيه.

قلع هدومه ودخل المطبخ عشان ياكُل.

صحيت الصُبح كالعاده على ميعاد الشُغل.

يمكن اتأخرت شويه على الشُغل.

كُنت بجري فغصب عني خبطت في شخص، بعصبيه قال:
- أنتِ عاميه، مش تفتحي!!

بتوتُر قالت:
- أنا أسفه، مكنش قصدي

بعصبيه أكتر قال:
- أسفه!! أصرفها منين يا أختي!!

فضلت تبُص يمين وشمال بخوف لحد ما شخص قال:
- في حاجه يا حبيبي!!

بص له بضيق وقال:
- حبيبك!

- أيوه أنتَ بتزعق كدا ليه!
- وأنتَ مالك، حاجه متخُصكش
- دي أُختي أزاي متخصنيش!

بص لهند وبعدين قال:
- أُختك خبطتني

- طيب يعني خبطتك، مضربتكش بالنار

سكت وبعدين رجع وقال:
- على العموم مُتأسفين، على الرغم من أنك قليت أدبك، بس أحنا برضو مُحترمين، مع السلامه

سابه وشاور لها عشان تمشي، بعدوا شويه وقالت:
- أنا مُتشكره جداً ليك يا

ابتسم وقال:
- تميم، أسمي تميم


شكرا لزيارتكم عالم روايات سكيرهوم

تعليقات