رواية العين الفصل الثامن 8 بقلم محمد منصور


 رواية العين الفصل الثامن 

من جوة العربية اللي سرقتها زبيدة واللي بالمناسبة صاحب العربية كان اسمة البرت كانت زبيدة سايقة
 العربية وبتبص بطرف عينيها ل ايلينا اللي كانت باصة الناحية التانية فقالت زبيدة 
 ‏
لما انتي عرفي عني دة كله لية كنت كل اسبوع بتجيبي الاكل ليا وانتي عارفة اني امك وما قولتيش 

ايلينا
كنت مستنية تيجي منك مش مني انا كنت مستنية تفتحي الباب اللي بيني وبينك وتاخديني في حضنك 

ونزلت دمعه من عيون ايلينا وكملت وقالت 

انتي رافضة تكوني امي ازاي انا هرضي اكون بنتك 

زبيدة حاولت تمسح دموع ايلينا لكن ايلينا مسكت ايدها قبل ما تلمس وشها وقالت 

انا بخير وياما عيط وانا لوحدي ومسحت دموع عيني بايدي مش محتاجة مساعدة منك 

زبيدة رجعت ايدها ومسكت الدركسيون بكل ضيق وقالت 

انا عمري ما رفض انك تكوني بنتي انا ما انفعش اكون ام واخاف عليكي من الماضي بتاعي 

ايلينا 
خايفة من الماضي اللي انا عرفته وعايشة جوة منه 

زبيدة 
مش الابحاث اللي اتعملت هي السبب في انك تعرفي عني كل اللي فات  لان الابحاث فشلت والحكومة الاسرائيلية رفضت تكرار الابحاث من النوع دة الا بموافقة الكينست والابحاث اصلا ما اتعملتش عليه  يعني انتي ما عرفتيش الماضي بتاعي بسبب نجاح الابحاث ولا اكتسبي كل قدراتي لانك بنتي وبس و انتي عارفة انك في النقطة دي كدابة وقاصدة بالكدبة بتاعتك انك توقعي بيني وبين عمر الديب مش كدة 

ايلينا سكتت شوية وبعدها قالت 

اة انا قولت كدة علشان عمر يقتلك او يسيبك للي عايزا تقتلك ويبطل يساعدك واشوفك قدام مني وانتي بتتعذبي يمكن ارتاح 

زبيدة 
ولما انتي بتكرهيني اوي كدة لية هربتي معايا 

ايلينا عيطت بحرقة 
علشان انتي امي وعيلتي اللي اعرفها من بعد موت صاموئيل 

زبيدة 
صاموئيل هو اللي حكي لك كل الماضي بتاعي 

ايلينا 
اة 

زبيدة 
وهو اللي دربك علي مسك السلاح 

ايلينا 
ما انتي عارفة ان صاموئيل كان ظابط سابق في الجيش الامريكي واتظلم وقرر يسيب الجيش ويهاجر ل قبرص ويعيش صياد 

زبيدة ضحكت اوي فقالت ايلينا باستغراب 

انتي بتضحكي لية 

زبيدة 
علشان انتي افتكرتي ان عمر الديب صدقك وهو في الاصل كشفك وعرف انك كذابة 

ايلينا باستغراب 
كشفني ازاي 

زبيدة 
لما حاكيتي حكاية الهدية اللي هو جابها ليا وانا رفضها دي انا اللي كذبت بيها علي صاموئيل لما جت سيرة عمر الديب علشان اعرفه ان عمر الديب صقر المخابرات بيحبني لكن الحقيقية اني انا اللي جبت له الهدية وهو اللي رافضها لانه كان لسة في بداية حياتة ومش عايز اي حاجة تمنعه من انه ينجح ويبقي رقم واحد في المجال دة 

وضحكت زبيدة تاني وايلينا ضحكت وقالت 

يعني هو عرف اني كذابة ورغم كدة هددك قدامي بانه هيرجعك مصر علشان تتحاكمي بتهمة الخيانة 

زبيدة 
ايوة  وانتي هربتي معايا وسبتي عمر علشان ماهونتش عليكي يتقبض عليه 

ايلينا 
وتهوني عليه ازاي وانتي امي  لكن هو قال قصادي انه هربك مرة وانتي خدرتي وهربتي منه لية عملتي كدة 

زبيدة 
من حقك تعرفي وانا هحكي لك ان لية رفض رجوع مصر وهربت بيكي من عمر ل قبرص ،،،،،،،،،

العين 

كتابة واقتباس 
محمد منصور
منص 
 ‏ 
 ‏وقبل ما نبدأ، نوحد الله ونصلي على خير خلق الله سيدنا محمد ﷺ.
 ‏ ‏ ‏ ‏ ‏ ‏ ‏ ‏ ‏ ‏ ‏
 ‏اللهم صلِّ وسلم وبارك على سيدنا محمد، صلاةً تحل بها العقد، وتفرج بها الكرب، وتقضي بها الحوائج

ونرجع بالسنين ل وراء لما كانت زبيدة لسة حامل في ايلينا وعمر معاها جوة عربية وبيهربو من سروف ووصله للمكان الامن في برلين شقة تبع المخابرات المصرية عمر فتح باب الشقة ودخل وهو مع زبيدة اللي كانت تعبانه جدا وهدومها كلها غرقانه بسبب المية والحمل في الشهر الاخير ما كنش بالساهل مع المجهود الكبير اللي هي عملته وبص عمر ل زبيدة وقال 

هربنا من ابن الجذمة باعجوبة 

زبيدة بصعوبه 
دة الطبيعي بتاعك يا عمر ان تنجح في اللي غيرك بيفشل في 

قلع عمر البلطو اللي كان مبلول وقال 

التوفيق من عند ربنا بيجي للمجتهد وللي بيحب شغله وانا بحاول اكون مجتهد وبحب شغلي   

وراح ناحية المطبخ وهو بيقول 

هخش اعمل لك لقمة تلاقيكي جعانه زيي وبعدها هنام اربع ساعات قبل ميعاد الطيارة اللي راجعه بينا مصر 

في الوقت اللي عمر دخل في المطبخ جت رساله صوتيه من ادهم جوز زبيدة وقال 

زبيدة اوعي ترجعي مصر سروف محضر لك هناك كمين يخلص بي منك ومن بنتنا اللي في بطنك 

وسمعت في الرسالة الصوتية صوت خبط بعنف و صوت سروف بالعبري 

افتح الباب ادهم 

ادهم بخوف شديد 

انتي وبنتنا رجوعكم مصر في خطر علي حياتكم صدقيني لان هيتم تلفيق تهمة قتل عضو الكينست شاروم ليكي سروف عايز حياتك وحياة بنتك علشان يورث كل المليارات اللي عندي وهيعمل المستحيل علشان يوصل لك اوعي ترجعي مصر 

وسمعت صوت كسر الباب وصوت سروف في الرسالة وهو بيقول ل ادهم 

وصلت لنهاية رحلتك اشوفك في جهنم ادهم وقريب هبعت لك مراتك واللي في بطنها 

وسمعت صوت طلقة صرخت زبيدة صرخة مكتومة علشان عمر ما يحسش بيها ورميت الموبيل جنب منها وبدات تفكر تهرب ازاي وتروح فين وهي عارفة انها لو حكيت 
ل عمر علي اللي حصل عمر مش هيسبها تهرب وهيرجعها مصر ولو بالعافية لانه هيخاف عليها كان في شنطة ايدها حقنه مخدر فكرت بسرعة وبصت للحقنه وبصت ل عمر اللي كان جاي ناحيتها ومع الاكل ،،،،،

ونرجع للعربية و زبيدة باصة 
ل ايلينا وبتقول لها 

وخدرته وهربت  هربت علشان خوفت عليكي من شر عمك اللي ما رحمش اخو اومال تفتكري هيعمل فيكي انتي اية  سروف عايز المليارات ومش عارف يورث اخوة علشان انا لسة عايشة واكيد هو عرف انك انتي كمان عايشة 

في الوقت دة شافت زبيدة عربية شرطة بتطاردها وقبل ما دوس بنزين وتستعد للهروب قطع عليها الطريق اربع عربيات شرطة داست فرامل وبصت للعربيات وبصت ل ايلينا وقالت 

وقعنا 

كذا ظابط نزلو من العربيات وكلهم موجهين اسلحتهم ناحية زبيدة وواحد منهم قال 

وشكم للعربية واياك والمقاومة 

كان الوضع ما يسمحش بالمقاومة وفعلا زبيدة اديت وشها للعربية وايلينا عملت زيها وهي بتقول 

لازم نهرب 

زبيدة 
ما فيش مجال للهروب 

وسمعو الاثنين صوت ظابط بيقول في اللاسلكي 

تم القبض علي سارقي العربية المبلغ عنها 

زبيدة ابتسمت وقالت 

عملها عمر الديب ،،،،،،،

هنرجع بالاحداث شوية ولما عمر شاف زبيدة وايلينا بيهربو دخل البيت بسرعة وطلب رقم الشرطة وبلغ عن ارقام العربية وشال البرت صاحب البيت ودخله اوضة وحطه علي سريرة وربطة واتنكر في نفس شكله ولبس هدومة اللي كانت واسعة عليه شوية  وبعد القبض علي زبيدة راح لغاية البيت ظابط شرطة وقال 

انت سيد البرت 

عمر 
انا البرت 

الظابط 
تم العثور علي عربيتك المسروقة 

عمر 
بالسرعة دي  

الظابط 
دة شغلنا واحنا ديما في خدمتكم  ممكن تيجي معايا ل غاية القسم علشان تتعرف علي المتهمين 

عمر 
طبعا ،،،،،،

وراح عمر للقسم وبص ل زبيدة وايلينا ولكن القسم انقلب واللي حصل كان مريب ،،،،،،،،،

Ghazal
Ghazal
تعليقات