رواية الذكر مشمش الفصل التاسع والاخير بقلم منة خلف
***وجه بقا عيد ميلاد فجر ....وكانت لابسة فستان بيبي بلو وخمار ابيض ...كانت شبه الاميرات بجد ....وكانوا اخواتها وباباها عاملين حفلة كبيرة ...وعشان تبقا اهر ذكرى في بيتهم
**عمر وهو تحت البيت مع شهد وخالد
عمر ...احنا هنطلع فوق عارفين لو عملتوا حركاتكم الرخمة دي ..وتلميحاتكم المستفزة ونظراتكم.....هولع فيكم
خالد .... هو احنا جينا جنبك يا عم انت ...هو اي نكد وخلاص ....اهو البت فضلها يومين وتمشي وانت لحد الآن معرفش تكسب قلبها
عمر ....على اساس انه بأيدي
شهد بتريقة...وانت جايب ايه في الصندوق دا ...كنز علي بابا دا ولا ايه
عمر ...كلمة كمان وهطبق وشك يا خفة
خالد ....انت يعم مسمحلكش كلها شهر وتبقا مراتي .....وبيتكم هيضلم من غيرها
عمر ....يعم انت بس خدها وريحنا
شهد بتناكة.....مسيركم تعرفوا قيمتي
عمر بتريقة....اه ما انا عارف...يلا بقا نطلع ولا هنفضل هنا كتير
***وطلعوا فوق
عامر ....ايه الحلاوة دي يا قلب بابا ...كبرتي وبقيتي عروسة
**فجر انكسفت وبصت في الأرض من كلام باباها
يزن ....كبرت وبدال ما كانت كتكوتة بقت فرخة
فجر ...فرخة ؟؟!!! .....مبتعرفش تمدح وتقول كلام حلو يبقا تسكت الله يسترك
فريد ...سيبك منه بقيتي أميرة يا قلب اخوكي
فجر بهمس ليزن .....شايف الكلام...اتعلم منه ياخي
يزن ....انا مبعرفش اعبر وانا جعان ...امتى هنطفي الشمع بقا
فجر ...محدش يمد ايده على حاجة لحد ما شهد توصل
شهد ...انا هنا يا قلب شهد
***فجر جريت عليها وحضنتها
فجر... اتأخرتي اوي يا شوشو
شهد ....عبقال ما اسي عمر جهز ...ولا كأنه جاي يخطب
***عمر زغدها في جنبها ...اتلمي
***فجر بصتله ...وهنا هو فضل مسبلها وسرحان .....فهي انكسفت ونزلت عيونها
**خالد زغده ...وقاله ...فوق هتفضحنا ...(بياخد حق شهد بس بحرفنة)😂😂
عمر ...كل سنة وانتِ طيبة يا فجر
فجر ...وانت طيب
شهد ...يلا بقا خودي الهدايا دي ايدينا واجعتنا...وبصراحة بقا متحمسة اعرف عمر جاب ايه
فجر ...ليه بس تعبتوا نفسكوا ...مكنش ليه لزوم كفايا انكم جيتوا
خالد......لا عشان تجبيلنا هدية يوم كتب الكتاب ...مفيش أعذار لازم تحضري
فجر بضحك ....عيوني يا حضرة الملازم
عمر بهمس ....دا انت سمج يا اخي
*********************************************
**عامر نده فجر عشان يبدأوا يطفوا الشمع
يزن ...مش يلا ولا ايه ...عايز تورته
خالد ...عمك على بطنك ديمًا كدا
فريد....قوله يا دفعة
شهد ...خلاص متزعلوش...يلا يا فجر
***وغانولها Happy birthday....وفجرت طفت الشمع .....وكل جيرانهم واصحابهم مشيوا ما عدا شهد وعمر وخالد
شهد ..يلا بينا بقا اتأخرنا أوي
فجر...استني افتحي معايا الهدايا
عامر ...طيب انا هسيبكم تفتحوا الهدايا واروح اعملكم كوكتيل معملتوش من ايام المرحومة
خالد ...لو تسمحلي اساعدك يا حج
عامر ...طبعًا يا ابني
شهد ...وعلمه سر الصنعة يا عمو
خالد ...عشان لما اتجوز اعمله
***الكل ضحك
وبدأوا يفتحوا في الهدايا
***وكلها عبارة عن حاجات بنوتات...ميك اب ....وشنط ...واسكين كير ...وشوزات...وكدا يعني .لحد ما وصلت لاخر تلت هدايا...جات فمر تفتح بتاعت عمر
عمر ...لا خليها آخر هديه
فجر ...بصراحة عندي فضول الصندوق مخرم كدا...عندي فضول اعرف ايه اللي فيه
***وهنا طلع صوت ..نونوة
***فجر دمعت ....اللي انا سمعته صح
*** عمر فتح الصندوق ...طلع قط صغنون خالص ...شبه مشمش بالظبط
عمر ...قلبت الدنيا عشان اجيبه من نفس فصيلة مشمش وكمان نفس لونه ...بس ملقتش أكبر من دا
فجر بدموع اول مرة ...تعيط قدام حد غريب .....بجد شكرًا يا عمر ...مش عارفة اقولك ايه
***وهنا القط جري عليها واستخبى فيها
فجر ...يختي صغنونة....دا جميل اوي بجد
شهد ...والله طلعت بتفهم يا عمر
يزن ...تسلم يا عمور ....متتخيلش هي بالنسبالي الهدية دي غالية ازاي
فريد ....اما ماليش في الصعبانيات دي ...دمعتي قريبة ...هروح اشوف بابا بيخترع الذرة ولا ايه
عمر ...هتسميه ايه
فجر ....هسميه بندق
عمر بضحك ....انتِ بتجيبي الاسامي دي منين
فجر .....كمل جميلك ومتعصبنيش النهاردة
شهد افتحي هديتي انا وخالد
فجر ...الله بجد ....حلو اوي يا شهد ...انتِ عارفة انا بحب الايس كوفي قد ايه ...فالمجات دي بجد سو كيوت ....الله وخالد جايب لوح تلوين ...تصدقي بيفهم في حاجات البنات
عمر ..طيب إيه
فجر بإستغراب...ايه في ايه ...في حاجة ولا ايه
عمر احم ...يعني مش ناوية تريحي قلبي
يزن ...الله الله ....متظبط كدا يا حضرة الرائد
عمر ...انا واقع يا صاحبي
يزن ..لا حول ولا قوة الا بالله الولا عقله خف ....فين الكاريزما يعم ...متخليش البنات تفرح فينا
عمر ...لو صبرت اكتر من كدا هتروح مني ....وانا روحي فيها والله
**هنا فجر من الكسوف اتمنى الأرض تنشق وتبلعها
عامر ...بتشقط بنتي في بيتي يا ولد
عمر ...من بعد إذنك يا عمي
عامر ....آمنلك ازاي انا وانت بتشقط بنتي عيني عينك كدا يا وقح
عمر ...الله يا حج متبقاش قفوش.....امال لولاش مرسيك على الحوار كله ...وانت قومت تعمل كوكتيل بقالك قرن جوة عشان اعرف اتكلم ..وسايب يزن محرم
عامر ...انت من اول قلم كدا بتعترف وتغرقنا
فجر بصدمة ...حضرتك كنت عارف يا بابا
عامر ...بصراحة الولد صعب عليا يا بنتي ....حكالي انك مبهدلاه وانا شوفت الصدق في عيونه ...ولولاش متأكد انه فعلًا بيحبك مكنتش وافقت اديله فرصة
شهد ...وانت بتستغفلنا يا اسي عمر ...هو أنا طرطورة
خالد ...احم انا كنت عارف
شهد....بقا كدا ..طيب صبرك عليا .....شهر نكد قدام بدون اجازة
خالد بهمس لعمر ...زي ما دخلتني الدوامة دي تخرجني انا مش كد النكد دا
عمر بصله من فوق لتحت ....اسكت بقا يا عم المحن
خالد ...حوش حوش ...شوف مين بيتكلم
***عمر بص لفجر
عمر ...هااا بقا يا معذبة قلبي
فجر ...احم مش عارفة اثق فيك
عامر ...احم اظن تاخدوا الكوكتيل....وتدخلوا البلكونة تتكلموا شوية ...وانا مش هضغط عليكِ يا قلب ابوكي والقرار ليكي
**************************************************************************
***وفعلًا دخلوا البلكونة ....كان الجو هادى ...في نسمة هوا ...والقمر بقا منور في السما ...جو كدا محتاج شكولت ...ورواية...ونسيبنا من شغل المحن دا ...احم اسفة على المقاطعة يلا نكمل***؟
عمر ...عارف انك فكراني بتسلى....او يعني عايز اوصلك وخلاص ...انا كنت زيك كدا ....فاكر نفسي بس مجرد شعور بالفضول نحيتك ....لكن لما بقيت اعتم باللي بتحبيه ولما غيبتي ...بقيت ببقا زي المجنون ....بقيت بحب القطط وبحب الروايات ...وبحفظ شعر ....بقيت بعمل حاجات متطلعش من شحط زيي
***فجر ضحكت
عمر ...اهي الضحكة دي هي اللي جابتني الأرض
فجر....موافقة اديك فرصة بس بشرط
عمر ...اتشرط يا باشا
فجر ....توعدني انك هتحافظ على قلبي ...انك تفهمني وتناقشني....تستحملني....ولو في يوم زهقت تقولي ومتسبنيش متعلقة
عمر ...وفي حد ممكن يزهق من روحه ....انتِ بقيتي جزء مني يا فجر ....مش بيقولوا ان المرأة مخلوقة من ضلع الرجل ...انا بقا من اول ما حبيتك وانا حاسس اني لقيت الجزء اللي ناقصني ...بقيت بغير من نفسي عشان اناسبك وابقا فتى أحلامك
فجر ...يعني موافق تبقا اماني وسندي وقت ما اميل ...موافق تحبني في وقت تعبي ووقت فرحي....موافق تستحمل هرموناتي وكلامي الكتير ....موافق تبقا بيتي
عمر ....موافق ابقا مكانك ومسكنك ....ما هو مسير الضلع يرجع للقلب ...والقلب والله مشتاق للقاء
عامر ...ايوا بقا يا عم الشاعر ...بس خلي بالك انا البطل الأول لبنتي ...يعني مش هتعرف تاخد مكاني
عمر ...مقدرش يا حج ...بس جوزهالي تكسب ثواب
***فجر انصدمت من وجودهم ...لا وكمان سماح ورشا جم
سماح ....ما هو بصراحة مستحيل نفوت الحتة دي
رشا ....لولولولوليييييييييييييييي.....ابني اخيرًا لقي نفسه .....دا كان بيتمناكي في صلاته يا فيفي
عمر بغمزة...وقلبي خلاص اتفضح
****وهنا بقا نقول ....تمت
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
