رواية قمر اسود الفصل التاسع
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
خليل فتح شنطتة وطلع منها شمع اسود شكلة غريب وراح بالشمع دة خناحية دلال اللي مسك هدومها من عند منطقة الرحم وقطعها علشان بطنها تبان وحط الشمع بالمقلوب فوق بطنها وبدا يقرا طلاسم وتعوايذ مرعبه لدرجة ان الشمع بدا يخترق الجلد وكانه سكين حاد ودلال بتتوجع وهو بيسحب الشمع الغرقان بدم دلال وبينفخ في بانفاسة الخبيثة فيولع الشمع من فوق فيرص الشمع فوق بطن دلال علي شكل نجمة داوود وبدا يوصل بين الشمع وبعضه بدم دلال وحط ايدة وسط نجمة داوود وبدات مراسم شيطانية وشعر بيخرج من بطن دلال ومع صرخات دلال يحصل اللي يخلي المراسم دي تنتهي وهو ان ،،،،،،،
طيب ما قبل ما اعرفكم اية اللي حصل ووقف المراسم اللي بدها خليل تعالو احكي لكم اية اللي وصلنا للمشهد دة وهنرجع بالوقت ل سنة فاتت واحنا دلوقتي جوة عيادة لدكتور استشاري كبير في النساء والتوليد اسمه دكتور سراج وكان سراج ماسك في ايدة تحاليل تخص عزام وخديجة وبعد ما بص في التحاليل حطها علي مكتبه وقلع نظارة القراءة وبص ل عزام وخديجة اللي كانو قاعدين قصاد منه وقال
انا اسف بس صعب جدا مراتك تحمل
خديجة
طيب وطفل الانابيب اللي سمعنا عنه
سراج
صعب لان بعد التخصيب برة في المعمل لازم في خلال خمس ايام نحط الطفل اللي اتكون نتيجة التخصيب في الرحم بتاعك ومع الاسف الرحم بتاعك مصاب بالتهابات جدار الرحم وتليفات في خلايا الرحم ودي امراض معاكي من وانتي بنت
عزام
نعالج امراض الرحم
سراج
ما بقاش ينفع لان سنها بيكبر وكل الداكترة اللي اتعرضت عليهم ادوها علاج سبب زيادة في التهاب جدار الرحم ودة يخلي ان طفل يكبر جوة الرحم بتاعها شئ مستحيل
خديجة
طيب ممكن بعد عملية التخصيب الطفل يتحط ويكبر في رحم تاني
سراج استغرب وقال
بتقولي اية
خديجة
اللي انت سمعته يا دكتور
سراج
هو ينفع لو في توافق بينك وبين اللي هنحط الطفل بتاعك في الرحم بتاعها بس مين اصلا ترضي ان الرحم بتاعها يكبر جوة منه طفل غير طفلها
خديجة فكرت في دلال وقالت
موجودة
عزام كل دة كان باصص ل خديجة مش مستوعب اللي اتقال ،،،،،
وفي الشارع وخديجة ماشية جنب عزام كان عزام بيقول لها
ممكن افهم يعني اية طفل مننا يكبر جوة رحم واحدة تانية ازاي اصلا تفكري في الفكرة المجنونه دي ومين اللي ترضي تأجر لنا الرحم بتاعها
خديجة
دلال مرات اخوك
استغرب عزام وقال
انتي مجنونه صح
خديجة
لا محرومة ونفسي في عيل يشيل اسمي واسمك ودلال عاملة زي الارض الخصبة اللي ديما زرعتها طالعة وحلوة
عزام
وازاي دلال توافق علي الطلب المجنون دة
خديجة
هاديها اللي هي عايزا
عزام
لا يا خديجة اللي انتي بتقولي دة ما ينفعش دة حتي حرام شرعا
خديجة
اية الحرام بقي في اللي احنا هنعمله دلال هتكون زي الحضانه اللي محتاجنها علشان طفلنا يكبر جوة منها ل اكتر ولا اقل يعني زيها زي اللي بتتبرع بدمها ل مريض بيموت ودمها دة هيكون سيب انه يعيش وقتها يبقي اية الحرام في كدة
عزام
لكن احنا مش بنموت علشان نعمل كدة
خديجة ب حرقة
اتكلم عن نفسك لكن انا بموت وكل يوم بيعدي عليه وانا محرومة من اني اسمع كلمة ماما بحس اني مش عايشة
عزام
هتعترضي علي قضاء ربنا وحكمته
خديجة
ربنا قال نسعي يبقي نسعي
عزام
دة مش سعي دة شر
خديجة
لية
عزام
علشان ازاي طفل يكبر جوة رحم غير رحم امه انتي ازاي هتحسي بي وازاي هتبقي لي ام
خديجة
ما هو حتة مني مش مهم هيكبر فين المهم اني اكون ام
عزام
بالحرام
خديجة
تاني هتقولي حرام فين الحرام في اللي احنا هنعمله دلال هتاخد فلوس كتير وتوسع عليها وعلي جوزها وتبقي انت ساعدت اخوك في انه يعيش زينا مرتاح واحنا هيبقي عندنا طفل وتبقي انت اب وانا ام ربنا ميسرها عايز تعقربها انت لية
عزام
انتي بتتكلمي زي ما تكون دلال خلاص وفقت
خديجة ببصة كلها شر
هتوافق
عزام
وسيد اخويا
خديجة
مش لازم يعرف
عزام
انتي في اية في دماغك مش هيعرف ازاي وبطن مراته فيها عيل وكل يوم بيكبر جوة منها
خديجة
لما نوصل للمرحلة دي دلال تعرفة انها حملت منه بالغلط رغم انها مركبه وسيلة منع الحمل وفي نفس الوقت انت تعرفه اني انا حامل نوصل للولادة ناخد الطفل بتاعنا في حضننا ويتقال ل سيد ان الطفل اللي كانت حامل في دلال مات وتبقي كدة خلصت والكل طلع متراضي
عزام
هي اية اللي خلصت هو مش وقته هيعوز جثة الطفل بتاعه علشان يدفنها
خديجة
وقتها نجيب جثة من اي تربه انت شايف حاله اخوك سيد والمخدرات اللي لحست دماغه خلينا بس نحل كل حاجة في وقتها
عزام
انا ازاي عايش معاكي طول الفترة اللي فاتت دي وما عرفش انك كدة
خديجة
اني اية
ماردتش عزام لكن خديجة كملت وقالت
كل دة علشان بفكر ازاي يكون عندي عيال منك واكون ام وانت تكون اب طيب اسمع بقي يا عزام اخر الكلام انا مش هقدر اكمل معاك لو انت ما عملتش اللي نفسي في وهبقي وقتها اتاكد انك ما بتحبنيش وعادي بقي وقتها كل واحد ينام علي الجنب اللي يريحه
وسابته ومشيت جري وراء منها وقال
استني يا خديجة مش كلام دة
بصت له وقالت
دة الكلام اللي عندي قولت اية
عزام
هسال شيخ اللي احنا بنعمله دة حلال ولا حرام وبعدها نشوف
خديجة
ما انت شيخ هات لي حديث او اية قرانية تحرم اللي احنا بنعمله
عزام
ما عرفش ولازم اسال علشان ارتاح
خديجة
اسال ،،،،،،،،،،،،،
ومن جوة شقة دلال تقعد خديجة وبعد ما حكيت لها كل حاجة قالت
واول ما تولدي واشيل ابني او بنتي علي ذراعي ليكي مني 100 الف ج
دلال بطمع شديد
يا اختي انا اول مرة اعرف ان تاجير الرحم دة بيكسب كدة يا رتني كنت اجرته من زمان بدل ما اتهديت اربع مرات في ولادة الاربع مساخيط اللي عندي وبلاش
خديجة
يعني موافقة
دلال
الا موافقة هو في حد عاقل يقول للفلوس لا
خديجة
خلاص بكرة باذن الله الساعة 7 الصبح هفوت عليكي واخدك نروح نعمل كام تحليل كدة علشان نتاكد ان كل حاجة تمام وان الرحم بتاعك ينفع يكبر جوة منه طفلي
دلال
طيب وسيد
خديجة
سيبك منه دلوقتي والطفل لما يكبر في بطنك وقتها ابقي اقول لك تعملي اية،،،،،،،
وعملو التحاليل وطلع في توافق بين الاثنين ومش هيكون في مشاكل في حاله وضع الطفل في رحم دلال و عزام كان كل ما يروح ل شيخ يخاف يساله في حكاية ان طفله يكبر جوة رحم تاني وشيطانه ضحك عليه وخلاه يطلع ل نفسه اكتر من مبرر زي انا ما غصبتش علي حد علشان ياجر لنا الرحم وان العملية دي هتكون سبب فرحة خديجة اللي اتحرمت من الخلفة و كذا مبرر كله غلط في الغلط لكن تمت عملية التخصيب وجه وقت زرع الطفل في رحم دلال وفعلا بدات العملية و الطفل بقي في رحم دلال لكن بعدها
ب كام يوم تحس دلال ب وجع شديد ياخدها سيد ويروح بيها للدكتور علشان تنرف بشدة والدكتور قال
كانت حامل وبتسقط
سيد باستغراب
حامل ازاي بس وهي مركبة الوسيلة
الدكتور
بيحصل ساعات حمل في وجود الوسيلة
سيد بص ل دلال وقال
ارحميني بقي انا تعبت من كتر العيال
دلال بصت له وسكتت ،،،،،،
بعدها بكام يوم كانت خديجة قاعدة مع دلال وبتقول لها وهي قلبها بيتقطع من الحزن
مش مهم المهم انك بخير واللي عملنا نجربه تاني
دلال
تاني اية هو العمر بهزقه دة انا كنت هموت المرة اللي فاتت
خديجة
الدكتور قالي ان الرحم عندك رفض الطفل لان الخلايا والانسجة غير اللي بتتكون لما يكون الطفل منك وعلشان كدة انا قررت ان المرة الجاية يكون الطفل منك
دلال ما فهمتش وقالت
يعني اية
خديجة
يعني ناخد من عندك بويضات يحصل بيها تخصيب مع جوزي عزام
دلال بعصبية
انتي مريضة يا خديجة عايزاني احمل من جوزك واخون جوزي
خديجة
مين بس جاب سيرة الخيانه هو عزام هيلمسك دة كل الخطوات اللي بتحصل بتكون في المعمل وقبل ما تقولي اة او لا
مدت خديجة ايدها جوة شنطة ايدها وطلعت رزمة فلوس وقالت
دول ال 100 الف ج اللي وعدك بيهم
بصت دلال ب صرع للفلوس وخديجة بتقول
الفلوس حلوة وانتي محتاجة لها
دلال حطت ايدها علي الفلوس ورمت كل حاجة وراء ظهرها زي الدين والشرع والاخلاق وقالت
اروح امتي اعمل عملية التخصيب دة
خديجة
لما تكوني كويسة ،،،،،،،،،
واتفقو الثلاثة عزام وخديجة ودلال والطفل بدا يكبر في بطن دلال شاف سيد بطن دلال بتكبر اتجنن لانه ما كنش بيقرب منها من وقت اخر مرة سقطت فيها الطفل وقرر يواجهها لكن خليل كان اسرع منه خليل اللي عايز ينتقم من عزام اللي كل شوية يبلغ عنه وعن طريق الربط والقرين قدر خليل يعرف كل حاجة عن الاتفاق اللي تم بين عزام وخديجة ودلال وحكي ل سيد وسيد قال
انا هقتلهم هما الثلاثة
خليل ضحك وسنانه السوداء بانت
وتاخد اعدام طيب لية اديني الامر واخليهم يموتو بالبطئ قدام منك
سيد
هتعمل كدة ازاي
خليل
سحر اسود قديم بيسخر جن الكواكب والمجرات الجني قمر اسود ودة كفيل يجننهم وانك تعيش مجنون دة عذاب لان الموت راحة ليهم ودول لازم يتعذبوا زي ما عذبوك
سيد
شوف اية المطلوب مني وانا جاهز
خليل
نقطة واحدة من دم الثلاثة مخلوط ببول الابل والباقي عليه انا
وضحك خليل اكتر واكتر وسنانه السوداء بانت اكتر واكتر ،،،،،،،،،،،
ودلوقتي انتو عرفتو اللي حصل تعالو بقي نرجع تاني للمراسم اللي انتهت بمجرد ما بدات ودة بسبب ان العمارة اتهدت رغم انها لسة تحت الانشاء الا ان كمية المونة المغشوشة وبناء اكتر من دور مخالف خلي العمارة تقع وبقو كلهم تحت الانقاض وكانه عقاب ربنا كان اسرع مما يتخلو وجه الدفاع المدني واهالي المنطقة اتجمعوا وكل واحد بدأ يعمل اللي يقدر عليه وطلعو جثة وراء جثة لكنهم سمعوا صوت طفل بيعيط بداوء يحفروا بكل قوتهم وباقصي سرعة علشان يوصلو ل جثة دلال خارج من بطنها طفلة مكتوب علي ذراعها هند عزام بصو كلهم للطفلة وقلبهم انقبض ،،،،،،،،،
انتظرو الجزء الثاني من الرواية
