رواية لعنة شوق الفصل العاشر 10 والاخير بقلم عادل عبدالله


 رواية لعنة شوق الفصل العاشر والاخير 


أنهي المكالمة بينما كنت أنا أجلس بجواره أذوب رعباً ، بينما كان أسامة يجلس في منتهي الثبات فسألته : معتز اللي كان بيكلمك ؟ 
= أيوه .
: وقالك اي ؟
= متشغليش بالك . كل حاجة هتمشي زي ما أنا خطتلها بالظبط .
: بتقول اي ؟ 
= قصدي كل حاجة هتمشي زي ما إنتِ عايزة بالظبط .
وبدأت اشعر بالقلق تجاة أسامة لأول مرة . في ذلك اليوم كلامه وتصرفاته وضحكته الغريبة كلها كانت غير طبيعية !! وبدأت أتعامل معه بشئ من الحذر .

وفجأة دق هاتفي باتصال . أرتجفت خوفاً ولكني هدأت حين وجدت اسم المتصل " ماما " .
وحين بدأت الرد عليها فاجئتني قائلة : إنتِ فين يا فاجرة ؟
= اي ده يا ماما ! اي اللي بتقوليه ده ؟!
: أنا لسه قولت حاجة ! ولا عملت حاجة !! ده أنا لما أشوفك هقطع رقبتك وخالك حالف إنه يدبحك .
= فيه اي يا ماما ! أنا مش فاهمة حاجة !!
: فيه فضيحة وعاړ ليكِ وللعيلة كلها. حطيتي راسنا كلنا في الطين .
= فضيحة اي يا ماما ؟
: الفيديوهات القذرة . ولا فاكرة أني نايمة علي وداني !

ظننت إنها عرفت بفيديوهات معتز مع النساء و التي رأيتها علي هاتف أسامة ، وأندهشت كيف عرفت بها!! 
فسألتها = يا ماما وأنا مالي ! أنا ذڼبي اي ! ما هو السبب !! وعموما أنا هتطلق منه.
فوجدتها تقول : هتطلقي بعد ما فضحتينا وجيبتلنا العار !
= يا ماما أنتِ مكبرة الموضوع قوي كده ليه؟ العار و الفضيحة له هو مش أحنا !!
: نهارك أسود يا بت ! يعني كمان مش مکسوفة من اللي عملتيه ؟! ده إنتِ فعلاً حلال فيكِ الدبح .
قُلت لها وقد إزدادت دهشتي = وأنا هنكسف من اي؟ أنا معملتش حاجة غلط !!
فقالت : كل ده ومعملتيش غلط ! أومال اللي عملتيه ده اسمه اي ؟
= أيوه يا ماما أنا معملتش حاجة غلط اللي غلط هو البيه جوزي . اللي كُنتوا بتدافعوا عنه .
: ليه يا فاجرة ؟! هو جوزك اللي كان بيتصور في الأوضاع القذرة اللي في الفيديو ؟!
= أيوه يا ماما جوزي اللي كان في الفيديو .
: لا يا روح أمك ، إنتِ اللي كنتِ في الفيديو .

صدمتي كلمتها ! وعجزت عن التفكير أو الكلام .
= أزاي يا ماما ؟
: أيوه جوزك الصبح بعت لخالك الفيديو ومعاكي راجل في وضع زبالة زيك وقاله شوف فضيحة بنت أختك !! 
= أنتِ بتقولي اي يا ماما !!
: أعملي بقي مش عارفة !! يعني أنتِ مش عارفة باللي عملتيه ! دا أنا شوفتك بعينيا يا فاجرة .
أنهارت أعصابي وسقط الهاتف من يدي.
بدأت أربط بين كلام أسامة وكلام أمي إلي أن وصلت لإستنتاج كارثي بمعني الكلمة. لكني كنت لابد وأن أتأكد أولاً .

أسامة قطع تفكيري و سألني : فيه اي يا قلبي ؟ 
= لا أبداً دي ماما زعلانة مني علشان فاكرة إني سيبت البيت لمعتز ومشيت .
: طيب حاولي تفهميها حقيقته علشان تعرف إنها فاهماه غلط ، وتفهم إنها جوزتك لإنسان حقير .
= طيب هات موبايلك أخد منه فيديوهاته علشان أبقي أخليها تشوف بعينيها وتقتنع بكلامي .

أعطاني هاتفه فأرسلت منه لهاتفي كل مقاطع الفيديو الموجودة به .
وفي المساء وجدت أسامة يقول لي : أنا لازم أمشي و أرجع البيت علشان مراتي مش تحس بحاجة .
= أنت مش هتقولها لما نتجوز ؟!
: أقولها أو لا ، تعرف أو متعرفش .. كل ده عادي . مش يهمني إلا إننا نكون مع بعض يا قلبي .
= أومال خايف ليه إنها تحس أو تعرف ؟
: مش خوف يا قلبي، لكن كل حاجة ولها وقتها .
= ماشي يا حبيبي. بس بكره الصبح لازم تكلمني .
: أكيد يا حبيبتي .

وبمجرد خروج أسامة من الشقة وما أن أغلق الباب، فتحت هاتفي سريعاً وبدأت أتنقل ببن مقاطع الفيديو . كنت أفتح الفيديو لمدة ثواني قليلة حتي أتأكد من شكي .
بعدما تنقلت بين بعض المقاطع تأكدت من أن الشقة التي كان أسامة يقوم فيها بتصوير معتز هي ذاتها الشقة التي إستأجرها ليّ وأقمت بها لمدة ٣ ايام !!
هل كانت مصادفة ؟!
أم أن أسامة كان يعد ذلك وبترتيب مسبق مع السمسار ؟!
لكن .. كيف ؟!!
أنا بنفسي كنت أمر معه علي السماسرة واحداً يلو الأخر بحثاً عن شقة !!
هل أسامة كان يخدعني ؟!
معني كل ذلك إن ما أستطعت أستنتاجه من كلام أمي ربما يكون حقيقي !!
لكن !! إن كان ما استنتجته حقيقي ستكون كارثة محققة !!

أكملت فتح باقي مقاطع الفيديو التي نقلتها لهاتفي حتي فتحت مقطعاً تسمرت تماماً أمامه !! كان مقطع لي مع أسامة !!
لا أستطيع تصديق ما تراه عيناي !
إلي هذا الحد أستطاع أسامة خداعي !
كل هذا الحب الذي رأيته من أسامة كان وهماً وخداع !
لا أستطيع تصديق هذا أبداً .
فأنا أعرف أسامة جيداً ومنذ سنوات بعيدة .
أسامة حبه لي حقيقي بكل تأكيد . لا شك أبداً فيه .
إذن .. لماذا فعل ذلك !
هل كانت صدمته السابقة في حبي سبباً لكرهي للحد الذي يفكر فيه أن ينتقم مني بهذا الأسلوب البشع!
هل يجتمع الحب والکراهية في قلب إنسان واحد بهذا الشكل !!
ولكن ...
كيف سأواجه أمي !
كيف سأواجه كل الناس !
كنت خائفة من فيديو زوجي معي ، الآن الكارثة أكبر لأني مع رجل لا تربطني به صلة !!
الآن خړجت من مشكلة ربما يكون لها حل إلي كارثة لا حل لها أبداً.
قطع تفكيري صوت هاتفي باتصال من أسامة .
ماذا أفعل ؟
هل أجيبه وأسأله عن سبب ما فعله ؟
أم أكيل له السباب والشتائم جراء فعلته الحقيرة اللامبررة ؟
وإن فعلت كل ذلك ماذا سأجني؟
مثلما أرسل مقطع الفيديو لمعتز يمكن له إرساله لكل الناس !
وحينها سيكون الموت أهون كثيراً من الحياة مع الفضيحة.
وأخيراً فضلت عدم الرد عليه مطلقاً .
ظل يحاول الاتصال بي كثيراً وأنا أتجاهله تماماً.
أرسل لي رسالة " إنتِ فين يا قلبي؟ طمنيني عليكِ ، أنا كده قلقت عليكِ قوي. أرجوكِ يا حبيبتي ردي عليّ ."

هذه حقاً كلمات إنسان يحب وقلق علي حبيبته !! 
لكن لماذا فعلت ذلك إذن ؟!
أستمرت حيرتي وتفكيري لوقت طويل وفجأة وجدته يفتح الباب !!
سألته : اي ده يا أسامة ! إنت رجعت بدري كده ليه ؟
كان يظهر عليه القلق والإرتباك بشكل مبالغ فيه !
= إنتِ كنتِ فين يا حبيبتي ؟ أنا قلقت عليكِ قوي ! أنا سيبت الشغل وړجعت أطمن عليكِ . 
: كنت نايمة .
كانت تبدو عليه ملامح التۏتر الشديد، ووجهه يتصبب عرقاً ، ويداه ترتجفان بوضوح : أنا خوفت تكونِ ضيعتي مني تاني! أنا مش هسمح لحد ياخدك مني تاني يا شوق .
كنت أراقب ملامحه الغريبة ويدياه التي ترتجف بشكل غريب!
بدا وكأنه إنسان أخر لا أعرفه ! إنسان أراه لأول مرة . حتي تملكني خوف منه شديد ! 
سألته في خوف : مالك يا أسامة فيه اي ؟
نظر لي بعيناه التي أتسعت بشكل غريب، وبابتسامة مكسورة لم ترتسم بالكامل علي وجهه ويداه مازالت ترتجفان بوضوح قائلاً : أنا جايب معايا أحلي خبر هتسمعيه في حياتك ، خلاص جوزك طلقك .
=:إنت بتتكلم بجد ؟ مين اللي قالك ؟
: أنا كللللمته، وهو قالللي إنه بعت الفيديو لأهلك وړمي عليكِ يمين الطلاق خلاص .
تصنعت عدم الفهم ، وسألته : فيديو اي اللي معتز بعته لأهلي ؟
أسامة ومازالت يداه ټرتجفان ووجهه يتصبب عرقاً : الفيديو بتاعي أنا وإنتِ يا قلبي، إنتِ نسيتي ولا اي ؟! 
كان يتكلم معي عن مقطع الفيديو الخاص بنا والذي أرسله لمعتز وكأنني علي علم به ! وكأنه لا يعلم إنه قام بتصويره دون علمي !! 
= أنا مش فاهمة انت بتتكلم عن اي ؟
: خلاص، مش مهم ، المهم دلوقتي تعالي يلا .
أمسك بذراعي بقوة قائلاً : يلا يا حبيبتي عشان نتجوز .
أعتقدت أنه يمزح ! فقُلت له : دلوقتي ؟! طيب أستني لما أخد ورقة الطلاق منه والعدة تخلص .
أطلق أسامة ضحكة عالية بصوت مخيف ثم أنقبضت ملامحه فجأة : إنتِ عايزة تهربي وتبعدي عني تاني!! أنا مش هسمحلك أبداً تبعدي عني !! إنتِ متعرفيش أنا حصلي اي لما بعدتي عني أول مرة ! مش هتبعدي عني تاني أبداً.. فاهمة ؟؟
تأكدت حينها أن أسامة ليس في حالة طبيعية . بدأت أحاول مجاراته خوفاً منه ! 
قُلت له بابتسامة مصطنعة : لا يا حبيبي مش هبعد عنك طبعاً أنا معاك أهو وهفضل معاك علطول .

بدأت عيون أسامة يتغير شكلها وتكلم بعصبية : أيوه مش هتبعدي عني أبداً وهنتجوز . أيوه هنتجوز .. فاهمة ؟
أجبته بخوف : أيوه طبعاً. 
أمسك يدي بقوة قائلاً : هنتجوز دلوقتي.. يلا تعالي .
أرتجفت خوفاً وهو يسحبني من يدي حتي دخل بي غرفة النوم .وفتح الدولاب وأخرج منه بيبي دول . ثم قال لي : خدي يا حبيبتي البسي فستان الفرح .
شعرت حينها بالفزع وتأكدت أن أسامة مړيض !
نعم أسامة صار مړيض نفسي بسببي أنا !! حبه لي وبُعدي عنه هو ما وصل به للجنون !!

انفجرت باكية، أقتربت منه وضممته إليّ.  وربت بيدي علي ظهره . بينما كانت دموعي تنساب من عيناي بلا توقف . 
حاولت التماسك قائلة : حاضر يا حبيبي هلبس فستان الفرح حالاً . بس الأول لازم نتصل بالمأذون علشان نكتب الكتاب .
أسامة بابتسامة غريبة : صح لازم نكتب الكتاب الأول .
مسحت دموعي و حاولت الابتسام قائلة : أنا هتصل بالمأذون ، هييجي حالاً . نكتب الكتاب ونتجوز .
أسامة ابتسم ابتسامة غريبة : إنتِ معاكِ رقم المأذون ؟
قُلت له : أيوه معايا يا قلبي و هتصل به حالا .
أخرجت هاتفي وأنا أنظر لأسامة ، ودموعي تنساب بلا توقف علي وجهي ، و يكاد قلبي أن يتمزق ألماً ، وأبتعدت عنه ثم اتصلت بالنجدة .
أخبرتهم بصوت هامس حتي لا يسمعني .. ألحقوني ، أنا معايا مجنون في الشقة !

لم تمر إلا دقائق ، وكانت سيارة النجدة ومعها سيارة من أحدي مصحات العلاج النفسي ، تقفان عند باب المنزل .
دخل بعض الرجال الذين أمسكوا به ، بينما كان الألم يعتصرني ، وأنا أراهم يقيدوا حركته وهو خارج وعيناه معلقتان بعيناي !
لم أسمع صرخاته حينها ، لم أسمع سوي صوت ذكريات كلماته ...

" أنا من حبي ليكي سميت بنتي شوق علي اسمك "

"والله يا شوق وحياة بنتي شوق أنا مبعرفش أتعامل مع مراتي غير وأنا شايفها قدامي أنتِ !! أ

" عينيكي وأنتي مبسوطة بتلمع لمعة بحبها أوي ، ولما بتزعلي لمعة عينيكي بتقطع قلبي".

" بالله عليكي مش عايزك تختفي تاني من حياتي .. انا فعلا محتاجلك".

لا أستطيع تصديق ما رأته عيناي ! لا أصدق أن حب أسامة لي وبُعدي عنه كانا سبباً لما وصل أسامة إليه !
الرجل الوحيد الذي أحبني بصدق .
لن أسامح نفسي أبداً .
سأظل أعيش أسيرة جُرمي في حقه طوال العمر .

تمت بحمد الله 

انتظروا الجزء الثاني 

تعليقات