رواية الرهن الجارح الفصل العاشر 10 بقلم علي الفتلاوي

 


رواية الرهن الجارح الفصل العاشر بقلم علي الفتلاوي


ﭼﻨﺖ ﺍﻧﺎﻡ
ﺑﻄﺮﮒ ﺭﻭﺣﻲ
ﻫﺴﻪ ﻃﻴﻔﻚ ﮔﺒﻠﻲ ﻳﺘﻐﻄﺊ ﺑﻐﻄﺎﻱ 💔
،،،،،،،،،،،،،
ﺍﻳﺎﺩ،،ﺑﻴﻪ ﻃﺒﻊ ﻣﺎﺍﺣﺐ ﺍﻟﻤﺮﻩ ﺗﺼﺒﻎ ﺷﻌﺮﻫﺎ ﻭﻻﺍﺣﺐ ﺍﻟﻤﻜﻴﺎﺝ ﺍﻟﻬﻮﺍﻱ
ﺍﺣﺒﻬﺎ ﻋﻠﺊ ﻃﺒﻴﻌﺘﻬﺎ ﺍﻛﺜﺮ
ﺍﺗﺼﻠﺖ ﺑﻤﺮﺓ ﻋﻤﻲ ﻭﻃﻠﺒﺖ ﻣﻨﻬﺎ ﻣﺎﺍﺗﺨﻠﻲ ﻭﺩﻕ ﺗﺼﺒﻎ ﺷﻌﺮﻫﺎ ﺍﺣﺒﻪ ﺍﺳﻮﺩ ﻭﻳﻪ ﺑﺸﺮﺗﻬﺎ ﺍﻟﺒﻴﻀﻪ
ﺑﺲ ﺍﻟﺨﺒﻠﻨﻲ ﺣﺘﺊ ﺑﻬﺬﺍ ﺍﻟﺸﻲ ﻋﺎﻧﺪﺕ ﺍﺩﺭﻱ ﺑﻴﻬﺎ ﺑﻌﻨﺎﺩﻱ ﺗﻌﺎﻧﺪ ﻭﺗﺴﻮﻱ ﺍﻟﺸﻲ ﺍﻟﻤﺎﻧﻌﻬﺎ ﻣﻨﻪ
ﺍﻭﻭﻑ ﺍﻟﻠﻪ ﻭﻻﭼﻨﻬﻦ ﺑﺲ ﻳﻮﻣﻴﻦ ﺑﻌﺪ ﻭﺍﺟﻴﺒﻬﺎ ﻳﻤﻲ ﻋﺒﺎﻟﻚ ﺑﻌﺪ ﺳﻨﺘﻴﻦ
ﺑﺲ ﺍﺻﺒﺮﻱ ﻣﺎﺿﻞ ﻏﻴﺮ ﻳﻮﻣﻴﻦ ﻭﺍﺟﻴﺒﺞ
ﻣﺎﺍﺗﺤﻤﻠﺖ ﺭﺣﺘﻠﻬﺎ ﺷﺎﻳﻂ ﺍﻭﻝ ﻣﺎﺻﺎﺣﺘﻠﻬﺎ ﺍﻣﻬﺎ ﻧﺰﻟﺖ
ﻭﺩﻕ،،ﻧﺰﻟﺖ ﻟﮕﻴﺘﻪ ﻛﺎﻋﺪ ﻳﻬﺰ ﺑﺮﺟﻠﻪ ﺣﺮﻛﺘﻪ ﺍﻟﻤﻌﺮﻭﻓﻪ ﻣﻦ ﻳﺘﻮﺗﺮ
ﺍﻭﻝ ﻣﺎﺷﺎﻓﻨﻲ ﺍﺟﻪ ﺑﺎﺍﺗﺠﺎﻫﻲ ﻭﺧﺮﻧﻲ ﻋﻠﺊ ﺻﻔﺤﻪ ﻭﺳﺪ ﺍﻟﺒﺎﺏ
ﺣﻂ ﺍﺩﻱ ﺑﺠﻴﻮﺑﻪ ﻭﮔﻒ ﮔﺪﺍﻣﻲ
ﺍﻳﺎﺩ،،ﺍﻱ ﺳﺖ ﻭﺩﻕ ﺍﻧﻪ ﺷﮕﻠﺖ ?
ﻭﺩﻕ،،ﻣﺎﻓﻬﻤﺖ ?
ﺍﻳﺎﺩ،،ﺍﻫﺎﺍ ﮔﻠﺘﻲ ﻣﺎﻓﻬﻤﺖ
ﻭﺩﻕ،،ﺳﺤﺐ ﺣﺠﺎﺑﻲ ﻣﻦ ﺭﺍﺳﻲ ﺍﺑﺎﻭﻉ ﻭﺟﻬﺎ ﺩﺧﻦ ﻣﻦ ﺍﻟﻌﺼﺒﻴﻪ
ﺍﻳﺎﺩ،،ﻟﻴﺶ ﺗﻌﺎﻧﺪﻳﻦ ??
ﻭﺩﻕ،،ﺣﺒﻴﺖ ﺍﺻﺒﻐﻪ ﻣﺎﻏﻠﻄﺖ ﺑﺸﻲ
ﺣﺠﻴﺘﻬﺎ ﻭﺩﻧﮕﺖ ﺍﻛﺮﻩ ﺿﻌﻔﻲ ﮔﺪﺍﻣﻪ ﺑﻠﺤﻀﻪ ﺟﺴﻤﻲ ﻳﺮﺟﻒ ﻭﺍﺧﺎﻑ ﻣﺮﺍﺕ ﺷﮕﺪ ﺍﺣﻀﺮﻟﻪ ﺣﺠﻲ ﺑﺲ ﻣﺠﺮﺩ ﻣﺎﻳﺼﻴﺮ ﻛﺪﺍﻣﻲ ﺍﻧﺴﺊ ﻛﻠﺸﻲ
ﺍﻳﺎﺩ،،ﺍﺳﻤﻌﻴﻨﻲ ﺯﻳﻦ ﺛﻘﻲ ﺑﻤﺤﻤﺪ ﻟﻮ ﻣﺎﻋﺮﻭﺱ ﻭﺧﺎﻑ ﻳﻀﻞ ﻫﻠﺸﻲ ﺑﻨﻔﺴﺞ ﻟﻜﻮﻥ ﻣﺎﺩﺝ ﺍﻣﺪﻭﺩ ﻭﻣﺠﻨﺰﺝ ﻭﺍﻃﻠﻊ ﺍﻟﻌﻨﺎﺩ ﻣﻦ ﺧﺸﻤﺞ
ﺧﻠﻘﺘﺞ ﻛﻠﻬﺎ ﻣﻠﻜﻲ ﺍﻧﻲ ﺍﺗﺤﻜﻢ ﺑﻴﻬﺎ ﻣﻦ ﺳﺎﺳﺞ ﺍﻟﺮﺍﺳﺞ
ﻣﻦ ﺍﮔﻮﻝ ﻋﻠﺊ ﺷﻲ ﻣﺎﻳﺼﻴﺮ ﻳﻌﻨﻲ ﻣﺎﻳﺼﻴﺮ ﻣﻔﻬﻮﻭﻭﻡ
ﻭﺩﻕ،،ﺑﻘﻴﺖ ﻣﺪﻧﮕﻪ ﻣﺎﺟﺎﻭﺑﺖ
ﺍﻳﺎﺩ،،ﺍﺣﺠﻲ ﻭﻳﺎﺝ ﻣﻔﻬﻮﻡ ﻟﻮﻻﺍﺍ ??
ﻭﺩﻕ،،ﺍﻟﺪﻣﻌﻪ ﺑﻄﺮﻑ ﻋﻴﻨﻲ ﺍﺧﺘﻨﮕﺖ ﺍﺭﻳﺪ ﺑﺲ ﺍﺻﻌﺪ ﺍﻟﻐﺮﻓﺘﻲ ﻫﺰﻳﺖ ﺭﺍﺳﻲ ﺑﻤﻌﻨﺊ ﺍﻱ ﺗﺮﻛﺘﻪ ﻭﻃﻠﻌﺖ ﺍﺭﻛﺾ ﺻﻌﺪﺕ ﻟﻠﻐﺮﻓﻪ ﻣﻦ ﮔﺪ ﻣﺎﻧﻔﺴﻲ ﺳﺮﻳﻊ ﺍﺣﺴﻪ ﻳﺨﻨﮕﻨﻲ
ﻳﺎﺭﺑﻲ ﺍﺷﻠﻮﻥ ﺭﺍﺡ ﺍﻋﻴﺶ ﻭﻳﺎﻩ ﺑﻬﺬﺍ ﻃﺒﻌﻪ ﻭﻋﺼﺒﻴﺘﻪ ﺍﻟﻤﺎﺗﻨﺤﻤﻞ
ﺍﻧﻲ ﻭﻳﻦ ﺟﺎﻥ ﻋﻘﻠﻲ ﻳﻮﻡ ﻓﻜﺮﺕ ﺍﺗﺮﺍﻫﻦ ﻭﻋﻠﺊ ﻣﻨﻮﻭﻭﻭ ﻋﻠﺊ ﺍﻳﺎﺩﺩ
ﺑﺲ ﺟﻨﺖ ﺷﺎﻳﻔﻪ ﻣﻨﻪ ﺍﻟﺠﺎﻧﺐ ﺍﻟﻄﻴﺐ ﻓﻘﻂ ﻣﺎﺟﻨﺖ ﻣﺘﺼﻮﺭﺓ ﻋﻨﺪﺓ ﺟﺎﻧﺐ ﺳﻴﺊ ﺍﻟﻬﺎﻱ ﺍﻟﺪﺭﺟﻪ ﻋﺒﺎﻟﻚ ﺷﺨﺺ ﺛﺎﻧﻲ ﻏﻴﺮ ﺫﺍﻙ ﺍﻳﺎﺩ
ﻛﺮﻫﺘﻪ ﻣﻦ ﻛﻞ ﮔﻠﺒﻲ ﺑﮕﻠﺒﻲ ﺍﮔﻮﻝ ﻭﺍﻟﻠﻪ ﻟﺨﻠﻴﻚ ﺗﺠﺰﻉ ﻣﻨﻲ ﻭﻣﻦ ﺍﻋﻨﺎﺩﻱ ﻭﻣﻦ ﻛﻴﻔﻚ ﺍﻃﻠﻜﻨﻲ
ﺛﺎﻧﻲ ﻳﻮﻡ ﻛﻠﻬﺎ ﺍﻟﺘﻤﺖ ﻳﻤﻨﻪ ﻋﻤﺎﺗﻲ ﻭﺧﺎﻻﺗﻲ ﻭﺑﻨﺎﺗﻬﻦ ﺍﻟﻮﺣﻴﺪﻩ ﺍﻟﻤﺎﺍﺟﺖ ﻭﻳﺎﻫﻦ ﻫﺒﻪ ﺻﺪﮒ ﺷﻜﻴﺖ ﺑﻴﻬﺎ ﻫﻲ ﻭﺭﻩ ﻣﺼﻴﺒﺘﻲ ﻭﺍﻧﺘﻀﺮﺕ ﻳﺠﻲ ﻳﻮﻡ ﻭﻧﺘﻮﺍﺟﻪ ﻭﺍﺫﺍ ﻃﻠﻌﺖ ﺍﻟﻬﺎ ﺍﻳﺪ ﺑﺎﻟﻤﻮﺿﻮﻉ ﻣﻮﺗﻬﺎ ﻳﺼﻴﺮ ﻋﻠﺊ ﺍﻳﺪﻱ
ﻋﻮﺩ ﻭﺛﻘﺖ ﺑﻴﻬﺎ ﻻﻥ ﺑﻨﺖ ﺧﺎﻟﻲ ﻭﺻﺪﻳﻘﺔ ﻃﻔﻮﻟﺘﻲ ﻣﺎﻣﻤﻜﻦ ﺍﺷﻚ ﺑﻴﻬﺎ ﺍﺗﺨﻮﻧﻲ ﻭﺗﻄﻌﻨﻲ
ﻣﺘﻤﺪﺩﻩ ﺑﻔﺮﺍﺷﻲ ﻣﺎﻟﻲ ﺧﻠﮓ ﺍﻟﻜﻠﺸﻲ ﺍﺗﻤﻨﻴﺖ ﻳﺼﻴﺮ ﺷﻲ ﻭﻳﺨﺮﺏ ﺍﻟﻌﺮﺱ
ﻋﺒﺎﻟﻚ ﻣﻮﺭﺍﺡ ﺍﺗﺰﻭﺝ ﻻﺭﺍﺡ ﻳﺎﺧﺬﻭﻧﻲ ﻟﻼﻋﺪﺍﻡ
ﺑﺪﺍﺧﻠﻲ ﺍﮔﻮﻝ ﺑﻌﺪﻧﻲ ﺻﻐﻴﺮﺓ ﻭﻳﻨﻲ ﻭﻳﻦ ﺍﻟﻤﺴﺆﺅﻟﻴﻪ ﻭﺍﻟﺰﻭﺍﺝ ﺑﻌﺪﻧﻲ ﺍﺭﻳﺪ ﺍﻋﻴﺶ ﺣﻴﺎﺗﻲ ﺑﻜﻴﻔﻲ
ﺑﺲ ﺿﻴﻌﺖ ﻫﻠﺤﻖ ﻣﻦ ﺍﻳﺪﻱ ﺑﻴﻮﻡ ﺍﻟﺮﻫﻦ ﺍﻟﺤﻘﻴﺮ ﺍﻟﻘﻠﺐ ﺣﻴﺎﺗﻲ ﺭﺍﺳﺎ ﻋﻠﺊ ﻋﻘﺐ
ﺍﻧﻔﺘﺢ ﺍﻟﺒﺎﺏ ﻭﺩﺧﻠﺖ ﺧﺎﻟﺘﻲ ﺳﻨﺎﺀ
ﺳﻨﺎﺀ،،ﮔﻮﻣﻲ ﺑﻨﻴﺘﻲ ﻟﻴﺶ ﻟﺴﻪ ﺑﻌﺪﺝ ﻣﺎﻣﺠﻬﺰﻩ ﻧﻔﺴﺞ ﺍﻛﻮ ﻭﺣﺪﺓ ﺍﻟﻴﻮﻡ ﺣﻨﺘﻬﺎ ﻭﺍﻟﺴﺎﻋﻪ ﻫﺴﻪ ﺣﺘﺼﻴﺮ ﺏ 12 ﺍﻟﻀﻬﺮ ﻭﺍﻧﺘﻲ ﺑﻌﺪﺝ ﻧﺎﻳﻤﻪ
ﻭﺩﻕ،،ﺑﺎﻭﻋﺘﻠﻬﺎ ﺑﻨﻀﺮﻩ ﻣﻠﻴﺎﻧﻪ ﺣﺰﻥ
ﺧﺎﻟﻪ ﻛﻮﻥ ﺍﻣﻮﺕ ﻭﻳﺨﺮﺏ ﺍﻟﻌﺮﺱ
ﺑﺠﻴﺖ ﺑﺴﺮﻋﻪ ﻣﺎﺍﺗﺤﻤﻠﺖ ﻛﻌﺪﺕ ﻳﻤﻲ ﻭﺟﺮﺗﻨﻲ ﺍﻟﺤﻀﻨﻬﺎ
ﺳﻨﺎﺀ،،ﺍﺳﻢ ﺍﻟﻠﻪ ﻋﻠﻴﺞ ﺍﺑﻨﻴﺘﻲ ﻟﻴﺶ ﺗﺤﺠﻴﻦ ﻫﻠﺸﻜﻞ
ﮔﻮﻟﻲ ﻳﺎﺍﻟﻠﻪ ﺷﻮﻓﻲ ﺍﻧﻲ ﻭﻋﻤﺞ ﻭﺍﻟﻠﻪ ﻣﺎﺷﺎﻳﻔﺘﻪ ﻭﻻﺍﻋﺮﻓﻪ ﻣﻦ ﺧﻄﺒﻨﻲ ﺭﺟﺎﻝ ﻏﺮﻳﺐ ﻭﻋﻦ ﻃﺮﻳﻖ ﺍﻣﻬﺎﺗﻨﻪ ﺍﻣﻪ ﺧﻄﺒﺘﻨﻲ ﻻﺷﺎﻳﻔﻨﻲ ﻭﻻﺷﺎﻳﻔﺘﻪ
ﻳﻌﻨﻲ ﻣﺎﺑﻴﻨﺎﺗﻨﻪ ﺣﺐ ﻭﻋﻼﻗﻪ ﻭﻃﺒﻪ ﻭﻃﻠﻌﻪ ﺑﺲ ﻣﻦ ﺍﺗﺰﻭﺟﺖ ﺑﻴﻮﻡ ﺍﻟﻌﺮﺱ ﻣﺎﺭﺍﺡ ﺍﮔﻠﺞ ﺑﻤﺮﻭﺭ ﺍﻟﺰﻣﻦ ﻻ ﺍﻟﻠﻪ ﺷﺎﻫﺪ ﺑﻴﻮﻡ ﺍﻟﻌﺮﺱ ﺣﺴﻴﺖ ﺭﻭﺣﻲ ﺍﻋﺮﻓﻪ ﻣﻦ ﺯﻣﺎﺍﺍﻥ ﻻﺧﺠﻠﺖ ﻣﻨﻪ ﻭﻻﺭﻓﻀﺘﻪ ﺑﺎﻟﻌﻜﺲ ﻟﮕﻴﺖ ﺭﻭﺣﻲ ﺍﺣﺒﻪ ﻭﺍﻧﻲ ﺗﻮﻧﻲ ﺯﻓﻮﻧﻲ ﺍﻟﻪ
ﺭﺑﺞ ﻳﻨﺰﻝ ﺍﻟﻤﻮﺩﺓ ﻭﺍﻟﺮﺣﻤﻪ ﻣﻦ ﺍﻭﻝ ﻟﻴﻠﻪ ﺑﻴﻦ ﺍﻟﺮﺟﺎﻝ ﻭﺍﻟﻤﺮﻩ ﻭﻳﺮﻓﻊ ﻋﻨﻜﻢ ﻏﺸﺎﺀ ﺍﻟﺨﺠﻞ ﻭﻳﺰﺭﻉ ﺑﻴﻨﻜﻢ ﺍﻟﺤﺐ
ﺻﺪﮔﻴﻨﻲ ﻳﺎﻳﻤﻪ ﻳﺠﻲ ﻳﻮﻡ ﺗﺒﺠﻴﻦ ﺍﺫﺍ ﻋﺎﻓﺞ ﺳﺎﻋﻪ ﻭﺣﺪﺓ ﻭﻳﺠﻲ ﻳﻮﻡ ﺍﺫﻛﺮﺝ ﺑﻜﻼﻣﻲ
ﻭﺑﻌﺪﻳﻦ ﺗﺮﻩ ﺧﻄﻴﺒﺞ ﻳﺨﺒﻞ ﻭﻟﺞ ﺍﻟﻨﺴﻮﺍﻥ ﻛﺎﺗﻼﺕ ﺭﻭﺣﻬﻦ ﻋﻠﻲ ﻭﺍﻧﺘﻲ ﻛﺎﻟﺒﺘﻬﺎ ﻣﻨﺎﺣﻪ ﺗﺮﻩ ﺑﺪﻭﻥ ﺯﻋﻞ
ﻫﻮ ﺍﺣﻠﺊ ﻣﻨﺞ ﺑﻬﻮﻭﻭﺍﻱ
ﻭﺩﻕ،،ﺍﺑﺘﺴﻤﺖ ﻋﻠﺊ ﻛﻼﻡ ﺧﺎﻟﺘﻲ ﻛﺪﺭﺕ ﺍﺗﻌﺪﻝ ﻧﻔﺴﻴﺘﻲ
ﺟﺮﺗﻨﻲ ﻣﻦ ﺍﻳﺪﻱ ﻭﺍﺗﮕﻠﻲ ﮔﻮﻣﻲ ﮔﻮﻣﻲ ﻟﻮﻣﻨﺞ ﺍﻧﻲ ﺍﺭﻭﺣﻠﻪ ﺑﺪﻭﻥ ﺯﻓﻪ
ﻭﺩﻕ،،ﻧﺰﻟﻨﻪ ﺟﻮﻩ ﺍﻣﻲ ﺟﺎﺑﺘﻠﻲ ﺩﺷﺪﺍﺷﻪ ﻭﺍﻧﻄﺘﻨﻲ ﺍﻟﺨﺎﻭﻟﻲ ﻭﻳﺎﻩ ﻣﻼﺑﺲ ﺩﺍﺧﻠﻴﻪ
ﺩﺧﻠﺖ ﺳﺒﺤﺖ ﻭﻃﻠﻌﺖ ﻗﺒﻞ ﻳﻮﻡ ﺧﺎﻟﺘﻲ ﺳﻨﺎﺀ ﺳﻮﺕ ﺟﺴﻤﻲ ﻛﻠﻪ ﺑﺸﻴﺮﻩ ﻣﻦ ﺻﺪﮒ ﺍﺗﻤﻨﻴﺖ ﻋﻨﺪﻱ ﺍﺧﺖ ﺛﺎﻧﻴﻪ ﺗﺴﺎﻋﺪﻧﻲ ﺑﻬﻴﺞ ﺷﻲ ﻭﻣﺎﺍﻧﺤﺮﺝ ﺧﺎﻟﺘﻲ
ﺍﻛﺒﺮ ﻣﻦ ﺍﻣﻲ ﺑﺲ ﺍﺳﺒﻮﺭﺗﻴﻪ ﻭﺍﺿﺤﻮﻛﻴﻪ ﻣﻦ ﺗﮕﻌﺪ ﻳﻤﻬﺎ ﺗﺤﺴﻬﺎ ﺑﻌﻤﺮﻙ ﻭﺗﻔﻬﻤﻚ ﻟﺬﺍﻟﻚ ﻛﻠﻨﻪ ﻧﺤﺒﻬﺎ ﻭﻣﺎﺍﺳﺘﺤﻴﺖ ﻣﻨﻬﺎ ﻛﻠﺶ
ﺑﺎﺍﺳﻠﻮﺑﻬﺎ ﺍﻟﺤﻠﻮ ﮔﺪﺭﺕ ﺗﻜﺴﺮ ﺣﺎﺟﺰ ﺍﻟﺨﺠﻞ ﺑﻴﻨﺎﺗﻨﻪ ﻣﻬﻤﺎ ﻳﻜﻮﻥ ﻫﻲ ﺧﺎﻟﺘﻲ ﻭﺑﻤﻘﺎﻡ ﺍﻣﻲ
ﻛﻤﻠﺖ ﻭﻃﻠﻌﺖ ﺑﺲ ﻣﺸﻄﺖ ﺷﻌﺮﻱ ﻟﺒﺴﺖ ﻓﺴﺘﺎﻥ ﺑﺮﻭﻧﺰﻱ ﻭﺭﻫﻤﺖ ﺣﺠﺎﺏ ﻭﻳﺎﻩ ﻟﺒﺴﺖ ﺣﺬﺍ ﺍﻓﻼﺕ ﻭﻟﺒﺴﺖ ﻋﺒﺎﺗﻲ ﻭﻧﺰﻟﺖ
ﺧﺎﻻﺗﻲ ﮔﻠﺒﻦ ﺍﻟﺒﻴﺖ ﺑﺎﻟﻬﻼﻫﻞ ﺍﻧﻲ ﺑﺲ ﺍﻭﺯﻉ ﺍﺑﺘﺴﺎﻣﺎﺕ ﺟﺬﺏ
ﺧﻠﻒ ﻫﺎﻱ ﺍﻻﺑﺘﺴﺎﻣﻪ ﺍﻟﺠﺬﺍﺑﻪ ﻭﺟﻪ ﻳﻔﺮﻓﺢ ﻣﻦ ﺍﻟﺒﺠﻲ
ﺍﺧﺬﺗﻨﻲ ﺧﺎﻟﺘﻲ ﻭﺍﻣﻲ ﻟﻠﺼﺎﻟﻮﻥ ﺳﻮﺗﻠﻲ ﺗﺴﺮﻳﺤﻪ ﺭﻓﻌﺖ ﺷﻌﺮﻱ ﻛﻠﻪ ﻣﻜﻴﺠﺘﻨﻲ ﻣﻜﻴﺎﺝ ﺧﻔﻴﻒ ﻻﻥ ﺍﻣﻲ ﻃﻠﺒﺖ ﻣﻨﻬﺎ ﻫﻠﺸﻲ
ﻟﺒﺴﺖ ﺍﻟﺒﺪﻟﻪ ﺍﻟﺒﻴﻀﻪ ﺍﻟﻴﻮﻡ ﺣﻨﻪ ﻭﺍﻣﻲ ﺟﺎﺑﺘﻠﻲ ﺍﺭﺑﻊ ﺑﺪﻻﺕ ﻏﻴﺮ ﺍﻟﺒﻴﻀﻪ
ﻟﺒﺴﺘﻨﻲ ﺟﺎﺩﺭ ﻟﻔﺘﻨﻲ ﺑﻲ ﻭﺭﻓﻌﺖ ﺍﻟﻜﺒﻮﺱ ﻋﻠﺊ ﺭﺍﺳﻲ
ﻣﺎﺍﻋﺮﻑ ﻣﻨﻮ ﺍﺗﺼﻞ ﻋﻠﻴﻬﺎ ﻛﺎﻟﺖ ﺍﻱ ﻛﻤﻠﻨﻪ ﻗﺮﺏ ﺳﻴﺎﺭﺗﻚ ﻟﻠﺒﺎﺏ ﺣﺘﺊ ﻧﻄﻠﻊ
ﻃﻠﻌﻨﻲ ﻭﺍﻧﻲ ﻣﺪﻧﮕﻪ ﻛﻠﺸﻲ ﻣﺎﺍﺷﻮﻑ ﺑﺲ ﻭﺻﻠﺖ ﻟﻠﺴﻴﺎﺭﻩ ﺳﻤﻌﺖ ﺻﻮﺗﻪ ﺟﻔﻠﻨﻲ ﺧﺮﺭﺭﺏ ﺍﻣﻲ ﻣﻮﻃﻠﺒﺖ ﻣﻦ ﺍﺑﻮﻱ ﻳﺮﺟﻌﻨﻪ ﺷﻜﻮ ﺍﺟﻪ ﻫﻮ
ﺍﺍﻳﺎﺩ،،ﺍﻡ ﻭﺩﻕ ﺍﺻﻌﺪﻱ ﻳﻤﻲ ﻭﺍﻡ ﺣﺴﺎﻡ ﺗﺼﻌﺪ ﻳﻢ ﻭﺩﻕ
ﻭﺩﻕ،،ﻫﻮ ﻳﺴﺘﺤﻲ ﻣﻦ ﺧﺎﻟﺘﻲ ﻻﻥ ﻫﻲ ﻣﺘﺰﻭﺟﻪ ﺍﺑﻐﺪﺍﺩ ﻭﺟﻴﺎﺗﻬﺎ ﻣﻮﺍﻫﻮﺍﻱ ﻟﻬﻠﺸﻲ ﻃﻠﺐ ﻣﻨﻬﺎ ﺗﻜﻌﺪ ﻳﻤﻲ
ﺭﺟﻌﻨﻪ ﻟﻠﺒﻴﺖ ﺑﺲ ﻃﻮﻝ ﺍﻟﻄﺮﻳﻖ ﻫﻮ ﺳﺎﻛﺖ ﻣﺎﺣﺠﻪ ﺷﻲ ﻣﺠﺮﺩ ﻳﺠﺎﻭﺏ ﻋﻠﺊ ﺍﺳﺌﻠﻪ ﺍﻣﻲ ﺑﺨﺼﻮﺹ ﺍﻟﺰﻓﻪ ﻭﺍﻟﻨﺎﺱ ﺍﻟﻤﻌﺰﻭﻣﻪ
ﻭﺻﻠﻨﻪ ﻟﻠﺒﻴﺖ ﺧﺎﻟﺘﻲ ﻓﺘﺤﺘﻠﻲ ﺍﻟﺒﺎﺏ ﻭﺳﺎﻋﺪﺗﻨﻲ ﺍﻧﺰﻝ ﺑﺪﻭﻥ ﻣﺎﺍﺩﺭﻱ ﺍﻧﻔﺘﺢ ﺍﻟﻐﻄﺎﺀ ﻣﻦ ﺍﻟﻨﺺ ﻭﺑﻴﻨﺖ ﻓﺘﺤﺖ ﺍﻟﺒﺪﻟﻪ ﻣﻦ ﻳﻢ ﺍﻟﺼﺪﺭ ﻭﺍﻟﻤﺼﻴﺒﻪ ﺻﺪﺭ ﺍﻟﺒﺪﻟﻪ ﻓﻀﻴﺤﻪ ﻣﻮﺩﻳﻞ ﺗﺮﻛﻲ
ﻣﺎﺍﺣﺴﻴﺖ ﻏﻴﺮ ﺍﻗﺘﺮﺏ ﻣﻨﻲ ﻣﺪ ﺍﻳﺪﻩ . ﺳﺪ ﺍﻟﻐﻄﻪ ﻭﻫﻤﺲ ﻗﺮﻳﺐ ﻣﻨﻲ
ﺍﻳﺎﺩ،،ﻏﻄﻲ ﺻﺪﺭﺝ ﺑﺎﺟﺮ ﺍﺷﻠﻌﻪ ﺍﻟﺞ ﻣﻮ ﺍﻟﻴﻮﻡ
ﻭﺩﻕ،،ﻓﺘﺤﺖ ﻋﻴﻮﻧﻲ ﻋﻠﺊ ﻭﺳﻌﻬﻦ ﺷﻔﺖ ﺟﻮﺍﻧﺒﻪ ﺍﻟﺰﻳﻦ ﻭﺍﻟﺸﻴﻦ ﺑﺲ ﺟﺎﻧﺒﻪ ﺍﻟﻤﻨﺤﺮﻑ ﺍﻭﻝ ﻣﺮﻩ ﺍﺷﻮﻓﻪ ﻛﻤﻞ ﻛﻼﻣﻪ ﻏﻤﺰﻟﻲ ﻭﺭﺍﺡ
ﺍﺭﻳﺪ ﺍﺳﻴﻄﺮ ﻋﻠﺊ ﺭﺟﻠﻴﻪ ﻣﺎﺍﮔﺪﺭ ﺍﺣﺴﻬﻦ ﺭﺟﻞ ﺍﻃﮓ ﺑﺮﺟﻞ
ﻣﺪﺭﻱ ﺍﺷﻠﻮﻥ ﻭﺻﻠﺖ ﻟﻠﺒﻴﺖ ﺑﺪﺕ ﺍﻟﺤﻔﻠﻪ ﻭﺍﻧﺘﻬﺖ ﻭﻛﻠﻤﺘﻪ ﺗﺮﻥ ﺑﺮﺍﺳﻲ ﺧﺎﺍﺍﺍﻳﻔﻪ ﺣﺪ ﺍﻟﻤﻮﺕ
ﻋﻤﺮﻱ ﻣﺎﺍﺗﻮﻗﻌﺖ ﻳﺠﻲ ﻳﻮﻡ ﻭﺍﻧﻜﺸﻒ ﻋﻠﺊ ﺍﻳﺎﺩ
ﺑﻌﺪ ﻣﺎﺍﻧﺘﻬﺖ ﺍﻟﺤﻔﻠﻪ ﻭﺭﺍﺣﺖ ﺍﻟﻨﺴﻮﺍﻥ ﺍﻣﻲ ﻭﺧﺎﻟﺘﻲ ﺭﺣﺎﺏ ﻧﺰﻟﻦ ﺍﻟﺠﻨﻂ ﻣﺎﻟﺘﻲ ﺍﺑﺎﻭﻉ ﺍﻣﻲ ﺗﺒﺠﻲ ﻣﻦ ﺟﻮﻩ ﻟﺠﻮﻩ ﻣﺎﺗﺮﻳﺪﻧﻲ ﺍﺷﻮﻓﻬﺎ ﺍﻧﻲ ﻣﻦ ﺍﺷﻮﻑ ﺩﻣﻮﻉ ﺍﻣﻲ ﻟﻮ ﺍﺑﻮﻱ ﻭﺣﺘﺊ ﺍﺧﻮﺍﻧﻲ ﺍﻻﺛﻨﻴﻦ ﻣﺎﻳﮕﻌﺪﻭﻥ ﻳﻤﻲ ﻣﻦ ﺍﺣﻂ ﻋﻴﻨﻲ ﺑﻌﻴﻨﻬﻢ ﻳﻨﻬﺰﻣﻮﻥ
ﺍﺟﻪ ﻋﻤﺎﺩ ﺍﺧﻮ ﺍﻳﺎﺩ ﺟﺎﺏ ﺳﻴﺎﺭﺗﻪ ﺣﻂ ﺍﻟﺠﻨﻂ ﺑﻴﻬﻦ ﺍﻣﻲ ﻭﺧﺎﻟﺘﻲ ﺭﺍﺣﻦ ﻭﻳﺎﻩ ﻳﺴﻔﻄﻦ ﺍﻟﻤﻼﺑﺲ ﺑﺎﻟﻜﻨﺘﻮﺭ
ﺟﺮﻳﺖ ﺣﺴﺮﻩ ﺍﺣﺴﻬﺎ ﻃﻠﻌﺖ ﻣﻦ ﺭﻭﺣﻲ ﺍﺗﻤﻨﻴﺖ ﺍﻏﻤﺾ ﺍﻓﺘﺢ ﺍﻟﮕﻪ ﻛﻠﺸﻲ ﺣﻠﻢ ﺗﻤﻨﻴﺖ ﺍﮔﺪﺭ ﺍﺣﺬﻑ ﺫﺍﻙ ﺍﻟﻴﻮﻡ ﺍﻻﺳﻮﺩ ﻣﻦ ﺣﻴﺎﺗﻲ ﺑﻴﻮﻡ ﺍﺗﺮﺍﻫﻨﺖ ﻭﺩﻣﺮﺕ ﻣﺴﺘﻘﺒﻠﻲ ﻭﺿﻴﻌﺖ ﺛﻘﺔ ﺍﻫﻠﻲ ﺑﻴﻪ
ﺍﻣﻲ ﻭﺧﺎﻟﺘﻲ ﺭﺟﻌﻦ ﻭﻳﺤﺠﻦ ﺑﺘﺮﺗﻴﺐ ﺍﻳﺎﺩ ﻟﻠﺒﻴﺖ ﻳﮕﻮﻟﻦ ﺣﺘﺊ ﺍﻻﺛﺎﺙ ﻳﺨﺒﻞ ﺫﻭﻗﻪ ﻓﺪ ﺷﻲ
ﺑﻠﻴﻞ ﻣﺘﻤﺪﺩﺓ ﺑﺎﻟﻔﺮﺍﺵ ﺍﻻﺣﺴﻪ ﻣﻠﺠﺄ ﺍﻟﻴﻪ
ﺳﻨﺎﺀ،ﻻ ﺗﻀﻠﻴﻦ ﺗﺘﺼﻔﻨﻴﻦ ﺟﺒﺘﻠﺞ ﺍﻛﻞ ﻛﻠﻪ ﺗﺎﻛﻠﻲ ﻭﻟﺞ ﺧﺎﻟﻪ ﺑﺎﺟﺮ ﺍﻟﺰﻟﻤﻪ ﻳﺮﻳﺪ ﻳﺒﻮﺱ ﻳﺮﻳﺪ ﻳﺤﻀﻦ ﻭﺍﻧﺘﻲ ﺻﺎﻳﺮﻩ ﺑﺲ ﺍﻋﻀﺎﻡ ﻣﻦ ﮔﺪ ﺍﻟﺘﻔﻜﻴﺮ
ﻭﺩﻕ،،ﺍﻧﻬﻀﻤﺖ ﺑﺴﺮﻋﻪ ﻛﺘﻠﻬﺎ ﺧﺎﻟﻪ ﺍﻟﻠﻪ ﻳﺨﻠﻴﺞ ﻻﺗﺨﻮﻓﻴﻨﻲ ﻓﻮﮒ ﻣﺎﺍﻧﻲ ﺧﺎﻳﻔﻪ
ﺳﻨﺎﺀ،،ﻳﺎﺍﺍﺭﺑﻲ ﺩﺧﻴﻠﻚ ﻭﻫﻮ ﺷﻨﻮ ﺍﻟﻴﺨﻮﻑ
ﻫﺎﻱ ﺳﻨﻪ ﺍﻟﺤﻴﺎﺓ ﺑﻨﻴﺘﻲ ﻭﻟﺞ ﺍﻧﻲ ﻣﺘﺎﻛﺪﺓ ﻳﺠﻲ ﻳﻮﻡ ﺍﺟﻲ ﺍﺑﺎﺕ ﻳﻢ ﺍﻣﺞ ﻭﺍﻃﻠﺐ ﻣﻨﺞ ﺍﺗﺒﺎﺗﻴﻦ ﻳﻤﻲ ﺍﻧﻲ ﻣﺘﺎﻛﺪﺓ ﻣﺎﺭﺍﺡ ﺍﺗﻘﺒﻠﻴﻦ ﻭﺍﺗﮕﻮﻟﻴﻦ ﺍﺷﻠﻮﻥ ﺍﻧﺎﻡ ﺑﺪﻭﻥ ﺣﻀﻦ ﺍﻳﻮﺩﻱ ﻫﻬﻬﻬﻬﻬﻪ
ﻭﺩﻕ،،ﺧﺎﻟﺘﻲ ﺗﺰﻳﺪ ﻧﺎﺭ ﻓﻮﮒ ﻧﺎﺭﻱ ﺑﺪﺍﺧﻠﻲ ﺍﻛﻮﻝ ﺍﺫﺍ ﺧﻠﻴﺘﻪ ﻳﻠﻤﺴﻨﻲ ﻋﻮﺩ
ﺍﻛﻠﺖ ﻟﻜﻤﺘﻴﻦ ﻭﺷﺒﻌﺖ ﺻﺎﻳﺮﺓ ﻣﺎﻟﻲ ﻧﻔﺲ ﺑﺎﻻﻛﻞ
ﻛﻤﻠﺖ ﻭﺻﻌﺪﺕ ﺍﻟﻐﺮﻓﺘﻲ ﺍﺭﻳﺪ ﺍﻧﺎﻡ ﻣﺎﺍﮔﺪﺭ ﺑﻘﻴﺖ ﺍﺗﮕﻠﺐ
ﻟﻠﻔﺠﺮ ﺻﺎﺭﺕ ﺍﻟﺴﺎﻋﻪ ﺏ ﺍﻟﺨﻤﺴﻪ ﻭﺍﻧﻲ ﺑﻌﺪﻧﻲ ﻣﺎﻧﺎﻳﻤﻪ
ﺍﺧﺮ ﺷﻲ ﺍﺗﺬﻛﺮﺕ ﺍﺑﻮﻱ ﻋﻨﺪﻩ ﻓﺎﻟﻴﻮﻡ ﺍﺑﻮ ﺍﻟﺨﻤﺴﻴﻦ ﻭﻫﻮ ﻣﺘﻌﻮﺩ ﻳﺨﻠﻲ ﻋﻼﮔﻪ ﺍﻟﻌﻼﺝ ﺑﺎﻟﻤﻌﺮﺽ ﺍﻟﻤﻮﺟﻮﺩ ﺑﺎﻻﺳﺘﻘﺒﺎﻝ
ﻧﺰﻟﺖ ﻗﺒﻞ ﻟﻴﮕﻌﺪﻭﻥ ﺍﻫﻠﻲ ﻟﻠﺼﻼﺓ ﻓﺘﺤﺖ ﻋﻠﺒﺔ ﺍﻟﺪﻭﺓ ﺍﺧﺬﺕ ﺣﺒﺎﻳﺘﻴﻦ ﻭﺭﺣﺖ ﻟﻠﻤﻄﺒﺦ ﺑﻠﻌﺘﻬﻦ ﻭﺷﺮﺑﺖ ﻭﺭﺍﻫﻦ ﻣﺎﻱ
ﺭﺟﻌﺖ ﺍﻟﻐﺮﻓﺘﻲ ﻭﺻﺪﮒ ﻋﺸﺮ ﺩﻗﺎﻳﻖ ﺟﻔﻮﻧﻲ ﺛﮕﻠﻦ ﺍﺭﻳﺪ ﺍﻓﺘﺤﻬﻦ ﻣﺎﻳﻨﻔﺘﺤﻦ ﺑﻌﺪﻫﺎ ﻣﺎﺣﺴﻴﺖ ﻋﻠﺊ ﺷﻲ
ﻏﻴﺮ ﺍﺻﻮﺍﺕ ﻳﻢ ﺭﺍﺳﻲ ﺍﻫﻮﺍﻱ ﺍﺻﻮﺍﺕ
ﺳﻨﺎﺀ،،ﻭﺧﺮﻱ ﺭﺣﺎﺏ ﻭﺍﻧﻄﻴﻨﻲ ﺍﻟﻤﻲ
ﺍﻡ ﻭﺩﻕ،،ﻋﺰﺍﺍﺍ ﺑﻌﻴﻨﻲ ﻭﻟﺞ ﺧﻴﺘﻲ ﺍﺷﺒﻴﻬﺎ ﺑﻨﺘﻲ ﺷﻮﻓﻴﻬﺎ ﻻﺣﺲ ﻭﻻﻧﻔﺲ
ﻭﺩﻕ،،ﺍﺳﻤﻊ ﻛﻼﻣﻬﻢ ﺑﺲ ﺟﺴﻤﻲ ﺛﮕﻴﻞ ﻋﺒﺎﻟﻚ ﻣﺎﺧﺬﻩ ﺑﻨﺞ ﻋﺎﻡ
ﺭﺟﻌﺖ ﻏﻔﻴﺖ ﻭﻓﺼﻠﺖ ﻋﻨﻬﻢ
ﺑﻌﺪﻫﺎ ﻫﻢ ﺍﺻﻮﺍﺕ ﺑﺲ ﮔﺪﺭﺕ ﺍﻓﺘﺢ ﻋﻴﻮﻧﻲ ﺑﺜﮕﻞ
ﺧﺎﻟﺘﻲ ﻛﻌﺪﺗﻨﻲ ﻭﻛﻌﺪﺕ ﻭﺭﺍﻱ ﺧﻠﺘﻨﻲ ﺍﻧﺴﻨﺪ ﺑﺤﻀﻨﻬﺎ
ﺍﻡ ﻭﺩﻕ،،ﻭﻟﺞ ﻟﻴﺶ ﻫﻴﺞ ﻳﻤﻪ ﺍﻛﻮ ﻭﺣﺪﺓ ﺗﺴﻮﻱ ﺳﻮﺍﻳﺘﺞ ﺯﻳﻦ ﻣﺎﺍﻧﺠﻠﻄﺖ ﻣﻦ ﻭﺭﺍﺝ
ﺭﺣﺎﺏ،،ﻛﻢ ﺣﺒﺎﻳﺔ ﻣﺎﺧﺬﻩ
ﺍﻡ ﻭﺩﻕ،،ﺣﺒﺎﻳﺘﻴﻦ ﺍﺑﻮﻫﺎﺍ ﺍﻟﺒﺎﺭﺣﻪ ﺟﺎﺏ ﺍﻟﺸﺮﻳﻂ ﻭﻣﻦ ﺷﻔﺘﻬﺎ ﻧﺎﻳﻤﻪ ﻋﺮﻑ ﻫﻲ ﺍﻟﻤﺎﺧﺬﻩ ﺍﻟﺤﺐ
ﮔﺎﻝ ﻋﻮﻓﻴﻬﺎ ﻣﺎﻋﻠﻴﻬﺎ ﺷﻲ ﺑﺲ ﻧﻮﻣﺘﻬﺎ ﺍﻃﻮﻝ ﻭﺍﻟﻔﺎﻟﻴﻮﻡ ﻣﻮﻗﻮﻱ ﻛﻠﺶ ﺑﺲ ﻻﻥ ﺍﻭﻝ ﻣﺮﻩ ﺗﺎﺧﺬﻩ ﺳﻄﺮﻫﺎ ﺑﺴﺮﻋﻪ
ﻭﺩﻕ،،ﻋﻄﺸﺎﻧﻪ ﻛﻠﺶ ﺣﺠﻴﺖ ﺑﺼﻮﺕ ﻧﺎﺻﻲ ﻣﺎﻱ ﺍﺭﻳﺪ ﻣﺎﻱ
ﻧﺰﻝ ﻣﺤﻤﺪ ﻳﺮﻛﺾ ﺟﺎﺏ ﻣﺎﻱ ﻭﺍﻧﻄﺎﻧﻲ ﻻﺯﻣﻪ ﺍﻟﮕﻼﺹ ﺑﻜﻞ ﻗﻮﺗﻲ ﺧﺎﻑ ﻳﻮﮔﻊ ﺍﻃﺮﺍﻓﻲ ﺧﺪﺭﺍﻧﻪ
ﺍﻡ ﻭﺩﻕ،،ﻳﺎﻟﻠﻪ ﺭﺣﺎﺏ ﺭﺍﺡ ﺗﺼﻴﺮ 12 ﻭﻧﺺ ﻭﺍﻻﺑﻨﻴﻪ ﻛﺎﻟﺖ ﺟﻴﺒﻮﻫﺎ ﻣﻦ ﻭﻛﺖ ﻭﺍﻧﻮﺏ ﺍﻟﻤﺼﻴﺒﻪ ﺑﺲ ﻻﺗﻨﺎﻡ ﺑﺎﻟﺼﺎﻟﻮﻥ
ﻭﺩﻕ،،ﻧﺰﻟﺘﻨﻲ ﺧﺎﻟﺘﻲ ﺳﻨﺎﺀ ﻭﺍﻧﻲ ﻣﺜﻞ ﺍﻟﺴﻜﺮﺍﻧﻪ ﺍﺭﻭﺡ ﻣﻨﺎ ﻭﺍﺟﻊ ﻣﻨﺎ ﻋﻴﻮﻧﻲ ﻣﻦ ﻛﻴﻔﻬﻦ ﻳﻐﻤﻀﻦ
ﺩﺧﻠﺘﻨﻲ ﻟﻠﺤﻤﺎﻡ ﺳﺒﺤﺘﻨﻲ ﺷﻮﻳﻪ ﺻﺤﺼﺤﺖ ﺑﺲ ﻫﻢ ﺍﻟﻨﻮﻣﻪ ﺑﻄﺮﻑ ﻋﻴﻨﻲ
ﺭﺣﻨﻪ ﻟﻠﺼﺎﻟﻮﻥ ﺍﺧﺬﻧﻪ ﺍﺑﻮﻱ ﺍﻧﻲ ﻭﺍﻣﻲ ﻭﺧﺎﻻﺗﻲ ﺍﺛﻨﻴﻨﻬﻦ
ﻛﻞ ﺷﻮﻳﻪ ﺍﺣﺲ ﺭﻭﺣﻲ ﻏﻔﻴﺖ ﻭﻣﺜﻞ ﻧﺘﻠﻪ ﺍﻟﻜﻬﺮﺑﺎﺀ ﺗﺼﻴﺮ ﺑﺮﺍﺳﻲ ﺗﺨﻠﻴﻨﻲ ﺍﻓﺰ
ﻭﺻﻠﻨﻪ ﻟﻠﺼﺎﻟﻮﻥ ﻭﻫﻢ ﺑﺪﺕ ﺍﻻﺑﻨﻴﻪ ﺗﻤﻜﻴﺠﻨﻲ ﻭﺍﻧﻲ ﻋﻴﻮﻧﻲ ﻣﻐﻮﺷﻪ ﺭﺩﺕ ﺍﻧﺎﻡ ﺟﻮﻩ ﺍﻳﺪﻫﺎ
ﻟﺒﺴﺖ ﺍﻟﺒﺪﻟﻪ ﻭﻛﻤﻠﺖ ﻛﻠﺸﻲ ﺣﺘﺊ ﻣﺎﺑﺎﻭﻋﺖ ﻋﻠﺊ ﺭﻭﺣﻲ ﺑﺎﻟﻤﺮﺍﻳﻪ ﻣﺎﻳﻬﻤﻨﻲ ﺍﻃﻠﻊ ﺣﻠﻮﻩ ﻟﻮﻻ ﻻﻥ ﻣﻮ ﺍﺑﺎﻟﻲ ﻳﻌﺠﺐ ﺍﻳﺎﺩ ﺷﻜﻠﻲ ﻟﻮﻣﻴﻌﺠﺒﻪ
ﺟﺎﻧﺖ ﺍﻛﻮ ﻣﺮﻩ ﺟﺒﻴﺮﺓ ﺑﺎﻟﻌﻤﺮ ﺑﺲ ﺍﻧﺼﺪﻣﺖ ﻣﻦ ﻋﺮﻓﺖ ﻫﻲ ﺍﻟﻌﺮﻭﺱ ﻣﺘﺰﻭﺟﻪ ﻋﻦ ﻛﺒﺮ
ﺍﺟﺖ ﮔﻌﺪﺕ ﺑﻤﻜﺎﻧﻲ ﻭﻛﺎﻟﺖ ﻟﻠﺒﻨﻴﻪ ﺍﺭﻳﺪﺝ ﺍﻃﻠﻌﻴﻨﻲ ﺣﻠﻮﻩ ﻣﺜﻞ ﻫﺎﻱ ﺍﻟﻌﺮﻭﺱ
ﺗﺤﺠﻲ ﻭﺗﺎﺷﺮ ﻋﻠﻴﻪ
ﺍﻟﺒﻨﻴﻪ ﺍﺑﺘﺴﻤﺖ ﻭﺍﺟﺖ ﻳﻤﻲ ﮔﺎﻟﺖ ﺗﺮﻳﺪ ﺗﻄﻠﻊ ﻣﺜﻠﺞ ﻭﻫﻲ ﻟﻮ ﺍﺑﺪﻝ ﺍﻟﻬﺎ ﻗﺒﻖ ﻭﺟﻪ ﻛﺎﻣﻞ ﻫﻢ ﻣﺎﺗﺼﻴﺮ ﻣﺜﻠﺞ
ﮔﺘﻠﻬﺎ ﺧﻄﻴﻪ ﺍﻟﻠﻪ ﻳﺴﻌﺪﻫﺎ
ﺍﻟﺒﻨﻴﻪ،،ﻭﻟﺞ ﻫﺎﻱ ﺭﺍﺑﻊ ﻣﺮﻩ ﺗﺘﺰﻭﺝ ﻛﻞ ﺳﻨﻪ ﺗﺎﺧﺬ ﻭﺍﺣﺪ ﻭﺍﺗﻜﺮﻃﻪ ﻭﺗﺎﺧﺬ ﺍﻟﺜﺎﻧﻲ ﻭﺍﺭﺟﻮﻟﺘﻬﺎ ﺍﺭﺑﻌﺘﻬﻢ ﺍﻧﻲ ﻣﻜﻴﺠﺘﻬﺎ
ﻭﺩﻕ،،ﺷﻨﻮ ﺍﺗﻜﺮﻃﻪ ?
ﺍﻻﺑﻨﻴﻪ ،،ﻳﻤﻮﺕ
ﻭﺩﻕ،،ﺻﺪﮒ ﺿﺤﻜﺖ ﻭﺍﻻﺑﻨﻴﻪ ﻫﻢ ﺑﺴﺮﻋﻪ ﺗﺎﺧﺬ ﻭﺗﻨﻄﻲ ﻋﺒﺎﻟﻚ ﺗﻌﺮﻓﻨﻲ ﻣﻦ ﺯﻣﺎﻥ ﻛﻞ ﺷﻮﻳﻪ ﻭﺍﺟﺖ ﺭﺗﺒﺖ ﺷﻐﻠﻪ ﺑﻴﻪ ﻭﺣﺘﺊ ﻋﻄﺮ ﺟﺎﻳﺒﻲ ﺍﻟﻬﺎ ﻣﻦ ﻓﺮﻧﺴﺎ ﺭﻳﺤﺘﻪ ﻗﻮﻳﻪ ﻭﻛﻠﺶ ﺣﻠﻮﻩ ﺭﺷﺘﻠﻲ ﺭﺩﺕ ﺍﻣﻨﻌﻬﺎ ﺑﺲ ﺑﺴﺮﻋﻪ ﺭﺷﺖ ﻋﻠﻴﻪ
ﺭﺟﻌﺖ ﺍﻣﻲ ﻟﺒﺴﺘﻨﻲ ﺍﻟﻜﺒﻮﺱ ﻭﻟﻔﺘﻨﻲ ﺯﻳﻦ ﻭﻫﻠﻤﺮﺓ ﺣﺎﻃﻪ ﺍﻳﺪﻱ ﻳﻢ ﺻﺪﺭﻱ ﻻﺯﻣﻪ ﺍﻟﺠﺎﺩﺭ ﻻﻳﻨﻔﺘﺢ
ﺍﺟﻪ ﺍﺑﻮﻱ ﺭﺟﻌﻨﻪ ﻟﻠﺒﻴﺖ ﺍﺑﺎﻭﻉ ﺑﻮﺟﻬﺎ ﻋﻴﻮﻧﻪ ﺣﻤﺮ ﻣﺒﻴﻦ ﺑﺎﺟﻲ
ﻧﺺ ﺳﺎﻋﻪ ﻛﺎﻋﺪﻩ ﺑﺎﻟﺼﺎﻟﻪ ﻳﺮﻳﺪ ﻳﻐﻤﺊ ﻋﻠﻴﻪ ﻣﻦ ﺍﻟﺨﻮﻑ
ﺳﻤﻌﺖ ﺻﻮﺕ ﺍﻟﻬﻮﺭﻧﺎﺕ ﮔﻠﺒﻲ ﻭﮔﻊ ﻭﺑﺪﺓ ﺍﻟﺤﺎﻟﻪ ﺍﻟﻐﺒﺮﺓ ﻋﻨﺪﻱ ﺧﺬﺍﻧﻲ ﺍﻟﺮﺟﻴﻒ
ﺍﺑﻮﻱ ﺍﺟﻪ ﻳﻤﻲ ﻛﻤﺖ ﺑﺴﺖ ﺍﻳﺪﻩ ﻭﺩﻧﻜﺖ ﺍﺑﺠﻲ ﻛﺘﻠﻪ ﺍﺳﻔﻪ ﺑﺎﺑﺎ ﻭﺍﻟﻠﻪ ﻣﻮﻗﺼﺪﻱ
ﺍﺑﻮ ﻭﺩﻕ،،ﻻﺗﺒﺠﻴﻦ ﻳﺒﻌﺪ ﺍﺑﻮﺝ ﺍﻧﺘﻲ ﻫﻢ ﺍﻋﺬﺭﻳﻨﻲ ﻗﺴﻴﺖ ﻋﻠﻴﺞ
ﻭﺩﻕ،،ﻣﺎﺣﺼﻠﺖ ﻣﻨﻪ ﻏﻴﺮ ﺫﻧﻲ ﺍﻟﻜﻤﺘﻴﻦ ﻣﺨﺘﻨﮓ ﻭﻛﻮﺓ ﺗﻄﻠﻊ ﻣﻨﻪ ﺍﻟﻜﻠﻤﻪ ﻳﻨﺎﺷﻎ ﻣﺜﻞ ﺍﻟﻄﻔﻞ ﺑﺎﺱ ﺭﺍﺳﻲ ﻭﻣﺴﺢ ﺩﻣﻮﻋﻪ
ﺩﺧﻠﺖ ﺍﻟﺰﻟﻢ ﻭﻛﻠﻬﻢ ﻋﻤﺎﻣﻲ ﻭﺍﻳﺎﺩ ﻳﻤﺸﻲ ﻛﺪﺍﻣﻬﻢ ﻣﺠﺮﺩ ﻧﻀﺮﻩ ﺧﺎﻃﻔﻪ ﻭﺑﻌﺪﻫﺎ ﺩﻧﮕﺖ
ﺍﺑﻮﻱ ﻛﺎﻟﻪ ﺍﻋﺮﻓﻚ ﺷﻨﻮ ﻟﺬﺍﻟﻚ ﺍﻧﻄﻴﺘﻚ ﻭﺣﻴﺪﺗﻲ ﻭﻣﺎﺭﺍﺡ ﺍﻭﺻﻴﻚ ﺑﻴﻬﺎ ﻻﻥ ﺍﻧﺘﻪ ﺯﻟﻤﻪ ﻣﻌﺪﻝ ﻭﺍﺗﻨﻮﻣﺲ ﺑﻴﻚ ﺍﺑﻦ ﺍﺧﻮﻱ ﻭﺭﺟﻞ ﺑﻨﺘﻲ
ﻭﺩﻕ،،ﺍﺑﺠﻲ ﺑﺼﻮﺕ ﻧﺎﺻﻲ ﺍﺟﺖ ﺍﻣﻲ ﺣﻀﻨﺘﻨﻲ ﻭﺗﺒﺠﻲ ﺍﻧﮕﻠﺒﺖ ﻣﻨﺎﺣﻪ
ﺍﻳﺎﺩ ﻟﺰﻡ ﺍﻳﺪﻱ ﻭﻃﻠﻌﻨﻲ ﺍﻳﺪﻩ ﺣﺎﺭﻩ ﺟﻤﺮ ﻣﺪﺭﻱ ﺍﻳﺪﻱ ﺍﻟﺒﺎﺭﺩﺓ ﻛﻠﺶ ﻭﻃﻐﺖ ﺣﺮﻭﺭﺗﻪ ﻋﻠﺊ ﺑﺮﻭﺩﺕ ﺍﻳﺪﻱ
ﺻﻌﺪﻧﻲ ﺑﺎﻟﺴﻴﺎﺭﻩ ﻳﻤﻪ ﺑﺎﻟﺼﺪﺭ ﻭﻫﻮ ﺍﻧﺪﺍﺭ ﺍﻟﻤﻜﺎﻧﻪ ﺻﻌﺪ
ﻛﺎﻥ ﻻﺑﺲ ﻗﺎﻁ ﺍﺳﻮﺩ ﻭﻗﻤﻴﺺ ﺍﺑﻴﺾ ﻭﺍﺭﺑﺎﻁ ﺍﺳﻮﺩ ﺭﺍﻓﻊ ﺷﻌﺮﺓ ﺑﺘﺮﺗﻴﺐ ﻭﻣﺤﺪﺩ ﻟﺤﻴﺘﻪ ﻣﻦ ﺻﻌﺪ ﻳﻤﻲ ﺭﻓﻌﺖ ﺭﺍﺳﻲ ﺍﺧﺘﻨﮕﺖ ﺑﻌﺪﻫﺎ ﺍﻟﺴﻴﺎﺭﺍﺕ ﻣﺎﻣﺘﺤﺮﻛﻪ ﺟﺎﻱ ﻳﻤﺸﻦ ﺑﻄﻴﺊ ﻭﺑﺎﻟﺴﺮﻩ
ﺍﺣﻨﻪ ﻛﺪﺍﻣﻨﻪ ﻣﺎﺑﻴﻬﻦ ﻛﻢ ﺳﻴﺎﺭﻩ ﻣﻮﻫﻮﺍﻱ
ﺍﻟﺠﺎﻡ ﻣﻀﻠﻞ ﻣﺤﺪ ﻳﮕﺪﻭ ﻳﺸﻮﻓﻨﻪ
ﻣﺎﺍﺩﺭﻱ ﻟﻴﺶ ﻛﻞ ﺷﻮﻳﻪ ﻭﺍﺑﺎﻭﻋﻠﻪ ﺑﻨﻀﺮﻩ ﺳﺮﻳﻌﻪ ﻭﺍﺭﺟﻊ ﺍﺩﻧﮓ
ﺍﺧﺮ ﺷﻲ ﺍﺗﺤﺮﻛﺖ ﻛﻠﻬﺎ ﻭﺍﺣﻨﻪ ﻭﺭﺍﻫﻢ ﻣﺪ ﺍﻳﺪﻩ ﺷﻐﻞ ﺍﺧﺬ ﻗﺮﺹ ﺧﻼﻩ ﻭﺍﺷﺘﻐﻠﺖ ﺍﻟﺸﺎﺷﻪ ﮔﺪﺍﻣﻲ ﺍﻛﻮ ﺷﺎﺷﻪ ﺻﻐﻴﺮﻩ
ﻃﻠﻌﺖ ﺍﻏﻨﻴﻪ ﻣﻜﺘﻮﺏ ﺣﻔﻠﻪ ﺧﺎﺻﻪ ﻟﻤﺤﻤﺪ ﺍﻻﻋﻤﺊ
ﺍﺑﺎﻭﻉ ﻣﺒﻴﻨﻪ ﺍﺑﻴﺖ ﻭﻛﺎﻋﺪﻳﻦ ﻛﺪﺍﻣﻬﻢ ﺷﺮﺏ
ﻭﻣﺒﻴﻨﻪ ﺍﻻﻏﻨﻴﻪ ﻛﻠﻠﻠﻠﺶ ﻗﺪﻳﻤﻪ
ﺷﻴﺠﻴﺐ ﺍﻟﻠﻴﻞ
ﻭﺍﺣﻀﻨﻨﻚ
ﻭﺍﻧﻴﻤﻨﻚ ﻋﻠﺊ ﮔﻠﺒﻲ
ﻭﺍﻋﺾ ﺯﻧﺪﻙ
ﻭﺍﺷﻢ ﺻﺪﺭﻙ
ﻭﺍﻟﻌﺐ ﻟﻌﺐ ﺑﺤﻮﺍﻟﻚ ﻟﻤﻦ ﺗﺨﺪﺭ
ﻣﻌﺪﺗﻲ ﺍﺗﻘﻠﺼﺖ ﺻﺎﺭﺕ ﻧﺎﺭ ﺗﻠﺴﻌﻨﻲ ﺍﺭﻳﺪ ﺑﺲ ﻣﻜﺎﻥ ﺍﺗﻘﻴﻲ ﺑﻲ ﻟﻌﺒﺖ ﺭﻭﺣﻲ
ﻓﻮﮒ ﻣﺎﻣﻨﻌﻮﻝ ﺳﻠﻔﺎﻱ ﻣﻦ ﺍﻟﺨﻮﻑ ﺟﺎﻱ ﻳﺴﻤﻌﻨﻲ ﻫﻴﺞ ﺍﻏﺎﻧﻲ
ﺍﻳﺎﺩ،،ﺷﺒﻴﺞ ﺗﺮﻋﺸﻴﻦ ??
ﻭﺩﻕ،،،ﺳﻜﺘﺖ ﻣﺎﺟﺎﻭﺑﺖ ﺑﺲ ﺍﺻﺎﺑﻴﻌﻲ ﻣﺒﻴﻨﺎﺕ ﻳﺮﺟﻔﻦ
ﺣﺘﺊ ﺷﻔﺎﻳﻔﻲ
ﺩﺍﺭ ﻭﺟﻬﺎ ﻻﻥ ﺳﻴﺎﺭﺓ ﺻﺪﻳﻘﻪ ﺣﺴﻴﻦ ﺻﺎﺭﺕ ﺑﺼﻔﻨﻪ ﻳﺤﺠﻮﻥ ﻫﻮ ﻭﻳﺎﻩ ﺏ ﺍﻻﻏﺎﺯ ﻭﻫﻮ ﺧﺮﺏ ﺿﺤﻚ ﻭﺍﻳﻜﻠﻪ ﺍﻧﺠﺐ ﻳﺎﻃﺎﻳﺢ ﺍﻟﺤﺾ ﺍﻧﻲ ﺍﻋﻠﻤﻚ
ﻭﺫﺍﻙ ﻣﺪﺭﻱ ﺷﻴﺤﺠﻲ ﻭﻳﺨﻠﻲ ﺍﻳﺎﺩ ﻳﻀﺤﻚ ﺍﺧﺮ ﺷﻲ ﺍﻧﻄﺶ ﻋﻠﻴﻨﻪ ﺟﻜﻠﻴﺖ ﻣﻦ ﺍﻟﺠﺎﻣﻪ ﺑﺪﻭﻥ ﻗﺼﺪ ﺭﻓﻌﺖ ﺭﺍﺳﻲ ﺷﻔﺘﻪ ﻧﻔﺴﻪ ﺍﻟﻮﻟﺪ ﺍﻟﻴﺤﺠﻲ ﻭﻳﺎﻩ ﺍﺗﻘﺮﺏ ﻣﻦ ﺳﻴﺎﺭﺗﻨﻪ ﻭﺻﺎﺭ ﻳﺸﻤﺮ ﻋﻠﺊ ﺍﻳﺎﺩ ﺟﻜﻠﻴﺖ ﻣﻦ ﺍﻟﺠﺎﻣﻪ
ﻭﺍﻳﻜﻠﻪ ﻧﺎﺫﺭ ﮔﻮﻧﻴﻪ ﺟﻜﻠﻴﺖ ﺑﺲ ﺗﻔﻚ ﺍﻟﺠﺒﺴﻪ ﻣﺎﻟﺘﻚ
ﺍﺧﺮ ﺷﻲ ﺍﻟﻮﻟﺪ ﺳﺒﻘﻨﻪ ﻭﺍﻳﺎﺩ ﺻﻌﺪ ﺍﻟﺠﺎﻣﻪ ﻭﺍﻟﺘﻔﺘﻠﻲ
ﺍﻳﺎﺩ،،ﺷﻜﻮ ﺭﻓﻌﺘﻲ ﺭﺍﺳﺞ ?
ﻭﺩﻕ،،ﻋﺰﺍ ﺑﻌﻴﻨﻪ ﻣﺪﺭﻱ ﺍﺷﻠﻮﻥ ﺷﺎﻓﻨﻲ ﻭﺍﻧﻲ ﻟﻮﺗﺤﺴﺒﻬﺎ ﻣﺎﺑﻴﻬﺎ ﺛﺎﻧﻴﻪ ﻭﺣﺪﺓ ﺑﺲ ﻟﻤﺤﺔ ﺍﻟﻮﻟﺪ ﻻﻥ ﺍﺗﻔﺎﺟﺌﺖ ﻣﻨﻮ ﻃﺶ ﺟﻜﻠﻴﺖ ﻭﺍﻟﺴﻴﺎﺭﺓ ﺗﻤﺸﻲ
ﺩﺭﺕ ﻭﺟﻬﻲ ﻋﻨﻪ ﻛﺘﻠﻪ ﻣﺎﺍﺩﺭﻱ
ﺍﻳﺎﺩ،،ﻣﻨﺎ ﻭﺟﺎﻱ ﺍﺧﻠﻴﺞ ﻛﻠﺸﻲ ﺗﺪﺭﻳﻦ
ﻭﺩﻕ،،ﺧﺮﺭﺏ ﻳﺘﻮﻋﺪ ﻭﺍﺣﻨﻪ ﺑﺴﻴﺎﺭﺓ ﺍﻟﺰﻓﻪ
ﺍﺫﺍ ﺍﻧﺴﺪ ﻋﻠﻴﻨﻪ ﺍﻟﺒﺎﺏ ﺷﺮﺍﺡ ﻳﺴﻮﻱ ?
ﺭﺟﻌﺖ ﻧﻌﺴﺖ ﻓﺪ ﻧﻮﺏ ﺻﺮﺕ ﺍﺭﻓﻊ ﻭﺟﻬﻲ ﻟﻔﻮﮒ ﻣﻦ ﻳﻨﺴﺪﻥ ﻋﻴﻮﻧﻲ ﻣﺎﻣﺮﻛﺰﺓ ﺍﺭﻳﺪ ﺑﺲ ﺍﻓﺮﺍﺵ ﻭﻣﺨﺪﺓ ﻭﺍﻧﺎﻡ
ﺍﻓﺘﺮﻳﻨﻪ ﺷﻮﻳﻪ ﻭﺭﺟﻌﻨﻪ ﻟﻠﺒﻴﺖ ﺍﻧﻔﺘﺢ ﺑﺎﺏ ﺑﻴﺖ ﻋﻤﻲ ﻭﺩﺧﻞ ﺍﻟﺴﻴﺎﺭﺓ ﻟﻠﻄﺎﺭﻣﻪ
ﻧﺰﻝ ﻭﺍﺟﻪ ﻓﺘﺤﻠﻲ ﺍﻟﺒﺎﺏ ﺍﻟﺮﻣﻲ ﺍﻋﺘﻠﮓ ﻭﺍﻟﺠﻜﻠﻴﺖ ﻭﺍﻟﻬﻼﻫﻞ ﺻﺎﺭﺕ ﺑﻔﻠﺲ ﻛﻠﻬﺎ ﺍﺟﺖ ﺗﺒﻮﺳﻪ ﻭﺗﺒﺎﺭﻛﻠﻪ ﻭﻫﻮ ﺳﻠﻢ ﻉ ﺍﻟﻜﻞ ﻭﻻﺯﻡ ﺍﻳﺪﻱ ﺍﻣﺸﻲ ﻭﺭﺍﻩ ﺩﺧﻠﻨﻪ ﺻﺎﻟﻪ
ﻫﻮﺳﻮﻟﻪ ﺍﺧﻮﺍﻧﻪ ﻭﻋﻤﺎﺗﻲ ﻳﺪﺑﺠﻮﻥ ﻭﺍﻧﻲ ﻛﻞ ﻫﻤﻲ ﺍﺭﻳﺪ ﺑﺲ ﺍﻧﺎﻡ ﻧﻌﺴﺎﻧﻪ ﻛﻮﺓ ﻣﺴﻴﻄﺮﺓ ﻋﻠﺊ ﻧﻔﺴﻲ ﺧﺎﻑ ﺍﻧﺠﻄﻞ ﮔﺪﺍﻣﻬﻢ ﻭﺍﻧﺎﻡ ﺑﺪﻭﻥ ﻣﺎﺍﺩﺭﻱ
ﺳﺎﻋﻪ ﻛﺎﻣﻠﻪ ﺍﺗﻌﺎﺭﻙ ﻭﻳﻪ ﺍﻋﺼﺎﺑﻲ ﻣﻌﺎﺭﻙ ﺍﻣﻲ ﺍﺟﺖ ﻻﻥ ﺯﻓﺔ ﻋﻤﺎﻡ ﻣﻮﻏﺮﺑﻪ ﻭﺣﺘﺊ ﺍﺑﻮﻱ ﻭﺍﮔﻒ ﻭﻳﻪ ﺍﻟﺰﻟﻢ ﺑﺮﺓ ﻻﻥ ﺍﻟﻌﺮﻳﺲ ﺍﺑﻦ ﺍﺧﻮ ﻳﻌﻨﻲ ﺍﻫﻞ ﻣﻮﻏﺮﺑﻪ ﺍﻭﺍﺣﺪ ﻳﺴﺘﺤﻲ ﻳﻮﮔﻒ ﺑﻌﺮﺱ ﺑﻨﺘﻪ
ﺍﻣﻲ ﺗﺴﺎﻋﺪﻫﻦ ﻭﻛﻞ ﺷﻮﻳﻪ ﺗﺠﻲ ﻳﻤﻲ ﺍﺗﮕﻠﻲ ﻣﻮﺗﻐﻔﻴﻦ ﻭﺗﻔﺸﻠﻴﻨﻲ
ﻣﺒﻴﻦ ﻋﻠﻴﻪ ﻧﻌﺴﺎﻧﻪ ﻣﻦ ﻋﻴﻮﻧﻲ ﺍﻻﻃﺸﺎﺕ ﻣﺎﻳﻨﻔﺘﺤﻦ
ﺍﺧﺮ ﺷﻲ ﺍﺟﺖ ﻣﺮﺓ ﻋﻤﻲ ﮔﺎﻟﺖ ﺧﻞ ﺍﻟﻨﺎﺱ ﺍﻫﻨﺎ ﺗﺘﻌﺸﺊ ﻭﺧﻞ ﻧﺎﺧﺬﻫﺎ ﺍﻟﺒﻴﺘﻬﺎ ﺗﺮﺗﺎﺡ
ﺍﺧﺬﻧﻲ ﻟﻠﺒﻴﺖ ﺑﻲ ﺑﺎﺏ ﻟﻠﺸﺎﺭﻉ ﻭﺑﺎﺏ ﺯﻏﻴﺮ ﺑﺪﺍﺧﻞ ﺍﻟﺒﻴﺖ ﻣﺨﻠﻲ ﺑﻴﻨﻪ ﻭﺑﻴﻦ ﺍﻫﻠﻪ ﺩﺧﻠﻮﻧﻲ ﺍﻟﻐﺮﻓﺘﻲ
ﺍﺟﺖ ﻣﺮﺓ ﻋﻤﻲ ﮔﺎﻟﺖ ﻋﺸﺎﻛﻢ ﺑﺎﻟﻤﻄﺒﺦ ﻣﻐﻄﻴﺘﻪ ﻃﻠﻌﺘﻠﻲ ﺍﻟﺴﻴﺖ ﺍﻻﺑﻴﺾ ﮔﺎﻟﺖ ﺍﻟﺒﺴﻲ
ﻫﺰﻳﺖ ﺭﺍﺳﻲ ﻭﻫﻲ ﻣﺴﺘﻌﺠﻠﻪ ﺗﺮﻳﺪ ﺗﻄﻠﻊ ﻓﻬﻤﺘﻨﻲ ﻛﻢ ﺷﻐﻠﻪ ﻭﻃﻠﻌﺖ
ﺑﻘﻴﺖ ﮔﺎﻋﺪﺓ ﺑﻤﻜﺎﻧﻲ ﺩﻗﺎﻳﻖ ﻭﻣﺪﺩﺕ ﻛﻠﺖ ﺧﻞ ﺑﺲ ﺍﺭﻳﺢ ﺭﻭﺣﻲ ﻭﺍﻣﺪﺩ ﺟﺴﻤﻲ ﺍﺭﺗﺎﺡ
ﻏﻤﻀﺖ ﻋﻴﻮﻧﻲ ﻭﺍﻟﻨﻮﻣﻪ ﻧﻮﻣﻪ ﻋﺒﺎﻟﻚ ﻓﺎﻃﺴﻪ ﻣﻮﻧﺎﻳﻤﻪ
ﺍﻳﺎﺩ،ﺍﻟﻨﺎﺱ ﺍﺗﻌﺸﺖ ﻛﻤﻠﺖ ﻭﺍﺟﻮ ﺑﺎﺭﻛﻮﻟﻲ ﻣﺮﺓ ﺛﺎﻧﻴﻪ ﻭﺭﺍﺣﻮ
ﻃﻮﻝ ﺍﻟﻮﻛﺖ ﺑﺎﻟﻲ ﻳﻤﻬﺎ ﺍﺧﺮ ﺷﻲ ﺍﻟﻮﻟﺪ ﻛﺎﻟﻮ ﺧﻞ ﺍﻧﺰﻓﻚ ﺍﻟﺴﺎﻋﻪ ﺻﺎﺭﺕ ﺏ 8 ﺷﻮﻛﺖ ﻧﺰﻓﻚ ﺏ ?12
ﺳﻮﻭﻟﻬﻢ ﻫﻮﺳﺎﺕ ﻭﺩﺑﺠﻪ ﺍﺑﺎﺏ ﺑﻴﺘﻲ ﻭﺩﺧﻠﺖ ﺳﺪﻳﺖ ﺍﻟﺒﺎﺏ ﻭﺭﺍﻱ ﻭﺻﻌﺪﺕ ﺍﻟﻬﺎ ﺍﺟﺬﺏ ﺍﺫﺍ ﺍﻛﻮﻝ ﻣﺎﻣﺘﻮﺗﺮ
ﺧﺎﻳﻒ ﺍﺍﺫﻳﻬﺎ ﻫﻲ ﺑﺪﻭﻥ ﻋﺰﺍ ﻣﻌﺰﺍﻳﻪ ﻭﻣﺎﻳﻌﻪ ﻭﺣﺪﻫﺎ ﺑﺰﺭ ﺩﻻﻝ
ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﺑﻘﻴﺖ ﻓﺎﺗﺢ ﺣﻠﮕﻲ ﻋﻠﻴﻬﺎ ﻧﺎﻳﻤﻪ ﻭﻏﺎﻓﻴﻪ ﻣﺎﺗﺪﺭﻱ ﺑﺮﻭﺣﻬﺎ
ﺳﺪﻳﺖ ﺍﻟﺒﺎﺏ ﻭﺍﺗﻘﺮﺑﺖ ﻣﻨﻬﺎ ﻧﺪﺳﺘﻬﺎ ﻧﺎﻳﻤﻪ ﻭﻓﺎﺻﻠﺔ ﻧﻬﺎﺋﻴﺎ ﺣﺮﻛﺘﻬﺎ ﺭﺩﺕ ﺣﺎﻭﻟﺖ ﻭﻻﻛﻌﺪﺕ ﻭﺍﻋﺮﻓﻬﺎ ﻧﺎﻳﻤﻪ ﺻﺪﻙ ﻣﻮﺟﺬﺏ
ﺑﻘﻴﺖ ﺍﻓﺘﺮ ﻣﻨﺎ ﻭﺍﺭﺟﻊ ﻣﻨﺎ ﻧﺰﻋﺖ ﺍﻟﺴﺘﺮﺓ ﻋﻠﻜﺘﻬﺎ ﻭﺭﺧﻴﺖ ﺍﻟﺮﺑﺎﻁ ﺧﻨﮕﻨﻲ


تعليقات