رواية العين الفصل الحادي عشر 11 والاخير بقلم محمد منصور


 رواية العين الفصل الحادي عشر والاخير 


من جوة مصنع قديم في قبرص كان سروف قاعد علي كرسي و لاشيع بيخرج له الرصاصة اللي دخلت ذراعه وخيط له الجرح وبدا يلم كل الادوات اللي كان شغال بيها 
وقتها سمعو صوت باب المصنع بيتفتح وبيدخل للمصنع عمر الديب وهو رافع ايدة ل فوق وفي ظهرة تلاته من رجال الموساد موجهين اسلحتهم ناحيته وبص له سروف وقال 

طلبت تقابلني لية 

عمر 
الكلام اللي هيتقال ما ينفعش يكون قصاد حد غريب 

سروف 
هو انا اية  اللي ممكن يمنعني عن اني اقتلك طالما جاي لغاية عندي ولوحدك 

عمر 
الصفقة اللي جاي لك بيها هتخليك  رئيس الموساد ما هو خلاص يعقوب كبر وجه الوقت تكون انت مكانه 

سروف 
انا مستحيل اخون سيد يعقوب 

عمر 
وانا ما احبش البني ادم اللي ما عندوش طموح  ونصيحة اقتلني دلوقتي احسن ما هقتلك انا بعدين او اسمع الكلام اللي عندي و قرر 

لاشيع ميل علي ودان سروف وقال 

بيخطط ل اية الملعون دة  بلاش تسمع له كل اللي معاك من الموساد اتباع للسيد يعقوب 

سروف 
انت عارفني انا مريض بالفضول ولازم اعرف هو عايز يقول اية 

وبص سروف ل كل الموجودين في المكان  وقال 

الكل يخرج 

واحد من رجاله الموساد اسمه كوهين ودة يبقي من المخلصين
 ل يعقوب قال 

التعليمات اللي عندنا من السيد يعقوب تمنعنا من تنفيذ اوامرك 

سروف بعصبية 
التعليمات دي تنفذها واحنا في اسرائيل مش هنا في قبرص انا هنا رئيسك المباشر ولو رفض تنفيذ الامر 

وسحب سروف سلاحة من جرابه وشد الاجزاء وقال 

الموت يكون نهايتك 

كوهين ارتبك وخاف من تهديد سروف وقرر يخرج هو وباقي رجالته لكن لاشيع فضل واقف فبص له سروف بطرف عينه 

وانت كمان يا لاشيع 

لاشيع 
اسيبك مع لوحدك طيب ازاي 

سروف بصيغة الامر 

اخرج يا لاشيع 

وخرج لاشيع وهو بيبص ل عمر الديب بغيظ شديد وفضي المكان علي عمر وسروف ،،،،،،،،

العين 

كتابة واقتباس 
محمد منصور
منص 
 ‏ 
 ‏وقبل ما نبدأ، نوحد الله ونصلي على خير خلق الله سيدنا محمد ﷺ.
 ‏ ‏ ‏ ‏ ‏ ‏ ‏ ‏ ‏ ‏ ‏
 ‏اللهم صلِّ وسلم وبارك على سيدنا محمد، صلاةً تحل بها العقد، وتفرج بها الكرب، وتقضي بها الحوائج

سروف وهو باصص ل عمر قال 

قول اللي عندك 

عمر 
انت عارف اننا لينا جواسيس عندكم في اسرائيل زي ما انتم ليكم جواسيس عندنا 

سروف 
دة في كل زمان والاذكي هو اللي جواسيسة ما يتعرفوش  قول اللي عندك 

عمر 
اهو بقي جاسوس من جواسيسنا اللي انت ما تعرفهمش صور سونيا وهي في احضان يعقوب وسونيا هي السبب في اللي حصل ل زبيدة وزبيدة بحسبة بسيطة مهمة 
ل اسرائيل علشان جوة جسمها الشريحة اللي عليها كل ابحاث جوزها ادهم اللي تخص حرب الجينات وادهم هرب النتيجة جوة جسم مراته علشان يطمئن حياتها بعد ما انت قتلته 

سروف 
كل دة انا عارفة اية الجديد 

عمر 
انت عايز فلوس اخوك ومعاك زبيدة في غيبوبه وانا هنا علشان احمي زبيدة منك ف اية رايك زبيدة تموت والشريحة تتعدم وتاخد انت فلوس اخوك وفوق الصفقة هدية صور وفيديوهات يعقوب وهو في احضان سونيا اللي هتبقي قصاد اعضاء  الموساد والكينست هي اللي قتلت زبيدة والشرطة القبرصية هتشهد بكدة وفيديوهات ضربها بالنار موجودة معانا وتبقي انت بطل اسرائيل الاول  ويعقوب هو الخائن 
ومبروك عليك الموساد 

سروف لمعت عيونه وقال 

انت اية شيطان 

عمر 
انا مش مستني منك مدح انا مستني منك اجابة 

سروف 
انت فاكرني غبي علشان اقبل عرض زي دة من غير ما اشوف الصور والفيديوهات اللي انت بتقول عليها 

عمر 
حالا هتبقي معاك علي موبيلك بس تسمح لي اطلع موبيلي و ابعت رسالة للي مع الصور والفيديوهات 

سروف 
سمحت لك 

وعمر طلع موبيله وبعت رسالة لرقم مش متسجل عنده بعدها بلحظات يسمع سروف صوت نغمه الرسائل علي موبيلة طلع موبيله من جيبة وفتح الرسائل اللي جت له وشاف كل فضايح يعقوب مع سونيا لمعت عيونه اكتر ورجع بص ل عمر وقال 

طيب انا كدة استفد من الصفقة وطالع كسبان انت بقي كسبت اية بعد ما اخلص علي زبيدة تبقي مهمتك فشلت 

عمر ابتسم 
سروف انا كنت فاكرك اذكي من كدة انا مهمتي الاساسية في قبرص هي اعدام الشريحة وانها ما توصلش ليكم وانت مهمتك الاساسية موت زبيدة واسترجاع مليارات اخوك ليك 
وزبيدة معاك وهي اصلا في عداد الاموات لانها في غيبوبة والدكتور اللي عمل لها العملية قال صعب تفوق منها يعني كلها مسالة وقت 
ف لية ما نطلعش كلنا كسابنين ودة يبقي اول تعاون بيني وبينك يا رئيس الموساد الجديد 

سروف 
وهبقي رئيس الموساد ازاي طالما الشريحة ما رجعتش اسرائيل 

عمر 
في شريحة مزيفة هتلاقيها في مكتبك هدية مني ليك وعليها نتائج بحث حرب الجينات 

سروف سكت للحظات وبعدها قال 

ولو  مالقتش شريحة

عمر 
هتلاقيها وانا مش كذاب لكن لو 
ما فيش شريحة هتدخل علي الكينست بالصور والفيديوهات ووقتها يعرفو مين اللي بعت سونيا علشان تقتل زبيدة مستحيل تبقي انت  

سروف 
اللي بعتها يعقوب 

عمر ابتسم وقال 
بالظبط ودلوقتي هتروح ل زبيدة الفاقدة للوعي وتغرز المشرط في رجليها الشمال وتخرج الشريحة وترجع لي وتعدمها قصاد مني 

سروف 
تمام ،،،،،،،،،

وبعدها بكام ساعة ومن القاهرة كانت زبيدة جوة الرعاية المركزة وبتفتح عيونها بصعوبه شديدة علشان تشوف بنتها ايلينا جنب منها ومعاها عمر الديب فرحت ايلينا وخدت امها في حضنها وقالت 

حمد لله علي السلامة يا امي 

زبيدة بصعوبه 
هو انا فين 

عمر 
في مصر بلدك 

زبيدة استغربت وقالت 

مصر طيب ازاي 

عمر 
دي حكاية طويلة لما تخفي ابقي احكي لك ،،،،،،،،،

ونروح ل مكتب السيد كامل اللي كان قاعد مع باسم وبيقوله 

صاحبك مجاش لية لغاية دلوقتي 

باسم 
صاحبي مين يا فندم 

هنا فتح الباب عمر ودخل وقعد قصاد السيد كامل وقال 

وهو انت ليك صاحب غيري 

السيد كامل 
سيبك من باسم وقول لي تقرير مفصل عن اللي حصل هناك واية مكسبنا من كل البهدلة دي 

عمر 
ان يعقوب قتل سروف بتهمة خيانه الكيان ويعقوب اتفضح وبقي قصاد الكينست هو اللي بعت سونيا لتصفية زبيدة ويعقوب هو كمان راح 

السيد كامل 
فهمني بالراحة اية اللي حصل 

عمر 
لما عرفت ان سروف جة قبرص وان اتعرف اني انا في قبرص كان لازم ارجع ل حضرتك باللي يخليك تسامحني لان اسم المخابرات المصرية ما كانش ينفع يتذكر علشان كدة طلبت من خيري يروح قسم قبرص وهما مقنعين ويهرب سونيا من القسم ويفهما انه تبع سروف علشان تسمع لهم وتهرب معاهم من غير اي مقاومة وفي نفس الوقت طلبت من مايكل ياخد زبيدة ويروح بيها ل اي عيادة تبعنا وموسي يلغي جهاز العين اللي بيعرف مكان زبيدة 
وخرجت زبيدة من الكنيسة وبقيت في مستشفي فيها رجاله تبع مايكل 

السيد كامل 
اومال سروف خطف مين من قلب الرعاية اللي في الكنيسة 

عمر 
خطف سونيا يا فندم 

السيد كامل 
طيب وجهاز العين ما عرفش ان اللي في الكنيسة تبقي سونيا مش زبيدة 

عمر 
ما احنا عملنا عملية صغيرة كدة وزرعنا جوة سونيا شريحة عليها جينات زبيدة  وخلينا موسي يوصلها ب جهاز العين وبكدة قصاد سروف  اللي مع هي زبيدة والمكياج مخلاش فرق بين سونيا وزبيدة والظروف خدمتنا لان الاثنين كانو في نفس جسم بعض 

السيد كامل 
وبعدين 

عمر 
روحت ل سروف المصنع المهجور وفهمته ان مصلحتي في ان الشريحة تتعدم وهو كسرها ويعقوب عرف ان سروف هيغدر بي ف قتله اول ما وصل اسرائيل واحنا نشرنا الصور والفيديوهات اللي كانت مع سونيا وقصاد القادة في اسرائيل يعقوب هو اللي قتل سونيا علشان هي هددته بنشر صورها وفيديوهاتها مع 

السيد كامل 
وطبعا سونيا مش هي اللي هددته دة تهديد منك انت 

عمر ابتسم وقال 

بالظبط كدة  اتمني بقي ان حضرتك تكون سامحتني 

السيد كامل بص ل باسم وقال 

ما انا لازم اعاقب حد علشان ارتاح 

باسم 
طيب انا مالي حضرتك 

السيد كامل 
صاحبك ولازم تشيل شيلته 

باسم 
انا ما اعرفهوش وتعبتك منه 

ضحك عمر والسيد كامل وقال عمر 

تسمح لي باجازة يا فندم  بدل اللي ضاعت 

السيد كامل 
طبعا وباسم هيشيل مكانك لغاية ما ترجع يا صقر المخابرات 

باسم اتعصب وجس علي سنانه بص له عمر وقال 

تعرف انا هروح فين المرة دي 

باسم 
مش عايز اعرف 

عمر 
خلاص بلاش 

وضحكو هما الثلاثة ،،،،،،،

وزبيدة قربت من بنتها وبدات ايلينا تقرب من امها وبدات حياة جديدة بين الام وبنتها 

                تمت بحمد الله 

تعليقات