رواية دكتورة سليل والشيخ الفصل الحادي عشر 11 بقلم مجهول

 


رواية دكتورة سليل والشيخ الفصل الحادي عشر بقلم مجهول



سليل
فتت للبيت وعصدت لغرفتي شويه واجو رشا ونهر
سليل/ اكللكم بنات سجاد دائما هيج
رشا/ شون يعني
سليل/ يعني عصبي وعنيد
نهر/ اووو انتي ششفتي منه هو كلش قاسي بس كلبه طيب
سليل/ اها اي
رشا/ هااا سلول شعندج تسالين عن اخويه
سليل/ ههه شبيج يولي
نهر/ اخاف اكو حب منا منا وين الله وتصيرين مرت الشيخ
سليل/ هوب هوب يمعودين وين رحتو اني اصلا ولا ببالي هو بس هيج سؤال

سليل
ضليت كاعده ويه البنات وسوالف وضحك
سجاد
رحت للطلابه مالتي وطبعا حليتها مثل كل مره واجاني تيم كتله تعال نكعد بالحديقه وكعدنا
تيم/ اي دكتور شخبارك
سجاد/ ولك حسك لحد يسمعك
تيم/ اوو نسيت يله ماعليها شونك شون صرت
سجاد/ بخير چا متشوفني صرت اعمى
تيم/ ههه مو هيج بس هو الحب يجنن الواحد
سجاد/ هااا ابن عمي عاشك احجي منو ولك
تيم/ نفسها بنت المرحله الاولى
سجاد/ اول مره اشوف واحد يحب وحده 7 سنين وهو ما يعرف اسمها
تيم/ عرفت اسمها
سجاد/ اي دكتور تيم بله وشسمها
تيم/ اسمها غريب شويه
رشا. نهر. سليل/ السلام عليكم
تيم بدون ما يباوع/ وعليكم السلام
تيم/ سجاد اني رايح للعياده انشالله بالليل اجيك واكمل سالفتي 
سجاد/ اي بس مو تغلس اطلبك عشه 
تيم/ هههه تدري بيه ما ادفع دينار علمودك ليش تتعب نفسك 
سجاد/ بس لو اعرف وين تودي فلوسك چان ارتاحيت 
تيم/ دا اجمعها لعرسي شكالولك عليه سجاد 
التفت تيم حتى يروح وشاف سليل 
تيم بصدمه/ انتي 
سليل بصدمه/ انت 
تيم بصدمه/ مستحييييييل انتي نفسج سليل ما غيرها 
سليل/ اي اني وليش عيني ماعاجبتك 
تيم/ بعدج على عنادج متغيرتي 
سليل/ وليش حتى اتغير وانت هم بعدك ابو بنات متتغير 
تيم / هههه لهل درجه كارهتيني 
سليل/ كلششش 
سجاد/ لحضه لحضه انتو مين واحد يعرف الثاني 
تيم/ سجاد سليل هيه البنيه مال المرحله الاولى 
سجاد بصدمه/ لحضه لحضه يعني انت (وسكت) 
تيم/ اي هيه 
سليل/ استاذ تيم او لحضه لحضه نيت قصدي الدكتور تيم شكايل عليه حتى الشيخ هيج مصدوم 
تيم/ كتله بنت المرحله الاولى لعبت بحالي لعب 
سليل بجديه/ تيم احترم نفسك تره اني ما اخاف من اي بشر لا تخليني اسوي بيك مثل ما سويت بأول لقاء النا 
تيم/ حاده عصبيه عنيده نفسيه ما تغيرتي سليل 
سليل/ شيخ من رخصتك اني طالعه وانتضرك علمود ابدل الضماد مالتك 
سجاد/ اخذي راحتج دكتوره 
راحو البنات 
تيم/ اووف واخيرا لكيتها حب عمري هاي البنيه 
سجاد بجديه/ تيم لا تخبلني وتكول انت تحب سليل 
تيم/ وانت شبيك حارگ دمك عينك عليها شي 
سجاد بعصبيه/ تييييم اوزن كلامك قبل ما تطلعه ولا تنسى انه مو سجاد يلي ينحجي ويا بهاي الطريقه 
تيم/ سجاد لاتتخبل عليه وتطلع حركت كلبك ب نسمه بيه 
سجاد بصياح/ تييييم 

سجاد ضرب تيم بوكس قوي على وجهه ووكع تيم ع الارض كام ووكف كدام سجاد يحجي ويا ويمسح الدم يلي على وجهه 
تيم/ انت شيخ على عيني وراسي انت ابن عمي على عيني وراسي نسمه رفضت تتزوجها على عيني وراسي بس سليل الي هاي البنيه من ممتلكاتي اياك سجاد اياااااك تحاول تاخذها مني 
سجاد بصياح/ ولك تييم كتلك اوزن كلامك قبل ما تطلعه مو اني يلي يخلي عينه ع الدخيله يلي ببيته فهمت 
تيم/ چا فهمني المن هاي العصبيه 
سجاد/ لانه انت ما خليت احترام بيننا ومن اول مشكله طعنتني وحجيت كل سوالفي اسمع تيم اني جنت اعتبرك اخويه وسندي بس هسه حالك من حال ولد عمك ابن عم وبسسس وهسه اني طالع ارتاح ديربالك تتقربلي فهمت 
تيم/ الله كريم شيخ سجاد والايام بيننا 

سليل 
جنت كاعده بغرفتي وسمعت صوت صياحهم خفت انزل شويه وسمعت صوت الباب جان بيدي اغراض التعقيم حتى اطلع وحسيت باب غرفتي اندفع بقوه فات سجاد وهو معصب احس الشرايين راح تطگ من ايده فات وقفل الباب ووكف كدامي 
سجاد بصياح/ ميين تعرفين تيم وهو مين يعرفج اجحي لا والعباس اموتج هسه وبدون ماريف الي جفن 
سليل بخوف/ اهده اهده شبيك جرحك فتح ملابسك صارمدت كلها دم وانت اذا عصبت راح يتأذه راسك اكثر من قبل لا تصيح 
سجاد بعصبيه / يطبني مرض انشالله اموت معليج بيه احجي سليل تره واصله حدها منج 
سليل/ راح احجي بس اكعد واهدئ 
كعدت سجاد ع الجربايه 
سجاد / يله احجي اسمعج 
اجت سليل كعدت يمه 
سليل/ جنت مرحله اولى جنت بنيه اخاف من ضلي ما الي سند عايشه بالسكن الجامعي كلش خايفه ودائما اكعد وحدي جان تيم وياي مرحله رابعه بس تيم جان هيبه ومايخاف والبنات كلها 24 ساعه يمه وهو كل يومين تشوفه مع بنيه وبيوم من الايام جنت كاعده اراجع للامتحان باقي ساعه ويبدي شفت احد واكف فوك راسي رفعت راسي شفت تيم 
سليل/ تفضل اخي محتاج شي 
تيم/ اي ياحلوه اريد رقمج 
سليل وكفت على حيلها 
سليل بعصبيه /عفوا اخي ما سمعتك زين 
تيم/ ر ق م ج شنو يلي ما فهمتي اريد رقمج 
سليل بعصبيه/ وشتسوي بي بله 
تيم/ على مهلك ياحلو ليش معصب 
سليل بصياح/ اسمع زين اني مو من هذوله البنات يلي تحجي وياهم ويحجون وياك ورسائل وارقام وسوالف لا اني مربايه كلش زين وانت ما تخاف لا احد يسوي هيج باختك مرتك بنتك امك لو انتو جهله متفكرون لا وفرحان صاير دكتور براسي اصلا امثالك المفروض يذبوهم بالسجن اسمع دكتور اذا مره ثانيه تقربت ليمي والله وحگ اسم الله اخليهم يفصلوك من هاي الكليه كلها وهسه من رخصتك ابو البنات 
بعدها رحت من يمه جنت دائما اشوفه من بعيد هو يباوعلي بس ابد ما اهتميت اله قضيت حياتي كلها دراسه اخر مره شفته قبل التخرج مالته بيوم اجه واعتذر مني وبس والله والله بس هذا يلي صار 
وهسه اريد اعقم جرحك 
سجاد/ سليل 
سليل/ اي كول 
سجاد/ تريدين ادورلج على اهل امج 
سليل/ وشنو المقابل 
سجاد/ما فهمت 
سليل/ انت راح تدور على اهل امي اكيد تريد مقابل اريد اعرف شنو يلي تريده انت 
سجاد/ هذا رد جميل الج لانه انتي دتداويني 
سليل/ اسمع سجاد اني ما اعتبرتك غير اخويه ووثقت بيك ودائما جنت احجيلك على مشاكلي وهمومي واليوم اني حاسه بيك سجاد احجي بيك شي ليش هسه يله جبت سالفة اهل امي شنو قصتك 
سجاد/ ما عندي لا قصه ولا شي بس اني حبيت اساعدج وارد الجميل الج
سليل/ما اقتنعت ممكن سؤال 
سجاد/ اي شنو 
سليل/ شنو سالفة تيم وليش متعصب منه هيج شنو قصته يصير اعرف 
سجاد ببرود/ يحبج هه حب من اول رزاله 
سليل بصدمه/ شنو يحبني سجاد اكيد تتشاقه تيم لالا مستحيل 
سجاد/ سليل اذا تقدملج راح توافقين 
سليل/ ههههه صدك تحجي اكيد لا مو بس هو اني مستحيييل اتزوج 
سجاد/ يعني ما تحبي 
سليل/ مو قصة حب بس اني ما اتزوج 
سجاد/ واذا اجه وطلبج 
سليل/ سجاد اريد ارتاح شويه ممكن تطلع بره 
سجاد/ خير انشالله طالع ست سليل طالع 
وكف سجاد يم الباب وجام راح يطلع و 
سليل/ سجاد 
التفت سجاد 
سجاد/ نعم 
سليل/ خلي حسن يعقملك الجرح 
سجاد/ ماكو داعي 
سليل/ انت حسب كلامك دارس وتفهم واني حسب نضريتي ل حسن انه هو يخاف من الامور الخطيره وهذا الخوف مستقبلا يأثر علي ف لازم يتعلم 
سجاد/ ويتعلم براسي 
سليل/ تره هو اخوك مو اخويه 
سجاد/ رايح بالليل خلي يجي ويبدله نعسان لو حتى النوم حرام
سليل/ انت دتنام هوايه سجاد الله يوفقك لخاطر امك خليني اسوي العمليه الك 
سجاد/ سدي الموضوع 
طلع سجاد 

سليل 
ضليت كاعده بغرفتي اشوف البحوثات رجعلي حسن موبايلي والصور والكتابات كلها موجوده عدا صوره وحده ما ادري وين صارت كلت جايز انحذفت ما نزلت ع العشه مجنت جوعانه وراسي جان دايخ تمددت وضليت بالغرفه فتت للحمام وطلعت جنت دا امشط شعري واجتني رساله باوعت الساعه 2 بالليل فتحت الرساله جانت من حسن كاتب بيها ( سلول منتضرج بغرفة سجاد لا تتأخرين) دزيتله ماشي باوعت على ملابسي جنت لابسه تركسود صيفي برموده وشعري مفتوح لبست روب فوگ ملابسي ولفيت الشاله وطلعت رحت لغرفة سجاد دكيت الباب و.. 

سجاد 
طلعت من غرفة سليل ورحت على غرفتي ضليت افكر كلام تيم صح اني ليش تعصبت شنو يلي خلاني هيج اتعصب لالا اني ادري بروحي تعصبت لانه هيه بنت عمتي وبنت عمته هو هم ولهذا تعصبت بس. شون راح اكللها شون راح تقتنع اكيد راح تجذبنا اووف وباجر عرس نسمه اليوم حنتها شون بكلبي اني راح يضل هيج مجروح طلعت من غرفتي ونزلت للديوان قضيت وكتي كله فصول وطلابه فتت للبيت كعدت ع العشا شفت سليل ماكو سالت عليها كالو ما جوعانه تعشيت وطلعت سبحت وفتحت اللابتوب مالتي اشتغلت بي شويه وفتت ع الملفات شفت صوره سليل يلي جنت حافضها ضليت صافن بالصوره لحد ما اندك الباب طفيت اللابتوب بسرعه فات حسن 
سجاد/ تعال حسون اكعد شبيك متوتر وضعك معاجبني
حسن/ دزيت رساله ل سليل هسه جايه 
سجاد/ شعدها جايه 
حسن/ اكو موضوع اريد احجي الكم انتو الاثنين واريد تساعدوني 
سجاد/ وشنو هو 
اندك الباب 
سجاد/ اتفضل 
فاتت سليل 
حسن/ تعالي صارلي ساعه انتضرج 
سليل/ اكو شي وترتوني 
سجاد/ والله ما ادري احجي حسن شكو 
كعدت سليل 
سلسل/ اي احجي 
حسن بخجل/ اني ضربت نهر كف بأول يوم اجيت للبصره 
سليل وسجاد بصدمه/ شنوووو 
سجاد/ دقيقه دقيقه مدا استوعب انت ضربت نهر بنت عمك كف بأول يوم اجيت من بغداد للبصره وهيه لحد الان ساكته ولك لو اني منها افضحك كدام الكل 
سليل/ حسن شون تسوي هيج وانت تحبها ولك شون كدرت تمد ايدك عليها احجي حسن لتسكت لو اني منها مثل ما كال سجاد والله افضحك 
حسن بخجل/ ما تسويها لسببين الاول انه تحبني والثاني لانه غلطها 
سليل/ انتو كلكم هيج تستغلون يلي يحبكم بعمركم ما فكرتو بالعواقب يلي راح تصير بعمركم ما فكرتو شون راح تتمل البنيه الصدمه ووجع الكلب 
سجاد/ كافي سليل مو وكت هذا الحجي وانت الثاني كول شسوت حتى انت ضربتها ها احجي 
حسن/ جنت طالع من غرفة سليل و........ (حجالهم النقاش يلي دار بينه وبين نهر) 
سليل / حسن هذا مو مبرر يخليك تضربها 
حسن بخجل/ ما تمالكت نفسي بلحضتها 
سجاد/ شراح تسوي هسه؟ 
حسن/ عرفت انه هيه تحبني واريد اعتذر منها واريد اخطبها 
سجاد/ اولا شون عرفت هيه تحبك وثانيا شون تخطبها وانت بعدك ممتخرج وثالثا والاهم تتوقع تقبل اعتذارك بعد كل يلي سويته 
حسن/ سجاد انت اخويه واكيد راح تفهمني اسمع اني جنت بغرفتي مسوي نفسي نايم وسمعتها من حجت وكالت تحبني واني راح اخطبها بس حتى كدام الناس تصير نهر الي واني ماجابرها على شي يلي راح يصير بأرادتها ترفض ابتعد عنها توافق نتزوج ونبقه سوا 
سليل / والله حلوو هه دكتور حسن وشيخ سجاد طابخيها سوا اسمعوني زين البنيه مو لعبه بايدكم فهمتو ويلي راح تسوو انتو غلط 
حسن بعصبيه/ سليل جبتج هنانه حتى تساعديني اعتذرلها هاي اول شي والشي الثاني سليل اني ما اسمحلج تتجاوزين اكثر صح انتي اكبر من واحترمج بس اني رجال فهمتي مو مثلج
سجاد/ حسن اهده شبيك تخبلت وانتي هم سكتي هو ممسوي شي غلط جاي يعتذر منها شبيج تسودنتي 
سليل/ انتو ولا واحد بيكم راح يفهمني 
حسن/ سليل اني.. 
سليل/ حسن كافي 
حسن/ اعتذر 
سليل/ لا حسن الرجال ما يعتذر مو هذا كلامك 
سجاد/ لا تكبريها 
سليل/ طبعا تدافع عن اخوك شحجي خليني ساكته احس 
سجاد/ انتي شبيج من اجيتي دمج حامي وتريدين تتعاركين شوفي اني ما انكر انه حسن غلط ومجان لازم يضربها وهذا الشي راح احاسبه علي بس هو جاي يعتذر اعتذااار رايح يكللها اني اسف ع السويته واني احبج هو ممسوي شي غلط بهاي الحركه مالته 
سليل/ اوك اني اسفه واعتذر مجان قصدي وهسه من رخصتكم رايحه انام 
حسن/ سليل بس اسمعيني الله يوفقج 
سليل/ احجي حسن 
حسن/ اني ما اعرف شون افتح الموضوع ويه نهر شون اكللها احبج وشون اعتذر منها 
سليل/ ما ادري انجاز 
حسن/ بروح ابوج لتسوين هيج 
سليل/ اووف ربي اسمع اشتريلها شي سوار محبس گلاده اي شي وصيحها بمكان وحدكم بس لا بغرفتك 
سجا باستغراب/ وليش يعني مو بغرفته 
سليل/ لانه هيه راح تتوتر منه وتخاف وتكول هذا شعنده صاحني بغرفته 
حسن/ اي فهمت كملي 
سليل/ انطيها الهديه وكللها هاي اعتذار لانه اذيتج بس تره اني من حبي الج سويت هيج 
حسن/ وبعدين 
سجاد ضرب حست على راسه 
سجاد/ وبعدين كللها احبج وارديج مرتي وام بيتي شبيك صرت اثول 
حسن/ هاااااا فهمت شكرا حبيبتي 
سجاد/ كم مره كتلك افتهم شتحجي 
حسن/ هاااا ذكرتوني سجاد شنو سالفة تيم 
سجاد / شبي صخام 
حسن/ اليوم اجه حجه مع جدي علمود ال ااااحم امم 
سليل/ علمود شنو حسن احجي تره اني ادري بي يحبني احجي 
حسن بخجل/ علمود يخطبج من جدي 
سليل بصدمه / شنوووو 
سجاد بهدوء/ رليش مستغربه اني مو گتلج هيج راح يصير
سليل/ وجدو شگال وافق لو لا 
سجاد/ وشبيج انخبصتي 
سليل/ فدوه سجاد انت تعرف ما اريده 
حسن/ سليل شبيج متوتره وخايفه لتخافين سجاد ماراح يخلي يتزوجج 
سليل/ اكيد 
سجاد/طبعا اكيد يله كومي نامي وارتاحي ولتفكرين بالموضوع 
سليل/ اريد احجي وياك بموضوع خاص 
حسن/ لعد اني رايح انام شكرا على نصايحكم وتصبحون على خير 
سليل. سجاد/ وانت من اهله 
طلع حسن 
سجاد/ اي سليل احجي 
سليل/ اريد اسوي العمليه الله يخليك وافق 
سجاد/ اني هم جنت جاي احجي وياج بهذا الموضوع 
سليل بفرح/ صدك يعني فكرت بالموضوع 
سجاد/ اي فكرت ووافقت اسوي العمليه بس بشرطين 
سليل/ كلشي موافقه اهم شي تسوي العمليه 
سجاد/ باجر الساعه 5 العصر اريدج جاهزه راح نروح لمكان وهناك اكلج شروطي وانتي حره توافقين او ترفضين 
سليل/ اني موافقه بدون تفكير 
سجاد/ لي باجر يصير خير روحي نامي يله 
سليل / ولو راح اضوجك بس باقي سؤال 
سجاد/ لا عادي كولي 
سليل/ لكيت اهل امي وهمه شونهم ناس زينين لو لا 
سجاد/ اي لكيتهم وهمه زينين او لا هذا الشي انتي تقرري 
سليل/ صدك لكيتهم شكرا سجاد شكرا بس.... شنو هو يلي اني اقرره ما فمت 
سجاد/ باجر تفهمين كلشي 



تعليقات