رواية الثلاثيني الملتحي الفصل الحادي عشر بقلم عذراء آل شمس
جبتج حتى اعقد عليج
شنووووو
الصمي وانزلي
ما انزل شنو تريد تعقد عليه
ليش هيج تسوي بيه
شسويتلك كلي شسويتلك
شنو ماعندي اهلي
لو بت ليل وتستعر مني
لو مااشرفك
وتعقد عليه بالخفيه
بعيطه وحده انزللللللللللللللي بلا لغوة
ما انزل شتريد تسويلي
تذبحني مثلا
اذبحني ولا هالمهانه والذل
اذا ماتنزلين انشر كل صورج
واخلي فضيحتج بالمواقع توصل للعالم كله
انزلللللللي
خفت من صوته وخزرته تخوف
انوب يكلي انشر صورج
كبل نزلت وارجف خايفه كولش
الله ياخذك
اشوف بيك يوم
يا حقير يادوني
يا طايح الحظ
انجبي واحترمي نفسج
لا اطير وجهج
ماجاوبته
وادعي ع روحي
الله ياخذج يارفل
الله يشلج يارفل
الله يجلطج يارفل
شجابنج ع هذا الخبل
مو جنتي عايشه بلا حب ولا خرابيط
كافي ادردمين انجبي وامشي سريع
شبيج تمشين ع بيض مكسر
امششششي
مو دا امشي شبيك تصيح
دير بالج تحجين كلمه كدام السيد
اسكطج وروح ابويه مااخلي عضم
بيج صاحي اكعدي مثل الحبابه احسلج
صعدنا للعمارة بالطابق الثالث
رسلان دك باب الشقه وطلعلنا
رجل معمم رسلان سلم علي
وكله اريدك تعقدلنا
بس مبين من كلامهم
ع معرفه سابقه
همست لرسلان
اصخام الصخمني لعد
كم مرة عاقد يم هذا الرجال
يعرفك
يصك ع سنوني ويهمس
الصمي وانجبي وطبي للشقه
طبيت كافي كل شوي انجبي
طببنا الرجل المعمم للصاله وراح ورة دقايق
رجع وكال لرسلان نريد شهود
رسلان كله
سيد ترى محد يدري
راح اعقد حتى اهلي ما مبلغهم
ليش يابني شنو سر
ليش انمار وامك ليش ميدرون
سيد بلا زحمه ممكن نحجي ع انفراد
واخذه وراحوا مدري شحجاله
ورة شويه رجعوا يضحكون
واتصل السيد ب اخوانه
كال قريبين ع عمارة
هسه يجون واعقدلكم
ورة شوي اجوي ورسلان
بس يخزر بيه
وعقدلنا
وباركولي ضحكت من باركولي
ضحكه بخنكه
ضحكه بغصه
ساعه المصخمه الشفتك بيها
يارسلان الله ياخذك
وحاولت اتماسك وماتنزل دموعي
كدامهم
نزلنا من الشقه وطلعنا من عمارة
صعدنا بالسيارة
وطلعنا
انته شكد حقير ودوني
تهددني بصوري لأن تدري
بيه مثل اي بنيه اخاف ع روحي
انجبي وكافي دوختيني
شنو كل شويه تنجاوز شنو اشتغل عندك
بلا لغوة
ما اسكت شوف اكلك
خير مدام شكو
اخاف عبالك عقدت عليه
وتاخذ راحتك وتكول زوجتي
قسم بالله اقتلك واقتل روحي اذا تقربتلي
ويهز بيده
هييي هييي شنو هالاكشن مالتك
كاعدين بفلم هندي
يي فعلا فلم هندي كل السويته بيه
مثل الفلم الهندي
بس دا احذرك خاف عبالك تاخذ عذريتي
اقتلك واني واقتل نفسي
شكد غبيه
غلطانه اذا عبالج
اتزوجتج علمود هذا الشي
اخذ عذريتها
ويهز بيده تهي بهي
الصمي احسلج
تعرفين ليش عقدت عليج
وخليها ابالج
زواجنا حيبقى بالسر
لحد ما اكون نفسج واشتري بيت
نكعد بيت وحدنا حتى
اخلص من القال والقيل
واقنع اهلي ونتزوج
سكتت ماجاوبته ما الي خلك مرادد وعركات
شوفي وخليها ابالج احفريها بدماغج
ممنوع تحجين ويه اي بشر
اي طالب اي رجل
لو حتى مجرد سلام
ابطلج من الجامعه
تلبسين حجاب
ولبسج المشلح تعوفينه
ومكياجج خففي وحمرتج الطوخ اذا شفتها
ع شفتج امسحها بطريقتي
وكل يوم قبل ماتروحين للدوام
تفتحين كام اشوف لبسج ومكياجج
وحجابج اذا شفت طالعه منه شعرايه
ياويلج مني
واجيلج للجامعه بأي وقت
واذا لكيتج مخليه مكياج ومخالفه اوامري
اخليج تتندمين ع ساعه السوده العاندتي بيها
وطلعه بدون علمي ممنوع
سمعتي لو اعيد
بهمس يي سمعت
وصلني لفرع بيتنا
نزلت واني تعبانه نفسيا
كلبي هلكان من الوجع
متحطمه بداخلي
طبيت للبيت ورحت لغرفتي
ذبيت روحي ع سريري
ونزلت دموعي بغزارة
عبالك جانت منتظرتني
ابقى وحدي حتى تنزل
____________________________
رند
بس من رفل تكلي انمار خارج البيت
اطلع من غرفتي وهوة هم ما اجاني بعد
مرت ٥ ايام ع هالوضع
واحاول الهي نفسي بأي شي
حتى ماافكر بي وانقهر
اقرأ روايات
اتصل بصديقاتي واضيع
اتفرج مسلسلات تركي
ومرات اتفرج فيديوهات طبخ
لإن بالطبخ زفتيشن
ولا طخه يا دوب كم نوع من
المقبلات والاندومي
والبيض
انمار بعد ما اجاني للغرفه ولا سأل عني
بعد ٥ ايام من العركه
كعدت العب ب الموبايل
الجابه الي انمار من غسلت موبايلاته
كعدت الصبح لكيت كارتونه موبايل يم راسي
وعلي ورقه مكتوب
مرة ثاني اغسل الج ترى
جابلي ايفون 7 لونه وردي
واثناء كعدتي
واسمع صوت ام انمار يلعلع
اففففف شجابها هاي
شي اكيد راح تسوي مشكله
مثل كل مرة
اجتي رفل كالت
استاذ انمار يكول خل تجي
تسلم ع امي
كلت خل اطلع انوب تجي تتعارك
ويايه بس بداخلي خايفه منها
طلعت لكيتهم بالحديقه ويوسف يسبح بالمسبح
سلمت عليها هيه ووهج وعلي ورسلان
ام انمار جاوبتني من ورة خشمها
وكل شوي تذبلي بسمار
ياااا امي دا انقهر عليك
ليش باقي ع هاي المشلوله
اتزوج وارتاح
لا يمه ليش اتزوج عليها
دشوفيها جنها العافيه
اكو واحد يعوف العافيه
وهيه تتخبل
وتعوج بحلكها
وورة شويه هم حجت
يا امي ليش هيج تعبان
ادري بيها مريضه
ومتعبتك
لا يا يمه ليش اتعبني هيه اشايفه مني
شو اني اعوفها بالاسابيع واجيها
كم يوم والتحق
وكل شوي وذابتلها حجايه
واني ساكته بس انمار يجاوبها
ويبرد كلبي
حبيبي انمار خالتك اليوم حتجي
لبغداد هيه و زوجها وو سارة
اباوع انمار شو عكر وجهه
من امه كالت ع خالته
حجت وهج
اففففف هم سارة شكد اكرهه
بس تتفيك وشايفه روحها
ام انمار خزرت وهج
عيب يا امي تحجين ع بت خالتج
غمزت لوهج تجي للمطبخ
ووهج شبيها بت خالتج
ليش هيج انمار عكر
من امج كالت
اكولج بس مااتكولين
الاي بشر
واعتبري نفسج
ما سامعه هذا الشي
كولي وروح امي مااكول
مو بصراحه
سارة ..................
