رواية ارحام متناثرة الفصل الثاني عشر بقلم مجهول
نهاية سنه 1975 اجانه خبر صاعق عمو مجيد اتوفى .. اندعم بسكه القطار...
جان ابغداد ويريد يسافر يروح للموصل بالقطار وهناك صاير الحادث ..عرفنه بالخبر
من اهل عمو مجيد راسا انهارت فرحه وكعت من طولهة وماحسينه الا طبة على الكاع
التفتت وشفت فرحه واكعة وطاك خشمهة دم ركضت عليهة ... ولج فرحةة شبيج فرحةةة
عزة بعيني هذا دم بخشمهة وج يمه الحكييي فروحه..
واضرب بيهة بوجهة على كيفي اتكابلنه عليهة اني وامي وشلناهة خليناهة على الفراش جبنة
المضمد الهة وكال شكل عدهة ضغط احتمال يروح اذا نفسيتهة هدئت من هالموقف شكل
وياهة صداع ابد مافكهة ..صحت من الاغمائة وكامت تصرخ وتبجي وتلطم ...
فرحة☆☆ ياااابة ولك يابة المن عفتنيي بوية شلون رحت وما ودعتني ياعيوني صارلي اكثر
من اسبوع ماشفتك وگ يابة ليش ما اخذتني اتيتمت من عكب عينك يابة منو الي بهالدنية
ليش عايشة بيهة الدنية عسكت وياي من اني
وطفلة ليش يابة كسرت ابنتك الوحيدة يااااابة
ولك يااااااابة تعاال اخذنيي ويااك... اريد اروح للفاتحةةة اريد اشوف تابوت ابويةةةة وخروو عنييي وخرووووو
رباب☆☆ حرنه شلون نهدئهة وبدت تنعي وادك وتلطم متمالكت نفسي من البجي حتى
امي القاسية من شافتهة بجت عليهة .. رادت تروح للفاتحة لبسنه ملابس سود ورحنه امي اخذتنه جانت فرحه تمشي مثل المخبلة بالشارع لو تلطم على وجهة لو ادور بالوجوه ودكول هسة يجي عليه ميعوفني ابوية دخلنه للبيت وزاد لطمهة وبجيهة وتعيط يابوية البيت اظلم بلياك ..ورة شوي كالو راح يجيبون التابوت لبيتة دخلو التابوت وبدت فرحة وادك وتلطم وتفرفح جانت تبجي ومنهارة اكثر من زوجته و اولادة التلاثة .. جابو التابوت وارتمت عليه فرحه حضنته وتشهك وتعاتب بي 😭
فرحه☆☆ يابة مو كلتلي اني وياج وما اعوفج مو كلتلي اريد اشوفج متخرجة
وشهادتج بيدج واحقق حلم امج ليش ليش رحت والله بعد وكت مو وكتك هذا شلون
متت الله لا ينطي الخذاك مني يابة مكتوبلي اعيش يتيمه ولك يابة كرهت كل السيارات
بسببكم وگ يابة كوم لا تشاقة هيج وياية مو حمل شقى اني احلفك بروح امي امينه كوم
ميلوكلك الجفن يابة رحت يم امي وتركتني ماصبرت على فراكهة بس 9سنين ورحتلهةةةة
ماكدرت تصبر شوي بعد اااوف ياهدت حيلي عليك بوية 😭
رباب☆☆ مابقة ااحد من الكاعدين مابجته حتى ولدة وزوجته بجو على بجاهة ونعيهة
بس امي هواي انغثت لان كالت اتيتمت من بعدك واعتبرت هالامر اهانه الهة ..
اول مرة اشوف فرحه بهالحال منهارة وضعيفة
كلت انمردت عليهة واتمنيت اكدر اساعدهة..
كملت ايام الفاتحة وفرحه فقدت واهسهة بالدراسة وضلت اكثر من 10 ايام متداوم
كضتهة تبجي وتتصفن..
تالي حجيت وية امي بخصوص فرحهة... وج يمة فرحه مدتعجبني بس تتصفن وتبجي خاف يصير بعقلهة شي هالمسكينه
ام غسان☆☆ مابيهة شي لاتخافين همزين بطلت تطلع سنه مجيد منا ازوجهة لاي واحد منا
رباب☆☆ تزوجيهة قبلي ؟ صدك تحجين
ام غسان☆☆ اذا تقدملج شخص بي خير وعلى مزاجنة عادي امشيج كبلهة بس اذا ما
اجى هالشخص يارباب ما انطيج لياهو الجان..
كلت امشي اختج لأن جمالهة محدود والهة عمر معين اذا متتزوج بي تبور وتعنس فہ لازم امشيهة
رباب☆☆ اي هم صدك كلامج منطقي ... منحس الا وفرحه واكفة يم الباب جانت
تسمعلنه احنه نحجي.... دخلت متخبلة علينه وتصرخ وتعيط.
فرحه☆☆ لاااا تشوفون ابوية اتوفى عبالكم تااكلوني لحممم وترموني عظمممم اسمعي
ياخالتي يالي ابددددد ماحسيتج امي بسوم من الايام زواج ما اتزوج ياهو الجان ودراسة
راح ارجعله كل مافي الامر اني مكسورة خاطر على ابوية.. وانتي بالجذذذب ماهونتي
عليه ولا حضنتيني حضة صغيرةةةة من ايدج حالج حال ااااي أم طبيعية.. مدكوليلي شبيج
ليش خلفتيني اذا كارهتني ليششش اجتمعتي بأبوية وجبتوني ليشش دتعامليني هيج ليش..
كل عقلج اتزوج بهالطريقة حتى لو تشوفني قبيحه ميهمني لازاد مني ولا نكصص راح
ابقى فرحه الرباهة مجيدد ابو الرحمه ابو الانساية ابو الاخلاق.. اني بنته مو بنتكم والله
لو بيدي اشيل اسم مكي واسمج من هويتي واحط اسم مجيد وامينه ..بحياتي ماحسيتج ام الي ...
اني مو لكمه سهلة ياخالة فضيلة اني فرحه بنت مجيد وراح افرح ابوية وامي بتربتهم
اهلي الربوني احق بيه منج عرفتي يا ام غسان
وطلعت وعفتهة.
ام غسان☆☆ ادددبزززز تعالللي.. ولزمتني رباب
رباب☆☆ ركضت على امي ولزمتهة كلتلهة عوفيهة لخاطر الله اتركيهةةة حالتهة تعبانه
خطية يمه.. بس ضلت امي مصدومه من ردة فعل فرحه اتعودنه عليهة هادئة وخانسة
بمكانهة ومتحجي دائما... رجعت فرحه للدراسة لكن مستواهة مو مثل الاول شوي
متذبذب تنجح لكن مو بتفوق هواي ايام اشوفهة تبجي واروح اكعد يمهة واحجي وياهة ...
فرحه حبيبي موكافي بجي ياعيني المات مات وراحو لدار حقه وكلنه على هالطريق
فرحه☆☆ مو بيدي رباب الحنية الشفتهة منهم ما شفتهة يم اهلي اذا ابجي عليهم دهر ما اوفي حقهم...
باوعت عليهة.. حتى انتي يااختي لا تعتبرين نفسج شفتي حنية منهم ترة ديتاجرون بيج
وبجمالج وخصوصا امج لا تعتبرين تحكم امج بحياتج هاي حنية وخوف منهة عليج ..
لاا هذا طمع واستغلال لجمالج للوصول لغايات ابالهة تريد تحققهة بيج....
رباب☆☆ لاطفتهة بالحجي وضحكت وياهة
...يمة يمة فرحه شنو هالحجي طبعا عيني خريجة مدارس انتي
فرحه☆☆ هذا كلام ابوية مجيد وجان يتمنى يحجيه وياج بس تعرفي يتجنب المشاكل دائما لان انسان مسالم ..
شوفي نفسج رباب ترة الحياة تركض ومحد ينتضرج حلوة اي بس الحلاة يروح صدكيني ميبقى على حالة
رباب☆☆ هااااي شلج بيهة انوب شطالبتني جمالي يروح؟ بلة شلون يروح عيوني تنكلب سود لو اني اصير سودة 😒
فرحه☆☆ رغم اني اصغر منهة بالعمر بس فاهمه الدنية وواعية اكثر بهواي منهة ...
كلتلة لا حبيبتي اسم الله عليج انتي جميلة وراح تبقين حلوة وجميلة وعندج حسن محد شايلة... تركتهة ولزمت كتابي وسويت نفسي اقرة
رباب☆☆ تركتهة وكمت .. وهمست كلهن هيج البنات الغيرة ذابحتهن😒 مني هووف..
مرت الايام واني امارس حياتي اليومية .. اطلع للسوك اتسوك واجيب نواقص البيت وبالاسبوع مرة اروح للبستان اشوف شتحتاج.
وبيوم من الايام رحت للبستان لوحدي امي ماكدرت تجي وياية بيومهة لان مرضة
ومفاصلهة هايجه عليه اضطريت اروح لوحدي لأن جان عدنه حصد محصول وجان لازم
اطلعت فلح وعمال بمساعدة جوارينه ابو ريسان .. جنت لابسة نفنوف وفوكاه بس
عباية لان مكان زراعي وبساتين ماكدرت اروح مفرعه لوحدي وكفت يم بيت البستان اراقب العمال..
شفت سيارة بيضة صغيرة دتمشي بالدرب الترابي وجاية على بستانه... ضليت وكافة
واباوع لمحت هاي سيارة عمي ابو مشتاق طبك السيارة ونزل منهة مشتاق ... ما اعرف
شوصف شعوري فرح لهفة حب قلق .. بقيت بمكاني واكفة مارحتلة حسيت رجلية
ثكلن ..اجى مشتاق يباوع علية وعيني بعينه واتقرب يمي ...
مشتاق☆☆ جنت طالع من البيت دروح للدائرة الاشتغل بيهة وكفت السيارات لان اشارة المرور عالكه..
وصدفة شفت وحدة جنهة رباب تمشي لوحدة ركزت اكثر اي والله هاي رباب جانت متهجة
لطريق البستان حاولت اوصل الهة بس جانت السيارات هواي واكفة قبلي..
بهالاثناء هية صعدت سيارة اجرة وراحت اتخبلت من يمي هاي لوحدة يالله شلون..
بين ما مشت السيارت اني طالعه روح روحي
شخطت السيارة ومشيت سريع بس مالحكت
سيارة الاجرة الاخذتهة عاد راسا كملت طريقي لمزرعتهم ... نزلت من السيارة شفته واكفة
بعيد يم بيت المزرعه.. شبت نيران بيه مهما يكون صعبة شلون هيج هية بنت وتوكف بنص فلح والله جريمه وصلت يمهة وسلمت.. شلونج بنت عمي
رباب☆☆ ياهلا ياهلا بمشتاق ياهلا بيك ابن عمي.. شعجب اليوم بينت
مشتاق☆☆ ليش جاية لوحدج رباب ؟ شلون تجين لهنا لوحدج ..انتي متعرفين هالدنية شبيهة؟ ترة البشر وحوش وانتي بنت بنصهم
رباب☆☆ ماعندي احد ياابن عمي ابوية تعرف حالته واخوتي لاهين بنفسهم وامي رجلهة ومفاصلهة كابة عليهة وفرحه تدرس
مشتاق☆☆ يافرحه يمعودة الجية لهنا يحتاجلهة زلم مو نسوان.. اوف استغفر الله يارب.. يلة اني وياج باقي الى ان تخلصين
رباب☆☆ خجلت من موقفة وياية وكلتلة..
ماريد اتعبك مو عندك وضيفة خاف يعاقبوك
مشتاق☆☆ هاي الرسميات مو وياية رباب وطز بالوضيفة هوة قطع راتب خلي يقطعوه..
انتي عرضي شلون اتركج لوحدج كل عقلج اذا يصير شي عليج شيفيدني راتبي.
ضلينه شوي ساكتين ما اتحملت اكثر باوعت عليهة بطرف عيني عتاب وقهر واضح عليه..
ليش رفضتيني رباب ليش ماحاربتي امج علمودي ليش ماكلتيلهة احبك؟ ليش وليش الف ليش ابالي
رباب☆☆ بقيت ساكته ومدنكه راسي ما😔 عرفت شحجي وشنو اكلة.
مشتاق☆☆ مستعد انتضرج طول العمر بس انطيني وعد متكونين لغيري ..
رباب☆☆ شفت نفسي الوكت يمر وامي متقنع باي واحد ...هواي اتقدمولي وكلهم تطلع بيهم الف علة ...
وهو كلامه يسلب العقل يخلي البنت تنجبر بيه وما انكر اني اميل اله هواي
مشتاق☆☆ ليش ساكته وماجاوبتي رباب؟ والله انتضرج طول العمر بس انطيني وعد تكونين الي ومتفكرين باحد غيري
رباب☆☆ ابتسمت ودنكت راسي بخجل وكلتله ... اوعدك مشتاق ماكون لغيرك.. كوة حجيتهة الخجل ذابحني 😶
مشتاق☆☆ يبووووو مي بااارد نزل على كلبي ردت اهجج الفلاحين واشتغل بمكانهم
من فرحتي وحماسي 😀..الله يريح كلبج بنت عمي صدكيني انتضرج لو صار عمرج بالستين
وعجزتي وصرتي مكرمشة ومتتباوعين وسنونج واكعه وشعرج مشيب وتمشين على عكازة همين اخذج اخذج 😎
رباب☆☆ ههههه😂ههههه اوووف كلماته تخبل تخليني انجبر بيه... كملنه المحصول
واخذوه للعلوة ديبيعوه بيت ابو ريسان وبعدين يجيبون الربح ...خلصنه شغلة ودنرجع.. اخذني مشتاق بسيارته
مشتاق☆☆ مو تريدين تشوفين شلون يسوقون 🤗 كعدي يمي واتعلمي
رباب☆☆ 😀 اتعلم صدك تحجي
مشتاق☆☆ ااايييي اعلمج وانطيج السيارة تسوقين بيهه بس مو تلطمينه بلوري لو باص ونصير يخني 😂
رباب☆☆ههههههههههه من الفرحه راد كلبي يطلع 😍 من مكانه كع
دت يمه وساق بلسيارة
وبدة يعلمني هذا سكان وهذا كير وهذا بريك وهذا بانزين ومدري شنووعود ديعلمني واني
مثل المخبلة اباوع ومسوية نفسي افتهم وكل همي بس اريد الزم السكان 😂... طلعنه على
الشارع العام وجان فارغ وبدة يدووووس ويمشي سريع ونوبة ثانية يخفف ويصير
بطيء ويرد يمشي سرييييع خبلني خلاني ابجي من الضحك والخوف واصيح .. مشتاااق اختااف يمعوددد ااااا
مشتاق☆☆ ولج فضحتينه بت فضيله صوتج هرج ااش يلة هااا اها ووكفت السيارة بس اسكتي ولج
رباب☆☆ ضليت اضحك من كل كلبي من كد الضحك عيوني دمعت بحياتي ماضحكت هيج
ضحك ولافرحت هيج فرحه ولاحسيت بهيج اهتمام شعور مينوصف وصلني للبيت ورجع لشغلة..
⚘صارت سنة 1976 امي قررت تزوج غسان ومازن لان تعبوهة يومية شرب وسكر وعربدة
وصرف فلوس كالت تزوجهم وتخلص منهم حتى يعقلون... غسان اتزوج من اقرباء امي
من بعيد وحدة اسمهة جميلة.. ومازن اخذ وحدة من ولايتنه دلونه عليهة الناس اسمهة
سعاد سوينه عرسهم بيوم واحد.. بس فرحة مقبلت تلبس الوان وتنزع الاسود لان السنه
مالت عمو مجيد ماجانت طالعة ... عزمنه كل كرايبنه وجوارينه وصار عرس ضخم والدنية
كلهة اجتي ... ردو خطبوني بعرس اخوتي واحد مهندس ويريد يطلع لبريطانية يكمل
دراسته بس امي ماقبلت كالت ما اكدر بلياهة وين تروح وتعوفني انوب.
مرت فترة على زواج اخوتي وبدت مشاعري تتحرك اشوف نسوان اخوتي بعمري واتزوجن
وصارن مسؤلات من زلم وبدن يتعيقلن ويتمقلجن براسي وسوالف الجناين المتخلص
وتالي حبلن واني بعدني ... ما اتحملت هالوضع اكثر كلت خلي احجي وية امي بلكي تفهمني ... يمة اريد اكلج شغلة
ام غسان☆☆ كولي بنيتي
رباب☆☆ يمة اني اريد مشتاق.. وقابلة بي حتى لو على كد حالة .. حجيت وياهة واعرف كلش زين ردهة
ام غسان☆☆ هالموضوع لاتفتحي وتعرفين رأيي بي وماله داعي هالحجي هسة.
رباب☆☆ اختنكت من تصرفات امي وبديت اطلع حركتي بالجناين امنعهن يشتغلن بالبيت
حتى يعرفن اني سيدة البيت والكلمه كلمتي .. انوب كل وحدة منهن كيفت على هالوضع اني
اشتغل وهنة كاعدات رديت قلبت عليهن وجبرتهن يشتغلن وقسمت الشغل بناتنه بس اني الاقودهن ...
وصل حد بيه اتحكم بالطبخ شنو اليعجبني اني اطبخة كلشي على مزاجي مو مزاجهن..
مرت الايام وحالتي النفسية تتعب اكثر واكثر حتى مشتاق مو بسهولة اشوفة كل اسبوعين مرة...
وبيوم من الايام جنت طالعة للسوك اتسوك وشايلة سلة المسواك ودة اطلع من الجزدان
الفلوس ومامنتبهة اني ودة امشي انضربت بمرة جبيرة بالعمر ووكعتهة بالكاع راسا ذبيت
الغراض من ايدي وشلتهة شفت بوجهة.. يا هاي خاله ام رائد .. مرة جوارينه معتكفة
خطية متطب وتطلع على احد من يوم الاخذو زوجهة وعدمو لان جان شيوعي هالحجي تقريبا بسنه 1963 من عدموه..
سلمت عليهة واتاسفت منهة وكلتلهة ماتركج خاله اني ارجعج للبيت.. خطية اتشكرت مني
شلت سلة المسواك مالتي ومالتهة ولزمت بأيدهة وكمت اتمشى وياهة ونسولف .. خالة اشو لوحدج وين بناتج ولدج
ام رائد☆☆ البنات زوجتهن يايمه خو مو يبقن كدامي اخذوهن اهلهن كرايب ابو رائد الله يرحمه...
وارئد موضف يطلع الصبح ويرجع الضهر خطية ميكدر يتسوك يجي تعبان واضطر اني اطلع للسوك
رباب☆☆ ليش ماعندج غير ولد خاله.
ام رائد ☆☆ لا يمه هو بس هالوحيد عندي ووراه بنات
رباب☆☆الله يحفظه الج يا خاله صدك جذب اني اخدمج بعيوني منا وهيج امر عليج بين ويوم ويوم واشوف شتحتاجين واجيبهن الج
ام رائد ☆☆ يايمة عيوني انتي ماريد اتعبج
رباب☆☆ لا عيب خاله شهالحجي اتعبيني شنو هو اني رايحه للسوك واتسوكلج بدربي وهمين حسبة بناتج واخدمج بعيوني حجية
ام رائد☆☆ ياعيوني يمه ربي يحفظج لشبابج حبيبة ويسعد بختج ان شالله
رباب☆☆متتصورين ياخاله ابوية شكد يحب عمي ابو رائد الله يرحمه خطية والله من اخذوه شبع بجي عليه.. اني ودة احجي وياهة شفتهة كامت تبجي
ام رائد☆☆ عمت عيني عليك ابو رائد سندي بهالدنية العوجه اخذوه برمشة عين مني
اوووف يازمن شراواني من ظيم بس كلهة بجفة وكسرة ضهري باعدام ابو رائد بجفة ..
راباب☆☆ شفتهة شلون تحجي وتبجي ومحروك كلبهة عبالك ستوة اخذوه ولا عبالك صارلة 14 سنه من توفى...
قارنت بينهة وبين امي .. شلون تعامل ابوية وشلون تتضجور منه وشلون تمشي كلمتهة عليه.. وصلتهة للبيت وسلمت عليهة ورجعت
⚘وفعلا كمت بين يوم ويوم من اريد اطلع للسوك امر على خالة ام رائد ......وبيوم من الايام مريت عليهة مثل كل مرة ودكيت الباب..
رائد ☆☆ جنت نايم واسمع الباب يندك .. ما اهتميت وبقيت بفراشي .. زادت دكات الباب
وانسطرت😑 من الدك كمت من فراشي حتى ماغسلت وجهي ولا رتبت شعري فتحت الباب
وشفت رباب بنت ابو غسان كدامي... بوية والله جمالهة يكتل من تشوفهة من قريب يبين
حسنهة اكثر ..عيون وساع وخضر وشعر اشكر وبيضة كطن ..
رباب☆☆________؟
