رواية مشاعر مؤقتة الفصل الثاني عشر بقلم مجهول
عقيل : طلعت من الحمام لگيتهة گاعدة وصافنة
گربت منهة وگلتلهة شكبر حظي يو طلعتي صافنة
بحچاياتي
جمانة : فزيت من صوتة وگلتلة لا هيج
عقيل : اروحن ندز للهيييج
جمانة : اريد ترجعني لبيتنة قبل متگعد امي
عقيل : لا الصبح اوديچ تعبان من الطريق
جمانة : يعني اليوم اجيت من البصرة
عقيل : اي اليوم اجيت
جمانة : ماشي اسفة ازعجتك
عقيل : شني هلرسميات الزايدة
جمانة : هذا طبعي عقيل
عقيل : اخ گلبي ولچ يو متصاوب بگلبي
ولاحچايتچ هاي
جمانة : اسم الله ليش عود
عقيل : لاجمارة راعي وضعي تراني رجال اربعيني
واتخردل من سوالف الحلوات بهداي عليي
جمانة : ردت اگوم جرني من ايدي
عقيل : وين رايحة
جمانة : اريد اسبح وانام تعبانة
عقيل : عضيتلهة طارف شفتي وگلتلهة دهر كون
جمانة : ولو ماعرف شنو تقصد بس ممكن تعوف
ايدي مضل بية حيل البيتة بلمستشفى تعبتني
عقيل : عصرت ايدهة وگلتلهة صدك انتي
شلون تطلعين من غير اذني لا وبايتة برى بعد
جمانة : اني مجنت اتونس امي مريضة وسويتلهة
عملية
عقيل : هلمرة سماح مرة الثانية لاتطلعين بدون اذن
جمانة : ممكن تعوفني اگوم عاد
عقيل : گومي يبعد هلي بس البسيلچ شي كون
مستور ويضم حسنچ تراني ماضل بية حيل
جمانة : گمت واني لافة الشرشف على نفسي
سبحت ورجعت لگيتة نايم تمددت بصفة بس بعيد عنة
ورى شوية سحبني لحضنة وهو بين النايم والگاعد
عقيل : لتبعدين جمارتي تراه البعد يذبح
جمانة : حضنة دافي كلامة يسوي اعصار بگلبي
كل شعور احاول اسيطر عليه بلحضة يجي
كلامة مثل الاعصار يخلي المشاعر تدور بگلبي
ومتستقر لااگدر اسمح لنفسي احبة ولا اگدر
امنعهة حرب طويلة ماعرف شلون راح تنتهي
واصعب الحروب هي اللي تخوضهة ضد نفسك
لاتگدر تقسى وية نفسك ولاتتعاطف وتتهاون
اول مرة اركز بملامحة شعرة شواربة
حواجبة كلهن يعكسن رجولتة بشرتة فاتحة
وشكلة متناسق غفيت واني اباوع بوجهة ساعة
اتذكر غزلة وابتسم وساعة اتذكر طبيعة علاقتنة
وتختفي ابتسامتي كعدت علاذان يمكن احلى شي
بحياتي انو اني اگعد علاذان لو مهما تغير الوقت
بلشتى او بلصيف اگعد علاذان عبك متوقتة
سمعت تلفونة يدك شلتة شفتة المنبه طفيتة
ونغزتة بزندة بس هو ولا حس مستقتل
بلنوم رجعت نغزتة تحرك شوية وهم رجع نام
گرصتة بزندة چان يضربني على ايدي
عقيل : شمالچ ولچ الدنيا ليل شعندچ گاعدة
جمانة : اگعد علصلاة
عقيل : ليش اذن
جمانة : اي مجاي تسمع الاذان
عقيل : ماشي گومي نصلي
جمانة : گام وهو يتثاوب ومبين نعسان حيل
عقيل : ولچ شلون بيچ شلحگت انام انا
جمانة : واني شلي علاقة
عقيل : لاخالتي الهة علاقة
جمانة : عوف هاي السوالف گوم نصلي
عقيل : شعجب تصلين
جمانة : وليش ماصلي يعني
عقيل : اشوف البنات اللي بعمرچ مو ابالهن
الصلاة والدين
جمانة : كل واحد وتربيتة
عقيل : گمت طلعت برى اتوضى طلعت وراية
وتفرك ايدهة من البرد گلتلهة فوتي جوة
الجو بارد عليچ هنانة
توضيت ورجعت لگيتهة واكفة علسجادة
فرشت سجادتي وگلتلهة نصلي جماعة
جمانة : هزيتلة راسي رفع ايدة وگال الله اكبببر
صوتة بي هدوء غريب وامان ماعرف هي هاي
حقيقتة لو جاي يتصنع گدامي
اسراء : گعدت اصلي عاينت لفراش حور مالكيتهة
كل ضني جاي تتوضى رحت للحمام مالگيتهة
دورتهة بلغرف وبلطابق الثاني ماكو چن فص ملح
وذاب خفت هواية ورحت گعدت عماد
عماد عماد اگعد حور ماهي موش بلبيت اطلع
دورهة لتكون راحت للبستان
عماد : ولچ يا بستان هاذ من الصبح
اسراء : مادري خوية شوفهة گلبي موش مرتاح
طلع عماد يدورهة گعدوا امي وابوي وبلغتهم
ابوي طلع يدورهة وامي گعدت تدگ وتلطم
حور مثل بنتنا ونخاف عليهة هواي ومدللينهة
وصعبة البت تطلع بهيچ وكت غير يو ناهبهة
واحد يو شاردة وبلحالتين تضيع سمعتهة
ضليت افكر انا المن اگول اخابر ابوي
اگلة هو الة منصبة بلكت يلگاهة
كاظم : ياهلا بلصباح اليبدي بهيچ وجه
حور : لا يلردي يلخسيس تنهبني وانا بت عمتك
چا يو غريبة عليك شتسوي
كاظم : العشگ سودني حوريتي اريدنچ
اريدچ كون بس الي وعلي يو صرتي
الي لخلين شيخة علسلف تأمرين وتنهين
حور : تخسى تطخ شعرة من راسي يلنذل
انا لعقيل وماصيرن لغيرة
كاظم : ولچ هو وينة عقيل طاير ورى بنات بغداد
وموش شايفچ ولا شايلچ من گاعچ
حور : مالك غرض انت حتى يو ماشافني
انا ماشوفن غيرة ردني لهلي وسوالفك الماصخة
بطلهة شراح تربح من نهبتني
كاظم : ضحكت بمكر وگلتلهة يوم عمامچ يعرفون
بيچ شاردة وياي راح يزوجونة وراح تصيرين لكاظم
وانتي الممنونة
حور : نجوم السما اگربلچ يلعفن يلمابيك ريحة الغيرة
انا حبيت عقيل چي زلمة وطالع من ضهر زلمة
سنين انة عندة وماعاينلي مثلك وحتى من درى
بحبي مااستغل عشكي ولك تروح فدوة لمداسة
يلس٫٫٫٫٫ط
كاظم : عصبت وعصرت فچهة ولچ هينة تصيرين الي
وانا ادفعچ ثمن حچاياتچ ذني وحدة وحدة
حور : راح عني وانا تفلت وراه كون اگدر اشيل
وجهي واشمرة چي جاسة هذا الچلب
ايدية مربطة وماگدر احلهن صرخت وماحد اجة
وخلصني ماعرف وين جايبني هذا الاغم
وينك يعشگي تعال وشوف حوريتك شجرالهة
يو راضي بحبي ومخليني حرمتك چان هسة ماحد
استجرى يگرب صوبي
اسراء : عماد رجع بعد ما جزع وهو يدور ومايكدر
يسأل احد يخاف ننفضخ شنسوي يارب
گلت لازم ابلغ ابوية يجي يشوفهة وين صارت
عقيل : كملت صلاة وصديت عليهة لگيتهة رافعة
ايديهة تدعي كلتلهة كون دعوة حلوة النة وياچ
جمانة : ابتسمت وهزيتلة راسي دعيت كون الله
يهديه ونتفارك بدون عذاب لا الي ولا الة
ودعيت الله يوفقة بحياتة ويشفي امي ويخلصني
من هذا الوضع الصعب اللي اني بي هواية شكيت
لملك الملوك دعيت كون الله ينورلي طريقي
ويدزسلي العون والناس اللي تساعدني
ويبعد عني ولد الحرام حسيت اكو هوا خفيف
ديضرب وجهي فتحت شفتة عقيل گاعد قريب
علية وانفاسة علية مسحت وجهي بيدية
ونزلتهن
عقيل : ماگدر اكلچ امين خاف دعيتي علية واروح
بيهة
جمانة : اني مادعي على احد لو مهما سوالي
عقيل : اذا هيچ امين گومي سويلنة ريوك
جمانة : اجيت اگوم الدشداشة جانت طويلة تعثورت
بيهة ردت اوگع هو بسرعة سحبني وكعت بحضنة
عقيل : بوية گولي تردين حضن المن هاي السوالف
مال مسلسلات هندية
جمانة : انحرجت وگلتلة لا والله ممتقصدة
عقيل : تقربت وهمست بأذنهة شراح يصير بلدنيا
لو مرة انتي اللي اجيتي لحضني برضاتچ
جمانة : بوخت رغم كلشي يصير بينة تبقى كلمة
منة تخربط اوضاعي احس گلبي يصير بكل جسمي
جسمي كلة يصير ينبض وافقد السيطرة على نفسي
واحس جسمي مابيه طاقة ماعندي القدرة حتى ادفعة
او اگوم منة او اتجنبة هذا الانسان عندة سحر
عجيب رغم كل ثگلي واحترامي لنفسي يمة
اصير شخص ثاني شخص يريد الاهتمام
والحب حطيت ايدي على صدرة
وكلتلة ميصير شي بس اني مدخلت هاي العلاقة
برضاتي ولا عن قناعة حتى اتعامل وياك هيج
عقيل : اي والله هيييچ شو بلة گولي استاذ
عقيل وجيبيلي صبورة وقلم خاطر ادرسچ
جمانة : اريد اضحك وماگدر حاولت اصيطر
على ملامحي گلتلة شتعلمني
عقيل : تقربت منهة وهمست بذنهة
اعلمچ علعشك شلون يصير
شلون تنطين گلبچ وروحچ للغير
من يصير الغريب اگرب من الروح
ووياه تتشافى اصعب الجروح
من يطلعلك انسان من رحم الصدف
غيره الگلب لاشاف ولا راد ولاعرف
وياه يصير الحچي شكل ثاني
وكون ارجع طفل واصيرن صف ثاني
وكون تصير معلمي ونگضي العمر سوية
جمانة : هسة هذا شعر ابوذية
عقيل : هههههههه انتي شتريديه
جمانة : هاي انت تكتبهن
عقيل : لا انا ماكتب سامع من يگولون
اليعشگ يصير شاعر انا هيچ
جمانة : شوكت اكوم من حضنك
عقيل : هههههه انتي حلتلچ الگعدة انا شلي غرض
جمانة : شنو هاي عفية لتحچي هيچ
عقيل : كون اروحن نذور للهيچ ورب الهيچ
وللي يگول هيچ شو دتعاي
جمانة : اخذ شفتي بكل قوة حسيتهة راح تنشلع
شوية ودگ تلفونة
عقيل : وخرت منهة وگلت هسة هذا هم وكتكم
بس هو الماعندة حظ منين نشتريلة
جمانة : راح يرد علتلفون ومبين عصب
عقيل : شني شجاي تسولفين """""" وين ولت يعني
""""""""ولچ لا تسودنيني """"""" جاي جاي
گومي لبسي عباتچ اردچ لبيتچ
لازم ارجع للبصرة
