رواية جزيرة غراب الوادي الفصل الثالث عشر
صلوا على النبي 🤍
اللَّهُــمَّ صَلِّ وَسَـــلِّمْ وَبَارِكْ على نَبِيِّنَـــا مُحمَّدﷺ
«ليس كل من يرتدي ثوب المسكنة معصوماً من الغدر.. فبعض العقارب لا تلدغ إلا وهي مختبئة في ظل من يُحسن إليها.»
(كشف القناع الأول)
﷽
في تلك اللحظة التفتت موج بفزع لتنظر خلفها.. وما إن وقعت عيناها على جلال حتى تبدد خوفها؛ لم ترتبك كعادتها ولم تقلق
بل على العكس تماماً تنهدت براحة غريبة وسرت في جسدها طمأنينة لم تعهدها من قبل رغم أنه لم يحدث بينهما أمر كهذا سابقاً.
سحبها جلال للخلف بضعة خطوات بهدوء وحزم ثم التفت إلى رجله وقال:
جلال: منعم.. ركبها العربية وتعالالي!
أومأ منعم برأسه طاعةً ثم مد يده مشيراً لموج لتسير أمامه نحو الخارج.
ترددت موج وهي تنظر لجلال بقلق:
موج: بس.. شاهين بيـ...
جلال (مقاطعاً بنبرة حاسمة لا تقبل النقاش): اطلعي معاه دلوك!
نظرت في عينيه لثوانٍ بنظرات حائرة ثم هزت رأسها وسارت بصحبة منعم لتستقل السيارة بالخارج.
وقف جلال أمام باب الغرفة لثوانٍ معدودة أغمض عينيه بشدة ليعتصر غضبه المكتوم ثم مسح بكفه على ذقنه ورفع رأسه بنظرات حادة ونارية نحو الحارس الذي وقف متسمراً دون حراك منذ وصوله..
اقترب منه جلال في لحظة خاطفة، وسحبه بقوة من تلابيب ثوبه ثم هوى عليه بلكمة عاتية طاحت بجهة وجهه وألقت بجسده صريعاً إلى داخل الغرفة ليقتحما معاً هدوء شاهين وجلسته!
انتفض شاهين من كرسيه دفعة واحدة من شدة اندفاع جسد الحارس للداخل، ونظر بحدة ليرى ما الذي يحدث.. وما إن وقعت عيناه على جلال حتى رفع وجهه للسقف بطفش ونفاذ صبر ثم أعاد نظره إليه قائلاً بتهكم:
شاهين: يابوي بتطلعلي منين أنت؟!
حاول الحارس الملقى أرضاً الهرولة للخارج بإنهاك فاستوقفه جلال بنبرة هادئة لكنها جمدت الدماء في عروقه وهو يشير إليه:
جلال: لو رجلك خطت بره باب الأوضة دي.. هخلي منعم يربطك علي أول المعدية !
تسمر الحارس في مكانه من الرعب دون حراك، بينما سار جلال بخطوات ثقيلة ومتحسبة نحو شاهين وجلس على الكرسي المقابل لمكتبه بكل هدوء..
لكنه كان هدوءاً ظاهرتاً يسبق العاصفة وفي جوفه نيران مشتعلة لو أطلق سراحها لقضت على شاهين في لحظته.
نظر إليه شاهين باستفزاز وقال:
شاهين: إيه يعني جاي تقعد وخلاص؟!
رفع جلال سبابته محذراً ودون أن ينطق بحرف مشيراً له بأن يصبر.
انتظر جلال بضع لحظات، بينما أخذ شاهين يكمل سحب حجر أرجيلته ببرود مستفز وكأنه لم يدبر تدبيراً ولم يفعل شيئاً.
وبعد قليل دلف منعم إلى الغرفة وقال:
منعم: أمرني يا جلال بيه.
التفت إليه جلال وقال بنبرة صارمة:
جلال: الواد ده.. تاخده من هنا وتظبطه زين عارف يعني إيه تظبطه!
ارتعد الحارس واستنجد بشاهين:
الحارس: شاهين بيه!
رفع شاهين كتفيه بقلة حيلة ومراغمة خبيثة وقال:
شاهين: شاهين إيه؟ جلال بيه ريسك الكبير.. ماليش أدخل أنا!
أردف جلال وهو ينظر لمنعم بتحذير:
جلال: هشوف بعد ما تخلص يا منعم.. ولو معجبنيش ظبطك ليه هظبطك أنت بداله!
منعم: حاضر يا بيه.. أستناك ولا...؟
جلال: له.. شوف شغلك وارجعلي السرايا.
منعم: حاضر يا بيه.
تقدم منعم ونفض الحارس من الأرض لسحبه إلى الخارج وغادر به المكان تاركاً الغرفة لصدام صامت ووشيك بين الأخوين.
جلال: قلتلك إيه يا شاهين؟!
شاهين (ببرود مستفز): فكرني.
جلال (بنبرة هادئة كالسم القاتل): حذرتك تاجى ناحيتها أو تقرب منها.. بس اللي مستغربه هو السبب! فكرت وملاقيتش سبب واحد.. مش قادر أحدد دي وساخة منك ولا ندالة ولا فراغة عين؟!
أخذ شاهين نفساً عميقاً من أرجيلته وقال بابتسامة خبيثة:
شاهين: موج.. صوح يا جلال؟ عاجباك ليه كده؟! عشان اسمها ولا شكلها؟ والله زعلت إنك جيت بسرعة..
ملحقتش حتى أشوف وشها وأعرف البت اللي خفت عقلك دي حلوة قد إيه!
في تلك اللحظة انتفض جلال من كرسيه كالبركان المشتعل وبدأ بتكسير كل ما تطاله يداه في الغرفة بشكل عشوائي وهستيري؛ تهشمت الأوراق والأغراض على المكتب وأغراض الزينة لتتحطم على الأرض بصوت مرعب!
هرول بعض الحرس للمكتب بفزع ليروا ما يحدث لكن شاهين أشار لهم بيده وهو يبتلع ريقه كي يخرجوا فغادروا جميعاً فوراً .
مال جلال على شاهين وبسرعة خاطفة قبض على ثيابه من صدره وجذبه بقوة عاتية حتى أوقفه من كرسيه
فنفض شاهين يد جلال عنه بغضب وصاح:
شاهين: صدقني أقدر أخلص عليك لو فكرت تقل مني وتقل احترامي قدام عمال شغلي!
جلال (بابتسامة سخرية مظلمة): حلو.. بتخاف على شكلك ومظهرك يعني!
شاهين: امشي من هنا وجو الجنان ده ميلزمنيش.. طالما لا هي مرتك ولا خطيبتك ماليكش صالح باللي أعمله معاها!
اقترب جلال من وجهه وهمس بنبرة حادة كالسيف:
جلال: اعتبرها التنين!.. ومن غير ما أمد يدي عليك متنساش إن بأيدي أثبت بسهولة ولدك من "وعد".. حبلت فيه قبل جوازكم ولا بعده؟!
هنا.. طارت اللمعة الاستفزازية من عيني شاهين ولم يتمالك نفسه واشتعل وجهه بغضب عارم حتى بدأ جسده بالكامل ينتفض من شدة الصدمة والانفعال وصاح بصوت هز أرجاء الغرفة:
شاهين: لو فتحت خشمك بكلمة في الموضوع ده هقتلك!
جلال (بقسوة وثبات): خايف على ولدك يتعاير ويقولوا عليه ولد حرام بعد عني وعن موج.. عن "موووج".. سامع؟
مش هتكلم عشان خاطر الواد المسكين.. بس هو قصادها وشوف أنت هتختار مين فيهم قلتلك عيني عليك وبيَامين الله لو لمحت كلب تبعك ماشي وراها تاني زي النهاردة.. لندمك أشد ندم
وأنت عارف أبوي يبيعني ويبيعك عشان مكانته وحُكمه.. اللي بياجي معاك وفي صفك طول الوقت لو الموضوع ده وصل لحكمه ومنظره قدام الخلق،
هيرميك في الشارع أنت ومرتك زي كلاب السكك!.. اللهم بلغت.
ثم قال قبل ان يغادر:
جلال: متنساش ساعتها العمدية والحكم اللي بتحارب عشانهم من دلوك، هيطيروا زي الرماد في الهوا!
تركه جلال وانصرف بخطوات ثقيلة ومستقيمة متوجهاً نحو سيارته بالخارج بينما ضرب شاهين الأرجيلة بقدمه بغضب عارم أطاح بها أرضاً
وظل يملس على شعره بذهول وهو يغلي من خيط الفضيحة الذي أمسك به جلال بخصوص الطفل أمام والدهما.
وصل جلال إلى السيارة وركب خلف المقود ثم نظر في المرآة العاكسة وقال بنبرة هادئة لكنها آمرة:
جلال: تعالي قدام.
صمتت موج للحظات بتردد ثم فتحت الباب الخلفي وترجلت لتركب في المقعد الأمامي بجواره.
سار جلال بالسيارة مبتعداً عن المكان في صمت مطبق، حتى انزوى في منطقة خالية وهادئة فأوقف السيارة والتفت إليها.
جلال: قلتلك مترحيش في أي مكان غير لما تعرفيني الأول!
موج (بصوت مرتجف): رنيت عليك كتير الليل يا جلال بيه ومردتش!
جلال: مردتش يبقى متروحيش واصل غير لما أرد وأعرف!
موج: بس أنا عملت اللي عليّ.. وشاهين بيه قال ما أتأخرش في الروحة!
انتفض جلال وصاح بنبرة حادة وصوت جهوري رجّ أرجاء السيارة:
جلال: مالييييش صالح بشاهين قلتلك إياكي تطلعي في حتة إلا لما تخبريني تسمعي الكلام.. مش كل حاجة مقاوحة وكل كلمة عندك ليها رد جاهز!
فزعت موج من ثورته المفاجئة والتصقت بباب السيارة وهي تتنفس بسرعة غير مُدركه سبب انفجاره وجنونه، بينما سكت جلال فجأة وكأنه استوعب حدته.
لم تتمالك موج نفسها؛ لم تكن تدري ماذا يحدث حولها ولماذا تُدفَع في هذه الدوامة فضاق صدرها وانهمرت دموعها بصمت شديد.
نظر إليها جلال ورأى دموعها فخفت حدة عينيه وتنفس ببطء قائلاً:
جلال: لامؤاخذة.. مش نايم زين.
ردت موج بصوت مخنوق ومتحشرج:
موج: مش هينفع أكمل وياك في العربية علشان لو حد شافنا.. أنا هنزل هنا.
جلال: إحنا بعيد عن مكان شغلك وبيتك حتى.
موج: مش مهم.. هتمشى.
فتحت باب السيارة لترجل فأمسك بذراعها من جديد؛ التفتت إليه بضيق فترك يدها فوراً وقال بنبرة أهدأ:
جلال: ثواني خليكي.. هواصِلك لمكان قريب من شغلك وأنزلي هناك.
أغلقت الباب مرة أخرى بصمت بينما أردف جلال يحاول تدارك الأمر:
جلال: مش قصدي اللي حصل.. بس مكان شاهين كله رجال ومفيش بنات بتدخله واصل عشان كده معجبنيش اللي حصل والا روحتك.
نظرت إليه موج بعينين تلمعان بالدموع واستطردت وهي تتطلع لوجهه مباشرة:
موج: جلال بيه.. هو فيه حاجة؟ أنا مش فاهمة ولا لاقية سبب للي بيحصلي ده كله.. ياريت تقول أفهم أو أعرِف بس فيه إيه؟!
نظر إليها جلال لثوانٍ بثبات ثم أدار وجهه للطريق وقال ببرود يداري خلفه الكثير:
جلال: مفيش.. زي ما قلتلك ماينفعش تروحي مكان فيه رجال كتير لحالك!
موج (بحرص وتوتر): ماشي.. وصلني للمكان اللي قلت عليه ماينفعش نقعدوا كِدَه لازم أنزل.
جلال: ماشي.
مدّ يده ليُشغّل السيارة مرة أخرى لكنه توقف في آخر لحظة، وساد صمت قصير قبل أن ينطق بنبرة خفيضة ومترددة:
جلال: لو أتقدملك حد، عريس يعني.. تتجوزي؟!
اتسعت عينا موج بذهول واندهاش من سؤاله المفاجئ وظلت صامتة دون أن تجد رداً.
جلال: إيه؟ سكتي ليه دلوك؟!
موج (بحرج وتلعثم): معرفش.. عاوزة أمشي أخرت.
جلال: ماشي.. فكري براحتك.
سألته موج بنظرات حائرة ومقطعة، وقلبها يدق بدقات متسارعة:
موج: مين هو؟!
ابتسم جلال بتهكم خفيف على حيرتها وقال:
جلال: هايكون مين أكيد مش هشتغل خاطبة أوفق راسين في الحلال يعني.. قصدي عني أنا!
شخصت أبصار موج بعيداً في مجلسها من شدة الصدمة وعادت تلتصق بباب السيارة وهي تتطلع عبر النافذة ووجهها يشتعل خجلاً وارتباكاً غير مٕصدقه.
لاحظ جلال توترها فقال بنبرة أهدأ:
جلال: خفتي ليه؟ هو أنا هتجوزك دلوك بقولك فكري!
أدار محرك السيارة وقادها حتى وصل إلى مكان قريب صالون العمل ثم أوقف السيارة جانباً.
موج (بصوت خافت ومرتبك): شكراً.
فتحت الباب ونزلت مسرعة تهرول في الطريق لتصل للصالون دون أن تلتفت خلفها ولو لمرة واحدة.
وقف جلال يراقب خطواتها المتسارعة وطريقتها المهرولة في السير حتى اختفت عن ناظريه ثم اتكأ على مقوده وحدث نفسه هامساً بابتسامة ساخرة:
جلال: مالها دي؟ لو رفضتك تبقى انفضحت يا جلال!
ـــــــــــــــــــــــــــــــــــ**
وصلت موج إلى محل عملها ودلفت بسرعة ثم ألقَت بجسدها المنهك على الأريكة، وهي تتنهد بصوت مسموع وترتعش خجلاً وخوفاً من هول ما سمعته في السيارة.
لاحظت زينب حالتها فاقتربت منها بفضول وقلق:
زينب: خير يا رب مالك يا موج؟!
موج (وهي تحاول ضبط أنفاسها): ماليش.. أنا زي الفل أهه!
زينب: مش باين واصل.. وجاية متأخرة ليه النهاردة؟!
موج (بمحاولة كاذبة لتبرير موقفها): راحت عليّ نومة، عشان كده جاية جري في الطريق.
زينب (بنبرة شائكة): اه.. راحت عليكِ نومة وسعدية هتسيبك كِده عادي قلتلك قبل سابق أني مش مرتحالك ومصدقتنيش!
ودون أن تتيح لها موج فرصة للإجابة دخلت إحدى الزبونات إلى الصالون فتركتها زينب لترتاح وتوجهت لترى طلب الزبونة.
أما موج فاستغلت الانشغال وأغمضت عينيها لتسترجع كلمات جلال الصريحة غير مصدقة أنه نطق بها بتلك السهولة ودون أدنى تردد!
همست موج لنفسها بذهول وارتباك:
موج: مش معقول والله.. مش مصدقة ليه وعشان إيه؟ جلال بيه وأنا.. يا مري باين إنه معجب صوح بس مش لدرجة الجواز بالسرعة والسهولة دي واصل!
معقول يكون شارب حاجة ولا مقرقشلو برشامتين ومش واعي بس له.. ده كان واعي وزي القرد وإيه اللي حصل كله النهاردة ده بس عقلي هيشت.. نفسي حد يريحني ويقولي إيه اللي بيحصل!
تطلعت إليها زينب من بعيد واستغربت تمتماتها فصاحت بها بضحكة:
زينب: يا بت بتكلمي نفسك ليه؟! لبسك جني ولا إيه؟!
انتبهت موج سريعاً ونفضت أفكارها ارتباكاً:
موج: إيه ااا.. له أصلي براجع حسبة شوية طلبات هجيبها وأنا مروحة!
تركت حقيبتها جانباً ونهضت مسرعة للعمل تتظاهر بالطبيعية التي لم يكن لها أي وجود في وجدانها المشتت إطلاقاً.
ــــــــــــــــــــــــــــــــ**
عاد جلال للمنزل مرة أخرى ودلف لغرفته وقبل أن يبدل ثيابه طرقت نجاة الباب فسار نحو الباب وفتحه.
نجاة: أنت عاودت تاني؟!
جلال: اه.. ملحقتش أنام.
نجاة (بقلق): حصل حاجة؟ طلعت على ملا وشك بالعربية مش بحصانك وندهت عليك ماردتش عليّ وأهه.. رجعت فيه إيه؟!
أنت زين فيه حاجة في شغلك.. طمّن عمتك!
جلال (بابتسامة هادئة لتهدئة خاطرها): كانت مشكلة في الشغل وخلصتها وجيت.. متقلقيش.
نجاة: ماشي.. أنا كلمت يونس وسألت عنك وقالي معرفش بلاش تخوفني عليك تاني.
جلال: متخافيش يا عمتي هيحصلي إيه يعني؟!
نجاة: إن شاء الله ميحصلكش غير الخير يا رب.. ماشي أسيبك تنام.
التفتت لتخرج فأمسك جلال يدها بلطف وقال:
جلال: كنت عاوزك في موضوع.
نجاة (باهتمام): قولي.. خير؟!
جلال: طيب اقعدي.
جلست نجاة على طرف تخته بينما جلس هو الآخر في مواجهتها وقال بحزم:
جلال: هتكلم.. بس بيني وبينك إياكي تتكلمي مع حد غير لما أقولك حتى يونس!
نجاة: عيني.. ماشي.
جلال: أنا خلاص فكرت في كلامك وإن شاء الله هجوز.
تهلل وجه نجاة بسعادة وفرحة عارمة:
نجاة: يادي الهنا والسعد لقيت العروسة ولا هي بعينها اللي مخبيها عني؟!
جلال: هي اللي مخبيها.
نجاة: ربنا يسعدك يا جلال ويفرحني بفرحتك يا رب!
جلال: بس هتصبري شوية لما أظبط الدنيا.
نجاة (بعتاب خفيف): تااانييبقى هترجع تطنش!
جلال: له متخافيش.. المرادي كلامي واحد.
نجاة (بفضول شغوف): مين هي طيب أعرفها حلوة قولي عنها!
جلال (بنبرة جادة): لو قلتلك.. الفرحة دي هتتلاشى.
نجاة (بستغراب): وه.. ليه؟!
جلال: بنت فايز النجار.
شخصت أبصار نجاة وصدمت ولطمت صدرها بخفة:
نجاة: يا مري البت اللي اتخانقتوا عليها أنت وشاهين يا جلال؟!
جلال: يا عمتي شاهين مش عاوز يجوزها عشان رايدها.. شاهين بيعمل كده عناد فيا،
وكل الخناق ده عشان أبوي يمنع جوازي منها أو يحصل مشاكل بينا أنا وأبوي.
نجاة (بحيرة وتوجس): حتى لو صحيح.. طيب هتعمل إيه هتقف قصاد أبوك ماينفعش يا جلال.. ولا تكون عاوزني أكلمه أنا؟!
جلال: له.. متكلميش حد زي ما قلتلك، سبيني أنا هظبط كل حاجة.
نجاة (بتنهيدة خوف): مش مطمنة.. فرحتي نقصت.
جلال: اطمني وريح بالك مش هعمل حاجة تزعلك وتخوفك.
نظرت إليه نجاة بابتسامة خبيثة وعينين مليئتين بالدعم:
نجاة: بتحبها ياواد.. والله بتحبها صوح؟!
جلال (متهرباً بجمود): مش للدرجادي.. تقدي تقولي "مناسبة".
نجاة (بضحكة سخرية حنونة): مناسبة؟ كل اللي بتعمله ده وهتغير رأي أبوك وضربت شاهين عشان مناسبة متأكد؟!
جلال (وهو يفرك عينيه بتعب): اه متأكد..لوك نعسان وعاوز أنام يا عمتي.
نجاة (وهي تنهض): نام يا خوي.. بس مفضوح يا جلال عارف ليه عشان ملكش في الحب والغرام ولما وقعت مش عارف تخبي وتكدب زي شاهين!
صمت جلال دون رد فاستدارت نجاة لتخرج وقالت عند الباب:
نجاة: لو هتعمل أي حاجة تزعل أبوك خبرني قبلها يمكن أنصحك ولو عاوز ألين راسه معاك بردو خبرني.. وربنا يصلح الحال.
جلال: إن شاء الله.. حاضر.
نجاة: يلا.. نوم العوافي.
خرجت وأغلقت الباب خلفها بسباطة.
وقف جلال وأبدل ثيابه واستلقى في فراشه وهو يشعر بإرهاق شديد.
أمسك هاتفه وفتح رسالة موج التي أرسلتها له في الصباح قبل الخروج من المنزل لتذهب إلى شاهين:
(جلال بيه.. رنيت كتير الليل ومردتش كنت عاوزة أقول إن شاهين بيه شيعلي أروحله النهاردة مكان عشان يمكن يرجعوني شغلي القديم)
وكانت مرفقة بصورة الورقة المدون بها العنوان.
قرأ جلال الرسالة وتنهد بحيرة وثقل وهو يهمس لنفسه:
جلال: لو مبعتيهاش.. ولو هاني مرنش لشغل وصحاني وشفتها في الوقت المناسب كان هيحصلك إيه بس؟!
تنهد بضيق ثم أغلق الهاتف ووضعه جانباً على الطاولة المجاورة وما هي إلا لحظات حتى غفي.
ــــــــــــــــــــــــــــــــــــــــ**
بعد العصر خرجت موج من عملها للعودة إلى المنزل لكنها توجهت أولاً نحو عطارة حليم ووالده "سعد" لجلب بعض الأغراض والتوابل التي طلبتها والدتها.
وصلت للمحل ونادت بنبرة مألوفة:
موج: مرحب يا خال!
سعد: يا أهلاً يا بتي.. عامله إيه؟!
موج: الحمد لله بخير.. خالتي عامله إيه؟!
سعد: زينة الحمد لله.. كويسة.
موج: عاوزة توابل زي ما باخد كل مرة لأمي.
سعد: حاضر من عيني.. عاوزة حاجة تاني؟!
موج: له تسلم .. أمال حليم فين مش هنا يعني ؟!
سعد: كان في الدار وجاي دلوك أهو.
وقفت موج تنتظر بضع لحظات بينما يجهز لها الخال سعد الأغراض وفي هذه الأثناء وصل حليم.
حليم (بمشاكسة): خير؟ بتعملي إيه عندنا بتديها ليه يا بوي دي بتقول عنك غشاش بتغش العطارة!
موج (بضحكة وضيق مزيف): حليم بطل غباوة.. كداب يا خال متصدقوش بيوقع بينا!
نظر حليم إلى كيس التوابل وقال باستفزاز:
حليم: وه كل دي توابل على أساس الحلة مش بتنزل من على بوتاجازكم.. ده أنتم مقضينها جبن وبتاو طول الأسبوع!
موج (بضحكة وعناد): ده عندكم أنتو يا بابا إحنا كل يوم طبيخ أحمر واخضر.. والمحمر والمشمر!
حليم: أيوه يا اختي.. أبوكي ورث من ورانا ولا إيه؟!
موج: فضل ونعمة من ربنا بس اللي يرضي!
ثم مالت على أذنه وقالت بهمس خبيث ومستفز:
موج: اسم الله عليكم يا بن الغشاش.. كل ما أمي تكلم خالتي تقولها طابخين عدس وشلولو!
ضحك حليم بصوت مرتفع ثم قال:
حليم: فضل ونعمة بردو بس الرضا!
موج (موجّهة كلامها لسعد): كام يا خال؟
سعد: روحي يا موج عيب.. حسابك واصل.
موج: له والله لأدفع يا إما مش وخدة حاجة واصل!
أخبره سعد بالسعر فمدت موج يدها ودفعت الحساب لحليم.
حليم: خلاص روحي.. عاوزة إيه تاني؟!
موج: باقي عشرة جنيه هات!
حليم: كلتك غوري يا نتنة!
موج (بصوت خفيض وهيا تنظر نحو سعد):
طلع يااد متبقاش بارد هات العشرة جنيه!
حليم: هقول لأبوي بتتخانق على عشرة جنيه عشان يشوف نتانتك!
مدت موج يدها ولكمته بقوة في ذراعه ثم قالت وهي تتراجع مغادرة المكان:
موج: مش مسامحة فيها يا حليم تصرفها علي معدتك يارب!
تركتهم وغادرت العطارة عائدة إلى منزلها بخطوات سريعة.
ـــــــــــ**
وصلت موج إلى الدار أعطت كيس التوابل لوالدتها التي أخذت تتذمر كعادتها، بينما دكّت موج قدميها نحو غرفتها الصغيرة بخطوات مشتتة.
تسطحت على سريرها وسندت رأسها على الحائط وأغمضت عينيها لتستعيد كل لحظة مرت عليها اليوم.. نبرة جلال الحادة ووجهه وهو ينطق بكلمته المفاجئة: (قصدي عني أنا)!
ـــــــــــــــــــــــــــــــــــــــ**
في سرايا آل جهدان استيقظ جلال قبيل المغرب بقليل بعد أن نال قسطاً كافياً من الراحة خفف عن رأسه ثقل النهار.
ارتدى جلبابه الداكن ولف عمامته بهدوء وثبات ثم توجه مباشرة نحو إسطبل السرايا الصغير.
وما إن وطأت قدم جلال الباب حتى رفع حصانه رأسه، وضرب الأرض بفرسانه وصهل صهيلة خفيفة ومكتومة كأنه يحييه.
اقترب جلال بخطوات متزنة وابتسامة ووضع يده على جبهته فمسح الحصان رأسه في كتف جلال بهدوء وثقة.
جلال (بهمس خفيض وهو يملس على رقبته الصافية):
جلال: حاسس بيا يا جِيَاش.. عارف إن الدنيا قايدة نار من كل جنب بس نار قلبي أقوى؟
بقاوح مع حالي وقدام الكل بس العقل لقط كدب القلب ومداريته كَني جنيت.. بسيطر على كل حاجة في الجزيرة وخايب مقادرش أسيطر على قلبي وخوفي عليها
بس والله ما هسيبها تدخل في حسابات و وساخة شاهين... طول ما فيا نفس.
في هذه الأثناء دخل منعم إلى الإسطبل بخطوات سريعة ووقف على مسافة محترمة متأهباً:
منعم: جلال بيه.. الواد حارس شاهين بيه ظبطته زي ما أمرت وهملته يرجع لدارهم يبكي، وشاهين بيه عرفت إنه ساب شغله وطلع من الجزيرة بـ هَوَج!
جلال (دون أن يلتفت عن جِيَاش):
جلال: خليه يغلي مع حاله.
منعم: تؤمرني بحاجة تاني يا بيه؟!
جلال: عينك على مطرح شغل بنت فايز يا منعم زي ما فهمتك.. رجالتك يتداروا من غير ما يحس بيهم حد، ولا هي بنفسها تحس. لو لمحت حد تبع شاهين بيهوب ناحيتها تسحبوهلي على مكان زين.
منعم: أوامرك يا جلال بيه اعتبره حصل.
انصرف منعم وظل جلال يربت على ظهر "جِيَاش" وعيناه تشخصان في العتمة التي بدأت تسدل أستارها على الجزيرة يفكر في خطوته القادمة مع والده.. وكيف سيقطع الطريق تماماً على شاهين قبل أن يفيق من صدمة تهديده.
ــــــــــــــــــــــــــــــ**
مرت أيام قليلة على هذا الحال صمت ظاهر يعم الأجواء من كلا الطرفين، لكنه صمت يُخفي وراءه عواصف من التفكير والتدبير في الداخل.
ـــــــــ**
في منتصف إحدى الليالي.
وصل هاني إلى المكان الخاص بجلال على أطراف الجزيرة وجده يجلس صامتاً يتطلع إلى مجرى النهر الهادئ وإلى جواره منعم تحت نسمات الليل الباردة.
هاني (وهو يمرخ ساقه بتعب): خلي بالك المشوار من داري لهنا شقي يعني اليوم اللي أجي فيه في الليل.. اسهر في مكان قريب يا راجل!
جلال (بنبرة هادئة وحادة): سهر ولا شغل يا هاني؟! عارف مطلعين إيه من الجزيرة وحصل إيه وحضرتك جاي بعد ما خلصنا؟!
هاني: كنت نايم..مانا طول اليوم وياك إيه ناسي إن وراي بيت وحريم؟!
جلال: نوم العوافي.
التفت هاني لمنعم وقال:
هاني: قم يا منعم شغل الكانون واعملنا حاجة نشربوها.
وقف منعم واستأذن لعدة دقائق ليتفقد النار.
في هذه الأثناء اقترب هاني وجلس جوار جلال تماماً ومال عليه بنبرة خفيضة ومباشرة:
هاني: الواد جاب أخبار جديدة عن شاهين بيه.
التفت إليه جلال باهتمام ملحوظ وضيق عينيه:
جلال: قول.. إيه هي؟!
هاني: أمر غريب.. شاهين أنت خابر بيطلع من الجزيرة لزوم المسخرة والتهريج كل شوية صوح؟!
جلال: اه وبعدين؟!
هاني: ده اللي باين لينا كلنا بس طلع فيه سبب تاني غير ده.. كل مرة بيطلع فيها كان بيروح وياه واحد متلتم أو يعني بيداري روحه شوي
حتى الحرس خدوا بالهم منه كام مرة من فتره كبيره ومكنش حد فيهم بيقدر يسأل شاهين بيه ده مين!
جلال (مستنكراً): ماله.. من الحرس يعني ولا من الأهالي؟!
هاني: له مش حارس الواد كلمني من شوية.. فضل يراقبهم من بعيد وراهم لما وصلوا مكان معزول قابلو فيه ناس تاني ولما كشف عن نفسه.. طلع "فايز النجار"!
