رواية حرب بين العمالقة الفصل الرابع عشر 14 بقلم بيري الصياد

صرخت طيف بصوت عالي وهي تقول: ارحمني والنبي أرجوك لا انا ما اقدرش ماتعملش فيا كده وحياة أغلى ما عندك أوعى اعتبرني أختك انت تقبل حد يعمل كده في أختك

وهنا توقفت كل حواس رضوان تماماً وجملة واحده ترددت بعقله وهي(اعتبرني أختك انت تقبل حد يعمل كده في اختك)

توقف وتلاشت يد طيف من بين يديه تدريجياً… نظر لها وإلى رعبها الشديد من أن تفقد أغلى ما تملك بهذه الطريقة…. فنهض بعدما نظر لعينيها و رأى بهما شيء جعل قلبه يهتز لأول مره بحياته…. وأخذ هاتفه وسلاحه وخرج من المكان بالكامل … ثم أغلق الباب بقفل حديدي ….بينما نظرت طيف خلفه وانهارت في البكاء وهي تمسك بملابسها عليها محاولة أن تحمي حالها هذه المسكينه… وتحمد ربها بأنه حماها من شر رضوان ورقق قلبه عليها

أما رضوان فقاد سيارته بسرعه فائقه وهو يتذكر هذه الفتاه ونبرتها فضرب عجلة القياده بغضب شديد وقال: من امتى وانت بتاخد نسوان غصب يا رضوان من امتى وأنت بالوساخه دي

ختم حديثه وهو حقًا غاضب من نفسه للغايه … و عندما تذكر حاتم أمسك هاتفه واتصل علي رقم ما وقال قبل أن يسمع الطرف الآخر سأل : فين يونس القناوي دلوقتي

حماده باستغراب: ليه بس يا رضوان ح

قاطعه رضوان الذي قال بغضب شديد: انطق وقول فين يونس يا زفت

نظر حماده إلى اللاب توب وقال: هو دلوقتي في بيته يا رضوان

أغلق رضوان الهاتف وعلى الفور اتجه نحو منزل يونس وكل ما في عقله أن يقتله الآن …. مد يده وأمسك السلاح و هو يضغط عليه بين يديه… وفي وقت قياسي وصل رضوان إلى منزل يونس ثم نزل من السياره وهو لا يري أمامه من الغضب وصعد بالمصعد إلى الاعلي …. وقف المصعد أمام شقة جمال وأيضاً شقة والد طيف فخرج رضوان وقبل أن يذهب إلى شقة جمال كانت هناك فتاه كادت أن تصعد بالمصعد ولكن اصطدمت برضوان بقوه فقال لها بغضب شديد: مش تفتحي يا عاميه

رفعت الفتاه نظرها له وعينيها تمتلئ بالدموع ولا تستطيع أن تتحدث …فنظر لها رضوان من الأسفل للاعلي باشمئزاز شديد وكاد أن يتخطاها ولكنها قالت: حضرتك الأعمى أنا جايه من آخر الطريق وانت اللي ماشي مش شايف قدامك حاجة وخبطني يبقي ما تحاسبنيش علي غلطاتك فاهم

ألتفت رضوان لها ونظر لها بنظره جعلت مرام تتمني أن تنشق الأرض وتبتلعها … و الذي أنقذها من لسان ووقاحة رضوان هو هاتفه الذي دق ….نظر للرقم و قرأ اسم سليم فرد عليه وقبل أن يتحدث كان يقول سليم: ما ماتش يا رضوان والله حاتم ما مات اعقل وبلاش تتصرف تصرف تندم عليه بعدين اعقل يا رضوان

صُدِم رضوان من حديثه وركب المصعد مره أخرى بينما عادت مرام سريعاً إلي الخلف بعدما كادت أن تركب المصعد ….لكن من المستحيل أن تركب بعد أن دخل هو… نظرت الي أثره وهي لا تستطيع أن تنطق بحرف …تتذكر نظراته لها و تحاول أن تسيطر علي دموعها ثم عادت إلي الشقه مره أخرى

فين المستشفى دي يا سليم: قال رضوان هذه الجملة وهو غاضب للغايه فقال سليم:انت ممكن تهدى شوية علشان حاسس إنك هتودي نفسك وهتودينا كلنا في داهيه باللي بتعمله ده يا رضوان

نفخ رضوان وحاول أن يهدأ قليلاً ثم قال: تمام انا ههرب حاتم من المستشفى دي هعمل خطتي انا والشباب ومش عايزك تتدخل في أي حاجة يا سليم

وطيف يا رضوان رجعها وخلي حسابنا مع يونس بس: صُدِم رضوان قليلاً عندما تذكر هذه الفتاه فقال: تمام يا غرباوي ابعتلي عنوان المستشفى وخريطه ليها لو تعرف

تعالى عندي وأنا هساعدك ورجالتي هيكونوا معاك كمان: رد سليم هذا الرد فقال رضوان: أنا في طريقي ليك دلوقتي

وأغلق الهاتف قبل أن يسمع رد سليم … نظر الى طريقه وهو يخطط لكل شيء لكن لايعلم لماذا تذكر طيف مرة ثانية فأوقف سيارته عند محل ملابس ونزل منها للداخل…..

وبعد وقت… دخل رضوان إلى طيف التي فزعت للغايه ما إن رأته يدخل عليها…. لاحظ رضوان خوفها الظاهر بشدة فقال: احنا مش ولاد حرام يا مدام احنا حتي لو كنا مجرمين بس عندنا مبادئ ما تخافيش مش هعمل فيكي حاجة

طيف بنبرة ساخره وضعيفه: ومن شوية مبادئك دي كانت فين انت كنت هتضيعني

نظر لها رضوان قليلاً وقال: وعندي استعداد اضيع الدنيا كلها مش انتي بس جوزك داس علي طرف ماكنش المفروض يقرب منه ووعد مني لو ما بعدش عني وعن سكتي موته هيكون علي ايدي انا

صُدِمت طيف من حديثه و سألت: يونس عملك ايه علشان عايز تعمل فيه كل ده

وضع رضوان الأكياس أمامها وقال: دول أكل وهدوم ألبسي وكلي وأنا هنفذ اللي انا عايزه وهسحب صاحبي من أيد جوزك وهرجعك ليه تاني انا اصلا مش ناقص قرف

نظرت له طيف قليلاً وقالت: وطالما مش ناقص قرف جيبتني ليه من الأول

رضوان بصوت عالي: انتي هتصاحبيني يا بت ولا ايه ما اقعد واحكيلك قصة حياتي بالمره

خافت طيف من صوته لكنها ردت : واعرف ليه قصة حياتك انا اصلا ماليش دعوة انا بس عايزه ارجع لجوزي وبابا

رضوان وهي يتجه للخارج: قولتلك هرجعك بس اخد صاحبي اطفي يلا لاحسن تموتي عندي وابتلي بيكي

طيف بغيظ شديد: لسانك وسخ أوي علي فكره

وقف رضوان و ألتفت ينظر لها بطرف عينيه فخافت طيف بينما ابتسم رضوان وقال: معاكي حق يا قطه

واستكمل طريقه وخرج من المكان…. فنظرت طيف خلفه وهي تستغرب هذه الشخصية للغايه ولا تعلم بماذا يفكر ومَن هذا المختل من الأساس

دخل إلى وكر سليم فرآه يسير بالمكان بغضب وتوتر شديدين ….كما رأى ياسر يجلس بكل برود لا يفرق معه شيء…. وما إن رآه سليم حتى اندفع نحوه ولكمه لكمة قوية للغايه…. فتزحزح رضوان وكاد أن يقع لكن أمسك حاله و صرخ بسليم بأعلى صوته قائلا: انت ازاي تتجرأ وتمد ايدك عليا يا عم انت

سليم بغضب شديد: انت تخرس وماتفتحش بوقك معايا خالص انت متهور اوي وحركه غبيه زي اللي عملتها دي ممكن تودينا كلنا في داهيه وبدل واحد هنكون كلنا يا غبي

جز رضوان علي أسنانه بقوه ليحاول أن يسيطر علي نفسه كي لا يقتل سليم الآن ثم قال:قولي عنوان المستشفى علشان اروح اجيب صاحبي وبعدها نتكلم يا سليم

سليم وهو يذهب إلى المكتب: مش عايز اي حركه متهوره تاني يا رضوان انت هتفكر وتخطط كويس أوي للطريقة اللي هتجيب بيها حاتم من المستشفى انت بتلعب في وقت ماينفعش فيه غلطه واحده بالغلط حتى فاهم

العنوان فين: كان هذا رد رضوان على حديث سليم الذي قال: مستشفى ************** وياسر ورجالته هيكونوا معاك

نظر رضوان إلى ياسر وقال:مش محتاجه كفوا نفسكم بس

كاد سليم أن يعارضه ولكن قاطعه رضوان قائلاً :لعبتي بلعبها بدماغي مش بدراعي يا سليم وابن اخوك ده ماعندوش غير عضلات شوف له حاجه يستخدمها فيها بقي سلام

وذهب رضوان من أمام ياسر بعد أن نجح في استفزازه فنظر ياسر إلي سليم وقال:نفسي اعرف انت ساكت ليه علي الكلب ده يا عمي ما تخلص عليه خلينا نرتاح من وشه خالص

رفع سليم نظره إليه وقال : مش بالطريقه دي يا ياسر اصبر ناخد اللي احنا عايزينه الأول وبعد كده هعملك اللي انت عايزه ماتقلقش

ختم حديثه بغموض شديد وهو ينظر إلى الفراغ ويفكر برضوان ويتمنى بداخله ألا يحدث شيء معه

وبعد وقت … كان رضوان يدخل المستشفى بثقه لا تناسب شخص سواه نظر لكاميرات المراقبه وهمس بصوت منخفض: انت شفرت الكاميرات دي يالا

أتاه صوت حماده من السماعه التي بأذنه يقول : ايوه يا ريس كل الكاميرات دلوقتي بتتعاد تلقائي بس

سار رضوان بطريقه و ظهرت أمامه سلوي بملابس الممرضه … أشارت بعينيها إلى مكتب ما … فأومأ برأسه واتجه ناحية هذا المكتب .. وفي أقل من دقيقه كان يخرج رضوان وهو يرتدي البالطو ويضع سماعة الطبيب على كتفه …كما ارتدي كمامه واتجه تجاه غرفة يقف عليها اثنين من الحرس…. نظر لهما وكاد أن يدخل الغرفة ولكن وقف أمامه الحرس فنظر لهم وقال: خير حضرتكم

أحد الحرس:الدكتور لسه من ساعه دخل هتدخل انت تعمل ايه دلوقتي

أمسك رضوان السماعه ووضعها على كتف الحارس وقال بغضب: اتفضل انت روح اعمل شغلي طالما جاي تعدل عليا وبعدين انا مش هموت علشان ادخل ليه بس اتقالي ان لازم يكون تحت الملاحظة وطالما انت هتعمل شغلي يبقي اتفضل ادخل اعمل له اللازم

و ألتفت وكاد أن يذهب لكن قال الحرس بخوف: حضرتك متعصب ليه يا دكتور انا بس باخد احتياطي علشان مايحصلش غلط انت عارف الشخص ده مقبوض عليه وأخاف يهرب

نظر له رضوان وقال: تخاف يهرب يبقي تفتح عينك وتخلي بالك من وضع المستشفى لو حسيت بحاجه مش توقف الدكاتره عن شغلهم ويموت من وراك

خاف الحارس ونظر الى زميله ثم ابتعد عن طريقه وقال: اتفضل يا دكتور

دخل رضوان إلى الغرفه وأغلق الباب وابتسم قائلاً بثقه وغرور:من يومي وانا بقول إني دكتور ورئيس قسم كمان

ثم نظر إلي حاتم الذي يرقدعلى السرير فاقد الوعي تماماً و ذهب له سريعاً وهمس له: حاتم اصحي يالا فوق انت يالا

أنهى حديثه وهو يهز حاتم بقوه ففاق حاتم ونظر الى رضوان وقال بصوت منخفض: رضوان كويس إنك لحقتني يونس القناوي كان هيقتلني

همس رضوان له: اوعي تكون نطقت بأي حاجة

نفي حاتم قائلاً: لا ماتقلقش انا عمري ما اخون عشرتنا يا ريس

ابتسم رضوان وضرب على كتف حاتم بقوه و زهو قائلاً : عاش يالا عرفت اربي صحيح

صرخ حاتم بوجع شديد فوضع رضوان يديه علي فمه سريعاً وقال: اخرس يالا هتفضحنا

حاول حاتم أن يرفع يديه لكنها كانت محاطه بجييرة ضخمه فقال وهو ينظر الي رضوان: طلعني من هنا يا رضوان وحيات اغلي ما عندك طلعني وابعدني عن يونس هيقتلني لو مسكني

ابتعد رضوان عنه وفتح هاتفه ليدق الي سلوي التي ردت علي الفور فقال: عملتي المطلوب

سلوي وهي تراقب الحرس اللذين شربا العصائر المعلبة : اهم بيطفحوا اقل من دقيقتين وهتلاقيهم اتفرشوا علي الارض

نظر رضوان الي حاتم وقال: تمام انا هدخلهم جوه وانتي اول ما اديكي الاشاره تطلعي ورايا من الباب الخلفي

وأغلق معها ثم قال وهو ينظر الي حاتم: اسمع يالا هتمثل انك نايم واوعي تعمل اي غلطه

حاتم باستغراب: ليه

رضوان بغيظ: علشان التورين دول يدخلوا هنا علشان محدش يشوفهم مرمين بره وانا مش هشيل بغل فيهم دول يفصلوا مني اتنين يا عم

أومأ حاتم له بموافقة وبالفعل أغلق عينيه فخرج رضوان وقال إلى الحرس: ألحقوا بسرعه تعالوا شيلوه لازم يروح على العنايه المركزه ويتحط علي الاجهزه بسرعه

ركض الحرس سريعاً و نظرا الي حاتم الذي يمثل بانه فاقد الوعي باحترافيه شديده …. فأمسك رضوان كرسي وبالفعل حمل الحرس حاتم ووضعاه علي الكرسي المتحرك… ثم وقف أحدهم لكنه وقع علي الارض دون حركه …بينما نظر الآخرين الي زميله وكاد أن يتحدث لكن وقع مثله دون ان يشعر بشئ فابتسم رضوان وامسك كرسي حاتم قائلاً وهو يخرج من الغرفه: والله عملوا فيا جميل انا ماكنتش هقدر اشيلك وانت مش هتقدر تقعد علي الكرسي

فتح حاتم عينيه وقال بتعب شديد: روحنا بسرعه يا رضوان تعبان اوي

بالفعل خرج رضوان من الغرفه ومنها إلى مصعد لا يستعمل كثيرا ونزل به و برفقته حاتم … و عندما رأى الباب الخلفي ذهب له سريعاً وخرج من المستشفى بالكامل…. أما سلوى فكانت تنتظرهما في السياره … حمل رضوان حاتم ووضعه في السياره ثم ركب و انطلقت سلوي باقصي سرعه لديها …و هكذا تم تهريب حاتم بنجاح….. وهرب حاتم من بين يدي يونس فماذا سيحدث يا تري

(كام كام كده يا نسوان علشان نسيت😁😂😂😂😂)

دفع المكتب بقدمه بعنف شديد وصاح باعلي صوته قائلا: ازاااااااااااااااي عيل زي ده مش عارفين نجيبه ازاااااااااااااااي

لم يستطيع أحد أن يتحدث فصاح يونس مره أخرى قائلاً وهو سوف يجن من التفكير:ابن الكلب مش سايب وراه أي حاجة إزاي قادر يخفي كل آثر ليه بالشكل ده كلب زي ده مايسواش اتنين جنيه مخلي مديريه بحالها يلفوا حوالين نفسهم تيجي ازاي دي

ختم يونس حديثه وهو يحرك رأسه بحيره وغضب من هذا الشخص الذي يجعل الجميع يشعرون بالعجز أمامه …..حقا لا أحد يستطيع أن يعلم عنه شيء ….ساد صمت مرعب علي المكتب ويونس يتنفس بعنف وصدره يعلو ويهبط من شدة ثورة البركان الذي يغلي بداخله …. قطع هذا الصمت اللواء الذي قال: اهدي شوية يا يونس وخلينا نفكر بعقل

نظر له يونس وقال و الشرر يتطاير من بين عينيه: الحل اننا نروح نجيب الكلب اللي اسمه سليم هنا وانا هتصرف معاه

اللواء بغضب من تفكيره:وهتجيبه بتهمة ايه يا يونس سليم قدام الدولة راجل نضيف مفيش عليه اي حاجة إيه هنروح نقوله تعالى هنفسحك شوية في المديريه انت بتفكر ازاي

يونس بصوت عالي للغايه:هو الوحيد اللي هيعرفني مراتي فين يا سيادة اللواء سليم عنده الحل وهو اللي يعرف الزفت اللي اسمه رضوان الشامي ده ماتنساش ان هو اللي مشغله يعني اكيد هو اللي عارف خط سيره ايه

نظر له اللواء قليلاً وقال: مش حل يا يونس اهدي شوية وان شاء الله مراتك هترجعلك تاني اهدي بس وفكر بعقل شوية

وقبل أن يصرخ به يونس خرج اللواء من المكتب بالكامل وذهب الي مكتبه أخرج هاتفه ودق الي جمال وقال: كلم سليم وخليه يقولك طيف فين يا جمال هو الوحيد اللي هيكون عارف مكانها دلوقتي

نهض جمال من مكانه قائلاً بصدمة : هو سليم اللي خطف طيف يا خالد

ما اعرفش يا جمال بس واحد من اللي شغالين عنده هو اللي خطفها اكيد عارف بكل حاجة: نزلت هذه الجملة علي جمال كالصاعقة فكيف يستطيع سليم ان يفعل ذلك …. أغلق الهاتف بوجه اللواء سريعاً ودق الى سليم الذي فهم ماذا يريد ما إن رأى رقمه فرد قائلاً قبل أن يتحدث جمال: مش انا اللي خطفتها ولا كنت هعملها

جمال بغضب: واحد من رجالتك اللي عملها يبقي ده اسمه ايه يا سليم

سليم بهدوء مزيف: واحد انا ولا أي حد في الدنيا عارف يسيطر عليه يا جمال وهو مش من رجالتي هو بس نفذ لي كام مهمه مش اكتر بس ماتقلقش مش هيعمل لطيف حاجة وهحاول معاه يرجعها

جمال بصراخ عالي: كلمه دلوقتي يا سليم احنا كلنا هنموت من القلق علشان طيف شوفه بسرعه وقوله إننا مستعدين ندفع اي حاجة بس المهم طيف ترجع لنا

تمام يا جمال: قال سليم هذه الجملة وأغلق الهاتف فكيف سيقول له بأن رضوان لا يريد مالاً بل يريد أن ينتقم من ولده فقط…. اتصل سليم علي رضوان الذي كان يجلس بجانب حاتم وهو يسرد عليه ما حدث معه و ازداد غضبه وحقده علي يونس أكثر …. رأى رقم سليم فرد عليه وسمعه يقول:مش نفذت وخدت حاتم يا رضوان يلا طيف ترجع لبيتها وكفايه علي كده اوي

رضوان بغضب: و أخد حق حاتم ازاي يا سليم حاتم تعب اوي بسبب يونس وانا مش هسيب مراته بالسهوله دي

رضوااااااااااااااااااااااااان كفاييييييييييييييه كده طيف مالهاش ذنب خلي عندك قلب شوية وابعتها لابوها انت راجل بلاش تكون دي تصرفاتك:صرخ سليم بهذه الجمله فنظر رضوان أمامه وتذكر طيف فخرج

وبعد مده أوقف سيارته أمام المخزن ونزل منها ودخل لها رآها تجلس وهي نائمه دون أن تشعر…. فاغلق الباب وجلس على الكرسي وهو يتأملها لا ينزل عينيه من عليها إلى أن فاقت و فزعت من رؤيته أمامها بهذا الشكل ….فابتسم رضوان بسخريه وقال: ايه شوفتي عفريت ياختي

طيف: انت جيت امتي وبتعمل ايه هنا

كانت رجفة نبرتها تظهر للغايه بصوتها فنظر لها رضوان و رد : مش ملاحظه إنك في مكاني يعني هتلاقيني موجود في اي وقت انا عايز اكون فيه عادي

أنهى حديثه وهو يرفع كتفه بلامبالاة فنظرت له طيف ولم تتحدث بينما نظر لها رضوان قليلاً وقطع هذا الصمت بجملة صَدمت طيف للغايه ولم تتوقعها حين قال:

الفصل الخامس عشر من هنا