رواية العاشق اللعين الفصل السادس عشر بقلم مجهول
# ﻳﺎﺧﻮﻱ ﺻﻌﺒﻪ ﺍﻟﻮﻛﺖ ﻳﺒﻌﺪﻧﻪ ﺁﻧﻪ ﻭﻳﺎﻙ
ﻭﺳﻔﻪ ﺍﻋﻠﻰ ﺍﻟﻮﻛﺖ ﻭﺷﻠﻮﻥ ﻳﺒﻌﺪﻧﻪ
ﺷﻔﺖ ﺍﻟﻤﻮﺕ ﺻﺪﻙ ﻣﻦ ﻋﻨﻲ ﺟﺎﻓﻴﺖ
ﻭﻧﺨﻴﺖ ﺍﻟﺰﻣﻦ ﻛﻮﻧﻪ ﺍﻟﻴﻮﻡ ﻳﺠﻤﻌﻨﻪ ....
ﺍﻧﺼﺎﻑ : ﻟﺤﻈﺎﺕ ﻣﻦ ﺍﺻﻌﺐ ﺍﻟﻠﺤﻈﺎﺕ ﺍﻟﻲ ﻋﺎﺷﺘﻬﺎ ﻫﺎﻱ ﺍﻟﻌﺎﺋﻠﻪ ﺍﺧﻮ ﻳﻀﺮﺏ ﺍﺧﻮﻩ ﻭﻳﻄﺮﺩﻩ ﻣﻦ ﺍﻟﺒﻴﺖ ﺑﻌﺪ ﻣﺎ ﺟﺎﻧﻮ ﻭﺍﺣﺪ ﺳﺎﻧﺪ ﺍﻟﺜﺎﻧﻲ ﻭﺑﻌﺪ ﻣﺎ ﺟﺎﻧﻮ ﺭﻭﺡ ﻭﺣﺪﻩ ﺍﺻﺪﻗﺎﺀ ﻗﺒﻞ ﻻ ﻳﺼﻴﺮﻭﻥ ﺍﺧﻮﻩ ﻛﻌﺪﺗﻬﻢ ﺿﺤﻜﺘﻬﻢ ﺳﺎﻟﻔﺘﻬﻢ
ﻛﻠﻪ ﺳﻮﻩ ﻭﺍﻟﻴﻮﻡ ﺍﻟﻴﻮﻡ ﻳﻄﺮﺩﻩ ﻣﻦ ﺍﻟﺒﻴﺖ ﺳﻤﻌﺖ ﺻﺮﺧﺖ ﻋﻤﺘﻲ ﻭﻫﻲ ﺍﺻﻴﺢ ﻳﺒﻮﻭﻭﻭ ﻭﻟﻚ ﻧﺼﺮ ﻳﻤﻪ ﺷﺒﻴﻚ ﺗﻄﺮﺩ ﺍﺧﻮﻭﻙ ﻭﺍﻧﻲ ﺑﻌﺪﻧﻲ ﻋﺎﺍﺍﻳﺸﻪ ﺍﺫﺍ ﻣﺘﺖ ﺷﻠﻮﻥ ﻳﺠﻮﺯ ﺍﺗﻜﺘﻠﻪ ﻭﺗﺨﻠﺺ ﻣﻨﻪ
ﻳﺒﻮﻭﻭﻭﻭ ﻳﺒﻮﻭﻭ ﻋﻠﻴﻪ ﻭﻟﻚ ﺳﻠﻤﺎﻧﻨﻦ ﺍﻟﺤﻚ ﺍﺑﻨﻚ ﻭﺷﻮﻓﻪ ﻛﺎﻋﺪ ﻳﻄﺮﺩ ﺑﺎﺧﻮﻭﻭﻩ ﻭﻳﻦ ﺟﻨﺎ ﻭﻳﻦ ﺻﺮﻧﺎ ،، ﺭﺣﺖ ﻋﻠﻴﻬﺎ ﺑﺴﺮﻋﻪ ﻋﻤﻪ ﻛﺎﻓﻲ ﺣﺒﺎﺑﻪ ﻻ ﺍﺳﻮﻳﻦ ﻫﻴﺞ ﺑﻨﻔﺴﻪ ﺣﺎﻟﺔ ﻋﺼﺒﻴﻪ ﻭﺣﺠﺎﻫﺎ ﻻﺍﺍ ﺍﺩﻳﺮﻳﻦ ﺑﺎﻝ
ﺣﺠﻴﺖ ﻛﻠﻤﺎﺗﻲ ﻭﻣﺎﺣﺲ ﻏﻴﺮ ﻛﻤﺸﻨﻲ ﻣﻦ ﻣﻌﺼﻢ ﺍﻳﺪﻱ ﻭﺟﺮﻧﻲ ﺣﻴﻴﻞ ﻭﻛﻔﺖ ﻛﺪﺍﻣﻪ ﻭﻫﻮ ﻋﺎﺻﺮ ﻉ ﺍﻳﺪﻱ ﺍﺣﺴﻪ ﺣﺘﻨﺨﻠﻊ ﻣﻦ ﻛﺪ ﻣﺎ ﺿﺎﻏﻂ ﻋﻠﻴﻬﺎ ﻫﻤﺴﺖ ﻧﺼﺮ ﺍﻳﺪﻱ ﻧﺼﺮﺭ
- ﺍﻧﺘﻴﻴﻴﻴﻴﻲ ﻣﻨﻮ ﻭﺗﺪﺧﻠﻴﻦ ﻫﺎﺍﺍ ﻣﻨﻮ ﺍﻧﺘﻲ ﻭﺍﺗﻜﻮﻟﻴﻦ ﺑﺤﺎﻟﺔ ﻋﺼﺒﻴﻪ ﺣﺠﺎﻫﺎﺍﺍ ﻟﺞ ﺍﻧﺘﻲ ﺷﻨﻮ ﻭﺍﺗﻘﺮﺭﻳﻦ ﻭﺗﺤﺠﻴﻦ ﺑﻤﻜﺎﻧﻴﻴﻴﻲ ﻟﺠﺞ
ﺑﺎﻭﻉ ﻉ ﺍﻣﻪ ﻭﻛﺎﻝ ﻳﻤﻤﻪ ﺳﻨﺪ ﺑﻌﺪ ﻣﺎﻳﻌﺘﺐ ﺑﺎﺏ ﺑﻴﺘﻨﺎ ﺍﻟﻪ ﻉ ﺟﺜﺘﻴﻴﻴﻲ ﺗﺮﺩﻳﻦ ﺍﺷﻮﻓﻲ ﺭﻭﺣﻲ ﺍﻟﻪ ﻭﺷﻮﻓﻴﻴﻲ ﺻﺎﺭﺭ ﻣﻔﻬﻮﻭﻭﻭﻡ
ﺳﻨﺪ : ﻣﻊ ﺍﻻﺳﻒ ﻭﺍﻟﻠﻪ ﺍﻧﺖ ﺍﺧﻮﻱ ﺍﻟﺠﺒﻴﺮ ﻣﻊ ﺍﻟﻼﺳﻒ ﻣﺘﻮﻗﻌﺖ ﺑﻴﻮﻡ ﻣﻦ ﺍﻻﻳﺎﻡ ﺭﺍﺡ ﺍﻧﺤﻂ ﺑﻬﻴﺞ ﻣﻮﻗﻒ ﺍﻧﺖ ﺍﻟﻲ ﺟﻨﺖ ﺍﺯﺍﻣﻂ ﺑﻴﻚ ﻭﺍﻛﻮﻝ ﺍﺣﺰﺍﻡ ﺿﻬﺮﻱ ﻭﺍﺧﻮﻱ ﺍﻟﻐﺎﻟﻲ ﺑﻤﻜﺎﻥ ﺍﺑﻮﻱ
ﻫﺎﻱ ﺗﺎﻟﻴﺘﻬﺎ ﻻﻥ ﺍﺣﺬﺭﻙ ﻣﻦ ﺍﻟﻄﺮﻳﻖ ﺍﻟﻲ ﻛﺎﻋﺪ ﺗﻤﺸﻲ ﺑﻲ ﻻﻥ ﻋﺎﺗﺒﺘﻚ ﻋﺎﻳﻒ ﻣﺮﺗﻚ ﻭﺍﺑﻨﻚ ﺍﻟﻴﻲ ﻳﺎﺍﺍﻣﺎ ﻗﻠﻠﻮ ﻣﻦ ﺭﺟﻮﻟﺘﻜﻚ ﻭﻛﺎﻟﻮ ﻋﻘﻴﻴﻢ ﺍﺑﻨﻚ ﺍﻟﻲ ﺗﻨﺘﻈﺮﻩ ﺳﻨﻴﻦ ﺍﻟﻲ ﻋﺎﻟﺠﺖ ﻭﺳﺎﻓﺮﺕ ﻭﺣﻄﻴﺖ ﺍﻟﻌﺪﻙ ﻭﺍﻟﻤﺎﻋﺪﻙ ﻋﻠﻤﻮﻭﻭﺩﻩ
ﺍﻟﻴﻮﻡ ﻫﺬﺍ ﻭﻳﻨﻪ ﻫﺬﺍﺍﺍﺍﺍﺍﺍ
ﺟﺎﻥ ﻳﺤﺠﻲ ﻭﻳﺎﺷﺮ ﻋﻠﻴﻪ ﺳﻨﺪ ﺣﻴﻞ ﺣﻘﺎﻧﻲ ﻭﻋﺼﺒﻲ ﻣﺜﻞ ﻧﺼﺮ ﺑﺲ ﺑﺘﻔﺎﻫﻢ ﻭﺑﻮﻋﻲ ﻳﺤﺴﺐ ﺣﺴﺎﺏ ﻛﻞ ﻛﻠﻤﻪ ﻳﻜﻮﻟﻬﺎ ﻗﺒﻞ ﻻ ﻳﻨﻄﻘﻬﺎ ﺷﺨﺼﻴﺘﻪ ﺣﻠﻮﻩ ﻭﻗﻮﻳﻪ ﺭﺟﻊ ﻛﻤﻞ ﻛﻼﻣﻪ ﻭﻫﻮ ﻳﺒﺎﻭﻉ ﻋﻠﻴﻪ
- ﺍﻧﻲ ﺭﺍﻳﺢ ﻳﺎﺍﺍ ﺍﺑﻦ ﺍﺑﻮﻱ ﻭﺍﻣﻲ ﻳﺎ ﺣﺰﺍﻡ ﺿﻬﺮﻱ ﻭﺳﻨﺪﻱ ﺭﺍﻳﺢ ﻭﺍﺗﻤﻨﻰ ﻣﺎ ﻳﺠﻲ ﻳﻮﻡ ﻭﺗﺘﻨﺪﻡ ﻉ ﻫﺬﺍ ﻗﺮﺍﺭﻙ ﻻﻥ ﺑﺴﺎﻋﺘﻬﺎ ﻣﺎﺭﺍﺡ ﺍﺳﺎﻣﺤﻚ ﺧﻠﻴﻚ ﻫﻴﺞ ﺑﻬﺬﺍ ﻗﺴﺎﻭﺗﻚ ﻭﻇﻠﻤﻚ ﻭﻟﻮ ﻣﺎﻣﺰﻭﺟﻴﻚ ﻫﻮﺍﺍﺍﻱ ﺍﺣﺴﻦ ﺷﻨﻮ ﺫﻧﺐ ﺑﺖ ﺍﻟﻨﺎﺱ
ﻛﻮﻭﻣﻲ ﻛﻮﻭﺛﺮ ﻣﺎﻋﺪﻱ ﻛﻌﺪﻩ ﺑﻌﺪ ﻫﻨﺎﺍﺍﺍ ﻭﻳﺤﺮﻡ ﻋﻠﻴﻪ ﺍﻟﻄﺐ ﻟﻬﺬﺍ ﺍﻟﺒﻴﺖ ﻟﻴﻮﻡ ﺍﻟﺪﻳﻦ
ﺣﺠﻪ ﻛﻠﻤﺎﺗﻪ ﻭﻃﻠﻊ ﻭﺍﻣﻪ ﻟﺤﻜﺘﻪ ﻭﺗﺤﺠﻲ ﻭﺗﺒﺠﻲ ﻭﻫﻮ ﻳﺴﻜﺖ ﺑﻴﻬﺎ ﻭﻳﺒﻮﺱ ﺭﺍﺳﻬﺎ ﺟﻨﺖ ﺍﺑﺠﻲ ﻉ ﻫﺬﺍ ﺍﻟﻤﻮﻗﻒ ﻭﺩﻋﻴﺖ ﺍﻳﻴﻲ ﺩﻋﻴﺖ ﻉ ﺍﺧﺘﻲ ﻻﻭﻝ ﻣﺮﻩ ﺑﺤﻴﺎﺗﻲ ﺍﺩﻋﻲ ﻋﻠﻴﻬﺎ ﻻﻥ ﻋﻤﻠﺘﻬﺎ ﻣﺎﺍﺍ ﻳﻨﺴﻜﺖ ﻋﻨﻬﺎ
ﺍﻭﻝ ﺷﻲ ﺳﺤﺮﺗﻪ ﻭﺑﻌﺪﻳﻦ ﺑﻌﺪﺗﺘﻪ ﻋﻦ ﺍﺧﻮﻩ ﻭﺷﺘﺖ ﺍﻟﻌﺎﺋﻠﻪ ﺍﻟﻲ ﺻﺎﺭﻟﻠﻪ ﺳﻨﻴﻦ ﻫﻲ ﻣﺘﻤﺎﺳﻜﻪ ﻃﻠﻌﺖ ﻛﻮﺛﺮ ﺍﺟﺮ ﺍﺫﻳﺎﻝ ﺍﻟﺨﻴﺒﻪ ﻭﺑﻌﻴﻮﻧﻬﺎ ﻫﻮﺍﻱ ﺣﺠﻲ ﺗﻘﺮﺑﺖ ﻋﻠﻴﻪ ﻭﻫﻤﺴﺖ ﺑﺎﺫﻧﻲ
- ﺩﻳﺮﻱ ﺑﺎﻟﺞ ﻉ ﺯﻭﺟﺞ ﺗﺮﺍ ﺍﺧﺘﺞ ﻣﻮ ﻫﻴﻨﻪ ﻭﺍﻋﺮﻑ ﻫﻲ ﺳﺒﺐ ﺍﻟﻌﺮﻛﻪ ﻣﻦ ﻧﻈﺮﺍﺗﻬﺎ ﺍﻟﻤﺸﻤﺘﻪ ﻃﻮﻝ ﻋﻤﺮﻫﺎ ﻣﺎ ﺟﺎﻧﺖ ﺍﺗﺤﺒﻨﻲ ﺩﻳﺮﻱ ﺑﺎﻟﺞ ﻉ ﺭﻭﺣﺞ ﻭﻉ ﺍﻟﺒﻴﺒﻲ ﺑﺎﺳﺘﻨﻲ ﻭﻃﻠﻌﺖ
ﻭﺍﻧﻲ ﺍﻟﺪﻣﻮﻉ ﺗﻨﺰﻝ ﻋﺸﺮﻩ ﻋﺸﺮﻩ ﺍﺣﺲ ﺿﻬﺮﻱ ﺍﻧﻜﺴﺮ ﻃﺒﺖ ﻋﻤﺘﻲ ﻭﺑﻨﻈﺮﺍﺗﻬﺎ ﺍﻻﻧﻜﺴﺎﺭ ﻭﺍﻟﺨﻴﺒﻪ ﻭﺍﻟﺘﻌﺐ ﻭﺍﻟﺤﺰﻥ ﺍﻟﻠﻪ ﻳﺴﺎﻋﺪ ﻛﻠﺒﺞ ﻳﺎ ﻋﻤﻪ ﻋﺎﺋﻠﺘﺞ ﺍﻟﻲ ﺑﻨﻴﺘﻴﻬﺎ ﻣﻦ ﺍﺳﻨﻴﻦ ﺍﻟﻴﻮﻡ ﺍﺧﺘﻲ ﻫﺪﻣﺘﻬﺎﺍﺍﺍﺍﺍ
ﻃﺒﻴﺖ ﻟﻠﻐﺮﻓﻪ ﻟﻜﻴﺘﻪ ﻳﺒﺪﻝ ﺟﺎﻥ ﻧﺎﺯﻉ ﺍﻟﻘﻤﻴﺺ ﻭﺑﺲ ﺑﻠﻔﺎﻧﻴﻠﻪ ﻣﺎﻫﺘﻤﻴﺖ ﺍﻟﻪ ﻋﻔﺘﻪ ﻭﺭﺣﺖ ﻉ ﺍﻟﺠﺮﺑﺎﻳﻪ ﺳﻮﻳﺖ ﺭﻭﺣﻲ ﻣﻠﺘﻬﻴﻪ ﺑﻠﻔﻮﻥ ﺑﺲ ﺑﺎﺣﻘﻴﻘﻪ ﺑﺎﻟﻲ ﻛﻠﻪ ﻳﻤﻪ ﺍﺟﺬﺏ ﻟﻮ ﻛﻠﺖ ﻣﺎﻓﻜﺮﺕ ﺑﻲ
ﺑﺮﻏﻢ ﻣﻦ ﻛﻠﺸﻲ ﻣﻜﺪﺭﺕ ﻣﺎ ﺍﺧﻄﻒ ﺍﻟﻨﻈﺮﺍﺕ ﻭﺍﺑﺎﻭﻋﻠﻪ ﺟﺎﻥ ﻳﻤﺸﻲ ﻭﻳﺒﺪﻝ ﺑﻜﻞ ﺍﻧﺎﻗﻪ ﻭﻫﺪﻭﺀ ﻛﺎﻧﻤﺎ ﻣﺎﺻﺎﻳﺮ ﺷﻲ ﺍﺑﺪ ﻭﻣﺜﻞ ﻛﻞ ﻣﺮﻩ ﻭﺯﻳﻪ ﺍﻟﺮﺳﻤﻲ ﺑﻨﻄﺮﻭﻥ ﺭﺻﺎﺻﻲ ﻃﻮﺥ ﻗﻤﻴﺺ ﺍﺑﻴﺾ ﻭﺳﺘﺮﻩ ﺭﺻﺎﺻﻲ ﻓﺎﺗﺢ ﺟﻨﺖ ﺍﺭﺍﻗﺐ ﻛﻞ ﺣﺮﻛﺎﺗﻪ ﻭﻛﻞ ﺧﻄﻮﻩ ﻳﺴﻮﻳﻬﺎ ﻛﺪ ﻣﺎ ﻣﺸﺘﺎﻗﺘﻠﻪ ﺣﺘﻰ ﻳﻤﻜﻦ ﻟﻮ ﻋﻴﻮﻧﻲ ﺗﻘﻴﺲ ﺟﺎﻥ ﻗﺎﺳﻦ ﺣﺘﻰ ﻭﺯﻧﻪ ﻫﻬﻬﻬﻪ
ﺍﻧﺘﺒﻬﺖ ﻋﻠﻴﻪ ﻟﺒﺲ ﺍﻟﺴﺎﻋﻪ ﺍﻟﻲ ﺍﺷﺘﺮﻳﺘﻬﺎ ﺍﻟﻪ ﻣﺮﻩ ﻣﻦ ﻃﻠﻌﻨﺎ ﺑﺸﻤﺎﻝ ﻭﺣﺒﻴﺖ ﺍﺷﺘﺮﻱ ﺷﻲ ﺍﻟﻪ ﻭﺍﺷﺘﺮﻳﺘﻠﻪ ﻣﻼﺑﺲ ﻉ ﺫﻭﻗﻲ ﻭﺳﺎﻋﻪ ﺑﺲ ﺍﻟﻤﻼﺑﺲ ﻟﺤﺪ ﻻﻥ ﻣﺎﻟﺒﺴﻬﻦ
ﺍﺑﺘﺴﻤﺖ ﻭﺩﻧﻜﺖ ﻋﺪﻝ ﻟﺤﻴﺘﻪ ﻭﻣﺸﻄﻬﺎ ﺑﻠﻤﺸﻂ ﺩﺍﺭ ﻭﺟﻬﻪ ﻋﻠﻴﻪ ﻭﺍﺧﺬ ﺟﻨﻄﻪ ﺟﺎﻧﺖ ﻉ ﺍﻟﺠﺮﺑﺎﻳﻪ ﺑﻴﻬﺎ ﻣﻼﺑﺴﻪ ﻭﺍﻧﻲ ﻃﻮﻝ ﺍﻟﻮﻗﺖ ﺟﻨﺖ ﻛﺎﻋﺪﻩ ﻭﺍﺳﻮﻱ ﺭﻭﺣﻲ ﻣﺎﻫﺎﻣﻨﻲ ﺷﻲ ﺑﺲ ﺟﺬﺏ ﻭﺍﻟﻠﻪ
ﺣﺴﻴﺖ ﺑﻌﻄﺮﻩ ﻗﺮﻳﺐ ﻋﻠﻴﻪ ﺭﻓﻌﺖ ﺭﺍﺳﻲ ﻭﺍﻛﻒ ﻳﻢ ﻧﻬﺎﻳﺔ ﺍﻟﺠﺮﺑﺎﻳﻪ ﻭﻳﺒﺎﻭﻋﻠﻲ ﻋﻴﻮﻧﻪ ﺣﻤﺮ ﺩﻡ ﻣﺜﻞ ﻣﺎﺟﺎﻥ ﻗﺒﻞ ﻳﻀﺒﻂ ﻫﻤﺲ ﺑﺪﻭﻥ ﻣﺎ ﻳﺒﺎﻭﻉ ﺑﻌﻴﻮﻧﻲ
- ﺷﻠﻮﻧﻪ ﺍﻟﻄﻔﻞ
- ﺍﺑﺘﺴﻤﺖ ﺑﺮﻏﻢ ﻣﻦ ﺳﺆﺍﻟﻪ ﺍﻟﺠﺎﻑ ﻭﺍﻟﻘﺎﺳﻲ ﺑﺲ ﻓﺮﺣﻨﻲ ﺍﻧﻪ ﺍﻫﺘﻢ ﺑﻲ ﻭﺳﺌﻞ ﻋﻠﻴﻪ ﻭﺍﻃﺎﻧﻲ ﺍﻣﻞ ﺍﺳﺤﺒﻪ ﺍﻟﻲ ﻭﺍﺭﺟﻌﻪ ﻣﺜﻞ ﻗﺒﻞ ﻫﻤﺴﺖ ﻭﺍﻧﻲ ﺍﺑﺎﻭﻋﻠﻪ
ﺯﻳﻦ ﺍﻟﺤﻤﺪﺍﻟﻠﻪ
ﻫﺰ ﺭﺍﺳﻪ ﻭﻣﺸﻪ ﺍﺧﺬ ﻏﺮﺍﺿﻪ ﻭﻭﺻﻞ ﻟﻠﺒﺎﺏ ﻗﺒﻞ ﻻ ﻳﻄﻠﻊ ﺩﺍﺭ ﻭﺟﻬﻪ ﻋﻠﻴﻪ ﺑﺎﻭﻋﻠﻲ ﻭﻫﻤﺲ ﺑﺼﻮﺕ ﻛﻮﻩ ﺳﻤﻌﺘﻪ ﺣﺘﻰ ﺷﻜﻴﺖ ﺑﺮﻭﺣﻲ ﺳﻤﻌﺖ ﻏﻠﻂ
- ﺩﻳﺮﻱ ﺑﺎﻟﺞ ﻋﻠﻴﻪ
ﻭﻋﺎﻑ ﺍﻟﻐﺮﻓﻪ ﻭﻃﻠﻊ ﻭﺍﻧﻲ ﻛﺎﻋﺪﻩ ﻣﺼﺪﻭﻣﻪ ﺳﺆﺍﻟﻪ ﺻﺪﻣﻨﻲ ﻭﻓﻮﻛﺎﻫﺎ ﻳﻜﻠﻲ ﺍﻫﺘﻤﻲ ﺑﻲ ﺷﻜﺪ ﺟﺎﻥ ﺟﺎﻑ ﺑﺤﺠﻴﻪ ﻭﻗﺎﺳﻲ ﺑﺲ ﻛﻞ ﻫﺬﺍ ﻣﺎﻫﻤﻨﻲ ﻓﺮﺣﺘﺘﺖ ﺣﻴﻞ ﻻﻥ ﺍﻫﺘﻢ ﻭﻟﻮ ﺑﺴﺆﺍﻝ
ﻃﻠﻌﺖ ﻳﻢ ﻋﻤﺘﻲ ﻭﺑﻘﺬﺕ ﺍﻫﺪﻱ ﺑﻴﻬﺎ ﻭﺍﻃﻤﻨﻬﺎ ﻳﺮﺟﻮﻥ ﻣﺜﻞ ﻗﺒﻞ ﻭﺍﺣﺴﻦ ﺑﺲ ﺍﺗﻌﺪﻱ ﻫﺎﻱ ﺍﻟﻔﺘﺮﺍ ﻭﻫﻲ ﺗﻬﺰ ﺑﺮﺍﺳﻬﺎ ﻋﺮﻓﺖ ﻧﺼﺮ ﺭﺍﺡ ﻳﺒﻴﻊ ﺍﻟﺴﻴﺎﺭﻩ ﻣﺎﻟﺘﻪ ﻭﻳﻄﻠﻊ ﻟﻠﺒﻨﺎﻥ ﻣﺎﻋﺮﻑ ﺷﻜﻮ ﻭﺷﻌﺪﻩ
ﻭﻟﻴﺶ ﺑﺎﻳﻊ ﺍﻟﺴﻴﺎﺭﻩ ﺟﻨﺖ ﻛﺎﻋﺪﻩ ﺑﻄﺮﻣﻪ ﻭﺻﺎﻓﻨﻪ ﻣﺸﺘﺎﻗﻪ ﻟﻌﻤﺎﺭ ﻭﺑﻴﺘﻨﺎﺍﺍ ﻭﻣﺸﺘﺎﻗﻪ ﺍﻻﻳﺎﻣﻲ ﺍﻟﻴﻌﺸﺘﻬﻦ ﻫﻴﺞ ﻭﻛﺖ ﺟﺎﻥ ﻳﺠﻲ ﺑﺎﺑﺎ ﻣﻦ ﺍﻟﺸﻐﻞ ﻭﺟﺎﻳﺐ ﻭﻳﺎﻩ ﺷﻐﻠﻪ
ﻛﺪ ﻣﺎ ﺟﺎﻧﺖ ﺑﺴﻴﻄﻪ ﺑﺲ ﻓﺮﺣﺘﻬﺎﺍ ﺟﺒﻴﺮﻩ ﻭﺗﻌﺎﺩﻝ ﻛﻨﻮﺯ ﺍﻟﺪﻧﻴﺎ ﺍﻟﺪﻧﻴﺎ ﻣﻐﺮﺏ ﻭﺻﻮﺕ ﺍﻟﻘﺮﺍﻥ ﻳﺮﻥ ﺑﺎﺫﻧﻲ ﻛﻤﺸﺖ ﺑﻄﻨﻲ ﻭﺭﻓﻌﺖ ﺭﺍﺳﻲ ﻟﻔﻮﻙ ﻭﻫﻤﺴﺖ ﺑﺎﺑﺎ ﻻ ﺗﻨﺴﺎﻧﻲ ﺑﺪﻋﺎﺀ ﺍﻧﺖ ﻗﺮﻳﺐ ﻣﻦ ﺭ
ﺏ ﺍﻟﻌﺎﻟﻤﻴﻦ ﺍﺩﻋﻴﻠﻲ ﺣﺘﻰ ﺍﻛﺪﺭ ﺍﺧﻠﺺ ﻧﺼﺮ ﻫﺔﻣﻦ ﻫﺬﺍ ﺍﻟﺴﻢ ﻟﺨﺎﻃﺮ ﻃﻔﻠﻲ
ﻃﺒﻴﺖ ﻟﻠﻤﻄﻴﺦ ﻭﺍﻟﺪﻣﻌﻪ ﺑﻌﻴﻨﻲ ﺣﺘﻰ ﻟﻠﺪﻛﺘﻮﺭﻩ ﻣﺎﺭﺣﺖ ﺍﻟﻴﻮﻡ ﺧﻠﻴﺘﻬﺎ ﻉ ﺑﺎﺟﺮ ﺷﻔﺖ ﺭﺍﻧﻴﺎ ﺍﺳﻮﻱ ﺑﻠﻌﺸﻪ ﻭﺍﺩﻧﺪﻥ ﺑﻠﻐﻨﻴﻪ
ﺑﺎﻭﻋﺖ ﻋﻠﻴﻬﺎ ﺻﻔﺢ ﻭﻫﻤﺴﻪ ﻓﺮﺣﺎﺍﺍﻧﻪ ﺑﺨﺮﺍﺏ ﺍﻻﺧﻮﻩ ﺍﻧﺘﻲ ﺷﻨﻮ ﻣﻦ ﺑﺸﺮ
ﻫﻲ ﻧﺰﺕ ﻭﺑﺎﻭﻋﺘﻠﻲ ﺑﺨﻮﻑ ﻭﺣﺠﺖ ﺑﻜﻠﻤﺎﺕ ﻣﺘﻘﺎﻃﻌﻪ
- ﺋﺌﺌﺊ ﺷﺘﺤﺠﻴﻦ ﺍﻧﺘﻲ ﺷﻨﻮ ﻓﺮﺣﺎﻧﻪ ﻭﻓﺮﺍﻕ ﻭﺷﻨﻮ ﻫﻞ ﺍﻟﺘﻤﺴﻠﺖ ﻫﺬﺍ
- ﺗﻤﺴﻠﺖ ﺍﻟﻠﻪ ﻋﻠﻴﺞ ﺭﺍﻧﻴﺎﺍ ﺗﻤﺴﻠﺖ ﺻﺎﺭ ﺍﻟﻜﻼﻡ ﺍﺗﻘﺪﻣﺖ ﻭﺻﺮﺕ ﻛﺪﺍﻣﻬﺎ ﻭﺟﻬﻪ ﺑﻮﺟﻬﻪ ﻭﻫﻤﺴﺖ ﺍﻟﻬﺎ
ﻫﺬﺍ ﻭﺟﻬﺞ ﺍﻟﺒﺮﻳﺊ ﻻ ﺍﻃﻠﻌﻲ ﻛﺪﺍﻣﻲ ﻻ ﻛﺸﻔﺖ ﻭﺟﻬﺞ ﺍﻟﺤﻘﻴﻘﻲ ﻳﺎ ﺧﻴﺘﻴﻮﻟﻮ ﻣﺎﺗﺴﺘﺎﻫﻠﻴﻦ ﻫﻠﻜﻠﻤﻪ ﺗﺪﺭﻳﻦ ﻟﻴﺶ ﻻﻥ ﺍﻻﺧﺖ ﺷﻲ ﻋﻈﻴﻴﻴﻢ
ﺗﺪﺭﻳﻦ ﺷﻨﻮ ﻳﻌﻨﻲ ﺍﺧﺖ ﻟﻮ ﻻ ﺍﻻﻧﺴﺎﻥ ﺑﻬﺬﺍ ﺍﻟﺪﻧﻴﺎ ﻳﺤﺘﺎﺝ ﺍﺣﺪ ﻳﺘﻜﻠﻢ ﻭﻳﺎﻩ ﺑﺎﺳﻮﺀ ﻭﻗﺖ ﺍﻳﻌﻴﺸﻪ ﻭﺍﻓﻀﻞ ﻭﻗﺖ ﻭﻣﺎﺭﺍﺡ ﻳﻠﻜﻲ ﻏﻴﺮ ﺍﻻﺧﺖ ﺍﻟﻲ ﻳﺴﻮﻟﻒ ﺍﻟﻬﺎ ﻛﻞ ﺷﻲ ﻭﻫﻮ ﻣﺎﻳﻨﺪﻡ ﻭﻳﻌﺮﻑ ﺍﻧﻪ ﺍﺧﺘﻪ ﻣﺎﺭﺍﺡ ﺍﺗﺨﺬﻟﻪ ﺑﺲ ﺍﻧﺘﻲ ﺷﻨﻮﻭ ﺍﻧﺘﻲ ﺧﺎﻳﻨﻪ ﻭﺣﺪﻩ ﻭﺻﺨﻪ ﻭﺍﻧﺎﻧﻴﻪ ﻣﺎﻳﻬﻤﻬﺎ ﻏﻴﺮ ﻧﻔﺴﻬﺎ ﻭﺑﺴﺴﺲ
ﺗﺪﺭﻳﻦ ﺍﻻﺧﺖ ﺍﻟﺠﺒﻴﺮﻩ ﻫﻲ ﺍﻻﻡ ﺍﻟﺜﺎﻧﻴﻪ ﻭﻫﻲ ﺍﻟﺼﺪﻳﻘﻪ ﻭﻫﻲ ﺍﻟﺮﻭﺡ ﺑﺲ ﺍﻧﻲ ﻣﺎﻋﺮﻓﺖ ﻫﺬﺍ ﺍﻟﺸﻲ ﺍﻧﻲ ﺣﺘﻰ ﺍﻣﻲ ﺧﺬﻟﺘﻨﻲ ﻭﺧﺎﻧﺘﻨﻲ ﺍﺗﺮﺟﻪ ﻣﻨﺞ ﺷﻲ ﺯﻳﻦ ﻫﻬﻬﻪ
ﺭﺍﻧﻴﺎ ﻋﻮﻓﻲ ﻧﺼﺮ ﺑﺤﺎﻟﻪ ﺍﻓﻀﻞ ﺍﻟﺞ ﻭﺍﻟﻨﺎ ﻛﻠﻨﺎ ﻻﻥ ﺷﻜﺪ ﻣﺎ ﺗﻤﺮ ﺍﻳﺎﻡ ﻭﺳﻨﻴﻦ ﺭﺍﺡ ﻳﺠﻲ ﻳﻮﻡ ﻭﺍﻟﻜﻞ ﻳﻌﺮﻑ ﻫﺬﺍ ﺍﻟﺸﻲ ﻭﺻﺪﻛﻴﻴﻲ ﻣﺤﺪ ﺭﺍﺡ ﻳﺴﺎﻣﺤﺞ ﻭﺳﺎﻋﺘﻬﺎ ﺗﺼﻔﻴﻦ ﺑﺸﺎﺭﻉ ﻉ ﺍﻻﻗﻞ ﺳﻮﻳﻠﺞ ﺷﺸﻐﻠﻪ ﺯﻳﻨﻪ
ﻛﻤﻠﺖ ﻛﻼﻣﻲ ﻭﻋﻔﺘﻬﺎ ﻭﻃﻠﻌﺖ ﻣﻦ ﺍﻟﻤﻄﺒﺦ ﻭﺍﺣﺲ ﻛﻠﺒﻲ ﻣﻜﺴﻮﺭﺭﺭ ﻛﺴﺮ ﻣﺮﺕ ﺍﻻﻳﺎﻡ ﺗﺮﻛﺾ ﺭﻛﺾ ﻣﺤﺪ ﻳﻌﺮﻑ ﺑﺤﻤﻠﻲ ﻏﻴﺮ ﺑﺲ ﺍﺣﻨﻰ
ﻋﻤﺘﻲ ﻣﺎﻗﺒﻠﺖ ﺍﻃﺶ ﺍﻟﻬﺒﺮ ﻭﺍﻱ ﺍﺣﺪ ﻳﺠﻲ ﺍﻧﻲ ﺑﻐﺮﻓﺘﻲ ﻭﺍﻟﻲ ﻳﺴﺌﻞ ﻋﻠﻴﻪ ﺍﺟﺎﻭﺑﻬﻢ ﻳﻢ ﺍﻫﻠﻬﺎ
ﺟﺎﻧﺖ ﺍﺗﺨﺰﻑ ﻻ ﺗﺨﺴﺮ ﺣﻔﻴﺬﻫﺎ ﻭﺍﺑﻦ ﺍﺑﻨﻬﺎ ﺍﻟﺠﺒﻴﺮﺍﻟﻲ ﺟﺎﻧﺖ ﺗﻨﺘﻈﺮﻩ ﺍﻳﺎﻡ ﻣﻦ ﻧﻜﻌﺪ ﺳﻮﻩ ﻭﺍﺳﺌﻠﻬﺎ ﻟﻴﺸﻤﺎﺗﻜﻮﻟﻴﻦ ﺍﻻﺣﺪ ﻋﻦ ﺣﻤﻠﻲ ﻳﻜﻮﻥ ﺟﻮﺍﺑﻬﺎ
- ﻳﻤﻪ ﺷﻤﺎﺗﺖ ﻧﺼﺮ ﻫﻮﺍﻱ ﻭﻋﻴﻮﻥ ﺍﻟﺤﺴﺪ ﻫﻮﺍﻱ ﺍﺫﺍ ﺍﻛﻠﻬﻢ ﺣﺎﻣﻞ ﺭﺍﺡ ﻳﻀﺮﺑﻮﻧﺞ ﺑﻌﻴﻦ ﻭﻫﻮ ﺟﺎﻥ ﻋﻘﻴﻢ ﻭﺑﺴﺮﻋﻪ ﺣﻤﻠﺘﻲ ﻣﻨﻪ ﻭﻻ ﺳﺎﻣﺢ ﺍﻟﻠﻪ ﻋﻴﻮﻥ ﺍﻟﺤﺎﻗﺪ ﺑﺴﺮﻋﻪ ﺍﺗﺎﺛﺮ ﻭﻫﻮ ﻣﻨﺎ ﺍﻟﻄﻔﻞ ﻭﺿﻌﻪ ﻣﻮ ﺗﻤﺎﻡ ﻭﻛﻮﻩ ﻻﺯﻛﻲ ﻫﻬﻬﻬﻬﻬﻬﻪ
- ﻫﻬﻬﻬﻪ ﺍﻱ ﺑﺼﻤﻎ ﺍﺑﻮ ﻋﺼﺎﺗﻴﻦ ﻫﻬﻬﻬﻬﻪ
- ﺍﻱ ﻳﺎﻳﻤﻪ ﻭﺍﺧﺎﻑ ﺍﺧﺴﺮﻩ ﻭﺍﻧﻲ ﻣﻤﺼﺪﻛﻪ ﺭﺍﺡ ﺍﺷﻮﻑ ﺟﻬﺎﻝ ﻧﺼﺮ ﻗﺒﻞ ﻻ ﺍﻭﺩﻉ
- ﻋﻤﺮﺝ ﻃﻮﻭﻳﻞ ﻋﻤﻪ ﺻﺪﻙ ﺟﺬﺏ
- ﺣﺒﻴﺒﺘﻲ ﺳﻤﻌﻴﻨﻲ ﺯﻳﻦ ﺑﺲ ﺍﺩﺧﻠﻴﻦ ﺑﺸﻬﺮ ﺍﻟﺴﺎﺩﺱ ﻭﻧﻌﺮﻑ ﻭﺿﻌﻪ ﺯﻳﻦ ﺳﺎﻋﺘﻬﺎ ﺍﻃﺶ ﺍﻟﺨﺒﺮ
- ﺍﻧﺸﺎﺀﺍﻟﻠﻪ ﻋﻤﻪ
- ﺍﻱ ﻭﺍﻟﻠﻪ ﻭﺍﻛﺴﺮ ﻋﻴﻮﻥ ﺍﻟﻲ ﺭﻓﻀﻮﻭ ﻭﻗﻠﻠﻮ ﻣﻦ ﻫﻴﺒﺘﻪ
- ﺣﺒﻴﺒﺘﻲ ﻋﻤﻪ ﺍﻟﻠﻪ ﻣﻮﺟﻮﺩ ﺍﻫﻢ ﺷﻲ ﺻﺤﺘﺞ
ﺻﺤﺖ ﻋﻤﺘﻲ ﺟﺎﻧﺖ ﺑﻨﺎﺯﻝ ﻣﻨﺎ ﻧﺼﺮ ﻭﻏﻴﺎﺑﻪ ﺍﻟﻤﻄﻮﻝ ﻭﻣﻨﺎ ﺳﻨﺪ ﺍﻟﻲ ﻣﺎﻃﺐ ﺍﻟﺒﻴﺖ ﺑﻌﺪ ﻣﻦ ﺫﺍﻙ ﺍﻟﻴﻮﻡ
ﻃﺒﻴﺖ ﺑﺸﻬﺮ ﺍﻟﺮﺍﺑﻊ ﻭﻗﺮﺭﺕ ﺍﺭﻭﺡ ﺍﺷﻮﻑ ﺟﻨﺲ ﺍﻟﺠﻨﻴﻦ ﺟﻨﺖ ﺣﻴﻴﻴﻞ ﻣﺘﺤﻤﺴﻪ ﻭﻓﺮﺣﺎﻧﻪ ﺑﺲ ﺑﻴﻪ ﻗﻬﺮ ﻛﺪ ﺍﻟﺪﻧﻴﺎ ﻻﻥ ﻧﺼﺮ ﻣﻮ ﻳﻤﻲ ﻭﺻﺎﺭ ﺷﻬﺮ ﻭﻫﻮ ﺑﻠﺒﻨﺎﻥ ﻳﻌﻨﻲ ﺷﻬﺮﻳﻦ ﻫﻮ ﺑﺮﻩ ﺍﻟﺒﻴﺖ ﻭﻣﺎﻋﺮﻑ ﻋﻨﻪ ﺍﻱ ﺷﻲ
ﺭﺣﺖ ﺍﻧﻲ ﻭﻋﻤﺘﻲ ﻭﺟﺎﻧﺖ ﻛﻮﺛﺮ ﻭﺳﻨﺪ ﻳﻨﺘﻈﺮﻭﻧﺎ ﻫﻨﺎﻙ ﻃﺒﻴﺖ ﻟﻠﺪﻛﺘﻮﺭﻩ ﻭﻛﻮﺛﺮ ﻭﻳﺎﻱ ﻃﺒﻌﺎ ﻻﻥ ﺍﻟﺪﻛﺘﻮﺭﻩ ﻫﻲ ﻧﻔﺴﻬﺎ ﺩﻛﺘﻮﺭﺓ ﻛﻮﺗﺮ ﻭﺟﺎﻧﺖ ﺍﺗﺮﺍﺟﻊ ﻋﺪﻫﺎ ﻣﻦ ﺗﺤﻤﻞ
ﻃﺒﻴﺖ ﻭﻛﻮﺛﺮ ﻭﻋﻤﺘﻲ ﻭﻳﺎﻱ ﺣﺠﺖ ﻭﻳﺎﻱ ﻭﺍﺧﺬﺗﻨﻲ ﻟﻞ ﺳﺪﻳﻪ ﺍﺗﻤﺪﺩ ﻭﻭﺣﻄﺖ ﺍﻟﺠﻞ ﻭﻣﺸﺖ ﺍﻟﺠﻬﺎﺯ ﻉ ﺑﻄﻨﻲ ﻭﻫﻲ ﺗﺒﺎﻭﻉ ﻉ ﺑﻄﻨﻲ ﻭﺍﺗﻬﺰ ﺑﺮﺍﺳﻬﺎ ﺑﺎﻭﻋﺘﻠﻲ ﻭﺍﺑﺘﺴﻤﺖ ﻭﻛﺎﻟﺖ
ﺯﻭﺟﺞ ﺷﻨﻮ ﻳﺮﻳﺪ ﺯﻟﻤﻪ ﻟﻮ ﺑﻨﻮﺗﻪ
- ﻛﻠﻤﺘﻪ ﺫﺑﺤﺖ ﺑﻴﻪ ﺍﺧﺮ ﺻﺒﺮ ﺟﻨﺖ ﻣﺘﺤﻤﻠﺘﻪ ﻭﻫﻤﺴﺖ ﻭﺍﻟﺪﻣﻮﻉ ﺗﻠﻤﻊ ﺑﻌﻴﻨﻲ
- ﺍﻱ ﺷﻲ ﺍﻫﻢ ﺷﻲ ﺗﻤﺎﻡ ﺍﻟﺨﻠﻘﻪ ﻣﻮ ﻣﻬﻢ ﺷﻨﻮ
- ﺍﻭﻳﻲ ﻓﺪﻭﻭﻩ ﻳﺎﻋﻴﻨﻲ ﻟﺞ ﺍﻡ ﻫﻤﺴﻪ ﺗﺬﻛﺮﻳﻦ ﻣﻦ ﺟﻨﺘﻲ ﺗﺠﻴﻨﻲ ﻭﺍﺗﻜﻠﻴﻠﻲ ﻓﺪﻭﻭﻩ ﺑﺸﺮﻳﻨﻲ ﻭﻟﺪﺩﺩ ﻫﻬﻬﻬﻬﻬﻬﻬﻪ ﻭﺍﻧﻲ ﺍﻛﻠﺞ ﻻﺍﺍﺍ ﺑﻨﻮﺗﻪ ﺍﻣﻮﺭﻩ ﻭﺍﻧﺘﻲ ﺗﻔﺮﺣﻴﻦ ﻫﻬﻬﻬﻪ ﺑﺮﻏﻢ ﻣﻦ ﺷﻜﺪ ﺟﻨﺘﻲ ﻣﺸﻮﻗﻪ ﻟﻠﻮﻟﺪ
- ﺍﻟﺤﻤﺪﺍﻟﻠﻪ ﻉ ﻛﻠﺸﻲ ﺩﻛﺘﻮﺭﻩ ﻭﻫﺎﻱ ﺍﻟﻠﻪ ﺭﺯﻗﻨﻲ ﻫﺴﻪ ﻭﺍﻟﻠﻪ ﻭﻛﻴﻠﺞ ﻟﻮ ﺿﺎﻟﻪ ﻉ ﺍﻟﺒﻨﺎﺕ ﻫﻮﺍﻱ ﺍﺷﺮﻓﻠﻲ ﻫﻬﻬﻬﻬﻬﻬﻬﻪ
- ﻫﻬﻬﻬﻬﻬﻬﻬﻪ ﺧﻮﺵ ﻟﻌﺪ ﺍﻱ ﻣﺎﻣﺎﺗﻲ ﻟﻌﺪ ﺍﺭﻳﺪ ﺍﻟﺒﺸﺎﺭﻩ ﺣﺎﻣﻞ ﺑﺰﻟﻤﻪ ﺧﺸﺸﺸﻦ ﻉ ﺍﺑﻮﻩ ﻭﻋﻤﻪ ﻫﻬﻬﻪ
ﺣﺠﺘﻬﺎ ﻭﻋﻤﺘﻲ ﻫﻠﻬﻠﺖ ﻓﺮﺣﺎﻧﻪ ﻛﻤﺖ ﻣﺴﺤﺖ ﺍﻟﺠﻞ ﻭﻛﻌﺪﺕ ﻛﺪﺍﻣﻬﺎ ﻛﺘﺒﺘﻠﻲ ﻉ ﻣﻘﻮﻳﺎﺕ ﻭﻛﺎﻟﺖ
ﺍﺳﺘﻤﺮﻱ ﻋﻠﻴﻬﻦ ﻫﻮ ﺍﻟﻄﻔﻞ ﺍﺣﺴﻦ ﻣﻦ ﻗﺒﻞ ﺑﺲ ﻫﻢ ﻳﺤﺘﺎﺟﻠﻪ ﻣﻘﻮﻳﺎﺕ
ﻋﻤﺘﻲ : ﺩﻛﺘﻮﺭﻩ ﺷﻠﻮﻥ ﻭﺿﻊ ﺍﻟﻄﻔﻞ
- ﺍﻟﺤﻤﺪﺍﻟﻠﻪ ﺧﺎﻟﻪ ﺍﺣﺴﻦ ﺑﺲ ﻣﻮ ﻣﻌﻨﺎﻫﺎ ﺗﺸﺘﻐﻞ ﻭﺗﻔﺘﺮ ﻣﺜﻞ ﻣﺎ ﻭﺻﻴﺘﻬﺎ ﻗﺒﻞ ﺍﻱ ﺷﻲ ﻣﺎﻛﻮ ﻭﺍﺗﻤﺪﺩ ﻉ ﺿﻬﺮﻱ ﻓﺪ ﺷﻬﺮﻳﻦ ﻭﺍﻧﻜﻮﻝ ﺗﻤﺎﻡ
ﺍﺑﺘﺴﻤﺖ ﺍﻟﻬﺎ ﻭﺷﻜﺮﻧﺎﻫﺎ ﻭﻃﻠﻌﻨﺎ ﻛﻮﺛﺮ ﺑﺸﺮﺕ ﺳﻨﺪ ﻭﻫﻮ ﺿﺤﻚ ﻭﻛﺎﻝ
- ﺍﻟﻒ ﻣﺒﺮﻭﻙ ﺍﻡ ﺍﺑﺮﺍﻫﻴﻢ ﺻﺎﺭ ﻻﺯﻡ ﺍﺩﻭﺭ ﺍﻧﺼﻴﺢ ﺍﻡ ﺍﺑﺮﺍﻫﻴﻢ ﺑﻌﺪ ﻫﺬﻫﻮ
- ﻫﻬﻬﻬﻬﻪ ﺍﻟﻠﻪ ﻳﺒﺎﺭﻙ ﺑﻴﻚ
ﺭﺟﻌﺖ ﻟﻠﺒﻴﺖ ﻭﻋﻤﺘﻲ ﻫﻢ ﺧﻠﺘﻬﺎ ﻏﻨﺴﻪ ﻭﻣﺎﻛﺎﻟﺖ ﻻﺣﺪ ﻋﺮﻓﺖ ﻣﻦ ﻣﺜﻨﻰ ﻧﺼﺮ ﺟﺎﻥ ﻣﻦ ﻟﺒﻨﺎﻥ ﺻﺎﻟﻪ ﻓﻮﻙ ﺍﻻﺳﺒﻮﻋﻴﻦ ﺑﺲ ﻫﻮ ﻉ ﺍﻟﺤﺪﻭﺩ ﻫﺴﻪ ﺑﺸﻐﻠﻪ ﻭﻟﺴﻪ ﻭﻳﻄﻮﻝ ﺑﻌﺪبيج قصص عراقيه حقيقيه من واقعنا.روعه الطائي
ﺟﺎﻥ ﻛﻞ ﺍﻟﻲ ﻳﺴﺌﻞ ﻋﻨﻪ ﺍﻧﺠﺎﻭﺏ ﺑﺸﻤﺎﻝ ﺑﻤﺤﻠﻪ ﻭﻫﻮ ﺻﺪﻙ ﺑﺪﻫﻮﻙ ﻓﺘﺢ ﻣﺤﻞ ﻭﺣﻂ ﺑﻲ ﻋﻤﺎﻝ ﺛﻘﻪ
ﻓﻞ ﺍﻟﻜﻞ ﻳﻀﻦ ﻫﻮ ﻫﺬﺍ ﺷﻐﻠﻪ ﺍﻻﺳﺎﺳﻲ ﻭﻳﻜﻮﻟﻮﻥ ﻳﺮﺍﺩﻟﻨﺎ ﺭﻭﺣﻪ ﻟﺪﻫﻮﻙ ﺍﻧﺸﻮﻓﻪ
ﻣﺮﺕ ﻛﻢ ﺍﺳﺒﻮﻉ ﺭﺍﻧﻴﺎ ﻣﺎ ﺍﻧﻄﺦ ﺑﻴﻬﺎ ﺑﻴﻬﺎ ﺍﺑﺪ ﻭﺍﺳﺘﻐﺮﺑﺖ ﻣﻦ ﻋﺮﻓﺘﻬﺎ ﺍﺗﺮﻳﺪ ﺍﺗﺮﻭﺡ ﻻﻫﻠﻲ
ﻋﻤﺘﻲ ﻛﺎﻟﺖ ﺗﺮﺣﻴﻦ ﻛﻠﺘﻠﻬﺎ ﻻ ﻣﺎﺭﻳﺪ ﺍﺭﻭﺡ ﻭﺍﻛﺎﺑﻠﻬﻦ ﻭﺍﻛﻌﺪ ﺍﺳﺘﻐﺮﺑﺖ ﻻﻥ ﻣﻦ ﺍﺭﺑﻌﻴﻦ ﺑﺎﺑﺎ ﻣﻦ ﺭﺣﺖ ﺍﻻﻋﻠﻲ ﻭﻫﺴﻪ ﺻﺎﻟﻲ ﻛﻢ ﺷﻬﺮ ﻣﺎﺭﺍﻳﺤﻪ
ﺍﻻﺳﻮﺩ ﻟﺤﺪ ﻻﻥ ﻣﺎ ﻧﺰﻋﺘﻪ ﻻﻥ ﻣﻴﻄﻴﻨﻲ ﻛﻠﺒﻲ ﺍﻧﺰﻋﻪ
ﻛﻠﺒﻲ ﺟﺎﻥ ﻧﺎﻏﺰﻧﻲ ﻣﻦ ﺭﻭﺣﺔ ﺭﺍﻧﻴﺎ ﻻﻥ ﻋﺮﻓﺖ ﺳﺤﺎﺭﺗﻬﺎ ﺍﻟﺤﻘﻴﺮﻩ ﻣﻦ ﻃﺮﻑ ﺍﻣﻲ ﻭﻫﻨﺎﻙ ﺗﺮﻭﺡ ﺍﺟﻴﺐ
ﻭﺍﻧﻲ ﺍﻓﻮﺭ ﻧﺎﺭ ﺧﺎﺑﺮﺕ ﻛﻮﺛﺮ ﺍﺗﻜﺮ ﻋﻠﻴﻪ ﻭﻛﻮﻭﻩ ﻗﺒﻠﺖ ﻋﻤﺘﻲ ﺍﻃﻠﻊ ﺍﺧﺬﺗﻨﻲ ﻛﻮﺛﺮ ﻭﻃﻠﻌﻨﺎ ﻟﻤﺮﻩ ﻣﻌﺮﻭﻓﻪ ﺳﺌﻠﻨﺎ ﻋﻠﻴﻪ ﻭﺩﻟﻮﻧﺎ
ﺩﻛﺖ ﺍﻟﺒﺎﺏ ﻛﻮﺛﺮ ﻭﺍﻧﻲ ﻣﺠﻠﺒﻪ ﺑﻴﻬﺎ ﺣﻴﻞ ﺧﺎﻳﻔﻪ ﻓﺘﺤﺖ ﺍﻟﺒﺎﺏ ﻣﺮﻩ ﻳﻄﻠﻊ ﻋﻜﺮﻫﺎ ﺑﺪﺍﻳﺔ ﺍﻻﺭﺑﻌﻴﻦ ﺑﺲ ﺷﺨﺼﻴﻪ ﻻﺑﺴﻪ ﺩﺷﺪﺍﺷﻪ ﺯﻳﺘﻮﻧﻲ ﻭﺍﻟﺸﻌﺮ ﺍﺳﻮﺩ ﺷﺎﺩﺗﻪ
ﻛﻮﺛﺮ : ﺍﻟﺴﻼﻡ ﻋﻠﻴﻜﻢ ﺣﻈ
ﺮﺗﺞ ﺍﻡ ﺭﻳﺎﻥ
- ﻭﻋﻠﻴﻜﻢ ﺍﻟﺴﻼﻡ ﺍﻱ ﻧﻌﻢ ﺍﻧﻲ ﻭﺻﻠﺘﻮ ﺗﻔﻀﻠﻮ
ﺩﺧﻠﺘﻨﺎ ﻭﺍﻧﻲ ﻣﺠﻠﺒﻪ ﺑﻜﻮﺛﺮ ﺣﻴﻞ ﻭﻫﻲ ﺗﺨﺰﺭ ﺑﻴﻪ
- ﻭﻟﺞ ﻓﺸﻠﺘﻴﻨﺎ ﻫﺴﻪ ﺍﻟﻤﺮﻩ ﺷﺘﻜﻮﻝ ﻋﻠﻴﻨﺎ ﺍﺳﻜﺘﻲ
- ﺳﻜﺘﺖ ﻭﻭﺧﺮﺕ ﻋﻨﻬﺎ ﺍﻟﻤﺮﻩ ﻣﻦ ﺷﺎﻓﺘﻨﻲ ﻫﻴﺞ ﺿﺤﻜﺖ ﺍﻟﻲ ﻭﻛﺎﻟﺖ ﺍﺗﻔﻀﻠﻮ ﻫﺴﻪ ﺍﺟﻴﻜﻢ
ﻃﺒﻴﻨﺎ ﺍﻟﻐﺮﻓﻪ ﺟﺎﻧﺖ ﻣﻠﻴﺎﻧﻪ ﺻﻮﺭ ﺍﺋﻤﻪ ﻭﺍﻫﻞ ﺍﻟﺒﻴﺖ ﻭﺭﻳﺤﺘﻬﺎ ﻛﻠﺸﺸﺸﺶ ﻃﻴﺒﻪ ﻭﺣﻠﻮﻩ ﻭﺍﻛﻮ ﺻﻴﻨﻴﻪ ﺑﻌﻴﺪﻩ ﻣﺎﻋﺮﻓﺖ ﺷﻨﻮ ﺑﻴﻬﺎ ﺩﺧﻠﺖ ﺍﻟﻤﺮﻩ
ﻣﺘﻮﺿﺎﻳﻪ ﻭﺍﺧﺬﺕ ﺟﺎﺩﺭ ﻣﻦ ﻳﻢ ﺍﻟﺼﻴﻨﻴﻪ ﻭﻟﺒﺴﺘﻪ ﻭﺑﺎﻭﻋﺖ ﻉ ﻛﻮﺛﺮ ﻭﻛﺎﻟﺖ ﺍﺗﻔﻀﻠﻮ ﺣﺒﻴﺒﺎﺗﻲ ﺑﻴﻤﻦ ﺍﺳﺎﻋﺪﻛﻢ
ﻛﻮﺛﺮ : ﻭﺍﻟﻠﻪ ﻣﺎﻋﺮﻑ ﺷﻠﻮﻥ ﺍﺣﺠﻲ ﺑﺲ ﻫﻮ ﺣﻤﺎﻳﻪ ﻣﺴﻮﻳﻠﻪ ﺳﺤﺮ ﺍﻭﻝ ﺷﻲ ﺳﺤﺮ ﻣﺤﺒﻪ ﻣﺎﻋﺮﻑ ﺍﻳﺶ ﻋﻠﻤﻮﺩ ﻳﻘﺒﻞ ﻳﺰﻭﺝ ﻭﺑﻌﺪﻳﻦ ﺳﻮﻭﻟﻪ ﺳﺤﺮ ﻛﺮﻩ ﻣﺪﺭﻱ ﺷﻨﻮ ﻭﺍﻟﻠﻪ ﻣﺎﻋﺮﻑ ﺑﺲ ﺣﺎﻟﻪ ﺍﻧﻜﻠﺐ 180 ﺩﺭﺟﻪ
ﺳﻜﺘﺖ ﺍﻟﻤﺮﻩ ﻭﺑﺎﻭﻋﺖ ﺑﻌﻴﻮﻧﻲ ﺿﻠﺖ ﺩﻗﺎﺋﻖ ﻫﻲ ﺻﺎﻓﻨﻪ ﺑﻴﻬﻦ ﻭﺑﻌﺪﻳﻦ ﻛﺎﻟﺖ ﺗﻌﺎﻱ ﻛﺪﺍﻣﻲ ﺣﺒﻴﺒﺘﻲ
ﺭﺣﺖ ﻛﻌﺪﺕ ﻛﺪﺍﻣﻬﺎ ﺣﻄﺖ ﺍﻳﺪﻫﺎ ﻉ ﺑﻄﻨﻲ ﻭﺍﺑﺘﺴﻤﺖ ﻭﻛﺎﻟﺖ
- ﻫﺬﺍ ﺍﻟﻄﻔﻞ ﻭﺟﻬﻪ ﺧﻴﺮ ﺑﺲ ﻭﺭﺍﻩ ﻫﻮﻭﺍﻱ ﺍﺷﻴﺎﺀ ﻭﺭﺍﺡ ﺗﺘﻌﺬﺑﻴﻦ ﻣﻦ ﻭﺭﺍﻩ ﻫﻮﻭﻭﺍﻱ ﺑﺲ ﻣﻊ ﺍﻟﻌﺴﺮ ﻳﺴﺮ ﻭﻣﻔﺘﺎﺡ ﺍﻟﻔﺮﺝ ﻫﻮ ﺍﻟﺼﺒﺮ ﺑﻨﻴﺘﻲ
ﺍﻟﺸﺎﺏ ﺍﻟﻲ ﺣﺠﺖ ﻋﻨﻪ ﺍﻻﺧﺖ ﻫﻮ ﺯﻭﺟﺞ ﻣﻮ
ﺻﻔﻨﺖ ﻋﻠﻴﻬﺎ ﺷﺎﻭﻥ ﻋﺮﻓﺖ ﺍﻧﻲ ﺣﺎﻣﻞ ﻭﺷﻠﻮﻥ ﻋﺮﻓﺖ ﺯﻭﺟﻲ ﻭﻛﻮﺛﺮ ﻣﺎ ﻛﺎﻟﺖ ﻫﺰﻳﺘﻠﻬﺎ ﺭﺍﺳﻲ ﻭﺍﻧﻲ ﺧﺎﻳﻔﻪ ﻭﺍﺭﺟﻒ ﺑﺎﻭﻋﺖ ﻉ ﻛﻮﺛﺮ ﺑﻌﻴﻮﻧﻬﺎ ﺍﻃﻤﺎﺋﻨﻴﻪ ﻭﻫﺰﺗﻠﻲ ﺭﺍﺳﻬﺎ
ﺑﺎﻭﻋﺖ ﻉ ﺍﻟﻤﺮﻩ ﻭﻛﺘﻠﻬﺎ ﺍﻱ
- ﺍﺧﺬﺕ ﺍﻳﺪﻱ ﻭﺣﻄﺘﻬﺎ ﻉ ﺍﻟﻘﺮﺍﻥ ﻭﻛﺎﻟﺖ ﺷﻨﻮ ﺍﺳﻢ ﺯﻭﺟﺞ ﻭﺍﺳﻢ ﺍﻣﻪ
ﺑﺎﻭﻋﺖ ﻉ ﻛﻮﺛﺮ ﺿﺤﻚ ﻭﻛﺎﻟﺖ ﻫﻤﺰﻳﻦ ﻋﻤﺘﻲ ﺫﺍﻛﻠﻴﻮﻡ ﻛﺎﻟﺖ ﺍﺳﻤﻬﺎ ﺟﺎﻥ ﺿﻠﻴﻨﺎ ﺣﺎﻳﺮﻳﻦ ﺿﺤﻜﺖ ﻋﻠﻴﻬﺎ ﻭﺟﺎﻭﺑﺖ ﺍﻟﻤﺮﻩ
ﻧﺼﺮ ﺍﻟﺪﻳﻦ ﺍﺑﻦ ﺩﻻﻝ
ﺑﻘﺖ ﺍﻳﺪﻱ ﻉ ﺍﻟﻘﺮﺍﻥ ﻭﻣﺎﻋﺮﻑ ﺷﻨﻮ ﺿﻠﺖ ﺗﺤﺠﻲ ﻭﺑﺲ ﺷﻔﺘﻴﻔﻬﺎ ﺗﺘﺤﺮﻙ ﻭﺗﺒﺎﻭﻉ ﺑﻌﻴﻮﻧﻲ ﻭﺧﺮﺕ ﺍﻳﺪﻱ ﻭﻓﺘﺢ ﺍﻟﻘﺮﺍﻥ
ﺍﻧﺘﺒﻬﺖ ﻉ ﻣﻼﻣﺢ ﺍﻟﻤﺮﻩ ﻋﻜﺪﺕ ﺣﻮﺍﺟﺒﻬﺎ ﻭﺑﻴﻨﺖ ﻉ ﻣﻼﻣﺤﻪ ﻫﻮﺍﻱ ﺍﺷﻴﺎﺀ ﻣﻜﺪﺭﺕ ﺍﻓﺴﺮﻫﻦ ﺑﺲ ﻧﻈﺮﺍﺗﻬﺎ ﺧﻮﻓﺘﻨﻲ
- ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻣﺎﻣﺎ ﺯﻭﺟﺞ ﻣﺴﻮﻳﻠﻪ ﻋﻤﻠﻴﻦ ﻭﻋﻤﻞ ﻋﻜﺲ ﻋﻤﻞ ﻣﺜﻞ ﻣﺎﻛﺎﻟﺖ ﺍﻻﺧﺖ ﻭﻫﺬﺍ ﺍﻟﺸﻲ ﺍﺫﺍ ﻃﻮﻝ ﺭﺍﺡ ﻳﻀﺮ ﺑﺼﺤﺘﻪ ﻭﺍﺗﺨﺴﺮﻭﻭ
ﻭﺍﻟﻤﺮﻩ ﺍﻟﻲ ﻣﺴﻮﻳﻪ ﺍﻟﺴﺤﺮ ﻭﺣﺪﻩ ﻣﺸﻌﻮﺫﻩ ﻭﻣﺴﺘﺨﺪﻣﻪ ﺍﺷﻴﺎﺀ ﻭﺻﺨﻪ ﺑﺲ ﺯﻭﺟﺞ ﻋﺪﻩ ﺍﻳﻤﺎﻥ ﺻﺢ ﻗﻠﻴﻞ ﺑﺲ ﻫﺬﺍ ﺍﻳﻤﺎﺗﻪ ﺍﻟﻘﻠﻴﻞ ﻫﻮ ﺍﻟﻲ ﻣﺨﻠﻲ ﻣﺤﺎﻓﻆ ﻉ ﻋﻘﻠﻪ ﻭﻭﻟﻮﻻ ﺟﺎﻥ ﻣﻦ ﺯﻣﺎﺍﻥ ﻓﻘﺪ ﻋﻘﻠﻪ ﻣﻦ ﻭﺭﻩ ﻫﺬﺍ ﺍﻟﺴﺤﺮ
ﺷﻮﻓﻲ ﻣﺎﻣﺎ ﺍﻟﺒﻨﻴﻪ ﺍﻟﻲ ﺭﺍﻳﺤﻪ ﻭﻣﺴﻮﻳﻪ ﺍﻟﺴﺤﺮ ﻛﻞ ﻫﻤﻬﺎ ﻫﻲ ﻭﺑﺲ ﻭﻫﻲ ﻗﺮﻳﺒﺘﺞ ﻭﻣﻨﺞ ﻭﺑﻴﺞ ﻋﺪﻫﺎ ﻣﺼﻠﺤﺘﻬﺎ ﻭﺑﺲ ﻭﻣﺎﺗﻜﺪﺭﻳﻦ ﺗﻔﻜﻴﻦ ﻫﺬﺍ ﺍﻟﺴﺤﺮ ﺍﺋﻠﻪ ﺍﺫﺍ ﺫﺑﻴﺘﻲ ﻣﻮﺍﺩ ﺍﻟﺴﺤﺮ ﺍﻟﺜﺎﻧﻲ
ﺑﺒﺤﺮ ﻋﻤﻴﻴﻴﻴﻖ ﺣﻴﻴﻞ
- ﺻﻔﻨﺖ ﻉ ﻛﻼﻣﻪ ﻭﻫﺰﻳﺖ ﺭﺍﺳﻲ ﺑﺎﻭﻋﺘﻠﻪ ﻭﻛﺘﻠﻬﺎ ﺍﻋﺮﻑ ﻣﻨﻮ ﺍﻟﻲ ﻣﺴﻮﻳﺘﻪ ﻭﻫﺬﺍ ﻟﻜﻴﻨﺎ ﻭﻳﻪ ﺍﻟﻐﺮﺍﺽ ﻫﻮ ﺍﻟﻲ ﺗﺤﺠﻴﻦ ﻋﻨﻪ
ﻃﻠﻌﺘﻠﻬﺎ ﺍﻟﻌﻼﻛﻪ ﺍﻟﻲ ﺍﻃﺘﻨﻴﺎﻫﺎ ﻛﻮﺛﺮ ﻣﻦ ﻧﻘﻠﺖ ﺍﻏﺮﺍﺿﻴﻲ ﺍﺧﺬﺗﻬﺎ ﺍﻟﻤﺮﻩ ﻭﺣﻄﺘﻬﺎ ﺑﻠﺼﻴﻨﻴﻪ ﻭﺑﻄﺎﺳﻪ ﺑﻴﻬﺎ ﻣﻲ ﻭﻳﺎﺱ
ﻭﻓﺘﺤﺘﻬﺎ ﺭﺍﺳﺎﺍﺍﺍ ﺻﺎﺣﺖ ﺍﻟﻠﻬﻢ ﻋﻔﻮﻙ ﻭﺭﺣﻤﺘﻚ
ﺍﺳﺘﻐﻔﺮ ﺍﻟﻠﻪ ﺭﺑﻲ ﻭﺍﺗﻮﺏ ﺍﻟﻴﻚ ﻻ ﻣﺎﻣﺎ ﻣﻮ ﻫﻮ
ﻭﻫﺬﺍ ﺍﻟﺴﺤﺮ ﻣﺎ ﻣﺎﺱ ﺯﻭﺟﺞ ﺗﻌﺮﻓﻴﻦ ﺍﺫﺍ ﻣﺴﻪ ﺷﻨﻮ ﻳﺼﻴﺮ ﺑﻲ ﻫﺬﺍ ﺳﺤﺮ ﻗﻮﻭﻭﻱ ﻭﻣﻮﺍﺩﻩ ﺣﻴﻴﻴﻞ ﻧﻜﺴﻪ ﺑﺲ ﻣﻮ ﻫﻮ ﺍﻟﻤﻄﻠﻮﺏ
ﺭﺍﺡ ﺍﺻﺮﻑ ﺍﻧﻲ ﺑﻬﺬﺍ ﺍﻟﺴﺤﺮ ﺑﺲ ﺍﻛﻠﺞ ﺍﻟﺴﺤﺮ ﺫﺍﻙ ﺫﺍﺍﻙ ﺣﺎﻭﻟﻲ ﺍﺫﺑﻴﻴﻲ ﺑﺒﺤﺮ ﻋﻤﻴﻴﻖ ﻭﺍﺫﺍ ﺑﺤﺮ ﺩﺟﻠﻪ ﻳﻜﻮﻥ ﺍﻓﻀﻞ ﺣﺘﻰ ﻳﺒﻄﻞ ﺑﺲ ﻗﺒﻞ ﻻ ﺍﺫﺑﻲ ﻻﺯﻡ
ﺍﺗﺮﺷﻴﻦ ﻫﺬﺍ ﻋﻠﻴﻪ ﻭﺍﺩﻭﺭ ﺍﺫﺑﻲ ﺑﻠﺒﺤﺮ
- ﺍﺧﺬﺕ ﻣﻨﻬﺎ ﻋﻠﺒﻪ ﺑﻴﻬﺎ ﺷﻲ ﺍﺑﻴﺾ ﺻﻔﻨﺖ ﺑﺲ ﻭﻳﻦ ﺭﺍﺡ ﺍﻟﻜﻲ ﺍﻧﻲ ﻭﻳﺎ ﺳﺤﺮ ﺗﺤﺠﻲ ﺻﻔﻨﺘﺘﺘﺘﺖ ﺍﻳﻴﻴﻲ ﺍﻟﺴﺤﺮ ﺍﻟﻲ ﻟﻜﻴﺘﻪ ﺑﻠﺠﺮﺍﺭﻩ ﻭﺣﻄﻴﺘﻪ ﺑﺴﻄﺢ ﻭﻣﻜﺪﺭﺕ ﺍﺣﺮﻛﻪ
ﺧﺎﺍﺍﻟﻪ ﺍﺫﻛﺮﺗﺘﺖ ﺍﻧﻲ ﻣﺮﻩ ﻟﻜﻴﺖ ﺳﺤﺮ ﻭﺣﺮﻛﺘﻪ ﻭﺑﻌﺪﻫﺎ ﻟﻜﻴﺖ ﺳﺤﺮﺭ ﺛﺎﻧﻲ ﻭﺿﻤﻴﺘﻪ ﻛﻮﺛﺮ ﺍﻟﻲ ﻛﺘﻠﺞ ﻋﻠﻴﻪ ﺣﺎﻃﺘﺘﻪ ﺑﺴﻄﺢ ﻓﻮﻭﻙ
- ﺍﻱ ﻳﻤﻪ ﻗﺮﻳﺖ ﻫﺬﺍ ﺍﻟﺸﻲ ﺯﻳﻦ ﺳﻮﻳﺘﻲ ﻭﺣﺮﻛﺘﻲ ﺗﺮﺣﻴﻦ ﻣﻨﺎ ﻭﺍﺩﻭﺭﻳﻦ ﻋﻠﻴﻪ ﺯﻳﻦ ﻭﺍﺳﻮﻱ ﺍﻟﻲ ﻛﻠﺘﻪ ﺍﻟﺞ ﻭﻣﺎﻋﺪﺝ ﻏﻴﺮ ﻃﺮﻳﻘﻪ
ﻭﻣﺎﻛﻮ ﻏﻴﺮ ﻫﺬﺍ ﺍﻟﺤﻞ
ﻭﻋﺎﻓﺘﻨﻲ ﻭﺳﺪﺕ ﺍﻟﻘﺮﺍﻥ ﻭﺍﻧﻲ ﺻﺎﻓﻨﻪ ﺑﺎﻭﻋﺖ ﻉ ﻛﻮﺛﺮ ﻭﻫﻤﺴﺘﻠﻬﺎ
ﻛﻮﺛﺮ ﺷﻠﻮﻥ ﺍﺻﻌﺪ ﻟﻠﺼﻄﺢ ﻭﺍﺍﻧﺰﻝ ﺍﻟﺴﺤﺮ ﻭﺗﺪﺭﻳﻦ ﺍﻟﺪﺭﺝ ﻣﻤﻨﻮﻉ ﻋﻠﻴﻪ ﻭﻋﻤﺘﻲ ﻫﻢ ﻣﺘﺨﻠﻴﻨﻲ
- ﺍﻭﻭﻑ ﺷﻠﻮﻥ ﻟﻌﺪ ﻣﺎﻋﺪﻧﺎ ﺣﻞ ﺛﺎﻧﻲ ﻭﺍﻧﻲ ﻣﺎﻛﺪﺭ ﺍﻃﺐ ﻻﻥ ﺳﻨﺪ ﻣﺤﺬﺭﻧﻲ ﻭﻣﺤﻠﻔﻨﻲ
- ﺟﺎ ﺷﻠﻮﻭﻥ
- ﺍﻭﻛﻔﻲ ﻳﺠﻮﺯ ﺍﺩﺯﻟﺞ ﻫﻤﺴﻪ ﻭﺩﻟﻴﻬﺎ ﻉ ﺍﻟﻤﻜﺎﻥ ﻭﺍﻧﻲ ﺍﺣﺎﺟﻴﻬﺎ
- ﺍﻱ ﺍﻱ ﻋﻔﻴﻪ
ﻃﻠﻌﻨﺎ ﻣﻦ ﻋﺪ ﺍﻟﻤﺮﻩ ﺍﻛﻮ ﺑﺪﺍﺧﻠﻲ ﻓﺮﺡ ﻉ ﺧﻮﻑ ﺍﻥ ﻋﺮﻓﻨﺎ ﺷﻠﻮﻥ ﺭﺍﺡ ﻧﺨﻠﺺ ﻣﻦ ﻫﺬﺍ ﺍﻟﻌﻠﻪ ﺍﻟﻲ ﻉ ﻛﻠﺒﻨﺎﺍﺍ ﻣﺎﺻﺪﻛﺖ ﺷﻮﻛﺖ ﻭﺻﻠﺖ ﺫﺑﺘﻨﻲ ﻛﻮﺛﺮ ﻭﻃﻠﻌﺖ ﻟﺒﻴﺘﻬﻢ
ﻃﺒﻴﺖ ﻭﺍﻧﻲ ﺍﻟﻮﺏ ﺷﻴﺠﻴﺐ ﻫﻤﺴﻪ ﺑﻘﻴﺖ ﺍﻓﺘﺮ ﻭﺣﺎﻳﺮﻩ ﻣﺎﻋﺮﻑ ﺷﺴﻮﻱ ﻃﺒﻴﺖ ﻣﺪﺗﺖ ﻇﻬﺮﻱ ﻻﻥ ﺍﺣﺴﻪ ﺍﻧﻘﺴﻢ ﺑﻨﺺ
ﻭﺍﻧﻲ ﺑﺒﺎﻟﻲ ﺍﻟﻒ ﻓﻜﺮﻩ ﻭﻓﻜﺮﻩ ﺳﺎﻋﻪ ﺍﻓﺮﺡ ﻭﺳﺎﻋﻪ ﺍﺧﺎﻑ ﻭﺳﺎﻋﻪ ﺍﺿﻮﺝ ﻭﺳﺎﻋﻪ ﺍﺭﺗﺎﺡ ﻻﻥ ﺭﺍﺡ ﺍﺧﻠﺺ ﻣﻦ ﻫﺬﺍ ﺍﻟﻤﺮﺽ
ﻣﺎﻋﺮﻑ ﺷﻠﻮﻥ ﻏﻔﻴﺖ ﻭﺍﻧﻲ ﺍﻧﺘﻈﺮ ﻫﻤﺴﻪ ﻓﺰﻳﺖ ﻉ ﺻﻮﺗﻬﺎ ﻭﻫﻲ ﺍﺻﻴﺢ
- ﻧﺼﻮﻓﻪ ﻋﻤﻪ ﺍﻧﺼﺎﻑ ﻧﺼﻮﻓﺘﻲ ﺻﻔﺼﻒ
ﺑﺎﻭﻋﺘﻠﻬﺎ ﺿﺤﻚ ﻭﻛﺎﻟﺖ ﻫﻠﻮﻭ ﺷﻠﻮﻧﺞ
- ﻫﻠﻮ ﺣﺒﻴﺒﺘﻲ ﺷﻮﻛﺖ ﺍﺟﻴﺘﻲ
- ﻫﺎ ﺍﻫﺎ ﻫﺴﺘﻮﻧﻲ ﻭﺑﻴﺒﻲ ﻋﻔﺘﻬﺎ ﺍﺻﻠﻲ
- ﺍﺻﻠﻴﻴﻲ ﻟﻴﺸﺸﺸﺶ ﺑﻴﺶ ﺍﻟﺴﺎﺍﻋﻪ
- ﺑـ 6 ﻭﺍﺫﺍﻥ ﺍﻟﻤﻐﺮﺏ ﻫﻬﻬﻬﻪ
- ﻋﺰﺍﺍﺍﺍ
ﺗﻌﺎﻱ ﺗﻌﺎﻱ ﺍﺩﻟﻴﺠﻊ ﺍﻟﻤﻜﺎﻥ ﻛﺎﻟﺘﻠﺞ ﺍﻣﺞ ﻣﻮ
- ﺍﻱ ﺳﻮﻟﻔﺘﻠﻲ ﻛﻠﺸﻲ
ﻣﺎﺷﻲ ﺩﻟﻴﺘﻬﺎ ﻉ ﺍﻟﻤﻜﺎﻥ ﻭﻫﻲ ﺭﺍﺣﺖ ﺻﻌﺪﺕ ﻭﺍﻧﻲ ﺑﻘﻴﺖ ﻛﺎﻋﺪﻩ ﻉ ﺩﺭﺟﻪ ﺍﻻﻭﻟﻰ ﺍﻧﺘﻈﺮﻫﺎ
ﻭﺻﺎﺭ ﺍﻟﻮﻛﻌﻪ ﻣﺎﻟﺘﻲ ﻛﺪﺍﻣﻲ ﻭﺧﻮﻑ ﺭﺍﻧﻴﺎ ﻋﻠﻴﻪ ﺍﻋﺮﻓﻬﺎ ﺗﺨﺎﻑ ﻋﻠﻴﻪ ﻭﺍﺗﺤﺒﻨﻲ ﺑﺲ ﻣﺼﻠﺤﺘﻬﺎ ﺍﻫﻢ ﻣﺎﺗﻌﺮﻑ ﻫﺪﻣﺘﻨﻲ ﻭﻫﺪﻣﺖ ﺍﻟﻌﺎﺋﻠﻪ ﻫﺎﻱ ﺑﻔﻌﺎﻟﻬﺎ ﺍﻟﺸﻨﻴﻌﻪ ﻭﺍﻻﻧﺎﻧﻴﻪ
ﻣﺮﺕ ﻧﺺ ﺳﺎﻋﻪ ﻭﻫﻤﺴﻪ ﻣﺎﻛﻮ ﻧﺰﻟﺖ ﺗﻠﻬﺚ ﻭﺗﺤﺠﻲ
- ﺍﻧﺼﺎﻑ ﻛﻠﺸﻲ ﻣﺎﻛﻮ ﻛﻠﺒﺒﺖ ﺍﻟﺴﻄﺢ ﻛﻠﺐ ﻭﻣﺎﻟﻜﻴﺖ ﺷﻴﻤﻦ ﺍﻟﻲ ﻛﻠﺘﻮﻩ ﻋﻠﻴﻪ
- ﺷﻨﻮﻭﻭﻭﻭﻭ ﺷﻨﻮﻭ ﻣﺎﻛﻮ ﺍﻧﻲ ﺑﻴﺪﻱ ﺣﻄﻴﺘﻪ ﻻ ﻳﺎﻟﻠﻪ ﺯﻳﻦ ﺍﻟﺴﻄﺢ ﻣﺮﺗﺐ ﻟﻮ ﻫﻮﺳﻪ
- ﻻ ﻣﺮﺗﺐ ﻭﻛﻠﺸﻲ ﺑﻤﻜﺎﻧﻪ
ﻟﻄﻤﺖ ﻉ ﺻﺪﺭﻱ ﻋﺰﺍﺍﺍ ﻻ ﺑﺲ ﺭﺍﻧﻴﺎ ﻻﻛﻴﺘﻪ ﻣﻦ ﻧﻈﻔﺖ ﺍﻟﺼﻄﺢ ﺍﺫﻛﺮﺕ ﻣﺮﻩ ﺻﻌﺪﺕ ﻓﻮﻙ ﻭﻣﺎﻧﺰﻟﺖ ﻟﻠﻀﻬﺮ ﻭﺭﺍﺳﺎ ﻃﺒﺖ ﻟﻐﺮﻓﺘﻬﺎ
ﻭﻃﻠﻌﺖ ﺳﺒﺤﺖ ﻭﺍﺟﺖ ﺍﺳﻮﻱ ﺷﻐﻞ ﻋﺰﺍﺍﺍ ﻻ
ﻳﺎﻟﻠﻪ ﻻﺍﺍﺍﺍﺍﺍﺍ
- ﻫﻤﺴﻪ ﻣﺘﺎﺍﺍﻛﺪﻩ
- ﺍﻳﻲ ﻭﺍﻟﻠﻪ ﻣﺘﺎﻛﺪﻩ ﻭﺍﻟﻠﻪ
ﺑﺠﻴﺖ ﻭﺍﻧﻲ ﺿﺎﻉ ﻣﻨﻲ ﺣﺒﻞ ﺍﻟﻨﺠﺎﺓ ﺍﻟﻲ ﺍﺗﻤﺴﻜﺖ ﺑﻲ
ﺭﺍﺣﺖ ﻫﻤﺴﻪ ﻭﺍﻧﻲ ﺷﺒﻌﺖ ﺑﺠﻲ ﺍﺗﺼﻠﺖ ﺑﻴﻪ ﻛﻮﺛﺮ ﺍﺗﻬﺪﻱ ﺑﻴﻪ
- ﺷﻮﻓﻲ ﻃﺒﻲ ﻉ ﻏﺮﻓﺔ ﺭﺍﻧﻴﺎ ﻭﺩﻭﺭﻳﻬﺎﺍ
- ﻻ ﻛﻮﺛﺮ ﻣﺎﻛﺪﺭ ﻣﻮ ﻫﺎﻱ ﺗﺮﺑﻴﺘﻲ ﺣﺘﻰ ﻟﻮ ﻏﺮﻓﺔ ﺍﺧﺘﻲ ﻣﺎﺍﻃﺒﻠﻬﺎ ﻭﻫﻲ ﻣﺎﻛﻮ
- ﺷﻮﻭﻭ ﺍﻧﺠﺒﻴﻴﻴﻲ ﻭﺍﻛﻠﻴﻴﻲ ﻭﺣﻞ ﻳﺎﺍﺧﺖ ﺑﻼ ﺍﻟﻲ ﺿﻴﻌﺖ ﻋﻤﺮﺝ ﻭﺷﺒﺎﺑﺞ ﻣﻦ ﻭﺭﻩ ﺍﻧﺎﻧﻴﺘﻬﺎ ﻻ ﺗﺨﻠﻴﻨﻲ ﺍﻏﺮﺩ ﻭﺍﺣﺠﻲ
- ﺳﻜﺘﺖ ﻻﻥ ﻣﺎﻣﺎﺭﻩ ﺑﻬﺬﺍ ﺍﻟﻤﻮﻗﻒ ﻣﺎﻣﺘﺮﺑﺎﻳﻪ ﻣﺜﻞ ﺗﺮﺑﻴﺘﻲ ﺿﻠﻴﺖ ﺳﺎﻛﺘﻪ ﻭﺳﺪﻳﺘﻪ ﻣﻨﻬﺎ
ﺑﻠﻴﻞ ﺳﻤﻌﺖ ﻋﻤﺘﻲ ﺗﺤﺠﻲ ﻭﻳﻪ ﻭﺍﺣﺪ ﻭﺍﺗﺒﻮﺱ ﺑﻲ ﻃﻠﻌﺖ ﻋﺒﺎﻟﻲ ﺳﻨﺪ ﺍﺟﻪ ﻭﻏﻴﺮ ﺭﺃﻳﻪ ﺑﺲ ﺻﺪﻣﻨﻲ ﻣﻦ ﺷﻔﺘﻪ ﻧﺼﺮ
ﻣﺰﻳﻦ ﺷﻌﺮﻩ ﺍﻟﻲ ﻃﺎﻟﻊ ﻭﺭﺍﺟﻌﻪ ﺍﻟﺼﻠﻌﻪ ﺗﻠﻤﻊ ﻫﻬﻬﻬﻪ ﻭﻣﻌﺪﻝ ﻟﺤﻴﺘﻪ ﻭﺳﻤﻨﺎﻥ ﻣﺒﻴﻦ ﻣﺮﺗﺎﺡ ﺟﺎﻥ ﺑﻠﺒﻨﺎﻥ ﺍﻻﺥ ﺍﻱ ﻟﻴﺶ ﻻ ﻫﺎﻱ ﻟﺒﻨﺎﻥ ﺍﻧﺼﺎﻑ
ﺍﺷﻜﺎﺍﺍﺍﺍﻝ ﺗﻠﻜﻲ ﺳﻮﻭﻩ ﻭﺍﻛﻴﺪ ﺍﻛﻮ ﺣﻠﻮﺍﺕ ﻭﺷﺒﻊ ﻋﻴﻮﻧﻪ ﻋﻴﻮﻧﻪ ﺷﻨﻮ ﻫﺎﻱ ﺍﺫﺍ ﻣﺎﺍ ﻻﻻﻻ ﻳﻤﻪ ﻏﻴﺮ ﺍﺫﺑﺤﻪ
ﺑﺎﻭﻋﻠﻲ ﻭﺩﺍﺭ ﻭﺟﻬﻪ ﻭﻛﺎﻝ
- ﻳﻤﻪ ﻟﻌﺪ ﻭﻳﻦ ﺍﻟﺒﻨﺎﺕ
- ﺑﺒﻴﺖ ﺟﺪﻫﻢ ﻳﻤﻪ
- ﻫﺎﺍ ﻟﻌﺪ ﻣﺎﺭﺣﺘﻲ ﺍﻧﺘﻲ ﻫﻢ
ﺑﺎﻭﻋﺖ ﻋﻠﻴﻪ ﻳﻘﺼﺪﻧﻲ ﻫﺰﻳﺖ ﺭﺍﺳﻲ ﻣﺎﻛﺪﺭ ﺍﻛﻌﺪ ﻫﻮﺍﻱ ﻣﻦ ﻇﻬﺮﻱ
ﻋﺎﻓﻨﻲ ﻭﻃﺐ ﻟﻠﻐﺮﻓﻪ ﻭﻣﺎﺍﻫﺘﻢ ﻟﻜﻼﻣﻪ ﺍﺷﺘﻤﻴﺖ ﻋﻄﺮﻩ ﻣﻦ ﻣﺮ ﻣﻦ ﻳﻤﻲ ﺍﻓﻴﺸﺸﺸﺸﺸﺶ ﺷﻜﺪ ﻣﺸﺘﺎﻗﺘﻠﻪ ﻭﻣﺸﺘﺎﻗﻪ ﻟﻜﻠﺸﻲ ﻣﻨﻪ
ﺑﺪﻝ ﻭﻟﺒﺲ ﺗﺮﺍﻛﺴﻮﺩ ﻭﻃﻠﻊ ﻛﻌﺪ ﻳﻢ ﺍﻣﻪ ﻭﺍﻧﻲ ﻛﺎﻋﺪﻩ ﻉ ﺍﻟﻘﻨﻔﻪ ﻭﻣﺪﺩﻩ ﺭﺟﻠﻴﻪ ﻭﻫﻮ ﻛﺎﻋﺪ ﻛﺪﺍﻣﻲ ﺑﻠﻜﺎﻉ
ﻭﻋﻤﺘﻲ ﺟﻮﺍﻱ ﺑﻠﻜﺎﻉ ﻛﺒﺎﻟﻪ ﻟﻨﺼﺮ
ﻛﺎﻡ ﻳﺴﻮﻟﻒ ﺍﻻﻣﻪ ﻉ ﺭﺣﻠﺘﻪ ﻭﻳﺸﻮﻓﻬﺎ ﺻﻮﺭ ﺟﻨﺖ ﻓﻮﻙ ﺍﺑﺎﻭﻉ ﻭﺍﺳﻮﻱ ﺭﻭﺣﻲ ﺍﺑﺎﻭﻉ ﻉ ﺍﻟﺘﻠﻔﺰﻭﻥ ﻭﻣﺎ ﻣﻬﺘﻤﻪ ﻭ ﻣﻦ ﺑﻴﻦ ﺍﻟﺼﻮﺭ ﻟﻤﺤﺖ
ﺻﻮﺭﻩ ﺍﻟﻪ ﻭﺍﻛﻮ ﺑﻨﻴﻪ ﻭﺍﻛﻔﻪ ﺑﺼﻔﻪ ﺍﻭ ﻉ ﺑﻌﺪ ﻣﻨﻪ ﻣﺎﻋﺮﻑ ﻻﻥ ﺑﺴﺮﻋﻪ
ﻛﻠﺒﻬﺎﺍﺍ ﺿﺤﺠﺘﺖ ﺣﻴﻞ ﻭﻋﺮﻓﺖ ﺷﻌﺪﻩ ﺭﺍﻳﺢ ﻟﻠﺒﻨﺎﻥ ﻣﻮ ﻟﺸﻐﻞ ﻟﻮ ﺷﻲ ﺭﺍﻳﺢ ﻳﺪﻭﺭ ﺳﺎ *** ﻣﺜﻠﻪ
ﻋﻔﺘﻪ ﻭﻃﺒﻴﺖ ﻟﻠﻐﺮﻓﻪ ﻭﺍﻧﻲ ﺍﻓﻮﺭ ﻧﺎﻭ ﺍﺗﻤﺪﺗﺖ ﻉ ﺍﻟﺠﺮﺑﺎﻳﻪ ﻭﻫﻮ ﻃﺐ ﺑﺎﻭﻋﻠﻲ ﻭﺩﺍﺭ ﻭﺟﻬﻪ ﻭﺍﺟﻪ ﻧﺎﻡ ﺑﺼﻔﻲ ﺑﺪﻭﻥ ﻣﺎﻳﺤﺠﻲ ﻛﻠﻤﻪ ﻭﺣﺪﻩ
ﻣﺮﺕ ﺍﻻﻳﺎﻡ ﻉ ﻫﺬﺍ ﺍﻟﻮﺿﻊ ﺑﺮﻩ ﻳﺴﻮﻟﻒ ﻭﻳﻀﺤﻚ ﻭﻳﻪ ﻋﻤﺘﻲ ﻭﻣﺜﻨﻰ ﻭﻣﻦ ﻳﺪﺧﻞ ﺍﻟﻐﺮﻓﻪ ﻳﺬﺑﻬﺎ ﺻﺎﻣﺖ ﻭﺍﻳﺸﻲ ﻳﺮﻳﺪﺥ ﻳﺎﺧﺬﻩ ﻫﻮ
ﺑﻴﺪﻩ ﻭﻣﺎ ﻳﺴﺨﺮﻧﻲ ﺭﺍﻧﻴﺎ ﺭﺟﻌﺖ ﻣﻦ ﺑﻴﺖ ﺍﻫﻠﻲ ﻭﻣﺎﺧﻠﻴﺘﻬﺎ ﺗﻮﺻﻞ ﻟﻠﻐﺮﻓﻪ ﺍﺑﺪ ﺑﺲ ﻫﻠﻤﺮﻩ ﺟﺎﻥ ﻣﺒﻴﻦ ﻋﻠﻴﻪ ﺣﻴﻞ ﺗﻌﺒﺎﺍﺍﻧﻪ ﻭﺷﻜﻠﻪ ﻣﻘﻬﻮﺭ ﺻﺢ ﻣﺎﻫﺘﻤﻴﺖ ﺑﺴﻤﺎﻃﺎﻧﻲ ﻛﻠﺒﻴﻤﺎﻓﻜﺮ ﺑﻴﻬﺎ ﻭﺑﻘﻴﺖ ﺍﻟﻮﺏ ﻋﻠﻴﻬﺎ ﺗﺒﻘﻰ ﺍﺧﺘﻲ ﺍﻟﺠﺒﻴﺮﻩ ﻭﻣﺎﻛﺪﺭ ﺑﺪﻭﻧﻬﺎ
ﺩﺧﻠﺖ ﺍﻟﺸﻬﺮ ﺍﻟﺴﺎﺩﺱ ﻭﺭﺩﺕ ﻟﻠﺪﻛﺘﻮﺭﻩ ﻭﺑﺸﺮﺗﻨﻲ ﻭﺿﻊ ﺍﻟﺠﻨﻴﻦ ﺗﻤﺎﻡ ﺍﻟﺘﻤﺎﻡ ﻭﻣﺎﻋﻠﻴﻪ ﺷﻲ ﺑﺲ ﻣﺎﻛﻮ ﺣﺮﻛﻪ ﻭﺩﺭﺝ ﻭﻧﻔﺲ ﺍﻟﻘﻮﺍﻧﻴﻦ ﻋﺎﺩﺗﻬﻦ ﻋﻠﻴﻪ
ﺑﻴﻮﻣﻬﺎ ﺭﺟﻌﺖ ﻭﻋﻤﺘﻲ ﻗﺮﺭﺕ ﺍﺳﻮﻱ ﻋﺸﻪ ﻭﺗﻌﺰﻡ ﻛﺮﺍﻳﺒﻬﺎ ﻭﺗﺨﺒﺮﻫﻢ ﺑﺤﻤﻠﻲ ﻭﻫﻮ ﺑﻘﻪ 3 ﺍﺷﻬﺮ ﻭﺍﺟﻴﺐ ﺓﻫﻲ ﻫﺴﺘﻮﻫﺎ ﺭﺍﺡ ﺍﻃﺶ ﺍﻟﺨﺒﺮ
ﺑﻄﻨﻲ ﻛﺒﺮﺕ ﻭﺑﺮﺯﺕ ﻭﺻﺮﺕ ﺟﻨﻲ ﺑﻄﻪ ﻗﺰﻣﻪ ﻭﺍﺩﻋﺒﻞ ﻭﻛﻞ ﺍﻟﻲ ﻳﺸﻮﻓﻨﻲ ﻳﻀﺤﻚ ﻋﻠﻴﻪ ﺣﺘﻰ ﻣﺮﺍﺕ ﺟﻨﺖ ﺍﺷﻮﻑ ﻧﺼﺮ
ﻣﻦ ﺍﻣﺮ ﻣﻦ ﻳﻤﻪ ﻳﺒﺘﺴﻢ ﻭﻳﻬﺰ ﺑﺮﺍﺳﻪ ﻫﻮﺍﻱ ﺣﺎﻭﻟﺖ ﻭﻳﻪ ﻛﻮﺛﺮ ﻭﺭﺣﻨﺎ ﻟﻬﻮﺍﺍﻱ ﻭﻧﻔﺲ ﺍﻟﻜﻼﻡ
ﺣﺮﻛﻮ ﻟﻮ ﺍﺫﺑﻮ ﺑﻤﻜﺎﻥ ﻳﺒﻄﻞ ﺑﻲ ﺍﻟﺴﺤﺮ ﻭﻣﺎﺧﻠﻴﻨﺎ ﻣﻜﺎﻥ ﺑﺒﻐﺪﺍﺩ ﻣﺎ ﺭﺣﻨﺎﻟﻪ ﺍﻧﻲ ﻭﻛﻮﺛﺮ ﻭﻣﺎﻛﻮ ﻓﺎﻳﺪﻩ ﺟﻨﺖ ﺍﺭﺟﻊ ﻣﻴﺘﻪ
ﺿﻬﺮﻱ ﻳﺼﻞ ﻋﻠﻴﻪ ﻭﺑﻄﻨﻲ ﻭﺍﻣﺎﻡ ﺭﺍﺳﺎﺍﺍ ﻳﺎﻟﻪ ﺍﺭﺗﺎﺡ ﻭﻣﺎﻛﻮ ﻓﺎﻳﺪﻩ ﻫﻮ ﻣﺎ ﻳﻤﺮ ﻳﻮﻡ ﻳﺰﻳﺪ ﺑﻌﺪﻩ ﻋﻨﻲ ﻭﻣﺎﻳﺒﺎﻭﻉ ﻋﻠﻴﻪ ﺍﺑﺪﺩﺩﺩﺩ ﻭﻻ ﻳﺤﺠﻲ ﻭﻳﺎﻱ
ﺑﻴﻮﻣﻬﺎ ﻟﺒﺴﺖ ﺛﻮﺏ ﺣﻮﺍﻣﻞ ﻭﻣﻜﻴﺠﺖ ﺭﻭﺣﻲ ﻓﺘﺤﺖ ﺷﻌﺮﻱ ﺍﻟﻲ ﻛﺼﻴﺘﻪ ﻭﺻﺎﺭ ﻟﺤﺪ ﺟﺘﻔﻲ ﻳﺨﺒﻞ ﻭﺳﺮﺭﺭﺭﺡ ﺷﻠﺖ ﻣﻨﺎ ﻭﻣﻨﺎ ﻣﻦ ﺍﻟﻨﺺ ﻭﺭﻓﻌﺘﻪ ﺷﻮﻳﻪ ﻭﺣﻄﻴﺖ ﻣﺎﺷﺎﺕ ﻃﻠﻊ ﻣﻨﻈﺮﻱ ﻛﻠﺶ ﺣﻠﻮﻭ
ﺳﻤﻌﺖ ﺻﻮﺕ ﺑﺮﻩ ﻃﻠﻌﺖ ﻟﻜﻴﺖ ﻋﻤﺘﻲ ﻛﺎﻋﺪﻩ ﻣﻦ ﺷﺎﻓﺘﻨﻲ ﺍﺑﺘﺴﻤﺖ ﻭﺍﺷﺮﺕ ﺍﻟﻲ ﺍﻛﻌﺪ ﻳﻤﻬﺎ ﺩﺧﻠﺖ ﺍﻻﺳﺘﻘﺒﺎﻝ ﻭﺷﻔﺘﺨﺎﻻﺗﻪ ﺍﻟﻨﺼﺮ ﻭﺑﻨﺎﺗﻬﻦ ﺳﻠﻤﺖ ﻋﻠﻴﻬﻦ ﻟﺤﺪ ﻣﺎﻭﺻﻠﺖ ﻳﻢ ﺷﻬﺪ
ﺍﻟﻜﻞ ﺟﺎﻥ ﻧﻈﺮﺍﺗﻪ ﻉ ﺑﻄﻨﻲ ﻭﻣﺴﺘﻐﺮﺏ ﻫﺸﻲ ﻭﻣﺘﻔﺎﺟﺊ ﺑﺲ ﻣﻮ ﻣﺜﻞ ﻣﻈﺮﺍﺕ ﺷﻬﺪ ﻭﺍﺳﺘﻐﺮﺍﺑﻬﺎ ﺑﺎﻭﻋﺘﻠﻲ ﻭﻛﺎﻟﺖ ﺍﻧﺘﻲ ﺣﺎﺍﺍﺍﺍﺍﻣﻞ ؟؟
ﻋﻤﺘﻲ ﺻﺎﺣﺖ ﻣﻦ ﻭﺭﺍﻱ ﻋﻴﻨﻨﻨﻨﺞ ﻋﻴﻨﻨﺞ ﺻﻠﻴﻊ ﺍﻟﻨﺒﻲ ﺷﻬﻴﺪﻩ ﺍﻟﻌﻴﻦ ﺍﻟﻲ ﻣﺎﺍﺻﻠﻲ ﻉ ﺍﻟﻨﺒﻲ ﻳﻔﻜﺴﻬﺎ ﺍﻧﺸﺎﺀﺍﻟﻠﻬﻬﻲ ﻓﺘﺤﺖ ﻋﻴﻮﻧﻬﺎ ﻭﻛﺎﻟﺖ
- ﺷﻨﻮ ﺍﻟﻘﺼﻪ ﺧﺎﻟﺘﻮ ﺷﻜﻠﺖ ﺍﻧﻲ ﺑﺲ ﻏﻴﺮ ﻻﻥ ﺍﺳﺘﻐﺮﺑﺖ ﻫﺸﻲ ﻭﺍﻋﺮﻑ ﻧﺼﺮ ﻣﻴﺼﻴﺮ ﻋﺪﻩ ﺟﻪ
ﻣﺎﺧﻠﻴﺘﻬﺎ ﺍﺗﻜﻤﻞ ﻛﻼﻣﻬﺎ ﻫﻤﺴﺘﻠﻬﺎ
- ﻭﻣﻨﻮ ﻛﺎﻝ ﻣﺎﻳﺼﻴﺮ ﻛﺎﻟﻮ ﻋﻘﻴﻢ ﺑﻨﺴﺒﻪ 100 ﺑﻞ 100 ﻛﺎﻟﻮ ﻣﺎﻛﻮ ﺍﻣﻞ ﻭﻣﺌﻴﻮﺱ ﻣﻨﻪ ﺗﺮﺍ ﺍﻛﻮﻝ ﺣﺎﻟﺘﻬﻦ ﺍﺋﻴﺲ ﻣﻦ ﻧﺼﺮ ﻭﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ﻳﺮﺯﻗﻬﻢ
ﻣﻮ ﺑﻌﺪ ﻧﺼﺮ ﺍﻟﻴﺠﺎﻥ ﻧﺴﺒﺘﻪ 60 ﻭﻭﺑﻌﺪ ﺍﻻﺩﻭﻳﻪ ﻭﺍﻟﻌﻼﺝ ﻛﺪﺭﺕ ﺗﻨﺰﻝ ﻫﻮﻭﻭﻭﺍﻱ ﻭﻫﺬﺍ ﺍﻟﺪﻟﻴﻞ ﻛﺪﺍﻣﺞ
ﻫﻲ ﺑﻘﺖ ﺗﺒﺎﻭﻋﻠﻲ ﻭﻛﺎﻟﻨﻊ ﺍﻟﺨﻴﺮ ﻳﺘﺮﺑﻌﻪ ﺑﻌﺰﻛﻢ
ﺷﻨﻮ ﺟﻨﺴﻪ ﺍﻛﻴﺪ ﻋﺮﻓﺘﻮ ﻻﻥ ﻣﺒﻴﻦ ﺟﺒﻴﺮ
ﺟﺎﻭﺑﺖ ﻋﻤﺘﻲ ﻭﻫﻲ ﺍﺗﻜﻮﻡ
- ﺷﻨﻮ ﺷﻬﻴﺪﺍﻥ ﺷﻮ ﺍﺳﺘﻠﻤﺘﻲ ﺑﻨﻴﺘﻲ ﺗﻌﺎﻱ ﻳﻤﻪ ﻛﻌﺪﻱ ﻫﻨﺎ ﻭﺍﺭﺗﺎﺣﻲ ﻣﻮ ﺯﻳﻦ ﻉ ﺑﺮﻫﻮﻣﻲ ﺍﺫﺍ ﺍﺗﻌﺒﻴﻦ ﺭﺍﺡ ﺍﺻﻴﺢ ﻟﻬﻤﻮﺳﻪ ﺍﺟﻴﺒﻠﺞ ﻋﺼﻴﺮ
ﻃﻠﻌﺖ ﻋﻤﺘﻲ ﻭﺍﺳﺘﻠﻤﻨﻲ ﺧﺎﻻﺗﻪ ﻣﻦ ﺷﻮﻛﺖ ﺣﺎﻣﻞ ﻭﻟﻴﺶ ﻣﺎﺣﺠﻴﺘﻮ ﺷﻨﻮ ﺍﺣﻨﻰ ﻣﺎﻧﺮﻳﺪ ﻧﻔﺮﺡ ﻭﺍﺣﻨﻰ ﻭﺍﺣﻨﻰ ﻭﺍﺣﻨﻰ ﺍﺣﺲ ﺭﺍﺳﻲ ﺭﺍﺡ ﻳﻨﻔﺠﺮ ﻣﻦ ﻭﺭﺍﻫﻦ
ﺍﺟﺖ ﻋﺼﻤﺎﺀ ﻳﻤﻲ ﻭﻛﺮﺻﺘﻨﻲ ﻣﻦ ﺯﻧﺪﻱ ﻭﺿﺤﻜﺖ
- ﻋﻠﻴﺞ ﺍﻟﻠﻪ ﺷﻮﻓﻲ ﺷﻬﺪ ﺷﻠﻮﻥ ﻟﺴﻪ ﻣﺼﺪﺩﻭﻣﻪ ﻣﻦ ﺍﻟﺨﺒﺮ
- ﻫﻬﻬﻬﻬﻪ ﺍﻳﻲ ﺻﺎﻓﻨﻪ ﻭﺭﺍﻳﺤﻪ ﺑﻌﻴﺪﺩﺩ
- ﺍﻳﻲ ﻭﻟﻮ ﺷﻮﻓﻴﻦ ﺷﻠﻮﻥ ﻓﺘﺤﺖ ﺣﻠﻜﻪ ﻋﺸﺮ ﺍﻣﺘﺎﺭ ﻣﻦ ﻛﺎﻟﺖ ﺧﺎﻟﺘﻲ ﺍﻡ ﻧﺼﺮ ﻣﻮ ﺯﻳﻦ ﻉ ﺑﺮﻫﻮﻣﻲ ﻭﺍﻟﻜﻞ ﻋﺮﻑ ﺟﺎﻱ ﺑﺮﻫﻮﻣﻲ ﺑﻄﺮﻳﻖ ﻟﺞ ﻛﻠﺖ ﺭﺍﺡ ﺗﺪﺧﻞ ﺫﺑﺎﻧﻪ ﺑﺤﻠﻜﻬﺎ ﻛﺪ ﻣﺎ ﻓﺎﺗﺤﺘﻪ ﻫﻬﻬﻬﻬﻪ
- ﻫﻬﻬﻬﻬﻬﻬﺨﺮﺏ ﺑﻴﻮﻣﺞ ﺍﻣﺸﻴﻲ ﻛﻮﻣﻲ ﺑﻌﺪﻳﻦ ﺗﻌﺎﻱ ﺷﻌﺠﺐ ﻫﻴﺞ ﺗﺤﺠﻴﻦ ﻋﻨﻬﺎ ﻭﻫﻲ ﺑﺖ ﺧﺎﻟﺘﺞ
- ﻳﻤﻌﻮﺩﺩﺩﻩ ﻣﺎﻃﻴﻘﻬﺎﺍﺍ ﺍﺑﺪﺩ ﻻﻥ ﺍﺣﺴﻬﺎ ﻭﺣﺪﻩ ﺧﻔﻴﻔﻪ ﻭﺯﺍﺣﻔﻪ ﻉ ﺍﻟﻮﻟﺪ ﻭﺍﻟﻠﻪ ﻟﺞ ﺫﺍﻛﻠﻴﻮﻡ ﻛﺎﻋﺪﻩ ﻭﺍﺩﻙ ﺣﻨﺞ ﻭﻳﻪ ﺍﺧﻮﻳﻪ ﻭﺧﻄﻴﻪ ﻣﺮﺗﻪ ﻛﺎﻋﺪﻩ ﻭﺗﺒﺠﻲ ﺍﺗﻜﻮﻝ ﺍﻛﻴﺪ ﺣﺎﻃﻪ ﻋﻴﻨﻬﺎ ﻋﻠﻴﻬﻮ ﻣﻮ ﺑﺲ ﻫﻴﺞ ﻟﺠﺬﺍﻛﻠﻴﻮﻡ ﻣﻜﺎﺑﻠﻪ ﺍﺧﻮﻳﻪ ﻭﺍﺗﻜﻠﻪ
ﺣﺒﻴﺒﻲ ﻭﺣﻴﺎﺗﻲ ﻋﺒﺎﻟﻜﺰﻭﺟﻬﺎ ﻣﻮ ﺍﺑﻦ ﺧﺎﻟﺘﻬﺎ ﺩﺧﻞ ﺗﻮﻟﻲ ﻣﺎﻋﺮﻑ ﺭﺟﻠﻬﺎ ﺷﻠﻮﻥ ﻗﺎﺑﻞ ﺑﻴﻬﺎ
- ﺻﺪﻙ ﺗﺤﺠﻲ ﻫﻴﺞ ﺗﺤﺠﻲ ﻭﻳﻪ ﺍﺧﻮﺝ
- ﺍﻱ ﻭﺍﻟﻠﻪ
- ﻟﺞ
ﺣﺘﻰ ﺍﻟﺸﺎﻝ ﺍﺩﻗﻨﻲ ﻣﻦ ﺍﺗﻠﺒﺴﻪ ﺍﺷﻤﺮﻩ ﻉ ﺭﺍﺳﻬﺎ ﻭﺑﺲ ﻭﺷﻌﺮﻩ ﻣﻔﺘﻮﺡ ﻣﻦ ﻭﺭﻩ ﻃﺎﻟﻊ ﻭﻣﻦ ﻛﺪﺍﻡ ﻃﺎﻟﻊ ﺑﺲ ﺍﻟﻮﺳﻂ ﺿﺎﻣﺘﻪ ﻫﻬﻬﻬﻬﻬﻬﻪ ﺷﺘﺤﺲ ﺑﻼ ﻫﻬﻬﻬﻬﻪ
- ﻫﻬﻬﻬﻬﻪ ﻫﺎﻱ ﻟﻮ ﺍﻧﻲ ﻫﻴﺞ ﺟﺎﻥ ﻋﻤﺎﺭ ﻳﺴﺤﻞ ﻣﻦ ﺟﻬﻪ ﻭﻧﺼﺮ ﻣﻦ ﺟﻬﻪ ﻭﻳﻌﻠﻜﻮﻧﻲ ﺑﻜﻞ ﻃﺮﻑ ﺑﻤﺮﻭﺣﻪ ﻭﻳﺸﻐﻠﻮﻫﺎ ﻉ ﺍﻝ 5 ﻫﻬﻬﻬﻬﻬﻪ
- ﻫﻬﻬﻬﻬﻬﻬﻪ ﺧﺮﺏ ﺑﻴﻮﻣﺠﺪﺑﺎﻭﻋﻲ ﺷﻠﻮﻥ ﺗﺨﺰﺭ ﺑﻴﺞ
- ﻟﺞ ﻋﺼﻮﻣﻪ ﺭﺍﺡ ﺍﻛﻮﻡ ﺧﻔﺖ ﻭﺍﻟﻠﻪ ﻣﻦ ﻧﻈﺮﺍﺗﻬﺎ
- ﺩﺍﻛﻌﺪﻱ ﻳﻤﻌﻮﺩﻩ ﻭﺷﻮﻓﻲ ﺷﺮﺍﺡ ﺍﺳﻮﻱ ﻭﺍﺧﻠﻴﺞ ﺍﺗﻜﻮﻣﻴﻦ ﺍﻧﺘﻈﺮﻱ
ﻋﺎﻓﺘﻨﻲ ﻭﻛﺎﻣﺖ ﻭﺍﻧﻲ ﺿﻠﻴﺖ ﻭﺣﺪﻳﻜﺎﻋﺪﻩ ﺷﻮﻳﻪ ﻭﺍﺟﺖ ﻋﻤﺘﻲ ﻭﺿﻠﺖ ﺳﻮﺍﻟﻒ ﻫﻲ ﻭﺧﻮﺍﺗﻬﺎ ﻭﺷﻮﻳﻪ ﻭﺍﺟﻮ ﺣﻤﻮﺍﺗﻬﺎ ﻋﻤﺎﺕ ﻧﺼﺮ ﻭﻧﺴﻮﺍﻥ ﻋﻤﺎﻣﻪ ﻭﺑﻨﺎﺗﻬﻦ
ﺷﻮﻳﻪ ﻭﻃﺒﺖ ﻋﺼﻤﺎﺀ ﺗﻀﺤﻚ ﺻﺎﺣﺖ ﺍﻧﺼﺎﺍﻑ
- ﻧﺼﺮ ﻳﺮﻳﺪﺝ ﻳﻜﻮﻝ ﻭﻳﻦ ﺍﺧﺬﺗﻮ ﻣﺮﺗﻲ ﻋﻨﻲ ﻫﻬﻬﻬﻬﻬﻜﻮﻣﻲ ﻳﻤﻌﻮﺩﻩ ﻻ ﻳﻄﺐ ﻟﻬﻨﺎ
ﻣﻦ ﻛﺎﻟﺖ ﻫﻴﺞ ﻓﺘﺤﺖ ﻋﻴﻮﻧﻲ ﺻﺪﻙ ﺗﺤﺠﻲ ﻟﻮ ﺷﻨﻮ ﻣﻌﻘﻮﻟﻪ ﻫﻴﺞ ﻛﺎﻝ ﻧﺼﺮ ﺣﺴﻴﺖ ﺑﻔﺮﺣﻪ ﻣﻮ ﻃﺒﻴﻌﻴﻪ ﻭﻃﻠﻌﺖ ﺍﺭﻛﺾ ﻣﻤﺼﺪﻛﻪ ﻛﻠﻬﺎ ﺗﺒﺎﻭﻉ ﻋﻠﻴﻪ ﻭﻉ ﻓﺮﺣﺘﻲ ﻭﻛﻮﻣﺘﻲ ﺍﻟﻪ
ﺑﺎﻭﻋﺘﻠﻪ ﻭﻛﻠﺘﻠﻬﺎ ﻭﻳﻨﻨﻪ ﻭﻟﺠﺞ ﻭﻫﻲ ﻣﻴﺘﻪ ﻣﻦ ﺍﻟﻀﺤﻚ ﻭﺍﺳﻮﻱ ﺑﻴﺪﻫﺎ ﺣﺮﻛﺔ ﺍﻟﺼﺒﺮ
- ﺍﺥ ﻳﻤﻪ ﻟﺞ ﻣﻮ ﻛﺘﻠﺞ ﺷﻮﻓﻲ ﺷﺮﺍﺡ ﺍﺳﻮﻱ ﻫﻬﻬﻪ ﻫﺎﻱ ﺣﺘﻰ ﺍﻧﺘﻲ ﺻﺪﻛﺘﻲ ﻟﺞ ﺟﺬﺏ ﺍﺭﻳﺪ ﺍﺷﻮﻑ ﺭﺩ ﻓﻌﻞ ﻫﺎﻱ ﺍﻟﺤﻴﻪ ﺍﻟﺤﻤﺮﺍ ﻫﻬﻬﻬﻬﻪ
- ﺣﻤﺮﺍﺍ
- ﺍﻱ ﻣﻮ ﺷﻌﺮﻫﺎ ﺍﺣﻤﺮ ﻓﺤﻴﻪ ﺣﻤﺮﺍ ﻫﻬﻬﻬﻪ
ﺿﺤﻜﺖ ﻋﻠﻴﻪ ﻭﻃﺒﻴﺖ ﻟﻐﺮﻓﺘﻲ ﻋﺪﻟﺖ ﺷﻜﻠﻲ ﻭﺍﺫﻛﺮﺕ ﻛﻮﻣﺘﻲ ﺷﻠﻮﻥ ﺟﻨﺖ ﻣﻤﺼﺪﻛﻪ ﻭﻃﺎﻳﺮﻩ ﻣﻦ ﺍﻟﻔﺮﺡ ﺷﻮﻳﻪ ﻭﻃﺒﺖ ﻋﺼﻤﺎﺀ ﻭﻫﻤﺴﻪ ﻳﻀﺤﻜﻦ
ﻋﺼﻤﺎﺀ : ﺍﺥ ﻳﺎﺑﻪ ﻟﻮ ﺷﻮﻓﻴﻦ ﻭﺟﻬﻪ ﺷﻬﺪ ﻳﻤﻮﻭﺕ ﻳﻤﻮﻭﻭﺕ ﻫﻬﻬﻬﻬﻬﻬﻪ
ﻫﻤﺴﻪ : ﺍﻱ ﺍﺟﺖ ﻟﻠﻤﻄﺒﺦ ﻭﺗﺘﻠﻔﺖ ﻛﺘﻠﻬﺎ ﻋﻠﻴﻤﻦ ﺍﺩﻭﺭﻳﻦ ﻛﺎﻟﺖ ﺳﻤﻌﺖ ﻧﺼﺮ ﻫﻨﺎ ﻭﺭﺩﺕ ﺍﺳﺌﻠﻪ ﻉ ﺳﺆﺍﻝ ﻛﺘﻠﻬﺎ ﻋﻤﻮ ﺟﻮﻩ ﻳﻢ ﻧﺼﻮﻓﻪ ﺑﻐﺮﻓﺘﻬﻢ
ﻭﻫﻲ ﻋﺎﻟﺖ ﺍﻟﻤﻄﺒﺦ ﻭﻃﻠﻌﺖ ﻫﻬﻬﻬﻬﻬﻬﻪ
- ﻭﻟﺞ ﻟﻴﺶ ﻫﻴﺞ ﺍﺳﻮﻥ ﻋﻴﺐ ﻭﺍﻟﻠﻪ
ﺑﻘﻴﺖ ﺍﺣﺠﻲ ﻭﻳﺎﻫﻦ ﻭﻃﻠﻌﺖ ﺩﺧﻠﺖ ﺍﻻﺳﺘﻘﺒﺎﻝ ﻛﺎﻟﺖ ﻭﺣﺪﻩ ﻣﻦ ﺧﺎﻻﺕ ﻧﺼﺮ
- ﺷﻴﺮﻳﺪ ﻧﺼﺮ ﻣﻨﺞ ﻭﻟﻴﺶ ﻣﺎﺍﺟﻪ ﺳﻠﻢ ﻋﻠﻴﻨﺎﺍ
- ﺋﺌﺊ ﺧﺎﻟﻪ ﺭﺍﺩ ﻣﺤﻔﻈﺘﻪ ﻭﺟﺎﻥ ﻣﺴﺘﻌﺠﻞ ﻃﻠﻊ ﺑﺴﺮﻋﻪ
ﺣﺠﻴﺖ ﻛﻠﻤﺎﺗﻲ ﻭﺳﻤﻌﺖ ﺷﻬﺪ ﻛﺎﻟﺖ
- ﻛﻠﺶ ﺭﺍﺩ ﻣﺤﻔﻈﺘﻪ ﻟﻌﺪ ﺷﻌﺪﺝ ﻃﺒﻴﺘﻲ ﻟﻠﻐﺮﻓﻪ ﻭﺍﻟﻄﺒﻪ ﻃﺒﻪ ﻋﺸﺘﻮﻭ ﺷﻨﻮ ﻣﺎﺷﺎﻳﻔﻴﻦ
ﻋﺰﺍﺍﺍ ﺍﺣﺲ ﺭﻭﺣﻲ ﺻﺨﻨﺖ ﻣﻦ ﻛﻼﻣﻬﺎ ﺷﻜﺪ ﻓﺸﻠﻪ ﺷﻨﻮ ﻣﺎ ﺗﺴﺘﺤﻲ ﻫﺎﻱ ﻛﻮﻩ ﺻﺒﻮ ﺍﻟﻌﺸﻪ ﻭﺍﺗﻌﺸﻮ ﻭﺭﺍﺣﻮ ﻟﻦ ﺭﻭﺣﻲ ﻃﺎﻟﻌﻪ ﻣﻦ ﻫﺎﻱ ﺷﻬﻴﺪﺍﻥ ﻛﻠﺴﺎﻉ ﻭﺫﺍﺑﺘﻠﻬﺎ ﻛﻠﻤﻪ ﻭﻓﻮﻙ ﻛﻞ ﻫﺬﺍ ﺭﺍﻧﻴﺎ ﺗﺮﺑﻌﺖ ﻭﻛﻌﺪﺕ ﺑﺼﻔﻬﺎ ﻭﺩﻙ ﺳﻮﺍﻟﻒ ﻫﻲ ﻭﻳﺎﻫﺎ
ﺣﻴﻴﻞ ﺿﺠﺖ ﻭﻛﻮﺛﺮ ﻣﺎﻛﻮ ﺍﺣﺘﺎﺟﻴﺘﻬﺎ ﻫﻮﺍﻱ ﺑﺲ ﻋﺼﻤﺎﺀ ﻭﻫﻤﺴﻪ ﺟﺎﻧﻦ ﻭﻳﺎﻱ ﺑﻜﻞ ﺷﻲ
ﻣﻦ ﺭﺍﺣﻮ ﻃﺒﻴﺖ ﻟﻠﻐﺮﻓﻪ ﻟﻜﻴﺖ ﻧﺼﺮ ﻣﺪﺩ ﻉ ﺟﺮﺑﺎﻳﻪ ﻣﻦ ﺷﺎﻓﻨﻲ ﺑﻘﻪ ﻳﺒﺎﻭﻋﻠﻲ ﺟﻨﺖ ﺍﻣﺸﻂ ﺑﺸﻌﺮﻱ ﻭﺍﺑﺎﻭﻋﻠﻪ ﺑﻠﻤﺮﺍﻳﻪ ﻭﻫﻮ ﻣﺎﺷﺎﻝ ﻋﻴﻨﻪ ﻣﻦ ﻋﻠﻴﻪ ﺣﺴﻴﺖ ﺑﺎﻣﻞ ﻳﺮﺟﻊ ﻣﺜﻞ ﻣﺎﺟﺎﻥ ﻳﻤﻜﻦ ﺑﺲ ﺍﺳﺒﻮﻋﻴﻦ ﻋﺸﺘﻬﻦ ﺑﺴﻌﺎﺩﻩ ﺑﺲ ﻣﺘﺎﻛﺪﻩ ﺭﺍﺡ ﺍﻋﻴﺶ ﺍﻟﻌﻤﺮ ﻛﻠﻪ ﺑﺴﻌﺎﺩﻩ ﺑﺲ ﻳﺮﺟﻊ ﻣﺜﻞ ﻣﺎﺟﺎﻥ
ﺍﺗﻤﺪﺗﺖ ﺑﺼﻔﻪ ﻭﻧﻤﺖ ﺑﻌﺪ ﻣﺎﺑﺪﻟﺖ ﺍﻫﺪﻭﻣﻲ ﻭﻟﺒﺴﺖ ﺩﺷﺪﺍﺷﻪ ﻗﺼﻴﺮﻩ ﻭﺧﻔﻴﻔﻪ ﺍﺭﺗﺎﺡ ﺑﻴﻬﺎ ﺍﻛﺜﺮ ﺑﻨﻮﻡ
ﻛﻌﺪﺕ ﺍﻟﺼﺒﺢ ﻭﺍﺣﺲ ﺭﻭﺣﻲ ﺩﻓﻴﺎﻧﻪ ﻭﺍﻛﻮ ﺷﻲ ﻣﺤﺎﻭﻁ ﺟﺴﻤﻲ ﺭﻓﻌﺖ ﺭﺍﺳﻲ ﺷﻔﺖ ﻧﻔﺴﻲ ﻧﺎﻳﻤﻪ ﺑﺤﻈﻨﻪ ﻭﺟﻬﻲ ﻗﺮﻳﺐ ﻉ ﺭﻛﺒﺘﻪ ﻭﺣﺎﻁ ﺍﺩﻳﻨﺎﺗﻪ ﻭﺣﺪﻩ ﺟﻮﺍﻱ ﻭﺣﺎﻃﻪ ﻉ ﺿﻬﺮﻱ ﻭﺍﻟﺜﺎﻧﻴﻪ ﻉ ﺧﺼﺮﻱ ﻭﺑﻄﻨﻲ ﺭﺟﻠﻴﻪ ﻣﺤﺎﻭﻃﻪ ﺭﺟﻠﻴﻪ ﻭﺭﺍﺳﻪ ﺣﺎﻃﻪ ﺑﺸﻌﺮﻱ ﺍﺑﺘﺴﻤﺖ
شكرا لزيارتكم عالم روايات سكيرهوم
