رواية مشاعر مؤقتة الفصل الثامن عشر بقلم مجهول
عقيل : من شفت الدم تذكرت نوال واللي چان يصير
بيهة من تحبل شلتهة وركضت بيهة للمستشفى
وانا الطريق كلة احاچيهة اريدهة تگعد
وهي مثل الداخل غيبوبة وصلت المستشفى
اخذوهة للردهة النسائية وماخلوني ادخل
وياهة ورى ربع ساعة طلعت الدكتورة
ها دكتورة طمنيني شلون صارت
الدكتورة : النزيف قوي بس الحمد لله سيطرنة
عليه مابيهة غير العافية
عقيل : الله يعافيچ اگدر اطلعهة
الدكتورة : بعدهة مصحت لا زم تطلعهة على مسؤليتك
عقيل : ماشي مشكورة
الدكتورة : العفو ومابيهة غير العافية مرة ثانية
عقيل : معقولة جمارتي چانت حامل بولد وطاح
گعدت علكراسي وتذكرت نوال نوال چانت بت
عمي وچانت ساكنة بلولاية لبسهة غير لبسنة
وحياتهة غير حياتنة چانت يوم تجي للديرة
ولد عمامي كلهم يردون بس تعاينلهم
وهي چانت شايلة خشمهة متعاين لاي واحد بيهم
انا چنت شاب عمري 20 سنة وهي عمرهة
19 چانت تحاول تلفت نضري الهة چي چنت موش
مثل باگي الويلاد اهتملهة وانطيهة وجه ضلت تحوم
داير مدايري لحد ماگدرت تاخذ جزء من اهتمامي
وتخليني اميللهة خطبتهة وتزوجتهة وهي چانت
ماتتحچى ومشاكلهة ماتخلص وية اهلي
يوم حملت بأسراء شفتهة تكدرت چنهة ماتريد
جاهل مني وحاولت تسگط الطفل اكثر من مرة
بس الله راد اسراء تجي للدنيا وكاتبلهة خبزة
جابت وصارت انجس صارت تريد تعزل
ومامهتمة لبنتهة وانا عاندت وياهة هي چانت تريد
رجال يمشي بهواهة وكلشي تگولة يگللهة تامرين
وانا ماصرفلي هاذ الوضع چنت دوم اتعارك وياهة
بس عمري مامديت ايدي عليهة بس اعلي صوتي
ورى سنتين حملت بندى وجابتهة وصار الوضع
ماينحمل مشاكل يومية گالولي اهلي اعزل احنة بعد
مانحمل مشاكلكم وصدگ عزلت خاطر اشوف وين
تصفى وياهة بعد ماعزلنة صدگ تحسنت حياتنة
والمشاكل قلت شوية
بس هي ماتغيرت تتأمر وتريد كلشي يجي بخاطرهة
بعد ماكبرت ندى صارت نوال تحمل وتجهض
والاجهاض يصير بأول الحمل ونزف قوي شكثر
اخذتهة لدكتورات وماعرفوا علتهة وامي چانت
دوم تاخذهة للسادة طبعا بعد معارك لان نوال
ماچانت تؤمن بهاي السوالف چانوا يگولون عندهة
تابعة يصيحولهة ام الصبيان وهاي التابعة وراي انا
يعني اي حرمة اتزوجهة يصير وياهة نفس نوال
چانت يو تطيح يو تتمرض وتجهض ومشاكلي
وياهة زادت چي كل فترة تجهض واهلي
يگلولهة لازمن تخلفيلة ولد يشيل اسمة
بعد 15 سنة على زواجنة صارت مشكلة بيني
وبين ابوهة وهي صفت وي ابوهة رغم هو باطل
ولمت هديماتهة وراحت بس اخذت وياهة 10
ملايين من البيت ضلينة مشاكل انا وياهة
وهي تحلف تگول ماخذيتهن اخر شي طلگتهة
واخذت بناتي بس چانن يرحن يشوفنهة
ندى دوم چانت صافة وياهة بس اسراء
تحبني ودوم ساندتني ندى چانت تضل يمهة ومتعرفة
على واحد من الولاية وانا چنت رافض لان مارتاحيتلة
بس هي اصرت تاخذة وانا گلتلهة يوم تاخذي تنسين
عندچ اب وهي فضلت تاخذة وتكسر كلمتي ومن
يومهة انا ماحاچيهة ولا افوتهة لبيتي شكثر رادت
تصالحني بس انا چنت رافض چي فضلت الغريب
علية وماخذت بشوري صحيت من ذكرياتي شفت
الساعة صارت ب 7 گلت خن اطلعهة على مسؤليتي
وقعت على مسؤليتي وطلعتهة وانا طول الطريق
اعاينلهة وجهة اصفر وتعبانة وگفت عند محل مشويات
واخذتلهة معلاك وشربت زبيب وفواكه وخذيتهة للبيت
عاينتلهة ثيابهة كلهن دم خذيتهة للحمام سبحتهة
ولبستهة ملابس وخليتهة علچرباية عاينتلهة وانا
حاس بلذنب انا لوصلت جمارتي لهذا الحال
گربت خذيتهة بحضني تلمست بطنهة يعني
ابني چان هنانة اووف شكبر حضي جمارتي
يو ضال هذا الجاهل چان صار اكو شي بينة
يربطنة ويخليچ ماتهديني ضليت اعاينلهة
واتلمس بطنهة لحد ماغفيت گعدت على صوتهة
جمانة : گوم رجعني للبيت
عقيل : شني بوية حلمانة بلبيت الدنيا ليل
عوفچ من هاي السوالف شلون صرتي جمارتي
جمانة : مالك علاقة بية شيصير خل يصير اصلا
من يوم شفتك والمصايب مادري منين تجيني
عقيل : بهداي يگليبي موش زين عليچ هذا التكدر كلة
جمانة : رجعني لبيتي اني عندي عذر شرعي
واللي تريدة متگدر تاخذة هسة المن ضالة يمك
عقيل : ابوية انتي چنتي تنزفين وخذيتچ للمستشفى
وجبتچ وراهة نمت من التعب تردين تاكلين جبتلچ
معلاگ خاطر يرد دمچ
جمانة : شكرا كفيت ووفيت ماريد شي منك بس
صدگني عمري ماانسى الذل اللي عيشتنياه اليوم
من صدگ حسيت روحي ارخص مخلوق
بهاي الدنيا كلهة واذا متگوم توديني اني اروح
عقيل : اي بوية بس هاي ضلت ماسويتيهة تطلعين
بنص الليل وحدچ
جمانة : تگوم لو لا گلتهة بعصبية
عقيل : عصرت شفتهة حيل ولچ مرة ثانية ان عليتي
صوتچ امردة لحلگچ خاف حسبالك اگعد واعاينلچ
شلون تتجاوزين انا بس مقدر انتي مريضة
وساكتلچ والة چان راويتچ شغلچ
جمانة : مع الاسف عليك واني چنت ماخذة نضرة
زينة عنك و متخيلتك شخص محترم طلعت متستاهل
هاي المشاعر كلهة من صدك اتمنى هاي الاربع اشهر
تمر بلمح البصر حتى اخلص من كابوسك اني نزلت
نفسي هواية بهاي العلاقة وخليت شخص مثلك
يلمسني ويعاملني بطريقة دونية اني گضيت حياتي
بلقهر والحرمان والشغل والتعب بس صدگني وجودي
وياك اكبر مذلة وقهر بلنسبة الية لا وچمالة تتغزل
وتشعر اللي يشوفك يگول عاشگني وانت ولا يم
الموضوع اصلا بس هيچ عجبك شي وردت تسويه
عندك وكت فراغ وتريد تملي على حساب مشاعري
وگلبي الغبي اللي بلش يصدگك ويصدگ مشاعرك
المزيفة
عقيل : اعاينلهة تنهت من الحچي انفجرت علية
وگالت كل اللي بگلبهة على نفس واحد بس انا
من بين كل حچيهة انتبهت هي گالت گلبي الغبي
بلش يصدگك يعني هي هم تحس مثلي
وحاسة بية بس تكابر وماتريد تطلع مشاعرهة
وتخليني اشوفهن ليش يجمارتي تضمين
عشگج عليي وين وصلتينة بسوالفچ وعنادچ
خليتيني ائذيچ واجرحچ اوووف كون اشيل
كل جروحچ واخليهن بگلبي وخلني اتعذب خاطر
احس بالي سويتة بيچ گربت وحضنتهة وهي
تدفع بية
جمانة : وخخر لتحضني ماريد مشاعرك وحبك
المزيف انت چذبت علية واستغليت طيبتي
ليش عقيل ليش هيچ متخاف الله
عقيل : من بعد عنادهة ومكابرهة هدئت بحضني
وصارت تشهگ وكل شهگة تزرف صدري وتفوت بي
اووف يجمارتي انا هيچ معذبچ وانا مادري
بستهة براسهة وبعدت عنهة
جمانة : وديني لبيتي ماريد اضل هنا
عقيل : الصبح اخذچ ابوية انتي
جمانة : لا هسة اريد اروح
عقيل : بوية المن هاذ العناد بلاخير يصير اللي اريدة
انا واللي اگول عليه انا وهسة راح اجيبلچ عشى
خاطر تاخذين علاجچ يمصگوعة صاير عندچ فقر
دم غير يوم شفتي روحچ تنزفين ترحين للمستشفى
ليش هيچ رخيصة رويحتچ عليچ
جمانة : صافنة وماريد احاچيه احس گلبي يوجعني
منة كمية الذل اللي خلاني اعيشهة
خلتني اتمنى الموت ولا عايشة هاي اللحضة
عقيل : خليت الاكل جدامهة وهي صافنة
وزعلانة وموش راضية تاكل بوية اكلي بس لگمتين
خاطر تاخذين علاجچ لاتعاندين ماتضرين غير روحچ
جمانة : لارد
عقيل : وتالي
جمانة : لارد
عقيل : گربت منهة وخذيتهة لحضني
جمانة : وخر گلتلك
عقيل : شو بالله گولي هيييچ والله مشتاگلهة
جمانة : لارد
عقيل : بوية الجابي مايمر لهنا اليوم احچيلج
چم چلمة مو بطيتي چبدي
جمانة : ضحكت ضحكة خفيفة بعدين تذكرت
الموقف وسيطرت على ملامحي
عقيل : الصبر يامن تنطي الصبر
جمانة : ليش متعب روحك وياية اخذني لبيتي
عقيل : انا اشتري اللحظة وياچ بروح شلون تردين
اردچ لبيتچ
جمانة : ضليت ساكتة وصافنة بعيونة
عقيل : وگعتي يو بعد
جمانة : شنو
عقيل : طيحچ عقيل يو بعد
جمانة : هم مفتهمت
عقيل : بوية شحجيلچ هندي وتفهمين
جمانة : بكيفك
عقيل : فركت وجهي وگلتلهة بوية انا طحت بعشگچ
انتي ماطحتي
جمانة : ملامحي كلهة تغيرت وضليت فاتحة
عيوني على وسعهن واكتفيت بكلمة شنووو
