رواية باب شقتي الفصل الأول بقلم رين
النهاردة الخميس بالنسبالي كان مختلف جدًا، بطريقة مش متوقعة.. وخصوصًا لما جوزي رجع من الشغل قبلي.. وأول ما وصل البيت،
لقيته بيتصل عليَّا وبيقول وهو مصدوم..
كأنه في حد حاول يدخل البيت وإحنا مش موجودين..
أول ما سمعت كلامه، إتسمَّرت قدَّامه.. وفضلت مِبلِّمة لكام دقيقة من الوقت،
وبعدها لقيته وبيقول :
- أنا لسه راجع دلوقتي من الشغل يا حبيبتي ولقيت الباب بالشكل ده!!
= إزاي حصل كده؟!
- مش عارف.. ده كأنه في حد حاول يدخل البيت..
= إنت بتقول إيه؟!
- مش عارف إذا كان في حد جوَّه البيت ولا لا!
= خلِّي بالك من نفسك.. وكلمني أول ما تعرف حصل إيه؟!
فضلت مستنيَّه،
طول الوقت بفكَّر إيه اللي حصل؟! مين ممكن يعمل كده؟! وليه؟!
كل ما كنت بنتظر رسالته أو إتصاله كانت الأسئله بتكتر ومعاها توتري بيزيد،
لقيت نفسي بتصل عليه،
رنيت،
مبيردش،
قلقت أكتر.. إتصلت مرَّة ورا التانية..
وبعدها،
لقيت نفسي بقوم وقولت هروح وأشوف إيه اللي بيحصل،
نزلت وطول الطريق وأنا بفكَّر.. وأول ما رجعت..
طلعت،
وسمعت صوت خبط جاي من الدور التاني.. الدور اللي فيه شقتي،
طلعت جري، ولقيت جوزي جايب واحد وبيصلح معاه الباب..
كنت لسه هسأله إيه اللي حصل بس هو شاورلي بعيونه إني استني لحد ما العامل يخلَّص شغله وبعدين نتكلم،
كنت بسمع كلامه،
وبقالنا فترة حياتنا مستقرة، رغم أننا كنَّا على حافة الطـ.ـلاق، بعد ما عرفت بخـ.ـيانته ليَّا..
طلب مني فرصة تانية.. ولقيت نفسي بوافق.. وعدني إننا قدها..
وإن حبنا كبير..
ولقيت نفسي موافقة إننا نكمل الفرصة التانية دي ونشوف آخرها إيه؟!
وأحنا واقفين طلع البواب ووقف مع جوزي يسأله عن اللي حصل،
ولفت إنتباهي كاميرا المـ.ـراقبة اللي في الدور التاني واللي في وش شقتنا،
فلقيت نفسي بكل سرعة بقول
"الكـ.. الكاميرا.. نقدر نعرف منها مين حاول يدخل بيتنا"..
لقيت البواب بيبص لجوزي بعد ما بلع ريقة وبان عليه التـ.ـوتر وقال :
- الـ.. الكاميرا مكنتش شغالة يا فندم!
= إ.. إنت بتقول إيه؟! يعني إيه مش شغَّاله؟!
- يـ.. يعني..
بدأ يتهته في كلامه،
وفجأة جوزي قال.. بصوت كله إصـ.ـرار
"خلاص يا حبيبتي.. مش شغَّاله يعني مش شغَّاله!"
سكت،
وبعدها العامل ظبَّط الباب ومشي،
ولقيت جوزي راح مع البواب ونزلوا وقدرت أشوفهم من بين السلالم وهمُا واقفين تحت وبيهمسوا،
حاولت أسمع معرفتش..
وفجأة سمعت البواب وهو بيقول
"بس أنا شُفت حضرتك بعيني الإتنين دول في الكاميرا يا بيه!!"
قرَّب منه جوزي وحط أيده على فمه وقال بكل غضـ.ـب وضيـ.ـق
"الكاميرا مكنتش شغَّاله.. الكاميرا مكنتش.."
رد بعد ما جوزي بعد أيده عنه وقال
"مـ.. مكنتش شـ.. شغاله.."
وفجأة لقيت جوزي بيبصلي بنفس العيون اللي كلها كـ.ـره وغضـ.ـب،
وإبتسملي فجأة وقال
"إحنا لسه هنتكلم يا حبيبتي.. هنتكلم.."
مكنتش فاهمة ليه نبرته كانت غريبة،
وليه نظرته ليَّا كانت مرعـ.ـبة، وكأنه في سـ.ـر في الموضوع وليه جوزي مصمم إني مشوفش الكامـ.ـيرا..
وليه هو كان ظاهر فيها؟!
كل الأفكار دي كانت في بالي.. وفجأة سمعت صـ.ـرير الباب من ورايا،
باب شقتي،
و.. وكأني شايفه حد في البيت.. في ظل حد إتحرَّك بسرعة من قدَّام الباب..
وكأنه في حد لسه موجود في البيت..
والصدمة كانت لمَّا شُفته..
