رواية عند مقعد الفجر الفصل الأول بقلم ياسمينا ناصر
_ الو يا ماما سمعاني كده!؟ كنت بقولك ان مريم كدابه ولله انا ماقلت كده وبعدين يعني انتي تصدقي بنت اختك وبنتك لا
*وهي هتكدب ليه يعني
_ وانا هكدب ليه يا امي لا إله إلا الله
/تشربي ايه يافندم
_ثواني لو سمحت
/نعم يافندم! اسف مسمعتش حضرتك
_قلت ثواني
مسمعش من صوت الناس الي يعج المكان وكرر السؤال تاني انا عليت صوتي عليه وقلت
_قلت ثواني لو سمحت لقيتني بتكلم في الفون تسكت مش تعيد السؤال مرة واتنين
/ اسف يافندم ولكن مستعجل عايز اخلص عشان عندي مشوار مهم
_ ماما اقفلي دلوقتي
*مش هقفل غير لما تقولي عملتي كده ليه
_ ياستير يارب ايوا يا ماما انا الي اديت رقم مريم لبتاع الفرنه واتفقنا مع بعض اني اخطفها ويتجوزها فالسر وغصب عنها مقابل انه كل يوم يبعتلنا قفص عيش ببلاش ارتحتي كده!؟ وبعد اذنك هقفل عشان ورايا شغل سلام ،... قفلت الفون وانا متنرفزه جدا ولاحظت ان الشاب لسه واقف قدامي وماسك ضحكته
_ هو انت لسه واقف !؟
/حضرتك ماقولتيش هتشربي ايه
_ مش هشرب حاجه
/نعمم
_افندم!؟
/بقالي ساعه واقف قدامك مستنيكي تردي وفي الاخر تقولي مش هشرب
_ ايوا اتسد نفسي وانت اصلا المفروض انا بتكلم في الفون متفضلش واقف فوق راسي زي عملي الاسود كده
/تمام يافندم ...،
مشي وهو متنرفز مني جدا وكان هاين عليه يمسك دماغي يكسرها وبعد يوم طويل ومناهده مع امي وخناق دخلت اوضتي وريحت على السرير حاولت انام معرفتش حاسه بتأنيب الضمير لاني زعقت للشاب وكمان متعصبه من كدب مريم فكرت اعمل ايه ملقتش غير اني اكلمها وبكرا هروح للشاب اعتذر
_الو يا مريم
: ايه يا ملاذ
_ اقسم بالله يامريم لو مبطلتيش تعملي نصايب وتكدبي وتحطي الحق عليا هاجي اساوي وشك بطوب الارض لو سمحتي يا مريم ابعدي عني بذات الفترة دي لاني ممكن اتهور واعمل حاجه متعجبكيش فخليني كده ملاذ الكيوته القمورة معاكم ويلا سلام ...
قفلت في وشها ومستنتش اسمع ردها ايه وحطيتها على البلوك على طول الي عملته لا يغفر تماما استغفرت ربنا وقمت صليت القيام من بعد ما قرأت عنه وعرفت انه بيعمل معجزات بقيت منتظمه عليه بفضل الله وخلصت دعيت لله ان اكون من عبادة الصالحين ويرزقني زوجا صالحا يصب عليا الحب صبا واخدت بعضي ورحت اترميت على السرير واتقتلت حرفيا
تاني يوم رحت الكافيه نفسه ولكن ملقتش الشاب سألت عليه احد زملائه
_لو سمحت كام فيه شاب طويل كده كان موجود امبارح
" كان اخر يوم ليه امبارح عشان عنده امتحانات في الكليه
_ تمام شكرا طب متعرفش ازاي اوصله!؟
" معرفش ولله كل الي اعرفه انه في جامعة القاهرة حتى معرفش كلية ايه
_ تمام شكراً
استغربت جدا من انه في نفس جامعتي ولكن لو شوفته هبقى اعتذر او خلاص مش مشكله ، روحت على طول لاني تعبانه اوي وعايزه ارتاح ونمت منغير عشا حتى .،تاني يوم صحيت بدري وجهزت وروحت جامعتي وماكنتش عارفه ابطل تفكير فيه وحاسه الذنب ده هيفضل معايا
* الو يا ملاذ انتي فين
_ انا داخله الجامعه اهو انتي الي فين
* مستنياكي جوة انجزي
_ حاضر ياست سارة داخ.... سارة اقفلي دلوقتي هكلمك بعدين سلام ...
قفلت في وشها ومش مصدقه اني اخيرا شوفت الشاب ولكن بيعمل ايه قدام كليتي !؟ تفتكري في نفس الكليه!؟! روحتله بسرعه وانا بنهج
_لو سمحت لو سمحتتت
/افندم !.. مش انتي . ايوا انتي نفس البنت الي اتفقت مع بتاع العيش تخطف بنت خالتها مقابل قفص عيش صح
_ هو حضرتك كنت مركز اوي كده ليه وغير كده انا مش بتاعت خطف انا قلت ك.... قطع كلامي وهو بيقولي
/انجزي عايزه ايه مش فاضي
_ على فكرة انت وقح جدا وانا غلطانه اني جايه اعتذر ليك بسبب اني اتعصبت عليك في الكافيه ..
بصلي نظرة مطوله وهو ساكت بعدين مشي منغير ولا كلمه انا اتضايقت اوي هو ازاي يمشي كده ولا كأن حد بيكلمه وبعدين شوفته دخل كليته قرأت اسم الكليه "كلية الهندسه" البيه مهندس عشان كده وقح ،روحت كليتي وكنت متعصبه جدا
* مالك يابنتي في ايه؟
_ الشاب الي حكتلك عنه قابلته بره طلع فس كلية الهندسة وكلمني بوقاحه جدا وسابني ومشي قالي انا مش فاضي
* معلش يابنتي يمكن بيردها ليكي عشان يحسسك بالي حاسه
_ ولله يابنتي ماكنش قاصدي وروحت عشان اعتذرله ولكن طلع وقح جدا
* خلاص ياستي انتي عملتي الي عليكي فكك منه وخلاص
_حاضر
بعد يوم طويل في الجامعه واخيرا اخر محاضرة خلصت قررت اروح الحديقه اقف قدام البحر والجو جميل وهدوء مكاني المفضل من زمان وحبيت اروح لوحدي زي كل مرة لاني عايزه هدوء وبس منغير ولا صوت ولكن شوفت نفس الشاب قاعد بعيد عني شويه على مقعد قدام البحر لوحده وسرحان فضلت بصاله شويه ولاحظت نظراته الحزينه ولكن متردده اروح اسأله ماله ولا اسكت وامشي وفي الاخر قررت اني امشي، وصلت البيت ولكن تفكيري لسه معاه ومعرفتش انام نظراته ملحقاني كنت حاسه انه كاتم وجع كبير جواه وانه مش عنده حد يحتوي الوجع ده شخص مجهول بالنسبه ليا فضلت افكر افكر لحد ما جتلي فكرة جهنميه شويه رنيت على روان
_ الو عامله ايه يا رورو
*الحمدلله ياقلب رورو انتي اخبرك ايه
_ الحمد لله ياقلبي عايزاكي في مهمه تحفه
*قولي ياختشي سمعاكي
_ ليكي حبايب بس في كلية الهندسه!؟
*حبايبي في كل مكان ياقلبي
_ حلو ده في شاب عايزه اعرف كل حاجه عنه هو في كلية هندسه بكرا قبل ما ندخل الكليه نتقابل واوريكي الشاب وانتي تتصرفي بقى
*عيوني بس كده
_احلى حاجه فيكي انك مبتسأليش ليه ولا بتعرفي التفاصيل
*بحب اريح دماغي اصل هعمل بيه ايه مش هزيد حتة لو عرفت يعني ويلا بقى ياقلبي هقفل عشان بعمل حاجه
_تمام ياقلبي سلام
قفلت مع روان وحسيت ان ممكن اعرف حاجه عنه واقدر اساعده ك اعتذر على الي فات صحيت تاني يوم روحت جامعتي وقابلت روان وفضلت مستنياه لحد ما دخل وورتهولها وقالتلي تمام واول متعرف حاجه هتقولي دخلت كليتي وخلصت يومي وروحت وانا نهكانه جدا وعايزه انام وعليا صلاة المغرب والعشا كنت هنام وهصليهم بكرا ولكن افتكرت قول الله عز وجل ... قال تعالى: ﴿فَوَيْلٌ لِّلْمُصَلِّينَ الَّذِينَ هُمْ عَن صَلَاتِهِمْ سَاهُونَ﴾ [الماعون: 4–5] محبتش اكون من الساهون عن الصلاة لان ربنا وعدهم ب الويل والويل ده وادي من أودية جهنم قمت صليت ونمت صحيت على مكاملة روان
_ بصوت كله نوم.. الو يا روان
*عايش لوحده في بيتهم معندهوش اخوات وقرايبه في محافظه تانيه ابوة متوفي من وهو صغير وامه اتوفت يوم الخميس الي فات بسبب مرض في القلب وكان عندها ورم على المخ اتوفت الفجر وبس كده عايزه حاجه تانيه ياقلبي
_ لا تسلمي بجد شكرا سلام
يوم الخميس !!!! ده اليوم الي زعقتله فيه في الكافيه ياااربي كان مستعجل عشان يشوف ولدته وانا زودت عليه هم وعليت صوتي عليهههه ياربي سامحني مكنتش اعرف استغفر الله العظيم من كل ذنب عظيم..
