رواية وعاشت في احضان الشيطان الفصل الاول
لعشاق الغموض
قصة حقيقية. واحداثها صدمة احداث فعلا +18. لا. +21
مش بقول +18. علشان فيها شي مخل. لا. لكن هي +18 علشان احدثها صدمة. بمعني الكلمة. علشان كدة اللي حابب يتابع القصة يتابعها بس ما يرجعش يلوم عليه. ويقول اني ما قولتش. وصاحبة القصة وسطينا ومن متابعي الصفحة. وهي وقت هتكون ظالمة واوقات هتكون مظلومة بكل الاحوال هي طلبت اني اعرض حكاياتها علشان ما حدش يقع في نفس اللي هي وقعت في قررت تكون عبرة لانها شافت الشر بيجي منه خير. ودة مش صح.
وصاحبة القصة بتقول انها كانت عايشة حياة عادية جدا. لغاية ما قررت انها تساعد جوزها في مصاريف البيت ودخلت فيلا مدام احلام وبقي مصيرها نفس مصير اللي قبلها. اية هي الحكاية ومين احلام دي. هقولكم.
كتابة واقتباس
محمد منصور. * منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
انا اسمي سلوي عادل صبحي ست بيت متجوزة من 2008 اسطي كهربائي اسمة فايز وخلفت منه بدل العيل اربعه بنتين ووالدين وكلهم جم وراء بعض وكان اكبر عيالي اسمه شادي وهو في تالتة اعدادي. وكان عايز يكمل تعليمة ويخش ثانوي ويبقي دكتور وانا كان نفسي وبعد شادي جبت بنتي سجدة. في اعدادي برضو وبعد سجدة. جبت ملك. وبعد ملك واخر العنقود احمد وحمد ربنا انا وفايز علي كدة واتفقنا مش هيبقي في عيال تاني بس ربنا يقدرنا ونربي دول. وعيشنا حياتنا عادي جدا. مافيهاش اختلاف كبير عن اللي شبهنا وفي نفس حالتنا احنا قاعدين اصلا في شقة ورث فايز من ابوة وهي الحاجة الوحيدة اللي حيلتنا. وبتبدي قصتي بعد ما عملت جمعية ب 250ج في الشهر وجمعت 2500ج. بعد سنة من دفع الجمعية. وقولت ل فاير
احنا هنروح المصيف السنة دي يعني هنروح المصيف
فايز وهو بيضحك
خلاص يا ستي عرفت انك قبضي الجمعية والفلوس جمدت قلبك. بس عايز اعرفك ان 2500 ج. دول مش فلوس دلوقتي ومايعملهوش حاجة
سلوي
هيعملو باذن الله. مش لازم نفشخرها ونمشي علي قد اللي معانا وبعدين انت ناسي ان اخويا مسعد حجز لنا اسبوع في مرسي مطروح. ودفع الفلوس كلها ومش هياخد مننا حق الشقة يعني مش هنتكلف الا الموصلات والاكل والشرب بس
فايز
ودخول الشاطئ والخروجات.
سلوي
هنقضيها علي قدنا المهم نفرح العيال وما نحسسهمش انهم اقل من ولاد عمهم اللي كل سنة في المصيف وبيغيظوا في عيالنا
فايز
مش معني ان ظروفنا علي قدنا يبقي احنا اقل من حد. كل واحد بياخد رزقة المهم القناعه واننا نحمد ربنا
سلوي
بحمده والله وانت عارف بس انا نفسي عيالي يفرحوا وما يحسوش انهم اقل من حد
فايز
باذن الله ظروفنا هتتعدل وهيبقي حالنا احسن من كدة
سلوي
يارب. بس الدنيا تمشي شوية والغلاء اللي احنا في يروح
فايز
ربنا كريم. وارجع واقول احنا احسن من غيرنا. المهم جوز اختك يجي ياخدنا بالتيوتا بتاعته وشوفي هياخد كام
سلوي
كلمت اختي خلاص. وحسابه وصل
ضحك فايز وقال وهو بيولع سيجارة
دة انتي خلصتيها خلاص
سلوي
وبجهز كمان في السندوتشات اللي هنخدها معانا اول يوم
ضحك فايز اوي ولسة بيخرج من الاوضة علشان ريحة السجاير بضايق سلوي لقي سجدة بتجري ناحيته وبتاخده بالحضن وكانت بتحضن النص التحتاني بس من جسم ابوها لانها مش طايلة الباقي وقالت
انا بحبك اوي يا بابا
بص لها وضحك وقال
اشمعني
فايز
علشان هتودينا البحر
طبطب علي دماغها وقال
وانا كمان بحبك اوي يا حبيبة بابا
سجدة بصت له وقالت
عايزا بقي مايو انزل بي البحر
فايز بص ل سلوي ورجع بص ل سجدة وقال
ما احنا قولنا هنجيب لك مايو اسماء بنت عمك محسن
سجدة
لا. مش عايزا بتاع حد. انا عايزا مايو يكون بتاعي
رجع فايز بص ل سلوي فقالت سلوي
هجيب لك مايو
فايز
منين بس الفلوس علي القد. والمايو دة لوحدة يعمل 250 ج. دلوقتي
سلوي
مالكش دعوي انا هتصرف
فايز
متاخد بتاع بنت عمها ما هما الاثنين نفس الجسم
سجدة
مش عايزا منها حاجة لاني لما باخد منها اي حاجة بتقعد تغيظني بيها
سلوي
خلاص يا سجدة هنزل وكاله البلح واشوف لك مايو هناك
وبصت ل فايز
وانت بقي امشي بسجارتك دي مليت الاوضة دخان
فايز
ما انا كنت ماشي وبنتك اللي وقفتني، ،،،،،،،،
وفي نفس الوقت ومن جوة فيلا في منطقة التجمع تجلس علي ركنة في ريسبيجن الفيلا امراة في الاربعينات من عمرها وتدعي احلام وقدام منها امراة من الفلاحين اللي بيبيعوا الجبنه والسمنة البلدي تدعي ام محمد وكانت احلام بتبص ل ام محمد وتقول لها
قولتي اية معايا هتاخدي فلوس كتير عمرك ما هتعرفي تجيبيها لو اشتغلتي في الجبنة والسمنة طول عمرك
ام محمد
برضو مش فهماكي يعني اية افضل قاعدة معاكي في الفيلا وخلاص وما خرجش منها الا لما تطلبي مني اني اخرج. هبقي مسجونة يعني
وقفت احلام ولفت حوالين ام محمد وقالت
لية بتقولي مسجونة انتي هتعيشي معايا ملكة
ام محمد ضحكت وقالت باستهزاء
ملكة. والنبي يا ست ما تتريقي عليه انا واحدة غلبانه وبجري علي كوم لحم عايزا جبنه وسمنه ولا الم بضاعتي وامشي من هنا.
احلام
انت باين عليكي طيبة اوي. اومال لية جت لي وطلبت مني اعمل فيكي كدة
ام محمد
هي مين دي
احلام
واحدة دفعت كتير علشان يدخل عليكي بالخراب
ام محمد
واحدة مين تاني دي. وعايزا ليا الخراب لية. دة اني عمري ما اذيت حد
احلام
ما ينفعش اقول اسامي
ام محمد اللي قلبها اتقبض قالت
واني مش عايزا اعرف انا ماشيا
وبدات ام محمد تلم بضاعتها. ولسة هتمشي مسكت احلام ايدها وقالت
تمشي تروحي فين بس. انتي لو خرجتي من هنا مش هقدر احميكي. انا عايزاكي تعيشي مرتاحة
وبدات احلام تقرب من ام محمد اوي وبتمشي ايدها علي جسمها لكن ام محمد زقتها بعيد عنها وقالت
انتي عايزا اية بالظبط
احلام
انا واحدة عايشة لوحدي وعايزاكي تعيشي معايا. فيها اية دي. وفي المقابل هحميكي من اللي اتعمل لك
ام محمد زقت احلام بعيد عنها وهي بتقول
اعوذ بالله منك ومن اللي زيك
مسكت احلام ايد ام محمد وقالت
انتي خايفة مني لية. انا ست زيك فيها اية لما تباتي معايا وانا وانتي نبقي لوحدينا
ام محمد
اوعي ايدي ياولية يا نجسة. قال ابات معاكي قال
احلام
بلاش تخليني ازعل منك
ام محمد وهي لسة بتحاول تبعد ايدها عن ايد احلام
ما تزعلي ولا ياكلك قطر جتك القرف. وسيبي ايدي بقول لك
احلام وهي بتقرب من ام محمد
بلاش اسيب ايدك والا عقابي هيكون شديد. انا بحبك وعايزاكي
ام محمد وهي بتف في وش احلام
ابعدي عني يا زباله
وراحت عضتها ام محمد في ايدها. اتوجعت احلام وسابت ايد ام محمد وطلعت ام محمد تجري ناحية باب الفيلا وخرجت وبصت ناحيتها احلام وهي غضبانه جدا وبتقول
رفضتك رفضتك. خليها تدوق طعم نار جهنم، ،،،،،،،،،،،،،
وترجع ام محمد ل بيتها وعيالها وهي مفزوعه ومن غير الجبنة والسمنة بتوعها فيقابلها جوزها ويقول
مالك يا ولية وفين الجبنة والسمنة
ام محمد
اسكت علي اللي حصلي يا ابو محمد. في حد عايز لي الخراب وسلط عليه، ،،،،،،،
وقبل ما تكمل تسمع ام محمد صوت صريخ جاي من برة وحد واقف عند باب بيتهم وبيقول
الزريبة بتاعتكم بتولع والبهايم بتاعتكم النار ماسكة فيها
سرخت ام محمد وخرجت جري من البيت هي وجوزها وحاولو يطفوا الحريقة لكنهم ما قدروش الزريبة بتولع بنار لونها ازرق نار ما حدش شاف زيها قبل كدة بدات تلطم ام محمد وهي بتشوف شقاها بيولع قدام عيونها والنار بتاكل لحم البهايم وشافت احلام واققة قدام باب الزريبة وبتبص لها وبتقول
ارمي نفسك في النار.
قامت ام محمد من غير اي مقاومة ورمت نفسها في النار وسط استغراب من اهل البلد ومشيت احلام وسابت النار بتاكل ام محمد وما حدش قادر يلحقها، ،،،،،،،،،،،،،
القصة موجودة كاملة علي صفحة حكايات منص ودوددا
وبعدها بيوم تقف سلوي قدام فايز وتقول له
انت روحت ل اخوك محسن لية
استغرب فايز وبص لها وقال
انتي عرفتي ازاي
سلوي
بنت محسن كلمت بعتت ل بنتك علي الواتس وقالت لها ابوكي قاعد بياكل عندنا
فايز وهو بيولع سيجارة قال
روحت ازورة عادي يعني
سلوي
لا. روحت تستلف منه وعايز تعرف هو قال لك اية قال اجيب منين بس ما انت عارف الظروف يا خويا. مش دة اللي حصل
فايز وهو بينفخ دخانه سيجارته بزهق وقرف
اة دة اللي حصل مش احسن ما نسافر والفلوس تخلص مننا او نحرم العيال من حاجة نفسهم فيها
سلوي
مش هنحرمهم احنا كويسين يا فايز وعلشان خاطري ما تروحش ل اخوك تاني وتطلب منه فلوس
فايز اللي صعبان عليه حاله. لكن سلوي تقعد جنب منه وتلاقي الدموع محبوسة في عيونه وهو بيقول
قالي معمهوش فلوس ومش هيروح السنه دي المصيف بسبب انه معذور. وانا عارف انه كذاب.
خدته سلوي في حضنها وقالت
ربنا ما يحوجنا ل حد.،،،،،،،،،
وتعدي الايام وجه اليوم اللي في كانت سلوي وجوزها مسافرين مرسي مطروح ومش قادر اقول لكم كانو فرحانين ازاي وفايز بيتبادل الضحك والهزار مع ولادة وسلوي قاعدة جنب منه ومتعلقة في كتفة وبتقول
عايزا انام
بص لها فايز وقال
نامي احنا لسة قدامنا 4 ساعات عقبال ما نوصل. دة انتي بقالك يومين صاحية انتي وعيالك
سلوي
فرحانة يا فايز بلاش افرح
ابتسم فايز وقال
افرحي يا حبيبتي بس ما يمنعش وانتي فرحانه تنامي شوية
سلوي
اة والله لنام وعلي كتفك
وتحط سلوي دماغها علي كتف فايز وتعدي الساعات ونوصل عن بوابة مرسي مطروح وتقف العربيات قدام البوابة لدفع كارته دخول البلد وهنا وفي وقت ما كانت سلوي تبص من شباك العربية فرحانه انها وصلت مرسي مطروح تقف عربية ملاكي جنب منهم ازازها كله اسود فامية وينزل ازاز العربية علشان. تبص احلام اللي كانت جوة العربية الملاكي ل سلوي وسلوي تبص لها وتبتسم احلام وتقول
طلبك.
وتقفل ازاز العربية تاني وتتحرك احلام بالعربية وسط استغراب سلوي اللي سمعت كلمة طلبك رغم المسافة اللي بينها وبين احلام وقالت باستغراب
طلبني. ،،،،،،،،،،،،
