رواية اساطير الورد الفصل العشرون
ـــــــــــــــــــــــــــــــــــــــــــــــــــــــــــــــ
_أنا إتسرقت.. تحويشة العمر رااحت...!!
دخلت مريم إلي الغرفه وهي تحاول تهدأة إنفعالها المزعوم وقالت بتوتر:
=طيب إهدي و سمّي الله و ندور تاني.
جلست زينب علي الفراش وهي تنوح و تبكي وتقول:
_يا مصيبتك السودا و خراب بيتك المستعجل يا زينب.. ده أنا كنت شيلاهم عشان أطلع عمره بيهم قبل ما أموت.
أخذت مريم تضب تلك الأغراض الملقاه أرضاً بفوضوية ثم نظرت إليها بشفقة وقالت:
=معلش إستهدي بالله و هنلاقيهم.. إنتي متأكده إنك كنتي شيلاهم هنا.. ما يمكن نقلتيهم لمطرح تاني وإنتي ناسيه.
_لأ شيلاهم هنا أنا متأكدة مليون الميه.. ما طول عمري بشيل فلوسي و دهبي هنا إشمعنا المرة دي.
عادت مريم للبحث مجدداً ثم قالت بعد أن يَأِست:
=مش لاقيه حاجه.. أنا هكلم طارق أقولله ييجي يتصرف.
_أاه كلمي طارق.. كلميه هو اللي هيعرف يتصرف.
بعد دقائق عاد طارق مسرعاً إلي البيت ليجد أمه وقد أهلكها البكاء و العويل ليجثو علي ركبتيه أمامها ويقول:
=في إيه ياما؟! إيه اللي حصل؟!
نظرت والدته إليه بأعين قد فاضت منها الدموع وقالت:
_شوفت يا طارق اللي جرالي؟! تحويشة العمر راحت يا طارق.. 50ألف جنيه و دهب بـ زيهم إتشالوا من الدولاب.. كأنهم فص ملح و داب ولا باينلهم أثر.
جحظت عيناه بصدمه وقال: بجد؟! طيب دوري كويس.
قالت مريم: دورنا في كل حته في الشقه مفيش حاجه.
أعاد النظر إليها قائلاً: ما يمكن إنتي نقلتيهم في مكان تاني!
هزت رأسها بنفي وقالت: لأ.. أنا طول عمري بشيل فلوسي و دهبي هنا إشمعنا المرة دي هغير مكانهم!!
_طيب إنتي خرجتي من البيت النهارده؟!
هزت رأسها أن لا فقال: طيب حد جالك؟!
_محدش غريب جه.. مفيش غير..... حماتك!
قالت الأخيرة بصوت خفيض بعد أن منحت مريم نظرةٍ خاطفه ومن ثمّ عادت لنوبة بكاؤها المصطنع مرة أخري.
نظر طارق إلي مريم لتتيبّس قدماها و يتوقف الدم عن السريان بعروقها فإبتلعت ريقها بصعوبة ثم قالت:
=بتبص لي كده ليه يا طارق؟! عايز تقول إيه؟!
نهض واقفاً ثم وضع يده بجيب سرواله الشبه مهترئ ثم قال بنبرةٍ جامده أثارت الرعب في نفسها:
_عايز أقول اللي وصلك يا مريم هانم.
تلهجت شفتاها بكلماتٍ مبعثرة ثم قالت وهي تحاول ألاّ تفقد أعصابها:
=تقصد إيه يعني؟! هو عشان أمي جت هنا يبقا هي اللي خدت الحاجه؟! ما هي مش أول مرة تيجي هنا يعني إشمعنا النهارده هتمد إيدها علي حاجة أمك؟!
تقدّم نحوها وهو لازال يضع يده بجيبه ثم توقف أمامها وقال بهمسٍ وكأننا يبوح لها بسرٍ ما:
_أقوللك أنا إشمعنا؟! لأنها مكانتش بتلاقي الفرصه تسمح قبل كده.. لكن النهارده جت لقت البيت فاضي و أمي مش موجوده فإستغلت الفرصه و قلّبتنا.
نظرت إليه بعيونٍ مستنكرة و وجهٍ عابس و همّت بالإحتجاج قبل أن تقاطعها زينب عندما قالت:
=خلاص يا طارق هدي نفسك.. أنا هشوف الموضوع ده بطريقتي.. متعملش مشاكل إنت.
صاح في تشنجٍ و عصبية مفرطه فقال:
_أهدي نفسي إزاي ياما؟! هو إحنا قراطيس في البيت ده ولا إيه عشان نتسرق من قلب بيتنا؟!!و ديني لأروح أفرج الدنيا عليهم هناك.
تشبثت مريم بملابسه وقالت بتوسل:
_أبوس إيدك يا طارق بلاش فضايح.. والله العظيم أمي مظلومه إستحاله تعمل كده.
فك وثاق يدها من حوله ليبعدها عنه بضيقٍ و تذمر ثم هرول نحو الخارج.
تحدثت مريم بترجي إلي زينب وقالت:
_والنبي تلحقيه قبل ما يعمل مشاكل.. والله العظيم أمي مش ممكن تسرق أبداً.. مش هي اللي خدتهم.
تحدثت زينب بعصبيه وقالت: هو أنا في إيه ولا في إيه دلوقتي؟! في مالي اللي إتسرق ولا فيكي إنتي وأمك؟!
هالها عسر الموقف وبدأت أعصابها تنفلت فأسرعت نحو شقتها و أبدلت ملابسها و إتخذت طريقها نحو بيت والدتها ركضاً.
ـــــــــــــــــــــــــــــــــــــــــــــــــــــــــــــــ
_إزيك يا مرات أبويا؟!
نطقتها ورد بكل ما بها من قوةٍ و ثبات وهي تثبت ناظريها نحو غرام التي وقفت مشدوهه تبادلها النظرات المذهوله المرتبكه فتمتمت بإضطراب: ورد؟!
أفتر ثغرها عن إبتسامةٍ ساخرة وقالت:
_أيوة ورد.. فكرتيني مش راجعه تاني مش كده؟!
ثم جلست علي مقعدٍ لم يتبدل مكانه منذ أن غادرته ووضعت ساقها فوق الأخري وإستطردت:
_ولّا فكرتيني مت!!
تجهم وجه غرام من تلك التي تجلس أمامها وعلي وجهها تجتمع كل أمارات القوة وكأنها ورد أخري غير التي تعرفها فقالت بوجهٍ باهت متجمد خالٍ من المشاعر:
=لأ أبداً مش كده.. بس إنتي كنتي فين كل ده و جايه حالك متشقلب كده؟!
هزت ورد رأسها بيأس من نهجها الذي لم و لن يتغير أبد ما حَيَت ثم طالعتها بإبتسامةٍ واثقه وقالت:
_كنت في بلاد الله الواسعه يا مرات أبويا.. لفيت و شوفت ناس ياما و عاشرت الوحش و الحلو.. اللي قلبه نضيف واللي قلبه قاسي.. بس الشهادة لله مشوفتش حد زيك.. إنتي فريدة من نوعك في كل حاجه.
إشتاطت غرام غضباً وكشرت عن أنيابها لتقول:
=مالك يا بت إنتي جايه شاده حيلك علينا كده!! وبعدين يعني إيه كنتي في بلاد الله الواسعه؟! كنتي قاعده فين يعني ولا عند مين؟!
_وإنتي مالك؟!
باغتتها ورد بإجابتها المقتضبه ثم أردفت:
_كنت مطرح ما كنت.. يهمك في إيه؟!متقوليش إنك كان قلبك عليا ولا حاجه؟!
=إنتي قلبك بقا جامد أوي يا بنت غريب.
_الله يرحمه.. تعرفي يا مرات أبويا إنك ليكي فضل عليا؟!
قطبت غرام ما بين حاجبيها بتعجب وتسائلت:
=تقصدي إيه مش فاهمه؟!
_أقصد إن لولا اللي عملتيه فيا و معاملتك اللي خلتني أسيب البيت و أمشي كنت هفضل محلك سر.. كنت هفضل ورد الغلبانه اليتيمه المكسورة اللي كل ما تقوليلها علي حاجه تقولك سمعاً و طاعه.. لكن أنا بعد الفترة اللي بعدتها عنك دي رجعت واحده تانيه خالص.. وهثبتلك!
ظلت غرام تنظر إليها ولسانها عاجز عن النطق وكأن خرسٍ قد حلّ بها فإذ بها تستمع إلي طرقاتٍ حاده، عنيفه، ومتلاحقه علي باب المنزل فأسرعت تفتح الباب لتجد طارق يقف أمامها وقد نفرت عروقه من شدة الغضب ويقول:
_فين يا ولية يا حراميه الحاجه اللي إنتي خدتيها؟!
جحظت عينا غرام بدهشه وقالت: حراميه؟! إنت بتكلم مين كده؟!
_بكلمك إنتي؟! فين الفلوس و الدهب اللي لهفتيهم؟!
ضربت غرام صدرها بيدها بصدمةٍ وقالت:
=فلوس إيه و دهب إيه اللي بتتكلم عنهم يا طارق؟!
سحبت ورد شهيقاً تملأ به رئتيها ثم خرجت حيث يقف كلاً من غرام و طارق وتشدقت قائلة:
_إزيك يا طارق؟! ولا أقوللك يا جوز أختي!!
عُقِد لسانه و ذاب قلبه وأصبحت ساقاه غير قادرتان علي حمله من هول المفاجأه فقال غير مصدقاً:
=ورد؟!
أومأت بهدوء وقالت: أيوة ورد.
إنفرج الباب فجأةً لتدخل مريم وهي تلهث وتحاول إلتقاط أنفاسها قبل أن تتسع عيناها بصدمةٍ وتقول:
=ورد؟!
أطلقت ضحكةٍ عاليه وقالت وهي تنظر إليهم بثبات:
_هو في إيه؟! كل اللي يشوفني يتنح ويقولي ورد؟!
أسرعت مريم نحوها تحتضنها بشدة فأحاطتها ورد بذراعيها بإشتياقٍ شديد قبل أن يرتفع صوت غرام وهي تتحدث إلي طارق بغضب وتقول:
=ما تكمل كلامك يا طارق أفندي.. دهب إيه و فلوس إيه اللي أنا سرقتهم و من مين؟!
ركضت مريم ناحية والدتها وهي تقول:
_معلش يا ماما.. طارق بس فهم غلط وهو ميقصدش حاجه.. مش كده يا طارق؟!
قالت الأخيرة وهي تلكزه لينتبه لها فقال وعيناه لا تحيد عن ورد:
=هااا؟! أيوة صح فعلاً.
نظرت إليه غرام بتعجب وقالت بحنق: هو إيه اللي صح فعلاً.. أومال كلامك ده معناته إيه؟!
=لامؤاخذه يا حماتي.. أصل....
قاطعته ورد ضاحكه ضحكةٍ مغناجه جعلته يبتلع لعابه بتوتر ثم قالت:
_مالك يا طارق مش علي بعضك ليه و عمال تتهته؟!
تحدث بنبرةٍ لطيفه هادئه وقال: لا أبداً مفيش.. حمدلله على السلامة صح.
أومأت بهدوء ولم تجيب فقال هو منسحباً:
=طيب أستأذن أنا.
ثم تحدث إلي مريم وقال: خليكي يا مريم مع أختك وأنا هفوت عليكي بالليل أخدك.
نظرت إليه مريم بتعجب و حيرة من تبدّل حاله كلياًّ هكذا ولكنها وافقت علي كل حال لينصرف هو مغادراً.
نظرت ورد نحو مريم بإشتياقٍ بالغ وقالت وهي تفتح إليها ذراعيها كدعوةٍ منها لإحتضانها:
_وحشتيني يا مريم.
أسرعت مريم تحتضنها و تشدد من ضمها إليها وهي تقول:
=معقول يا ورد رجعتي تاني؟! أنا مش مصدقه نفسي.
ربتت ورد علي ظهرها وهي تحتضنها وقالت:
_وأنا مش مصدقه نفسي إني شوفتك إنتي و رؤي تاني.. البت رؤي صدمتني لما قالتلي إنك إتجوزتي.
تنهدت مريم مطولاً وقالت: أيوة إتجوزت..إنتي طمنيني عليكي كنتي فين كل المده دي و إيه الشياكه و اللبس الحلو ده؟!
إنضمت رؤي إليهم لتقول: ماما ساعة ما شافتها فكرتها من مجلس الشعب.
ثم إنفجرت ضاحكه لتقول ورد:
_خلوني الأول أغير هدومي و نقعد سوا وأحكيلكوا كل حاجه.
ذهبت ورد لتبديل ثيابها فدخلت إلي غرفتها التي تبدلت معالمها كليّاً.
رأت ثياب وأغراض رؤي فعلمت أنها هي من إمتلكتها بعدها فـ أخذت تطالع و تتفحص كل إنشٍ منها وهي تتذكر كل ما حدث بتلك الغرفه.
نومها، سهرها بجانب النافذة، مذاكرة دروسها، بكاؤها علي تلك الوساده مرات و مرات، خزانتها التي حَوَت أهم أغراضها و ذكرياتها لتتقدم منها و تقوم بفتحها ثم بدأت بالبحث عن الصور و الأغراض الخاصه بوالديها ولكنها لم تجدها.
إستمعت إلي صوت رنين هاتفها لتجيب بحماس:
_ألوو؟!
=أيوة يا ورد.. ها طمنيني إيه الأخبار؟!
_كله تمام الحمدلله.. بحاول أعمل بنصيحتك و أبان قويه علي قد ما أقدر بس الموضوع صعب أوي.
=لا يا ورد الموضوع مش صعب ولا حاجه.. كل ما هنالك إنك عايزة شوية تشجيع بس علشان تعرفي تظهري القوة اللي جواكي.
أومأت بموافقة ثم قالت: ربنا يستر بقا.. كلمت مدام ماجي؟
=أيوة كلمتها قبل ما أكلمك وهي كويسه و زي الفل متقلقيش إنتي.
_طيب الحمدلله.. وإنت عامل إيه؟!
صمت برهة قبل أن يجيبها: أنا مشتااق.
إبتسمت بفرحة ليستأنف حديثه قائلاً:
=وحشتيني من قبل ما أستوعب غيابك حتي.
_وأخبار حنين إيه؟!
ضحك قائلاً: بقاا كده؟! ماشي يستي حنين كويسه الحمدلله و بدأت تتحسن شويه شويه.
_طب الحمد لله.. ربنا معاها و يفرحها.
=آمين يارب.. عايزك تخلي بالك من نفسك زي ما إتفقنا.
_متقلقش عليا.
=لو مقلقتش عليكي هقلق علي مين يعني؟! إنتي بقيتي خلاص نصي التاني يا ورد.
إلتمعت عيناها بسرور و بهجه ثم قالت:
_طيب أنا هقفل دلوقتي عشان إخواتي بره بيستنوني.
=تمام ماشي.. هكلمك وقت تاني مع السلامه.
بدّلت ثيابها ثم عادت لترسم قناع الجمود علي وجهها من جديد وخرجت من الغرفه ثم توجهت مباشرةً نحو غرام وقالت:
=فين الصور و الحاجات اللي كانت في دولابي يا مرات أبويا؟!
إصغرّ وجه غرام و تلبّد وقالت:
_تقصدي شوية الكراكيب اللـ......
قاطعتها ورد قائلة: كراكيب؟! بتسمّي صور أبويا و أمي كراكيب؟! فين العلبه اللي كانت في الدولاب؟!
_ماهوو.. أصل يعني أنا مخدتش بالي و رميتها.
إرتفعا حاجبيها بصدمه وقالت: رميتيها؟! وهان عليكي ترميها وفيها صور أبويا الله يرحمه؟!!
_ما قولتلك مخدتش بالي.. وبعدين الأوضه كانت كلها كراكيب و حاجات ملهاش عازه فأنا قولت أنضفها عشان رؤي تعرف تقعد فيها.
تحدثت ورد بغضب عاصف وقالت: مرة تانيه ملكيش دعوة بأي حاجه تخصني ولا تقربي منها.. حذاري.
قالت الأخيرة وهي تشهر سبابتها بوجهها ثم رمقتها بضيقٍ بالغ و جلست إلي جانب أختيها.
ـــــــــــــــــــــــــــــــــــــــــــــــــــــــــــــــ
كانت حنين تجلس بحديقة الڤيـلا تحتسي قدحاً من القهوة وهي تراقب الطبيعه من حولها بشرودٍ فإنتبهت إلي صوت حارس البيت وهو يعتذر متمتماً:
_انا آسف يا فندم.. أستاذ وائل بره و مصمم يدخل يتكلم معاكي.
نظرت إليه وقد إنخلع قلبها لتقول:
=إوعي تخليه يدخل.. إطرده.
_والله حاولنا معاه بـ شتي الطرق بس مفيش فايدة.
تنهدت ببطء وأردفت بإقتضاب: خليه يدخل.
جلست علي المقعد بثبات و أسندت قدمها إلي الأخري في تفاخرٍ و غرور وأمسكت بقدح القهوة و بدات ترتشفه بتمهلٍ وهي تحاول السيطرة علي إنفعالاتها قبل أن يدخل.
رأته يتقدم نحوها منكسراً، مطأطئ الرأس، شاحب الوجه، يبدو وكأنه بينه و بين الحزن عقدٍ لا ينصرم فوقف أمامها وهو يضم يده ليضعها فوق الأخري ويقول:
=ممكن أتكلم معاكي شويه يا حنين؟! بعد إذنك.
طالعته من شعر رأسه حتي أخمص قدميه وهي ترتشف قهوتها بتأنٍ و تروّي ثم أشارت له تجاه المقعد برأسها دون أن تجيب ليجلس هو بأسف و حزن ويقول:
_أنا عارف إنك مش طايقاني ولا عايزة تشوفي وشي.. بس أنا مش قادر أستحمل بعدك عني.. أنا بموت من غيرك يا حنين.
نظرت إليه بسخريه وقالت: ولما إنت عارف إني مش عايزة أشوف وشك إيه اللي جابك؟! وبعدين مانا غبت عنك قبل كده اسبوعين إشمعنا قدرت تستحملهم؟!
ثم وضعت قهوتها من يدها وقالت:أه صح نسيت.. كان عندك اللي بيهون عليك وقتها.. مش كده؟!
إندفع قائلاً برفض: لا والله أبداً.. والله يا حنين عمري ما عملتها قبل كده صدقيني.. دي كانت أول مرة و آخر مرة.
إبتسمت بمرارةٍ و حسرة وقالت:أول مرة زي آخر مرة يا وائل.. مفيش فرق.
قال محاولاً مراضاتها: عشان خاطري إديني فرصه يا حنين.. أنا مش بدافع عن غلطي لأني عارف إني غلطان غلطة لا تغتفر.. بس عالأقل خلي حبي ليكي يشفعلي عندك.
إختنقت العبارات في حلقِها و إهتز قلبها بين أضلعها ألماً ولكنها تبلدّت و أخفت ضعفها ونهضت قائمه وقالت:
_الأفضل إنك تمشي قبل ما حسام يرجع عشان ميحصلش مشاكل.
ألقت بكلماتها دفعةً واحدة ثم ولته ظهرها و إنصرفت و بقي هو ينظر في أثرها بحسرةٍ و ندم.
إستمع إلي بوق سيارة حسام تدخل إلي الڤيـلا فنهض واقفاً قبل أن يتوقف حسام بسيارته و يترجل منها لينظر إليه بحدة و تحفز وقال:
_إنت إيه اللي جايبك هنا؟!
نظر إليه نظرات خاوية تنُّم عن كم الألم الذي يعتمل بصدره ولم ينبس بكلمة و تركه و غادر.
صعد حسام إلي غرفة شقيقته ليجدها كما توقع تبكي و تتعالي شهقاتها فجلس إلي جانبها لتسرع هي إلي صدره تحتضنه فـ أخذ يربت علي ظهرها و يمسح علي شعرها بحنان أغدقها به ويقول:
_إتكلمتوا؟!
شعر بإيماءتها المؤكده فتنهد بحيرةٍ و أسف علي ما آل إليه حالهما ثم قال:
_معلش يا حبيبتي.. كله هيبقا تمام بإذن الله.
هزت رأسها تأييداً لحديثه فنظر إليها قائلاً:
_قومي جهزي نفسك عشان هننزل إسكندريه.
نظرت إليه بتعجب وقالت: إنت مش كنت بتقول بكره!!
حك ذقنه بإبتسامةٍ عميقه ثم قال: وحشتني.
نظرت إليه و إبتسمت بتسليةٍ وقالت: ده إنت واقع بقا.
_واقع من العاشر وغلاوتك.
منحته إبتسامةً متسعه وأردفت: طيب يلا نجهز.
ضب أغراضه وفعلت حنين المثل ثم إستقلا السيارة مروراً بمنزل السيدة ماجدولين فقال حسام:
_ده بيت مدام ماجدولين اللي حكيتلك عنها.. هتيجي معانا إسكندريه عشان تكون معايا وأنا بطلب ورد.
زمت شفتيها بحماس وقالت: فكرة حلوة جداً.
_هي جاهزة خليني أتصل بيها.
نزلت ماجدولين بعد أن تلقت إتصال حسام لتجده يقف أمام باب المصعد بإنتظارها و حمل عنها حقيبتها ثم فتح لها باب السيارة الأمامي المجاور له بعد أن طلب من حنين الإنتقال إلي المقعد الخلفي فجلست و ألقت تحية السلام وصافحت حنين التي آلفت وجهها البشوش سريعاً فبدأتا تتجاذبان أطراف الحديث بودٍ و ألفه.
ـــــــــــــــــــــــــــــــــــــــــــــــــــــــــــــــ
عاد طارق إلي بيته وهو بالكاد يتمالك أعصابه حتي لا تنفلت فقالت والدته:
_ها يا طارق عملت إيه؟!
نظر إليها بشرودٍ وقال: يخربيت حلاوتها ياما.
قطبت حاجبيها بتعجب وقالت: هي مين دي يا عين أمك.. بسألك يا واد عملت إيه مع اللي ما تتسمي الحراميه غرام؟
_معملتش.. أنا ساعة ما شوفتها إتلخبطت و إتبرجلت و معرفتش أنطق.
زفرت بضيق وتأفف وقالت: هي مين دي أنا مش فاهمه حاجه!!
_ورد.
رددت خلفه بتعجب: ورد!! ورد مين؟!
_هتكون ورد مين يعني؟! هما عندهم كام ورد؟!
جلست مقابله وقالت بعدم تصديق: هي ورد رجعت؟! إمتا و إزاي وكانت فين كل المده دي؟!
حدثها شارداً: أيوة رجعت.. بس رجعت واحده تانيه.. باين عليها العز و بقت جامدة بت الإيه.
أشارت له بيديها أن يتوقف عن الحديث فقالت:
_بس بس.. طالما باين عليها العز تبقا كانت دايرة علي حل شعرها و رجعت.
إتسعت عينيه مستنكراً وقال: لأ ياما البت مش وش الكلام ده دي قـ.....
قاطعته بإشاحةٍ من يديها وهي تقول:
_إتنيل.. هتفضل لحد إمتا خيبه و علي نياتك كده.. إنت ناسي أيام ما كنت عايز تخطبها و مرات أبوها بذات نفسيها اللي قالت إنها بت مش مظبوطه!!
تمتم هازئاً: قالوا للحرامي إحلف.
_قصدك إيه يعني؟!
=يعني واحده زي غرام حراميه و تاكل مال النبي أسهل حاجه عندها تفتري علي الناس..ما يمكن كل اللي قالته علي ورد ده كذب وإحنا اللي طلعنا أغبيا و شربناها.
أشارت بيدها أن لا وأردفت: لا.. أنا ليا نظرة في الناس بردو و أعرف أميز الحلو من الوحش.. البت ورد دي ميه من تحت تبن.
=نار ورد ولا جنة عشرة زي البومه اللي انا متجوزها.. الله يسامحك بقا.
غضبت و زمجرت و عبست و إغتاظت لتردف قائلة:
_يخص علي البطن اللي شالتك..بقا بعد ده كله تقولي الله يسامحك؟!
ثم أخذت تبكي و تنوح قائلة: بقا حتة بت متسواش ساغين في سوق البنات تنسيك نفسك كده؟! وأنا اللي قولت ورايا راجل هيجيبلي حقي من الحراميه دي وبنتها أتاريك روحت تسبل و تتنحنح وجاي ديلك علي قفاك.
زفر غاضباً وقال: لزومه إيه بس الكلام ده ياما.. أهي عندك غرام إنتي إتصرفي معاها.
_أيوة هتصرف اومال هتكل عليك إنت؟! أنا قايمه ألبس وهروح أفضحهم و أجرسهم هناك.
هبت واقفه تنوي الذهاب إلي منزل غرام قبل أن يعلو صوت جرس الباب ففتح طارق الباب ليجد رفيقه وقد أصبح وجهه كا القطن ناصع البياض من شدة الفزع يقول:
_إلحق يا طارق أبوك وقع في السوق!!
ـــــــــــــــــــــــــــــــــــــــــــــــــــــــــــــــ
شط اسكندرية يا شط الهوى
رحنا اسكندرية رمانا الهوى
يا دنيا هنية وليالي رضية
أحملها بعينيه شط اسكندرية
البحر ورياحو والفلك الغريب
يحملها جراحه ويرحل في المغيب
يتمهل شوية و يتودع شوية
وتعانق المية شط اسكندرية
ليالي مشيتك يا شط الغرام
وان أنا نسيتك ينساني المنام
والشاهد عليه غنوة أؤمريه
والنسمة البحرية وشط اسكندرية
إستمعت حنين إلي كلمات تلك الأغنيه وهي تستنشق ذلك الهواء الذي يعيد إليها روحها و شغفها من جديد.
تسائلت ماجدولين قائلة: أومال حنين فين يا حسام؟!
إبتسم حسام قائلاً: حنين أول ما تيجي إسكندريه لازم بتاخد ركن ليها لوحدها كده و تنعزل عن العالم و تركز مع الهوا و البحر بس.
ثم أشار لها ناحية الشرفه التي تجلس بها حنين و إستطرد حديثه قائلاً: تقريباً كده هي اكتر حد هيستفيد باليومين دول لأنها بتغير جو و نفسيتها بترتاح هنا.. أصلها في مشاكل بينها وبين جوزها الفترة دي فـ انا عندي أمل إنها تبقا كويسه لما تغير جو.
هزت رأسها وقالت: ربنا يقدملها اللي فيه الخير و يراضيها بيه.. ويراضيكوا إنتوا كمان يا حبيبي.
ربت علي يدها بودٍ بالغ وقال: يارب يا ست الكل و يخليكي لينا.
ثم صاح منادياً: حنييين.. يا حنون.
نظرت إليه حنين نظرةٍ متسائلة فقال: أنا نازل اشتري شوية حاجات وجاي.. هتعوزي حاجه؟!
أومأت بنفي فسأل ماجدولين قائلاً:
_هتعوزي حاجه اجيبهالك وأنا جاي؟!
=أعوزك طيب يا حبيبي.. سلامتك.
خرج حسام فنهضت ماجدولين عن مقعدها و دخلت الشرفه التي تمكث بها حنين فقالت:
=يضايقك لو قعدت معاكي شويه؟!
إنتبهت لها حنين فقالت وهي تعتدل بجلستها:
_يا خبر.. لأ طبعاً إتفضلي.
جلست مقابلها و نظرت إلي ذاك المشهد الساحر من حولها وقالت وكأنما تتحدث إلي نفسها:
=غريبه إسكندريه دي.. قادرة تحتويني في أي حال و في أي وقت.. بيقولوا بحرها غدار بس عمره ما كان كده.
نظرت إليها حنين تنصت إليها بإهتمام و تركيز فإستأنفت حديثها وقالت:
=الغدر مبيجيش غير من اللي حوالينا.. أما البحر ده شئ طاهر ميعرفش يغدر ولا يجرح أبداً.
أومأت حنين بهدوء وقالت: معاكي حق.. الغدر مبيجيش غير من اللي حوالينا فعلاً.. وأكتر ناس إديناهم الأمان هما أول ناس بيخونوا و يبيعوا.
أفتر ثغرها عن إبتسامةٍ حنونه لم يعبث بها الزمن وقالت:
=أبويا الله يرحمه كنت دايماً أسمعه بيقول حكمه حقيقيه جداً و مؤمنه بيها لحد دلوقتي:
نظرت لها حنين بتساؤل لتقول:
=ما خانك الأمين ولكنك إئتمنت الخائن.
تسللت كلماتها إلي داخل أعماق قلبها فهزت رأسها مرات متتابعه دون أن تتفوه ببنت شفه ثم نظرت أمامها مجدداً وهي تراقب السماء من حولها و يصدح خلفها صوت أم كلثوم قائلة:
ياللي ظلمتوا الحب.. و قولتوا و عيدتوا عليه
قولتوا عليه مش عارف إيه...
العيب فيكم يا في حبايبكم
أما الحب يا روحي عليــه
