رواية مشاعر مؤقتة الفصل الثاني والعشرون بقلم مجهول
جمانة : صار يعض بية ويأذيني واني احاول
اتفلت منة لااگدر اصيح ولا اتلاوى وياه
اخذ اللي يريدة بقسوة وگام عني واني ضليت
مصدومة بللي سواه مدري الومة مدري الوم نفسي
عقيل : انا رايح جمارتي بس خلي بحسابچ هذا
راح يصير اسلوبي وياچ منا وغاد اتحملي ابوية
هذا اللي ردتيه حگچ واجاچ
جمانة : لارديت عليه ولا گدرت اگوم من مكاني
لبس هدومة وطلع واني ضليت ابچي بوجه
جامد ومابي اي تعابير بس دموع حارة تنزل
وتچوي خدي لااكدر اكرهة ولا اگدر الومة
اني السبب بللي اني بي هسة
عقيل : طلعت من بيتهة وانا جاي اغلي ماعرف
وين اروح تمشيت لحد ماوصلت لسيارتي
ركبتهة وطلعت بوجهي للبيت سبحت ونمت
حتى للدوام مارحت اخذت اجازة
ضليت نايم للضهر طلعت الضهر تغديت
وگعدت بكوفي اشرب نركيلة واتذكر ليلة البارحة
اووف شكبر حضي جمارتي يو انعادت ليلة البارحة
كل يوم بس انتي ماترتاحين اذا ماتكدريني
وتخربين الاول والتالي زين شسوي هسة انا
اخابرهة لا ماريد بعد انطيهة عين واخليهة
تنغر اكثر وتشيل خشمهة انا تحاچيني هيچ
جمارتي وتگولين چان عشتة وية غيرك ولچ
انا لو بيدي اضمچ بضلوعي حتى الشمس
ماخليهة تشوفچ شلون گلتيهة ببرود جدامي
بس هينة جمارتي هينة انا اعلمچ انا
الچ ان ماخليتچ تضوگين الغيرة واللوعة اللي
بگلبي ماتسمى عقيل
جمانة : چنت گاعدة اخيط واحاول اتجنب
التفكير بالي صار البارحة لان كل ماتذكرة
الگي دموعي تنزل لا اراديا دگ التلفون وخفت
ارد لايطلع هو ويريد يعيد اللي سواه بية
البارحة هسة اني هم صوچي اني حيوانة
مو عرض علية عرض ميتفوت صايرة شخصية عود
واتعزز عليه اووف ياربي عديهة على خير
شلت التلفون وفتحت خط وحچيت بصوت
ناصي حيل الووو
عقيل : يلة بسرعة اطلعي انتضرچ بلفرع
جمانة : بس امي ماگدر اعوفهة جيرانة مو هنا
عقيل : شغلة ساعة وارجعچ مو ميت عليچ
جمانة : گال هيچ وسدة واني ضليت
مصدومة شلون تغير هيج 180 درجة
وصار هيچ رحت لبست عباتي وگلتلهة لامي
اريد اتسوگ غراض للبيت وللخياط وطلعت
لگيت عالم بلشارع ضليت امشي لحد موصلت
للفرع چان اكو بس جهال تلفتت وبسرعة
فتحت الباب وصعدت هو دار وجهة علية بعدين
سوى حركة كانوا معاجبة ودار وجهة
وصلنة للبيت وهو علصامت كلشي محچى
طبيت للبيت وهو راح للحمام رحت للغرفة
لگيت قميص مال نوم علچرپاية وفوگاه ورقة
مكتوب بيهة البسيه بساع وحطي مكياج من
ميز المراية باوعت علميز صدگ اكو مكياج
هواية وعطور انهضمت هواية لان حتى حچي
ميريد يحاچيني كمت بدلت ولبست قميص
النوم وخليت مكياج والله حتى ناسية شلون
يخلون مكياج خليت شي خفيف ورشيت عطر
شوية واجة هو لابس بجامة وينشف بشعرة
بدون اي كلام ذب المنشفة بلگاع واتقرب مني
صار يبوس بية بطريقة بشعة خالية من المشاعر
دفعني علچرباية وصار فوگاية راد يتقرب ودگ
التلفون گام يرد عليه
عقيل : الووو ها ولچ ٫""""""" صدگ """""""جاي
""""""" اي حضريلي سهرة من سهراتچ الحلوة هيام
جمانة : اندارلي واشرلي اگوم گمت چان يشمر علية
هدومي وعباتي رجعت لبستهن واني احس راح
ابچي من الموقف كمية الذل اللي حسيتة مو طبيعية
من صدگ تندمت على عنادي وياه هواية
طلعت وراه وهو رجعني لبيتنة واني احس
القهر ياكل بية تجاهلة الي ذبحني من صدگ
صرت اتحسر اسمع سوالفة اللي اشتاقيتلهن
معقولة ميرجع بعد يحبني مثل قبل
بعدين منو هاي هيام شحاسب روحة بحريم السلطان
عوذة شكرهتك امشي واحچي وية روحي لحد
موصلت البيت رگعت الباب وفتت
ابتسام : شبيچ يمة شو متسوگتي
جمانة : ها مو انباگت فلوسي يمة ورجعت
ابتسام : هذا هم حظچ بنيتي روحي ارتاحي
الفلوس تتعوض لتقهرين نفسچ
رحت لغرفتي چانت اكو مراية معلگة بلحايط
باوعت بيهة بعدة المكياج بوجهي همزين امي
منتبهت علية
عقيل : ضليت افتر بلشوارع مادري وين اهج
الدنيا تخنگ رحت تعشيت ورحت لمنتزه
ضليت كاعد واباوع علتلفون كل شوي اريدن
اخابرهة واتراجع لا انا لازم ما ارجع اضعف
لازمن اخليهة تحس بلوعة گلبي
چنت اگلب علفيس ودگت حور
حور : شلونك يبعد العشيرة
عقيل : هلا ابوية شلونچ
حور : توهة ردت روحي
عقيل : شلونهة گمرة
حور : زينة تسأل عليك كل يوم
عقيل : تسأل عليهة العافية
حور : عقيل انا ارد اگلك شغلة
عقيل : گولي ابوية
حور : انا جاهزة ازت خوفي ورى ضهري واصيرن
مريتك وام جهالك انت جاهز يبعد طوايفي
عقيل : ترددت شگللهة هسة انا گلتلهة الله كريم
اجي ويصير خير ابوية انتي
حور : تجي بلسلامة يعشگي
عقيل : الله يسلمچ ليش سهرانة
حور : انا صارلي 5 سنين اسهر توك دريت
عقيل : السهر موش زين عليچ
حور : والعشگ
عقيل : شمالة
حور : زين يو مو زين
عقيل : والله موش زين
حور : چا انا ليش احسن انولدت من جديد يوم
عشگتك
عقيل : سوالفچ اكبر منچ
حور : عشگك كبرني وخلاني اعرف اسولف
بلعشگ والسوالف البر٫٫٫٫٫٫٫كية مثل ماتگول
عقيل : والله ماعرفت اربي انا
حور : ههههههههه نسيت انت صرت حلالي
عقيل : لابوية ماناسي
حور : منتضرتك على جمر يبعد هلي
عقيل : يصير خير ابوية
حور : تصبح على خير
عقيل : تصبحين على خير ابوية
هاي شلون ورطة يارب خليت التلفون بسدي
وفركت وجهي يارب عيني انا ماگدرن احمل كل هاذ
الضيم وين اصد يارب ارحمني واهديني للطريق
اللي تريدة وترضاه
جمانة : ضليت اتگلب وانا افكر شسوي خاطر
اعرف هو صدگ كرهني لو يچذب معقولة
كل ذاك الحب والاشعار والغزل كلة چذب وبلحظة
نساه وتغير علية طلعت التلفون فكرت ادگ عليه
واعتذر واعترف بكل اللي بگلبي بس تراجعت
حاولت انام مگدرت اتگلب وانافخ من الضوجة
اخر شي اجتي على بالي فكرة غبية ومال مراهقين
طلعت تلفوني وخابرتة دگ هواية وفصل وهو ميجاوب
دزيتلة رسالة عقيل فدوة تعال جاي اموت
الوجع مينحمل
شوية ودگ
عقيل : الووو شمالچ ابوية
جمانة : اااخ عقيل الحگلي بطني جاي تتگطع
من الوجع
عقيل : دقايق واجيچ ابوية اتحضري جايچ
جمانة : سديتة وگمت اضحك مسوي روحك
عود كارهني وانت كتلك الخوف
رحت لبست ملابسي ووكفت انتضرة بلحوش وكل
شوية اضحك وارجع واحاول اسيطر على نفسي
دزلي رسالة افتحي الباب فتحتة وسويت نفسي
كامشة بطني واتلوى من الوجع ساعدني اصعد
بلسيارة وركب بسرعة وساق بسرعة
واني كامشة بطني وحاصرتني الضحكة
عقيل : شجاچ ابوية
جمانة : ماعرف فجأة بطني مغصتني وگمت
اتوجع وجع قوي عقيل مينحمل
عقيل : اسم الله عليچ جمارتي اتحملي شوي
ونوصل
جمانة : استعجل راح اموت
عقيل : اسم الله يبعد روحة لعقيل اصبري
جمانة : اني اعرف شبية
عقيل : شبيچ ابوية
جمانة : بية مرض
عقيل : اسم الله مرض شني ولچ
جمانة : خاف اگلك وتزعل
عقيل : احچي ليش ازعل
جمانة : بية مرض اسمة وسكتت
عقيل : طلعي الدرة عاد
جمانة : بية مرض اسمة عقيل گلتهة وگمت
اضحك وخليت ايدية على وجهي
عقيل : ولچ هبطتيني شني هاي سوالف المزعطة
وگفت السيارة على صفحة وعاينتلهة
جمانة : اسفة والله
عقيل : ليش سويتي هيچ
جمانة : لاني اغار عليك ومتحملت تروح لهيام
