رواية قط وفار والقلب احتار الفصل الثالث والعشرون 23 بقلم شيماء يسري زهران

 


رواية قط وفار والقلب احتار الفصل الثالث والعشرون بقلم شيماء يسري زهران

- عمي انا عايز اتجوز مرام.

مفيش رد..كلهم باصين في صدمة..بصيت في الأرض في توتر وفجأة لقيت جدو بيضحك بصوت عالي وهو بيقول:

- انا كنت عارف، يا ولاد ال***** كنت متأكد إن مسير ده يحصل، اه منكم يا خلابيص.

رفعت عيني مستغربة من رد فعله، اتكلم بابا:

- لحظة يابا، يعني ايه تتجوز مرام؟ تتجوز اختك؟

اتوتر مراد واتكلم:

- يا عمي بالعقل كده، انا ومرام نازلين من بطـ.ن واحدة؟ اكيد لأ..يبقى فين المشكلة!

زعق بابا:

- وانت ازاي تفكر في بنتي التفكير ده! طول عمري بقول إنها في امان معاك!!

- ايه الكلام ده بس يا عمي هو أنا بقولك بفكر فيها ازاي لاسمح الله! بقول بحبها وعايز اتجوزها.

قرب بابا متعصب منه، جريت ماما وحنان يحوشوه:

- يعني ايه تتجوز اختك!!!

ردت ماما:

- ياخويا اهدى مش كده، يا محمود تعالى بس.

رجع مراد لورا شوية، رجعت اقف ورا مراد، حاول بابا يشدني من دراعي صوت ومسكت في قميص مراد اكتر، اتكلمت حنان:

- ما تهدى يا محمود اومال! مش كده اصبر نفهم يوه عليك! 

- يا عمتو الحقيني والنبي هديه.

رد بابا:

- تهديني!! ده انا هكون مر.بيكي من الأول وجديد.

اتكلم سليم وهو بيحوشه:

- ياعمي اهدي الحوار مش كار.ثي يعني هما معملوش حاجة غلط.

- لأ عملوا! انا طول عمري مدي اخوك أمانة وفي الآخر يطلع بيحب فيها من ورايا!

رد مراد:

- اقسم بالله انا لسه متفاجئ اني بحب بنتك من ايام تتعد ع الصوابع..طول عمري شايفها أختي.

سمعنا صوت من ورانا وهي الخناقة دايرة:

- هتخلصوا امتى؟

بصينا ورانا لقينا جدو قاعد ع الكرسي وكمل في برود:

- الجوازة دي هتحصل ده أمر مفروغ منه.

ابتسمت، قال بابا في غضـ.ب:

- يعني ايه يابا!! مش هيتجوز مرام! ده خا.ين للأمانة، ماشي يا حنان ادي تربيتك.

شدني من دراعي، اتاوهت واتخضيت، قرب مراد عايز يمسكني، زقه بابا..

قام جدو متعصب:

- سيب البت يا محمود!

- لأ يابا مش هسيبها، محترمتش غيابي، خشي جوا.

دخلت جوا بعيط، سيبت دراعه ودخلت الأوضة، اتكلمت حنان:

- جرا ايه يا محمود! القيا.مة قامت ياخويا! 

- أنتِ تربي ابنك كويس.

- لأ عيالي رجالة متربيين احسن تربية، انت بس اللي شا.يط.

ردت فوزية:

- هما عملوا ايه غلط بس! يا محمود دول ملهومش غير بعض وبصراحة أنا فرحت اوي همو.*ت وازغرط.

بصت حنان ليها في ابتسامة كده وقالت:

- بصراحة يا و*لية؟ أنا كمان حاسة اني فجأة فرحانة بالموضوع، اصل يعني ابني هيلاقي حد يحبه بالشكل ده فين؟ دول قط وفار ويرجعوا يتصالحوا.

فرحت ماما ولسه هتز.غرط، زعق بابا وقال:

- انا قولت اللي عندي.

رد سليم:

- لأ انتوا حواركم حوار بقى انا داخل اشوف التانية دي.

اتكلم مراد:

- يا عمي انا اكتر حد هيحافظ على بنتك.

- بنتي مش علبة زبادي والله.

اتعصب مراد وقال:

- مانت اوعى تفكر إني هسمح لراجل يفكر يبصلها، هخليك تطلع عليهم المد.افن.

قرب بابا منه وهو متعصب عايز يمسكه:

- بتعلي صوتك عليا يالا؟

رجع مراد لورا كانت هتقع الترابيزة، قال جدو وهو بيضحك:

- هو ده الكلام يا مو المستقبل..وايه كمان يا حبيب جدو؟

- والله يا جدي انا اللي عندي قولته، مرام بتاعتي.

زعق بابا بصوت عالي:

- ايه بتاعتك دي يالا أنت!!!

- يعني تخُص.

مسك بابا طبق از.از يرفعه وهو متعـ.صب:

- هي ايه اللي تخُص ايه الألفاظ دي، احدفك بحاجة ياض واخلص منك!

- ياعمي وتحدفني بحاجة ليه! انا عملت ايه غلط! انا عايز بنتك في الحلال!

| في اوضة فتحي|

قرب سليم سمع صوت صراخ وعياط جوا:

- ادي دلعك للبت يا نوال، فضـ. حتونا! اقول ايه لأخويا!!! بنتي كانت عايزة ترمي بنتك!!!! 

سمع سليم صوت حز.ام نزل عليها، صوتت هاجر :

- خلاص والنبي، يا ماما الحقيني، يا بابا كفاية.

ردت نوال:

- لأ ياختي ماليش دعوة، ربيها يا فتحي، انا زهقت من حواراتك ده أنتِ بت قا.درة! هي وصلت انك عايزة تحد.في البت!! اتجننتي! تقـ.* تلي بنت عمك!؟! عمري ما فكرت في كده يخر*بيتك شيطانة!

خبـ*ط الباب، فتحت هالة ولقت سليم في وشها، خرجت وقفلت الأوضة وراها، قالت في توتر:

- ايه يا سليم..؟

- هو أنتِ فعلًا عملتي زي ما هاجر قالت؟

عيطت هالة في توتر وقالت:

- سليم انا معملتش حاجة..سليم انا مش عايزة اي حد من الحوارات دي غيرك.

- وانا عارف والله اهدي..انا بحبك ومش هسيبك.. أنا بسألك عادي مش قصدي اوترك..

| في الصالة|

- وانا قولت مراد مش هيتجوزها يابا!

قال مراد:

- هتجوزها يا عمي، وحد الله وفكر فيها، مانا لو متجوزتهاش بنتك هتقعد في ارابيزك، هبقى زي الجن العاشق كده هطيرلها كل اللي يقرب..مش عايز تفرح ببنتك؟

ضحك جدو بصوت عالي:

- حلوة يا حبيب جدو جن عاشق دي.

ساب مراد الصالة كلها ودخل اوضته يمسك الفون يبعت رسالة:

" أنتِ ابوك بيهزر؟؟ يعني ايه مش موافق؟؟"

بصيت ع الرسالة وانا مخضوضة وقولت:

" كنت متوقعة 😭"

" أيوة يعني ايه بردو؟؟ لما هو مش موافق عليا اومال موافق على مين! كان موافق على حسام ده؟؟؟؟ وهيوافق على مين غيري؟؟؟"

" مش عارفة يا مراد، مش عارفة انا مخنو.قة ومتوترة اوي من اللي حصل😭..ايدي لسه بتترعش"

" اهدي خلاص، هي خدت جزا*ئها ابوها كلها علـ.قة"

" مراد هو انت هتحاول مع بابا تاني ولا هو قطعًا رافض؟"

"احاول؟ يابنتي العيلة موافقة وجدك اول حد، مفيش غير أبوكي، لازم يقتنع اومال مين هيتجوزك غيري؟؟"

" مراد أنا بحبك وماليش غيرك بعد اهلي ..انت حبيبي وصاحبي 😭، مش هعرف اعيش مع حد غيرك😭😭".

عمل سين ومردش لثواني، كان متوتر من الرسالة لأني اتجرأت واعترفت وقولت كلام معسول..رد بعدها:

" افتحي باب الأوضة طيب ثواني.."

" لأ يا مراد انت بتهزر! بابا لو شافنا دلوقتي سوا هيبهدل الدنيا "

" بقولك افتحي هقولك حاجة ضروري!!"

قومت فتحت الباب في هدوء كانوا كلهم في الصالة لقيت اللي واقف ع باب الاوضة ودخل، ساب الباب مفتوح ع آخره وقال:

- قولي اللي كتبتيه كده.

ابتسمت في خجل :

- اطلع برا يا مراد لو بابا جيه مش هيحصل كويس.

- قوليلي طيب اللي كتبتيه..قوليلي بحبك وماليش غيرك تاني كده.

- لأ مش هقول حاجة..

سمعنا صوت جاي للأوضة، اتفزعت، قولتله يستخبى هنا ورا الباب كده ..

لقيت بابا داخل الأوضة عليا وهو بيقول:

- هو انتوا بقالكم قد ايه بتحبوا بعض؟؟

قولت في لهفة:

- والله يا بابا هو بتاع شهرين بس.. طول عمرنا اخوات.

- شهرين!! شهرين بحالهم وانا طر.طور!!!!

- طر.طور؟؟ ده انت سيد الرجال يا عمي والله.

بص بابا وراه، حط مراد ايده على بوقه وقال:

- هفهمك..استهدى بالله.

- انت بتعمل ايه هنا؟؟!!!! 

خرج مراد من الأوضة وبابا بيجري وراه، وقف مراد ورا جدو وهو ماسك كوباية الشاي اللي وقعت عليه اتلسع وقال في غـ.ضب:

- ايدي، حرام عليك يا محمود الشاي يابني! وبعدين !!! مش هنخلص من السيرة دي!!!

- يابا ده لقيته ورا باب اوضتها، بتعمل ايه جوا يالا؟؟؟

- كنت بقولها تصبحي على خير.

ضحكت وانا حاطة ايدي على بوقي، بصلي مراد وابتسم، زعق بابا عليه:

- شايف يابا الاستهبال؟ انت عجبك كده؟؟

ضحك جدو اكتر وقال:

- بصراحة عاجبني.

- يابا انت بتضحك على ايه انا متعـ.صب لوحدي!!

- ما خلاص يا محمود! ما تقولي حاجة يا حنان أنتِ وفوزية.

ردت حنان:

- انا موافقة يابا..

بص مراد لأمه وهو فرحان وقال:

- أيوة يا حنون.

بصت حنان لماما وهي فرحانة، قالت ماما:

- ما توافق يا محمود..مفيش حد هيخاف ع البت قده بعدينا.

فجأة اتفتح الباب بتاع نوال وخرجت هاجر بتعيط وبتفتح باب الشقة وتنزل تجري:

- انا مش هخليكم تشوفوا وشي تاني.

خرج فتحي يجري وراها، وقفته انا وقولت:

- استنى يا عمو..انا هروح اشوفها.

مسكني مراد من ايدي يوفقني 

- متروحيش في حتة..

- لأ يا مراد سيبني هروح، هي في الأول والأخر بنت مراهقة..وبنت عمي.

ساب مراد ايدي..لكن نزل ورايا..وقفته وقولت:

- مراد اطلع..

- مش هسيبك لوحدك معاها دي كانت هت*مو*تك!

- مراد..ارجوك.

وقف مراد مكانه ونزلت أنا..وقفت قدام العمارة اللي مأجرين فيها الشقة وملقيتش حد..كملت مشي وانا ببص شمال ويمين وفجأة وقفت مخضوضة.


شكرا لزيارتكم عالم روايات سكيرهوم

تعليقات