رواية العاشق اللعين الفصل السادس والعشرون بقلم مجهول
ﻟﻦ ﺃﻧﺴﻰ ﺃﻳﺎﻣﺎً ﺟﻤﻴﻠﺔ ﻗﻀﻴﻨﺎﻫﺎ ﻣﻌﺎً ﻭﺇﻥ ﻓﺮﻗﺘﻨﺎ ﺍﻟﺤﻴﺎﺓ ﻭﻟﻢ ﻧﺴﺘﻤﺮ، ﻟﻜﻦ ﺳﺄﺣﺎﻭﻝ ﺃﻥ ﺃﺗﻌﺎﻓﻰ ﻗﺪﺭ ﺍﻟﻤﺴﺘﻄﺎﻉ، ﺃﻋﺪﻙ .
ﺍﻧﺼﺎﻑ : ﺷﻮﻳﻪ ﻭﺩﺧﻞ ﻋﻤﺎﺭ ﻳﻠﻬﺜﺖ ﺗﻌﺒﺎﻥ ﻫﺴﺘﻮﻩ ﺭﺍﺩ ﻳﺤﺠﻲ ﺳﻤﻌﻨﺎ ﺻﻮﺕ ﺭﺍﻧﻴﺎ ﺑﺎﻭﻋﺖ ﺣﺴﻦ ﻭﺟﻮﺭﻱ ﺟﺎﻳﺒﻴﻬﺎ ﻭﻳﺠﺮﻭﻥ ﺑﻴﻬﺎ ﻛﻮﻩ ﺗﻤﺸﻲ ﻭﺗﺒﺠﻲ ﺍﻧﺘﺒﻬﺖ ﻉ ﺟﻮﺭﻱ ﺗﺒﺎﻭﻉ ﻉ ﻋﻤﺎﺭ ﻭﻋﻤﺎﺭ ﻫﻢ
ﺷﻜﺪ ﻗﺎﺳﻴﻪ ﻫﺬﻩ ﺍﻟﺤﻴﺎﺓ ﻳﺎﻟﻠﻪ ﺷﻜﺪ ﻗﺎﺳﻴﻪ ﺑﺎﻭﻋﺖ ﻫﺪﻭ ﺭﺍﻧﻴﺎ ﻭﺍﺧﺬﺗﻬﺎ ﺭﺩﺕ ﺍﺩﺧﻠﻬﺎ ﺟﻮﻩ ﻭﻋﻤﺎﺭ ﻳﺸﻜﺮ ﻣﻦ ﺣﺴﻦ ﻣﺎﺣﺲ ﻏﻴﺮ ﺭﺍﻧﻴﺎ ﺻﺎﺣﺖ ﺷﻬﺮ ﺑﻨﺎﺍﺍﺕ ﻫﻴﻴﻴﻴﻴﻲ ﻭﺩﻓﻌﺖ ﻭﺭﻛﻀﺖ ﻉ ﺍﺑﻮ ﺍﻟﺸﻌﺮ ﺑﻨﺎﺕ
ﺻﺤﺖ ﺭﺍﻧﻴﺎﺍﺍﺍﺍ ﺍﻧﺘﺒﻬﻪ ﻋﻤﺎﺭ ﻋﻠﻴﻪ ﻭﺭﻛﺾ ﻭﺭﺍﻫﺎ ﺟﺎﻥ ﺍﻟﺸﺎﺭﻉ ﻣﺘﺮﻭﺱ ﺳﻴﺎﺭﺍﺕ ﻭﻫﻲ ﺗﺮﻛﺾ ﺑﺘﺠﺎﻩ ﺍﻟﺸﺎﺭﻉ ﻭﻋﻤﺎﺭ ﻭﺭﺍﻫﺎ ﻭﺣﺴﻦ ﻭﺍﻧﻲ ﻟﺮﻳﺪ ﺍﻟﺤﻜﻬﻢ ﻭﺟﻮﺭﻱ ﺗﻤﻨﻌﻨﻲ
ﻣﺎﺣﺲ ﻏﻴﺮ ﺑﺸﺨﻄﺖ ﺍﻟﺴﻴﺎﺭﻩ ﻭﺻﻮﺕ ﻋﻤﺎﺭ ﺭﺝ ﺍﻟﺸﺎﺭﻉ ﺭﺝ
- ﻻﺍﺍﺍ ﺭﺍﻧﻴﺎﺍﺍﺍﺍﺍﺍﺍ
ﺭﻛﻀﺖ ﻭﺍﻧﻲ ﺍﻭﺧﺮ ﺟﻮﺭﻱ ﻋﻨﻲ ﻭﻳﺎﺭﻳﺘﻨﻲ ﻣﺎ ﻭﻣﺎﺭﻛﻀﺖ ﻭﻻ ﺷﻔﺖ ﺍﻟﻲ ﺷﻔﺘﻪ ﻳﺎﺭﻳﺘﻨﻲ ﺑﻘﻴﺖ ﺑﻠﺒﻴﺖ ﻭﻻ ﺍﻟﻤﻨﻀﺮ ﺍﻟﻲ ﺷﻔﺘﻬﺎ
ﺭﺍﻧﻴﺎ ﻧﺎﻳﻤﻪ ﺑﻠﺸﺎﺭﻉ ﻭﺭﺍﺳﻬﺎ ﻣﻔﺘﻮﺡ ﻭﺍﻟﺪﻡ ﻣﺨﻄﻴﻬﺎ ﺣﻈﻨﻬﺎ ﻋﻤﺎﺭ ﻭﻫﻮ ﻳﺒﺠﻲ ﻟﺞ ﻛﻮﻣﻲ ﺭﺍﻧﻴﺎﺍﺍﺍ ﻛﻮﻣﻴﻴﻴﻴﻴﻲ ﻳﺒﻌﺪ ﺍﺧﻮﺝ ﻛﻮﻣﻲ ﻣﺴﺎﻣﺤﺞ ﻭﺍﻟﻠﻪ ﻣﺴﺎﻣﺤﺞ ﺑﺲ ﻛﻮﻣﻴﻴﻲ ﻻ ﺗﻌﻮﻓﻴﻨﺎ ﻭﺣﺪﻧﺎﺍﺍﺍ
ﺍﺣﺲ ﺭﻭﺣﻲ ﺩﺧﺖ ﻭﻛﻤﺖ ﺍﺷﻮﻑ ﺍﻟﺪﻧﻴﺎ ﺍﺩﻭﺭ ﺑﺒﺮﺍﺳﻲ ﻻﺍﺍ ﺍﺧﺘﻲ ﻻﺍﺍﺍ ﻣﺎﺣﺲ ﻏﻴﺮ ﻓﻘﺪﺕ ﺍﻟﻮﻋﻲ ﻭﻛﻌﺖ ﺑﻠﻜﺎﻉ ﻓﺘﺤﺖ ﻋﻴﻮﻧﻲ ﺍﻧﺘﺒﻬﺖ ﺑﻠﻤﺴﺘﺸﻔﻰ ﻭﺟﻮﺭﻱ ﻭﺧﺎﻟﻪ ﺍﻡ ﺣﺴﻦ ﻳﻤﻲ ﻳﺒﺠﻦ
ﺭﺍﻧﻴﺎ ﺭﺍﻧﻴﺎ ﻭﻳﻦ ﺍﺟﺘﻨﻲ ﺟﻮﺭﻱ ﺗﺒﺠﻲ ﻭﺗﺸﺒﻚ ﺑﻴﻪ ﺻﺤﺖ ﺭﺍﻧﻴﺎﺍﺍﺍﺍ ﻭﻳﻦ
ﻧﺰﻟﺖ ﺭﺍﺳﻬﺎ ﻭﻫﻲ ﺗﻬﻤﺲ ﺍﻧﺼﺎﻑ ﻫﺬﺍ ﻳﻮﻣﻬﺎ ﺍﻟﻠﻪ ﻳﺮﺣﻤﻬﺎ
ﻓﺘﺤﺖ ﻋﻴﻮﻧﻲ ﻉ ﻭﺳﻌﻬﻦ ﻻﺍﺍﺍ ﻻ ﻣﺴﺘﺤﻴﻞ ﻳﺎﻟﻠﻪ ﻟﻴﺶ ﻫﻴﺞ ﺑﺴﻨﻪ ﻭﺣﺪﻩ ﺍﻣﻲ ﻭﺍﺧﺘﻲ ﺑﺴﻨﺘﻴﻦ ﺑﺲ ﻫﺪﻣﺖ ﻋﺎﺋﻠﺘﻲ ﺍﻟﺤﻠﻮﻩ ﻭﺍﺧﺬﺕ ﺑﺎﺑﺎ ﻭﻣﺎﻣﺎ ﻭﻫﻴﻪ ﺭﺍﻧﻴﺎ ﻟﻴﺶ ﻟﻴﺶ ﻳﺎﻟﻠﻬﻲ
ﺍﺣﺲ ﺍﺩﻣﻮﻋﻲ ﻧﺰﻟﺖ ﻋﺸﺮﻩ ﻋﺸﺮﻩ ﻣﺎﻛﺪﺭ ﺑﻌﺪ ﺍﺻﺒﺮ ﻟﻴﺶ ﻫﻴﺞ ﻳﺎﻟﻠﻪ ﻣﺴﺤﺖ ﺍﺩﻣﻮﻋﻲ
ﻭﻛﻤﺖ ﻛﻤﺸﺘﻨﻲ ﺟﻮﺭﻱ ﻭﻃﻠﻌﺖ ﻟﺒﺮﻩ ﻟﻜﻴﺖ ﻋﻤﺎﺭ ﻭﻋﻤﺎﻣﻲ ﻭﺧﺎﻟﻲ ﻭﻭﻟﺪﻫﻢ ﻭﺣﺴﻦ ﻭﻭﻳﺎﻣﻦ ﻭﺍﻛﻒ ﻳﻢ ﺣﺴﻦ ﻧﺰﻟﺖ ﺍﺩﻣﻮﻋﻲ ﻭﺭﻛﻀﺖ ﻉ ﻋﻤﺎﺭ ﺍﺧﺬﻧﻲ ﺑﺤﻀﻨﻪ ﻭﻫﻮ ﻳﻤﺴﺢ ﻉ ﺭﺍﺳﻲ ﻭﻫﻤﺲ
- ﺭﺍﺣﺖ ﻋﺎﺋﻠﺘﻨﺎ ﺍﻧﺼﺎﻑ ﺭﺍﺣﺖ ﻣﺎﺑﻘﻪ ﺍﺣﺪ ﺑﺲ ﺍﻧﻲ ﻭﻳﺎﺝ ﻛﻠﻬﺎ ﻋﺎﻓﺘﻨﺎ ﻭﺭﺍﺣﺖ ﻟﻴﺶ ﻫﻴﺞ ﻳﺴﻮﻥ ﻟﻴﺶ
- ﻛﺎﻓﻲ ﺣﺒﻴﺒﻲ ﻻ ﺍﺳﻮﻱ ﻫﻴﺞ ﺣﺒﺎﺏ ﻻ ﺍﺳﻮﻱ ﻫﻴﺞ ﺑﻴﻬﺎ ﺍﺭﺍﺩﻩ ﺭﺑﻚ ﺍﻣﺘﺤﺎﻧﻪ ﻭﻻﺯﻡ ﻧﺘﺤﻤﻠﻪ
- ﻟﻴﺶ ﺍﻧﺼﺎﻑ ﻫﻴﺞ ﻟﻴﺊ ﺍﻭﻝ ﺷﻲ ﺍﺑﻮﻱ ﻭﺑﻌﺪﻳﻦ ﺍﻣﻲ ﻭﻫﺴﻪ ﺭﺍﻧﻴﺎ ﺷﻠﻮﻥ ﺭﺍﺡ ﺗﻄﻠﻊ ﺍﻟﺤﻘﻴﻘﻪ ﺷﻠﻮﻥ ﺭﺍﺡ ﺗﺜﺒﺖ ﺑﺮﺍﺋﺘﺞ ﻭﺍﻧﺘﻲ ﻭﻫﻦ ﻣﺎﺗﺘﻦ ﻭﺍﺧﺬﻥ ﺍﻟﺴﺮ ﻭﻳﺎﻫﻦ ﺷﻠﻮﻥ- ﺭﺑﻚ ﻣﻮﺟﻮﺩ ﻭﻫﻮ ﻳﻜﺸﻒ ﻛﻞ ﺷﻲ ﺍﻧﺖ ﺑﺲ ﺛﻖ ﺑﺮﺏ ﺍﻟﻌﺎﻟﻤﻴﻦ ﻭﻫﺴﻪ ﻛﻮﻡ ﻉ ﺭﺟﻠﻴﻚ ﻛﻮﻡ ﻳﺎﺧﻮﻱ ﻣﺤﺘﺎﺟﺘﻚ ﺍﻧﻲ ﻛﻮﻡ
ﻭﻛﻐﺘﻨﻲ ﺟﻮﺭﻱ ﻭﻫﻲ ﺗﻬﺪﻱ ﺑﻴﻪ ﻭﺍﻧﻲ ﺍﺑﺠﻲ ﺻﺢ ﺿﻠﻤﺘﻨﻲ ﻫﻮﺍﻱ ﺑﺲ ﺗﺒﻘﻪ ﺍﺧﺘﻲ ﺍﻟﻲ ﺟﺎﺑﺘﻬﺎ ﺍﻣﻲ ﺻﺢ ﺍﺫﻧﺘﻲ ﺑﺲ ﺗﺒﻘﻪ ﻣﻨﻲ ﻭﺑﻴﻪ ﻭﺗﺮﺑﻴﺖ ﻭﻳﺎﻫﺎ ﻭﺍﻟﻪ ﺍﻳﺎﻡ ﻃﻠﻌﻮ ﻋﻤﺎﺭ ﻭﺍﻟﺒﺎﻗﻴﻦ ﻳﺪﻓﻨﻮﻫﺎ ﻭﺍﺣﻨﻪ ﺭﺟﻌﻨﺎ ﻟﻠﺒﻴﺖ
ﺩﺧﻠﺖ ﻟﻠﺒﻴﺖ ﻭﺍﻧﻲ ﺍﺑﺎﻭﻋﻠﻪ ﺑﻜﻞ ﺭﻛﻦ ﺫﻛﺮﻯ ﻫﻨﺎ ﻧﺘﻌﺰﺭﻙ ﺍﻧﻲ ﻭﺭﺍﻧﻴﺎ ﻭﻫﻨﺎ ﺑﺎﺑﺎ ﻳﺼﻴﺢ ﻉ ﺭﺍﻧﻴﺎ ﻻ ﺍﺯﻋﻠﻨﻲ ﻭﻫﻨﺎ ﺍﻣﻲ ﺍﺻﻴﺢ ﻻ ﺍﺩﻟﻞ ﻭﺣﺪﻩ ﻭﺗﻌﻮﻑ ﻭﺣﺪﻩ ﻭﻫﻨﺎ ﻋﻤﺎﺭ ﻳﺒﻘﻪ ﻳﻀﺤﻚ ﻋﻠﻴﻪ ﻭﻳﺼﺢ ﺍﻟﺴﺒﻊ ﺑﻄﻠﻊ ﺩﻡ
ﻭﻫﻨﺎ ﺟﻨﻪ ﻧﻨﺠﻤﻊ ﻭﻧﺎﻛﻞ ﻭﻧﻀﺤﻚ ﻭﺍﻧﺴﻮﺍﻟﻒ ﺑﺮﻏﻢ ﻣﻦ ﻛﻞ ﺍﻟﺒﺴﺎﻃﻪ ﺍﻟﻲ ﻋﺸﻨﺎﻫﺎ ﺑﺲ ﺟﺎﻧﺖ ﺍﻳﺎﻡ ﺣﻠﻮﻩ ﻛﻠﺶ ﻣﺴﺤﺖ ﺍﺩﻣﻮﻋﻲ ﺍﻗﻮﻱ ﻧﻔﺴﻲ ﻟﺨﺎﻃﺮ ﻋﻤﺎﺭ ﺟﻮﺭﻱ ﻣﺎﺗﺮﻛﺘﻨﻲ ﻭﺟﺎﻧﺖ ﻛﺎﻋﺪﻩ ﺑﺼﻔﻲ ﻭﺍﻟﻨﺴﻮﺍﻥ ﻛﺎﻣﺖ ﺗﺠﻲ ﻭﻓﺠﺌﻪ ﺩﺧﻠﺖ ﺁﻧﺎ ( ﺁﻧﺎ ﺍﻭ ﺍﻧﻪ ﻧﻔﺲ ﺍﻟﺸﻲ ﻭﻫﻮ ﺍﺳﻢ ﺧﻄﻴﺒﺔ ﻋﻤﺎﺭ ﻟﻠﻲ ﺳﺌﻞ ) ﻭﺍﻣﻬﺎ ﺍﺟﺖ ﻋﻠﻴﻪ ﺷﺒﻜﺘﻨﻲ ﻭﺻﺎﺭﺕ ﺗﺒﺠﻲ ﻭﺍﻧﻲ ﻧﺰﻟﺖ ﺍﺩﻣﻮﻋﻲ
ﻫﻤﺴﺖ ﻭﻫﻲ ﺗﻬﺪﻱ ﺑﻴﻬﺎ ﺍﺗﺮﺣﻤﻴﻠﻬﺎ ﺍﻧﺼﺎﻑ ﺍﻧﻲ ﻣﺮﻳﺖ ﺑﻬﺬﺍ ﺍﻟﻮﺟﻊ ﻻﻥ ﺍﺧﺘﻲ ﻫﻢ ﻣﺎﺗﺖ ﻭﺣﺎﺳﻪ ﺑﻴﺞ ﺑﺲ ﺻﻴﺮﻱ ﻗﻮﻳﻪ ﻭﺗﺮﺣﻤﻴﻠﻬﺎ ﺷﺒﻜﺘﻬﺎ ﻭﺻﺮﺕ ﺍﺑﺠﻲ ﻭﺻﺎﺭﻥ ﺍﻟﻨﺴﻮﺍﻥ ﻳﺠﻦ
ﻭﺍﻟﻲ ﺗﺤﺠﻲ ﻭﺗﻜﻮﻝ ﺍﻟﻌﺎﺋﻠﻪ ﻛﻠﻬﺎ ﺧﻠﺼﺖ ﻭﻣﺎﺑﻘﻪ ﺍﺣﺪ ﻣﻨﻬﻢ ﺍﻟﺪﻩ ﻳﺴﺘﺮ ﺷﻤﺴﻮﻳﻦ ﻭﺍﻟﻠﻪ ﺩﺍﻳﻌﺎﻗﺒﻬﻢ ﻭﺍﻟﻲ ﺗﻜﻮﻝ ﺍﻟﻠﻪ ﻳﺮﺣﻤﻬﻢ ﺧﻮﺵ ﻧﺎﺱ ﺟﺎﻧﻮ ﻭﻭﻭ ﻛﻮﻣﻪ ﺣﺠﻲ ﺟﺎﻥ ﺑﺪﺕ ﺍﻟﻔﺎﺗﺤﻪ ﻭﺍﻟﻨﺎﺱ ﺗﺠﻲ ﻭﻋﻤﺎﺭ ﺭﺟﻊ ﻭﻧﺼﺐ ﺟﺎﺩﺭ
ﻭﻟﻠﻴﻞ ﻭﺍﻧﻲ ﻣﺎﺷﺎﻳﻔﺘﻪ ﻣﺘﺠﻴﻪ ﺭﺍﺳﻲ ﻉ ﺍﻟﺤﺎﻳﻂ ﻭﺻﺎﻓﻨﻪ ﻉ ﺍﻟﺒﻴﺖ ﺷﻠﻮﻥ ﺟﺎﻥ ﻭﻫﺴﻪ ﺷﻠﻮﻥ ﺻﺎﺭ ﺁﻧﺎ ﻭﺟﻮﺭﻱ ﻣﺎﺗﺮﻛﻨﻲ ﺍﺑﺪ ﻭﻛﻠﺴﺎﻉ ﻭﺣﺪﻩ ﺗﺴﺌﻠﻨﻲ ﺷﻠﻮﻧﺞ
ﻟﺤﺪ ﻣﺎ ﻃﻠﻌﺖ ﺍﻟﻨﺴﻮﺍﻥ ﻭﺑﻘﻴﻨﺎ ﺍﻧﻲ ﻭﻋﻤﺘﻲ ﻭﻣﺮﺕ ﺧﺎﻟﻲ ﻭﺟﻮﺭﻱ ﻭﺍﻣﻬﺎ ﻭﺁﻧﺎ ﻭﺍﻣﻬﺎ ﻭﺍﻧﻲ ﻣﻨﺼﻴﻪ ﺭﺍﺳﻲ ﻭﺣﺎﺿﻨﻪ ﺭﺟﻠﻴﻪ ﺍﺗﻤﻨﻴﺘﺒﺎﺑﺎ ﻣﻮﺟﻮﺩ ﻭﺍﺣﻂ ﺭﺍﺳﻲ ﻉ ﺣﻈﻨﻪ ﺗﻤﻨﻴﺖ ﻧﺼﺮ ﻣﻮﺟﻮﺩ ﻭﺍﺷﻜﻴﻠﻪ ﻫﻤﻲ
ﺗﻤﻨﻴﺖ ﻋﻤﺎﺭ ﻭﻳﻦ ﺭﺍﺡ ﺷﻮﻱ ﻭﺣﺴﻴﺖ ﺑﺼﻮﺗﻪ ﻭﻫﻮ ﻳﻬﻤﺲ ﺍﻟﺴﻼﻡ ﻋﻠﻴﻜﻢ ﺭﻓﻌﺖ ﺭﺍﺳﻲ ﻻﺑﺲ ﺍﺳﻮﺩ ﻭﻛﻠﻬﻦ ﺗﺮﺍﺏ ﻭﺷﻌﺮﻩ ﻣﻠﻴﺎﻥ ﺗﺮﺍﺏ ﻣﻦ ﺷﺎﻓﻨﻲ ﺍﺟﻪ ﻋﻠﻴﻪ
ﻛﻌﺪ ﺭﻛﺒﻪ ﻭﻧﺺ ﻭﺍﺧﺬﻧﻲ ﺑﺤﻀﻨﻪ ﺷﻬﻜﺖ ﻭﺍﻧﻲ ﺍﺑﺠﻲ ﻭﺍﻫﻤﺲ ﺷﻮﻑ ﻋﻤﺎﺭ ﺷﻮﻑ ﺍﻟﺒﻴﺖ ﺷﻠﻮﻥ ﺻﺎﺭ ﺧﻠﻬﻢ ﻳﺮﺟﻬﻮﻥ ﻣﺎﺭﻳﺪ ﺍﺯﻭﺝ ﻭﻻ ﺍﺭﻳﺪ ﺍﺯﻭﺝ ﺑﺲ ﺧﻞ ﻳﺮﺟﻌﻮﻥ ﺧﻞ ﺗﺮﺟﻊ ﺍﻳﺎﻡ ﺫﻳﺞ ﻭﺍﻟﻠﻪ ﻣﺎﺗﺤﻤﻞ ﺑﻌﺪ
ﺣﺠﻴﺖ ﻛﻠﻤﺎﺗﻲ ﻭﺷﻬﻜﺖ ﻏﻄﻴﺖ ﻭﺟﻬﻬﻲ ﻭﻛﻤﺖ ﺍﺑﺠﻲ ﻭﻫﻮ ﻳﻬﺪﻱ ﺑﻴﻪ ﺣﺴﻴﺖ ﺑﺎﻳﺪ ﻉ ﻣﺘﻨﻲ ﺷﻔﺘﻬﺎ ﺧﺎﻟﻪ ﺍﻡ ﺣﺴﻦ ﺫﺑﻴﺖ ﺭﻭﺣﻲ ﺑﺤﻈﻨﻬﺎ ﻭﺍﻧﻲ ﻣﺤﺘﺎﺟﻪ ﺣﻈﻦ ﺍﻣﻲ ﻳﺪﻓﻴﻨﻲ ﻭﻳﻠﻤﻨﻲ ﻭﺍﻟﻠﻪ ﻣﻮ ﺣﻤﻞ ﻛﻞ ﻫﺬﺍ ﺑﻌﺪﻧﻲ ﺻﻐﻴﺮﻩ ﺷﻨﻮ ﺍﺗﺤﻤﻞ ﻭﺍﺗﺤﻤﻞ ﺑﻌﺪ
ﺣﻈﻨﺖ ﺧﺎﻟﻪ ﺍﻡ ﺣﺴﻦ ﻭﺑﺠﻴﺖ ﺭﻓﻌﺖ ﺭﺍﺳﻲ ﺷﻔﺖ ﻋﻤﺎﺭ ﻳﺴﻠﻢ ﻋﻠﻴﻪ ﻣﻦ ﻭﺻﻞ ﻳﻢ ﺁﻧﺎ ﺍﺳﺘﻐﺮﺑﻨﺎ ﻛﻠﻨﺎ ﻭﺑﻼﺧﺺ ﺍﻧﻲ ﻣﻦ ﺷﻔﺘﻪ ﺟﺮﻫﺎ ﻣﻦ ﺍﻳﺪﻫﺎ ﻭﺣﻀﻨﻬﺎ ﻭﺻﺎﺭ ﻳﺒﺠﻲ ﻋﻤﺎﺭ ﻳﺒﺠﻲ
ﻋﻤﺎﺭ ﻣﺎﺷﻔﺘﻪ ﻳﺒﺠﻲ ﻏﻴﺮ ﺑﺲ ﺑﻮﻓﺎﺓ ﺑﺎﺑﺎ ﻭﻫﺴﻪ ﻫﻢ ﻳﺒﺠﻲ ﻳﺎﻟﻠﻪ ﻟﻌﺪ ﺷﻜﺪ ﻣﻬﻤﻮﻡ ﻟﺪﺭﺟﻪ ﺑﺠﻪ ﻣﻦ ﻛﺪ ﺍﻟﺤﻤﻞ ﻭﺍﻟﻬﻤﻮﻡ ﺍﻟﻲ ﻋﻠﻴﻪ ﺁﻧﺎ ﺑﺎﺩﻟﺘﻪ ﺍﻟﺤﻈﻦ ﻭﻫﻲ ﺗﻬﺪﻱ ﺑﻲ ﺍﺑﺘﻌﺪ ﻭﻫﻮ ﻳﺪﻧﻚ ﺣﺘﻪ ﻣﺤﺪ ﻳﺸﻮﻑ ﺩﻣﻮﻋﻪ ﻭﻃﻠﻊ
ﻭﺻﺎﺡ ﺁﻧﺎ ﺗﻌﺎﺍﺍﺍﻱ ﺍﺑﺘﺴﻤﺖ ﻭﺍﻧﻲ ﺍﺷﻮﻑ ﺍﺧﻮﻱ ﻳﺘﻘﺮﺏ ﻣﻨﻬﺎ ﺑﻠﻜﺖ ﻳﺤﺒﻬﺎ ﻣﺮﺕ ﺧﺎﻟﻲ ﻋﻮﺟﺖ ﺣﻠﻜﻪ ﻭﻫﻲ ﺗﻬﻤﺲ
- ﺍﺧﻮﺝ ﻣﺎﻳﺴﺘﺤﻲ ﻣﻮ ﺍﺧﺘﻪ
ﺍﻟﻴﻮﻡ ﻣﻴﺘﻪ
- ﺧﺎﺍﺍﺍﻟﻪ ﺷﻤﺴﻮﻱ ﻫﻮ ﻟﻴﺶ ﺗﺨﻠﻴﻨﻲ ﺍﺣﺠﻲ ﺍﺫﺍ ﻣﺎﻋﺎﺟﺒﺞ ﺍﻟﻮﺿﻊ ﺍﻟﺒﺎﺏ ﻣﻮﺟﻮﺩ
- ﺍﻳﻴﻴﻲ ﺭﺍﺣﻮ ﺭﺍﺟﻮ ﺍﺻﺠﺎﺏ ﺍﻟﺒﻴﺖ ﻭﻛﺎﻣﺖ ﺍﻟﺰﻋﺎﻃﻴﻂ ﺗﻄﺮﺩ ﺑﻴﻨﺎﺍﺍ
ﻣﻦ ﺣﺠﺖ ﻫﻴﺞ ﻭﻛﻔﺖ ﻭﺻﺎﺣﺖ ﺧﺎﺍﺍﻟﻪ ﺍﻧﻲ ﻣﻮ ﺯﻋﻄﻮﻃﻪ ﻭﺍﻧﺘﻲ ﻣﺎﺗﺤﺘﺮﻣﻴﻦ ﺍﻟﻤﻘﺎﺑﻞ ﺷﻨﻮ ﺍﻧﺴﻮﻳﻠﺞ
- ﺍﻧﺠﺒﻲ ﻫﻮ ﺻﻮﺟﻲ ﺍﻧﻲ ﺟﺎﻳﻪ ﺍﺧﺎﺑﺮ ﺧﺎﻟﺞ ﺍﻟﺸﻔﻴﻪ ﻭﺍﺭﺟﻊ ﺍﻟﺒﻴﺖ ﺗﺤﺴﻠﻲ ﻫﻮﺍﻱ
ﺩﺭﺕ ﻭﺟﻬﻲ ﻋﻠﻴﻪ ﻭﺍﻧﻲ ﺍﻋﺼﺎﺑﻲ ﻧﺎﺭ ﻭﺍﺭﻳﺪ ﺑﺲ ﺍﻃﻠﻊ ﺣﺮﻛﺘﻲ ﺑﻮﺍﺣﺪ ﺻﺤﺖ ﻭﺭﺍﻫﺎ ﻭﺍﻧﻲ ﺍﺷﻴﻞ
ﺍﻟﺪﻭﻟﻜﻪ ﻣﺎﻝ ﺍﻟﻤﻲ ﻭﺷﻤﺮﺗﻬﺎ ﻭﺭﺍﻫﺎ ﺭﻭﺣﻪ ﺑﻼﺍﺍﺍ ﺭﺩﻩ ﻣﺤﺪ ﻋﺎﺗﺐ ﻋﻠﻴﺞ ﺗﺠﻴﻴﻴﻴﻦ
ﺑﺎﻭﻋﺘﻠﻲ ﺑﺨﺰﺭﻩ ﻭﻫﺰﺕ ﺭﺍﺳﻬﺎ ﻭﻃﻠﻊ ﻛﻤﺸﺖ ﺭﺍﺳﻲ ﻭﻛﻌﺪﺕ ﻣﻦ ﺍﻟﺼﺒﺢ ﻟﺴﻪ ﺍﻧﻲ ﻉ ﺍﻟﻤﻲ ﻋﺎﻳﺸﻪ
ﺍﻧﺘﺒﻬﺖ ﺟﻮﺭﻱ ﻋﻴﻮﻧﻪ ﻣﻠﻴﺎﻧﺖ ﺩﻣﻮﻉ ﺻﺤﺘﻠﻬﺎ ﻭﺷﺒﻜﺘﻬﺎ ﻭﻫﻤﺴﺖ ﺑﺬﺍﻧﻬﺎ ﺍﺑﺠﻲ ﺍﺑﺠﻲ ﺣﺒﻴﺒﺘﻲ ﺍﺭﺗﺎﺣﻲ
ﻭﻫﻲ ﻣﺎﺻﺪﻛﺖ ﻛﺎﻣﺖ ﺗﺒﺠﻲ ﻭﺍﻟﻜﻞ ﻳﺒﺎﻭﻋﻠﻬﺎ ﻭﺍﻧﻲ ﺍﺩﻣﻮﻋﻲ ﺗﻨﺰﻝ ﻭﻳﺎﻫﺎ ﺛﺎﻧﻲ ﻳﻮﻡ ﺍﺟﺖ ﻛﻮﺛﺮ ﻭﺻﺎﻓﻨﻪ
- ﻟﺞ ﻳﺪﻙ ﺭﺍﻧﻴﺎﺍﺍ ﺍﺗﻮﻓﺖ ﺍﻟﺒﺎﺭﺣﻪ ﻭﻻ ﺍﺩﺭﻱ ﺍﻟﻴﻮﻡ ﻋﺮﻓﺖ ﻣﻦ ﺳﻨﺪ
ﻫﺰﻳﺖ ﺭﺍﺳﻲ ﻭﺍﻧﻲ ﻣﺪﻧﻜﻪ ﺧﺬﺗﻨﻲ ﺑﺤﻈﻨﻬﺎ ﻭﻫﻲ ﺗﻬﺪﻱ ﺑﻴﻪ
- ﺍﻟﻠﻪ ﻛﺮﻳﻢ ﺍﻟﻠﻪ ﻛﺮﻳﻢ ﺍﻟﺤﻖ ﻳﻀﻬﺮ ﻭﻟﻮ ﺑﻌﺪ ﺣﻴﻦ
ﻫﺰﻳﺖ ﺭﺍﺳﻲ ﻭﺍﻧﻲ ﺍﺑﺎﻭﻋﻠﻬﺎ ﻟﻌﺪ ﺍﻟﺒﻨﺎﺕ ﻭﻳﻦ
- ﺿﻠﻦ ﻳﻢ ﻋﻤﺘﻲ ﻻﻥ ﻭﺣﺪﻫﺎ
- ﻟﻴﺶ ﻣﻮ ﻋﺪﻫﺎ ﺟﻨﺎﻳﻦ ﺍﺛﻨﻴﻦ ﻫﻬﻪ
ﺩﻧﻜﺖ ﻭﻫﻲ ﺗﻬﺰ ﺭﺍﺳﻬﺎ
- ﻣﺮﺕ ﻣﺜﻨﻰ ﻋﺪ ﺍﻫﻠﻬﺎ ﻻﻥ ﺍﻟﻮﻟﺪ ﻣﻬﺪﺩ ﺑﻼﺳﻘﺎﻁ ﻭﻧﺎﻳﻤﻪ ﻋﺪ ﺍﻫﻠﻬﺎ ﻭﻭ
- ﻫﻬﻬﻪ ﺷﺒﻴﺞ ﻋﺎﺩﻱ ﻛﻮﻟﻴﻬﺎ ﻣﺮﺕ ﻧﺼﺮ ﻣﺮﺕ ﻧﺼﺮ ﻣﺮﺕ ﻧﺼﺼﺮ ﻋﺎﺩﻱ ﻛﻠﺸﺸﺸﺶ ﻫﺎﻱ ﺣﻘﻴﻘﻪ
- ﺍﻱ ﻫﺬﻩ ﺯﻋﻼﻧﻪ ﻣﺘﻌﺎﺭﻛﻪ ﻭﻳﻪ ﻋﻤﺘﻲ ﻭﻃﺎﻟﻌﻪ ﻟﺒﻴﺖ ﺍﻫﻠﻬﺎ ﻭﺑﺪﻭﻥ ﻣﺎﻧﺼﺮ ﻳﻌﺮﻑ ﻻﻥ ﺑﻠﻮﺍﺟﺐ
ﻫﺰﻳﺖ ﺭﺍﺳﻲ ﻭﻫﻤﺴﺖ ﻭﻫﻲ ﺗﻌﺮﻑ ﺷﻐﻠﻪ
- ﻻ ﻉ ﺑﺨﺘﺞ ﻣﺤﺪ ﻳﻌﺮﻑ ﺷﻜﻞ ﻧﺼﺮ ﺣﺘﻪ ﻣﺮﺕ ﻣﺜﻨﻰ ﻣﺘﻌﺮﻓﻪ ﻛﻠﻬﺎ ﺗﻌﺮﻑ ﻋﺪ ﻣﺤﻞ ﺑﺴﻠﻴﻤﺎﻧﻴﻪ
- ﻫﻬﻪ ﺍﻱ ﻣﺜﻞ ﻳﺎﻣﻦ ﻋﺪ ﻣﻌﺮﺽ ﺳﻴﺎﺭﺍﺕ ﻫﻬﻪ
ﺻﺪﻙ ﻏﺮﻓﺘﻬﻢ ﻭﻳﻦ
ﻧﺼﺮ ﻣﺎﺧﺬ ﺍﻟﻄﺎﺑﻖ ﺍﻟﻔﻮﻙ ﻭﺣﺎﻃﻬﺎ ﺑﻐﺮﻓﻪ ﺍﻟﺒﻨﺎﺕ ﻭﻏﺮﻓﺞ ﺍﺛﻨﻴﻨﻬﻦ ﻗﺎﻓﻠﻬﻦ ﻫﻬﻬﻬﻪ
- ﺍﻣﻤﻤﻢ ﻳﺨﺎﻑ ﻉ ﻣﺮﺗﻪ
- ﻻ ﻭﻟﺞ ﻫﻤﺴﻪ ﻣﻦ ﺟﺎﻧﺖ ﻋﺪﻫﻢ ﺳﺎﻣﻌﺘﻪ ﻳﻜﻮﻝ ﺍﻻﻣﻪ ﺍﻟﻐﺮﻑ ﺍﻟﻲ ﺟﺎﻧﻦ ﺑﻴﻬﻦ ﺍﻧﺼﺎﻑ ﻣﺤﺪ ﻳﻮﺛﻞ ﺍﻟﻬﺎ ﻏﻴﺮﻱ ﺍﻧﻲ ﻭﺑﺲ ﻭﻛﺖ ﺍﻟﺘﻨﻀﻴﻒ
ﻭﺍﺗﻜﻮﻝ ﺩﺍﺋﻤﺎ ﺑﻴﻬﺎ ﺧﺎﺻﻪ ﻏﺮﻓﺘﺞ ﺍﻟﺠﻮﻩ ﻗﻠﻴﻞ ﻳﺼﻌﺪ ﻟﻐﺮﻓﺘﻪ ﻫﻮ ﻭﻣﺮﺗﻪ
ﻫﺰﻳﺖ ﺭﺍﺳﻲ ﻭﺍﻧﻲ ﺻﺎﻓﻨﻪ ﺍﺟﻦ ﺍﻟﻨﺴﻮﺍﻥ ﻭﺍﺟﺖ ﺍﻟﻤﻠﻪ ﻭﻛﺎﻣﺖ ﺗﻘﺮﻩ ﻭﺍﻧﻲ ﺩﻣﻮﻋﻲ ﻣﺎﻭﻛﻔﻦ ﺩﻗﻴﻘﻪ ﺣﺮﺕ ﻋﻠﻴﻤﻦ ﺍﺑﺠﻲ ﻉ ﺑﺎﺑﺎ ﻟﻮ ﻉ ﻫﺎﺋﻠﺘﻲ ﺍﻟﺮﺍﺣﺖ ﺑﻠﻤﺢ ﺍﻟﺒﺼﺮ ﻟﻮ ﻉ ﺣﻈﻲ ﻟﻮ ﻉ ﺍﺑﻨﻲ ﻟﻮ ﻋﻠﻴﻤﻦ ﻣﺎﻋﺮﻑ
ﻣﺮﺕ ﺍﻳﺎﻡ ﺍﻟﻔﺎﺗﺤﻪ ﻭﺑﻴﺖ ﺁﻧﺎ ﻳﻤﻨﺎ ﻣﺎﻋﺎﻓﺘﻨﻲ ﻫﻠﺒﻨﻴﻪ ﺍﺑﺪ ﻫﻲ ﻭﻛﻮﺛﺮ ﻭﺟﻮﺭﻱ ﺗﺮﻭﺡ ﻭﺗﺮﺟﻊ ﺍﻟﻲ ﻣﺎﻗﺼﺮﻥ ﻭﻳﺎﻱ
ﻣﻦ ﺧﻠﺼﺖ ﺍﻟﻔﺎﺗﺤﻪ ﺭﺟﻌﻦ ﻭﻓﺮﻍ ﺍﻟﺒﻴﺖ ﻭﺻﺎﺭ ﻭﺣﺸﻪ ﺻﺮﺕ ﺍﺑﺠﻲ ﺍﺑﺠﻲ ﺍﺑﺠﻲ ﻛﺎﻡ ﻋﻤﺎﺭ ﻳﻄﻠﻌﻨﻲ ﻣﻦ ﺍﻟﺒﻴﺖ ﻭﻳﻔﺮﻓﺮﻧﻲ ﺣﺘﻪ ﺍﻧﺴﻪ
ﻭﺭﺟﻌﺖ ﻛﻤﺖ ﺍﺷﻮﻑ ﺍﺑﺮﺍﻫﻴﻢ ﻛﻞ ﺟﻤﻌﻪ ﻛﺒﺮﺍﻥ ﻭﺻﺎﻳﺮ ﻣﺪﻧﻘﺶ ﻳﺨﺒﻞ ﻟﺤﺪ ﻣﺎﻓﺪ ﻳﻮﻡ
ﺭﺟﻌﺖ ﻫﺴﺘﻮﻧﻲ ﻣﻦ ﺑﻐﺪﺍﺩ ﻭﻣﺎﺭ ﻉ ﻭﻓﺎﺓ ﺭﺍﻧﻴﺎ 3 ﺍﺳﺎﺑﻴﻊ
ﺟﻨﺖ ﺍﺷﻮﻑ ﺍﺑﺮﺍﻫﻴﻢ ﺑﻌﺪ ﻣﺎ ﺫﺑﻨﻲ ﻋﻤﺎﺭ ﻭﻃﻠﻊ ﻟﺸﻐﻠﻪ ﻃﺒﻴﺖ ﻟﻠﺒﻴﺖ ﺩﻙ ﺗﻠﻔﻮﻧﻲ ﺭﻗﻢ ﻏﺮﻳﺐ ﻣﺎﺷﻠﺘﻪ
ﺭﺟﻊ ﺩﻙ ﻫﻢ ﻣﺎﺷﻠﺘﻪ ﺑﻌﺪﻫﺎ ﺑﻨﺺ ﺳﺎﻋﻪ ﺩﻛﺖ ﻛﻮﺛﺮ ﺟﻨﺖ ﻛﺎﻋﺪ ﺍﻧﻀﻒ ﻭﺻﺎﻓﻨﻪ ﺭﺩﻳﺖ ﻋﻠﻴﻪ ﻭﻫﻲ ﺗﺤﺠﻲ ﻭﺗﺒﺠﻲ
- ﺷﻜﻮ ﻛﻮﺛﺮ ﺷﺒﻴﺠﺞ
- ﻟﺞ ﺍﻧﺼﺎﻑ ﻧﺼﺮ ﻋﺮﻑ ﺑﻴﺞ ﺍﺷﻮﻓﻴﻦ ﺍﺑﺮﺍﻫﻴﻢ ﻭﺍﺗﺨﺒﻞ ﻭﻛﻠﺐ ﺍﻟﺒﻴﺖ ﻋﻠﻴﻨﺎ ﻛﻠﺐ ﻭﻛﺎﻝ ﺑﻌﺪ ﺍﺷﻮﻑ ﻳﺎﺍﺍﺍ ﺍﺑﻦ ﺍﻣﻪ ﻭﺍﺑﻮﻩ ﺍﻟﻲ ﻳﺎﺧﺬﻩ ﻭﻳﺨﻠﻲ ﻫﺎﻱ ﺍﻟﺨﻘﻴﺮﻩ ﺍﺷﻮﻓﻪ
ﻭﻟﺞ ﺣﺠﻲ ﻭﺭﺯﺍﻳﻞ ﻋﻠﻴﻨﺎ ﻭﻉ ﺍﻟﺒﻨﺎﺕ ﻭﺣﺘﻪ ﻋﻠﻴﻪ ﻭﺍﺧﺬ ﺍﺑﺮﺍﻫﻴﻢ ﻭﻃﻠﻊ ﻭﺣﻠﻒ ﺑﻌﺪ ﻣﺎﻳﺨﻠﻲ ﺍﺑﺮﺍﻫﻴﻢ ﻳﻄﻠﻊ ﺑﺮﻩ ﺍﻟﺒﻴﺖ ﺍﺫﺍ ﻣﻮ ﻭﻳﺎﻩ
ﻏﻤﻀﺖ ﻋﻴﻮﻧﻲ ﺍﺑﺠﻲ
- ﻻﺍﺍﺍ ﻋﻔﻈﻪ ﻛﻮﺛﺮ ﺷﻨﻮ ﻳﻌﻨﻲ ﺑﻌﺪ ﻣﺎﺷﻮﻑ ﺍﺑﺮﺍﻫﻴﻢ ﻻ ﺗﻜﻮﻟﻴﻬﺎ ﻓﺪﻭﻩ ﻻ ﺗﻜﻮﻟﻴﻬﺎ ﻭﺍﻟﻠﻪ ﻣﺎﺗﺤﻤﻞ
- ﻣﺎﺩﺭﻱ ﺍﺻﺒﺮﻱ ﻭﺍﻟﻠﻪ ﻛﺮﻳﻢ ﺷﻮﻓﻲ ﺧﺎﻑ ﻳﺪﻙ ﻋﻠﻴﺞ ﻧﺼﺮ ﻟﻮ ﺗﺮﺩﻳﻦ ﻭﻣﺎﺗﻌﺼﺒﻴﻦ ﻭﺑﻬﺪﻭﺀ ﻟﻮ ﻣﺎﺗﺮﺩﻳﻦ ﻻﻥ ﻋﺼﺒﻴﻲ
- ﻣﺴﺎﻋﻪ ﺩﻙ ﺭﻗﻢ ﻏﺮﻳﺐ ﻋﻠﻴﻪ ﻣﺮﺗﻴﻦ ﺑﺲ ﻣﺎﺭﺩﻳﺖ ﺍﻛﻴﺪ ﻫﻮ ﻣﺎﺷﻲ ﻛﻮﺛﺮ ﺍﻧﻲ ﺍﺭﻭﺡ ﺑﺎﻱ
ﺳﺪﻳﺘﻪ ﻭﺷﺒﻌﺖ ﺑﺠﻲ ﻻ ﻳﺎﻟﻠﻪ ﻻ ﻣﻮ ﺍﺑﺮﺍﻫﻴﻢ ﻭﺍﻟﻠﻪ ﻣﺎﺗﺤﻤﻞ ﻭﺍﻟﻠﻪ ﺭﺍﺿﻴﻪ ﺑﻬﺬﺍ ﺍﻟﻴﻮﻡ ﺍﻟﻲ ﺑﺎﻻﺳﺒﻮﻉ ﺑﺲ ﻻ ﺗﺤﺮﻣﻨﻲ ﻣﻦ ﻋﺪﻩ ﻓﺪﻭﺭ ﻳﺎﻟﻠﻪ ﺩﺧﻴﻠﻚ
ﺟﻨﺖ ﺑﻼ ﺍﻛﻞ ﻣﻦ ﺍﻟﺼﺒﺢ ﻭﻫﺴﻪ ﺍﻟﺴﺎﻋﻪ 6 ﺍﻟﻌﺼﺮ ﺣﺴﻴﺖ ﺑﺪﻭﺧﻪ ﻭﻭﻛﻌﺖ ﺍﻧﻀﺮﺏ ﺭﺍﺳﻲ ﻭﻣﺎﺩﺭﻱ ﺷﺼﺎﺭ
ﻛﻌﺪﺕ ﻉ ﺻﻮﺕ ﻋﻤﺎﺭ ﻳﻀﺮﺏ ﺑﺨﺪﻭﺩﻱ
- ﻟﺞ ﺷﺒﻴﺠﺞ ﺍﻧﺼﺎﻑ ﺷﺼﺎﻳﺮ
- ﻋﻤﺎﺭﺭﺭﺭ
ﺷﺒﻜﺘﻪ ﻭﻛﻤﺖ ﺍﺑﺠﻲ ﻭﻫﻮ ﻳﻬﺪﻱ ﺑﻴﻪ ﺳﻮﻟﻔﺘﻠﻪ ﻛﻠﺸﻲ ﺍﺳﻮﻟﻒ ﻭﺍﺑﺠﻲ ﻭﻫﻮ ﻳﻬﺪﻱ ﺑﻴﻪ ﻭﻳﻜﻮﻝ ﺍﻗﺪﻡ ﺑﻼﻍ ﻋﻠﻴﻪ ﺑﻠﻤﺤﻜﻤﻪ ﻭﻏﺼﺒﺎ ﻣﺎﻋﻠﻴﻪ ﻳﺨﻠﻴﺞ ﺍﺷﻮﻓﻲ
ﻫﺪﺋﺖ ﻣﻦ ﺳﻤﻌﺘﻪ ﻫﻴﺞ ﻛﺎﻝ ﻭﻣﺮﺕ ﻳﻮﻣﻴﻦ ﻭﺍﻧﻲ ﺑﻠﻔﺮﺍﺵ ﻣﺎﻛﺪﺭ ﺍﺗﺤﺮﻙ ﺻﺨﻮﻧﻪ ﻭﺩﻭﺧﻪ
ﺍﻧﺪﻛﺖ ﺍﻟﺒﺎﺏ ﻃﻠﻌﺖ ﻓﺘﺤﺘﻬﺎ ﻭﻛﻮﻩ ﺍﻣﺸﻲ ﺍﺳﺘﻐﺮﺑﺖ ﻣﻦ ﺷﻔﺖ ﺟﻮﺭﻱ ﻭﻳﺎﻣﻦ
ﺑﺎﻭﻋﻠﺘﻲ ﺟﻮﺭﻱ ﻭﻛﺎﻟﺖ ﺍﻣﺸﻲ ﻟﺒﺴﻲ ﻭﺗﻌﺎﻱ
- ﺷﻜﻮ ﺟﻮﺭﻱ
- ﻛﺘﻠﺞ ﺍﻣﺸﻲ ﻟﺒﺴﻲ ﻭﺗﻌﺎﺍﺍﺍﻱ
ﻟﺒﺴﺖ ﻭﻃﻠﻌﺖ ﺷﻔﺘﻬﺎ ﻭﺍﻛﻔﻪ ﻭﻳﺎﻣﻦ ﻳﺨﺰﺭ ﺑﻴﻬﺎ ﻣﻦ ﺷﺎﻓﻨﻲ ﺍﺟﻴﺖ ﺳﻠﻢ ﻋﻠﻴﻬﺎ ﻭﻛﺎﻝ
- ﺟﻮﺭﻱ ﻣﺎﻛﻮ ﺩﺍﻋﻲ ﻟﻜﻞ ﻫﺬﺍ ﻛﺎﻓﻲ ﻛﻠﻤﻪ ﻭﻃﻠﻊ ﻣﻦ ﻋﺪﻱ ﺷﻠﻮﻥ ﺍﺗﻮﺭﻃﺘﺘﺖ
- ﻻﺍﺍﺍﺍ ﻣﺎﺗﻮﺭﻃﺖ ﺑﺲ ﻛﺎﻓﻴﻴﻴﻲ ﻛﺎﻓﻴﻲ ﺍﻃﻠﻌﻮﻥ ﺣﺠﻲ ﺯﻭﺭ ﻋﻠﻴﻬﺎ ﺍﻧﺖ ﻭﺻﺎﺣﺒﻚ ﺍﻟﺜﺎﻧﻲ ﻭﺍﻟﻴﻮﻡ ﻣﺎ ﺍﺭﺗﺎﺡ ﺍﺫﺍ ﻣﺎ ﻛﻠﻊ ﺑﺮﺍﺋﺖ ﺍﻧﺼﺎﻑ ﻣﺪﺍﻣﻚ ﻭﻭﺻﻞ ﺑﺮﺍﺋﺘﻬﺎ ﺍﻟﺼﺎﺣﺒﻚ ﺍﻟﻌﺎﺭ
ﺟﻮﺭﻳﻴﻲ ﻛﺎﻋﺪﻩ ﺗﺠﺎﻭﺯﻳﻦ ﻭﻟﻮ ﻣﺎ ﺑﺸﺎﺭﻉ ﺟﺎﻥ ﻋﻠﻤﺘﺞ
- ﻛﺎﺍﺍﺍﻓﻲ ﻳﺎﻣﻦ ﻛﺎﺍﺍﺍﺍﺍﻓﻲ ﺻﺎﻟﻚ ﺍﺳﺒﻮﻉ ﺍﺫﺏ ﻣﻼﻡ ﻭﺳﺎﻛﺘﻪ ﺑﺲ ﺍﻟﻴﻮﻡ ﻣﺎﺍﺳﻜﺖ ﻟﻮ ﺍﻋﺮﻑ ﺗﺬﺑﺤﻨﻲ ﺭﻛﺒﻲ ﺍﻧﺼﺎﺍﺍﻑ ﺭﻛﺒﻴﻴﻲ
ﺟﺮﺗﻨﻲ ﻣﻦ ﺍﻳﺪﻱ ﻭﺭﻛﺒﺘﻲ ﺑﺴﻴﺎﺭﻩ ﻭﺭﻛﺒﺖ ﻫﻲ ﺭﻛﺐ ﻳﺎﻣﻦ ﻭﻫﻮ ﻳﺴﺘﻔﻐﺮ
- ﺟﻮﺭﻱ ﻛﺎﻋﺪ ﺗﻠﻌﺒﻴﻦ ﺑﻨﺎﺭ ﺍﻋﺘﺬﺭﺕ ﻫﺬﻫﻮ
- ﻻ ﻳﺎﻣﻦ ﻻ ﺻﺎﺭ ﻭﻛﺖ ﺍﻟﺤﻘﻴﻘﻪ ﺗﻀﻬﺮ ﻭﺍﺗﺒﻄﻠﻮﻥ ﺗﺤﺠﻮﻥ ﺣﺠﻲ ﺍﻛﺒﺮ ﻣﻦ ﺭﺍﺳﻜﻤﻤﻤﻤﻤﻤﻤﻢ
- ﺟﻮﺭﺭﺭﻳﻴﻴﻲ
ﻛﺎﻓﻲ ﺷﺒﻴﻜﻢ ﺍﻧﺘﻢ ﺟﺎﻳﺒﻴﻨﻲ ﺍﺷﻮﻑ ﻋﺮﻛﺘﻜﻢ
- ﻻ ﺣﺒﻴﺒﺘﻲ ﺟﺎﻳﺒﺘﺞ ﺣﺘﻪ ﺍﺛﺒﺖ ﺑﺮﺍﺋﺘﺞ ﻛﺪﺍﻡ ﻳﺎﻣﻦ ﻭﻳﻮﺻﻠﻬﺎ ﺍﻟﺼﺪﻳﻘﻪ ﻣﻮ ﻳﺎ ﺯﻭﺟﻲ ﺍﺳﺘﺎﺫ ﻳﺎﻣﻦ
ﺍﻧﺘﺒﻬﺖ ﻳﺎﻣﻦ ﺟﺎﻥ ﻋﺼﺒﻲ ﻧﺎﺭ ﺑﺲ ﺑﻤﺠﺮﺩ ﻣﺎ ﻣﺎﻟﺖ ﺟﻮﺭﻱ ﺯﻭﺟﻲ ﺍﺑﺘﺴﻢ ﻭﻫﺰ
ﺭﺍﺳﻲ ﻭﻃﺎﺭﺕ ﻛﻞ ﻋﺼﺒﻴﺘﻪ ﺍﺑﺘﺴﻤﺖ ﻋﻠﻴﻬﻢ ﻭﻣﺸﺖ ﺍﻟﺴﻴﺎﺭﻩ ﻭﺟﻮﺭﻱ ﺍﺗﺎﺷﺮ
ﺑﺪﻳﻬﺎ ﻣﺸﻴﻨﺎ ﺑﺘﺠﺎﻩ ﻟﻤﻜﺎﻥ ﻭﺭﻩ ﺍﻟﻤﻨﻄﻘﻪ ﻭﺭﻩ ﺍﻟﺒﻴﺖ ﺳﺎﺣﻪ ﻭﺍﺩﻭﺭ ﺍﺷﺠﺎﺭ ﻭﺑﻌﺪﻫﺎ ﺍﻛﻮ ﺑﻴﺖ ﻭﻛﻦ ﺑﻴﺖ ﻫﻴﺞ ﻣﻄﺸﺮﺍﺕ
ﺭﻛﻦ ﺍﻟﺴﻴﺎﺭﻩ ﻳﺎﻣﻦ ﺑﻌﺪ ﻣﺎ ﻛﺎﻟﺖ ﺟﻮﺭﻱ ﻫﻨﺎ ﻭﻧﺰﻟﻨﺎ
- ﺟﻮﺭﻱ ﺷﻨﻮ ﻫﺬﺍ ﺍﻟﻤﻜﺎﻥ ﻭﻳﻦ ﺟﺎﻳﺒﺘﻨﻲ
ﺑﺎﻭﻋﺘﻠﻲ ﻭﺑﺎﻭﻋﺖ ﻉ ﻳﺎﻣﻦ ﻭﻫﻤﺴﺖ
- ﺍﺳﻤﻊ ﻳﺎﻣﻦ ﻭﺍﻧﺘﺒﻪ ﻉ ﻛﻞ ﻛﻠﻤﻪ ﺍﻣﺸﻲ ﺍﻧﺼﺎﻑ ﺍﻣﺸﻲ
ﻣﺸﻴﻨﺎ ﻭﺍﻣﻲ ﻣﺴﺘﻐﺮﺑﻪ ﻭﺻﻠﻨﺎ ﻳﻢ ﺑﻴﺖ ﺩﻛﺖ ﺍﻟﺒﺎﺏ ﺟﻮﺭﻱ ﻭﻫﻲ ﺗﺒﺎﻭﻉ ﺍﻟﻴﺎﻣﻦ ﺑﻨﻀﺮﺍﺕ ﻛﺮﻩ ﻭﺗﺤﺪﻱ ﻭﻫﻮ ﻭﺍﻛﻒ ﺑﻤﻠﻞ
ﻭﺍﻧﻲ ﻭﺍﻛﻒ ﺻﺎﻓﻨﻪ ﺍﻧﻔﺘﺢ ﺍﻟﺒﺎﺏ ﻭﺍﺧﺘﺮﻋﺖ ﺭﺟﻌﺖ ﻟﻮﺭﻩ ﻭﺍﻧﻲ ﺍﺷﻮﻓﻬﺎ ﻣﺮﻩ ﻭﺟﻬﻬﺎ ﻛﻠﻪ ﻣﺸﻮﻫﻪ ﻭﺷﻜﻠﻬﺎ ﻳﻘﺰﺯ ﻭﻳﺨﻮﻑ ﺣﻴﻴﻞ
ﺑﺎﻭﻋﺖ ﻋﻠﻴﻨﺎ ﻭﻋﻜﺖ ﺣﺎﺟﺒﻬﺎ ﻭﻛﺎﻟﺖ ﺗﻔﻀﻠﻮ ﻣﻨﻮ ﺍﻧﺘﻢ
ﺟﻮﺭﻱ : ﺧﺎﻟﻪ ﻫﻢ ﺟﺎﻳﺘﺞ ﻫﺬﺍ ﺍﻟﺒﻨﻴﻪ ﺑﻴﻮﻡ ﻣﻦ ﺍﻻﻳﺎﻡ
ﺣﺠﺘﻬﺎ ﻭﻫﻲ ﺍﺗﺎﺷﺮ ﻋﻠﻴﻪ ﺑﺎﻭﻋﺘﻠﻪ ﺍﻟﻤﺮﻩ ﻭﺭﺟﻌﺖ ﺑﺎﻭﻋﺖ ﻉ ﺟﻮﺭﻱ ﻭﻛﺎﻟﺖ
- ﻻ ﻣﺎﺟﺎﻳﺘﻨﻲ ﺑﺲ ﺍﻋﺮﻓﻬﺎ ﻛﻠﺶ ﺯﻳﻦ ﺍﻧﺘﻲ ﺍﺧﺖ ﺭﺍﻧﻴﺎ ﻭﺑﺖ ﺍﻡ ﻋﻤﺎﺭ ﻣﻮ
ﺭﺟﺘﺖ ﻟﻮﺭﻩ ﺧﺎﻳﻔﻪ ﻭﺍﺑﺎﻭﻉ ﻉ ﺟﻮﺭﻱ ﺍﻟﻲ ﻭﺍﻛﻔﻪ ﺑﻜﻞ ﻗﻮﻩ ﻭﺷﻤﻮﺥ ﻭﻛﺒﺎﻟﻚ ﻫﻲ ﺍﻟﻲ ﻣﺴﻠﻮﺏ ﺣﻘﻬﺎ ﻣﻮ ﺍﻧﻲ ﻭﻛﺎﻟﺖ
ﺍﻱ ﺧﺎﻟﻪ ﻫﻲ ﻫﻲ ﺍﻧﺼﺎﻑ
ﺿﺤﻜﺖ ﺍﻟﻤﺮﻩ ﻭﻛﺎﻟﺖ
- ﺻﺪﻙ ﻣﺎﺗﺖ ﺍﺧﺘﺞ
ﻫﺰﻳﺖ ﺭﺍﺳﻲ ﻭﺍﻧﻲ ﺧﺎﻳﻔﻪ ﻣﻨﻬﺎ ﻻﻥ ﻣﻨﻀﺮﻫﺎ ﻳﺨﻮﻑ ﺿﺤﻜﺖ ﻭﻛﺎﻟﺖ ﺍﻳﻴﻪ ﺍﻟﻠﻪ ﻳﺮﺣﻤﻬﺎ ﻭﻟﻮ ﻣﺎﻋﺘﻘﺪ ﻫﺬﺍ ﺍﻟﺸﻲ ﻻﻥ ﺣﺎﻟﻬﺎ ﺣﺎﻟﻲ ﻭﺍﻧﻲ ﻭﻳﺎﻫﺎ ﺑﻨﺎﺭ ﺟﻬﻨﻢ ﻫﻬﻬﻬﻬﻬﻬﻬﻬﻬﻬﺎﺍﻱ
ﺻﻔﻨﺖ ﻋﻠﻴﻬﺎ ﻭﻛﻤﺸﺖ ﺍﻳﺪ ﺟﻮﺭﻱ ﺑﺨﻮﻑ ﻣﻨﺎ ﺍﻟﺼﺨﻮﻧﻪ ﻭﺍﻟﺪﻭﺧﻪ ﻣﻮﺗﻨﻲ ﻭﻣﻨﺎ ﻫﺎﻱ ﻭﻛﻼﻣﻬﺎ
ﺟﻮﺭﻱ : ﺍﻱ ﺧﺎﻟﻪ ﺳﻮﻟﻔﻲ ﺷﺘﻌﺮﻓﻴﻦ ﻋﻨﻬﺎ
ﺑﺎﻭﻋﺘﻠﻲ ﺍﻟﻤﺮﻩ ﻭﺿﺤﻚ ﻭﻛﺎﻟﺖ ﺍﻳﻲ ﺍﻧﺼﺎﻑ ﻃﻠﻌﺖ ﺍﺣﻼ ﻣﻦ ﺍﻟﺼﻮﺭ ﺷﻠﻮﻧﻪ ﺭﺟﻠﺞ ﺑﻌﺪﻩ ﻋﺎﻳﺶ ﻣﻮ
ﺍﻧﺘﺒﻬﺖ ﻳﺎﻣﻦ ﻳﺒﺎﻭﻋﻠﻲ ﺑﻨﺺ ﻋﻴﻦ ﺧﻔﺖ ﻭﺑﺎﻭﻋﺘﻠﻬﺎ ﻭﺣﺠﻴﺖ ﺍﻧﺘﻲ ﺷﺘﺮﺩﻳﻨﻨﻨﻦ ﻫﺎﺍﺍ ﺍﻱ ﺑﻌﺪﻩ ﻋﺎﻳﺸﺸﺸﺶ ﻭﻋﻦ ﻳﺎ ﺻﻮﺭ ﺗﺤﺠﻴﻦ
- ﺍﻟﺼﻮﺭ ﺍﻟﻲ ﺟﺎﺑﺘﻬﻦ ﺍﺧﺘﺞ ﺍﻟﻲ ﺣﺘﻪ ﺍﺳﻮﻳﻠﻜﻢ ﻣﺎﻛﻤﻠﺖ ﻛﻼﻣﻬﺎ ﻭﺳﻜﺘﺖ
ﺣﺠﺖ ﺟﻮﺭﻱ ﻭﻫﻲ ﺗﺒﺎﻭﻋﻠﻬﺎ
- ﺍﺣﺠﻴﻴﻴﻲ ﻟﻴﺶ ﺳﻜﺘﻲ ﻛﻤﻠﻴﻴﻴﻲ ﺍﺣﺠﻴﻴﻲ ﻓﻀﻴﻬﺎﺍ
ﻳﺎﻣﻦ : ﺍﻭﻛﻔﻲ ﺟﻮﺭﻱ ﺍﻭﻛﻔﻲ ﺍﺣﻢ ﺍﻱ ﻳﺎﺍﺍﺍ ﺷﻨﻮ ﺍﺳﻤﺞ
- ﻧﺮﺟﺲ
ﻳﺎﻣﻦ : ﻫﻬﻪ ﻧﺮﺟﺲ ﺑﺮﻳﺊ ﻣﻨﺞ ﻫﺬﺍ ﺍﻻﺳﻢ ﻭﻳﻨﺞ ﻭﻳﻦ ﻧﺮﺟﺲ ﺍﻱ ﺗﻌﺎﻱ ﺗﻌﺎﻱ ﺧﻞ ﺍﻧﻄﺐ ﻋﺪﻧﺎ ﺣﺠﻴﻴﻲ ﻫﻮﻭﻭﻭﺍﻱ ﻫﻮﻭﻭﺍﻱ
ﺿﺤﻜﺖ ﻫﻲ ﻭﻛﺎﻟﺖ ﺍﻱ ﺗﻔﻀﻠﻮﻭ
ﻃﺒﻴﻨﺎ ﻭﺍﻧﻲ ﻟﺴﻪ ﻛﺎﻣﺸﻪ ﺑﻴﺪﻱ ﺟﻮﺭﻱ ﻭﻫﻲ ﺗﻬﺪﻱ ﻭﺗﻘﻮﻱ ﺑﻴﻪ ﺍﻧﺘﺒﻬﺖ ﻉ ﻳﺎﻣﻦ ﻃﻠﻊ ﺩﺯﻥ ﻓﻠﻮﺱ ﺣﻄﻬﻦ ﻉ ﺍﻟﻄﺒﻠﻪ ﻓﺘﺢ ﺗﻠﻔﻮﻧﻪ ﻣﺎﻋﺮﻑ ﺷﻨﻮ ﺳﻮﻩ ﺑﻲ ﻭﺭﺟﻊ ﻛﻤﺸﻪ ﺑﻴﺪﻩ ﻭﻛﺎﻝ
ﻳﺎﻣﻦ : ﺍﻳﻲ ﻫﺬﻧﻲ ﻣﺠﺮﺩ ﻫﺪﻳﻪ ﺑﺴﻴﻄﻪ ﻭﺑﻌﺪﻳﻦ ﻳﺠﻴﺞ ﺍﻟﺒﺎﻗﻲ ﺑﺲ ﻫﺎﺍ ﺍﺫﺍ ﺣﺠﻴﺘﻲ ﻛﻠﺸﻲ ﻭﻣﺎﺿﻤﻴﺘﻲ ﻋﻨﻲ ﻭﻻ ﺣﺮﻑ ﺍﻃﻴﺞ ﺍﺿﻌﺎﻑ ﺍﺿﻌﺎﻓﻬﻦ ﻭﻫﺴﻪ ﺳﻮﻟﻔﻲ ﻛﻞ ﺷﻲ ﻣﻦ ﻳﻮﻡ ﺍﻟﻲ ﺍﺟﺘﺞ ﺭﺍﻧﻴﺎ ﻟﻬﺬﺍ ﺍﻟﻴﻮﻡ ....... ﻳﺘﺒﻊ
#
⚜آللعين آلعآشـق⚜
#ﺗﻜﻤﻠﺔﺍﻟﺒﺎﺭﺕ26
ﺑﻘﻠﻤﻲ # ﻧﻮﺭ ﺍﻟﺸﻤﺮﻱ
# ﺗﻌﺎﻟﻴﻠﻲ ﻭ ﺑﻌﻼﺓ ﺍﻟﺼﻮﺕ ﺻﻴﺤﻴﻠﻲ ،
ﺍﺟﻴﭻ ﺍﺭﻛﺾ ﺭﻛﺾ ﻓﻼﺡ
ﺷﺒﺖ ﻧﺎﺭ ﻳﻢ ﮔﺎﻋﻪ .
ﺍﻧﺼﺎﻑ : ﺑﺎﻭﻋﺖ ﻉ ﻳﺎﻣﻦ ﻭﺍﻛﻒ ﻳﺒﺎﻭﻉ ﺍﻟﺘﻠﻔﻮﻧﻪ ﻗﺒﻞ ﻻ ﺗﺤﺠﻲ ﺍﻟﻤﺮﻩ ﺩﻙ ﺗﻠﻔﻮﻧﻪ
- ﺩﻗﻴﻘﻪ ﻭﺣﺪﻩ ﻭﺍﺟﻲ
ﻣﺸﻪ ﺧﻄﻮﺗﻴﻦ ﻭﺻﺎﺭ ﺷﻮﻳﻪ ﺑﻌﻴﺪ ﺭﺟﻌﺖ ﻛﻢ ﺧﻄﻮﻩ ﻟﻮﺭﻩ ﺍﺣﺎﻭﻝ ﺍﺳﻤﻌﻪ ﻭﻳﺎﻣﻦ ﻳﺤﺠﻲ ﺳﻤﻌﺘﻪ ﻳﺤﺠﻲ ﺑﺼﻮﺕ ﻧﺎﺻﻲ ﺑﺲ ﻋﺼﺒﻲ
- ﺩﺍﻛﻠﻚ ﺗﻌﺎﺍﺍﻝ ﺍﻟﻮﺍﺳﻂ ﻻ ﺗﺨﻠﻴﻨﻲ ﺍﻋﺼﺐ ﺍﻧﺖ ﺷﻨﻮ ﻣﺎﺗﻔﻬﻢ .. ﺍﻱ ﺍﻱ ﺗﻌﺎﻝ ﻋﺪﻱ ﻭﻳﺎﻙ ﻛﻢ ﺷﻐﻠﻪ ﻻﺯﻡ ﺗﻌﺮﻓﻬﺎ ﻭﺗﺴﻤﻌﻬﺎ .. ﺍﻱ ﺍﻧﺘﻀﺮﻙ ﺑﺴﺮﻋﻪ ﺍﺧﺬ ﺍﺟﺎﺯﻩ ﺍﺟﻞ ﺷﻐﻠﻚ ﻳﻮﻡ ﻭﺍﺣﺪ ﻭﺗﻌﺎﻝ
ﺳﻜﺖ ﻭﺳﺪﻩ ﺭﺟﻌﺖ ﻭﻛﻔﺖ ﻋﺪﻝ ﻭﻳﺎﻣﻦ ﻳﺤﺠﻲ ﻣﻌﻘﻮﻟﻪ ﻭﻳﻪ ﻧﺼﺮ ﻭﻛﻠﺸﻲ ﺭﺍﺡ ﻳﺜﺒﺖ ﺑﺮﺍﺋﺘﻲ ﻭﺍﻟﻠﻪ ﺭﺍﺡ ﻳﻄﻠﻊ ﻛﻠﺸﻲ
ﺭﺟﻊ ﻳﺎﻣﻦ ﺟﺮ ﻛﺮﺳﻲ ﻭﻛﻌﺪ ﻭﻛﺎﻝ ﺍﻱ ﺍﺣﺠﻲ ﺍﺳﻤﻌﺞ
- ﺷﻨﻮ ﺍﺣﺠﻲ
- ﺑﻄﻠﻲ ﻟﻒ ﻭﺩﻭﺭﺍﻥ ﻭﺍﺣﺠﻲ ﻓﻀﻴﻬﺎ ﺍﺷﺮ ﻋﻠﻴﻪ ﻭﻫﻮ ﻳﺒﺎﻭﻋﻠﻬﺎ ﻫﺎﻱ ﻫﻢ ﺍﺟﺘﺞ ﻭﻃﻠﺒﺖ ﻣﻨﺞ ﺳﺤﺮ ﺍﺳﻮﻳﻦ ﺍﻟﺮﺟﻠﻬﺎ
ﺍﺑﺘﺴﻤﺖ ﻭﺩﻧﻜﺖ ﺷﻜﺪ ﻗﺎﺳﻲ ﻫﺬﺍ ﺍﻟﺸﻌﻮﺭ
ﺿﺤﻜﺖ ﻭﻛﺎﻟﺖ
- ﺷﻨﻮ ﻫﺎﻱ ﻫﻬﻬﻪ ﻣﻨﻴﻦ ﺟﺒﺘﻮﻫﺎ ﻻ ﻋﻴﻨﻲ ﻻ ﺍﺻﻼ ﻫﺎﻱ ﺍﻭﻝ ﻣﺮﻩ ﺍﺷﻮﻓﻬﺎ ﺑﺲ ﺷﺎﻳﻔﺘﻬﺎ ﺑﺼﻮﺭ ﻫﻮﺍﻱ
- ﺍﺣﺠﻲ ﻻ ﺍﺿﻠﻴﻦ ﺳﺎﻛﺘﻪ ﺷﻨﻮ ﺳﻮﻳﺘﻲ ﻭﺷﻨﻮ ﻃﻠﺒﻦ ﻣﻨﺞ ﺑﻠﺤﺮﻑ ﺍﻟﻮﺍﺣﺪ
- ﻣﺎﺷﻲ ﺍﺣﺠﻲ ﺑﺲ ﻫﺸﻲ ﻳﻀﻞ ﺑﻴﻨﺎ
- ﺗﺪﺭﻳﻦ ﺍﻧﺘﻲ ﻫﺴﻪ ﺍﺫﺍ ﻣﺎ ﺣﺠﻴﺘﻲ ﺭﺍﺡ ﺍﺳﻮﻱ ﺷﻐﻠﻪ ﻭﻫﻲ ﺍﺧﺎﺑﺮ ﺍﻟﺸﺮﻃﻪ ﺗﺘﺼﺮﻑ ﻭﺑﻌﺪ ﺑﻜﻴﻔﺞ
ﺑﺎﻭﻋﺖ ﻋﻠﻴﻪ ﻭﺍﻧﻲ ﻣﺼﺪﻭﻣﻪ ﻫﺬﺍ ﺷﻴﺴﻮﻱ ﺷﻨﻮ ﻳﺨﺎﺑﺮ ﺷﺮﻃﻪ ﻳﺮﻳﺪ ﻳﻔﻀﺤﻨﻲ ﻛﺪﺍﻡ ﺍﻟﻤﻨﻄﻘﻪ ﺭﺩﺕ ﺍﺣﺠﻲ ﺑﺲ ﺩﻙ ﺗﻠﻔﻮﻥ ﻳﺎﻣﻦ
ﺷﺎﻟﻪ ﻭﻫﻮ ﻋﺼﺒﻲ ﺻﺎﺡ
- ﻫﺎﻱ ﺷﺒﻴﻴﻴﻚ ﺩﺍﻛﻠﻚ ﺗﻌﺎﻟﻞ ﺗﻔﻬﻢ ﻟﻮ ﻻﺍ
ﺻﺪﻙ ﺗﺤﺠﻲ ﺍﻧﺖ ﺷﻮﺩﺍﻙ ﻟﺴﻠﻴﻤﺎﻧﻴﻪ ﻟﻜﻜﻜﻚ ﺍﺥ ﺭﺑﻲ ﺭﻭﻭﺡ ﺭﻭﺡ ﻧﺼﺮ ﺍﻧﻲ ﻏﺒﻲ ﺍﺑﻦ 16 ﻏﺒﻲ ﺍﺧﺎﺑﺮﻙ ﺩﺭﻭﻭﻭﻭﺡ
ﺳﺪﻩ ﻭﺍﺟﻪ ﻛﻌﺪ ﻋﺼﺒﻲ ﺻﺮﺍﺣﻪ ﺍﻭﻝ ﻣﺮﻩ ﺍﺷﻮﻑ ﻳﺎﻣﻦ ﻫﻴﺞ ﻭﻫﻮ ﺩﻭﻡ ﻳﻀﺤﻚ ﻭﺷﻘﺎﻭﺟﻲ ﺣﺘﻪ ﻧﺼﺮ ﻳﻜﻮﻝ ﺑﻨﺺ ﺍﻟﺠﺪ ﻭﺍﻟﺘﺤﻘﻴﻖ ﻫﻮ ﻳﺤﺸﺶ ﻭﻳﻀﺤﻚ ﺑﺲ ﺍﻟﻴﻮﻡ ﺍﺳﺘﻐﺮﺑﺖ ﻣﻦ ﺷﻔﺘﻪ ﻋﺼﺒﻲ ﻫﻴﺞ
ﺻﺎﺡ ﻣﻮ ﻭﻳﺎﺝ ﺍﻧﻴﻲ ﺍﺣﺠﻲ ﻓﻀﻴﻬﺎﺍﺍﺍ ﺳﻜﺘﺖ ﻫﻲ ﻭﻣﺒﻴﻦ ﺧﺎﻓﺖ ﺟﻮﺭﻱ ﻣﺠﺘﻔﻪ ﺍﺩﻳﻬﺎ ﻭﺗﺒﺎﻭﻉ ﺻﻔﺢ ﻣﺎ ﻋﺎﺟﺒﻬﺎ ﻣﺎﺣﺲ ﻏﻴﺮ ﺑﻴﺎﻣﻦ ﻛﺴﺮ ﺗﻠﻔﻮﻧﻪ ﻭﺷﻤﺮﻩ ﺑﻠﺤﺎﻳﻂ ﻭﻫﻮ ﻳﺼﻴﺢ ﺍﺣﺠﻴﻴﻴﻲ ﻭﻟﺞ ﻓﻀﻴﻬﺎﺍ ﺍﺣﺠﻴﻴﻴﻴﻲ
ﻧﺰﻳﻨﺎ ﻛﻠﻨﺎ ﻭﺍﻧﻲ ﺭﺟﻌﺖ ﻟﻮﺭﻩ ﻣﻦ ﺧﻮﻓﻲ ﺻﺮﺍﺣﻪ ﻃﻠﻊ ﻳﺨﻮﻑ ﻣﺜﻞ ﻧﺼﺮ ﺍﺫﺍ ﻋﺼﺐ ﺩﻣﺎﺭﺍﺕ ﻭﺟﻬﻪ ﻛﻠﻬﻪ ﻃﻠﻌﺖ ﻭﺷﻜﻠﻪ ﻛﻠﺶ ﻋﺼﺒﻲ ﻛﻌﺪﺕ ﻫﻲ ﻭﺣﺠﺖ ﺧﺎﻳﻔﻪ ﺗﺮﺟﻒ
- ﺋﺊ ﻣﺮﻩ ﺍﺟﺘﻨﻲ ﻭﺣﺪﻩ ﻫﻲ ﻭﺑﺘﻬﺎ ﻭﻋﺮﻓﺘﻬﺎ ﺍﻡ ﻋﻤﺎﺭ ﻭﺭﺍﻧﻴﺎ ﺟﺎﻧﻦ ﻳﺮﺟﻔﻦ ﻭﺧﺎﻳﻔﺎﺕ ﻫﺪﺋﺘﻬﻦ ﻭﺍﻃﻴﺘﻬﻦ ﻣﻲ ﺿﻠﻦ ﺳﺎﻛﺘﺎﺕ ﻓﻮﻙ ﺍﻟﺮﺑﻊ ﺳﺎﻋﻪ ﺑﻌﺪﻫﺎ ﺣﺠﺖ ﺑﺘﻬﺎ ﺭﺍﻧﻴﺎ ﻭﻫﻲ ﺗﻜﻮﻝ
- ﺍﺭﻳﺪ ﻣﻨﺞ ﺍﺳﻮﻳﻦ ﻋﻤﻞ ﻳﺨﻠﻲ ﺣﻤﺎﻱ ﻳﻘﺒﻞ ﻳﺰﻭﺝ ﺍﺧﺘﻲ
ﺭﻓﻀﺖ ﻻﻥ ﻫﺬﺍ ﺍﻟﺸﻲ ﻣﻮ ﺳﻬﻞ ﻭﻫﻲ ﻣﺎﺗﺮﻳﺪ ﻏﻴﺮ ﺑﺲ ﻳﻘﺒﻞ ﻳﺰﻭﺝ ﺷﻠﻮﻥ ﺍﺳﻮﻱ ﻫﻴﺞ ﺣﺎﻭﻟﺖ ﻭﻳﺎﻱ ﻭﻗﺒﻠﺖ ﺑﻌﺪ ﻣﺎﺍﻃﺘﻨﻲ ﻓﻠﻮﺱ ﻫﻮﺍﻱ ﺳﻮﻳﺘﻠﻬﺎ ﻭﺍﺣﺪ
ﻭﺟﺎﻥ ﻓﻘﻂ ﻋﻠﻤﻮﺩ ﻳﻮﺍﻓﻖ ﻳﺰﻭﺝ ﺍﺧﺘﻬﺎ ﻭﺭﻩ ﻓﺘﺮﻩ ﺧﺎﺑﺮﺗﻨﻲ ﻭﻫﻲ ﺗﻜﻮﻟﻲ ﺍﺭﻳﺪ ﻭﺍﺣﺪ ﺍﻻﺧﺘﻲ ﻋﻠﻤﻮﺩ ﺗﻘﺒﻞ ﺗﺰﻭﺝ ﺭﻓﻀﺖ ﻻﻥ ﻫﺬﺍ ﺍﻟﺸﻲ ﺭﺍﺡ ﻳﺎﺫﻳﻬﻢ ﺍﺛﻨﻴﻨﻬﻢ ﺑﺲ ﻫﻲ ﻋﺎﻧﺪﺕ ﺟﻨﺖ ﺍﺳﻮﻱ ﺑﻲ ﻭﺧﺎﺑﺮﺗﻨﻲ ﻛﺎﻟﺖ ﻣﺎﻳﺤﺘﺎﺝ ﻻﻥ ﻗﻨﻌﺘﻬﺎ
ﻭﺭﻩ ﻓﺘﺮﺍ ﺍﺷﻬﺮ ﺍﺟﺘﻨﻲ ﻭﻛﺎﻟﺖ ﺍﺭﻳﺪ ﻣﻨﺞ ﺍﺳﻮﻱ ﻋﻤﻞ ﻣﺎﺭﻳﺪﻩ ﻳﺴﻤﻊ ﻛﻼﻡ ﺍﻱ ﺍﺣﺪ ﻭﻳﻜﻮﻡ ﻳﺪﻳﺮ ﺑﺎﻟﻪ ﻉ ﺑﻨﺎﺗﻲ ﺑﺲ ﻣﺎﺭﻳﺪ ﻫﺸﻲ ﻳﺒﻴﻦ ﻭﻫﻢ ﻧﻔﺬﺕ ﻣﻦ ﺷﻔﺖ ﺍﻟﻔﻠﻮﺱ ﻭﺭﺍﻫﺎ ﺍﺟﺖ ﻛﺎﻟﺖ ﺍﺭﻳﺪ ﻋﻤﻞ ﻗﻮﻱ ﻳﺨﻠﻲ ﻣﺎﻳﺴﻤﻊ ﻛﻼﻡ ﻣﺮﺗﻪ ﻭﻻ ﻳﺼﺪﻛﻬﺎ ﺑﺲ ﻣﺎﺭﻳﺪﻩ ﻳﻄﻠﻜﻬﺎ
ﻫﺸﻲ ﺟﺎﻧﻦ ﺻﻌﺒﺎﺕ ﻻﻥ ﻣﺎﻛﻮ ﻫﻴﺞ ﻃﻠﺒﺎﺕ ﺑﺲ ﻋﻠﻤﻮﺩ ﺍﻟﻔﻠﻮﺱ ﺳﻮﻳﺖ ﻛﻠﺸﻲ ﻭﺍﺳﺘﺨﺪﻣﺖ ﻛﻞ ﺍﻧﻮﺍﻉ ﺍﻟﻤﻮﺟﻮﺩﻩ ﻋﺪﻱ ﻭﻧﻔﺬﺕ ﻃﻠﺒﻬﺎ
ﺑﺲ ﻭﺭﻩ ﻓﺘﺮﺍ ﺍﺟﺖ ﺗﺒﺠﻲ ﻉ ﺍﻥ ﺭﺟﻠﻬﺎ ﻋﺎﻓﻬﺎ ﻭﺗﺨﺎﻑ ﻻ ﻳﻨﻜﺸﻒ ﻛﻠﺸﻲ ﻭﺍﻟﻲ ﺳﻮﻳﻨﺎﻟﻪ ﺍﻟﻌﻤﻞ ﺧﺎﻑ ﻳﻜﺪﺭ ﻳﺘﺨﻠﺺ ﻣﻨﻪ
ﻛﺘﻠﻬﺎ ﻻ ﺗﺨﺎﻓﻴﻦ ﺭﺟﻠﺞ ﻋﻮﻓﻲ ﻋﻠﻴﻪ ﺑﺲ ﻫﺬﺍ ﻣﺎﻛﺪﺭ ﺍﺳﻔﻪ ﻻﻥ ﺍﺫﺍ ﺟﺎﺯﻓﺖ ﻭﺳﻮﻳﺘﻠﻪ ﻋﻤﻞ ﻟﺦ ﻳﻤﻮﺕ ﻭﻳﺮﻭﺡ ﻭﺍﻧﺖ ﻣﺎﺗﺮﺩﻱ ﻳﻤﻮﺕ
ﺻﺪﻙ ﻫﻲ ﺍﻧﺴﺤﺒﺖ ﻭﺣﺘﻪ ﺍﻟﺰﻭﺟﻬﺎ ﻣﺎ ﺳﻮﺕ ﺑﻌﺪ ﻭﻛﺎﻣﺖ ﻣﺎﺗﺠﻲ ﻭﻣﻦ ﺍﺧﺎﺑﺮﻫﺎ ﻉ ﻓﻠﻮﺳﻲ ﻻﻥ ﺍﻃﻠﺒﻬﺎ ﺟﺎﻧﺖ ﺍﺗﻜﻮﻝ ﺍﻱ ﻭﺍﻱ ﻭﻣﺎﻛﻮ ﻣﺎﺩﺯ ﻟﺤﺪ ﻣﺎ ﻫﺪﺗﺘﻬﺎ ﺍﻓﻀﺤﻬﺎ ﻭﻫﺬﺍ ﺍﻟﺸﻲ ﻗﺒﻞ ﻻ ﺗﻤﻮﺕ ﺍﻣﻬﺎ ﺍﺟﺖ ﻭ ﺟﺎﺑﺘﻠﻲ ﺫﻫﺒﻬﺎ
ﻫﺬﺍ ﻛﻞ ﺷﻲ ﺍﻋﺮﻓﻪ
ﺧﻠﺼﺖ ﺍﻟﻤﺮﻩ ﺣﺠﻲ ﻭﻣﺎﻧﺤﺲ ﻏﻴﺮ ﺟﺮﺕ ﺳﺠﻴﻪ ﺟﺎﻧﺖ ﻉ ﺍﻟﻤﻴﺰ ﺍﻟﻲ ﺑﺼﻔﻬﺎ ﻭﺣﻄﺘﻬﺎ ﻉ ﺭﻛﺒﺘﻬﺎ ﻃﻔﺮ ﻳﺎﻣﻦ ﻭﻫﻲ ﺿﺤﻜﺖ ﻭﻛﺎﻟﺖ
- ﻋﺒﺎﻟﻚ ﻣﺎﺩﺭﻱ ﺑﻴﻚ ﺍﻧﺖ ﺗﺮﻳﺪ ﺗﺴﺠﻨﻲ ﺑﺲ ﺍﻣﻮﺕ ﻭﺍﺭﻭﺡ ﻟﺠﻬﻨﻢ ﻭﻣﺎﺧﻠﻴﻚ ﺗﺴﺠﻨﻴﻴﻲ ﻓﺎﺍﺍﻫﻢ
ﻛﻤﺸﺖ ﺟﻮﺭﻱ ﻭﺍﻧﻲ ﺍﺭﺟﻒ ﺧﺎﻳﻔﻪ ﻭﺍﺣﺲ ﺍﻟﺼﺨﻮﻧﻪ ﺍﺩﻙ ﺑﻌﻀﺎﻣﻲ ﻭﻛﻮﻩ ﻭﺍﻛﻔﻪ ﻉ ﺭﺟﻠﻴﻪ ﻛﺎﻡ ﻳﺎﻣﻦ ﻳﺤﺠﻲ ﻭﻳﺎﻫﺎ ﻭﻳﺘﻘﺪﻡ ﻟﺤﺪ ﻣﺎ
ﻃﻔﺮ ﻋﻠﻴﻬﺎ ﺍﻧﺘﺒﻬﺖ ﻋﻠﻴﻪ ﺍﻧﺸﺨﻄﺖ ﺍﻳﺪﻩ ﺑﺲ ﻧﺎ ﻭﻛﻒ ﺟﺮ ﺍﻳﺪﻫﺎ ﺍﻟﻲ ﺑﻴﻬﺎ ﺳﺠﻴﻨﻪ ﻭﻛﻤﺸﻬﺎ ﻭﺧﻼﻫﺎ ﻭﺭﻩ ﺿﻬﺮﻫﺎ ﻭﺻﺎﺡ ﺧﺎﺑﺮﻥ ﺍﻟﺸﺮﻃﻪ ﺑﺴﺮﺭﺭﻋﻪ
ﺟﻮﺭﻱ : ﻣﺎﻋﺮﻑ ﺍﻟﺮﻗﻢ ﻭﺗﻠﻔﻮﻧﻚ ﻛﺴﺮﺗﻪ ﺷﻠﻮﻥ ﺍﺧﺎﺑﺮ
- ﻣﻮ ﻭﻛﺖ ﺛﻮﻝ ﺟﻮﺭﻳﻲ ﻃﻠﻌﻲ ﺗﻠﻔﻮﻧﺞ ﻭﺩﻛﻲ ﻉ ﻫﺬﺍ ﺍﻟﺮﻗﻢ ﻭﻓﺘﺤﻲ ﺍﻟﺴﺒﻴﻜﺎﺭ ﺟﺎﻧﺖ ﺗﺘﻠﻮﻩ ﻭﻫﻮ ﻛﺎﻣﺸﻬﺎ ﻭﺟﻮﺭﻱ ﺍﺩﻙ ﻭﻫﻮ ﻳﺮﺩ ﺍﻟﻬﺎ ﺍﻟﺮﻗﻢ ﻭﺍﻧﻲ ﺟﺴﻤﻲ ﻛﻠﻪ ﻳﺮﺟﻒ ﻣﻌﻘﻮﻟﻪ ﺍﻟﻲ ﺍﻳﺼﻴﺮ ﻣﺎ ﻛﺎﻋﺪ ﺍﺳﺘﻮﻋﺐ ﺍﻱ ﺷﻲ
ﺍﺣﺲ ﺭﻭﺣﻲ ﺑﺤﻠﻢ ﻣﻮ ﺣﻘﻴﻘﻪ ﺍﺣﺲ ﺭﻭﺣﻲ ﺑﻔﻠﻢ ﺍﺟﻨﺒﻲ ﻫﻬﻪ ﻣﻮ ﻛﺎﻧﻤﺎ ﺣﻴﺎﺗﻲ ﻫﺎﻱ ﺣﺴﻴﺖ ﻉ ﺟﻮﺭﻱ ﻣﻦ ﺩﻛﺖ ﻭﻓﺘﺤﺖ ﺳﺒﻴﻜﺮ ﻭﻫﻲ ﻛﺎﻣﺸﻪ ﺍﻟﺘﻠﻔﻮﻥ ﻭﻣﺎﺩﺗﻪ ﺍﻟﻴﺎﻣﻦ ﻭﻳﺎﻣﻦ ﻛﺎﻣﺶ ﺍﺩﻳﻬﺎ ﺍﻟﻬﺎﻱ
ﺍﻟﻲ ﺍﺳﻤﻬﺎ ﻧﺮﺟﺲ ﻭﻫﻲ ﺗﺘﻠﻮﻩ ﻭﻳﺎﻩ ﺣﺘﻪ ﻳﻬﺪ ﺍﺩﻳﻬﺎ ﻭﻫﻮ ﻛﺎﻣﺸﻬﺎ ﺣﻴﻞ ﺣﺠﻪ ﻭﻳﺎﻫﻢ ﻭﺩﻻﻫﻢ ﻉ ﺍﻟﻤﻜﺎﻥ ﻭﺳﺪﻩ ﺑﻘﻴﻨﺎ ﻫﻴﺞ ﻓﻮﻙ ﺍﻟﺮﺑﻊ ﺳﺎﻋﻪ ﻭﻛﻠﺴﺎﻉ ﺿﺎﺭﺑﻪ ﻳﺎﻣﻦ ﻭﺗﺮﻳﺪ ﺗﺸﺮﺩ ﻭﻳﺮﺟﻊ ﻳﺎﻣﻦ ﻳﻜﻤﺸﻬﺎ ﺟﺎﻥ ﺍﻟﺒﺒﺖ ﻓﺎﺭﻍ ﻭﻣﺎﺑﻲ ﺍﻱ ﺍﺣﺪ
ﺑﻌﺪ ﻣﺎ ﻣﺮﺕ ﻓﻮﻙ ﺍﻟﺮﺑﻊ ﺳﺎﻋﻪ ﺍﻧﺪﻛﺖ ﺍﻟﺒﺎﺏ ﺑﺎﻭﻋﺖ ﻉ ﺟﻮﺭﻱ ﻭﻫﻲ ﺑﺎﻭﻋﺖ ﻉ ﻳﺎﻣﻦ ﻛﻮﻡ ﻧﺮﺟﺲ ﻭﻛﺎﻡ ﻫﻮ ﻫﻢ ﻭﻫﺎﻱ ﺑﺲ ﺗﺮﻳﺪ ﺗﻬﺪ ﺍﺩﻳﻬﺎ ﻓﺘﺢ ﺍﻟﺒﺎﺏ
ﻭﻃﺒﻮ 3 ﻻﺑﺴﻴﻦ ﻋﺴﻜﺮﻱ ﺍﺧﺪﻭﻫﺎ ﻣﻦ ﻳﺎﻣﻦ ﻭﻛﻠﺒﺸﻮ ﺍﺩﻳﻬﺎ ﻭﻫﻲ ﺍﺻﻴﺢ ﻭﺗﺤﺠﻲ ﻭﺗﻀﺮﺏ ﻭﻳﺎﻣﻦ ﻳﻨﻜﺚ ﺑﺪﻳﻪ ﻭﻳﺼﻔﻚ ﺑﻴﻬﻦ ﺍﻳﺪ ﺑﺎﻳﺪ ﻭﻳﻀﺤﻚ
ﺍﺧﺪﻭﻫﺎ ﻟﻠﺴﻴﺎﺭﻩ ﻭﺑﻘﻮ ﻳﺤﺠﻮﻥ ﻭﻳﻪ ﻳﺎﻣﻦ
ﻭﻳﺎﻣﻦ ﻃﻠﻊ ﻓﺪ ﺷﻲ ﻣﻦ ﺟﻴﺒﻪ ﻭﺍﻃﺎﻫﻤﻴﺎﻩ ﻭﻛﺎﻝ ﻳﻼ
ﺭﻛﺒﻨﺎ ﺑﺴﻴﺎﺭﻩ ﻭﺍﻧﻲ ﻟﺤﺪ ﻻﻥ ﺑﺤﺎﻟﺔ ﺻﺪﻣﻪ ﻭﻣﺎﺍﺳﺘﻮﻋﺐ ﺍﻱ ﺷﻲ ﻣﻦ ﺍﻟﻲ ﺻﺎﺭ ﻗﺒﻞ ﺷﻮﻳﻪ ﺷﺎﻝ ﺍﻳﺪﻩ ﻳﺎﻣﻦ ﻭﺳﻮﻩ ﺣﺮﻛﻪ ﻳﻤﺴﺢ ﺑﻜﺼﺘﻪ ﻭﻛﺎﻝ ﺍﻭﻑ ﻭﺍﺧﻴﺮﺍ ﺧﻠﺼﻨﻬﺎ ﻣﻨﻬﺎ ﻧﺮﺟﻮﺳﻪ ﺧﺎﻧﻢ
ﺍﻱ ﺳﺖ ﺟﻮﺭﻱ ﺻﺎﺭ ﻭﻛﺘﺞ ﻧﺤﻘﻖ ﻭﻳﺎﺝ ﺷﻠﻮﻥ ﻋﺮﻓﺘﻲ ﻣﻜﺎﻧﻬﺎ
- ﺍﻋﺘﻘﺪ ﻫﺸﻲ ﺭﺍﺟﻊ ﺍﻟﻲ ﺍﺳﺘﺎﺫ ﻳﺎﻣﻦ ﻳﺎﺭﻳﺖ ﺗﻮﺻﻞ ﺻﺪﻳﻘﺘﻲ ﻭﺗﻮﺻﻠﻲ ﻟﻠﺒﻴﺖ ﻭﻳﺎﺭﻳﺖ ﺗﻮﺻﻞ ﻫﺬﺍ ﺍﻟﻜﻼﻡ ﺍﻟﺼﺎﺣﺒﻚ
- ﻫﻬﻬﻪ ﺻﺎﺣﺒﻲ ﺍﺗﺼﻠﺖ ﺑﻲ ﻭﺭﺩﺕ ﻳﺴﻤﻊ ﺍﻟﺤﻘﻴﻘﻪ ﺑﺲ ﻫﻮ ﻏﺒﻲ ﺷﺴﻮﻳﻠﻪ ﻃﺎﻟﻊ ﺍﻟﺴﻠﻴﻤﺎﻧﻴﻪ ﻭﻣﺎ ﻣﻌﺮﻭﻑ ﺷﻮﻛﺖ ﻳﺮﺟﻊ
- ﺑﺎﻭﻋﺘﻠﻪ ﻭﻫﻤﺴﺖ ﺷﻠﻮﻭﻭﻥ ﻭﺍﺑﺮﺍﻫﻴﻢ ﻫﻨﺎ ﻣﻮ
- ﻻ ﻣﺎﺧﺬﻩ ﻭﻳﺎﻩ ﻫﻮ ﻭﻣﺮﺗﻪ ﻭﻃﺎﻟﻌﻴﻦ ﻋﺪﻩ ﺩﻭﺭﻩ ﻫﻨﺎﻙ ﻭﻣﺎﺧﺪﻫﻢ ﻭﻳﺎﻩ ﻻﻥ ﺍﻃﻮﻝ ﻛﺘﻠﻪ ﺍﺟﻠﻬﺎ ﻭﺍﺧﺬ ﺍﺟﺎﺯﻩ ﻭﺗﻌﺎﻝ ﻫﻲ ﻳﻮﻡ ﺑﺲ ﻣﺎﻗﺒﻞ
ﻭﻣﻜﺪﺭ ﺍﻛﻮﻟﻪ ﻉ ﺗﻠﻔﻮﻥ ﺑﺲ ﺍﻭﺻﻞ ﺑﻐﺪﺍﺩ ﺍﻟﻜﻪ ﺣﻞ
ﺍﺑﺘﺴﻤﺖ ﻭﻫﺰﻳﺖ ﺭﺍﺳﻲ ﻣﺎﻳﻬﻤﻨﻲ ﺑﺲ ﺍﺑﺮﺍﻫﻴﻢ ﺷﻠﻮﻥ ﺑﻲ ﺍﺑﺮﺍﻫﻴﻢ ﺣﺒﻴﺒﻲ ﻻ ﻳﺎﻟﻠﻪ ﻛﻠﺸﻲ ﻭﻻ ﺍﺑﺮﺍﻫﻴﻢ ﻣﺎﺍﻛﺪﺭ ﺑﺪﻭﻧﻪ ﻭﺍﻟﻠﻪ ﺑﺠﻴﺖ ﻭﺟﻮﺭﻱ ﺗﻬﺪﻱ ﺑﻴﻪ ﻭﺍﻧﻲ ﺍﺑﺠﻲ
ﻭﺻﻠﻨﺎ ﻟﻠﺒﻴﺖ ﻭﺟﻮﺭﻱ ﻧﺰﻟﺖ ﻭﻳﺎﻱ ﻭﺭﺍﺣﺖ ﺑﻘﺖ ﺍﺗﻬﺪﻱ ﺑﻴﻪ ﻭﺍﻧﻲ ﺣﺎﺿﻨﺘﻬﺎ ﻭﺍﺑﺠﻲ ﻣﺎﻋﺮﻑ ﻋﻠﻴﻤﻦ ﺍﺑﺠﻲ ﺍﺑﺠﻲ ﻉ ﺣﻈﻲ ﺍﻟﻤﺼﺨﻢ ﻟﻮ ﺍﺑﺠﻲ ﻉ ﺍﺑﻨﻲ ﺍﻟﻲ ﺍﻧﺤﺮﻣﺖ ﻣﻦ ﻋﺪﻩ ﻭﻫﻮ ﻋﻤﺮﻩ 8 ﺍﺷﻬﺮ ﻭﻣﻦ ﺻﺎﺭ ﻋﻴﺪ ﻣﻴﻼﺩﻩ ﺍﻻﻭﻝ
ﻭﻻﺯﻡ ﺍﻧﻲ ﺍﻭﻝ ﺍﻟﺤﺎﺿﺮﻳﻦ ﺑﻬﺬﺍ ﺍﻟﺤﻔﻞ ﻣﻜﺪﺭﺕ ﺍﺣﻀﺮﻩ ﺍﺑﺠﻲ ﻉ ﺍﺑﻨﻲ ﺍﻟﻲ ﺍﺷﻮﻓﻪ ﻛﻞ ﺍﺳﺒﻮﻉ ﻣﺮﻩ ﻭﺣﺪﻩ ﻭﺑﻠﺨﺘﻼﺕ ﺧﺎﻑ ﻳﺸﻮﻓﻨﺎ ﻧﺼﺮ ﻭﻳﺤﺮﻣﻨﻲ ﻣﻦ ﻋﺪﻩ ﺍﺑﺠﻲ ﻉ ﺍﺑﻨﻲ ﺍﻟﻲ ﺭﺍﺡ ﺍﻧﺤﺮﻡ ﻣﻦ ﻋﺪﻩ ﻭﻣﺎﻋﺮﻑ ﺍﺧﺒﺎﺭﻩ ﻭﻻ ﺭﺍﺡ ﺍﺷﻮﻓﻪ ﺑﻌﺪ
ﻟﻮ ﺍﺑﺠﻲ ﻉ ﺍﻫﻠﻲ ﻭﻋﺎﺋﻠﺘﻲ ﺍﻟﻲ ﺭﺍﺣﺖ ﺑﻠﻤﺢ ﺍﻟﺒﺼﺮ ﻭﺑﺴﻨﺘﻴﻦ ﻓﻘﺪﺕ ﻫﻮﺍﻱ ﺑﺎﺑﺎ ﻭﺑﻌﺪﻫﺎ ﺍﻛﺘﺸﻔﺖ ﺣﻘﻴﻘﺔ ﺭﺍﻧﻴﺎ ﻭﺍﻣﻲ ﻭﺑﻌﺪﻫﺎ ﺧﺴﺮﺕ ﻧﺼﺮ ﻭﺑﻌﺪﻫﺎ ﺍﺑﻨﻲ ﻭﻭﻫﺴﻪ ﺭﺍﺣﻦ ﻭﺍﺧﺬﻥ ﺟﺰﺍﺗﻬﻦ ﺑﺲ ﻋﺎﻓﻨﻲ ﺍﺻﺎﺭﻉ
ﻛﻼﻣﻬﻢ ﻭﺣﺪﻱ ﻭﻣﺎ ﺗﻌﺒﻦ ﻧﻔﺴﻦ ﻳﻌﺘﺮﻓﻦ ﻗﺒﻞ ﻻ ﻳﺮﺣﻦ ﻣﺎﺗﻦ ﻭﺍﺧﺪﻥ ﻛﻠﺸﻲ ﻭﻳﺎﻫﻦ ﻭﺍﻟﻴﻮﻡ ﻣﻦ ﺟﻨﺖ ﻳﻢ ﺍﻛﺜﺮ ﻭﺣﺪﻩ ﻫﺪﻣﺖ ﺣﻴﺎﺗﻲ ﻳﻤﻜﻦ ﺟﺎﻥ ﺍﻟﻬﺎ ﺍﻟﻔﻀﻞ ﺑﺠﻤﻌﻲ ﻭﻳﻪ ﻧﺼﺮ ﺑﺲ ﺑﻌﺪﻫﺎ ﻫﺪﻣﺖ ﺣﻴﺎﺗﻲ
ﻫﻬﻪ ﻭﺗﻌﺘﺮﻑ ﺑﻜﻞ ﺷﻲ ﺑﻜﻞ ﻓﺨﺮ ﻭﻛﺎﻧﻤﺎ ﻣﺎﻛﻮ ﺷﻲ ﺻﺎﻳﺮ ﻟﻮ ﺍﺑﺠﻲ ﻉ ﺍﺧﻮﻱ ﺍﻟﻲ ﺍﺗﻮﺭﻁ ﻭﺷﺎﻳﻞ ﻫﻤﻮﻡ ﺍﻟﺪﻧﻴﺎ ﻉ ﺿﻬﺮﻩ ﻣﻦ ﺟﻬﻪ ﺣﺐ ﺣﻴﺎﺗﻪ ﻭﻣﻦ ﺟﻬﻪ ﺍﻟﻨﺎﺱ ﻭﺧﻄﻴﺒﺘﻪ ﻭﻣﻦ ﺟﻬﻪ ﻣﻮﺕ ﺍﻫﻠﻲ ﻭﺍﺣﺪ ﻭﺭﻩ ﺍﻟﺜﺎﻧﻲ
ﻟﻮ ﻋﻠﻴﻤﻦ ﺍﺑﺠﻲ ﻉ ﻧﻔﺴﻲ ﺍﻟﻲ ﺿﻴﻌﺖ ﺳﻨﻴﻦ ﺷﺒﺎﺑﻲ ﻭﻣﺮﺍﻫﻘﺘﻲ ﻭﺍﺟﻤﻞ ﺳﻨﻴﻦ ﻋﻤﺮﻱ ﺑﻬﻤﻮﻡ ﻭﻭﺟﻊ ﻭﺣﺰﻥ ﻭﻣﺎﺷﻔﺖ ﺍﻟﺮﺍﺣﻪ ﺍﺑﺪ
ﻟﻮ ﻟﻮ ﺍﺑﺠﻲ ﻉ ﺍﻟﺸﺨﺺ ﺍﻟﻲ ﺣﺒﻴﺘﻪ ﻭﺩﺧﻞ ﻛﻠﺒﻲ ﻭﺻﺎﺭ ﻫﻮ ﻛﻞ ﺍﻣﻠﻲ ﻭﺍﻣﺎﻧﻲ ﻭﺻﺎﺭ ﺍﺑﻮﻱ ﻭﺍﻣﻲ ﻭﺍﺧﻮﻱ ﻭﻓﺠﺌﻪ ﻳﺘﺮﻛﻨﻲ ﺑﻨﺺ ﺍﻟﻄﺮﻳﻖ ﻭﺣﺪﻱ ﻭﻳﻜﻤﻞ ﻃﺮﻳﻘﻪ
ﻭﻳﻌﻮﻓﻨﻲ ﺍﺻﺎﺭﻉ ﺑﻮﺣﺪﻱ ﻭﻣﺎ ﻳﻠﺘﻔﺖ ﻭﻻ ﻳﺘﻌﺐ ﻧﻔﺴﻪ ﻳﺴﺌﻠﻨﻲ ﻭﻟﻮ ﺳﺆﺍﻝ ﻭﺍﺣﺪ ﻟﻮ ﺍﺑﺠﻲ ﻋﻠﻴﻪ ﻭﻫﻮ ﺧﻼﻧﻲ ﻻ ﺑﺴﻤﺎ ﻭﻻ ﺑﻠﻜﺎﻉ ﺧﻼﻧﻲ ﺍﺳﻴﺮﻩ ﺗﺤﺖ ﺭﺣﻤﺘﻪ ﻭﻓﻮﻙ ﻛﻞ ﻫﺬﺍ
ﺭﺍﺡ ﺍﺯﻭﺝ ﻭﻋﺎﻓﻨﻲ ﻟﻴﺸﺶ ﻫﻴﺞ ﻟﻴﺶ ﺷﻨﻮ ﺍﻟﻲ ﻣﺎﻗﺪﻣﺘﻪ ﺍﻟﻪ ﺷﻨﻮ ﺍﻟﻲ ﺳﻮﻳﺘﻪ ﻭﺍﺗﻌﺎﻗﺐ ﻫﻴﺞ ﻻﻥ ﺣﺒﻴﺘﻚ ﻟﻮ ﻻﻥ ﻭﻓﻴﺖ ﻭﻳﺎﻙ ﻟﻮ ﺷﻨﻮ ﻭﻫﺴﻪ ﻳﺮﻳﺪ ﻳﺤﺮﻣﻨﻲ ﻣﻦ ﺍﺑﻨﻲ
ﺍﺧﺬﻩ ﻭﺳﺎﻓﺮ ﻫﻮ ﻭﻣﺮﺗﻪ ﻭﻋﺎﻓﻨﻲ ﺍﺻﺎﺭﻉ ﻛﻞ ﻫﺬﺍ ﻭﺣﺪﻱ ﺍﻣﺘﺤﺎﻥ ﺻﻌﺐ ﺭﺑﻲ ﺻﻌﺐ ﺑﻘﻴﺖ ﺍﺑﺠﻲ ﺑﺤﻈﻦ ﺟﻮﺭﻱ ﻭﻫﻲ ﺗﻬﺪﻱ ﺑﻴﻪ ﺩﺧﻞ ﻋﻤﺎﺭ ﻭﺣﺴﻴﺘﻪ ﺍﺳﺘﻐﺮﺏ
ﺍﺟﻪ ﻋﻠﻴﻪ ﺑﺴﺮﻋﻪ ﺣﻈﻨﻲ ﻭﻫﻮ ﻳﺴﺌﻠﻨﻲ ﺷﺒﻴﻪ ﺍﻧﺘﺒﻬﺖ ﻉ ﺟﻮﺭﻱ ﺗﺒﺎﻭﻋﻠﻪ ﺑﻌﻴﻮﻥ ﺗﻠﻤﻊ ﻭﻛﺎﻣﺖ ﺗﺨﺎﺑﺮ ﺍﺧﻮﻫﺎ ﻫﻤﺴﺖ ﻭﺍﻧﻲ ﺍﻧﺎﻡ ﻉ ﺭﺟﻠﻴﻪ
ﺍﻛﺘﺸﻒ ﻛﻞ ﺷﻲ ﻛﺪﺍﻡ ﻳﺎﻣﻦ ﻋﻤﺎﺭ ﻳﺎﻣﻦ ﺻﺎﺭ ﻳﻌﺮﻑ ﻛﻞ ﺷﻲ
- ﺷﻠﻮﻥ ﻋﺮﻑ ﻛﻌﺪﻧﻲ ﻛﺪﺍﻣﻪ ﻭﻫﻮ ﻳﻤﺴﺢ ﺩﻣﻮﻋﻲ ﻭﻳﻬﺪﻱ ﺑﻴﻪ ﻛﻌﺪﺕ ﻋﺪﻝ ﻭﺳﻮﻟﻔﺘﻠﻪ ﻛﻠﺸﻲ ﻭﻫﻮ ﻓﺎﺗﺢ ﻋﻴﻮﻧﻪ ﻫﺰ ﺭﺍﺳﻲ ﻭﻫﻮ ﻳﻬﻤﺲ
- ﺳﻬﻠﻪ ﻣﺎﺩﺍﻡ ﺑﺴﺠﻦ ﻫﺴﻪ ﻫﻲ ﺳﻬﻠﻪ ﻭﻟﻜﻞ ﺣﺎﺩﺙ ﺣﺪﻳﺚ
ﻃﺒﺖ ﺟﻮﺭﻱ ﻭﻫﻲ ﺗﺒﺎﻭﻉ ﻭﺗﻨﺼﻲ ﻭﻛﻒ ﻋﻤﺎﺭ ﻭﻫﻮ ﻳﻬﻤﺲ
- ﻣﺸﻜﻮﺭ ﺧﻴﺘﻲ ﺟﻮﺭﻱ ﻣﺎ ﻗﺼﺮﺗﻲ ﻭﻛﻔﺘﻲ ﻭﻛﻔﺖ ﺍﻻﺧﺖ ﻭﻳﻪ ﺍﻧﺼﺎﻑ
- ﻻ ﻋﺎﺩﻱ ﻫﺬﺍ ﻭﺍﺝ
ﺑﻌﺪﻫﺎ ﻣﻤﻜﻤﻠﻪ ﻛﻼﻣﻬﺎ ﻋﺎﻓﻬﺎ ﻭﻃﻠﻊ ﻭﻛﻔﺖ ﺍﺧﺬﺗﻬﺎ ﺑﺤﻈﻨﻲ ﻭﺍﻧﻲ ﺍﻫﺪﻱ ﺑﻴﻬﺎ ﻛﺎﻓﻲ ﺣﺒﻴﺒﺘﻲ ﺍﻧﺴﻲ ﺍﺩﺭﻱ ﺑﻴﺞ ﺗﺤﺒﻲ ﻭﺍﺩﺭﻱ ﺑﻴﺞ ﻣﺘﻜﺪﺭﻳﻦ ﺗﻮﺍﻓﻘﻴﻦ ﻋﻠﻴﻪ ﻻﻥ ﺁﻧﺎ ﺻﺪﻳﻘﺘﺞ
ﺍﻧﺴﻲ ﺟﻮﺭﻳﻪ ﺣﺒﻴﺒﺘﻲ
ﻫﺰﺕ ﺭﺍﺳﻬﺎ ﻭﻫﻲ ﺗﻜﻌﺪ ﻃﺐ ﻋﻤﺎﺭ ﻭﺭﺍﻩ ﺣﺴﻦ ﻭﻳﺎﻣﻦ ﻋﺪﻟﺖ ﺣﺠﺎﺑﻲ ﻭﻫﻢ ﻃﺒﻮ ﻳﺎﻣﻦ ﻛﻌﺪ ﻭﻛﺎﻝ
- ﺍﻧﺼﺎﻑ ﻣﺴﺎﻋﻪ ﺑﺴﻴﺎﺭﻩ ﻣﻜﺪﺭﺕ ﺍﻋﺘﺬﺭ ﻣﻨﺞ ﻭﻫﺴﻪ ﺍﻧﻲ ﺍﻋﺘﺬﺭ ﻣﻨﺞ ﻻﻥ ﺍﺳﺌﺖ ﺍﻟﻔﻬﻢ ﺑﻴﺞ ﻭﺍﻧﺘﻲ ﺧﻴﺘﻲ ﻭﺍﻟﻠﻪ ﻭﻟﻮ ﺍﻋﺮﻑ ﺍﺧﺴﺮ ﻛﻠﺸﻲ ﺭﺍﺡ ﺍﺛﺒﺖ ﺑﺮﺍﺋﺘﺞ ﻛﺪﺍﻡ ﻧﺼﺮ ﻭﺧﺎﻟﺘﻲ ﺍﻡ ﻧﺼﺮ
ﻋﻤﺎﺭ : ﻣﺸﻜﻮﺭ ﻳﺎﻣﻦ ﻣﺎ ﺗﻘﺼﺮ ﺑﺲ ﻣﺎﻧﺮﻳﺪ ﻣﻨﻪ ﺷﻲ ﻏﻴﺮ ﺑﺲ ﻳﺮﺟﻌﻠﻬﺎ ﺍﺑﻨﻬﺎ
- ﺳﻬﻠﻪ ﺳﻬﻠﻪ ﻫﺴﻪ ﻫﻮ ﻣﻮ ﺑﺒﻐﺪﺍﺩ ﻭﻋﺪﻩ ﺩﻭﺭﻩ ﺑﺲ ﻳﺮﺟﻊ ﻳﺼﻴﺮ ﺍﻟﺤﺠﻲ ﻏﻴﺮ
ﻛﻌﺪﻭ ﻋﻤﺎﺭ ﻭﻳﺎﻣﻦ ﻭﻋﻤﺎﺭ ﺳﻮﻟﻔﻠﻪ ﻛﻠﺸﻲ ﻟﻴﺎﻣﻦ ﺍﻋﺮﻑ ﺻﻌﺒﻪ ﻋﻠﻴﻪ ﻣﻦ ﻳﻜﻌﺪ ﻳﺴﻮﻟﻒ ﻉ ﺍﺧﺘﻪ ﻭﺍﻣﻪ ﻫﻴﺞ ﺳﻮﻥ ﺑﺲ ﺍﻋﺮﻓﻪ ﺳﻮﻩ ﻫﻴﺞ ﺣﺘﻪ ﺗﺜﺒﺖ ﺑﺮﺍﺋﺘﻲ ﻛﺪﺍﻡ ﺍﻟﻜﻞ ﺳﻮﻟﻔﻠﻪ ﺷﻠﻮﻥ ﺭﺣﺖ ﺍﻧﻲ ﻭﻛﻮﺛﺮ ﻭﺷﻠﻮﻥ ﻣﺨﻠﻴﺖ ﺍﻣﺎﻡ ﻣﺎﺩﻋﻴﺖ ﻭﺍﺧﺬﺗﻪ ﻟﺴﺎﺩﻩ
ﺭﺍﺣﻮ ﻭﺍﻧﻲ ﻣﺪﺗﺖ ﻭﺣﻈﻨﺖ ﺭﺟﻠﻴﻪ ﻣﺸﺘﺎﻗﻪ ﺍﻻﺑﺮﺍﻫﻴﻢ ﻫﻮﺍﺍﺍﺍﺍﺍﺍﺍﻱ ﻣﺸﺘﺎﻗﺘﻠﻪ ﻭﺍﺭﻳﺪﻩ ﻳﺎﻟﻠﻪ ﺍﺭﻳﺪ ﺍﺑﻨﻲ ﻣﺎﺗﺤﻤﻞ ﺑﻌﺪﻩ ﻭﺍﻟﻠﻪ
ﻏﻔﻴﺖ ﻭﺍﻧﻲ ﺍﻟﺪﻣﻌﻪ ﺑﻌﻴﻨﻲ
ﺟﻮﺭﻱ : ﻣﻦ ﺷﻔﺖ ﻋﻴﻮﻧﻪ ﺍﻟﻌﻤﺎﺭ ﻭﺻﺎﺭﻥ ﺑﻌﻴﻮﻧﻲ ﺣﺴﻴﺖ ﺭﻭﺣﻲ ﺷﻜﺪ ﻏﺒﻴﻪ ﺧﺴﺮﺕ ﻛﻞ ﻫﺬﺍ ﺍﻟﺤﺐ ﺍﻟﻲ ﺑﻌﻴﻮﻥ ﻋﻤﺎﺭ ﻟﻴﺶ ﻫﻴﺞ ﻟﻴﺶ ﻣﺎﺷﻔﺖ ﻫﺎﻱ ﺍﻟﻨﻀﺎﺭﺍﺕ ﺑﻌﻴﻮﻥ ﺍﺣﺪ ﺍﺑﺪ ﻭﻫﻮ ﻳﺒﺎﻭﻋﻠﻲ ﺑﺲ ﺑﻌﻴﻮﻥ ﻋﻤﺎﺭ ﺑﻴﻬﻦ ﻟﻤﻌﻪ ﻏﻴﺮ ﺷﻜﻞ
ﺑﻴﻬﻦ ﻛﻼﻡ ﻳﻌﺒﺮﻥ ﻋﻦ ﻛﻞ ﺍﻟﻲ ﺑﺪﺍﺧﻠﻪ ﻛﻞ ﻫﺬﺍ ﻛﺎﻓﻲ ﻭﻋﺮﻓﺖ ﻛﻠﺸﻲ ﻳﺪﻭﺭ ﺑﺒﺎﻟﻪ ﺍﺧﺬﺕ ﺍﻧﺼﺎﻑ ﺭﺍﻧﻴﺎ ﻭﻋﻤﺎﺭ ﻳﺤﺠﻲ ﻭﻳﻪ ﺣﺴﻦ ﻭﺍﻧﻲ ﺻﺎﻓﻨﻪ ﻉ ﺍﻟﻤﻜﺎﻥ ﺍﻟﻲ ﺍﺟﻴﻨﺎ ﻣﻨﺎ ﻣﻌﻘﻮﻟﻪ
ﺑﻬﺬﺍﻙ ﺍﻟﻤﻜﺎﻥ ﺍﺗﻬﺪﻣﺖ ﺣﻴﺎﺓ ﺍﻧﺼﺎﻑ ﻳﻌﻨﻲ ﻫﺴﻪ ﺍﻟﻤﺮﻩ ﺍﻟﻲ ﺑﻌﺪﻧﻲ ﺩﺍﻓﻜﺮ ﺑﺪﺍﺧﻠﻲ ﻭﺳﻤﻌﺖ ﺻﺮﺧﺖ ﺍﻧﺼﺎﻑ ﻭﻫﻲ ﺍﺻﻴﺢ ﺭﺍﻧﻴﺎ ﺍﻧﺘﺒﻬﻪ ﻋﻠﻴﻬﺎ ﺗﺮﻛﺾ ﺑﺘﺠﺎﻫﻪ ﺍﻟﺸﺎﺭﻉ ﻭﻋﻤﺎﺭ ﻭﺣﺴﻦ ﻭﺭﺍﻫﺎﺍﺍ
ﺑﺲ ﻣﺎﻟﺤﻜﻮ ﻋﻠﻴﻪ ﻛﻤﺸﺖ ﺍﻧﺼﺎﻑ ﺍﻫﺪﻱ ﺑﻴﻬﺎ ﻭﻣﺎﻧﺤﺲ ﻏﻴﺮ ﺑﺸﺨﻄﺖ ﺳﻴﺎﺭﻩ ﻭﺻﻮﺕ ﻋﻤﺎﺭ ﺍﻟﻲ ﻛﻄﻊ ﺍﻟﻜﻠﺐ ﺍﺗﻜﻄﻊ ﻋﺎﻓﺘﻨﻲ ﻭﺭﻛﻀﺖ ﺍﻧﺼﺎﻑ ﻭﺍﻧﻲ ﻭﺭﺍﻫﺎ ﻭﺍﻟﻨﺎﺱ ﻃﻠﻌﺖ ﺗﺮﻛﺾ
ﻣﻦ ﻭﺻﻠﺖ ﻭﺷﻔﺖ ﺍﻟﻤﻨﻀﺮ ﺍﻟﻲ ﺑﻌﻤﺮﻱ
ﻣﺎ ﺭﺍﺡ ﺍﻧﺴﺎﻩ ﻭﻻ ﺍﺗﺨﻴﻠﺖ ﺭﺍﺡ ﺍﺷﻮﻑ ﻫﻴﺞ ﻣﻨﻀﺮ ﻛﺪﺍﻣﻲ ﺭﺍﻧﻴﺎ ﻣﺎﺗﺖ ﺑﺎﺑﺸﻊ ﺍﻟﻄﺮﻕ ﺻﺢ ﻫﻲ ﻣﺠﺮﺩ ﺩﻋﻤﻪ ﺑﺲ ﺟﺎﻥ ﺟﺮﺡ ﺭﺍﺳﻬﺎ ﻋﻤﻴﻖ ﻭﻣﻠﻴﺎﻥ ﺍﻟﺸﺎﺭﻉ ﺑﺪﻣﻬﺎﺍ ﻭﺍﻟﻲ ﻋﺮﻓﻨﺎ ﺑﻌﺪﻳﻦ ﻣﻦ ﺍﻟﻜﺎﻣﺮﺍﺕ ﻣﺸﻤﻮﺭﻩ ﻭﻭﺍﻛﻌﻪ ﻉ ﺭﺍﺳﻬﺎ
ﺣﺴﻴﺖ ﻉ ﻛﻠﻤﺎﺕ ﻋﻤﺎﺭ ﻭﻫﻮ ﺣﺎﺿﻦ ﺭﺍﻧﻴﺎ ﻭﻳﺒﺠﻲ ﻭﺍﻧﺘﺒﻬﺖ ﻉ ﺍﻧﺼﺎﻑ ﻭﻛﻌﺖ ﺭﻛﻀﺖ ﻋﻠﻴﻬﺎ ﻭﺣﺴﻦ ﺍﺧﺬﻧﺎ ﻭﻃﻠﻌﻨﺎ ﻟﻠﻤﺴﺸﻔﻰ ﻭﺭﺍﻧﻴﺎ ﺑﺴﻴﺎﺭﺓ ﺍﻻﺳﻌﺎﻑ ﻛﻞ ﻫﺬﺍ ﻭﺍﻧﻲ ﻣﺎ ﻣﺴﺘﻮﻋﺒﻪ ﻣﻌﻘﻮﻟﻪ ﺭﺍﻧﻴﺎ ﻫﻴﺞ ﺻﺎﺭ ﺑﻴﻬﺎ
ﺳﺒﺤﺎﻧﻚ ﻳﺎﻟﻠﻪ ﺷﻜﺪ ﺿﻠﻤﺖ ﺍﺧﺘﻬﺎ ﻭﺍﻧﺖ ﺟﺎﺯﻳﺘﻬﺎ ﻭﺧﻠﻴﺘﻬﺎ ﺍﺿﻮﻙ ﻣﺮﺍﺭﺓ ﺍﻟﻀﺮﻩ ﻭﺍﻟﺮﻓﺾ ﻣﻦ ﺭﻓﻀﻬﺎ ﻣﺜﻨﻰ ﻭﺍﺯﻭﺝ ﻋﻠﻴﻬﺎ ﻭﺑﻌﺪﻫﺎ ﻋﻦ ﺑﻨﺎﺗﻬﺎ ﻭﺧﻼﻫﺎ ﻭﺣﻴﺪﻩ ﻭﺍﺧﺮ ﺷﻲ ﺍﺧﺬ ﻋﻘﻠﻬﺎﺍ ﻣﻨﻬﺎ ﻭﺧﻼﻫﺎ ﻣﺠﺮﺩ ﻃﻔﻠﻪ ﺿﺎﻳﻌﻪ
ﻭﺑﻬﺪﻫﺎ ﻣﻮﺗﻬﺎ ﺳﺒﺤﺎﻧﻚ ﺭﺑﻲ ﻃﻮﻝ ﺍﻟﻔﺎﺗﺤﻪ ﺟﻨﺖ ﺍﻧﻲ ﺍﻟﻤﺴﺆﻟﻪ ﻋﻨﻬﺎ ﻭﻣﺎﺧﻠﻴﺖ ﺍﻧﺼﺎﻑ ﺗﺘﺤﺮﻙ ﻣﻦ ﻣﻜﺎﻧﻬﺎ ﻭﻻ ﺗﻜﻮﻡ ﺟﻨﺖ ﺧﺎﻳﻔﻪ ﻣﻦ ﺧﻄﻮﺗﻲ ﺍﻟﻲ ﺍﺧﺬﺗﻬﺎ ﺑﺨﻄﻮﺑﺔ ﻳﺎﻣﻦ ﻭﻣﻮﺍﻓﻘﺘﻲ ﻋﻠﻴﻪ ﺑﺲ ﻣﻦ ﺷﻔﺖ ﻋﻤﺎﺭ
ﺑﻠﻔﺎﺗﺤﻪ ﻭﻣﻦ ﺣﻈﻦ ﺁﻧﺎ ﺍﺗﺎﻛﺪﺕ ﺍﻧﻲ ﺍﺧﺬﺕ ﺍﻟﻘﺮﺍﺭ ﺍﻟﺼﺤﻴﺢ ﻻﻥ ﺍﻋﺮﻑ ﺁﻧﺎ ﺭﺍﺡ ﺗﻜﺴﺐ ﻛﻠﺐ ﻋﻤﺎﺭ ﻭﺗﻨﺴﻲ ﺟﻮﺭﻱ ﺩﻋﻴﺖ ﻣﻦ ﻛﻞ ﻛﻠﺒﻲ ﻳﻨﺴﺎﻧﻲ ﻭﺍﻧﻲ ﻫﻢ ﺍﻧﺴﺎﻩ ﻻﻥ ﻣﺎﻛﺪﺭ ﺍﻋﻴﺶ ﻫﻴﺞ
ﺻﺢ ﺍﺗﺎﺫﻳﺖ ﻭﺍﻧﻲ ﺍﺷﻮﻓﻪ ﻳﺤﻀﻨﻬﺎ ﺑﺲ ﻓﺮﺣﺖ ﻻﻥ ﻣﺎﻝ ﺍﻟﻬﺎ ﺛﺎﻧﻲ ﻳﻮﻡ ﻓﺎﺗﺤﺔ ﺭﺍﻧﻴﺎ ﺍﺟﺖ ﻛﻮﺛﺮ ﻭﺳﻨﺪ ﻭ ﻭ ﺍﻟﺼﺪﻣﻪ ﻣﺜﻨﻰ ﻭﻧﺼﺮ ﻫﻢ ﻣﺮﺩﺕ ﺍﻧﺼﺎﻑ ﺗﻌﺮﻑ ﺑﻴﻬﻢ ﻫﻨﺎ
ﺗﻮﺳﻠﺖ ﺑﻜﻮﺛﺮ ﻣﺎ ﺗﻜﻮﻟﻠﻬﺎ ﻻﻥ ﺍﻋﺮﻓﻬﺎ ﺍﻧﺼﺎﻑ ﺍﺫﺍ ﺷﺎﻓﺘﻪ ﺭﺍﺡ ﺗﺪﻫﻮﺭ ﺍﻛﺜﺮ ﻭﺍﺳﻮﺀﺣﺎﻟﺘﻬﺎ ﺍﻛﺜﺮ ﻭﻫﻲ ﻣﻨﺎ ﻣﺎﺗﻌﺠﺒﻨﻲ ﺣﻴﻞ ﺿﻌﻔﺎﻧﻪ ﻭﺻﻔﺮﻩ ﺻﺎﻳﺮﻩ ﺷﻜﺪ ﺣﺠﻴﻨﺎ ﻋﻠﻴﻬﺎ ﺍﻧﻲ ﻭﺍﻣﻲ
ﺑﺲ ﻫﻲ ﻭﻻ ﻛﺎﻧﻤﺎ ﺗﺴﻤﻊ ﺍﻟﻜﻼﻡ ﻃﻠﻌﺖ ﺍﺷﻮﻑ ﺣﺴﻦ ﻭﻳﻦ ﺷﻔﺖ ﻳﺎﻣﻦ ﻭﻧﺼﺮ ﻭﺍﻛﻔﻴﻦ ﺷﻜﺪ ﺍﻛﺮﻫﻪ ﺍﻟﻨﺼﺮ ﻻﻥ ﻭﺍﺣﺪ ﺍﻧﺎﻧﻲ ﻣﻔﺘﺨﺮ ﺑﺼﻠﻌﺘﻪ ﺍﺑﻮ ﺻﻠﻌﻪ
ﻃﻮﻝ ﻣﺎ ﻫﻢ ﻫﻨﺎ ﻣﺎﺧﻠﻴﺖ ﺍﻧﺼﺎﻑ ﺗﻄﻠﻊ ﻭﺣﺬﺭﺕ
ﺍﻟﻜﻞ ﻣﺎ ﻳﺠﻴﺐ ﻃﺎﺭﻳﻬﻢ ﻫﻨﺎ ﺍﻣﻲ ﻛﻮﺛﺮ ﺁﻧﺎ ﺣﺴﻦ ﻭﻳﺎﻣﻦ ﻭﺣﺘﻪ ﻋﻤﺎﺭ ﺧﻠﻴﺖ ﺣﺴﻦ ﻳﺤﺎﺟﻲ ﻣﺮﺕ ﺍﻳﺎﻡ ﺍﻟﻔﺎﺗﺤﻪ ﻉ ﺍﻟﺴﺮﻳﻊ ﻭﺍﻧﻲ ﺍﺷﻮﻑ ﺍﺧﺘﻲ ﻭﺻﺪﻳﻘﺘﻲ ﻭﺣﺎﻟﺘﻬﺎ
ﺟﻨﺖ ﺍﺗﻬﺮﺏ ﻣﻦ ﻋﻤﺎﺭ ﻭﻣﻦ ﺫﺍﻙ ﺍﻟﻴﻮﻡ ﻣﻦ ﺣﺎﺩﺛﺔ ﺭﺍﻧﻴﺎ ﻣﻦ ﺣﻄﻴﺖ ﻋﻴﻮﻧﻲ ﺑﻌﻴﻮﻧﻪ ﻭﻣﻦ ﻳﻮﻣﻬﺎ ﻭﺍﻧﻲ ﻣﺎﺣﻄﻴﺖ ﻋﻴﻮﻧﻲ ﺑﻌﻴﻮﻧﻪ ﺑﻌﺪ ﻭﻻ ﺍﺟﺮﺋﺖ ﺍﺑﻘﻪ ﻭﻳﺎﻩ ﺑﻨﻔﺲ ﺍﻟﻤﻜﺎﻥ ﺍﻭﻻ
ﺍﻧﻲ ﻫﺴﻪ ﻉ ﺫﻣﺔ ﺭﺟﺎﻝ ﻭﻣﺎﻛﺪﺭ ﺍﺧﻮﻥ ﺭﺑﻲ ﻣﻮ ﻟﺴﻮﺍﺩ ﻋﻴﻮﻧﻪ ﻟﻴﺎﻣﻦ ﻻ ﻣﺎﺭﻳﺪ ﺍﺧﻮﻥ ﺭﺏ ﺍﻟﻌﺎﻟﻤﻴﻦ ﻭﺍﺣﺘﺮﺍﻣﻦ ﺍﻟﻪ ﻭﺛﺎﻧﻴﻪ ﻣﺎﺭﻳﺪ ﺍﺿﻌﻒ ﻛﺪﺍﻣﻪ ﻭﺧﻠﻴﻨﻲ ﺍﻧﺴﺎﻩ ﺍﺣﺴﻦ ﺍﻟﻪ ﺧﻠﻲ ﺳﻌﻴﺪ ﻭﻳﻪ ﺁﻧﺎ
ﺍﺗﺎﺟﻞ ﻋﺮﺳﻲ ﺑﻌﺪ 3 ﺍﺷﻬﺮ ﻭﻫﻴﺞ ﺍﻧﻲ ﺍﺭﺗﺎﺣﻴﺖ ﻋﺪﻱ ﻭﻗﺖ ﻫﻮﺍﻱ ﺣﺘﻪ ﺍﻃﻠﻊ ﺣﺠﺞ ﻉ ﻳﺎﻣﻦ ﻭﺍﻓﺴﺨﻬﺎ ﻻﻥ ﻣﺎﻛﺪﺭ ﺍﺗﺤﻤﻞ ﻛﺎﻡ ﻳﺠﻲ ﻭﻳﺠﺒﺮﻧﻲ ﺍﻃﻠﻊ ﻭﻳﺎﻩ ﻭﺍﻧﻲ ﺍﺭﻓﺾ ﺑﺲ ﺍﻣﻲ
ﺗﻘﻨﻌﻨﻲ ﺷﻠﻮﻥ ﺗﺘﻘﺮﺑﻴﻦ ﻣﻨﻪ ﻭﺗﻌﺮﻓﻲ ﺍﺫﺍ ﺍﻧﺘﻲ ﻣﻜﺎﺑﻠﺘﻨﻲ ﻃﻠﻌﻲ ﺷﻮﻓﻲ ﺍﻃﺒﺎﻋﻪ ﺷﻴﺤﺐ ﺷﻴﻜﺮﻩ ﺷﻠﻮﻥ ﻳﺘﺼﺮﻑ ﻭﺍﻱ ﻏﻠﻂ ﻛﻮﻟﻴﻠﻲ ﻋﻠﻴﻪ ﻭﺻﺪﻙ ﻛﻤﺖ ﺍﻃﻠﻊ ﻭﻳﺎﻩ ﺑﺲ ﺍﺿﺮﺑﻬﺎ ﻉ ﺍﻟﺼﺎﻣﺖ
ﻣﺮﻩ ﺍﺧﺬﻧﻲ ﺍﺷﺘﺮﺍﻟﻠﻲ ﺛﻮﺏ ﻻﻥ ﺍﻧﺮﻳﺪ ﻧﻄﻠﻊ ﻟﻤﻄﻌﻢ ﻭﻛﺎﻝ ﻋﺎﺟﺒﻨﻲ ﺍﺗﻠﺒﺴﻴﻦ ﻉ ﺫﻭﻗﻲ ﻋﺸﺘﻮﻭﻭ
ﺩﺧﻠﺖ ﺍﻻﺑﻮ ﺍﻟﻤﺤﻞ ﻭﺻﺮﺕ ﺍﻛﻠﺐ ﺑﺜﻮﺍﺏ ﻭﻫﻮ ﻳﻜﻠﺐ ﺑﻐﻴﺮ ﺟﻬﻪ ﺍﺟﻪ ﺻﺎﺣﺐ ﺍﻟﻤﺤﻞ ﻳﺒﺘﺴﻢ ﺑﻮﺟﻬﻬﻲ ﻭﻛﺎﻝ
- ﺍﺗﻔﻀﻠﻲ ﻣﺤﺘﺎﺟﻪ ﺷﻲ
- ﺍﻱ ﺍﺭﻳﺪ ﻗﻴﺎﺱ 38 ﻟﻬﺬﺍ ﺍﻟﺜﻮﺏ
- ﻣﺎﺷﻲ ﺣﺴﻴﺖ ﺑﺎﺣﺪ ﺟﺮ ﺍﻟﺜﻮﺏ ﻣﻨﻲ ﺑﺎﻭﻋﺖ ﻳﺎﻣﻦ ﺍﺑﺘﺴﻢ ﻭﻫﻮ ﻳﺨﺰﺭ ﺻﺎﺣﺐ ﺍﻟﻤﺤﻞ ﺍﺑﺘﺴﺎﻣﻪ ﻣﻊ ﺧﺰﺭﻩ ﺷﻠﻮﻥ ﺻﺎﻳﺮﻩ ﻣﺎﻋﺮﻑ ﻭﻫﻤﺲ ﻭﻫﻮ ﺻﺎﻙ ﻉ ﺳﻨﻮﻧﻪ
- ﻻ ﻣﻨﺮﻳﺪ ﻫﺬﺍ ﺍﻧﻲ ﺍﺧﺘﺎﺭ ﺟﺒﻴﺒﺘﻲ ﺗﻌﺎﻱ
ﺟﺮﻧﻲ ﻣﻦ ﺍﻳﺪﻱ ﻭﻣﺸﻪ ﻉ ﺍﻟﺠﻬﻪ ﺍﻟﺜﺎﻧﻴﻪ ﺟﺮﻳﺘﻪ ﻣﻨﻪ ﻭﻫﻤﺴﺖ ﺷﺒﻴﻚ ﺗﺨﺒﻠﺖ
- ﺷﻜﻮ ﻭﺍﻛﻔﻪ ﻭﻳﺎﻩ ﻫﺎﺍﺍ
- ﻳﺎﺍﺍﺍﺍﻣﻦ ﺗﺮﺍ ﻣﻮ ﺍﻟﻜﻞ ﻣﺜﻠﻚ ﻣﺎﺷﻲ ﻋﺰﻳﺰﻱ
ﻋﻔﺘﻪ ﻭﺭﺩﺕ ﺍﻣﺸﻲ ﻛﻤﺸﻨﻲ ﻣﻦ ﻣﻌﺼﻢ ﺍﻳﺪﻱ ﻭﺟﺮﻧﻲ ﺣﻴﻞ ﻋﻠﻴﻪ ﺍﺑﺘﺴﻢ ﻭﻛﺎﻝ
- ﺷﻨﻮ ﻗﺼﺪﺝ ﻫﺎﺍ ﺍﺫﻛﺮﺕ ﻗﺼﺪﺝ ﻉ ﺍﻳﺎﻡ ﻗﺒﻞ ﻣﻮ
ﺣﺠﺎﻫﺎ ﻭﻋﺾ ﺷﻔﺘﻪ ﻭﺍﺗﻘﺮﺏ ﻣﻦ ﻳﻤﻲ ﻳﻬﻤﺲ
- ﻭﻋﻴﻮﻧﺞ ﻫﺎﻱ ﺍﻟﺠﻨﻬﻦ ﺩﻋﺒﻠﻪ ﻟﻮ ﻳﻌﻴﺪ ﺍﻟﺰﻣﻦ ﻧﻔﺴﻪ ﺍﺳﻮﻱ ﻫﻴﺞ ﻭﻣﺎﺍﻧﺪﻡ ﺑﻮﻭﻭﻳﻪ ﻉ ﺍﻟﺮﺍﺷﺪﻱ ﺍﻟﻲ ﺑﺴﻴﺎﺭﻩ ﻳﺎﺟﻮﺭﻱ ﺷﻠﻮﻥ ﺑﻘﻴﺖ ﻳﻮﻣﻴﻦ ﻣﺎ ﻧﺎﻳﻢ ﻭﺍﺗﻠﻤﺲ ﺍﻳﺪﻱ ﻉ ﻧﻌﻮﻣﺔ ﺑﺸﺮﺗﺞ
- ﺍﻭﻱ ﻳﺎ ﺭﻭﺣﻲ ﺳﻮﺩﻩ ﻋﻠﻴﻪ ﻏﻴﺮ ﻳﺴﺘﻘﺮ ﺍﺳﺘﺎﺫ ﻋﻨﺘﺮ ﻭﻳﻜﻌﺪ ﺭﺍﺣﻪ
- ﻫﻬﻬﻬﻬﻬﻬﻬﻬﻪ ﻋﻨﺘﺮ ﺷﻨﻮ ﻭﻟﺞ
- ﺍﻭﻭ ﺍﺳﻔﻪ ﺷﺒﻴﻚ ﺍﻗﺼﺪ ﻗﻴﺲ ﻣﺠﻨﻮﻥ ﻟﻴﻠﻰ ﺑﺲ ﺍﻧﺖ ﺻﺮﺕ ﻣﺠﻨﻮﻥ ﺟﻮﺭﻱ ﻋﺸﺘﻮﻭﻭ
ﻋﻔﺘﻪ ﻭﺻﺮﺕ ﺍﻛﻠﺐ ﺑﺜﻮﺍﺑﻪ ﻭﻫﻮ ﻳﻀﺤﻚ ﺍﺧﺮ ﺷﻲ ﺍﺧﺘﺎﺭ ﻫﻮ ﻭﺍﺣﺪ ﻭﺻﺮﺍﺣﻪ ﺍﻧﻲ ﻫﻢ ﻋﺠﺒﻨﻲ ﻭﺟﺎﻥ ﺣﻠﻮ ﻃﻠﻌﻨﺎ ﺟﺎﻥ ﺍﻟﻤﻮﻝ ﺑﻲ ﺩﺭﺝ ﻛﻬﺮﺑﺎﺋﻲ ﻭﻣﺼﻌﺪ ﻣﺎﺭﺿﻴﺖ ﺍﻧﺰﻝ ﺑﺪﺭﺝ
- ﺍﻧﺰﻟﻲ ﻭﻟﺞ ﻓﺸﻠﺘﻴﻨﺎ
- ﻣﺎ ﻭﺍﻟﻠﻪ ﻣﺎﻧﺰﻝ ﻣﺎ
- ﻋﺎﺩﻱ ﺟﺘﻔﻲ ﻣﻮﺟﻮﺩ ﺍﺷﻴﻠﺞ ﻭﻧﻨﺰﻝ ﺷﺘﻜﻮﻟﻴﻦ
ﺣﺠﺎﻫﺎ ﻭﻏﻤﺰﻟﻲ ﺑﺎﻭﻋﺘﻠﻪ ﺑﺨﺰﺭﻩ ﻭﻫﻤﺴﺖ
- ﻟﻮ ﺗﻄﻠﻊ ﻧﺨﻠﻪ ﺑﺮﺍﺳﻚ ﻣﺎﺍﻧﺰﻝ ﻣﻨﺎ ﺑﺎﻳﻌﻪ ﺭﻭﺣﻲ ﺩﺷﻮﻑ ﺷﻠﻮﻥ ﻳﻤﺸﻲ ﻧﺮﺟﻊ ﺑﻠﻤﺼﻌﺪ ﻣﺜﻞ ﻣﺎ ﺻﻌﺪﻧﺎ
- ﻫﺎﺍﺍﺍ ﻟﻮ ﺗﻄﻠﻊ ﻧﺨﻠﻪ ﻣﻮ ﺍﺳﻮﻳﻬﺎ ﺟﻮﺭﻱ
- ﺷﻜﺪ ﺗﻠﺢ ﻛﻠﺖ ﻣﺎﺍﺍ
- ﻣﻨﻮ ﻳﻠﺢ ﻭﻟﺞ ﻫﺎﺍﺍ ﺷﻮ ﺗﻌﺎﺍﻱ ﺟﺮﻧﻲ ﺣﻴﻞ ﻭﻧﺰﻟﻨﻲ ﺑﺪﺭﺝ ﻭﺍﻧﻲ ﺻﺤﺖ ﺑﺲ ﺭﺍﺳﺎ ﺳﻜﺖ ﺍﺣﺲ ﺭﺟﻠﻴﻪ ﺻﺎﺭﻥ ﺑﻴﻬﻦ ﻛﻬﺮﺑﺎﺀ ﻭﻭﻧﻪ ﻛﻮﻩ ﻭﺍﻛﻔﻪ ﻋﻠﻴﻪ ﺟﻠﺒﺖ ﺑﻲ ﻻ ﺍﻭﻛﻊ ﺩﺧﺖ ﻭﻫﻮ ﻳﻀﺤﻚ ﻋﻠﻴﻪ ﻭﺍﻧﻲ ﺍﻟﺪﻣﻌﻪ ﺑﻌﻴﻨﻲ
ﺍﻭﻝ ﻣﺎ ﻭﺻﻠﻨﺎ ﺩﻓﻌﺘﻪ ﻭﻣﺸﻴﺖ ﻭﻫﻮ ﻳﻀﺤﻚ ﻋﻠﻴﻪ ﺍﻭﻝ ﻣﺎ ﻃﻠﻌﺖ ﻭﻃﺒﻴﻨﺎ ﺍﻟﻜﺮﺍﺝ ﺻﺎﺭ ﻋﻤﺎﺭ ﺑﻮﺟﻬﻨﺎ ﻻﻥ ﺍﻟﺸﺮﻛﻪ ﻣﺎﻟﺘﻪ ﻛﺒﺎﻝ ﺍﻟﻤﻮﻝ ﻭﺍﻟﻜﺮﺍﺝ ﻭﺍﺣﺪ
ﺷﻔﺖ ﻳﺎﻣﻦ ﺧﺰﺭﻧﻲ ﺩﻧﻜﺖ ﻭﻫﻤﺴﺖ
- ﺷﻠﻮﻧﻚ ﻋﻤﺎﺭ
- ﻫﻼ ﺟﻮﺭﻱ ﺍﻟﺤﻤﺪﺍﻟﻠﻪ ﺳﻠﻤﻴﻠﻲ ﻉ ﺣﺴﻦ ﻭﺧﻞ ﻳﺨﺎﺑﺮﻧﻲ ﻳﻼ
ﻣﻊ ﺍﻟﺴﻼﻣﻪ
ﺟﺎﻥ ﻳﺤﺠﻲ ﻭﻣﻨﺼﻲ ﺭﺍﺳﻪ ﺳﻠﻢ ﻉ ﻳﺎﻣﻦ ﻭﻣﺸﻪ ﻭﺍﻧﻲ ﺑﺪﻭﻥ ﻣﺎ ﺍﻧﺘﺒﻬﻪ ﻉ ﺭﻭﺣﻲ ﺿﻠﻦ ﻋﻴﻮﻧﻲ ﻋﻠﻴﻪ ﻣﺎﺣﺲ ﻏﻴﺮ ﺑﻮﺍﺣﺪ ﻋﺖ ﺍﻳﺪﻱ
ﻭﺍﺧﺬﻧﻲ ﺣﻴﻞ ﺩﻓﻌﻨﻲ ﺑﺴﻴﺎﺭﻩ ﻭﺭﻛﺐ ﻭﺭﻛﺐ ﻫﻮ ﻭﻋﻴﻮﻧﻪ ﻧﺎﺭ ﺑﺎﻭﻋﻠﻲ ﻭﺻﺎﺡ
- ﺑﻌﺪ ﺑﻌﺪ ﺭﻭﺣﻲ ﺣﻈﻨﻴﻴﻲ ﺑﺖ ﺍﻟﻜﻠﺒﺒﺐ ﺷﻨﻮ ﻃﺮﻃﻮﺭ ﺍﻧﻲ ﺑﺼﻔﺞ ﻧﻌﺎﺍﺍﻝ
- ﺷﺒﻴﻚ ﻻ ﺗﻐﻠﻄﻄﻂ ﻉ ﺑﺎﺑﺎ ﻣﻮ ﻳﻤﻚ ﻭﺑﻌﺪﻳﻦ ﺷﻌﻠﻴﻚ ﺍﻧﺖ ﻫﺎﺍﺍﺍﺍﺍﺍﺍﺍ ﺗﻌﺮﻑ ﻛﻠﺶ ﺯﻳﻦ ﺍﻧﻲ ﻣﺎﺣﺒﻚ ﻭﺍﺣﺐ ﺑﻌﺪﻧﻲ ﻣﻤﻜﻤﻠﻪ ﻛﻠﻤﺘﻲ ﻣﺎﺣﺲ ﻏﻴﺮ ﺑﻮﺷﻬﻪ ﺑﺎﺫﻧﻲ ﻭﺭﺍﺳﻲ ﻉ ﺍﻟﺠﺎﻣﻪ ﺿﺮﺑﻨﻲ ﺭﺍﺷﺪﻱ
ﺍﺣﺲ ﺧﺪﻱ ﻟﺴﻪ ﻳﺤﺮﻛﻨﻲ ﻛﻤﺸﺘﻪ ﺻﺎﻓﻨﻪ ﻭﻫﺎﻱ ﻣﻮ ﺍﻭﻝ ﻣﺮﻩ ﻳﻤﺪ ﺍﻳﺪﻩ ﻋﻠﻴﻪ
ﻫﺰﻳﺖ ﺭﺍﺳﻲ ﻭﻛﻌﺪﺕ ﻋﺪﻝ ﻭﻣﺎ ﺑﺎﻭﻋﺖ ﻋﻠﻴﻪ ﻭﻫﻢ ﻫﻮ ﻣﺸﻪ ﻭﺻﻠﻨﻲ ﻟﻠﺒﻴﺖ ﻭﻛﺎﻝ ﺑﺎﺟﺮ ﺍﻣﺮ ﻋﻠﻴﺞ
ﺫﺑﻨﻲ ﻭﺷﺤﻂ ﺍﻟﺴﻴﺎﺭﻩ ﺣﻴﻞ
ﺣﻘﻴﻴﻴﻴﻴﺮ ﻋﻔﺘﻪ ﻭﻃﺒﻴﺖ ﻟﻠﺒﻴﺖ ﻭﺍﻧﻲ ﻋﺼﺒﻴﻪ ﺷﺸﺎﻳﻒ ﻧﻔﺴﻪ ﻫﺬﺍﺍﺍﺍﺍ ﻣﻨﻮ ﻋﺒﺎﻟﻪ ﻭﺍﻟﻠﻪ ﻳﺎﻟﻠﻪ ﺍﻋﺮﻑ ﻏﻠﻄﺖ ﺑﺲ ﻳﺴﺘﺎﻫﻞ
ﺍﺗﻤﺪﺗﺖ ﺑﻔﺮﺍﺷﻲ ﻭﺍﻧﻲ ﺍﺑﺠﻲ ﺍﻟﻴﻞ ﻛﻠﻪ ﻣﺎ ﻧﻤﺘﻪ ﻟﻴﺶ ﻳﻀﺮﺏ ﻟﻴﺸﺶ ﻳﻐﻠﻂ ﺷﻜﺪ ﺍﻛﺮﻩ ﻫﺬﺍ ﺍﻟﻨﻮﻉ ﻋﺒﺎﻟﻪ ﺍﻟﺮﺟﻮﻟﻪ ﺑﻠﻀﺮﺏ ﻭﺍﻟﻐﻠﻂ
ﻫﺴﺘﻮﻧﻲ ﻧﺎﻳﻤﻪ ﺩﻙ ﺗﻠﻔﻮﻧﻲ ﺷﻔﺘﻪ ﻫﻮ ﻣﺎﺭﺩﻳﺖ ﺭﺟﻊ ﺩﻙ ﺷﻠﺘﻪ ﺑﺲ ﻣﺎ ﺣﺠﻴﺖ ﺷﻲ ﻫﻮ ﺭﺍﺳﺎ ﻛﺎﻝ
- ﺍﻟﻮﻭ ﺍﺣﻨﻪ ﺧﺪﻣﻪ ﻋﻠﻰ ﻣﻮﺩﻙ ﺍﺗﺼﻠﻨﺎ ﺑﻴﻜﻢ ﺣﺘﻪ ﺍﻧﺼﺎﻟﺤﻚ ﻭﻳﻪ ﺣﺒﻴﺒﻚ ﺍﺿﻐﻂ ﺭﻗﻢ ﻭﺍﺣﺪ ﻭﺳﻮﻓﻪ ﻧﺮﺳﻞ ﻟﻚ ﺑﺎﻗﺔﺓ ﻣﻦ ﺍﻟﻮﺭﺩ ﻣﻊ ﺍﻻﻋﺘﺬﺭ ﺍﻭ ﺍﺿﻐﻂ ﺭﻗﻢ ﺍﺛﻨﻴﻦ ﻭﻧﺮﺳﻞ ﻟﻚ ﻗﺒﻠﻪ ﻣﻠﻴﺌﻪ ﺑﻠﺤﺐ ﻣﻊ ﺍﻻﻋﺘﺬﺍﺭ
ﺿﺤﻜﺖ ﻭﺍﻧﻲ ﺑﻨﺺ ﻧﻮﻣﺘﻲ ﻭﻫﻮ ﺭﺩ
- ﺍﺥ ﺑﻮﻳﻪ ﺷﻨﻮ ﻣﻦ ﺿﺤﻜﻪ ﻫﺎﻱ ﻭﻟﺞ ﺷﻤﺴﻮﻳﻪ ﺑﻴﻪ ﻫﺎﺍﺍﺍ ﺧﺎﻑ ﺳﺎﺣﺮﺗﻨﻲ ﻫﺎ ﺍﻋﺘﺮﻓﻲ
ﻳﺤﺠﻲ ﻭﻳﻀﺤﻚ ﻣﺎﻋﺮﻑ ﻟﻴﺶ ﺿﺠﺖ ﻫﻮ ﺻﺎﻟﻪ ﺍﺳﺒﻮﻉ ﻣﻦ ﺍﺣﺠﻲ ﻭﻳﺎﻩ ﻛﻞ ﻛﻠﻤﺘﻴﻦ ﻭﻛﺎﻝ ﺷﻤﺴﻮﻳﻪ ﺑﻴﻪ ﺍﻧﺘﻲ ﺷﻨﻮ ﺳﺎﺣﺮﺗﻨﻲ ﺣﺠﻴﺖ ﻭﻳﺎﻩ ﻣﻦ ﻭﺭﻩ ﺧﺸﻤﻲ ﻭﺳﺪﻳﺘﻪ
ﺛﺎﻧﻲ ﻳﻮﻡ ﻣﻦ ﺭﺍﺩ ﻳﺎﺧﺬﻧﻲ ﻟﻠﻤﻄﻌﻢ ﻛﺎﻝ ﺍﻱ ﺳﺖ ﺟﻮﻳﺮﻳﻪ ﺷﻠﻮﻧﺞ ﻫﻤﺴﺖ ﺯﻳﻨﻪ
ﻭﻛﻒ ﺍﻟﺴﻴﺎﺭﻩ ﻭﺑﺎﻭﻋﻠﻲ ﻣﺎﻋﺮﻑ ﻟﻴﺶ ﺧﻔﺖ ﻣﻨﻪ ﻭﻋﺪﻟﺖ ﻛﻌﺪﺗﻲ ﺑﺎﻭﻋﻠﻲ ﻭﻛﺎﻝ ﺟﻮﺭﻱ ﺍﺭﻳﺪ ﺍﺳﻮﻟﻔﻴﻠﻲ ﻛﻠﺸﻲ ﺻﺎﺭ ﻭﻳﺎﺝ ﻣﻦ ﺍﻧﺨﻄﻔﺘﻲ ﻣﻤﻜﻦ
ﻣﺎﻋﺮﻑ ﻟﻴﺶ ﺍﺣﺲ ﺍﻟﺮﺟﻔﻪ ﺍﺣﺘﻠﺖ ﺟﺴﻤﻲ ﻣﻦ ﻓﻮﻙ ﻟﺠﻮﻩ ﻫﻤﺴﺖ ﻭﺍﻧﻲ ﺻﺎﻛﻪ ﻉ ﺳﻨﻮﻧﻲ ﻻﺍﺍﺍﺍﺍ ﻣﻮ ﻣﻤﻜﻦ ﻻﻥ ﻛﻠﻬﺎ ﻣﻦ ﻭﺭﺍﻙ ﺍﻧﺨﻄﻔﺖ
ﺣﺠﻪ ﺑﺼﻮﺕ ﻧﺎﺻﻲ ﻭﻣﺒﻴﻦ ﺿﺎﻳﺞ
- ﺟﻮﺭﻱ ﺍﺳﻤﻌﻲ
ﻣﺎﺭﻳﺪ ﺍﺳﻤﻊ ﻛﻠﻤﻪ ﻭﺣﺪﺩﺩﺩﻩ ﻓﺎﺍﺍﺍﻫﻢ ﻣﺎﺭﻳﺪﺩ
- ﻣﺎﺷﻲ ﻣﺎﺷﻲ ﺑﺮﺍﺣﺘﺞ
ﺳﻜﺖ ﻭﺍﻧﻲ ﻫﻢ ﺳﻜﺘﺖ ﺑﺲ ﻣﺎ ﻣﺸﻪ ﺑﻘﻪ ﻭﺍﻛﻒ ﺭﺟﻊ ﻛﺎﻝ
- ﺻﺪﻙ ﻋﻮﺩ ﻟﻴﺶ ﻣﻦ ﺍﺷﻮﻓﺞ ﺍﺣﺲ ﻛﻠﺒﻲ ﻳﻄﻠﻊ ﻣﻦ ﻣﻜﺎﻧﻪ ﻭﻛﺎﻧﻤﺎ ﺗﺤﻘﻖ ﺍﻟﻲ ﺷﻲ ﺟﻨﺖ ﺍﻧﺘﻀﺮﻩ ﻣﻦ ﺳﻨﻴﻦ ﻭ ﻫﺴﻪ ﺗﺤﻘﻖ ﻭﻓﺮﺣﺘﻲ ﺑﻬﺬﺍ ﺍﻟﺸﻲ ﺗﻌﺎﺩﻝ ﻓﺮﺣﺘﻲ ﻣﻦ ﺍﺷﻮﻓﺞ
ﺍﺑﺘﺴﻤﺖ ﻭﻣﺎﺟﺎﻭﺑﺘﻪ
ﺭﺟﻊ ﻫﻤﺲ ﻭﻫﻮ ﻳﺒﺎﻭﻋﻠﻲ ﻭﻳﻀﺤﻚ
- ﻭﻟﺞ ﻻ ﺑﺲ ﺍﻧﻌﺪﻳﺘﻲ ﻣﻦ ﺻﺪﻳﻘﺘﺞ ﻭﺳﺤﺮﺗﻴﻨﻲ ﻣﺜﻞ ﻣﺎ ﺳﺤﺮﺕ ﻧﺼﺮ
ﻣﻦ ﻛﺎﻝ ﻫﻴﺞ ﺍﻋﺮﻓﻪ ﺩﺍﻳﺸﺎﻗﻪ ﺑﺲ ﺍﺗﺨﺒﻠﺖ ﻣﺎﻋﺮﻑ ﺷﺒﻴﻪ ﺑﻘﻴﺖ ﺍﺻﻴﺢ ﻭﺧﻠﻴﺘﻪ ﻳﺮﻭﺡ ﻉ ﺑﻴﺖ ﺍﻧﺼﺎﻑ ﻣﺎﻋﺮﻑ ﻟﻴﺶ ﺍﺗﺨﺒﻠﺖ ﻣﻦ ﻛﺎﻝ ﻫﻴﺞ
ﺧﻞ ﺍﺧﺬﻩ ﺍﻟﻬﺬﻩ ﺍﻟﻲ ﺭﺍﺣﺘﻠﻬﺎ ﺭﺍﻧﻴﺎ ﻳﺠﻮﺯ ﺗﻌﺘﺮﻑ ﺍﻱ ﺗﻌﺘﺮﻑ ﻭﻏﺼﺒﺎ ﻣﺎ ﻋﻠﻴﻬﺎﺍﺍ ﻭﺗﻄﻠﻊ ﺑﺮﺍﺋﺞ ﺍﻧﺼﺎﻑ ﺍﻟﻤﻜﺎﻥ ﺍﻋﺮﻓﻪ ﺍﺧﺬﺕ ﺍﻧﺼﺎﻑ ﻭﻣﺸﻴﻨﺎﺍﺍ
ﻭﺍﻧﻲ ﺍﺩﻟﻲ ﻭﺍﻓﻮﺭ ﻧﺎﺭ ﻭﺍﺗﻌﺎﺭﻙ ﻭﻳﺎﻩ ﺍﺣﺲ ﺍﻧﻲ ﺍﻟﻲ ﺍﻧﻤﺴﺖ ﻛﺮﺍﻣﺘﻬﺎ ﻣﻮ ﺍﻧﺼﺎﻑ ﻣﺘﺤﻤﻠﺖ ﻭﺧﺎﺻﻪ ﺍﻧﻲ ﺍﻛﺮﻫﻪ ﻫﻮ ﻭﺻﺪﻳﻘﻪ ﻭﺍﺭﻳﺪ ﺑﺮﺍﺋﺔ ﺍﻧﺼﺎﻑ ﺗﻄﻠﻊ ﺍﻟﻴﻮﻡ ﻗﺒﻞ ﺑﺎﺟﺮ
ﻭﻣﻦ ﻭﺻﻠﻨﺎ ﺍﻟﻬﺎ ﻭﻃﻠﻌﺖ ﻧﻔﺲ ﺍﻟﻤﺮﻩ ﺍﻟﻲ ﻭﺻﻔﺘﻬﺎ ﺍﻣﻲ ﺍﻟﻲ ﺍﻧﺼﺪﻣﺖ ﻭﺑﻘﻴﺖ ﻣﺼﺪﻭﻣﻪ ﻭﺍﻧﻲ ﺍﺷﻮﻓﻬﺎ ﺗﺤﺠﻲ ﻭﻻ ﻛﺎﻧﻤﺎ ﻫﻲ ﺳﺒﺐ ﺑﺨﺮﺍﺏ ﻋﻮﺍﺋﻞ ﻭﻧﺎﺱ ﺑﺲ ﻭﺍﻟﻠﻪ ﺷﻔﻲ ﻏﻠﻴﻠﻲ ﻫﺬﺍ ﻳﺎﻣﻦ ﺧﻮﺵ ﺍﺻﺮﻑ ﻭﻳﺎﻫﺎ
ﻭﻛﻤﺸﻬﺎ ﻣﻦ ﺍﺫﻧﻬﺎ ﺍﻟﺘﻮﺟﻌﻬﺎ ﻭﺧﻠﻬﺎ ﺗﻌﺘﺮﻑ ﻭﺍﺩﻭﺭ ﺍﺧﺬﻫﺎ ﻟﻠﺴﺠﻦ ﻃﻠﻊ ﺫﻛﻲ ﻭﺍﻧﻲ ﻣﺎﺩﺭﻱ
ﺑﻌﺪ ﻣﺎ ﻃﻠﻌﺖ ﺍﻟﺤﻘﻴﻘﻪ ﻛﺪﺍﻡ ﻳﺎﻣﻦ ﻗﺒﻞ ﻻ ﻳﻮﺻﻠﻨﻲ ﻛﻤﺶ ﺍﻳﺪﻱ ﻭﻛﺎﻝ
- ﺍﺳﻒ ﻭﺍﻟﻠﻪ ﺟﻨﺖ ﺍﺷﺎﻗﻰ ﻭﻭﻋﺪ ﻣﻨﻲ ﺍﺛﺒﺖ ﺑﺮﺍﺋﺘﻬﺎ ﻛﺪﺍﻡ ﻳﺎﻣﻦ
- ﻳﺎﻣﻦ ﺍﺫﺍ ﺗﺮﻳﺪﻧﻲ ﺍﺛﻖ ﺑﻴﻚ ﻭﺍﺗﻘﺒﻠﻚ ﻓﺮﺟﻊ ﺍﺑﺮﺍﻫﻴﻢ ﺍﻻﻣﻪ ﻻﻥ ﺗﺒﺠﻲ ﺍﻟﺤﺠﺮ ﺑﻔﺮﺍﻗﻪ
- ﺍﻥ ﺷﺎﺀ ﺍﻟﻠﻪ ﺑﻌﻴﻮﻧﻲ ﺑﺲ ﻗﺒﻞ ﻛﻠﺸﻲ ﺍﺭﻳﺪ ﺑﻮﺳﻪ
ﺑﺎﻭﻋﺘﻠﻪ ﺑﺨﺰﺭﻩ ﻭﻫﻤﺴﺖ ﺩﺍﻭﻱ ﺍﺩﻳﻚ ﻻ ﺗﻠﺘﻬﺐ ﻭﻋﻔﺘﻪ ﻭﻧﺰﻟﺖ ﻭﻫﻮ ﻳﻀﺤﻚ ﻭﻳﻜﻮﻝ ﺍﺧﺬﻫﺎ ﺍﺧﺬﻫﺎ ﻣﻮ ﻋﺒﺎﻟﺞ ﺍﻧﺴﺎﻫﺎ
ﻋﻔﺘﻪ ﻭﻣﺸﻴﺖ ﻭﺍﺿﺤﻚ ﻋﻠﻴﻪ ﻣﺮﺕ ﺍﻻﻳﺎﻡ ﻭﻳﺎﻣﻦ ﻳﺨﺎﺑﺮ ﻛﻞ ﻳﻮﻣﻴﻪ ﺻﺮﺕ ﺍﺭﺩ ﻋﻠﻴﻪ ﺑﺲ ﻣﺎ ﻛﺎﻋﺪ ﺍﺗﻘﺒﻠﻪ ﺍﺑﺪ ﻣﺎﻛﺪﺭ ﺍﺗﻘﺒﻠﻪ ﻛﻠﺒﺒﻲ ﻣﻠﻴﺎﻥ ﺑﺤﺐ ﺷﺨﺺ ﻭﺍﺣﺪ ﻭﺑﺲ
ﻧﺼﺮ ﺍﻟﺪﻳﻦ : ﺑﻌﺪ ﻛﻞ ﺷﻲ ﺻﺎﺭ ﺑﻌﺪ ﻣﺎ ﻣﺜﻨﻰ ﺍﺯﻭﺝ ﻭﺍﺳﺘﻘﺮ ﺑﺤﻴﺎﺗﻪ ﻣﻜﺪﺭﺕ ﺍﺑﻘﻪ ﻫﻴﺞ ﻣﺠﺘﻒ ﻭﻣﺎﺍﺧﻠﻴﻬﺎ ﺗﺤﺲ ﺑﻠﻮﺟﻊ ﺷﻮﻳﻪ
ﻭﺟﻊ ﻛﻠﺒﻲ ﺍﻟﻲ ﺣﺴﻴﺘﻪ ﻣﻦ ﻋﺮﻓﺖ ﻛﻠﺸﻲ ﺻﻌﺒﻪ ﺻﻌﺒﻪ ﻣﻦ ﺗﻌﺮﻑ ﻣﺮﺗﻚ ﻣﺴﻮﻳﺘﻠﻚ ﻋﻤﻞ ﺣﺘﻪ ﺗﺰﻭﺟﻬﺎ ﻭﺻﻌﺒﻪ ﻣﻦ ﺗﻌﺮﻑ ﻣﺘﻌﺎﻭﻧﻪ ﻭﻳﻪ ﺍﺧﺘﻬﺎ ﻋﻠﻴﻪ ﻛﻞ ﻫﺬﺍﺍﺍﺍﺍ ﻣﻜﺪﺭﺕ ﺍﺿﻞ ﺳﺎﻛﺖ ﻫﻴﺞ
ﻭﺍﺳﺘﺨﺪﻣﺖ ﺑﺮﻭﺩﻱ ﻭﻳﺎﻫﺎﺍ ﻃﻠﻜﺘﻬﺎ ﻣﺤﻜﻤﻪ ﻭﺧﻠﻴﺘﻬﺎ ﻣﻌﻠﻜﻪ ﻭﺍﺿﻤﻨﻬﺎ ﺍﻟﻲ ﺍﺿﻤﻨﻬﺎ ﺗﺠﻲ ﺗﺘﻮﺳﻞ ﺑﻴﻪ ﺍﻃﻠﻜﻬﺎﺍ ﻳﺎﻟﻪ ﺍﻃﻠﻜﻬﺎ
ﺍﺭﻳﺪﺍ ﺷﻮﻓﻬﺎ ﺫﻟﻴﻠﻪ ﺗﺘﻮﺳﻞ ﺑﻴﻪ ﺣﺘﻪ ﺍﺭﻳﺢ ﻛﻠﺒﻲ ﺍﺭﻳﺪ ﺍﺷﻮﻓﻬﺎ ﺗﺒﺠﻲ ﻣﺜﻞ ﻣﺎ ﺧﻠﺖ ﺍﺑﻨﻲ ﻳﺒﺠﻲ ﺩﻡ ﻋﻠﻴﻬﺎ ﻻﻥ ﻣﺘﻌﻠﻖ ﺑﻴﻬﺎ
ﻣﺜﻞ ﻣﺎ ﺧﻠﺖ ﺍﺑﻨﻲ ﻳﺘﻌﻮﺩ ﻋﻠﻴﻬﺎ ﻭﻋﺎﻓﺘﻪ ﻭﺭﺍﺣﺖ ﻣﺤﺪ ﻛﻠﻬﺎ ﺍﺳﻮﻱ ﻃﻔﻞ ﻭﺗﻌﺮﻑ ﺍﺫﺍ ﻋﺮﻓﺖ ﺑﺴﻮﺍﻟﻔﻬﺎ ﻣﺎﺍﺭﺣﻤﻬﺎ ﻟﻮ ﻻ ﺍﺑﺮﺍﻫﻴﻢ ﺟﺎﻥ ﺫﺑﺤﺘﻬﺎ ﻭﺧﻠﺼﺖ ﻣﻨﻬﺎ
ﺑﺲ ﻣﺎﻋﺮﻑ ﺍﻛﻮ ﺷﻲ ﺑﺪﺍﺧﻠﻲ ﻳﻤﻨﻌﻨﻲ ﻟﺤﺪ ﻣﺎ ﻓﻜﺮﺕ ﺍﺯﻭﺝ ﻋﻠﻤﻮﺩ ﺍﺑﺮﺍﻫﻴﻢ ﺑﻠﻜﺖ ﻳﺘﺤﺴﻦ ﺷﻮﻳﻪ ﺻﺎﻳﺮ ﻧﺤﺲ ﺣﻴﻞ ﻭﻣﺎ ﻳﺮﺗﺎﺡ ﺍﺫﺍ ﻣﺎ ﻳﺮﻭﺡ ﻟﺒﻴﺖ ﺳﻨﺪ ﻭﻻﺯﻡ ﻛﻞ ﺟﻤﻌﻪ ﺍﻭﺩﻱ ﻫﻨﺎﻙ
ﻟﻬﺬﺍ ﻗﺮﺭﺕ ﺍﺯﻭﺝ ﻭﺍﺟﻴﺐ ﺍﻡ ﺍﻻﺑﺮﺍﻫﻴﻢ ﺑﻤﻜﺎﻥ ﺍﻣﻪ ﺍﻟﻲ ﻋﺎﻓﺘﻪ ﻭﻫﻢ ﺍﻛﺴﺮ ﺧﺸﻤﻬﺎﺍ ﻭﺍﺧﻠﻴﻬﺎ ﺗﻌﺮﻑ ﻣﻨﻮ ﺍﻧﻲ ﻭﻣﺎ ﻭﺍﻛﻒ ﻋﻠﻴﻬﺎ ﺍﻛﺪﺭ ﺍﺯﻭﺝ ﻏﻴﺮﻫﺎ ﻭﺍﻋﻴﺶ ﺍﻟﻪ ﻫﻲ
ﺿﺎﻟﻪ ﻣﻌﻠﻜﻪ ﻻ ﻫﻲ ﻣﺮﺗﻲ ﻭﻻ ﻫﻲ ﻃﻠﻘﺘﻲ ﻭﻫﺬﺍ ﺍﻧﺘﺼﺎﺭ ﺑﻨﺴﺒﻪ ﺍﻟﻲ ﻟﺤﺪ ﻣﺎ ﺷﻔﺖ ﻭﺣﻪ ﺍﺭﻣﻠﻪ ﻭﻣﺎﻋﺪﻫﺎ ﺟﻬﺎﻝ ﻛﻠﺖ ﺍﻱ ﺗﻜﺪﺭ ﺗﺮﺑﻲ ﺍﺑﺮﺍﻫﻴﻢ
ﺍﺯﻭﺟﺘﻬﺎ ﺑﺲ ﺍﻟﻼﺳﻒ ﺻﺎﺭﺕ ﻋﺮﻛﻪ ﺑﻴﻨﻲ ﻭﺑﻴﻦ ﺳﻨﺪ ﺍﺧﻮﻱ ﻳﺘﻌﺎﺭﻙ ﻭﻳﺎﻱ ﻋﻠﻤﻮﺩ ﻫﺎﻱ ﺍﻟﻲ ﺳﺤﺮﺗﻨﻲ ﻟﻮ ﻣﺎ ﺍﻣﻲ ﺗﺘﺨﺮﺑﻂ ﺟﺎﻥ ﻋﻠﻤﺘﻬﺎ ﺷﺴﻮﻱ ﺑﻴﻬﺎ ﺑﺲ ﻛﺎﻋﺪ ﺍﻃﺒﺨﻬﺎ ﻉ ﻧﺎﺭ ﻫﺎﺩﺋﻪ ﻛﻠﺶ ﻳﺎﺍﻧﺼﺎﻑ
ﺍﺯﻭﺟﺖ ﺯﻳﻨﺐ ﺣﻠﻮﻩ ﻛﻠﺶ ﺑﺲ ﻣﺎﻋﺮﻑ ﻟﻴﺶ ﻣﻜﺪﺭﺕ ﺍﻭﺻﻞ ﺍﻟﻬﺎ ﺧﻠﻴﺘﻬﺎ ﺍﻻﺑﺮﺍﻫﻴﻢ ﻭﺑﺲ ﻭﻛﺘﻠﻬﺎ ﺍﺫﺍ ﺷﻔﺘﺞ ﺯﻳﻨﻪ ﻭﻳﻪ ﺍﺑﺮﺍﻫﻴﻢ ﻭﺍﺗﻌﻮﺩ ﻋﻠﻴﺞ ﻭﺍﺗﻘﺒﻠﺞ ﺳﺎﻋﺘﻬﺎ ﺍﺧﻠﻴﺞ ﻣﺮﺗﻲ ﻣﻦ ﺻﺪﻙ
ﺑﺲ ﺷﺒﺖ ﺑﻴﻪ ﺍﻟﻨﺎﺭ ﻣﻦ ﺩﺯﺗﻠﻲ ﺭﺳﺎﻟﺘﻬﺎ ﻭﻫﻲ ﺗﻄﻠﺐ ﻣﻨﻲ ﺍﻟﻄﻼﻙ ﻭﻛﺎﻧﻤﺎ ﺷﻲ ﻋﺎﺩﻱ ﻋﺪﻫﺎ ﺍﻧﻲ ﺍﺯﻭﺝ ﺣﺘﻪ ﻣﺎ ﻏﺎﺭﺕ ﻫﻬﻪ ﺗﺮﻳﺪ ﺗﺎﺧﺬ ﺣﺮﻳﺘﻬﺎ ﺍﻱ ﺑﺴﻴﻄﻪ ﺍﻧﺼﺎﻑ ﺧﺎﻧﻢ
ﻛﻤﺖ ﺍﺷﻮﻑ ﺯﻳﻨﺐ ﺍﺗﺤﺎﻭﻝ ﺑﻜﻞ ﺍﻟﻤﺴﺘﺤﻴﻼﺕ ﺣﺘﻪ ﺗﺮﺿﻴﻨﻲ ﺑﺲ ﺍﻧﻲ ﻛﺘﻠﻬﺎ ﺍﺫﺍ ﺗﺮﺩﻳﻨﻲ ﻻﺯﻡ ﺗﻜﺴﺒﻴﻦ ﺑﺮﺍﻫﻴﻢ ﺍﻭﻝ ﺑﺲ ﻣﺎﻛﺪﺭﺕ ﻻﻥ ﻛﻞ ﻣﺎ ﺯﺍﻳﺪ ﻭﻳﺘﻨﺤﺲ ﺍﻛﺜﺮ ﻭﺍﻛﺜﺮ ﻭﻳﺘﻌﻠﻖ ﺑﺒﻴﺖ ﺳﻨﺪ ﺍﻛﺜﺮ ﻟﺤﺪ ﻣﺎ
ﺑﻴﻮﻡ ﺍﻛﺘﺸﻔﺖ ﻋﻦ ﻃﺮﻳﻖ ﺍﺑﺮﺍﻫﻴﻢ ﻣﻦ ﺍﺧﺬﺗﻪ ﻣﻦ ﺑﻴﺖ ﺳﻨﺪ ﺟﺎﻥ ﻛﺎﻣ
ﺶ ﺳﻮﺍﺭ ﺑﻴﺪﻩ ﻣﻦ ﺍﻧﺘﺒﻬﺖ ﻋﻠﻴﻪ ﺷﺎﻳﻔﻪ ﻋﺪ ﺍﻧﺼﺎﻑ ﻭﺣﺘﻪ ﻣﻜﺘﻮﺏ ﺍﺳﻤﻬﺎ ﺑﻲ ﺍﺗﺨﺒﻠﺖ ﻭﻋﺮﻓﺖ ﻫﻲ ﺍﺷﻮﻓﻪ ﻫﻨﺎ ﺗﻌﺎﺭﻛﺖ ﻭﺻﻴﺤﺖ ﻭﺍﺧﺬﺕ ﺍﺑﻨﻲ ﻭﻃﻠﻌﺖ ﻭﺍﻧﻲ ﺍﻛﻮﻝ ﺍﺑﺮﺍﻫﻴﻢ ﻟﻴﺶ ﻣﺎﺩﺍﻳﻨﺴﺎﻫﺎ ﻃﻠﻌﺖ ﻛﺎﻋﺪﻩ ﺗﻠﺘﻘﻲ ﺑﻲ ﻛﻞ ﻫﻠﻔﺘﺮﺍ ﻭﺍﻟﻠﻪ ﺍﻟﻪ ﺍﺧﻠﻴﺞ ﺗﺤﻠﻤﻴﻦ ﺍﺷﻮﻓﻴﻦ ﺍﺿﻔﺮ ﻣﻦ ﺍﺿﻔﺮﻩ ﺍﻻﺑﺮﺍﻫﻴﻢ ﻭﻛﻮﻟﻲ ﻣﺎ ﻛﺎﻟﻬﺎ ﻧﺼﺮ ﻳﺎ ﺍﻧﺼﺎﻑ
ﺑﻴﻮﻡ ﺍﻟﻲ ﺍﺟﺎﻧﻲ ﺧﺒﺮ ﻭﻓﺎﺓ ﺭﺍﻧﻴﺎ ﺟﺎﻧﺖ ﺻﺪﻣﻪ ﻣﺎﻓﺮﺣﺖ ﻻﻥ ﻫﺎﻱ ﺷﻤﺎﺗﻪ ﺻﺢ ﺍﺫﺗﻨﻲ ﻫﻲ ﻭﺍﺧﺘﻬﺎ ﺑﺲ ﺍﻟﻠﻪ ﺍﺧﺬ ﺣﻘﻲ ﻣﻨﻬﺎ ﻭﺍﻟﻠﻪ ﻣﻮﺟﻮﺩ ﺑﻴﻮﻣﻬﺎ ﺟﺎﻥ ﻣﺜﻨﻰ ﻛﺎﻋﺪ ﻣﻦ ﻛﺎﻝ ﻫﻴﺞ ﻃﻔﺮﺕ ﺩﻣﻌﻪ ﻣﻨﻌﺪﻩ ﻛﺎﻡ ﺷﺒﻚ ﺑﻨﺎﺗﻪ
ﻭﺩﻣﻮﻋﻪ ﺑﻌﻴﻨﻪ ﻣﺴﺤﻬﻦ ﻭﻫﻤﺲ ﺍﻟﻠﻪ ﻳﺮﺣﻤﻬﺎﺍ ﻭﻳﻐﻔﺮ ﺍﻟﻠﻬﺎ ﻭﺍﺧﺬ ﺑﻨﺎﺗﻪ ﻭﻛﺎﻡ ﻭﻣﻦ ﻳﻮﻣﻬﺎ ﻭﻣﺜﻨﻰ ﺍﺗﺤﻮﻝ ﺍﻧﺴﺎﻥ ﺛﺎﻧﻲ ﻻ ﻳﻀﺤﻚ ﻭﻻ ﻳﺤﺠﻲ ﻭﻣﺮﺗﻪ ﺑﺒﻴﺖ ﺍﻫﻠﻬﺎ ﻫﻤﺰﻳﻦ ﺣﺘﻪ ﻣﺎﺗﺤﺲ ﺑﻲ ﺍﻋﺮﻑ ﺍﺧﻮﻱ ﺣﺒﻬﺎ ﺑﺲ ﻣﺎﻳﻜﺪﺭ ﻳﻜﻮﻝ ﻫﺬ ﺍﺍ ﻟﺸﻲ ﻻﻥ ﺍﺫﺗﻨﺎ ﻫﻮﺍﻱ ﺍﻟﻠﻪ ﻳﺮﺣﻤﻬﺎ
ﻛﻞ ﻣﺎ ﻳﻤﺮ ﻳﻮﻡ ﻳﺰﻳﺪ ﻛﺮﻫﻲ ﺍﻻﻧﺼﺎﻑ ﻭﺍﺗﺤﻠﻒ ﺑﻴﻬﺎ ﻻﻥ ﻣﻮ ﻧﺼﺮ ﺍﻟﺪﻳﻦ
ﻃﻔﻠﻪ ﺗﻠﻌﺐ ﺑﻌﻘﻠﻪ ﺑﺴﻴﻄﻪ ﺑﺴﻴﻄﻪ ﺍﺧﺬﺕ ﺯﻳﻨﺐ ﻭﺍﺑﺮﺍﻫﻴﻢ ﻭﻃﻠﻌﺖ ﻟﻠﺴﻠﻴﻤﺎﻧﻴﻪ ﺑﺪﻭﺭﻩ ﻣﺎﻝ ﻋﻤﻞ ﻭﻫﻢ ﺍﺑﻌﺪ ﺍﺑﺮﺍﻫﻴﻢ ﻋﻨﻬﺎ ﺑﻠﻜﺖ ﻳﻨﺴﺎﻫﺎ ﻭﺍﺧﻠﺺ
ﺑﻠﻜﺖ ﺍﺭﺗﺎﺡ ﻭﻳﻪ ﺯﻳﻨﺐ ﻫﻲ ﺣﺒﺎﺑﻪ ﺑﺲ ﻣﺎﻛﺪﺭ ﺍﺗﻘﺒﻠﻬﺎ ﻗﺒﻞ ﻻ ﻳﺘﻘﺒﻠﻬﺎ ﺍﺑﻨﻲ ﻭﻛﻞ ﻣﺎ ﻓﻲ ﺍﻟﻤﻮﺿﻮﻋﺎ ﺭﻳﺪ ﺍﻛﺴﺮ ﺧﺸﻤﻬﺎ ﺍﻟﻬﺎﻱ ﺍﻟﻤﻐﺮﻭﺭﻩ ﺍﻟﻄﻔﻠﻪ
ﻣﺮﺕ ﻛﻢ ﻳﻮﻡ ﻭﺍﻧﻲ ﺑﺴﻠﻴﻤﺎﻧﻴﻪ ﺣﺎﻭﻝ ﻳﺎﻣﻦ ﻫﻮﺍﻱ ﻳﻬﻠﻴﻨﻲ ﺍﺭﺟﻊ ﺑﺴﻤﺎﻗﺒﻠﺖ ﻻﻥ ﻣﺎﺭﻳﺪ ﺍﺳﻤﻊ ﻛﻠﻤﻪ ﻋﻨﻬﺎ
ﻋﺮﻓﺖ ﺍﻟﻤﻮﺿﻮﻉ ﻳﺨﺺ ﺍﻧﺼﺎﻑ ﻟﻬﺬﺍ ﻣﺎﺭﺟﻌﺖ ﻟﺒﻐﺪﺍﺩ ﻭﺍﺗﺼﺎﻻﺕ ﻳﺎﻣﻦ ﻛﻤﺖ ﻗﻠﻪ ﺍﺭﺩ ﻋﻠﻴﻬﺎ ﻭﺑﺲ ﻭﻛﺖ ﺍﻟﺸﻐﻞ ﻭﻏﻴﺮﻫﺎ ﻣﺎﺍﺭﺩ ﺍﺑﺪ ﻣﺎﺭﻳﺪ ﺍﺳﻤﻊ ﺣﺮﻑ ﻋﻨﻬﺎ
ﻫﻬﻪ ﻟﻬﺪﺭﺟﻪ ﻭﺻﻠﺖ ﻳﺎ ﺍﻧﺼﺎﻑ ﺣﺘﻪ ﻳﺎﻣﻦ ﺟﺮﻳﺘﻲ ﺑﺲ ﺍﻟﻼﺳﻒ ﺳﻔﺮﺗﻲ ﻫﺎﻱ ﺍﺫﺕ ﺍﺑﺮﺍﻫﻴﻢ ﺍﻛﺜﺮ ﺷﻲ ﺷﻜﺪ ﺣﺎﻭﻟﺖ ﺍﻧﻲ ﻭﺯﻳﻨﺐ ﺍﻧﺨﻠﻲ ﻳﺘﻌﻮﺩ ﻉ ﺍﻟﺠﻮ ﻭﻋﻠﻴﻬﺎ ﺑﺲ ﺟﺎﻥ ﻳﺮﻓﺾ ﻭﺑﺲ ﻳﺒﺠﻲ ﻭﻳﻀﺮﺏ ﺯﻳﻨﺐ ﻛﺎﻧﻤﺎ ﻳﻔﺘﻬﻢ
ﻟﺤﺪ ﻣﺎ ﺗﻤﺮﺽ ﻭﻭﻛﻊ ﺑﻠﻔﺮﺍﺵ ﻛﻤﺖ ﺍﺣﻴﺮ ﻭﻳﻦ ﺍﺧﺬﻩ ﻭﻣﺎﺧﻠﻴﺖ ﻣﻜﺎﻥ ﻭﺍﺣﺴﻦ ﺩﻛﺘﻮﺭ ﺍﺧﺪﺗﻪ ﺑﻠﺴﻠﻴﻤﺎﻧﻴﻪ ﻭﻫﻮ ﻧﻔﺲ ﺍﻟﺸﻲ ﻣﺎﻛﻮ ﺍﻱ ﻓﺎﺋﺪﻩ ﻣﺮﻳﺾ ﻭﺑﺲ ﻳﺒﺠﻲ ﻟﺤﺪ ﻣﺎ ﺑﻴﻮﻡ ﺧﺎﺑﺮﻧﻲ ﻳﺎﻣﻦ ﻭﺿﻞ ﻳﻠﺢ ﻟﺤﺪ ﻣﺎ ﺭﺩﻳﺖ
ﺍﻧﺼﺎﻑ : ﻣﺮﺕ ﺍﻻﻳﺎﻡ ﻭﺍﻧﻲ ﻣﻦ ﻣﺮﺿﻪ ﻟﻤﺮﺿﻪ ﻭﺍﻟﻔﺮﺍﺵ ﻣﺎﻋﻮﻓﻪ ﻭﺻﺎﺭ ﻣﺎﻋﺪﻱ ﻭﺍﻫﺲ ﺍﻻﻱ ﺷﻲ ﻟﺤﺪ ﻣﺎ ﻛﺎﻝ ﻋﻤﺎﺭ ﺭﺍﺡ ﺍﺧﺬ ﺁﻧﺎ ﺑﺴﻜﻮﺕ ﺑﺪﻭﻥ ﻻ ﻫﻮﺳﻪ ﻭ ﻻ ﺷﻲ ﻻﻥ ﺻﺎﻟﻠﻬﺎ ﻫﻮﺍﻱ ﻭﻓﺸﻠﻪ ﻣﻦ ﺍﻫﻠﻬﺎ ﻭﺍﻟﻨﺎﺱ ﺑﺪﺕ ﺗﺤﺠﻲ
ﻫﺰﻳﺖ ﺭﺍﺳﻲ ﺍﻟﻪ ﻭﻛﻤﺖ ﺷﻮﻳﻪ ﺍﻟﺘﻬﻴﺖ ﺑﺘﺤﻀﻴﺮﺍﺕ ﻋﻤﺎﺭ ﻭﻫﺬﺍ ﺍﻟﺸﻲ ﻣﺮ ﻉ ﻭﻓﺎﺓ ﺭﺍﻧﻴﺎ ﺷﻬﺮ ﺻﺢ ﺍﻟﻨﺎﺱ ﺣﺠﺖ ﺑﺲ ﻣﺎﻳﻜﺪﺭ ﺑﻌﺪ ﻳﻀﻞ ﺳﺎﻛﺖ ﻻﻥ ﺍﻫﻠﻬﺎ ﺑﺪﻭ ﻳﺤﺠﻮﻥ ﺻﺎﻟﻠﻬﺎ ﻫﻮﺍﻱ ﻫﻲ ﻣﺨﻄﻮﺑﻪ ﻭﻛﻞ ﻣﺎﻳﺮﻳﺪ ﻳﺎﺧﺬﻫﺎ ﻳﺼﻴﺮ ﺷﻲ ﻟﻬﺬﺍ ﻛﺎﻝ ﺍﺧﺬﻫﺎ ﺑﺴﻜﺘﻪ ﻭﺑﺪﻭﻥ ﻻ ﻫﻮﺳﻪ ﻭﻻ ﺷﻲ
ﻭﺻﺪﻙ ﺣﺘﻪ ﻛﺮﺍﻳﺒﻨﺎ ﻣﺎﺣﻈﺮﻭ ﺑﺲ ﺍﻧﻲ ﻭﺍﺻﺪﻗﺎﺀ ﻋﻤﺎﺭ ﻭﺣﺴﻦ ﻭﺧﺎﻟﻪ ﺍﻡ ﺣﺴﻦ ﺣﺘﻪ ﺟﻮﺭﻱ ﻣﺎﺍﺟﺖ ﻋﺮﻓﺘﻬﺎ ﻣﺘﻜﺪﺭ ﺍﻟﻠﻪ ﻳﺴﺎﻋﺪ ﻛﻠﺒﻬﻢ
ﻓﺮﺣﺖ ﻣﻦ ﻗﺮﺭ ﻋﻤﺎﺭ ﻳﺎﺧﺬ ﺁﻧﺎ ﻉ ﻻﻗﻞ ﻳﺠﻲ ﺍﻟﻲ ﺷﺨﺺ ﺑﻠﺒﻴﺖ ﻣﺎﺍﺑﻘﻪ ﻭﺣﻴﺪﻩ ﻻﻥ ﻣﻦ ﺻﺪﻙ ﺭﺍﺡ ﺍﺣﺲ ﺭﻭﺣﻲ ﺍﺗﺨﺒﻠﺖ
ﺣﺎﻇﻨﻪ ﺭﻭﺣﻲ ﻭﺍﺑﺠﻲ ﻭﺑﺲ ﺍﻫﻤﺲ ﺑﺎﺳﻢ ﺍﺑﺮﺍﻫﻴﻢ
ﻓﺮﺍﻛﻪ ﺍﺧﺬ ﻛﻞ ﺣﻴﻠﻲ ﻭﻋﺎﻳﺸﻪ ﻉ ﺍﻟﻤﻲ ﻭﻟﻔﺔ ﺍﻟﺼﺒﺢ ﺍﻛﻠﻬﺎ ﻏﺼﺐ ﻣﻦ ﻋﻤﺎﺭ ﻗﺒﻞ ﻻ ﻳﻄﻠﻊ ﻭﻟﻔﻪ ﺑﻠﻴﻠﻪ ﻫﻢ ﻉ ﺍﻟﻌﺸﻪ ﻭﻫﻢ ﺍﺫﺍ ﺍﺟﺖ ﺍﺻﻐﺮ ﻣﻦ ﺟﻒ ﺍﻳﺪﻱ
ﺑﻴﻮﻡ ﻋﺮﺱ ﻋﻤﺎﺭ ﺭﺣﻨﺎ ﺍﺧﺬﻧﺎﻫﺎ ﻭﺍﺟﻴﻨﺎ ﺟﺎﻧﺖ ﻻﺑﺴﻪ ﺑﺪﻟﻪ ﺑﻴﻀﻪ ﻭﻃﺎﻟﻌﻪ ﺗﺨﺒﻞ ﻫﻲ ﻻ ﻃﻮﻳﻠﻪ ﻭﻻﻛﺼﻴﺮﻩ ﻋﻴﻮﻧﻬﺎ ﻛﺒﺎﺭ ﻭﺑﻴﻬﻦ ﻟﻮﻥ ﻭﺟﺴﻤﻌﻬﺎ ﺣﻠﻮ
ﻳﻌﻨﻲ ﺟﻤﺎﻝ ﻭﺍﺧﻼﻕ ﻭﻋﻤﺎﺭ ﻳﺴﺘﺎﻫﻠﻬﺎ ﻏﻄﻴﺘﻬﺎ ﺑﻠﺒﺮﻧﺺ ﻣﺎﻟﺘﻬﺎ ﻭﺍﺧﺬﻫﺎ ﻋﻤﺎﺭ ﻭﻃﻠﻌﻨﺎ ﺩﺧﻠﻨﺎﻫﺎ ﻟﻠﺒﻴﺖ ﺑﺪﻭﻥ ﻻ ﻫﻮﺳﻪ ﻭﻻ ﺷﻲ ﺍﺣﺘﺮﺍﻣﺎ ﺍﻟﺮﺍﻧﻴﺎ
ﺑﺠﻴﺖ ﻣﻦ ﺷﻔﺖ ﺍﺧﻮﻱ ﺍﻟﺪﻣﻮﻉ ﺑﻌﻴﻨﻪ ﺩﻋﻴﺖ ﺍﻟﻠﻪ ﻳﺴﻌﺪﻩ ﻭﻳﻪ ﻫﻠﺒﻨﻴﻪ ﻭﻣﺎﻳﻀﻠﻤﻬﺎ ﺩﺧﻠﺖ ﻟﻐﺮﻓﺘﻲ ﻭﺍﻧﻲ ﺍﻓﻜﺮ ﻣﺸﺘﺎﻗﻪ ﺍﻻﺑﺮﺍﻫﻴﻢ ﻫﻮﺍﻱ
ﺻﺎﻟﻪ ﺷﻬﺮ ﺑﻠﺴﻠﻴﻤﺎﻧﻴﻪ ﻭﻣﺎﻋﺮﻑ ﻋﻨﻪ ﺷﻲ ﻣﺘﺤﻤﻠﺖ ﺩﺯﻳﺖ ﺭﺳﺎﻟﻪ ﺍﻟﻨﺼﺮ ﻭﺍﺩﻳﻪ ﺗﺮﺟﻒ
💬 ﻧﺼﺮ ﺍﺫﺍ ﻋﺪﻙ ﺿﻤﻴﺮ ﻭﻛﻠﺒﻚ ﺻﺪﻙ ﻳﺤﺒﻪ ﺍﻻﺑﺮﺍﻫﻴﻢ ﻣﻮ ﺍﻟﻲ ﻟﺨﺎﻃﺮ ﺍﺑﺮﺍﻫﻴﻢ ﺧﻠﻴﻨﻲ ﺍﺳﻤﻊ ﺻﻮﺗﻪ ﻓﺪﻭﻩ ﻭﺍﻟﻠﻪ ﻫﻮ ﻣﻤﺘﻌﻮﺩ ﻉ ﻓﺮﺍﻗﻲ ﺑﺲ ﺍﻃﻤﻦ ﻋﻠﻴﻪ ﻓﺪﻭﻩ
ﺩﺯﻳﺘﻬﺎ ﻭﺍﻧﻲ ﺍﺩﻳﻪ ﺗﺮﺟﻒ ﺍﺑﻨﻲ ﻧﻘﻄﺔ ﺿﻌﻔﻲ ﻭﻣﺎﻛﺪﺭ ﺑﺪﻭﻧﻪ ﺍﺑﺪ ﺷﻮﻳﻪ ﻭﺭﻥ ﺗﻠﻔﻮﻧﻲ ﻫﻮ ﺍﻱ ﻭﺍﻟﻠﻪ ﻫﻮ ﻫﻮ ﻣﺎﺻﺪﻛﺖ ﺍ ﺭﻳﺪﺍ ﻓﺘﺢ ﺧﻂ ﻣﺎﻋﺮﻑ ﺗﻴﻬﺖ ﻛﻠﺸﻲ ﻓﺘﺤﺘﻪ ﺭﺍﺳﺎ
ﻭﺣﻄﻴﺘﻪ ﻉ ﺍﺫﻧﻲ ﻭﺍﺟﺎﻧﻲ ﺻﻮﺗﻪ ﻳﺒﺠﻲ
ﻣﻤﺎﻣﺎ ﺍﻳﻨﺚ ( ﻭﻳﻨﺞ )
ﻳﻤﻪ ﻣﻦ ﺳﻤﻌﺖ ﺻﻮﺗﻪ ﺷﻠﻮﻥ ﺭﺍﻳﺢ ﻭﻳﺮﺟﻒ ﻳﺒﺠﻲ ﻫﻤﺴﺖ ﺍﺑﺠﻲ ﻳﺎﺭﻭﺡ ﺍﻣﻚ ﺍﻧﺖ ﻳﺎﺭﻭﺣﻲ ﻫﻨﺎ ﻣﻮﺟﻮﺩﻩ ﺍﺷﺘﺎﻗﻴﺘﻠﻲ ﻣﻮﻭ ﻫﺎﺍ ﺷﻮﻑ ﻫﺎﻱ ﺍﻧﻲ ﻣﺠﻮﺩﻩ ﺷﻠﻮﻧﻚ ﻫﺎﺍ ﻟﻴﺶ ﻫﻴﺞ
ﻗﺎﺳﻲ ﺭﺣﺖ ﻭﻣﺎ ﻓﻜﺮﺕ ﺑﻴﻪ ﻫﺎﺍﺍ ﻳﻼ ﻋﺎﺩﻱ ﻛﻮﻟﻲ ﺷﻠﻮﻧﻚ ﺍﻣﻤﻤﻢ ﺗﺮﻳﺪ ﺍﺳﻮﻟﻔﻠﻚ ﻗﺼﻪ ﻭﺍﻧﺖ ﺗﻨﺎﻡ ﻫﺎﺍ ﻣﺜﻞ ﻛﻞ ﻣﺮﻩ
ﻃﻮﻝ ﻣﺎ ﺍﻧﻲ ﺍﺣﺠﻲ ﻫﻮ ﻳﺸﻬﻚ ﻭﻳﺼﻴﺢ ﻣﺎﻣﺎ ﺑﺪﻳﺖ ﺍﺳﻮﻟﻒ ﺍﻟﻪ ﻗﺼﻪ ﻭﻫﻮ ﺟﺎﻥ ﻳﺴﻮﻟﻒ ﻭﻳﻀﺤﻚ ﺑﻌﺪﻫﺎ ﺻﺎﺭ ﺳﻜﻮﺕ ﻭ ﻫﺪﺉ ﻋﺮﻓﺘﻪ ﻧﺎﻡ ﺩﺍﺣﺠﻲ ﻭﺣﺴﻴﺖ ﺍﻟﺘﻠﻔﻮﻥ ﺳﻮﻩ ﻃﻮﻁ ﻃﻮﻁ ﻃﻮﻁ
ﺑﺎﻭﻋﺖ ﺳﺪﻩ ﻋﺎﺑﺖ ﺩﻭﻣﻚ ﺧﺸﻢ ﻋﺸﺘﻮﻭ ﻳﻼ ﺍﻫﻢ ﺷﻲ ﺳﻤﻌﺖ ﺻﻮﺗﻪ ﺍﻻﺑﺮﺍﻫﻴﻢ ﺣﺒﻴﺒﻲ
ﻛﻤﺖ ﻃﻠﻌﺖ ﻭﺻﺎﺭﺕ ﺁﻧﺎ ﻛﺒﺎﻟﻲ ﻭﻣﺒﻴﻦ ﺑﺎﺟﻴﻪ ﻋﻴﻮﻧﻬﺎ ﺣﻤﺮ ﺟﺮﻳﺘﻬﺎ ﻭﻛﻌﺪﺗﻬﺎ ﺷﺒﻴﺞ ﺣﺒﻴﺒﺘﻲ
- ﻣﺎﺑﻴﻪ ﺑﺲ ﺍﺷﺘﺎﻗﻴﺖ ﺍﻻﻫﻠﻲ
- ﻣﺘﺎﻛﺪﻩ
- ﺍﻱ ﻭﺍﻟﻠﻪ
- ﺷﻤﻜﻌﺪﺝ ﺑﻬﺬﺍ ﺍﻟﻮﻛﺖ ﺍﻟﺴﺎﻋﻪ ﺭﺍﺡ ﺍﺻﻴﺮ 3 ﺍﻟﻔﺠﺮ
- ﻫﺎﺍ ﻣﻮ ﻫﻮﻭ
ﺷﻔﺘﻬﺎ ﺩﻧﻜﺖ ﻋﻔﺘﻬﺎ ﺑﺮﺍﺣﺘﻬﺎ
- ﻛﻮﻣﻲ ﻛﻮﻣﻲ ﺍﻧﺘﻲ ﻋﺮﻭﺱ ﻛﻮﻣﻲ ﺍﺭﺗﺎﺣﻲ ﻭﺩﻳﺮﻱ ﺑﺎﻟﺞ ﻉ ﻋﻤﺎﺭ ﺗﺮﺍ ﻋﻤﺎﺭ ﺧﻮﺵ ﻋﻤﺎﺭ
ﻫﺰﺕ ﺭﺍﺳﻬﺎ ﻭﻛﺎﻣﺖ ﺩﺧﻠﺖ ﺣﺴﻴﺖ ﺑﺪﻭﺧﻪ ﺑﺲ ﺳﻴﻄﺮﺕ ﻉ ﻧﻔﺴﻲ
ﻭﺩﺧﻠﺖ ﻟﻠﻐﺮﻓﻪ ﺍﺗﻤﺪﺗﺖ ﻭﻏﻔﻴﺖ ﻭﺍﻧﻲ ﻣﺮﺗﺎﺣﻪ ﻻﻥ ﺳﻤﻌﺖ ﺻﻮﺗﻪ ﺍﻻﺑﻨﻲ ﺣﺒﻴﺒﻲ ﻭﺍﻧﻲ ﺍﺑﺘﺴﻢ ﻣﺎﺗﻜﺪﺭ ﻳﺎ ﻧﺼﺮ ﺍﻟﺪﻳﻦ ﻣﺎﺗﻜﺪﺭ ﺗﻬﺰ ﺷﻌﺮﻩ ﻣﻨﻲ ﺑﻌﺪ ﻻﻥ ﺍﻧﺼﺎﻑ ﺍﻟﻲ ﺗﺤﺒﻚ ﻣﺎﺗﺖ ﻭﺿﻠﺖ ﺍﻧﺼﺎﻑ ﺟﺪﻳﺪﻩ ﻣﺎﺗﻜﺪﺭ ﺗﻜﻤﺸﻬﺎ ﻣﻦ ﺍﻳﺪﻫﺎ ﺍﻟﺘﻮﺟﻌﻬﺎ ﻭﺭﺍﺡ ﺗﺮﺟﻊ ﺍﺑﻨﻬﺎ
شكرا لزيارتكم عالم روايات سكيرهوم
