رواية مشاعر مؤقتة الفصل الثامن والعشرون بقلم مجهول
جمانة : رجعني لبيتي عقيل احس اريد انام نعست
عقيل : لا ابوية اخذج لبيتنة اريد احضنچ وانام مشتاگ
الچ واريد املي عيوني بشوفتچ
جمانة : عقيل
عقيل : عيونة
جمانة : ماريد اخسر هذا الطفل اريد جزء منك
گدام عيني يكبر اريد احضنة من اشتاگلك
واسولف وياه من اضوج ومن افرح اريدة يشبهك
عقيل : ابوية خل انا اشبع من حضنچ حيري بية
بمچان محايرة بلجاهل
جمانة : تغار عقيلي
عقيل : طبعا چي راح ياخذ اهتمامچ كلة
جمانة : عقيلي اني مياخذ اهتمامي غيرك
اني احب هذا الطفل لان ابنك
عقيل : تلمست بطنهة اووف شكبر حظي جمارتي
يو صار عندي وليد منچ
جمانة : خليت ايدي على ايدة وگلتلة ان شاء الله
يعوض صبرك وصبري ويصير عدنة طفل
صغيرون يشبهك
عقيل : ليش ماتردي يشبهچ يصير حليو
وشخصية والبنات تركض وراه
جمانة : انت بس حاير بهاي السالفة
عقيل : چا شلون غير ابني يصير مثلي
يعذب گلوب البنات
جمانة : على كيفك كاسانوڤا
عقيل : ههههههههههه يخسى كاسانوڤا يوصلي
جمانة : وصلنة للبيت وهو نزل فتحلي باب السيارة
ونزلني من السيارة وضل ساندني لحد مطبينة
للبيت سد الباب وشالني اخذني للغرفة ونزلني
علچرباية اهتمامة ياخذ العقل متخيلت يصير
بحياتي بشر يحبني هلگد ويخاف علية
عقيل : يرويحتي من يوم تزوجتيني وانتي تتوجعين
كل هاذ اللي يصير وياچ بسببي
جمانة : لاحبيبي لتگول هيچ هذا قدر بعدين
وجودك وياية ينسيني كل وجع ممكن يمر بية
عقيل : يرويحتي والله لعوضچ عن كل اللي صار وياچ
جمانة : تقربت منة حضنتة وگلتلة حبيبي انت اجمل
عوض من الله اني ماريد غير وجودك وياية
عقيل : راح اطلع اجيب عشى نامي وارتاحي
جمانة : بستة بخدة وگلتلة اوك حبي
عقيل : اليوم جفاف ولج شني انا جاهل تحبيني بخدي
جمانة : وتايح اگعد نسيت الجاهل
عقيل : انا هم بطران يوم دورت جاهل انا اشفت
منچ بعدني
جمانة : طلع وهو يحجي ويلوم بروحة واني
متت ضحك
حطيت راسي علمخدة واحس بعد ماگدر اقاوم
النعاس غفيت حسيت علية حاضني
عقيل : گاعدة
جمانة : لانايمة
عقيل : هههههه چا شلون جاوبتيني
جمانة : انداريت علية وحضنتة حيل
وكاني اريد ادخل بضلوعة
عقيل : اعشگچ جمارتي
جمانة : واني اموت عليك عقيل
عقيل : گومي تعشي يروحي
جمانة : ماشتهي
عقيل : گومي ابني يريد ياكل جوعان
جمانة : ههههههههههه من هسة صرت تفضلة علية
عقيل : ابوية منو مفضلة بس راح يفطس الجاهل
جمانة : لا اسم الله هسة اگوم اكل
ثاني يوم رجعني عقيل لبيتي وگال اجي العصر
اخذچ للسادة باسني براسي وراح
واني رجعت للبيت لگيت امي وتغريد نايمات
رحت نزعت العباية والشال وتمددت
ضليت اتلمس بطني واقرى ايات
وادعي الله يحفظلي ابني
تغريد : ها شوكت جيتي
جمانة : قبل شوية
تغريد : شوكت يجي يخطبچ من امچ
انتي حامل لازم تستعجلون
جمانة : اليوم العصر يجي ياخذني للسادة
وباچر يجي يخطبني
تغريد : عندة تابعة
جمانة : شلون عرفتي
تغريد : مبين لان صار عندچ اسقاط اني هم
من شفتچ هلگد نزفتي شكيت اكو سبب
للاسقاط لان كمية الدم مو طبيعية مو مال وحدة
توهة ببداية الحمل
جمانة : مادري تغريد اريد بس الله يحفظلي
هذا الطفل ماريد اخسرة
تغريد : ان شاء الله تجيبي بلسلامة
جمانة : الله يسلمج ويسمع منچ يارب
مر اليوم طبيعي بس اني خايفة هواية علطفل
العصر اجة عقيل اخذني للسيد چان رجال شايب
ووجهة مريح شايل سبحة سألني عن اسمي
واسم عقيل وحچينالة المشكلة مالتنة قرالي بلعوچية
مالتة ونطاني مي اشربة وسوالي حجاب وگال
من تطبين بشهر الثالث تجين نسويلچ حزام تلبسي
على ضهرچ و وصاني على شغلات هواية مادخل
للحمام المغرب ماگعد وحدي اواضب علصلاة وقراية
القران گلتلة اني ملتزمة بلصلاة الحمد لله گلي
عفية بنيتي طلعنة منة واني احس ارتاحيت
كلش وحسيت بلامان لان كلامة چان مطمئن وهادئ
عقيل : ها يرويحتي بعدچ خايفة
جمانة : لاحبيبي ارتاحيت شوية
عقيل : نتعشى بمطعم وارجعچ
جمانة : خاف احد يشوفنة سوى
عقيل : وشني انا ناهبچ انتي حرمتي يولي
جمانة : بس الناس متدري
عقيل : ابوية اليمشي ورى حچي الناس يتعب
انتي حرمتي جدام الله وانا باچر اجي اخطبچ
واخلي الدنيا كلهة تعرف انتي لعقيل
جمانة : اريد عرس وبدلة
عقيل : يجرالچ يرويحتي وبعد
جمانة : اممممم ماعرف هاهية
عقيل : يعني ابنة راح يحضر العرس ويانة
جمانة : ههههههههه
عقيل : كون تدوم الضحكة وراعيهة
جمانة : يديمك ربي الية يحياتي
عقيل : اگول مو نطلع للبيت احسن
جمانة : والحمل
عقيل : ابوية مو نطوچ حجاب قابل طلابة
جمانة : هههههههه بكيفك حبي
عقيل : لا ابوية نروح نتعشى بلاول حتى يصير
بيچ حيل
جمانة : وتيح
عقيل : وتيح ومسودن وتلشي وتلاشي
جمانة : الهيبة الهيبة
عقيل : يمچ ميضل كلشي لا هيبة ولابطيخ
جمانة : احبك عقيلي
عقيل : اعشگچ جمارتي
حور : اسراء ليش امي نبعة تگلة لعقيل يجيب
حرمتة هنانة شني تريد تگهرني
اسراء : هي هم حرمتة ولازم اهلي يشوفونهة
ويتعرفون عليهة چا شلون
حور : انا ماريدن شوفتهة ميكفيهة خذت عقيل مني
اسراء : هو متزوجه‍ة گبلچ يعني انتي خذيتيه منهة
موش العكس بعدين انتي شلچ بهاي السوالف
هي بغير ديرة وان اجت هنانة چم يوم وترد
لبغداد وبعد لاتشوفينهة ولا تشوفنچ
حور : چا هي سوالف اسراء ولچ اخخ ياضيم
گلبي يگلي بوجهي انا عاشگهة وعاشگتني
ماگال شراح احسن يوم يحچي هيچ جدامي
اسراء : هاي السوالف كلهة ماتگدم ولا تأخر هي
حرمتة حالهة من حالچ انتي ردتيه ودگيتي
رجل وگلتي يو هو يو ماتزوج چا شني جد هسة
حور : ماجد بعدني اعشگنة واموتن عليه بس
ماريدن حرمة تشاركني بيه
