رواية قلبي ليس ملكك الفصل الثاني 2 بقلم فاطمه خالد


 رواية قلبي ليس ملكك الفصل الثاني 

رأت ليل الرسالة وتجاهلته وعملتله بلوك ونامت..
وفي صباح اليوم التالي..
_صباح الخير ي لولو
_صباح الفل ي حبيبتي
_إي مالك كدا النهارده في حاجة ولا اي
_إبني وحشني بس وبباه دايمًا في الشغل وانا متدايقة بسبب اللي حصلي دا ومحدش حاسس بيا
_انا معاكي أهو ي طنط ومش هسيبك غير لما تخفي وتقومي على رجلك وكمان جوز حضرتك ربنا يعينه فالشغل أكيد غصب عنه..بس هوا إبن حضرتك فين؟
_إبني ماسك شغل بباه برة وانا لسة مكلماه النهارده مكنتش معرفاه إني عملت حادثة ولا اي حاجه عشان ميتخضش قولت لما أفوق أحسن
_طب هوا هيوصل إمته؟
_بعد العصر إن شاءالله
_تمام.. يلا بقا ي لولو نفطر عشان تاخدي العلاج وأعملك التمارين عاوزاكي تتغذي كدا  شكلك من اللي بيعملوا دايت.. لالا انا مينفعش معايا الكلام ده
_ضحكت نوال..والله يبنتي مافيه غيرك مهون عليا من إمبارح
_ايوا إضحكي ي لولو محدش واخد منها حاجة
فطروا سويًا، وقامت ليل بتمارين لنوال، وجلسوا يتثامرون وبعدها صعدت نوال لغرفتها لتنام قبل أن يصل إبنها من السفر ، وخرجت ليل إلى الحديقة، وجلست على الأرجوحة لتقرأ قليلًا وكانت مندمجة في كتابها حتى شعرت بأحد بجانبها، فرفعت نظرها عن الكتاب لتجد شاب طويل وبشرته برونزيه وعيناه سوداء وشعره جميل أسود أستفاقت من شرودها عليه وهوا يقول...
_إنتي مين؟
_أنا ليل الممرضة
_ازاى بقا وانتي مش المفروض تكوني مع والدتي يعني ولا هيه فسحة؟؟
_حاولت ليل كظم غضبها وحاولت الإجابة بهدوء.. حضرتك مدام نوال نايمة ولسة سيباها حالًا وانا عارفة شغلي كويس مش محتاجة إن حضرتك تعرفهولي ..وإبتسمت له إبتسامة صفراء
_لم يرد عليها أدهم، ودخل البيت ليطمئن على والدته
_كائن سم.ج وبار.د بجد اي دا هيه الرجالة كلها كدا ولا اي
دخلت ليل المنزل وصعدت لترى نوال إن كانت بحتاجة لشئ
كانت ستدخل الغرفة ولكنها وقفت عندما سمعت أدهم يقول لأمِهِ..
_إنتو إزاى جايبينها دي دي قاعدة ومبرط عة في الجنينة مش المفروض تهتم بيكي؟!
_يبني هيه شايفة شغلها وزيادة وبتهتم بيا كويس جداً، وكفاية إنها مونساني والله بدال أبوك اللي مبشوفهوش باليومين عشان الشغل دا
_أعذريه متنسيش إنه ماسك الشركة هنا لوحده
_برضوا انا نفسيتي وحشة يعني بسبب الحادثة
_انا هبقى أتكلم معاه.. المهم ريحي انتي وكملي نومك
_ماشي ي حبيبي وإنت كمان خليهم يحضرولك الأكل وريح
_قبلها من رأسها..متشغليش بالك ي ست الكل ريحي انتي بس
كانت ليل ذهبت إلى غرفتها منذ وقت طويل لأنها حزنت بسبب كلام أدهم عنها..وخرج أدهم وإتجه إلى غرفته ليستريح من عناء السفر
(كان أدهم يعمل في فرع من فروع شركات عائلته في ألمانيا في مجال الاستيراد والتصدير وكان يرجع ليزور عائلته كل فترة وهو عنده ٢٨سنة)
وفي منتصف الليل..قامت ليل لتشرب ودخلت المطبخ ووجدته هو كذلك ولكنه يريد أنه يأكل وكان يبحث عن شئ يأكله..
_عاوزة إيه؟
_هشرب بس
_تمام
نظرت له ليل وهو يحاول أن يحضر له طعام ولكن(كان باين إنه بيعك وهيبوظ المطبخ)
_محتاج حاجة؟
_عاوز أعملي باستا بس مش عارف
_خلاص إبعد أعملهالك
_مش حابب أتعبك
_لا عادي أنا مش عارفه أنام أصلاً
تركها لتبدأ بتحضير الباستا..
_أنا آسف
_على إى
_على كلامي اللي قولتهولك الصبح انا بس كنت جاي مخضوض على ماما
_برضوا مكنش ينفع تكلمني كدا لولا والدتك انا كنت مشيت من هنا من ساعة ماوجهتلي الكلام دا
_خلاص يستي آسف دانتي حِمَقية أوي
_خلاص حصل خير انا بس مبحبش حد يزعقلي
_ياست آسف والله راسك ابوسها طيب
وكان سيقترب منها بمزاح لم يكن سيفعل ذلك حقًا ولكنها رفعت السكين التي كانت تقطع به الطماطم في وجهه..
_ولااااا.. بقولك اي..هتقرب والله في بطنك
_ضحك على ردة فعلها..ي مجنونة كنت بهزر أكيد مكنتش هقرب منك
_نظرت له بغيظ..ثم ضحكت معه
_إسمك إي انا أدهم وانتي
_عارفة مامتك كانت بتحكي عنك قبل ماتيجي..انا ليل
_إسمك جميل والله
_تسلم
إنتهت من تحضير الطعام له ثم صعدت لغرفتها لتنام..وهو إنتهى من الأكل وظل طوال الليل يفكر بها وتذكر الموقف الخاص بالسكين وضحك عليها ثم نام..
في اليوم التالي..
إستيقظت ليل وفعلت روتينها المعتاد ثم ذهبت لتهتم بنوال..
ولكن عندما نزلت إلى غرفة الطعام وجدت..



تعليقات